2021 Jun 17
කොරෝනා වෛරසයේ බලපෑම නිසා මේ දිනවල අපි සියලු දෙනාම ලොකු දුෂ්කර කාලවකවානුවකට මුහුණ දෙමින් සිටිනවා. මේ වෙනකොට අපගෙන් බොහෝ දෙනෙක් කොරෝනා ගොදුරක් බවට පත්වෙලා තිබෙනවා. ඉතින් අපි හැමදෙනාම කොරෝනා වෛරසයෙන් බේරෙන්න අදාල පියවරයන් අනුගමනය කරන එක අනිවාර්යයි. මේ වෛරසයෙන් ගැළවෙන්න අපි කෑමට ගන්න දේවල් වලිනුත් ලොකු බලපෑමක් තිබෙනවා. මේ නිසා ගැස්ම අපි හිතුවා කොරෝනා පරදවන්න අපේ එදිනදා රාත්‍රී ආහාර වේලට එකතු කරගන්න හොඳ කෑම වර්ග ගැන ඔයාලව දැනුවත් කරන්න .
මේ දවස්වල අපි ගන්න ආහාර අනිවාර්යයෙන්ම දිරවන්න ලෙසි වෙන කෑම වර්ග වෙන්න ඕන. ගොඩ දෙනෙක් පුරුදු වෙලා ඉන්නේ උදේට සුලුවෙන් මොනවා හරි කෑමට අරගෙන දවල්ටත් සාමාන්‍ය විදියට ආහාර අරගෙන රෑට මුළු දවසටම ඇතිවෙන තරමට බර ආහාර ගන්න එක. මේක ඇත්තටම සෞඛ්‍යට හිතකර දෙයක් නෙවෙයි. රාත්‍රියට බර ආහාර සුදුසු නැහැ. ඉස්සො දැල්ලො වගේ උෂ්ණ අධික ආහාර, ධාන්‍ය වර්ග , කිරි ආහාර සහ බණ්ඩක්කා වැනි සීතල ආහාර වර්ග ආහාරයට ගන්න එක සුදුසු නැහැ. ඒ වගේම සීත කළ ආහාර කෑමට ගන්න එකත් අවම කරන්න බලන්න.
මේ දවස්වල හැමොම ගෙදර ඉන්න නිසා පෝෂ්‍යදායී ආහාර ගෙදර ඉදන් හදා ගන්න අපි හැමොටම පුළුවන්. අපි මුලිකවම කරන්න ඕන දේ තමයි කෑමට ගන්න ආහාර උණුසුම්ව කෑමට ගන්න එක. ඒ වගේම වටපිටාවේ ස්භාවිකවම වැවෙන පලා වර්ග ආහාරයට එකතු කරගන්න. එලබටු, කොස් , පොලොස්, කොහිල වගේ දේවල් කෑමට ගන්න එක වඩාත් හොඳයි.
මේ දවස්වල කොළ කැඳ, දියර කිරි, හාල් හෝ ධාන්‍ය කැඳ පානය කරන එකතු ඉතා හොඳයි. වතුර බොන හැම වෙලාවකදීම උතුරවා නිවාගත් වතුර මද රස්නෙන් පානය කරන්න. මීට අමතරව ඔබ දුම්පානය හෝ මත්පැන් පානය කරන පුද්ගලයෙකු නම් එයින් ඈත් වීම තමයි මේ කාලයේ සිදුකල යුතු හොඳම දේ.
