හතර වටෙන් හැමදාම වගේ උදේ ඔයා ඇහැරෙනකොට ඇතිවෙන ව්‍යාකූල තත්ත්වය මගහැරගන්නේ කොහොමද?

හැමදාම වගේ උදේ ඔයා ඇහැරෙනකොට ඇතිවෙන ව්‍යාකූල තත්ත්වය මගහැරගන්නේ කොහොමද?

2020 Apr 1

හැම කෙනෙක්ම බලාපොරොත්තු වෙන්නේ සාමකාමී උදෑසනක්. ඇත්තටම මේ ව්‍යාකූල තත්ත්වය ඇතිවෙන එක අපිටම නවත්තගන්න පුළුවන්. අපිට පුළුවන් හැම උදෑසනක්ම නැවුම් විදිහට පටන් ගන්න.

  • කලින් දවසේ රෑ අපිට පුළුවන් අනිත් දවසට අවශ්‍ය දේවල් ලැහැස්ති කරලා තියන්න. ඒ වගේම ඊළග දවසේ කරන්න තියන වැඩ plan කරන්න පුළුවන්. උදේට අපිට පිළිවෙලට වැඩ කරගන්න ඒ දෙයින් ලේසි වෙනවා. ඔයාගේ සැමියා රැකියාවක් කරන කෙනෙක් නම් දරැවන් පාසල් යනවනම් කලින් දවසේ රෑ ඇදුම් පැලදුම් සූදානම් කරලා තියන එක උදේට ලේසි. ඒ වගේම රැකියාවට යන්න කලින් කෑම හදන්න වෙනවා. එකට කලින් දවසේ අවශ්‍ය දේවල් සූදානම් කරලා තිබ්බනම් උදේට උයන්නත් පහසු වෙනවා.

 

 

  • රෑට නිදියන්න කලින් නිවස පිරිසිදු කරන්න. අපිරිසිදු කුස්සිය, හැඩිවුණු කාමර නිසා උදේම අපේ ඔලුව අවුල් වෙන්න පුළුවන්. ගෙදර පොඩි දරුවෝ ඉන්නවනම් එයාලා හැඩිකරන එක සාමාන්‍ය දෙයක්. දරුවන් හවුල් කරගන ඒ දේවල් අස් කරලා පිරිසිදු කරන්න අපිට පුළුවන්. උදේට අපිට ගොඩක් ලේසි වෙනවා මේ විදියට කලින් දවසේ හැමදේම පිරිසිදු කරලා තිබුණහම.

 

 

  • උදාහරණයක් වශයෙන් උදේ 5ට නැගිටිනවනම් alarm එක තියන්න විනාඩි 10වත් කලින්. එතකොට පුළුවන් නිදහසේ නැගිටින්න. පරක්කු වෙනවා කියාලා පීඩනයෙන් අවදිවෙලා කලබලයෙන් වැඩ කරන්න අවශ්‍ය වෙන්නේ නැහැ.

 

 

  • උදෑසන ආහාර වේල ඉතාම වැදගත්. නිදහසේ වාඩිවෙලා හොද පෝෂ්‍යදායි ආහාර වේලක් ගන්න වගබලා ගන්න. ඒ ආහාර වේල තමා දවස පටන්ගන්නකොට අපිව ප්‍රබෝධමත්ව ශක්තිමත්ව තියන්නේ.

ඔයාට තේරෙනවනම්, දැනෙනවනම් ඔයා ඉන්නේ ලොකු පීඩනයකින් කියලා ඔයා කැමති ඔයාව සන්සුන් කරන හොද සංගීතයකට සවන්දෙන්න. මනස නිදහස් කරගන නිරවුල් කරගන දවස පටන්ගන්න මේ දේ ඔයාට උපකාරී වේවි.

 

 

අපිට පුළුවන් අපි කැමති දෙයක් පුරුද්දක් වශයෙන් හැමදාම උදේට කරන්න. උදාහරණයක් වශයෙන් ව්‍යායාම කරන්න පුළුවන්. භාවනා කරන්න පුළුවන්. කැමති පොතක් කියවන්න පුළුවන්. නිදහසේ කෝපි කොප්පයක රසවිදින ගමන් පත්තරයක් කියවන්න පුළුවන්. මේ
වගේ අපි කැමති දෙයක් කරලා හිත සැහැල්ලු කරගන දවස පටන් ගන්න පුළුවන්.

 

මේ පුංචි උපක්‍රම වලින් පුළුවන් උදෑසන අපිට ඇතිවෙන්න පුළුවන් ව්‍යාකූල තත්වයන් මගහැරගෙන දවස උද්යෝගිමත්ව ආරම්භ කරන්න.

LEAVE A REPLY

Please enter your comment!
Please enter your name here