2021 Aug 6
ආයුර්වේද වෛද්‍ය ක්‍රමයෙහි බ්‍රහ්ම මුර්තයෙන් අවදිවිමත්, ඉන් පසුව සිදු කල යුතු ක්‍රියාකාරකම් පිලිබදවත් දින චර්යාවක් යටතේ ඉතා මනාව විස්තර කර ඇති බව ඔබ නොදන්නවා වෙන්න පුළුවන්. අපගෙ ශරීරය තුල ස්භාවධර්මයා විසින් හරි අපුරු පුදුමාකාර ඔරලෝසුවක් ගොඩනගලා තිබෙනවා. බටහිර වෛද්‍ය විද්‍යාව තුල මෙය Biological clock ලෙස හඳුන්වනවා . කොටින්ම කිවහොත් මෙය විශාල සේවාවක් අප හට ලබා දෙනවා. එය ඔබගෙ ශරීරයේ බොහෝ ඉන්ද්‍රියන්ගේ ක්‍රමානුකූල පැවැත්ම තීරණය කරනවා. මෙහිදී නින්ද එහි වැදගත් කාර්යභාර්යක් ඉටු කරනවා .ඔබ නිදාගන්නා වෙලාව අනුව ශරීරය ඔබගේ නිරෝගීභාවය තිරණය කරන බව ඔබ දැන සිටියාද ?
එසේනම් අප නිදාගත යුත්තේ කීයටද ?
ප්‍රමාද වී නිදාගැනීම ශරිරයේ නිරෝගීභාවයට හානි සිදු කරනවාද ? මෙහි සත්‍ය අසත්‍යතාවය කුමක්ද ? කලින් නින්දට ගොස් කලින් අවදිවීම හොඳ දවසක් ගත කිරිමට ඉවහල් වෙනවාද ? ඔව්….
ප්‍රමාද වී නිදා ගැනීම මෑත කාලයෙදි අප කොයි කවුරුත් සිදු කරන දෙයක්. මෙයින් ශාරීරිකව අප හට මුහුණ පාන්නට වන හානිය ගැන ඔබ දැන සිටියාද?
රාත්‍රී 11 සිට පාන්දර 3 අතර කාලයෙදී අපගේ අක්මාව තුල වැඩි රුධිර ප්‍රමාණයක් එකතු වෙනවා.රුධිර ධාරිතාව සමග අක්මාව කෙමෙන් කෙමෙන් විශාල වෙනවා. ඒ වගේම අප දිනකදි ආහාරයට ගන්නා ආහාරවල විශ ද්‍රව්‍ය වෙන්කර එම විශවල ගමනාගමනය අඩාල කර විනාශ කර දැමීම අක්මාව සිදු කරන්නේ මෙම කාල සිමාවෙදියී.
එසෙනම් ඔබ මේ කාල සීමාව තුල නින්දට නොගියොත් අක්මාව හට මෙම කාර්යභාරය කර ගැනීමට අපහසු වෙනවා .ඔබ වේලාසන නින්දට යනවානම් අක්මාව හට විශ නැසීමේ ක්‍රියාවලිය සදහා කාලය ලැබෙනවා .ඔබ ප්‍රමාද වි නින්දට යන අයෙක් නම් ඇත්තටම ඔබගේ ශරීරයට එකතු වී ඇති අහිතකර විශ ද්‍රව්‍ය නැසීමට අක්මාවට කාලයක් ලැබෙන්නේ නැහැ. එසේ උවහොත් කෙමෙන් කෙමෙන් අපගෙ ශරිරයට අහිතකර දෑ එක්රැස් වීමට පටන් ගන්නවා. ඊලගට කුමක් සිදුවෙදැයි කියා මම ඔබට අමුතුවෙන් කිවයුතු නැත.
ඔබ ප්‍රමාද වී නිදාගෙන කෙතරම් ප්‍රමාද වී අවදි උවත් ඉතාමත් තද තෙහෙට්ටු ගතියක් දැනෙනවා නම් ඒ ඉහත හේතුව නිසාමයි . තවද උදෑසන 3 සිට 5 අතර කලය තුළ ඔබගේ පෙනහලු තුලද වැඩි රුධිර සංසරණයක් සිදුවෙනවා. මන්ද යත් මෙම කාලය තුලදි පරිසරය තුල නැවුම් වාතය අඩංගුවන බැවිනි . මේ අතර ඔබ උදෑසන 5 සහ 7 කාලවලදී වැසිකිළි යාම සිදු කරනවානම් ඔබගෙ ශාරීරය තව තවත් නිරෝගීභාවයට පත් වෙනවා .එයට හේතුවනම් මෙම කාල සිමාවේදී වැඩි රුධිර සංසරණයක් සිදුවෙන්නේ මහ අන්තරය තුල නිසා.
දවසේ ප්‍රධාන ආහාරය වන උදෑසන ආහාර වේල ලබා ගැනීම මෙන්ම දිනය පුරාම ශරීරයට අත්‍යාවශ්‍ය පෝෂණය ලබාගැනීම ඔබ උදෑසන 7 -9 අතර කාලයෙදී සිදුකරනවා නම් අපගෙ ශරීරයේ අමාශය තුල වැඩි රුධිර ගමනාගමනයක් සිදුවෙනවා.
මෙම හේතුන් මත අතීතයේ ජිවත් වන මිනිසුන් මෙන්ම අද ගම්මාන වල මිනිසුන් වඩා නීරෝගී සම්පන්න ජිවිතයක් ගත කිරීමටද හේතුවෙයි .ඔවුන් කලින් නිදාගෙන කලින් අවදි වෙයි. මන්ද යත් ඔවුන් අනුගමනය කරන්නේ ස්භාවධර්මයා විසින් සකසා දුන් ඔරලෝසුවයි .
ඔබත් උත්සාහ කර බැලුවොත් ඔබටත් වෙනදාට වඩා නැවුම් සහ ශක්තිමත් බවක් නිරායාසයෙන් දැනෙන්නට ගනිවි.
-මන්දාකිණී පතිරණ-
