හතර වටෙන් කුඩා දරුවන් බහුල ලෙස ගොදුරුවෙන ආසාත්මිකතා ගැන ඔබ දැනුවත්ද..?

කුඩා දරුවන් බහුල ලෙස ගොදුරුවෙන ආසාත්මිකතා ගැන ඔබ දැනුවත්ද..?

2021 Sep 16

ආසාත්මිකතා එහෙමත් නැත්නම්(allergy) කිව්වහම සිහියට නැගෙන්නේ හමේ පලු දැමීම, සම කසමින් පලු ඇතිවීම ,වමනය යාම ,පාචනය ඇති වීම, එහෙමත් නැත්නම් උණ ඇතිවීම සාමාන්‍යයෙන් බොහෝ දෙනෙකු තුළ දක්නට ලැබෙන ආසාත්මිකතා ලක්ෂණයි. ආසාත්මිකතාවයන් ඇති වන්නට බොහෝ හේතූන් බලපායි . බොහෝ අයවලුන්ට මේ පිළිබඳ තිබෙන දැනුවත්භාවය අඩුයි. බොහෝ විටෙක අසාත්මිකතාවයන්ට ගොදුරු වන්නේ කුඩා දරුවන්.

අසාත්මිකතාවන් යන්නේ කුමක්ද? ඇතිවන්නේ කෙසේද ?

How Do You Get Rid of an Allergic Reaction Rash? - Oak Brook Allergists

Allergy ඇතිවෙන්න බෙහෙවින් බලපාන හේතුන් තමයි අපි ගන්නා ආහාර . එකිනෙකාගේ ශරීරයන් එකිනෙකාට වෙනස් . ආසාත්මිකතා ඇති වන්නේ යම් දෙයක් ශරීර ගත වූ පසු ඊට ප්‍රතිශක්තිකරණයෙන් සිදුවන බලපෑම නිසයි. ඒ එම ප්‍රතිශක්තිකරණයෙන් යම් යම් දේ නිපදවන නිසයි. එම ප්‍රතිශක්තීකරණය අසාමාන්‍ය ලෙස ක්‍රියා කරන අවස්ථාවන්වලදී ඉහත සඳහන් විවිධ ලක්ෂණ පෙන්නුම් කරයි. සමහර සංකූලතා සරල විය හැකියි. එහෙත් සමහර අවස්ථාවන් වලදී දරුණු වෙන්නට හැකියාව තිබෙනවා. එම නිසා හැකි හැම අවස්ථාවකදීම වැඩි අවධානයක් දරුවන්ට දිය යුතුයි. ඔබේ දරුවාටත් ආසාත්මිකතාවයන් ඇති වෙනවා නම් ඒ සඳහා වහාම වෛද්‍ය උපදෙස් ලබා ගත යුතුයි.

 

ආසාත්මිකතා ඇතිවන දේවල්

Food Allergies Crystal Lake | Food Intolerance Crystal Lake

බහුලවම අපට දක්නට ලැබෙන්නේ ආහාර වලින් ඇතිවන ආසාත්මිකතායි. විශේෂයෙන්ම ලොකු පොඩි කාටත් හරක් මස්, ඌරු මස්, එළු මස් ,ඉස්සෝ ,දැල්ලෝ, කකුළුවෝ, අන්නාසි මගින් ආසාත්මිකතා ඇතිවිය හැකියි. එම නිසා ඔබ මෙවැනි ආහාර වර්ග ගන්නේ නම් බොහෝ විට සැලකිලිමත් වන්න .මේ ආහාර ගත් පසු තොල් ඉදිමීම , වමනය සහ ක්ලාන්ත ගතිය ඇතිවේනම් පමා නොකර රෝහලට යා යුතුයි. යම් වැඩිහිටියන්ට සහ දරුවන්ට රෝග ලක්ෂණ නොමැති ආසාත්මිකතා ඇති වන්නට පුළුවන් .රෝග ලක්ෂණ නොමැතිව ක්ලාන්තය පමණක් ඇතිවිය හැකි. එම නිසා බොහෝ දෙනාට එය ආසාත්මිකතාවයක් නිසා ඇති වෙන්නේ ද කියා හඳුනා ගැනීමටත් අපහසුයි .එම නිසාම යම් ආහාරයක් හෝ ඖෂධ මාත්‍රාවක් ගත් පසු ආසාත්මිකතාවක් ඇති වෙනවා නම් ඒ ගැන නිසියාකාරව සැලකිලිමත් වි රෝහල් ගත විය යුතුයි.

 

පාරිසරික හේතූන් අසාත්මිකතාවයන්ට බලපානවද?

