හතර වටෙන් දන්න, දකින අහිගුණ්ඨිකයන්ගේ නොදන්න කතාව…

දන්න, දකින අහිගුණ්ඨිකයන්ගේ නොදන්න කතාව…

2021 Aug 10

කවුද මේ අහිගුණ්ඨිකයෝ

හෙටක් ඉල්ලන අදක් නැති මිනිස්සු | සිළුමිණ

අහිගුණ්ඨිකයා කිවුව ගමන් අපිට නම් මතක් වෙන්නේ කොහේ හරි සෙනග රැස් වෙලා ඉන්න තැනක වාඩි ගහගෙන, භය හිතෙන නයි පෙට්ටියකුයි, ලස්සන ඇදුමක් ඇදගත්ත වඳුරු පැටියෙකුයි ලඟ තියාගෙන, නලාවයි බෙරේයි ගහන ගමන් එයාලව නටවන පුද්ගලයෙක්ව, එහෙමත් නැතිනම් සාරියක් ඇඳලා මල්ලක් එල්ලගත්ත, සාස්තර කියනවා කිය කියා අපේ පස්සෙන් ඇවිත් බලෙන් හරි සාස්තරයක් කියලා කීයක් හරි ඉල්ලන් යන කරදරකාර කාන්තාවක්ව. තේරෙන සිංහලෙන්ම කිවුවොත් අපි මේ අහිගුන්ටිකයෝ දකින්නේ එක එක කාල වලදී එක එක තැන් වල අටවගත්ත පොඩි කුඩාරම් වල ජීවත් වෙන සරල, සංචාරක ජීවිතයක් ගත කරන ජන කොට්ඨාසයක් විදිහට. ඔව්, එයාලත් ශ්‍රී ලංකාවට සංක්‍රමණය වෙලා ශ්‍රී ලංකාවේ පදිංචි වුණ තවත් එක ජන කොට්ඨාසයක් තමයි.

ලංකාවේ හැමතැනම, එක එක දවස් වලට එක එක තැන් වල දකින්න ලැබුණත් වැඩිපුරම අහිගුණ්ඨික ජනතාව ජනාවාස ඉදිකරගෙන ඉන්නේ උතුරු මැද, නැගෙනහිර හා සබරගමුව වගේ පළාත් වල. අපි කවුරුත් මොන මොන විදිහට මේ අහිගුණ්ඨික ජනතාව ගැන හිතාගෙන හිටියත්, සමාජයේ මොන තත්වෙකට දාලා තිබුණත්, එයාලත් පුරාණ සම්භවයක් තියෙන, තමන්ටම ආවේණික වුණු චාරිත්‍ර, වාරිත්‍ර, වත් පිළිවෙත් තියෙන, මිනිසුන් පිනවීම තමන්ගේ ජීවිකාව කරගත්ත, විදේශීය සම්භවයකින් පැවත ගෙන එන අපූරු ජන කොට්ඨාසයක්.

සම්භවය

ජීවිතයට අරැතක්: සමාජීය පරිවර්තනයන් හමුවේ අහිගුණ්ඨික ජනයා....

දකුණු ඉන්දියාවේ මදුරා හා පාණ්ඩ්‍ය ප්‍රදේශවල ජීවත්වන කොරවර් නම් ගෝත්‍රිකයන්ට නෑකම් කියන නිසාම දකුණු ඉන්දියාවේ දෙමළ භාෂා පවුලට අයිති තෙළිඟු බස තමයි මෙයාලගේ භාෂාව. කුරවර් කියලත් හඳුන්වන මොවුන් ප්‍රධානවම හඳුන්වන අහිගුණ්ඨික කියන නම බිහි වෙලා තියෙන්නේ සංස්කෘත හා පාලි භාෂා වල එන උගුල් ඇටවීම, වෙළීම, ගී කීම වගේ අදහස් වලට යෙදෙන පද වලින් වග පැහැදිලිව පෙනෙන කාරණාවක්.

