2020 Apr 9
COVID-19 ලංකාව තුළ හිස එසවීමත් එක්කම ශ්‍රී ලාංකික ව්‍යවසායකයින් බොහෝ දෙනෙකුට ගැටළු ඇතිවුනා. තමන්ගේ ව්‍යාපාර ක්‍රමවත්ව පවත්වාගැනීමට නොහැකි වීමත්, නිෂ්පාදන නිසි පරිදි අළෙවි කිරීමට නොලැබීම නිසා ඇතිවුන ගැටළුත් ඇතුළුව බොහෝ අකරතැබ්බයන්වලට මුහුණදෙන්න ඔවුන්ට සිදුවුනා. මේ කතාවත් ඒ වගේ කෙනෙක් ගැන. නමුත් මේක ටිකක් වෙනස් කතාවක්. මේ කතාව සුනිල් ගැන. සුනිල් කියන්නේ දඹුල්ලෙන් කිලෝමීටර් 30ක් විතර උතුරු දෙසට යද්දී හමුවන තිබ්බටුවැව කියන ගමේ ජීවත් වුන වයස අවුරුදු 56ක ගොවි මහතෙක්. අක්කර 0.75ක් වුනු තමන්ගේ ඉඩමේ වගාකළ එළවළු සහ පලතුරු විකිණීමෙන් ලැබෙන ආදායමෙන් සුනිල් තමන්ගේ පවුලේ පස්දෙනෙක් පෝෂණය කළා. නමුත් පසුගිය සති කිහිපය තුළ කොරෝනා වෛරසය ලංකාවේ හිස එසවීමත් සමග සුනිල් වගේ ගොවි මහතුන්ට සහ සුළු පරිමාණ ව්‍යවසායකයින්ට අත්වුණ ඉරණම ගැන ඔහු හිටියේ දැඩි කණස්සල්ලකින්.
රජය රටපුරා ක්‍රියාත්මක වන ඇඳිරි නීතියක් ප්‍රකාශයට පත්කළා වගේම කොළඹ සහ ගම්පහ දිස්ත්‍රික්ක වල මේ ඇඳිරි නීතිය අඛණ්ඩව ක්‍රියාත්මක කරන්නත් තීරණය කලේ ඒවා අධි අවදානම් කලාප ලෙස නම් කරමින්. සුනිල් වගේ සුළු පරිමාණ නිෂ්පාදකයින් මේ නිසා දැඩි අර්බුධයකට මුහුණපාන බව සුනිල්ට වැටහුනා. ඔවුන්ගේ නිෂ්පාදන වැඩි වශයෙන් මිළදී ගත්තේ මේ දිස්ත්‍රික්ක වලින් පැමිණි වෙළෙන්ඳන් බව ඔහු දැනගෙන හිටියා.
මේ විදිහේ ගැටළුවකට ඔවුන් මුහුණදෙන පළමු අවස්ථාව මෙය නොවෙයි. 2019 වසරේ ඇතිවුණු පාස්කුදින බෝම්බ ප්‍රහාරය හේතුවෙන් රටේ ඇතිවූ අර්බුධකාරී තත්වය වගේම ඊට පෙර රටේ උද්ගත වුනු දේශපාලනික අස්ථාවරවීම් වලදීත් මේ තත්වයටම මුහුණ පාන්නට ඔවුන්ට සිදුව තිබුනා. දඹුල්ල ඇතුළු දිවයිනේ පළාත් කිහිපයකම ඇඳිරි නීතිය ඉවත් කරන්න රජය තීරණය කිරීමත් එක්කම සුනිල් ඇතුළු ඒ ප්‍රදේශයේ ඉන්න නිෂ්පාදකයින්ට යම් සහනදායී සිතිවිල්ලක් ඇති වුනා. ඇඳිරි නීතිය ඉවත් කළ සැනින් කොළඹ සහ තදාසන්න නගර වැසියන් තමන්ට අත්‍යවශ්‍ය ද්‍රව්‍ය එක්රැස් කරගැනීම කරන බව ඔවුන් දැනගෙන හිටියා. ඒ නිසා ඔවුන් දඹුල්ල ආර්ථික මධ්‍යස්ථානයට තමන්ගේ නිෂ්පාදන අරගෙන ආවේ අලුත් බලාපොරොත්තුවක් සමගිනුයි. නමුත් දිවයිනේ අනිකුත් දිස්ත්‍රික්ක වලට ඉවත් කළ ඇඳිරි නීතිය කොළඹ සහ ගම්පහ දිස්ත්‍රික්ක වලට දිගටම ක්‍රියාත්මක වුනා. ඒ නිසා ඒ නගර වලින් වෙළඳුන්ට දඹුල්ල ආර්ථික මධ්‍යස්ථානයට යන්න හැකියාවක් තිබුනේ නැහැ. තමන්ගේ අස්වැන්න විකුණා ගැනීමට නොහැකි වුනු සුනිල් ඇතුළු නිෂ්පාදකයින්, බලාපොරොත්තු බිඳ වැටුණු සිතින් වගේම හිස්වූ පසුම්බියෙන් ආපසු ගෙදර ගියා. නැවත දවසක කොළඹ, ගම්පහ දිස්ත්‍රික්ක වලට ඇඳිරි නීතිය ඉවත් කළ පසු වෙළෙන්දන් දඹුල්ලට ගියත් එදින ඔවුන් එන බවක් සුනිල් සහ අනිකුත් නිෂ්පාදකයින් දැනගෙන හිටියේ නැහැ. ඒ ගැන නිසි සන්නිවේදනයක් සිදුවෙලා තිබුනෙත් නැහැ. එනිසාම කොළඹින් ගිය වෙළෙන්දන්ටත් කිසිවක් මිළදීගත නොහැකිව හිස් අතින් ආපසු එන්න සිදුවුනා.