Bioresonance Therapy And Pet Allergies | bicomUK

බොහෝ දෙනකුට තණකොළ සහ අවට සිටින බල්ලන් ,පූසන් වැනි සතුන් අසාත්මිකයි. තව උණු වතුර , සබන් ,සුවඳ විලවුන් බොහෝ අයවලුන්ට අගුණයි . මෙවැනි අවස්ථාවකදී හැකි විගස ප්‍රතිකාර ගත යුතුයි . ඉක්මනින් ප්‍රතිකාර ගැනීමෙන් රෝගයට ගොදුරු වන පුද්ගලයාගේ තත්ත්වය බරපතළ නොවන්න පුළුවන්. මේ නිසා ආසාත්මිකතාවයන් සුළුකොට තකන්නට එපා.

 

දරුණු අසාත්මිකතාවයකදි..

Dangerous Allergies: Anaphylaxis and Life-Threatening Allergy Triggers

ඔබට allergy වන දේවල් ඔබ විසින් හඳුනාගෙන තිබිය යුතුයි. සිතන්න ඔබට මස් මාංශ වර්ග අසාත්මිකයි. එසේනම් ගෙදර මස් මාංශ පිසින ලද හැන්දක් වත් ඔබ ගන්නා ආහාර වේලේ ගෑවෙන්නටවත් තියන්න එපා. ඒ වගේම Restaurant ,Hotel වල ඔබ ආහාර ගන්නේ නම් බොහෝ විට සැලකිලිමත් විය යුතුයි. ඒ අයවලුන් දැනුවත් කර ඔබගේ ආහාරය ඇනවුම් කර ගන්න. ඒ වගේම ඔබට ආසාත්මික දෑ ලියා තබා ගැනීම ද වැදගත්. විශේෂ ඖෂධයක් හෝ අලුත් දෙයක් ලබා ගන්නා විට ඒ දේවල් ගැන මනා දැනුමකින් පසුව පරිහරණයට ගත යුතුය. ඒ වගේම මේ ආසාත්මිකතා කුඩා දරුවකුට තිබේ නම් පාසලේ හෝ පෙර පාසලේ ගුරුවරිය දැනුවත් කළ යුතුයි.

 

දරුණු ආසාත්මිකතා ඇතිවන අයට ඇති ප්‍රතිකාර

(Adarnali pen) ඇඩර්නාලි පේන් ,මේ ඖෂධය රජයේ රෝහල්වල නැත. පෞද්ගලික රෝහලකින් ලබා ගත යුතු වේ. මෙය දරුණු ආසාත්මිකතා ඇතිවන අයට විශේෂ ඖෂධයක් ලෙස සලකයි .සාමාන්‍යයෙන් ආසාත්මිකතා දරුණු ලෙස හටගෙන දැඩි සත්කාර ඒකකයේ ප්‍රතිකාර ලබන තත්ත්වයේ පැමිණෙන කෙනෙක් නම් මේ ඖෂධය එම පුද්ගලයාට ඉතාම වැදගත්.

දරුණු ආසාත්මිකතාවයන් වලදී දකින්නට ලැබෙන ලක්ෂණ?

* හුස්ම ගැනීමේ අපහසුතා

* ආසාත්මිකතාවය ඇති වී නොබෝ වේලාවකින් ශරීරය ඉදිමීම.

*පපුවේ මහන්සිය

* ශරීරය සුදුමැලි වීම

*ඉදිමීම

මේ අවස්ථාවන් වලදී රුධිර පීඩනය අඩු වෙයි. මේ සියල්ල දැක ගන්නට නොතිබුණත් පමා නොකර පුද්ගලයාව රෝහල්ගත කළ යුතුයි.

 

අසාත්මිකතා බහුල රෝගීන් කවුරුද?

What is the Relationship Between Coughing and the Stomach?

ඇදුම සහ පීනස රෝගීන්ට ආසාත්මිකතාවයන් ඇති වන ප්‍රමාණය අනෙක් රෝගීන්ට සාපේක්ෂව වැඩියි. සමහර අවස්ථාවන් වලදී අප නොසිතන දේවල් වලින් පවා ආසාත්මිකතා ඇති වන්නට පුළුවන් .මේ අතර ජානමය හේතූන් ද බලපායි. උදාහරණ ලෙස මවට කජු ආහාරයට ගත නොහැකි නම් දරුවාටත් ඒ ආසාත්මිකතා තිබිය හැකියි. කිසිවිටෙකත් ආසාත්මිකතාවයන්ට අත් බෙහෙත් භාවිතා නොකරන්න .වෛද්‍යවරයෙකු හමු වී නිසි ප්‍රතිකාර සඳහා යොමුවන්න.

 

තොරතුරු අන්තර්ජාලය ඇසුරෙන්

මන්දාකිනි පතිරණ .

LEAVE A REPLY

Please enter your comment!
Please enter your name here