2021 Jul 16
ටැටූ කලාව මේ වෙනකොට කා අතරත් ජනප්‍රිය කලාවක්. ටැටූ කියන කලාව එසේ මෙසේ කලාවක් නෙවෙයි. මෙම පච්ච කලාව ඉතාමත් පැරණි අතීතයකට දිවයනවා. මායාවරුන්ගේ ශිෂඨාරයටත් පෙර සිටම තමන්ගේ ශරීරය අලංකාර කරගන්න, තමන්ගේ තත්ත්වය පෙන්වන්න, තමන්ගේ rank එක පෙන්වන්න ටැටූ යොදාගන තිබෙනවා. ලෝකයේ මේ වෙනකොට ගැහැණු පිරිම් බේදයක් නැතිව ටැටූ සිරුරේ කොටාගන්නවා. ඒ වගේම ගැහැණු පිරිමි බේදයක් නැතුව මේ කලාවේ නියැලෙන බොහෝමයක් සිටිනවා. කියන්නට තියෙන සුබ කාරණය තමයි ලංකාව තුළත් ටැටූ කලාව සාමාන්‍ය දෙයක් බවට පත්වෙලා තිබෙන එක. ඒ වගේම ඉතාමත් දක්ෂ කාන්තා සහ පිරිමි tattoo artistලා පිරිසක් ලංකාවේ බිහිවෙලා තිබෙනවා.
ඔයා ටැටූ එකක් ගහන්න හිතාගන ඉන්නවානම් මූලික වශයෙන් දැනගත යුතු දේවල් තිබෙනවා. ඒ අතරින් අද අපි කතා කරන්නේ ටැටූ එකක් ගැහුවට පස්සේ භාවිතා කරන Aftercare ගැන. ගොඩක් වෙලාවට අත්දැකීම අඩු හෝ නිවැරදි මගපෙන්වීමක්, නිසි දැනුමක් නැති tattoo artisලා ටැටූ ආර්ට් එකක් කලාට පස්සේ aftercare එකක් විදියට වැස්ලින් (Vaseline), පියුසිඩින් (Fucidin), සොප්රමයිසින්(Soframycin), සහ සෙප්ටෙක්ස්(septex)වැනි ආලේපන භාවිතා කරන්න නියම කරනවා. ඇත්තටම මෙම ආලේපන aftercare එකක් විදියට භාවිතා කරන්න සුදුසු ආලේපන නෙවෙයි. හේතුව,
වැස්ලින් වල අඩංගු වන්නේ පෙට්‍රෝලීයම් ජෙල්. මේ ජෙල් එකේ අඩංගුවෙලා තිබෙන බැක්ටීරියා නිසා ඔයාගේ ටැටූ එක පැසවන්න හැකියාව තිබෙනවා. නොදැනුවත්ව වැස්ලින් ආලේප කිරීම නිසා ටැටූ වලට ගැටළු ඇතිවුණ අවස්ථා බොහොමයක් තිබෙනවා.
ෆාමසි වලින් මිලදී ගන්න පියුසිඩින්, සොප්රමයිසින්, සහ සෙප්ටෙක්ස් වැනි ආලේපන තිබෙන්නේ තුවාල වැනි සමෙහි ඇතිවෙන තුවාල, ආසාදනයන් සදහා පමණයි. මෙය ටැටූ සදහා භාවිතය කොහෙත්ම සුදුසු නැහැ. ටැටූ එකක් කියන්නේ තුවාලයක් නෙවෙයි. ඒ නිසා මෙම ආලේපන භාවිතා කර ඔයාගේ ලස්සන ටැටූ එක විනාශ කරගන්න එපා. මෙම ආලේපන භාවිතා කිරීමෙන් සිදුවෙන්නේ ඔයාගේ ටැටූ එක heal වෙන්නත් කලින් එකෙ තිබෙන පාට අඩු වෙන එක විතරයි. ටැටූ එකක් heal වෙන්න ටැටූ එකට හොඳට හුළං වදින්න අවශ්‍යයි. ඉතින් මෙවැනි නිශ්පාදනයන් aftercare එකක් විදියට භාවිතා කරන්න කියලා කරණාකර අනිත් අයට වැරදි උපදෙස් දෙන්න එපා.
Tattoo වලට ඒ සඳහාම නිශ්පාදනය කර ඇති aftercare ඕනෑ තරම් තිබෙනවා. මේ පහතින් දක්වා තිබෙන්නේ ටැටූ සඳහාම නිශ්පාදනය කර ඇති ආලේප වර්ග කිහිපයක්.
මෙම ටැටූ ආලේපන වර්ග දවසකට දෙවරක් හෝ තුන්වරක් බැගින් දින 7-10 අතර කාලයක් ලෙස භාවිතා කළ යුතුයි. ඒ වගේම මතක තියාගත යුතු තවත් කාරණයක් තමයි මෙම ආලේපනය තුනී ලේයර් එකක් ලෙස භාවිතා කළ යුතුයි. ටැටූ එක කරපු දවසේ ඉදන්ම මේ aftercare එක භාවිතා කරන්න පටන් ගන්න අවශ්‍යයි. අදාළ කාලය තුළ ටැටූ එක heal වෙන ආකාරය ඔයාටම දැකගන්න හැකියාව ලැබෙනවා. ඒ වගේම තව විශේෂ දෙයක් තමයි ඔයාගේ ටැටු එක heal වෙන්න පටන් ගත්තහම ටැටූ එක හමයන්න ගන්නවා. අන්න ඒ අවස්ථාවේදී ගොඩක් දෙනෙක් කරන වැරදි වැඩක් තමයි හම බලෙන් ඉවත් කරන්න හදන එක. එතකොට වෙන්නේ ටැටූ එක heal වෙලා නැති නිසා ටැටූ එක තුවාලවෙන්න ගන්නවා. ඒ වගේම ink එකත් ගැළවිලා එනවා. මේ නිසා ටැටූ එක heal වෙන කාලය ඇතුළත එය ස්භාවිකවම heal වෙලා හැලෙන්න දෙනවා මිස බලෙන් scab එක ගළවන්න යන්න හදන්න එපා.
මීට පස්සේ ඔබ ටැටූ එකක් කරන්න හිතනවානම් ඒ සම්බන්ධ පළපුරුදු කෙනෙක්ගෙන් ටැටූ එක කරගන්න එක තමයි හොඳම දේ. ගොඩක් දෙනෙක් ලාබෙට වැඩේ කරගන්න ගිහින් නාගෙන එන අවස්ථා බොහොමයක් ඔබට අහන්න දකින්න ලැබිලා ඇති. ඒ නිසා ටැටූ එකක් කරන්න යන්න කලින් ටැටූ ගැන දැනගන ඉන්න ඕන tattoo artist විතරක් නෙවෙයි ඔයත් මේ පිළිබඳව යම් කිසි අවබෝධයක් ඇතිව යන්න අවශ්‍යයි.
-උත්පලා පතිරණ-