අපි හැමෝම දන්න විදිහට අහිගුණ්ඨිකයෝ ජංගම ජීවිතයකට හුරු වුණ ජන කොටසක්, ඒ වගේම එයාලගේ මේ ජංගම ජිවිතේ පෙන්වන ප්‍රධානම සාධකය වෙන්නේ එයාලගේ තාවකාලිකව අටවගන්න කුඩාරම් වගේ පොඩි පැල්පත් සමුහය. මේ පැල්පත් උස අඩි 5ක් දිග අඩි 9ක් වගේ කුඩා ප්‍රමණයෙන් තමයි දකින්න පුළුවන් වෙන්නේ, ඒ වගේම මේ පැල්පත් සමුහ කුප්පායම කියන වචනෙන් තමයි හඳුන්වන්නේ. සම්ප්‍රදාය අනුව එන දැනුමෙන් මේ පැල්පත් හදන්න උරුම විදිහ තමයි තල් අතු එකට තියල ගැටගන ක්‍රමය. නමුත් අද වෙනකොට මේ සම්ප්‍රදාය ඒ විදිහටම පවතින්නේ නෑ. තල් අතු වගේ ස්වභාවික ක්‍රම වෙනුවට පොලිතින්, තාර ශීට් වගේ පහසුවෙන් හොයාගන්න පුළුවන් කල් පවතින දේවල් වලින් මේ ගෙවල් හදාගන්නවා. ඒ වගේම සම්ප්‍රදාය අනුව තැනින් තැනට නොයා එක තැනක දිගු කාලයක් නැවතිලා ඒ ප්‍රදේශයේ සුළු රැකියා කරන, කුලී රැකියා කරන අහිගුණ්ඨික පවුල් අද වන විට දැකගන්න පුළුවන්. පුරුදු සම්ප්‍රදාය අනුව පවුල් කිහිපයක් කුඩා ගමක් විදිහට තැනින් තැන යන ලයිෆ් එකට තිත තියන හේතු විදිහට අපිට දකින්න පුළුවන් වෙන්නේ ඉස්සර වගේ මේ අය තමන්ගේ ස්කිල්ස් පෙන්නුවත් ඒවාට අද සමාජේ තියෙන ඩිමාන්ඩ් එක අඩු වීම. දන්න සිංහලෙන් කිවුවොත් ඒ කියන්නේ නයි නටවන, රිලව් නටවන, සාස්තර කියන වගේ අහිගුණ්ඨික ජනතාවටම වෙන් වෙලා තිබුන දේවල් අද මිනිස්සු ආසාවෙන් බලන බවක් පෙන්න නෑ. ඒ වගේම හැමෝම ඉන්නේ රැට්‌ රේස් එකේ. ශ්‍රී ලංකාවේ හැම ජන කොටසක්ම, හැම පුරවසියෙක්ම වගේ අහිගුණ්ඨික ජනතාවත් ශ්‍රී ලාංකිකයෝ විදිහට තමන්ගේ ජිවිත ගොඩ ගන්න විකල්ප ආදායම් වලට යොමු වෙන්න සිද්ධ වෙලා තියෙනවා. ඒ අයට හුරු පුරුදු ජීවනෝපායන් වලින් මිදිලා කුලී රැකියා හා අනෙක් සුළු රැකියා වලට හුරු වෙන්න වෙලා තියෙන නිසා තැනින් තැන අවිදිනවට වඩා විශ්වාසය රැකගෙන එක ප්‍රදේශයක තමන්ට රැකියා කරන්න පුළුවන් පසුබිමක් ඔවුන් ඒ විදිහට හදාගන්න නැඹුරු වෙලා තියෙනවා. නමුත් සියලුම කුප්පායම් මේ ආකාරයට වෙනස් වී ඇති බවක් හෝ සියලුම අහිගුණ්ඨිකයන් එක තැනක නතර වී ජිවත් වෙන්නේ නැහැ. එයාලා එයාලගේ සම්ප්‍රදායික සරල නිදහස් සංචාරක ජීවිතය ගත කරනවා. ඒ වගේම ඉහත ක්‍රම වලට අමතරව මස් පිනිස එළුවන්, කුකුළන් වගේ සතුන් ඇති කරන අහිගුණ්ඨික ජනතාව එම සතුන් මුස්ලිම් වරුන්ට විකුණා තම ආදායම් සරි කරගන්න බවත් පෙන්න තියෙනවා. ඒ වගේම ගොඩක් වේලාවට එදිනෙදා ජීවිතයට අවශ්‍ය දේවල් හැරුණු කොට මෙයාලා සම්පත්, දේපල ගොඩගසා ගන්නා ජනතාවක් විදිහට දකින්න බෑ. එයාලගේ ප්‍රධාන දේපල හා වස්තුන් විදිහට අපි කිව්ව මසට ඇති කරන සතුන්, තමන්ගේ සංචාරක දිවියේ ගමන් සහයට ඉන්න බුරුවන් හා බල්ලන් , රිදී,පිත්තල හා තඹ ආභරණ හා උපකරණ හඳුන්වන්න පුළුවන්.

