2020 Apr 2
අපි දන්නවා හැමෝටම ගෙදරට වෙලා ඉදලා ඇතිවෙලා ඉන්නේ කියලා. ඉතින් ඔන්න අද අපි අරන් ආවා ලේසියෙන්ම ගෙදරදි හදාගන්න පුළුවන් කෑම වර්ග කිහිපයක්. වෙනසකටත් එක්ක හදලම බලන්නකෝ ඔයාලා අනිවාර්යයෙන් කැමති වෙයි මේ කෑම වර්ග වලට.
1. Flatbread
අවශ්‍ය ද්‍රව්‍ය
යෝගට් 125g
බේකින් පව්ඩර් මේස හැඳි 1 1/2
පාන් පිටි කප් 1 1/2
පියවර
මේ සියල්ල එකට අනාගෙන පොඩි බෝලයක් හදල විනාඩි 10ක් පිරිසිදු තෙත රෙද්දකින් හෝ ලන්ච් ශීට් එකකින් වහල තියන්න. ඊට පස්සෙ කොටස් 4කට කඩලා රොටියක් විදියට තුනී කරගෙන රත්වෙච්ච තැටියක දාල පුළුස්ස ගන්න. ඕනම කරියක් එක්ක වගේම හදිසි බඩගින්නට බටර් ටිකක් ගාගෙන උනත් කන්න පුළුවන්.
2.Glazed Chicken
අවශ්‍ය ද්‍රව්‍ය
ඇපල් යුශ කප් 2
චිකන් කෑලි 4 ( කුකුලු මස් කකුල් වඩා හොඳයි )
ගම්මිරිස් සහ ලුණු
පියවර
භාජනයකට ඇපල් යුශ ටික දාගෙන එය රත් වෙන්න ලිපෙන් තියන්න. මස් වලට ලුණු ගම්මිරිස් අතගාගෙන ඒ ටික ඇපල් යුශ එකටම දමන්න. ඉතාම අඩු ගින්දරේ මස් ටික විනාඩි 15ක් පමණ තැම්බෙන්න හරින්න. විටින් විට හැඳි ගාමින් මස් කෑලි ටික පෙරලන්නත් අමතක කරන්න එපා.
ඇපල් යුශ ටික හිඳුනාට පස්සෙ ලිප නිවාගන්න.
3. Shortbread butter cookies
අවශ්‍ය ද්‍රව්‍ය
කුඩු කරගත් සීනි කප් 1\2
බටර් ග්‍රෑම් 225
පිටි කප් 2
පියවර
සෙල්සියස් 350ට උඳුන රත් වෙන්න තියන්න. ඒ අතරේ සීනි ටිකයි බටර් ටිකයි ක්‍රීම් එකක් වෙනකම් හොඳින් මිශ්‍ර කරගන්න. (බීටරයක් හෝ බ්ලෙන්ඩරයක් පාවිච්චි කරන්න පුළුවන්)
ඒකට පිටි ටික ටික කලවම් කරගෙන මෘදු පිටි බෝලයක් වෙනකම් හොඳින් අනාගන්න.
පිටි තවරගත්ත ලෑල්ලක් මත අඟල් 1\4ක ඝනකමට තුනී කරන් කැමති හැඩයකට කපාගන්න.
තැටියට තෙල් කඩදාසියක් දාගෙන ඒ උඩින් හදාගත්ත කුකීස් ටික තියන් විනාඩි 20ක් 25ක් බේක් කරගන්න. උඳුන් වල රස්නය වෙනස් වෙන්න පුළුවන් නිසා රන්වන් පාට වෙන කොටම මතක ඇතුව උඳුනෙන් ඉවත් කරන්න.
4. Japanese cotton cake
අවශ්‍ය ද්‍රව්‍ය
බිත්තර 6
කපාගත් සුදු චොකලට් කප් 1 1\2
ක්‍රීම් චීස් කප් 1 1\4 (හැපී කව් ක්‍රීම් චීස් ගන්න පුළුවන්)
පියවර
බිත්තර සුදු මද කහ මද වෙන් කරගන්න. උණු වතුර භාජනයක් මත තබා ගත්ත බෝල් එකකට චොක්ලට් ටික දාලා චොක්ලට් ටික දිය කරගන්න (Double boil) එයටම ක්‍රීම් චීස් ටික එක් කර හොඳින් මිශ්‍ර කරගන්න. නිවෙන්නට හැර බිත්තර කහ මද එක් කර නැවත මිශ්‍ර කරගන්න. බිත්තර සුදු මද ටික පෙන නැගී හිම මෙන් වනතුරු හොඳින් බීට් කරගන්න. චොකලට් මිශ්‍රණයට බිත්තර සුදු මද මිශ්‍රණය ටික ටික හෙමින් හැන්දකින් පෙරලමින් මිශ්‍ර කරගන්න.
හොඳින් බටර් ගා තෙල් කඩදාසි අතුරාගත් අඟල් 8ක විශ්කම්බය ඇති රවුම් තැටියකට මෙම මිශ්‍රණය දමාගන්න. වෙනත් තැටියකට උණුවතුර දමාගෙන එය මත කේක් තැටිය තබා සෙල්සියස් 180ට කලින් රත්කරගත් උඳුනක තබා විනාඩි 40ක් 45ක් බේක් කරගන්න. උඳුන නිවා දැමූ පසු තවත් විනාඩි 15ක් උදුනේම තියෙන්නට හැර එලියට අරගන්න.
5. Chocolate Ice Cream
අවශ්‍ය ද්‍රව්‍ය
මිල්ක්මේඩ් කප් 1
විපින් ක්‍රීම් කප් 2
චොකලට් සෝස් කප් 1\2
පියවර
මුලින්ම විපින් ක්‍රීම් ටික හොඳින් ඝන වන තුරු බීට් කරගන්න. ඒකට මිල්ක්මේඩ් සහ චොකලට් සෝස් ටික කලවම් කරගන්න. අවම වශයෙන් පැය 4ක් අධි ශීතකරණයේ තබා ගන්න.
