ඇඟට ගුණ ආහාර වේලක් ගන්න යන්න හොඳම තැන seed cafe..

ඔයාගේ soul එකට වගේම feed එකටත් මෙන්න foods. Seed cafe කියන්නේ හෝර්ටන් තැන්න පැත්තට වෙන්න තියෙන colonial style එකේ ගෙයක්. මේක නිර්මාණය කරලා තියෙන්නේ මහේෂ් සහ නිෂී, Grind coffee house හි අයිතිකරුවන්මයි. මෙය කොළඹ නගරයෙහි ඇති hottest breakfast/brunch spot එකක් . මෙයාලගෙ ප්‍රධාන අරමුණ වෙන්නේ customersලට සෞඛ්‍ය සම්පන්න ජීවන රටාවක් ලබා ගැනීමට ඕන fresh වගෙම quality foods දෙන්න තමයි. හොඳ වගේම fresh දේශීය දේවල් ( සමහර special item ,import කරනවා) use කරලා delicious වගෙම healthy flavors , එයාලාගෙ customers දෙනවා . මේ foods ඔක්කොම photogenic.ඒ තරම් ලස්සනට garnish කරලා තියෙනවා. Cafe එකේ front door එක ලග nuts,seeds වර්ග ,තව කිතුල් sale කරනවා. එවගේම තව case එකක sweet treats,healthy bites වර්ග ඒ කියන්නේ cheese cake,energy balls,coconut macaroons ,kombucha! වගේ දේවල් එයාලා sale කරනවා.

Drinks

මේ cafe එකේ juices වර්ග කෝපි, සහ teas,smoohies,shakes වර්ග ගොඩක් තියෙනවා. ඒවා ඔයාට අමුතුම worldly flavor එකක් දෙනවා sure.

Black magic (LKR 600)

Cafe එකේ තියන juices වල taste එක බලන්න හිතාගෙන් අපි black magic එකක් try කරා. මේක internationally famous juice එකක්. මේකේ activated charcoal තියෙනවා. charcoal වල detoxing quality එකක් තියෙනවා. juice එක තනිකරම black colour.එකේ sweet taste එකක් නම් නෑ. එත් අමුතුම fresh ,earthly flavor එකක් තියෙනව. ඔයා Heavy nights නිසා stress වෙච්ච කෙනෙක් නම් refresh වෙන්න පුළුවන් juice එකක් තමයි මේක.

Mains

Blue Spirulina smoothie bowl (LKR 850)

මේ bawl එක ගොඩක් රසවත් වගේම ලස්සනට garnish කරල තියනවා. Blue spirulina කියන්නේ ,ඇල්ගී වලින් ගත්ත super food එකක්. මේක protein based food එකක්. ඒ නිසා energy ගොඩක් මේකෙන් ලැබෙනවා. Granola,රෝස පෙති,විවිධ nuts වර්ග ,කෙසෙල් පෙති, raspberry ,සහ desiccated coconut blue spirulina smoothie bowl එක රස කරන්න එක් කරලා තියෙනව . Granola රසයත් එක්ක desiccated coconut, banana slive එකතු වූනාම,කටින් කටට අමුතු රසයක් එනවා.

Poke Bowl (Marinated Salmon Sashimi) (LKR 1250)

ඒ bowl එක හරියට Rainbow එකක් වගේ හරිම colourful. ( කැරට් ,ගෝවා,corn,එඩමෙම්,rocket leaves )එකතු කරලා හදලා තියෙන මේ dish එකට තව pickled onion ,ඉඟුරු හා cucumber mix කරලා තියෙනවා .මේකෙ රහ වගේම ලස්සන තවත් වැඩි කරන්න garlic quinoa එක්ක salmon හා ඉස්සන් (tobico) layer එකක් අතුරලා තියෙනවා.japanese mayo,soya sause දාලා season කරලා තියෙන නිසා කටගැස්මට තියෙනවා .

Chili Crab Folded Egg Croissant (LKR 1350)

Soft , Butter croissant එකක් මැද්දට පුරවලා තියෙන කකුළුවෝ , මුදවපු කිරියි ,බිත්තරයි දාලා හරිම රසට හදල තියෙන dish එකක් තමයි chili crab folded egg croissant කියන්නේ . මේකේ රසය තවත් වැඩි කරන්න ලූණුයි,සලාද කොළයි එකතු කරගෙන තියෙනවා. plate එක ලස්සන කරන්න butter chili sause එකතු කරගෙන තියෙන නිසා dish එකේ spicy ගතිය තවත් වැඩි කරනවා .

Dessert

Tropical Island Pavlova (LKR 650)

Menu එකේ තියෙන less healthy food එක්ක තියෙන dish එකක් තමයි tropical island pavlova කියන්නේ . Mango , passion fruit උඩට මීකිරි topping කරලා හදපු රසම රස dessert එකක් . Maringue ඉක්මනින් හැපෙනවා වගේම දියවෙනවා. මී කිරියි, maringue එකට එකතු උනාම එන්නේ පුදුම රසයක් .

Ambience

Seed cafe කියන්නේ , හොර්ටන් වල prana lounge එක ළඟ තියෙන ලස්සන place එකක් .cafe එක හතර වටින්ම open නිසා හොඳ හුළඟක් වගේම හොඳ එළියකුත් තියෙනවා. Garden එකේ අයිනට වෙන්න උණබට පඳුරක් තියෙනවා .ඒකේ යට ඉදන් තමයි කෑම කන්නේ .table එක උඩ ලස්සන flower vase එකක් තියෙනවා .ඒක අමු මල් පැලයක් . හුළං වැදි වැදි view එක බල බලා කෑම කන්න පුළුවන් .

Service

ජනප්‍රිය හා කාර්යබහුල cafe එකක් වුනත් එන හැම customer කෙනෙක්ටම අවධානය දෙන මිත්‍රශීලී සේවක පිරිසක් ඉන්නවා .හිනාවකින් පිළිගත්තු අපිට menu එකේ තියන famous dish ටික එයාලා recommend කරා. මිනිත්තු පහළොවක් ඇතුළත අපේ order එක table එකටම ගෙනාවා .magazine cover එකක තියෙන dish එකක් වගේම ලස්සනට garnish කරලා තිබුණා .

Tips: chili crab folded egg croissant වල රහ බලන්න ඔයත් කැමති නම් , seed cafe එකට අදම එන්න…

ආකර්ශණීය දෙතොලකට හිමිකම් කියන්න මේ දේවල් අනුගමනය කරන්න..

editor

කාන්තාව කියන්නේ සුන්දරත්වයේ සංඛේතයක්. අපි කලින් article එකේ කතා කලා කොහොමද සම නීරෝගිමත්ව පවත්වාගන යන්නේ කියලා. ඉතිං අද අපි කතා කරන්න යන්නේ lips එහෙමත් නැත්තම් අපේ දෙතොල් ලස්සන කරගන්නේ කොහොමද කියලා. දෙතෙල් කියනනේ මුහුණේ ආකර්ශණ වැඩි කරන තවත් අංගයක්. ඉතිං මේ දොතොල් ආකාර්ශණීය ආකාරයෙන් තබා ගන්න එක ඉතාමත් වැදගත්. බහුතරයක් කාන්තාවන් තමන්ගේ දෙතොල් ලස්සන කරගන්න විවිධ වර්ගයේ තොල් ආලේපන භාවිතා කරනවා, එක එක beauty bloggersලා කරන tutorials බලනවා. ඒ වගේම අලුතින්ම වෙළදපලට එන විවිධ වර්ගයේ cosmetic වර්ග භාවිතා කරනවා. ඉතිං අපි බලමු දීප්තිමත් තොල් ලස්සන කරගන්න ඔයාට ගොඩක් උපකාරී වෙන tips මොනවද කියලා .