ජංගම ජීවිත ගෙවන අහිකුන්ටක ජනතාව · YAMU

මේ විදිහට තැනින් තැනට යන ජිවිත ගත කරත් මෙයාලා අපි හිතනවට වඩා සංවිධානත්මකයි. අහිගුණ්ඨික ජනතාවට පොදු ප්‍රශ්න ලංකාවේ කොතන, කොහොම හිටියත් එයාලට පොදුවේ බලපානවා, ඒ වගේම එයාලා විසිරිලා තැනින් තැන හිටියත් එයාලාට තමන්ගේ කුප්පයමෙන් එළියේ වෙනත් කුප්පායමක විස්තර ගැන හොඳ අවබෝධයක් තියෙනවා. මේ විදිහට එයාලා අප්ඩේට් වෙන්නේ, එයාලගේ ප්‍රශ්න විසදන්නේ, සාකච්ජා කරන්නේ, ගෝත්‍රය ගැන තීන්දු තීරණ ගන්නේ හැම අවුරුද්දේම කැකිරාවේ ( කැකිරාව – කච්චිදූව තමයි අහිගුණ්ඨික ප්‍රජාවගේ ගෝත්‍ර මුලස්ථානය) පැවැත්වෙන සම්මේලනයේදී. මේ සම්මේලනය දීපාවලි උත්සවය පවත්වන දවස් කිට්ටුවම පැවැත්වෙනවා. මේ සම්මේලනය අතරතුර මුදල් ගනුදෙනු, අවාහ විවාහ කටයුතු, ඉදිරි වසරේ ගමන් මාර්ගය වගේ කාරණා පවා සාකච්චාවට බඳුන් වෙනවා. දැන් ඔයාට පැහැදිලි ඇති මුලින් මෙයාලා ඉතා සන්විධානත්මකයි කිව්ව කාරණාවේ තේරුම.

ආගමික වශයෙන් අහිගුණ්ඨික ප්‍රජාව අදහන්නේ මෙන්න මේ ආගම කියල කියන්න තරම් පොදු ආගමක් නෑ. එහෙම ආගමක් විදිහට නිගමනයට එන්න බැරි වුණත් සංකීර්ණ ආගමික ඇදහිලි හා විශ්වාස සමුහයක් දකින්න පුළුවන් වෙනවා. නමුත් ඒවා අපි සාමාන්‍යයෙන් දකින ඇදහිලි වලට වඩා පැහැදිලි බවකින් තොරයි. බ්‍රාහ්මණ ඇදහිලි පිළිගන්නේ නැති ජන කොටසක් වෙන මොවුන් හින්දු ආගමික දෙවියන්ව වන්දනාමාන කරනවා දකින්න පුළුවන්. ඒ වගේම බහුතරයක් ශිව භක්තිකයෝ. තවත් සමහරු බෞද්ධ කියලා තමන්ව හඳුන්වාගන්නවා. මේ විදිහට විවිධ ආගමික ඇදහිලි මොවුන්ගේ ජිවන රටාවට එන ප්‍රධානම ක්‍රමය විදිහට සංචාරක ජීවිතය හඳුන්වන්න සිද්ධ වෙනවා. ඒ විවිද ප්‍රදේශ වලින් එකතු වූන විශ්වාසයන් රැසක් එයාලා අතර පවතින නිසා. ඒ වුනත් මොන ආගමික ඇදහිලි විශ්වාස තම ජිවන රටාවට බද්ද වෙලා තිබුනත් ඒවගේ බලපෑම ජිවන ආකල්පයට ඒ තරම් ශක්තිමත් විදිහට බලපාන බවක් නම් පෙනෙන්නට නෑ. ඔවුන්ගේ සරල ජීවන රටාව ඒ ඒ පරිසරය අනුව හැඩගස්වාගෙන ගත කරන එක තමයි ඔවුන්ගේ ප්‍රධාන ආකල්පය.