මේ කතා දෙක අතර කිසියම් හිඩැසක් හඳුනාගත හැකියි. ගොවියන්ට තමන්ගේ ගැනුම්කරුවන් සමග නිසි සන්නිවේදනයක් කරගැනීමට මාර්ගයක් තිබුනේ නැහැ. මේ ගැටළුවට විසඳුමක් සොයාගන්නත් නිෂ්පාදකයාට හෝ ගැණුම්කරුවන්ට හැකියාවක් ලැබුනෙත් නැහැ. ගොවියන් අතරමැදි වෙළෙන්දන් වගේම පාරිභෝගිකයින් මගිනුත් යම් සූරාකෑමකට ලක්වෙන්නත් හේතුව මේ ක්‍රමවත් වැඩපිළිවෙලක් නොමැති වීම බව පැහැදිළියි.
විශේෂයෙන් සිංහල හින්දු අලුත් අවුරුද්ද සහ පොංගල් උත්සවය වැනි උත්සව වලදී ගොවීන් සහ ගොවිතැන උත්කර්ෂවත් අන්දමින් සැමරීම සිදුවනවා. නමුත්, මේ කලින් සඳහන් කළ නිෂ්පාදකයා සූරාකෑමේ ගැටලුව එලෙසින්ම පවතින්න හේතුව වන්නේ නිසි සන්නිවේදන ක්‍රමවේදයක් හෝ තොරතුරු ලබාගැනීමේ වැඩපිළිවෙලක් නොමැති වීම හේතුවෙන්.
දඹුල්ලේ ඇඳිරි නීතිය ඉවත් කළ දිනයේ ගොවීන් තමන්ගේ නිෂ්පාදන මෙට්‍රික් ටොන් 400ක් සමගින් දඹුල්ල ආර්ථික මධ්‍යස්ථානයට එනවා. නමුත් ඔවුන් ආපසු නිවෙස් බලා යන්නේ විකුණාගත නොහැකිවුණු තමන්ගේ නිෂ්පාදන වගේම ඉතිරි වුනු කණස්සල්ල සහ කළකිරීමත් සමගින්. පසුදිනක ගැණුම්කරුවන් දඹුල්ලට පැමිණියත් එදින නිෂ්පාදන අළෙවි කිරීමට නිෂ්පාදකයන් නොපැමිණි නිසා ඔවුන්ට හිස් අතින් ආපසු පැමිණීමට සිදුවුනා වගේම ගොවීන්ට තමන්ගේ නිෂ්පාදන අපතේ හැරීමට සිදුවුනා. මේ ගැටලුවට මුලිකම හේතුව වුනේ දිවයින පුරා ඇඳිරි නීතිය කාණ්ඩ වශයෙන් පැනවීම පිලිබඳ නිසි තොරතුරු නොලැබීමත්, නිසි සම්බන්ධීකරණයක් නොමැති වීමත් බව පැහැදිළියි.
මේ සිදුවීම මේ වතාවේ පමණක් සිදුවූවක් නොවෙයි. වසර ගණනාවක් තිස්සේ මේ චක්‍රය සිදුවනවා. විශේෂයෙන්ම මේ නිසි සන්නිවේදනයක් නොමැති වීම නිසා ගොවීන් අසරණ වෙනවා වගේම අතරමැදි වෙළෙන්දන්ට ගොවින් වගේම පාරිභෝගිකයනුත් සූරාකෑමට පහසුවක් වනවා. අවසානයේ ගොවීන් සහ පාරිභෝකයින් කියන දෙකොටසටම යම් අසාධාරණයක් සිදුවන බවත් පෙනෙන්නට තිබෙන කාරණයක්. විශේෂයෙන්ම භාණ්ඩ මිළ තීරණය වන්නේ අතරමැදි වෙළෙන්දන්ට අවශ්‍ය පරිදි වීම බරපතල ගැටළුවක්. නමුත් සිදුවිය යුත්තේ ඉල්ලුම සහ සැපයුමට අනුව මිළ තීරණය වීමයි.