01-වියළි ගිය සම ඉවත් කරගන්න

ගොඩක් වෙලාවට අපි AC එකේ ඉන්න නිසා එමෙත් නැත්තම් වියළි කාලගුණය හෝ ජලය පානය අවම නිසා දෙතෙල් වියළි යනවා. ඒ වියළි ගිය සම නැත්තම් මැරුණු සම මුලින්ම ඉවත් කරගන්න අවශ්‍යයි දෙතොල් ලස්සන කරගන්න. අපි ලස්සන වෙන්න කියලා දෙතොල් වල විවිධ දේවල් ආලේප කරත් මේ වියළි ගිය සම ඉතුරු වෙලා තිබෙනවා නම් ලස්සන වෙන්න ගාන කිසිදෙයක් වැඩක් වෙන්නේ නැහැ. ඉතිං මේ වියළි සම ඉවත් කරගන්න නිවසේදීම ඔයාට පහසුවෙන් කරගන්න පුළුවන් tip එකක් තමයි මේ. මුලින්ම ඔයාට කරන්න තියෙන්නේ මෙන්න මේ අමුදූව්‍ය ටික හොයාගන්න එක.

අලිගැටපේර තෙල් , ඔලිව් ඔයිල් හෝ ආමන්ඩ් ඔයිල් තේ හැඳි 1
සීනි තේ හැඳි 1
මී පැණි තේ හැඳි 1
පොත් තෙල් හෝ වැස්ලින්

පොඩි භාජනයක් අරගන තෙල් ටික එක්කරගන්න. ඒකට සීනී තේ හැන්දත් එකතු කරගන්න. තවත් පොඩි භාජනයක් අරගන ඒකට මී පැණී පොල් තෙල් හෝ වැස්ලින් ටිකයි එකතු කරලා හොඳට කලවම් කරගන්න. ඊට පස්සේ සාදාගත් paste දෙකම එකට එකතු කරලා ඝනකම් paste සාදාගන්න. සාදාගත් scrub එක දෙතොල් වල ආලේප කරලා හොඳින් සම්භාහනය කරන්න. ඉන්පසුව සාමන්‍ය ජලයෙන් සොදා හරින්න. ඉතිරි paste එක ආයේ භාවිතා කරන්න හොඳින් අසුරා තබන්න. හොඳ ප්‍රතිළුලයක් ලබා ගන්න සතියකට දෙපාරක් භාවිතා කරන්න.

02- සුසිනිදු දෙතොලකට

ඔයාට පුළුවන් මුලින් කිව්ව scrub එක භාවිතා කරලා එහෙමත් නැත්තම් වෙළදපලෙන් මිලදී ගන්න තියන හොඳ scrub එකක භාවිතා කරලා තොල් cleanse කරගන්න. නැත්තම් ඔයාගේ දත් බුරුසුව අරගන හෙමීට ඔයාගෙ තොල් සම්බාහනය කරගන්න. මේ වගේ massage එකකින් පුළුවන් ඔයා භාවිතා කරන තොල් ආලේපන හොඳින් ආලේප කරගන් ඒ වගේම smoothly ආලේප කරගන්න.

03- දෙතොල්වල හැඩය ස්මතුකරගන්න

හැම කෙනාටම එකම විදිහේ දෙතොල් පිහිටන්නේ නැහැ. ලස්සන පිරිපුන් දෙතොලක් ඔයාට අවශ්‍යයිනම් ඔයාට කරන්න තියෙන්නේ concealer එකක් භාවිතා කරලා දෙතොල් වල contour එක තමන්ට කැමති විදිහට ඇඳගන්න. අපිට ස්වාභාවිකව පිහිටලා තියෙන දෙතොල් concealer එකෙන් වහලා lipstick එකෙන් හරි lip liner එකෙන් තමන්ට කැමති ආකාරයට lip එක ඇඳගන්න පුළුවන්.

04-පාට දෙකකින් lipstick භාවිතා කරන්න

දැන් තියන trend එක තමයි පාට දෙකක් භාවිතා කරලා තොල් පාට කරගන්න එක. ඔයා concealer එකක් භාවිතා කරලා ඔයාට කැමති විදිහට lip එක ඇදගත්තට පස්සේ ඔයාට පුළුවන් පාට දෙකක් භාවිතා කරලා lip එකේ හැඩය තවත් ස්මතු කරගන්න.

05- lip liner එක outline කරගන්න

සමහර වෙලාවට ඔයාට හිතෙනවා ඇති ඔයාගෙ දෙතොල් පිරිපුන් මදි කියලා. ඒ වෙලාවට කරන්න තියෙන්නේ concealer එකක් භාවිතා කරලා එහෙමත් නැත්තම් highlighter එකක් භාවිතා කරලා lip එකේ outline එක වැඩි කරගන්න. එවිට ඔයාගේ දෙතොල් පිරිපුන්ව පෙනෙන්න ගන්නවා.

06- පිරිපුන් – මහත දෙතොල් ලබා ගන්න

ඔයාට හිතෙනවා ඇති අනේ මගෙ තොල් මහත මදි , පිරිපුන් මදි කියලා . ඒ වෙලාවට ඔයාට කරන්න තියෙන්නේ lip corners pencil එකෙන් වැඩිපුර ටිකක් ඇඳලා මැද concealer ටිකක් apply කරන එක විතරයි.

07- ඔයාගේ සමට ගැළපෙන lipstick color එක

දකින දකින පාට තියන lipstick අරගන ගාන්න යන්න එපා. lipstick color එකක් ගන්නකොට ඔයාගේ සමට ගැළපෙන colors විතරක් භාවිතා කරන්න. ඒ වගේම මතක තියාගන්න pearl lipstick අපේ සමේ තියන flaws සේරම highlight කරනවා. matte lipstick වලින් lip එකේ පෙනුම අඩු කරනවා. glossy lipstick හැම situations එකකටම ගැළපෙන්නේ නැහැ. ඒ නිසා lipstick භාවිතා කරනකොට තමන්ට ගැළපෙනවද නැත්ද කියන එක හොඳට හිතලා බලලා තෝරාගන්න මතක තියාගන්න.

ඔයා අදුරු සමක්ඕ තිබෙන තරණියක්නා නම් වඩා කැපිලා පෙනෙන Lipstick colors ගන්න නම් එපා. විශේෂයෙන්ම තද රතු, දම්, එහෙමත් නැත්නම් සමේ වර්ණයට හුරු දුඹුරු වගේ වර්ණ ඔයාට ගොඩක් ගැලපෙනවා. rose colors නම් තෝරා ගන්න එපා. මොකද ඒවා ඔයාට කොහෙත්ම ගැළපෙන්නේ නැහැ.

ඔබේ හම සුදුයි හෝ තලෙලුයි කියලා ඔබ හිතුවට, ලංකාවේ ගොඩක් ගැහැණු ළමයින්ට තියෙන්නේ Yellow Under Tone එකක්. ඔයා ගොඩක් Fair කෙනෙක් නම් Light Pink, Coral Peach, Dusty Red සහ Nude කියන Colors ඔබට ගොඩක් match වෙනවා. ඔයාට තියෙන්නේ ලොකුවට Fair නැති Skin Color එකක් නම් ඔයා Rose, Cherry, Berry, Red හෝ Mauve කියන Colors use කරලා බලන්න. ඔයාගේ Skin එක පොඩ්ඩක් Dark නම් ඒ කියන්නේ දුඹුරු පැහැයට හුරුයි නම් Rock Coral, Deep Pink සහ Bright Red වගේ Colors Use කරන්න පුළුවන්. ගොඩක්ම Dark Skin Tone එකක්ද ඔයාට තිබෙනවා නම් Plum Caramel, Blue Base Red හෝ Wine කියන Colors Use කරන්න පුළුවන්.

08- පිළිවෙලට lip color එක apply කරගන්න

අපේ දෙතොල් ලස්සන කරගන්න lipstick ගානවට ගාලා හරියන්නෙ නැහැ. lipstick ගාන විදිහෙනුත් පිළිවෙල ලස්සන පෙනෙනවා. ඒ නිසා මුලින්ම උඩු තොලේ Cupid’s bow එක cross කරලා contour අදින්න. ඊිටපස්සේ lips corners outline කරන්න . ඊිට පස්සේ lines සේරම connect කරන්න. මේ විදිහට කලොත් ඔයාට පුළුවන් පිළිවෙලට ලස්සනට ඔයාගේ දෙතොල් පාට කරගන්න.

