2020 Apr 10
COVID-19 වසංගතය නිසා දැන් සෑහෙන දවසක් අපි හැමෝම ගෙදරට වෙලා හිරවෙලා ඉන්නේ . අපි දන්නවා හැමෝටම එපා වෙලා කම්මැලි කමේ ඉන්නේ කියලා . කොච්චර අමාරු වුණත් මේ වාතාවරණය සමතයකට පත්වෙනකන් අපිට ඉවසීමෙන් ඉන්න සිද්දවෙනවා.
ඔයා ගෙදරට වෙලා ඉන්නකොට මොනවද කරන්නේ කියලා කල්පනා කරනවා ඇති. ගොඩක් දෙනෙක් ගෙදර ඉදන් රැකියා ස්ථානයේ වැඩ කරනවා ඇති. නැත්නම් තවම ඉගනගන්න අය ගෙදර ඉදන් online lecture sessions වලට සහභාගී වෙනවා ඇති. මේ මොනවා කළත් කම්මැලිකමයි ගෙදරටම වෙලා හිරවෙලා ඉන්න එකයි නිසා එපා වෙලා ඉන්නේ කියාලා අපි දන්නවා. COVID-19 නිරෝධායනය අතරතුර නිවසේදී කළ හැකි විවේකී ක්රියාකාරකම් කිහිපයක් ඔන්න අද ගැස්ම ඔයාලා වෙනුවෙන්ම අරන් ආවා.
Color or doodle
සමමිතික මන්ඩලා රටාවක් හෝ වර්ණ ගැන්වීමේ පොතක් අරන් පාට කරන්න පුළුවන් . එහෙම නැත්තම් ඔයාටම මන්ඩලා අඳින්න පුරුදු වෙන්න පුළුවන් . සංකීර්ණ ජ්යාමිතික රටාවන් පාට කරන එක කාංසාව අඩු කිරීමට උපකාරී වෙනවා කියලා තමයි අධ්යන වලින් ඔප්පු වෙලා තියෙන්නේ . ඒක හරියට භාවනාවක් වගේලු .මේ දේට යොමු වුණොත් ඔයාට ඔයාගේ හිත සන්සුන් කරගන්න වගේම ඔයාට අලුතින් විනොදාංශයක් පටන් ගන්න හැකියාව තියෙනවා .
Go for a walk
ඇවිදින එක ඇත්තටම ශරීරයට හොඳ දෙයක් . මානසික වගේම සෞඛ්ය ප්රතිලාභ ගොඩක් ලැබෙනවා අපිට මේ අවිදීම මගින් .අධ්යයනවලින් හෙළි වෙලා තිබෙන්නේ වේගවත් ඇවිදීමකින් ඔබ වඩාත් නිර්මාණශීලී වෙනවා කියලා . නමුත් අපි මේ මුහුණ දීලා තිබෙන තත්ත්වයත් එක්ක අපිට අපේ ගෙදර වටපිටවේ තමයි ඇවිදින්න හැකියාව තිබෙන්නේ. 2016 දී කරන ලද අධ්යයනයකින් හෙළි වෙලා තිබෙන්නේ ඔබ ගෘහස්ථව ඇවිද ගියත් ඇවිදීම ඔබට සතුටක් ගෙන දෙන බවත් කම්මැලිකම සහ භීතිය අඩු කර ගත හැකි බවයි. ඉතින් කාමරයටම වෙලා ඉන්නේ නැතිව ගේ ඇතුලත වගේම ගෙවත්තෙ ඇවිදලා මනස නිදහස් කරගන් ඔයාට පුළුවන් .
Sleep
මායෝ සායනයට අනුව, ඔබට නින්ද අහිමි වූ විට ඔබේ ශරීරයට බෝවන රෝග සමඟ සටන් කිරීමට හැකියාව අවම වෙනවාලු . ඒ නිසා පැය හතේ සිට අට දක්වා නින්දක් ලබා ගැනීමට උත්සාහ කරන්න. නින්ද අහිමි වුවහොත් මිනිසුන්ට වෙනත් ආකාරයේ වෛරස් (ඉන්ෆ්ලුවෙන්සා සහ රයිනෝවෛරස් වැනි) ආසාදනය වීමේ අවදානම ඇතිවෙනවා කියලා අධ්යයනවලින් හෙළි වෙලා තිබෙනවා.
ඒ වගේම ඕනෑවට වඩා නිදාගැනීම මානසික අවපීඩනයේ රෝග ලක්ෂණයක් විය හැකි බව මතක තබා ගන්න.
Do yoga
යෝගා කිරීම ගැන සලකා බලන්න ඔයාට හැකියාව තිබෙනවා . එය ශාරීරික ක්රියාකාරකම් ලෙස පමණක් නොව, යෝගා මගින් ඔබේ මනෝභාවය, මානසික ආතතිය හා කාංසාව අඩු කර ඔබගේ ආත්ම අභිමානය ඉහළ නැංවිය හැකි බව අධ්යයනවලින් හෙළි වෙලා තිබෙනවා.
Chat with friends and Family
ඔබගේ මිතුරන් හා පවුලේ අය සමඟ කතා කරන්න. ඔයා නිවසින් පිට ඉන්නවනම් video call හරහා කතාබස් කරන්න. ඔයා සමාජමය වශයෙන් දුරස්ව සිටින නිසා ඔයාට ගෙදර අය එක්ක යාළුවෝ එක්ක කතා කරන්න බැරිකමක් නැහැනේ . මොකද තාක්ෂණය ගොඩක් දියුණුයි දැන්. ඒ නිසා ඒ අය සමග ගොඩක් වෙලාවට කතාබහ කරන්න . සමාජ සහයෝගය මඟින් ඔබට ආතතියට ඔරොත්තු දෙන්න හැකියාව ලැබෙනවා කියාලා පර්යේෂණයන් මගින් පෙන්වා දී තිබෙනවා.
Listen to (or play) music
සංගීතය කාංසාව සහ වේදනාව අඩු කරන අතරම මිනිසුන්ගේ මනෝභාවයන් ශක්තිමත් කරන බව අධ්යනයන්ගෙන් සොයාගන තිබෙනවා. සංගීතය කියන්නේ දිව්යමය භාෂාවක්. අපිට පුළුවන් ගෙදර ඉන්න මේ කාලයේ හොඳ සංගීතයකට ඇහුම්කන් දෙන්න. නැත්තම් ඔබ ගායනයට වාදනයට දක්ෂනම් ගායනා කරන්න. වාදනය කරන්න. විවිධ රටවල විවිධ සංස්කෘතිවලට අදාලා සංගීතයන්ට ඇහුම්කන් දෙන්න . ඒක ඔබට අලුත් අත්දැකීමක් වෙයි.
ඔයා ගෙදරට වෙලා ඉන්න මේ ටිකේ මේ ක්රියාකාරකම් වලාට යොමුවෙලා බලන්නකො. ඔයාට ලොකු මානසික, ශාරීරික සහනයක් දැනෙයි.