2021 Aug 16
අද අපි කතා කරන්න යන්නේ ටිකක් වෙනස් මාතෘකාවක් ගැන. මේ දේ ඔයාට අලුත් දෙයක් නොවෙන්න පුළුවන්. අසාර්ථකවීම ,සාර්ථක වීම හෝ පරාජයන් අපගේ ජීවිතය නොයෙකුත් සන්ධිස්ථාන කරා රැගෙන යාමට සමත් වෙනවා. කෙසේ නමුත් පරාජයන් හෝ අසාර්ථක වීම් ඔබ භාර ගන්නා ආකාරය අනුව ඔබගේ ජීවිතයේ අනාගතය තීරණය වෙනවා. එක් වතාවක් යම් දෙයකින් අසාර්ථක වුණාම යළිත් වතාවක් ඒ දේම කරන්න අපි බියක් ඇති කර ගන්නවා.ආයෙත් මං පරාද වෙයි ද? එසේ වුවහොත් සමාජයෙන් මාව පහළ තැනකට ඇද වැටෙයි ද? යන කාරණා අප සිතෙහි පැන නැගෙන්න පටන් ගන්නවා .අපි කොහොමද පරාජයන් පිළිගෙන එයට මුහුණ දී ආපසු නැගිට ශක්තිමත්ව ගොඩ එන්නේ. එසේ කිරීමට නම් නිසැකවම අපිට පරාජයන්ට බිය නැතුවම මුහුණ දෙන්න සිදුවෙනවා. පරාජයන් කුමක්ද යන්න වටහා ගත යුතු වෙනවා. ඔබ විසින් ඔබ සිටින ආකාරය පිළිගන්නා විට ලෝකයත් ඔබව පිළිගන්නා නමුත් ස්වයං පිළිගැනීමේ ගමන කිසිවිටෙක පහසු නැත. ඔබට ඔබ වීමට සහ ඔබගේ සිහින සාක්ෂාත් කරගැනීමට අවශ්‍ය නම් බිඳ දැමිය යුතු ප්‍රධාන බාධාවක් ඇති අතර ඒ “දන්නා බිය” හෝ “නොදන්නා භීතියට” බියවී මයි. සෑම විටකම මේ දෙකින් එකක් පමණක් ජයග්‍රහණය කරන බව බව ඔබ දන්නවාද? එබැවින් ඔබට සාර්ථක පුද්ගලයකු වීමට අවශ්‍යද නැද්ද යන්න තෝරා ගැනීමට හෝ ඔබ සිතෙහි ඇති භීතියට ජයග්‍රහණය කිරීමට ඉඩ දීමට ඔබට හැකිවේ.
සිතෙහි බය නැති කර ගැනීමට නම් ඔබට සාර්ථක පුද්ගලයෙකු වන්නට අවශ්‍ය ඇයිද කියා ඔබ වටහා ගත යුතු වෙනවා. සාර්ථකත්වය ජීවිතයට ළංකර ගැනීම සුළුපටු කාර්යයක් නොවේ . එම කඩුල්ලට ළඟාවීමට බොහෝ බාධක හරහා අප හට පැමිණෙන්නට සිදුවෙනවා.මේ ජීවන ගමනේදී ඔබ කී වතාවක් අසාර්ථක වුණත් සිතෙහි කිසිම බියක් ඇතිකර නොගෙන නැගිටින්නට හැකිනම් ඒ මොහොතේම ඔබ ජයග්‍රහකයෙකු වී හමාරයි.අසාර්ථක වීම් වලට මුහුණ දී සාර්ථක කඩුල්ල දක්වාම ගමන් කරපු හරි අපූරු මිනිසුන් විසින් සමාජයට දෙන පණිවිඩය හරි අගෙයි. ඔවුන්ගේ කතාවෙන් ඔබේ ජීවිතයට එක්කරගන්න බොහෝ වටිනා කරුණු ඇති.
