2020 Apr 3
එළිමහනේ හෝ ගෘහස්ථව සිදු කළත් ගෙවතු වගාව කියන්නේ ඔයාගේ හිතට වගේම ශරීරයටත් ඉතාම හොඳ දෙයක්. හොඳට පිපුණු මල් සහ ලස්සන කොළ පාට පරිසරය ඔයාගේ කාංසාව සන්සුන් කරවන්න වගේම සොබාදහමත් එක්ක සැහැල්ලුවෙන් සම්බන්ධ වෙන්න ඔයාට ලොකු උදවුවක් වේවි. ඉතින් ගෙදරට වෙලා අමාරුවෙන් ගත කරන මේ දවස් වලට නම් මේක හොඳ විනෝදාංශයක් වෙයි. හැබැයි වඩාත්ම වැදගත් දේ තමයි ගෙවතු වගාව ඔයාට වගකීම සහ ඉවසීම උගන්වනවා. ගෙවතු වගාවට ඕන කරන මේ ඉඟි සහ උපක්‍රම ඔයාට ගොඩක් වැදගත් වෙයි.
- මුලින් කුඩා සහ අඩු නඩත්තු පැළ තෝරා ගන්න
ප්‍රධානම දේ තමයි ඔයාගේ පැළය මැරෙන්න නොදී පරිස්සමින් නඩත්තු කරගන්න එක. පතොක්, කෝමාරිකා, සැන්සෙවීරියා (සර්ප ශාකය), ZZ පැළ , පීච් ලිලී සහ පොතෝස් (money plant) ගෙවතු වගාව පටන්ගන්න පැල කරන්න හොඳම ශාක කිහිපයක්.මොකද එයාලට පුළුවන් අඩු ජල තත්වයන් වලට වගේම අඩු ආලෝකයටත් හැඩගැහෙන්න.ඉතින් වැඩි අවධානයක් දෙන්න ඕනේ වෙන්නේ නැහැ වගේම ලේසියෙන් විනාශ වෙන්නෙත් නැහැ. ඒ වගේම නිවිති, තක්කාලි සහ මිරිස් වැනි එළවළු වර්ග වගේ කුස්සියට ඕනේ කරන දේවලුත් ලේසියෙන්ම වගා කරන්න ඔයාට පුළුවන්. කොහොම වුණත් ආරම්භයේදී පැළෑටි කිහිපයකින් විතරක් ආරම්භ කරන එක හොඳයි.මොකද එතකොට වතුර දාන්න කාලසටහන් සහ නඩත්තු කරන්න,සොයා බලන්න ඔයාට ගොඩක් මහන්සි වෙන්න ඕනේ නැහැ.
- හැමදෙයක්ම රදා පවතින්නේ ආලෝකය මත
ගෙවතු වගාව සම්බන්ධයෙන් පරිසරය තමයි ප්‍රධානම දෙය. ඔයාගේ වත්තේ ඇවිදලා බලලා ආලෝකය සහ ආර්ද්‍රතාවය ගැන හොයලා බලන්න. හිරු එලිය කියන්නේ ඔයාගේ කුඩා පැළෑටි වලට ආහාර ලබාගන්න අත්‍යවශ්‍යම සාධකයක්. ඉතින් ඔයාටත් නිරෝගී, සුන්දර පැළෑටි ඕනේ නම් පැළෑටි වලට අවශ්‍ය තරම් හිරු එලියක් ලැබෙනවද කියලා හොයල බලන්න. ගෙවතු වගාවට ගන්න ශාක වක්‍ර හිරු එළියට වගේම සෙවනට වැඩි කැමැත්තක් දක්වනවා සහ පතොක්,එළවළු සහ මල් පිපෙන ශාක බැල්කනියේ හෝ වත්තේ හිරු එලිය වැටෙන තැනක තියන්න වඩාත් සුදුසුයි. ඉතින් ඔය දන්නවනම් ඔය පැලකරන්න කැමති ශාකය මොකද්ද කියලා ඒ පැළෑටියේ හිරු එළියේ අවශ්‍යතාවය ගැනත් ටිකක් හොයලා බලන්න.