09. දෙතොල් මැදට accent එකක් භාවිතා කරන්න

මුලින්ම ඔයාගේ මුළු lips වලම concealer එක apply කරන්න. ඊටපස්සේ bold lipstick එකක් අරගන එක පරිස්සමින් lips වල apply කරගන්න. මෙ විදිහට කලොත් ඔයාගේ lips වලට ලස්සන tender look එකක් ලබාගන්න පුළුවන්.

10- දෙතොල් soft සහ smooth කරගන්න

දැන් කියලා දෙන්න හදන්නේ ස්වාභාවික දේවල් යොදාගන කොහොමද අපේ මේ දෙතොල් soft සහ smooth කරගන්න විදිහ ගැන. අපි එදිනදා ආහාරයට ගන්න ආහාර අතර බීට්රෑට් කියන්නෙ ගුණදායී ආහාරයක්. මේ ආහාරය අපේ දෙතොල් ලස්සන කරගන්න යොදාගන්නනේ මෙහෙමයි. මුලින්ම බීට්රෑට් අලයක් අරගන පොත්ත අයින් කරන්න. ‍ග්‍රේටර් එකක් අරන් බීට්රූට් ගෙඩිය හොඳින් ගාගෙන මිරිකලා ඉස්ම ටික අරගන්න. ඒ ඉස්ම ටිකට පොල්තෙල් තේ හැන්දක්, මී පැණි හෝ beeswax ටිකක් එකතු කරලා හොඳින් මිශ්‍රකරගන්න. මේ මිශ්‍රණය ඔයාට පුළුවන් හැමවෙලාවකම lips වල ආලේප කරගන්න. සතියකට පසු ඔයාට රෝස පට soft සහ smooth දෙතොලකට හිමිකම් කියන්න පුළුවන්.

රුව ගැන සිතන ඔයාට සමේ සුන්දරත්වය රැකගන්න බියුටි ටිප්ස් මෙන්න..

editor

සම කියන්නේ බොහොම සංවේදී ඉන්ද්‍රියක්. අපි මේ සම රැකගන්න ගොඩක් දේවල් කරනවා. අපි ලස්සන වෙන්න නම් අපේ සම ලස්සන වෙන එක අනිවාර්යයයි. ලංකාවේ අපිට සම ලස්සනට තියාගන්න එක ටිකක් අභියෝගාත්මකයි. මොකද වැඩි දෙනෙක් උදේ සවස පොදු ප්‍රවාහණ සේවය භාවිතා කරනවා. එලියේ වැඩ කරන්න සිද්ද වෙනවා. ඒ නිසා අපේ සම ගොඩක් වෙලාවට අව්වට සහ දූවිල්ලට නිරාවරණය වෙනවා. ඒ වගේම අපේ රටේ skin care වලට ගන්න තියෙන හොඳ products මිලෙන් අධිකයි. මේ හේතූන් නිසා විශේෂයෙන්ම කාන්තාවන් සම රැකගන්න ලොකු අභියෝගයකට එදිනදා ජීවිතයේදී මුහුණ දෙනවා. මෙන්න මේ හේතුව නිසාම ගැස්ම හිතුවා ඔයාගේ සම රැකගන්න ලේසියෙන්ම කරගන්න පුළුවන් ඒ වගේම ලොකු වියදමක් දරන්න වෙන්නේම නැති tips ටිකක් ඔයාලට කියලා දෙන්න.

01-Baking soda scrub

විශ්වාසකරන්න බේකින් සෝඩා කුස්සියේ වැඩ වලට විතරක් නෙවෙයි සම ලස්සන කරගන්නත් ගොඩක් වැදගත් වෙන දෙයක් කිව්වොත් ඔබ විශ්වාස කරනවාද? ඇත්තටම සම ලස්සන කරගන්න බේකිං සෝඩා ලොකු ප්‍රෙයෝජනයක් ගෙන දෙනවා. බේකිං සෝඩා මගින් ඔයාගේ සමේ pH මට්ටම සමතුළිත කර සම දීප්තිමත් කරනවා. ඒ වගේම මියගිය සම ඉවත් කරන්නද බේකිං සෝඩා වලට හැකියාව තිබෙනවා. ඔබේ සමේ කුරුලෑ මගින් ඇතිවුණ කැලැල් තිබෙනවා නම් ඒවා ඉවත් කරගන්න, සමේ ඇතිවෙන දද ඉවත් කරගන්න, yeast infection වලට ප්‍රතිකාරයක් වශයෙන්ද, අව්වට පිච්චුන සම නැවත යතා තත්ත්වයට පත්කරගන්න, Skin Tan ඉවත් කරගන්න, Blackheads ඉවත් කරගන්න, සම පැහැපත් කරගන්න වගේම A natural cleanser එකක් වශයෙන් බේකිං සෝඩා යොදාගන්න හැකියාව තිබෙනවා.

ඔබට කරන්න තියෙන්නේ බේකින් සෝඩා හැදි 3කට වතුර හැන්දක් එකතු කර paste එකක් සදාගන්න. ඉන්පසුව ඔබේ මුහුණ සාමාන්‍ය වතුරෙන් සබන් යොදා පිරිසිදු කරගන්න. ඉන්පසුව සදාගත් paste එක මුහුණට මෘදු ලෙස ආලේප කරන්න.

මුලු මුහුණෙම ආලේපය යොදාගත් පසු මෘදු ලෙස හොඳින් සම්භාහනය කර වතුරෙන් සෝදා හරින්න. මෙය sensitive skin එකකට face cleanser එකක් වශයෙන් යොදාගන්න හැකියාව තිබෙනවා.

02-Sweet and salty

අපි ශරීරයේ සමහර ස්ථාන වල කුරුලෑ මතුවෙනවා. මුහුණේ කුරුලෑ එන එක සාමාන්‍යයි. ඒ දේට බහුතරයක දෙනා මුහුණ දෙනවා. ඒ වුණාට පිටේ , පපුවේ , තට්ටම් වල එන කුරුලෑ නිසා අපේ ශරීරය පුරාවටම කැලැල් ඇතිවෙන්න ඉඩකඩ වැඩි වෙනවා. මෙන්න මේ විදිහට ශරිරයේ හැමතැනම එන කුරුලෑ වලින් අත් මිදෙන්න ඔයාට කරන්න තියෙන්නනේ ලුණු . සීනි, පැණි සහ පොල්තෙල් එකට එකතුකර ගණ මිශ්‍රණයක් සාදාගන්න. මේ scrub එක මුහුණට වගේම මුලු සිරුරටම යොදාගන්න හැකියාව තිබෙනවා. මෙම මිශ්‍රණය සතියට දෙපාරක් සම පිරිසිදු කරගන්න යොදාගන්න. මෙමගින් ශරීරයේ ඇතිවෙන අනවශ්‍ය කුරුලෑ කරදරයෙන් මිදෙන්න ඔයාට හැකියාව තිබෙනවා.

ඔයාගේ සම ගොඩක් oily නම් මිශ්‍රණයට යොදාගන්න ලුණු සහ සීනි ප්‍රමාණය වැඩි කරන්න මතක තියාගන්න.

03-Vitamin A

සමේ රෝග විශේෂඥයින් විසින් ගොඩක් වෙලාවට recommend කරනවා අපි පාවිච්චි කරන night cream එක විටමින් A සංයුක්ත වන එකක් භාවිතා කරන්න කියලා . retinol කියලා ඔබ අහලා තියනවත් ඇති සමහර විට . හැබැයි ඉතින් ඔයාටම පුළුවන් ඔයාගේ night cream එකට විටමින් A එකතුකරගන්න. rosehip oil හෝ carrot oil බිංදු කිහිපයක් ඔයා එදිනදා භාවිතා කරන night cream එකට එකතු කරගන්න. මෙයින් ඔයාට පුළුවන් සමේ ඇතිවෙන stretch marks, කුරුලෑ වගේම wrinkles ඉක්මනින් ඉවත්කරගන්න.