ඇය නමින් Muniba Masari ,
ඇය මේ ලෝකේ හඳුන්වන්නේ Iron lady ලෙසයි. මන්ද යත් සිය දෙපයින් නැගී සිටින්නට බැරි වුනත් අද ඇය උපදේශිකාවක්, ලේඛිකාවක් සහ දයාබර මවක්. යුග දිවියට පා තබා වසර දෙකක් පමණ ගතවන විට ඇය දරුණු මෝටර් රථ අනතුරකට පත්වෙනවා. සිය සැමියාට නින්ද යාම අනතුරට හේතුව වෙනවා. ඇගේ උරහිස් අස්ථිය සහ කරපටි අස්ථිය මුළුමනින්ම බිඳී යනවා. දකුණු අත කැඩීමකට ලක්වෙනවා. මැණික් කටුව ආසන්නව ද අස්ථි බිඳී යනවා. ඒ වගේම ඇගේ ඉල ඇට කූඩුව කැඩී යාම හේතුවෙන් ඇගේ වකුගඩු වලට බරපතල හානි සිදුවෙනවා සහ ඇයට හුස්ම ගැනීමට පවා අපහසුතාවයකට පත් වෙනවා. ඒ ඇගේ කොඳු නාරටිය මුළුමනින්ම බිඳී යාම හේතුවෙන්. ඇය ජීවත් වීමත් අරුමයක් නොවේද? මේ නිසාවෙන් ඇයට තම ජීවිතය රෝද පුටුවකට සීමා කරන්නට වෙනවා. ඇය ආස කරන බොහෝ දී තිබුණද ඇයට කිරීමට හැකි වූයේ බොහෝ සුළු ප්‍රමාණයක් පමණයි. ඇගේ ආසාව වුණේ චිත්‍ර ශිල්පිනියකු බවට පත්වීමයි.රෝහල්ගතව අවුරුදු දෙකහමාරක පමණ කාලයක් ඇයට ප්‍රතිකාර ලබමින් සිටින්නට සිදුවෙනවා. එක් උදයක ඇයට අවාසනාවන්ත දෙයක් අහන්න ලැබෙනවා. වෛද්‍යවරයා ඇයට පවසනවා තමන්ට ලෝකයේ තියෙන උතුම්ම පදවිය වන මව් පදවිය ලබන්නටතිබූ වාසනාව ඇයගෙන් ගිලිහී ගිය බවයි.
සිය ජීවිතයේ තමන්ට සිදුවුණු අනතුර නිසා වූ නැතිවීම් සහ පරාජය විඳදරා ගෙන ඇය සිය ජීවිතයත් සමග ඉස්සරහට ගමන් කළ හැටි හරි අපූරුයි. ඇය පවසන්නේ කිසිදා අසාර්ථක වීමට බිය නොවන ලෙසයි. ඒ වගේම ඇගේ ජීවිතයේ පරාජයන් සහ අසාර්ථකවීම් තරම් ඇයව ශක්තිමත් කළ කිසිවක් නොමැති බවයි.මව් පදවිය අහිමි වී ගියත් අද ඇයත් එක් පුතෙකුගේ ආදරණිය මවක් .අද ඇය සිය ගණන් දූ දරුවන්ගේ , ආබාධිත පුද්ගලයන්ගේ සහ ජීවිතයේ නොයෙකුත් බාධාවලට මුහුණ දුන් අයවලුන්ගේ සිතෙහි ඇති පීඩාව ශක්තියක් කරගෙන ඒ හරහා ජීවිතය ගොඩනඟා ඉහළ තැනකට යා හැකි වන පරිදි ඔවුන් දිරිමත් කරන මුළු ලෝකයක් පිළිගත් කාන්තාවක්. ජීවිතයේ අසාර්ථකවීම් ඔබගේ ජීවිතයේ ශක්තියක් කරගන්න .මේ ඇය මුළු ලොවටම දෙන පණිවිඩයයි.
Deshuna barber අහල පුරුදු නමක් නේද? ඇය තමයි සුරූපී Miss USA 2016. ඇය ඇමරිකානු හමුදාව යටතේ වැඩ කරන යුද සෙබළියක්. දිනක් ඇයට හමුවූ එක් කාන්තාවකගෙ වචනයකට ඇගේ මුළු ජීවිතයම වෙනත් පැත්තකට හරවන්නට සමත් වුණා. ඇය පවසා ඇත්තේ barber ඇගේ ජීවිතයට දැක ඇති ලස්සනම තරුණිය ලෙසයි. ඇයට ඊළඟට එන Miss USA තරඟයට සහභාගී වීමට තරම් රූ සපුවකට හිමිකම් කියන බවයි. ඇගේ ඉල්ලීම නිසාම miss state තරඟයට සහභාගී වී තිබෙනවා. ඒ හරහා ඇයට Miss USA තරගාවලියට යා හැකියි. නමුත් සහභාගී වන පළමු miss state 2009 හි ඇය පරාජයට ලක් වෙනවා. 2010, 2011, 2012, 2013, 2014 දක්වා ම ඇය miss state තරගාවලියට සහභාගි වුණද ඇයට ජයග්‍රහණය කිරීමට හැකි හැකිවූයේ නැත. ඇය සියලු ප්‍රයත්නයන් අතහැර දමා සුපුරුදු ලෙස තම හමුදා ඒකකයේ වැඩට යෙදෙන්නට තීරණය කළහ. නමුත් ඇයගේ ගුරුවරිය එයට ඉඩ දුන්නේ නැත. ඇය පවසා ඇත්තේ ‘ barber’පරාජයන්ට බිය වන්නට එපා උත්සාහය අත්හරින්නටත් එපා යන්නයි .එම නිසාම ඇය 2015 miss state තරඟාවලියට සහභාගී විය .අවුරුදු ගණනාවක කැපවීම සහ ඇගේ මහන්සිය මල්ළුල ගැන්විය. ඇයට MISS DISTRICT COLOMBIA ජයග්‍රහණය කිරීමට හැකිවිය. 2016 දී the MISS USA කිරුළ දිනා ගැනීමට හැකිවිය. ඇය පවසන්නේ ජීවිතයේ තමා අසාර්ථක වන සෑම මොහොතක්ම හිතට ගනිමින් නැවත උත්සාහ කරන්න යන්නයි. නැවතුණු තැන පරාජය ඔබට හිමි වනවා මිසෙක උත්සාහය දරනකම් ඔබ ජයග්‍රහණයකයෙකු වෙනවා.