මේ ගැටළුවට විසඳුමක් ලෙස, ඒ කියන්නෙ අන්තර් සන්නිවේදන පහසුකම් සැපයීමක් ලෙස Govipola ඩිජිටල් අවකාශය හඳුන්වා දී තිබෙනවා. පසුගිය වසරේ හඳුන්වා දුන් මේ සංකල්පය වෙබ් අඩවියක් සහ App එකක් මගින් ක්‍රියාත්මක වනවා. ශ්‍රී ලංකාවේ පළමු ඩිජිටල් කෘෂිකාර්මික වෙළඳපොළ ලෙස Govipola හඳුන්වා දිය හැකියි. ගොවීන්ට සහ ගැණුම්කරුවන්ට වෙළඳපොළ තොරතුරු හුවමාරු කරගැනීමට, සන්නිවේදනය කරගැනීමට මෙන්ම විනිවිදභාවයකින් යුතුව ගණුදෙනු සිදුකිරීමටත් මේ ඩිජිටල් අවකාශය හරහා අවස්ථාව උදා කෙරෙනවා. අපි මුලින් සඳහන් කළ කතානායකයා සුනිල් වැනි නිෂ්පාදකයින්ට තමන්ගේ නිෂ්පාදන මොනවාද, සම්බන්ධ කරගත හැකි දුරකථන අංක ආදිය මොනවාද සහ අනිකුත් අදාළ තොරතුරු සියල්ලමත් මේ අවකාශයේ සඳහන් කිරීමෙන් ඔහු ගැණුම්කරුවන්ට සෘජුව සම්බන්ධ වනවා වගේම සුනිල් වැනි නිෂ්පාදකයින්ගේ තොරතුරු govipola වෙබ් අඩවියෙන් හෝ App එක මගින් පරික්ෂා කොට ඔවුන්ගේ ගොවිපොලෙන්ම අදාල නිෂ්පාදන මිළදී ගැනීමට ගැනුම්කරුවන්ටත් හැකියාව ලැබෙනවා.
Govipola ඩිජිටල් අවකාශය නිසා සුනිල්ට තවදුරටත් ඔහුගේ නිෂ්පාදන දඹුල්ල ආර්ථික මධ්‍යස්ථානයට රැගෙන යාමට හෝ ඒවා ගබඩා කිරීම, සුරක්ෂිතව ප්‍රවාහණය කිරීම, නිසි මිළක් වෙනුවෙන් ගැණුම්කරුවන් සමග මෙන්ම අනිකුත් නිෂ්පාදකයින් සමගත් තරගයක නියැලීම ආදී කිසිදු කරදරකාරී වෑයමකින් තොරව එක බොත්තමක් එබීමෙන් පමණක් තම නිෂ්පාදන ලංකාව පුරා සිටින ඒවා අත්‍යවශ්‍ය වන පාරිභෝගොකයින් වෙත යැවීමට අවස්ථාව සැලසෙනවා. Govipola ඩිජිටල් අවකාශය ගෙනෙන විසඳුම් වෙන කවරදාටත් වඩා වැදගත් වන්නේ මෙවැනි මොහොතකයි. දඹුල්ල ආර්ථික මධ්‍යස්ථානයට නිෂ්පාදන රැගෙන එන ගොවීන් අසරණ වීමත්, නිෂ්පාදන අතිරික්තයක් ඇතිවීමත්, රටපුරා සිටින සුපිරි වෙළඳසැල් හරහා නිෂ්පාදන මිලදීගත් පාරිභෝගිකයින් නිෂ්පාදන නොමැති වීම හේතුවෙන් අසීරුතාවකට පත්වීමත් වැලැක්වීමට Govipola ට හැකියාව තිබෙනවා. සුනිල් වැනි සුළුපරිමාණ ගොවීන් මෙවන් අසීරු තත්වයන් හමුවේ අසරණ නොකිරීමටත්, පාරිභෝගිකයින්ට ගුණාත්මක නිෂ්පාදන සාධාරණ මිළකට ලබාදීමටත් ගොවිපොළ වැනි නිර්මාණාත්මක අවකාශයන් භාවිතා කළ යුතුමයි.
ඔබගේ ඵලදාවට හොඳම මිළ…
Download the Govipola App NOW
Google Play : bit.ly/Govipola
Apple Store : https://apple.co/2w4VN8p