ඒ වගේම තමයි මේ oil දෙකම සමේ ඇතිවෙන කැලැල් ඉවත් කරගන්න උපකාරී වෙනවා. හැබැයි මතක තියාගන්න ඔබ ගැබිණි මවක්නම් විටමින් A අඩංගු කිසිදෙයක් daytime එකේදි භාවිතා කරන්න එපා. මොකද අපේ ශරීරයේ තිබෙන ස්වාභාවික හිරු කිරණින් ආරක්ෂාවීමට තිබෙන හැකියාවට බලපෑම් ඇති කරනවා.

04-Tea tree oil

විවිධ පරීක්ෂණ වලින් හෙළිවෙලා තිබෙනවා Tea tree oil skin bacteria සමග සටන් කරන්න යොදාගන්න පුළුවන් හොඳ oil එකක් කියලා. සමෙහි ඇතිවෙන රතුපැල්ලම් අවම කරන්න , කුරුලෑ ඉවත් කරන්න Tea tree oil වලට හැකියාව තිබෙනවා. Tea tree oil අඩංගු anti-acne gel එකක් භාවිතා කරල බලන්න කොපමණ ඉක්මනින් නීරෝගිමත් සෞඛ්‍ය සම්පන්න සමක් ඔබට ලබාගන්න පුළුවන්ද කියන එක.

05-Take a bath

ඔයා හැමදාම නානවනේ නේද? හැබැයි ඔයාට පුළුවන් වෙනදා නානවා වගේ නැතුව පොඩි වෙනසක් එක්ක හොඳට නාගන්න.

oatmea කෝප්ප 1/4
කිරිපිටි කෝප්ප 1/4
දුඹුරු සීනි කෝප්ප1/4
ඔයා කැමති ඹෟෂධීය පැළෑටි කෝප්ප 1/4 (දෙහි,ලැවෙන්රා) අරගෙන හොඳින් grind කරගන්න. එයට ඔයා කැමති essential oil බිංදු 10-15 එකතු කරගන්න. තව පැණි මේස හැදි 2ක් සහ body oil මේසහැඳි 2ක් එයට එකතු කරගන්න. bath bag එකක් අරගන ඒකට මේ මිශ්‍රණය දාලා උණු වතුරෙ ටිකවේලවක් බහාලා තියන්න. ඉන්පසුව ශයා බාත් ටබ් එකක නානවානම් මේ bag එක එකට දාලා හොඳින් නාගන්න.

06- Try to cut down on sugar

පර්යේෂකයන් විසන් පෙන්වා දී තිබෙනවා සීනි භාවිතය සමේ රැළි වැටීම් ඇතිවීමට , සිහින් රේඛා ඇතිවීමට සහ සම අවපැහැ වීමට ගොඩක් බලපාන බව. ඔබ ගොඩක් සීනී අඩංගු ආහාර ගන්න කෙනෙක්නම් නීරෝගිමත් සමක් පවත්වා ගැනීම අසීරු කාර්යයක් වෙනවා. ඔබට සීනි අවශ්‍යමයිනම් ඒ වෙනුවට පලතුරු සහ බෙරි ආහාරයට ගන්න උත්සහ කරන්න. මෙය ඔබේ සීනි ආශාව තෘප්තිමත් කරනවා වගේම ඔබේ සමට සෞඛ්‍ය සම්පන්න ප්‍රතිඔක්සිකාරක ලබාදෙනවා.

චර්මරෝග විශේෂඥයින් විසින් ඔබේ සම නිරෝගී හා සුන්දර පෙනුමක් ලබා ගැනීමට උපකාරී වන සරල එදිනෙදා උපක්‍රම ගණනාවක් හොයාගන තිබෙනවා.

දිනකට එක් වරක් හෝ දෙවරක් ඔබේ සම දිනපතා සෝදන්න. ඔබේ වයසට හා සමේ වර්ගයට ගැලපෙන පිරිසිදු කිරීමේ නිෂ්පාදන භාවිතා කරන්න, makeup පිටින් කිසි විටෙකත් නින්දට යන්නට එපා.
ඔබේ සම සැමවිටම තෙතමනය සහිතව තබාගන්න වගබලාගන්න. තෙල් සහිත සමකට පවා සැහැල්ලු මොයිස්චරයිසර් එකක් අවශ්‍ය බව මතක තබා ගන්න. ස්නානය කිරීමෙන් පසු මෙම නිෂ්පාදනය කෙලින්ම සමට ආලේප කරන්න.
දිනපතා sun cream භාවිතා කරන්න. වළාකුළු පිරි දිනවල දී පවා ඔබේ සම පාරජම්බුල කිරණවලට නිරාවරණය වෙනවා.
රාත්‍රියේ දී night cream එකක් භාවිතා කරන්න. එයට විටමින් A, C, E, සහ K සහිත එකක් තෝරන්න. රැළි සහ අඳුරු කව වළක්වා ගැනීමට මෙය ඔබට උපකාරී වෙනවා.
ඔබ සාමාන්‍යයෙන් ඇඳේ නිදා නොගන්නා පැත්තේ නිදා ගැනීමට උත්සාහ කරන්න. රූපලාවණ්‍ය ශිල්පීන් පවසන්නේ මෙම තාක්ෂණය මඟින් සමේ වර්ධනය වන රැළි ප්‍රමාණය අඩු කර ගැනීමට ඔබට හැකි වනු ඇති බවයි.

සිංහල භාෂාව ආරම්භ වුණේ මෙහෙමයි..

editor

සිංහල භාෂාව යනු ධනවත් හා වර්ණවත් ඉතිහාසයක් සහිත ගතික භාෂාවකි. එහෙත්, එහි කතාන්දරය අපි බොහෝ දෙනෙක්ගේ අවධානයෙන් සැඟවී තිබේ. ඇත්තටම සිංහලයන්ගේ කතාව මොකක් වෙන්න පුලුවන්ද?මෙම දිගහැරුමට හේතු වූ කුතුහලය දනවන ප්‍රශ්නයක් මගේ හිතේ නැගුණා.ඉන්දු-යුරෝපීය භාෂා පවුල තුළ ඉන්දු-ආර්ය උප සමූහයේ සාමාජිකයෙකු වන සිංහල, ශ්‍රී ලංකාවේ නිල භාෂාවන්ගෙන් එකකි. එය මිලියන 16 කට අධික ජනතාවකගේ මව් භාෂාවයි. තවත් මිලියන 4 ක ජනතාවක් සිංහල භාෂාව ඔවුන්ගේ දෙවන භාෂාව ලෙස භාවිතයට ගනී.

කැළණිය විශ්ව විද්‍යාලයේ මහාචාර්ය එම්.ඒ. නිමල් කරුණාරත්න සමඟ මා කළ සාකච්ඡාවකදී, එය මුලින්ම හදුන්වා තිබෙන්නේ ‘හෙළ භාෂා’ ලෙසිනි . පසුව එය පාලි භාෂාවේ නිරූපණයන් වන සංස්කෘත සහ ප්‍රකෘත භාෂාවන් සමග ඒකාබද්ධ විය. ඉන්පසුව එය සෙමින් ද්‍රවිඩ පවුල් තුළද භාවිතයට ගත් බව සඳහන් කළා.ශ්‍රී ලංකාව භූගෝලීය වශයෙන් ඉන්දියානු මහද්වීපයේ අනෙකුත් ප්‍රදේශවලින් වෙන් වූ හෙයින්,සිංහලයන් පරිණාමය වූයේ අනිකුත් ඉන්දු-ආර්ය භාෂාවන්ට වඩා වෙනස්වයි. දූපත් භාෂාවක් ලෙස, දකුණු ආසියානු භාෂා විද්වතුන්ට කුතුහලය දනවන ලෙස ඔවුන්ගේ භාෂාමය ඉතිහාසයට වෙනස්ම අංග ගණනාවක් සිංහල භාෂාව තුළ ඇති වී තිබුණි.