ඒ වගේම ඔබ අසා තිබෙනවාද LIZZIE VELAZCUS ගැන. ඇය සාමාන්‍ය පුද්ගලයකුට වඩා වෙනස් රූපයක් ගනී.ඇයට ලෝකයේ සිටින කැතම කාන්තාව ලෙස ද නම් පට පටබැඳුණා. ඒ මේ ලෝකයෙන්ම දෙදෙනෙකුට විතරක් සෑදෙන ශරීරයේ මස් නොවැඩෙන රෝගයක් සෑදීම. මේ හේතුවෙන් බොහෝ වතාවක් සමාජයේ අඩන්තේට්ටම් වලට ඇයව ලක්වෙනවා. සියල්ල ඉවසා දරාගෙන ඇය ඒ ආපු ගමන හරිම අපූරුයි.YOUTUBE සමාජ ජාල අඩවිය හරහා ඇයගේ video පළ වෙන්නට පටන් ගත්තේ ඇය ලෝකයේ සිටින අවලස්සනම කාන්තාව ලෙසයි. ඇය සමාජයට මුහුණ දීමට ඇති බිය නිසාම නිවස තුළට වී කාලය ගත කරන්නට තීරණය කළා. කාලයත් සමගම ඈ හට සාදා තිබෙන වීඩියෝ පට හා පින්තූරවලට ඇය හරි අපූරු විදියට උත්තර බැන්දා. ඇගේ පිළිතුරු හරි සුන්දරයි. එමගින් ලෝකය LIZZIE VELAZCUS ව හඳුනාගත්තා. තමන්ගේ රූපය කෙතරම් අවලස්සන වුණත් ඈට රත්තරන් හදවතක් ඇති අයෙක් බව මුළු ලෝකෙටම වැටහී ගියා. අද ඇයත් උපදේශිකාවක් ලේඛිකාවක්. ජීවිතය වැටීම් සහ පරාජයන්ට බිය නොවී මුහුණදීම දිනක තමාව කැපී පෙනීමනට ලක්කරනවා. ඇගේ කතාවෙන් එය නොවේද අප හට වැටහී යන්නේ. අද ඇය ලෝකයම ගරු කරන පුද්ගලයෙකු බවට පත්වී හමාරයි.
Limitless, life without limits ,stand strong ,unstoppable ,be the hand and the feet බැලූ බැල්මට ම වේවා ඉංග්‍රීසි වචන කිහිපයක් විතරක්ම නෙවෙයි. මේ තමයි Nicolas james විසින් රචිත ඉතා ප්‍රසිද්ධ පොත් කීපයක්. අනෙක් කෘති වලට වඩා මේවායේ මාතෘකා වෙනස් ආකාරයකට යොදලා තිබේ. ඒ ඇයි? උපතින්ම අත්පා අහිමි වුවද අද වන විට ලෝකයේ සුප්‍රසිද්ධ චරිතයක් බවට ඔහු පත්ව තිබෙනවා. 2002 දී Griffith university යෙන් වාණිජ හා ඉංජිනේරු උපාධියක් හිමිකර ගත් ඔහු 2004 පමණ වන විට life purpose කෙටි චිත්‍රපටයක් නිර්මාණය කරනවා. එය ඉතා කෙටි කාලයකින් ජනප්‍රියට පත් වුනු අතර ඔහුගේ දෙවැනි කෙටි චිත්‍රපටය වුණේ no arms no legs no worries යන්නයි.
2005 දී life without ලෙස සංවිධානයක්ද ඔහු විසින් ආරම්භ කරනවා. attitude is attitude නමින් තවත් සංවිධානයක් ද ඔහු විසින් ආරම්භ කරනවා. 2012 පමණ වන විට ඔහු kanea miyahara සමග විවාහ වෙනවා.2020 පමණ වන විට ඩොලර් මිලියන විස්සකට පමණ වත්කමක් හිමි ඔහු සියලු කටුක අසාර්ථකත්වයක් මැදින් තම ජීවිතය උසස් තැනකට ගෙන ඒමට සමත් වනවා.
අසාර්ථක වීමට බිය නොවන්න නමුත් පසුතැවිලි වන්න එම පසුතැවිල්ල ම ඔබගේ උත්සාහයට හේතුවනවා නිසැකයි .
-මන්දාකිණී පතිරණ-
