උසින් අඩු යුවතියන්ට ගැළපෙන විලාසිතා

2020 Mar 31

ලංකාවේ කෙල්ලො එච්චර උස අය නෙවේනේ. වැඩිම වුණොත් අඩි 5යි අඟල් 3 හෝ 4 අය තමයි බහුලව ඉන්නේ. ඉදලා හිටලා උසින් වැඩි අයත් ඉන්නවා. කොහොම වුණත් අඟල් 5ට අඩු යුවතියන් ගැන තමයි අද අපි කතා කරන්නේ. මෙයාලා හඳුන්වන්නේ සාමාන්‍යයෙන් කොට කෙල්ලො කියලා. මේ නිසා ඒ අයට හැම විලාසිතාවක්ම ගැළපෙන්නේ නැහැ. ඒ නිසා ඇඳුමක් තෝරනකොට මිටි බව ඉස්මතු වෙන්නේ නැතිවෙන්න ඇඳුම් තෝරාගන්න උත්සහ කරන්න .ඉතින් මිට ඔයාට ගැළපෙන විලාසිතාවක් තෝරගන්නේ කොහොමද කියලා අද අපි බලමු .

V කර සහිත ඇඳුම්

රවුම් කරවල් තිබෙන ඇදුම් මගින් ඔයාව මිටි කරලා තමයි පෙනන්නේ. ඒ නිසා රවුම් කරවල් තිබෙන ඇඳුම් වෙනුවට V කර සහිත ඇඳුම් අඳින්න වගේම මිලදී ගන්න මතක තියාගන්න. V කර සහිත ඇඳුම් වලින් ඔයාව උස් කරලා තමයි පෙන්වන්නේ.

High waist style

ඉණ පපුවට පහළින්ම පෙනෙන විලාසිතා තෝරාගැනීම මගින් ඔයාගේ කකුල් දිග බව පෙන්නන් පුළුවන් . denim skirt වගේ මිලදී ගන්නකොට High wrist style එකෙන් ම මිලදී අරගන්න.

තනි වර්ණයේ ඇඳුම්

තනි වර්ණයෙන් යුතු ඇඳුම් ඇඳීම මගින් ඔයාගේ උස වැඩි කරලා පෙන්නන්න හැකියාව තිබෙනවා. සම්පූර්ණම තනි ඇඳුමම තනි වර්ණයෙන් අඳිනවානම් වඩාත් හොඳයි .

විශාල ප්‍රින්ට් සහිත ඇඳුම් එපා

විශාල මොස්තර තිබෙන ඇදුම් අඳීම මගින ඔයාත තවත් කුඩා කරලා තමයි පේන්නේ. ඒ නිසා ලොකු මල් , ලොකු ඉරි කොටු සහිත ඇඳුම් අඳින්න එපා. ඔයාව තවත් මිටිකරලා තමයි විශාල මොස්තර සහිත ඇඳුම් වලින් පෙනෙන්නේ.

කොණ්ඩය ඉහළට කර බඳින්න

මිටි අයට උස පෙනෙන්න ගැළපෙනම විලාසිතාව තමයි කොණ්ඩය ඉහළට කරලා බඳින එක. කොණ්ඩය බෙල්ල ගාවින් බඳින එක ගැළපෙන්නේ නැහැ. හැකි සෑම විටම හිසකෙසි ඉහළට කර බඳින විලාසිතාව උත්සහ කරන්න . එහෙම නැතින්ම කොණ්ඩය ලිහිලිව තබාගන්න.

සිරස් ඉරි සහිත ඇඳුම්

ඇඳුමක් තෝරාගන්නකොට තිරස් අතට ඉරි තිබෙන ඇඳුම් තෝරාගන්න එපා. මොකද එවැනි ඇඳුම් වලින් ඔයාව මිටි කරලා තමයි පේන්නේ. ඒ නිසා ඇඳුම් මිලදී ගන්නකොට සිරස් අතට ඉරි තිබෙන ඇඳුම්ම මිලදී ගන්න මතක තියාගන්න.

අඩි උස සපත්තු

ඔයා පාවහන් මිලදී ගන්නවනම් තරමක් හෝ හීල් එකක් තිබෙන පාවහන් මිලදී ගන්න . නැතිනම් විළුඹ තෙක් ආවරණය වුණු සපත්තුවක් පැලඳීම මගින් ඔයාගෙ කකුල් වල පෙනුම දිගුකර පෙන්වන්න හැකියාව තිබෙනවා.