මහාචාර්ය ගයිගර් විසින්, 1938 දී සිංහල භාෂාවේ පරිණාමය යුග හතරකට ප්‍රභේදනය කරයි.

සිංහල ප්‍රකෘත (ක්‍රි.පූ. 2 වන සියවස – ක්‍රි.ව. 5 වන සියවස)
ප්‍රෝටෝ-සිංහල (ක්‍රි.ව. 5 වන සියවස – ක්‍රි.ව. 8 වන සියවස)
මධ්‍යකාලීන සිංහල (ක්‍රි.ව. 8 වන සියවස – ක්‍රි.ව. 13 වන සියවස)
නූතන සිංහල (ක්‍රි.ව. 13 වන සියවස – ක්‍රි.ව. 20 වන සියවස)

සිංහල භාෂාවේ මූලාරම්භය

ඉන්දීය විජය කුමරු සහ ඔහුගේ අනුගාමිකයන් ක්‍රි.පූ 6 වන සියවසේදී ශ්‍රී ලංකාවට පැමිණි බව ‘මහවංශය’ විස්තර කරයි. සිංහබාහුගේ පුත් විජය කුමරු සිංහල ජාතියේ නිර්මාතෘවරයායි. අපේ දූපතට සිංහල භාෂාව හඳුන්වා දුන්නේ ඔහු සහ ඔහුගේ අනුගාමිකයන් ය.
කොළඹ විශ්ව විද්‍යාලයේ මහාචාර්ය සඳගෝමි කොපෙරෙවා විසින් ප්‍රකාශයට පත් කරන ලද පර්යේෂණ පත්‍රිකාවකට අනුව, විජය කුමරුගේ මුල් නිවස වන සිංහපුර හෙවත් ‘සිංහ නගරය’ ලෙස පරිවර්තනය කර ඇති ස්ථානය අභිරහසක්ව පවතී. සමහර විද්වතුන් ඔහුගේ නිවස ගුජරාටයේ පිහිටි ප්‍රදේශයක් ලෙස හඳුනාගෙන ඇත. ඔහු සහ ඔහුගේ පිරිවර බටහිර ඉන්දියාවේ සිට පැමිණි බව නිගමනය කළද , අනෙක් විද්වතුන් මෙය බටහිර බෙංගාලයේ කලාපයක් ලෙස හඳුනාගෙන ඔවුන් නැගෙනහිර ඉන්දියාවෙන් පැමිණි බව නිගමනය කරති.

මෙහි ඇති නැගෙනහිර හා බටහිර උපකල්පනයන්; පැරණි සිංහල සහ උතුරු ඉන්දියාවේ භාෂාවන් අතර ඇති සමානකම් පිළිබඳව භාෂාමය සාක්ෂි සපයයි. සිංපුරගේ පිහිටීම කාලිංගය ලෙසද දැඩි විශ්වාසයක් පවතී. දැන් එය ඔෂිඩා ලෙස හැඳින්වේ, එහි භාෂාව ‘ඔඩියා’ වේ. පොළොන්නරු යුගයේ දී, (ක්‍රි.ව. 12 වන සියවසේ) නිසංකමල්ල රජු විසින් සාදන ලද පාෂාණමය සෙල්ලිපියක සඳහන් වන්නේ ඔහු කාලිංග රාජවංශයට අයත් බවත් විජය කුමරුගේ ජාතියෙන් පැවත එන්නෙකු බවත්ය. ඒයින් විජය කුමරුගේ මූලාරම්භය සිංහපුර යැයි විශ්වාස කළ හැකියි.

සිංහල පිටපත්

බ්‍රහ්මීය අක්ෂර ලංකාවට රැගෙන ආවේ සිංහපුර සිට පැමිණි පළමු සංක්‍රමණිකයින්ය. විජය රජ ඉන්දියානු රජවරුන් සමඟ විවාහය සංවිධානය කිරීම සඳහා සන්නිවේදනය කළ බව මහාවංශයේ සඳහන් වෙනවා. ජාතීන් අතර පොදු භාෂාවක් සහ පිටපතක් භාවිතා කර ඇති බවට මෙයින් හැගවෙනවා.සිංහල පිටපත් විශ්ලේෂණය කිරීම තුළින් ඒවා තවදුරටත් ගවේෂණය කිරීමට මා තුළ දැඩි උද්‍යෝගයක් හටගත්තා.අනුරාධපුරයේ ඇතුල් නගරයක සිදුකළ නවතම කැණීම්වලින් ක්‍රි:වර්ෂ 6 වන සියවසට පමණ අයිති යැයි හැඟෙන සෙල්ලිපියක් සොයාගෙන තිබෙනවා.

මෙවැනි සාක්ෂි පදනම් කරගනිමින් විවිධ ඉතිහාසඥයින් විසින් ගල් කැණීම් තුළින් පළමු සිංහල ව්‍යවහාරයන් හඳුන්වා දීමට සමත් වී තිබෙනවා.මෙම කැණීම් වලින් සොයා ගත් දෑ ක්‍රිස්තු වර්ෂ දෙවන සියවස දක්වා පමණක් වේ.නමුත් මේවා පදනම් කර ගනිමින් මහාචාර්ය ගිගර් විසින් ක්‍රිස්තු වර්ෂ දෙවැනි සියවසේ සිට ක්‍රිස්තු වර්ෂ පස්වැනි සියවස දක්වා ප්‍රකෘත භාෂා අවධිය ලෙස ශ්‍රේණි ගත කර තිබෙනවා. ස්වර අවසානයන් තුලින් භාෂාවේ විවිධ අවදියන් නිරූපණය වේ.

“උපසක වෙශහ ලෙන”හී

” _තාල දාර නගහ පුට දේවහ ලේනේ අගනා අනගටා කටුදිස සගසා_ “
(එපිග්‍රැෆියා සෙලානිකා)

මෙහි ගුහා වල නම් සහ පරිත්‍යාගශීලීන් ගැන සඳහන් කරයි. උත්තියා රැජින (ක්‍රි.පූ. 207 – 197) විසින් කරන ලද සෙල්ලිපියක මෙසේ සඳහන් වේ.

“ _දමරකිට ටෙරසා අගටා අනගාටා කැටුඩිසා
සගසා අනිකටා සොනා පිටහ බැරිය
උපසිට තිසය ලෙනේ_ ”

එහි පරිවර්තනය නම්, “තිස්ස අනිකාටා සෝනාගේ පියාගේ බිරිඳගේ ගුහාව [තෑගි කළ] ධම්මරඛිත හිමි නමට [සහ] වැඩිය හෝ වැඩීමට සිටින සංඝයානන් හට ” .මෙම ලියවිලි පසුකාලීන හා නූතන සිංහලයන්ට සමාන ය.
කෙසේ වෙතත්, බ්‍රිතාන්‍යයන්ට අනුව, අද දක්වාම පවතින සාහිත්‍ය සිංහල භාෂාව ස්ථාපිත වූයේ 1250 දී පමණ බව සැලකේ .

ලෝකයේ වෙනත් භාෂා සමග සම්බන්ධ වීම

ලොක සිතියමේ භූගෝලීය වශයෙන් වැදගත් ස්ථානයක පිහිටා ඇති ශ්‍රී ලංකාව විවිධ බලපෑම්වලට භාජනය වන අතර, සිංහල භාෂාවද ඒ අතර තිබේ . විදේශීය භාෂා ඒකාබද්ධ කිරීමත් සමඟ මෙම බලපෑම සැලකිය යුතු ලෙස වර්ධනය වී ඇත .

පහත දැක්වෙන පරිදි ,දෙමළ භාෂාව ද ඇතුළුව ,දකුණු ඉන්දියාවේ ද්‍රවිඩ භාෂාවන්හි පුළුල් ව්‍යාප්තියත් සමඟ,සිංහල භාෂාව තුළ ණයපද රාශියක් දක්නට ඇත.