අහිගුණ්ඨික ප්‍රජාව අතරත් අනෙක් ජන කොටස් වල වගේම කුල භේද පවතිනවා. ඒ වගේම විවාහ කටයුතු වගේ අවස්ථාවන්ගේ මේ භේද වල බලපෑම පැහැදිලිව පෙනෙන්නට තියෙනවා. ඒ වගේම ඇවැස්ස නෑනා මස්සිනා විවාහ සුලබ මේ සමාජයේ එහෙම නොවන විවාහයකදී මනාලයාව මනාලියගේ පාර්ශවයට අයත් වීම දකින්නට තියෙනවා. කුප්පායමේ සභාවට තම අදහස ඉදිරිපත් කිරීමෙන් පස්සේ පොඩි මත්පැන් සාදයක් පැවැත්වීමෙන් කුප්පායමේ අනුමැතිය ගන්න එක අපහසු වැඩක් නම් නෙමෙයි. ඊට පස්සේ රත්තරන් පබලුවක් එක්ක කළු පබළු ඇල්ලු මාලයක් දාල සරල චාරිත්‍ර එක්ක මනාලිගෙන් දෑවැද්දට හම්බෙන නයි පෙට්ටියයි, බුරුවයි, බල්ලයි, රෙදිපිළි ආභරණයි එක්ක මේ චාරිත්‍රය අවසන් වෙනවා.

ඒ වගේම එයාලටම අනන්‍ය කුඩා අධිකරණ පද්ධතියකුත් පවතිනවා. එතන ප්‍රධානීත්වය හා විනිශ්‍යකරිත්වය කුප්පායමේ ප්‍රධානියා වෙන ආරච්චි විසින්ම දරන එක තමයි සාමාන්‍ය ක්‍රමය. මෙතන සිද්ධ වෙන නඩු ඇසීම ගැන නම් වෙනම නඩුවක් දාන්න වෙන බවක් තමයි හැගෙන්නේ. ඒ බොහෝ විට පැමිණිලිකාර පාර්ශවය විසින් නඩුවට කලින් මත්පැන් සාදයක් පවත්වන නිසා.

මොන තරම් තමන්ගේ සම්ප්‍රදාය ඔස්සේ ආවත් සර්වයිවල් කියන කාරණාව එයාලටත් පොදුයි, ඉතින් නොනැසී පවතින්න නම් සම්ප්‍රදායෙන් ඔබ්බට ගිහින් වෙනස් වෙන්න සිද්ධ වෙනවා. අන්න එතැනදී පාරම්පරික අගයන් විනාශ වෙනවා වගේම සමහර විට අනපේක්ෂිත සමාජ විරෝධී හා හිංසාකාරී ක්‍රියාකලාපයන් දකින්න සිද්ධ වීම සාමාන්‍ය කාරණයක්. මේ කාරණය අහිගුණ්ඨික ප්‍රජාවටත් පොදුවේ බලපානවා. එයාලට සමාජ කොටසක් විදිහට සහ සිංහල, දෙමල, මුස්ලිම් හෝ ආදිවාසි වගේ හදුනාගැනීම වෙනුවට එයාලව පහත් කොට සැලකීම, එයාලට අනන්‍යතාවක් නොදීම, සංචාරක ජීවිතය නිසා කුඩා දරුවන්ට නිසි අධ්‍යාපනික පසුබිමක් ඇති නොවීම හා විශේෂයෙන් ප්‍රතික්ෂේප වීම කියන කාරණයේදී. මේ කාරණාව ලංකාවේ විතරක් නෙමෙයි, ඉන්දියාව වගේ හැම රටකම අහිගුණ්ඨික නොහොත් කුඩා ගෝත්‍රවල ජනතාවට ඇතිවෙලා තියෙන ගැටළු කාරී තත්වයක්. මේ කරුණු එක්ක එයාලට නිශ්චිත වටිනාකමක් සමාජීය හා සංස්කෘතිකව ලබා දීලා ජීවන රටාව සහ සම්ප්‍රදාය රැකෙන විදිහට ක්‍රියාමාර්ග ගත්තොත් එයාලගේ පැවැත්ම තව අවුරුදු ගණනාවක ආයුෂ ලැබේවි. මේ තරම් ලොකු ඉතිහාසයකට සංස්කෘතියකට උරුමකම් කියන මේ අහිගුණ්ඨික පුද්ගලයෙක් දැක්කාම මේ සමාජයේ මිනිස්සු විදිහට ඔබටත් මටත් පුළුවන් නම් ඔවුන්ව කරදරකාරී චරිත විදිහට නොදකින්න, මේ සාමජයේ තිබෙනවාට වඩා වටිනාකමක් ඔවුන්ටත් ලැබේවි.

LEAVE A REPLY

Please enter your comment!
Please enter your name here