- නිවැරදි පෝච්චිය තෝරාගන්න
ගෙවතු වගාව ආරම්භ කරන්න ලේසිම ක්‍රමය ශාක තවානකින් පැලෑටි හෝ බීජ පැළ මිලදී ගන්න එක වෙන්න පුළුවන් හැබැයි ගෙදර අරන් ගියාට පස්සේ ඒවා මල් පොච්චියකට හරි සකස් කරගත්ත පොලවට හරි දාන්න වෙනවා. පලතුරු සහ එළවළු වල වියළි බීජත් ඔයාට ප්‍රරෝහණය කරන්න පුළුවන්. ඒකෙන් තිරසාර,මිල අඩු වගේම අදහගන්න බැරි තරම් තෘප්තියකුත් ඔයාට ලැබෙනවා. බීජ, තෙතමනය සහිත කපු හෝ රෙදි කැබැල්ලක් මත තබා ඒවා පැළ වන තුරු හිරු එළියෙන් ඈත් කරලා තියන්න. ඊටපස්සේ එක පැළයක් තරම් ලොකු වෙන්න ඒක භාජනයකට දාලා තියන්න. ඊට පස්සේ බීජ පැළ කරපු භාජනයට වඩා අඟල් 2-4 ක් ලොකු භාජනයකට පැලය දාන්න. එතකොට ඒ පැළයට මුල් අදින්න ඉඩ ලැබෙනවා. මූල කුණුවීම වැළැකවාගන්න සෑම විටම පතුලේ ජලය පිට කරන්න සිදුරු තියෙන භාජනයක් තෝරා ගන්න.
- පස සකස් කරගැනීම
ගෙවතු වගාවට ඕනේ කරන පස විදිහට තවානකින් ලබාගත් හෝ කොහුබත් සහ කාබනික කොම්පෝස්ට් සමඟ මිශ්‍ර කළ ගෙවතු පසක් භාවිතා කරන්න පුළුවන්. සැරින් සැරේ පස ලිහිල් කරන්න වගේම වාතනය කරන්නත් මතක තියාගන්න.(මුල් වලට හානියක් නොවෙන විදිහට) .ඒවා කෙලින්ම බිම සිටුවීමට හිතනවා නම් පස බුරුල් කරලා කාබනික පොහොර දාලා පස සකස් කරගන්න.ඔයාම හදාගත්ත කොම්පෝස්ට් හෝ කොහුබත් ඒ සදහා පාවිච්චි කරන්න පුළුවන්.
- අවශ්‍ය වෙලාවට පමණක් වතුර දමන්න
ඔයාගේ ඇඟිල්ලෙන් පොඩි පරීක්ෂණයක් කරලා බලන්න ඔයාට පුළුවන්. ඔයාගේ දබර ඇඟිල්ලේ පළවෙනි පුරුක වෙනකන් පසට ඔබලා බලන්න.පලවෙනි අඟලේ ඉදන් අගල් එකාහාමාරක් වෙනකන් පස වියළි නම් වතුර දමන්න. කොළ තෙත් වුණාම කොළ වලට දිලීර එන්න ඉඩ තියෙන නිසා හැමවිටම මුල් වලට වතුර දමන්න. කොළ වල අග දුබුරු පැහැයක් නම් ඒ පැළයට වතුර වැටිලා තියෙනවා මදි. දිනපතා වතුර දාන්නත් අමතක කරන්න එපා.
- ඔයාගේ පැළය ගැන දැනගන්න
ඔයාගේ පැළයට ඇහුන්කන් දෙන්න. ඒවා හොඳට නිරීක්ෂණය කරන්න, ඔයාගේ පැළයත් එක්ක කථාකරන්න. පැළයේ එදිනෙදා ස්වභාවය වගේම ජලය,පොහොර, කාලසටහනත් සටහන් කරගන්න. එකෙන් පැළයේ අවශ්‍යතාවයන් අදුරගන්න වගේම පැළය සතුටින් තියන්නත් උදවුවක් වේවි. ඔයාගේ පැළෑටිය පරිස්සමෙන් වගේම ආදරෙන් රැකබලාගන්න. සතුටු,සෞඛ්‍ය සම්පන්න බැඳීමක වගේම පැළයට වැඩෙන්න කාලය වගේම ඉඩ ලබාදෙන්න.