සංස්කෘත භාෂාව , හෙළ බස, ග්‍රීක හා ලතින් භාෂාවන් සමග දක්වා ඇත . සිත්ඇදගන්නාසුලු සමානකම් සිංහල භාෂාව සහ රෝමානු භාෂාව අතර ද දක්නට ලැබේ .

එපමණක් නොව, යටත් විජිතකරණයේ බලපෑමත් සමගම පෘතුගීසි ,ලන්දේසි සහ ඉංග්‍රීසි භාෂාවන් එදිනෙදා සිංහල භාෂාව තුළ අනිවාර්ය අංගයක් බවට පත්ව ඇත .

සිංහල සාහිත්‍යය

සිංහලයන් විසින් භාෂාවේ රසය වැඩිකර ගැනීම සඳහා සාහිත්‍යමය වශයෙන් විවිධ නිර්මාණ රාශියක් කර ඇත.
මා සොයාගත් පරිදි, “සියබස්ලකර” යනු ශ්‍රී ලංකාවේ මුල්ම කාව්‍ය සංග්‍රහයයි .එය කිස්තු පූර්ව නව වන සියවසයේ
“ශීලමගසේන රජු ” විසින් ලියන ලද කෘතියකි .එය සංස්කෘත කවියෙකු වන “ඩැඩින්” විසින් රචිත “කාව්‍යදර්ශ” කෘතියට සමීප ව ලියා ඇති අතර ,ශාස්ත්‍රකයින් අවධානය කරන පරිදි ,ඔහු දක්ෂ කවීන්ගේ කෘති වලට නිරාවරණය නොවේ නම් මෙම කාව්‍ය සංග්‍රහය ලිවීමට නොහැකි වන බවයි. මගේ අවධානයට ලක්වූ තවත් සංස්කෘතික සම්ප්‍රදායක් වන්නේ ,පාලි විවරණ, සිංහල භාෂාවට පරිවර්තනය කිරීමයි. මේවා “හෙළටුව” නොහොත් “සිංහල විවරණ” ලෙස හැඳින්වේ.මෙය පරිවර්තන දැනුම හා සංස්කෘතිය සඳහා විශාල දායකත්වයක් සපයා තිබේ .

සිංහල සාහිත්‍යය, ඓතිහාසික වාර්තා අනුගමනය කර ඇති අතර “මහාවස” (එහි අර්ථය මහාවංශ කතාව) සහ “කාලවස”( කුඩා වංශ කතාව) යන මේවා,සාහිත්‍යයේ සාරාංශයයි.
මේ සමගම ,ඒ කාලයේදී අනුරාධපුර යුගය තුළ සාහිත්‍යයමය වශයෙන් නව පිබිදීමක් ඇති වී ඇත.”කුරුටු ගී” ලෙස හඳුන්වන මෙම සංග්‍රහය ප්‍රභේද සිය ගණනක් කවි හා ගද්‍ය රචනා වලින් සමන්විත වී ඇත.
සීගිරිය නැරඹීමට පැමිණී පුරාණ සංචාරකයින් විසින් කැඩපත් පවුර ආශ්‍රිතව ලියා ඇති කුරුටු ගීත පිළිබඳව ඔවුන්ගේ සතුට සහ අගය කිරීම් ප්‍රකාශ කර තිබේ.එක් ආදර ලියන්නෙකු මෙසේ ලියා තිබේ.

ඇස් මීදුම් හසුන් – හසුන් සේයින් විල් දුට
මුල ළමා සැනහී – පුල් පියූමන් සේයී බඹර දුට

මෙයින් අදහස් කරන්නේ, “විලක් දුටු හංසයන් මෙන් (ඇය විසින්) දුන් පණිවිඩය මම ඇහුම්කන් දුන්නෙමි. යන්නයි.

නූතන යුගයේ සිංහල භාෂාව

සිංහල ඉතිහාසය පිළිබඳ ගවේෂණය මා මෙතකින් නැවැත්වීමට තීරණය කළෙමි .ඒ අනුව මා, නූතන සිංහල භාෂාව අද්විතීය වන්නේ කුමක් නිසාද? අපේ භාෂාව තවත් ප්‍රගුණ කිරීම සඳහා අත්‍යවශ්‍ය අංග මොනවද ?යන්න අනාවරණය කර ගතිමි. සම්ප්‍රදායික සිංහල භාෂාව ,”ශුද්ධ සිංහල” හෝ “එලූ හෝඩිය” ලෙස හැඳින්වෙන අතර ,ස්වර 14 කින් සමන්විත වේ. මෙම ස්වර ,හතක් කෙටි ශබ්ද සහ හතක් දිගු ශබ්ද වේ.ඉන්දු-ආර්ය හෝ ද්‍රවිඩ භාෂා වලින් සොයා ගත නොහැකි අද්විතීය ස්වර දෙකක් ඒ අතර වේ.සාම්ප්‍රදායික සිංහලට ඇතුළත් කර ඇති ව්‍යංජනාක්ෂර 26,
4 ක්ම ව්‍යාප්ත ව්‍යාජනාක්ෂර වේ.මාලදිවයින හැරුණු විට ,මෙම ශබ්ද හතර වෙනත් දකුණු ආසියානු භාෂාවක දක්නට නොලැබේ. එය සිංහලයන්ගේ උප භාෂාවයි . එලූ හෝඩියේ අක්ෂර වලට අමතරව නූතන සිංහල පිටපතෙහි” මිශ්‍ර සිංහල “ඇතුලත් වේ.එය තවත් අක්ෂර 18 කින් සමන්විත වේ.මෙම අක්ෂර සංස්කෘත හා පාලි සම්භවයක් ඇති වචන ලිවීමට යොදා ගනී . සිංහල භාෂාවේ සෑම ශබ්දයකටම හෝඩියේ නිශ්චිත අකුරක් ඇත.සිංහල හෝඩියද “අබුගිඩා”, ය.එනම් එය ව්‍යංජනාක්ෂර වලට ආවේණික ස්වර උච්චාරණය කරන බවයි.

ඉංග්‍රීසි භාෂාව තුළ වාක්‍යයක ,කර්තෘ – කාර්යය – කර්මය ( subject -verb -object ) අනුගමනය කරන අතර, සිංහල භාෂාව තුළ ,කර්තෘ – කර්මය – ක්‍රියාව අනුගමනය කරයි .
එමෙන්ම,සිංහල භාෂාවට වැඩි වටිනාකමක් ගෙන දීම සදහා අනුවාද දෙකක් භාවිතා කරයි.

1)වාචික හෝ එදිනෙදා භාවිතා කරන සිංහල
2) සාහිත්‍ය භාෂාව

මෙම ප්‍රභේද දෙක අතර ව්‍යාකරණ මෙන්ම වචන මාලාවේ ද පැහැදිලි වෙනස්කම් දක්නට තිබේ .
“සිංහල භාෂාව ” අපේ ජාතියේ අනන්‍යතාවයයි . මෙම අපූරු භාෂාවේ ගැඹුර සහ පළල, එහි මූලාරම්භය හා පරිමාව වටා ඇති ආකර්ෂණීය කතා තව දුරටත් අප සමග ගවේෂණය කිරීම සඳහා රැඳී සිටින ලෙස ඔබට ඇරයුම් කරන්නෙමු.

යාපනයේ සංචාරය කරන්න ඉන්න ඔයාට යන්න හොඳම තැන් 07ක් මෙන්න..

editor

යුද කලාපයක් වෙලා තිබුණ හැබැයි මේ වෙද්දී සංචාරක ගමනාන්තයක් වෙලා තියෙන, යාපනය කියන්නේ හැම සංචාරකයෙකුගේම bucket list එකේ අනිවාර්යයෙන්ම තියෙන්න ඕනේ තැනක්. පොහොසත් සංස්කෘතික උරුමයන්, ‍ඓතිහාසික ස්ථාන, ඇදහිය නොහැකි ආහාර සහ වෙන්වුණු දූපත් සඳහා ප්‍රධාන වශයෙන් ප්‍රසිද්ධ යාපනය මේ වෙද්දී දිවයිනේ ගොඩක්ම හුදෙකලා නගරයෙන් කුඩා මනෝරාජ්‍යයක් බවට පරිවර්තනය වෙලා තියෙනවා. යාපනයේ අනිවාර්යයෙන්ම නැරඹිය යුතු තැන් 07ක් ගැන විස්තරය තමයි මේ..!

