2020 Apr 8
2019 දී Miss England කිරුළ දිනාගත් Bhasha Mukherjee කොරෝනා වසංගතය මධ්‍යයේ වෛද්‍යවරියක ලෙස සිය වෘත්තියේ නැවත නියැලීමට එක්සත් රාජධානියට පැමිණ තිබෙනවා.
Bhasha Mukherjee 2019 දෙසැම්බරයේ පැවති ලෝක රූ රැජින තරඟයට සහභාගී වීමෙන් පසු ඇය වෛද්‍ය වෘත්තීයයෙන් විවේකයක් ලබා ගත්තා.
පුණ්‍යායතන කිහිපයක තානාපතිවරියක වීමට ආරාධනා ලැබුණු ඇය මේ වසරේ අගෝස්තු දක්වා සිය වෙදනලාව එල්ලාගන මානුෂීය කටයුතු කෙරෙහි අවධානය යොමු කිරීමට සැලසුම් කර තිබෙනවා.
“මට අප්‍රිකාවට, තුර්කියට, පසුව ඉන්දියාවට, පාකිස්තානයට සහ තවත් ආසියානු රටවල් කිහිපයකට විවිධ පුණ්‍ය කටයුතු සඳහා තානාපතිවරියක් ලෙස කටයුතු කිරීමට ආරාධනා ලැබුණා” යැයි ඇය මාධ්‍යට වෙත පවසා තිබෙනවා.
සංවර්ධන හා ප්‍රජා පුණ්‍යායතනයක් වන කොවෙන්ට්‍රි මර්සියා ලයන්ස් ක්ලබ් හී තානාපතිනිය වූ ඇය මාර්තු මස මුල සිට සති හතරක් ඉන්දියාවේ සිට ඇත. ලිපි ද්‍රව්‍ය පරිත්‍යාග කරමින් ඔවුන් පාසල්වලට ගිය අතර අනාතවූ ගැහැණු ළමයින් සඳහා නිවසක් ගොඩනැගීමට ද මුදල් ද ලබා දී තිබෙනවා.
නමුත් එක්සත් රාජධානියේ covid – 19 වෛරස තත්ත්වය වඩාත් නරක අතට හැරෙද්දී, Mukherjeeට ඇය කලින් රැකියාවේ නිරත වුණු රෝහල වන නැගෙනහිර එංගලන්තයේ බොස්ටන්හි පිල්ග්‍රිම් රෝහලේ හිටපු සගයන්ගෙන් තත්වය කොතරම් දුෂ්කරද යන්න පණිවුඩ ලැබී තිබෙනවා.
ඉන්පසු ඇය රෝහලේ කළමණාකරන කණ්ඩායම අමතා ඇයට නැවත රැකියාවට යාමට අවශ්‍ය බව දැනුම් දී තිබෙනවා.
ඇය විසින් ” මේ වගේ අවස්ථාවක Miss England crown එක පැළදගන සිටින එක වැරදී
“මට නැවත නිවසට පැමිණීමට අවශ්‍ය විය. මට අවශ්‍ය වූයේ කෙලින්ම වැඩට යාමටය.”
“මුළු ලෝකයම සියළුම ප්‍රධාන සේවකයින් සමරන ආකාරය ඇදහිය නොහැකි තරම්ය. මට අවශ්‍ය වූයේ ඔවුන්ගෙන් එක් අයෙකු වීමටයි. මට උදව් කළ හැකි බව මම දැන සිටියෙමි,” යැයි මාධ්‍යට පවසා තිබෙනවා.
ඒ නිසා Mukherjee බදාදා කොල්කටාහි බ්‍රිතාන්‍ය මහ කොමසාරිස් කාර්යාලය සමඟ වැඩ කිරීමෙන් පසු නැවත එක්සත් රාජධානියට පැමිණියේ ඉන්දියාවේ සිට ෆ්‍රෑන්ක්ෆර්ට් දක්වා ගුවන් යානයක් සොයා ගැනීමට සහ පසුව ලන්ඩනයට යාමටයි.
“මට Miss England වීමටත්, අවශ්‍ය අවස්ථාවලදී එංගලන්තයට උදව් කිරීමටත් මීට වඩා හොඳ කාලයක් නැත,” යැයි ඇය පවසා තිබෙනවා. Pilgrim රෝහලේ වෛද්‍යවරියක් ලෙස නැවත සේවයට පැමිණෙන තෙක් Mukherjee සතියක සිට සති 2ක් දක්වා ස්වයං හුදකලා වේ.