1) පේදුරු තුඩුව ප්‍රදීපාගාරය

පොයින්ට් පේද්‍රෝ සිංහලෙන් පේදුරු තුඩුව කියන නම ආරම්භ වුණේ “පාෂාණමය කේප්” යන අර්ථය දෙන පෘතුගීසි වචනයක් වෙන “පොන්ටා දාස් පෙඩ්‍රාස්” කියන වචනයෙන්. නමුත් ලංකාවේ මිනිසුන් පොයින්ට් පේද්‍රෝව හැඳින්වූයේ “Paruthithurai” යන නමෙන්. එකේ අර්ථය වුණේ “කපු වරාය” යන්න. කොහොම නමුත් මේ නම පිටුපස තියෙන කතාව නම් සියවස් ගණනාවක් තිස්සේ පොයින්ට් පේද්‍රෝ දකුණු ඉන්දියාවට කපු අපනයනය කිරීම. පොයින්ට් පේද්‍රෝ ප්‍රදීපාගාරය යාපනයේ ඉදන් කි.මී. 35 ක් විතර දුරින් පිහිටලා තියෙනවා. සිලින්ඩරාකාර හැඩයක් තියෙන ප්‍රරදීපාගාරයේ උස මීටර් 32 ක් වෙනවා. ඒක ඉදිකරලා තියෙන්නේ 1916 දී. ප්‍රදීපාගාරය ශ්‍රී ලංකා නාවික කඳවුර යටතේ තියෙන නිසා අවාසනාවකට වගේ ඔයාට ඒක ළගටම ගිහින් බලන්න නම් අවස්ථාවක් නැහැ. හැබැයි ඔයාට ඒක දුර ඉදන් බලන්න පුළුවන්. ඔයා කවදා හරි යාපනයේ යනවා නම් අනිවාර්යයෙන්ම නැරඹිය යුතු තැනක් තමයි මේ.

2) ඩෙල්ෆ්ට් දූපත

ඩෙල්ෆ්ට් දූපත නෙදුන්තීව් කියලත් හදුන්වනවා. ඒක ශ්‍රී ලංකාවේ උතුරු කොටසේ පිහිටලා තියෙනවා වගේම කුරිකාඩ්වාන් වරායේ බෝට්ටුවකින් තමයි ඒකට යන්න පුළුවන් එකම මාර්ගය.

දුපතේ ප්‍රධාන ආකර්ශනීය තැන් වලට යන්න නම් ආසන්න වශයෙන් පැය 4 ක් විතර ගත වෙනවා. ටුක්-ටුක් එකකින් සංචාරය කරනවා නම් දළ වශයෙන් LKR 1500 -2000 ක් විතර වැය වෙනවා. තරමක් මිල අධික වුණත්, ඒක වටිනවා කියන එකනම් මට විශ්වාසයෙන් කියන්න පුළුවන්. මෙ දූපතේ විතරක් දැක බලා ගන්න ගොඩක් දේවල් තියෙනවා.

ඩෙල්ෆ්ට් අයිලන්ඩ් බයෝබාබ් ගස – මෙම ගස 16 වන සියවසේදී තමයි රෝපණය කරලා තියෙන්නේ. ලෝකයේ වඩාත්ම පෝෂ්‍යදායී පලතුරු මේ ගහේ තියෙනවා. මේ ගහේ විශේෂත්වය තමයි ගහේ කඳ ඇතුලෙන් ගුහාවක් වගේ තියෙන එක

ලන්දේසි රෝහල – ලන්දේසි කාලයේදී වෛද්‍ය කටයුතු වලට මේ රෝහල නිර්මාණය කරලා තියෙනවා.බ්‍රිතාන්‍ය පාලන සමයේදී පරිපාලන මධ්‍යස්ථානයක් බවට පරිවර්තනය කරලා තියෙෙන්නේ.

ලන්දේසි අශ්වාගාල – ඩෙල්ෆ්ට් දූපත වල් අශ්වයන් සඳහා ප්‍රසිද්ධයි. අවම වශයෙන් වල් අශ්වයන් 500 ක් විතර වෙරළ දිගේ සහ දිවයින පුරා දැකබලා ගන්න පුළුවන්.

හනුමාන්ගේ අඩිපාර – හින්දු ආගමට අනුව, වඳුරන්ගේ රජු සහ රාමගේ කැපවූ සේවකයා වුණු හනුමාන්ගේ යෝධ මානව-සමාන ඉස්සරහ පාදයක මුද්‍රණය පර්වතයක කාවැදී තියෙනවා.

3) මනල්කාඩු පල්ලිය

මනල්කාඩු කියන්නේ යාපනය අර්ධද්වීපයේ ඊසානදිග වෙරළේ පිහිටලා තියෙන ගමක්. ඉංග්‍රීසි භාෂාවට පරිවර්තනය කළාම මනල්කාඩු කියන වචනයේ තේරුම “වැලි පඳුර” යන්න. ඔයා හිතනවා ඇති ඇයි මේ නම දුන්නේ කියලා? අවුරුදු 100 කට වැඩි කාලයක් තිස්සේ ඇති වූණු දූවිලි කුණාටු හේතුවෙන් ලන්දේසි පල්ලියක් වැලි යට වැළලුවා. පල්ලිය 17 වන සියවසේදී ලන්දේසි ආක්‍රමණයේදී තමයි ඉදිකරලා තියෙන්නේ. වෙරළෙන් එකතු කරලා තියෙන කොරල් ගල් වලින් නිමවා ඇති බිත්ති නිසා මේ පල්ලියේ සුන්දරත්වය වැඩි වෙන්න හේතුවක් වෙලා තිබිලා.

4) මනල්කාඩු බීච් සහ වැලි කඳු

ඩුබායි වල වැලි කඳු දැකගත්තා වගේ හැඟීමක් ලබාගන්න ඕනේ නම් මනල්කාඩු තමයි ඔයාට ගැලපෙනම තැන. වැලි කඳු වලින් මීටර් 300 ක් විතර ඈතින්, ඔයාට ගොඩක් පැහැදිලි වෙරළ තීරයක් හම්බවෙනවා.නමුත් ප්‍රදේශවාසීන් ප්‍රවේශම් වෙන්න කියලා ඔයාට අනතුරු අඟවයි. ආපහු යාපනයට යද්දී, පල්ලියක කුඩා ක්‍රිස්තුස්ගේ Redeemer පිළිරුවක් ඔයාට දැක ගන්න පුළුවන් වෙයි.

5) නිලවරෙයි ළිඳ

නිලවරෙයි ළිඳ පරණ භූගත ජල ළිඳක් විදිහට හඳුන්වන්න පුළුවන්.ඒක යාපනයේ පුරාවිද්‍යාත්මක වටිනාකමක් තියෙන තැනක් විදිහටත් හඳුනාගෙන තියෙනවා.මේ ළිඳට පතුලක් නැති බව තමයි කියවෙන්නේ.ස්වයංක්‍රීය රොබෝ කෙනෙක් භාවිතා කරලා ශ්‍රී ලංකා නාවික හමුදාව මෑතකදී කරන ලද සොයා ගැනීමකින් මෙ අද්භූත ළිඳේ පතුල මීටර් 53 ක් ගැඹුරින් හමු වෙලා තියෙනවා. ළිඳේ පළමු මීටර් 18 මිරිදිය ජලය අඩංගු බව එයාල සොයා ගෙන තියෙනවා.ඉන් පස්සේ තියෙන ජලය ලුණු සහිත ජලය කියලත් හොයාගෙන තියෙනවා.

6) තානන්කිලප්පු සුළං බලාගාර

යාපනය නගරයට කිලෝමීටර් 16 ක් විතර ඈතින් මේවා පිහිටලා තියෙනවා. උතුරේ කරපු ව්‍යාපෘති වලින් එකක් විදිහට මේක හඳුන්වන්න පුළුවන්. බලාගාරය ඉස්සරහ දකුණු පැත්තට වෙන්න ඉන්දියානු සාගරය අඩු වඩදිය බාදිය නිසා විලක් වගේ දිස්වෙන නිසා ඒක ලේසියෙන් අතපසු වෙන්නේ නම් නැහැ. හිරු බැහැල යන වේලාවේදී එය ඇත්තටම විශ්මයජනක වෙනවා වගේම වෙරළ තීරය ඔස්සේ ධීවරයින් දැක ගන්න පුළුවන්. ඔයා කවදා හෝ සුළං මෝලක් නරඹන්න සිහින මැව්වා නම්, තානන්කිලප්පු කියන්නේ ඔයා යන්නම ඕනේ තැනක්.

7)KKS ගිලුණු නැව

මයිලිඩි කියන්නේ ශ්‍රී ලංකාවේ උතුරු ප්‍රදේශයේ පිහිටලා තියෙන කුඩා නගරයක්. ඒක සාමාන්‍ය ධීවර ගම්මානයක් විදිහට හැඳින්වෙනවා ඒක පිහිටලා තියෙන්නේ යාපනය අර්ධද්වීපයේ උතුරු වෙරළ තීරයේ මැද කොටසේ. 1990 සිට යාපනය ගුවන් තොටුපළට හා පලාලි හමුදා කඳවුරට ආසන්නව පිහිටා තියෙන නිසා නගරය අධි ආරක්‍ෂිත කලාපයට අයිති වුණා.

කන්කසන්තුරෙයි වල මයිලිඩි වරායේ පරණ නැව අර්ධද්වීපයේ නොදන්නා ස්ථානයක්. ශ්‍රී ලංකා ව්‍යාපාරිකයෙකුට අයිති මේ නැව තාක්ෂණික දෝෂයක් නිසා අතහැර දමා තියෙනවා. කොහොම වුණත්, ඒක කලින් ඉන්දියාව සහ ශ්‍රී ලංකාව අතර සිමෙන්ති ප්‍රවාහනය කර තිබුණා.

නගරයක් විදිහට ගොඩක් වෙලාවට යාපනය නොසලකා හැරලා තියෙනවා. නමුත් ටිකක් හිතලා බලද්දී දිවයිනේ මෙ සුන්දර කොටස එතරම් අවතක්සේරු කරලා තියෙන්නේ ඇයි කියලා ඔයාට හිතෙයි. ජනතාවගේ සිට සංස්කෘතිය හා ආහාර දක්වා යාපනය අපිට ලබාදුන්නේ ප්‍රීතිමත් අත්දැකීමක් මිසක් වෙන කිසිවක් නෙවෙයි!

ශ්‍රී ලංකාවේ බතික් කර්මාන්තය…

editor

බතික් කියන්නේ ජපන් වචනයක්, ජපන් භාෂාවෙන් බතික් කියන්නේ ‘ඉටි වලින් ලිවීම’ ට. මීට අවුරුදු දහස් ගණනකට කලින් ඉන්දුනීසියාව, මැලේසියාව (ආසියාව) සහ මැද පෙරදිග වගේ රටවල් වල ගෝත්‍ර හා ගම් වලින් බතික් ආරම්භ වුණා කියලා විශ්වාස කරනවා.

ශ්‍රී ලංකාවේ බතික් කර්මාන්තය පසුගිය ශතවර්ෂයේ ආරම්භ වුණා. ඒ 1960 දශකයේ දී ඉන්දුනීසියාවේ ශිල්පය ඉගෙන ගත්ත සෝමා උඩබාගේ ගේ මුලිකත්වයෙන්. බතික්, ශ්‍රී ලංකාවේ මෝස්තර රෙදිපිළි මතට ගෙන එන්න ඇය මේ ශිල්පය භාවිතා කළා. ශ්‍රී ලංකා රෙදි සායම් කරන ක්‍රමවේදයන් එක්ක ඒකාබද්ධව මේ කලා ආකෘතිය ශ්‍රී ලංකාවේ රෙදිපිළි කර්මාන්තයේ අනන්‍යතාවයක් ගොඩනඟා ගෙන තියෙනවා වගේම අනෙකුත් නිර්මාණකරුවන් ඇයගේ අඩිපාරේ ගමන් කරලා තියෙනවා.

ක්‍රියාවලිය

බතික් කියන්නේ රෙදිපිළි කලාවක්. ඉටි-ප්‍රතිරෝධී සායම් කරන තාක්‍ෂණයක්.සරලවම කිවුවොත් කැන්ටින් / ටැන්ටිං (උච්චාරණය කරන ලද චාන්-ටිං) කියන මෙවලමකින් රෙදි කැබැල්ලක් (සාමාන්‍යයෙන් කපු හෝ සිල්ක්) මත ඉටි වලින් රටාවක් ඇඳලා අලංකාර කරන කලාවක්.

මෝස්තරයට අනුව රෙදි එක එක වර්ණවලින් සායම් කරලා ඊට පස්සේ උතුරණ වතුරෙන් ඉටි උණු කරනවා. පාට හරියට සෙට් වෙලාද කියලා සහතික කරගන්න සායම් කරන හැම සැරයක් ගානෙම වියළීමේ ක්‍රියාවලිය සිද්ධ කරනවා. ශ්‍රී ලංකාවේ නම් ගොඩක් වැඩපොලවල් සහ කර්මාන්තශාලා තවමත් හිරු එළියෙන් වියළීම සිද්ධ කරන නිසාම හිරු එළියෙන් වර්ණ වඩාත් දීප්තිමත් වෙනවා. මුළු ක්‍රියාවලියම ලොකු ශ්‍රම දායකත්වයකින් පළපුරුදු ශිල්පීන් ගේ අතින්ම සිද්ධ කරනවා. ඒ නිසාම රෙදි කැබැල්ලක තියෙන පාට වැඩි වෙන තරමට ඒක හදන්න ගත වෙන කාලය වැඩි වෙනවා.

ප්‍රතිළුලය විදිහට විචිත්‍ර වර්ණ රටා සහ ඉරිතැලීම් සහිත මොසෙයික් නිර්මාණය වෙනවා .ගොඩක් වෙලාවට සිත් ඇදගන්නා සහ ගැනුම්කරුවන්ගේ අවධානය ග්‍රහණය කර ගන්නා ඉරිතැලීම් නිර්මාණය වන්නේ ඉටි රටා වල ඇති ඉරිතැලීම් නිසා කුඩා සායම් කැබලිවලට කාන්දු වෙන්න ඉඩ සැලසිමෙන්.

ශ්‍රී ලංකාවේ බතික්

ශ්‍රී ලංකා දේශීය සංස්කෘතියේ ගැඹුරින් මුල්බැස තියෙන සහ සාම්ප්‍රදායික රෙදිපිළි කලාව ලෙස වැලඳගෙන තියෙන බතික් කර්මාන්තය , ශ්‍රී ලංකාවේ බතික් කලාකරුවන්ට ආවේණික වූණු මෝස්තර සහ ශිල්පීය ක්‍රම නිර්මාණය කරමින් තමන්ගේම ස්ථානයක් හදාගෙන තියෙනවා.දේශීය හා විදේශිකයන් අතරත් ජනප්‍රිය වෙලා තියෙන මුල් බතික් මෝස්තර රටේ පොහොසත් සංස්කෘතිය විදහා දක්වනවා.ගොඩක් වෙලාවට බිත්ති සැරසිලි වල ප්‍රධාන සම්ප්‍රදායන්, සාම්ප්‍රදායික දර්ශන හෝ ප්‍රාදේශීය ඉතිහාසයේ රූප නිරූපණය කරනවා.

නූතන යුගයේ දී, බතික් ලංකාවේ හස්ත කර්මාන්ත අතර ගොඩක් ජනප්‍රිය වෙලා තියෙනවා.ගොඩක් සංචාරක ප්‍රදේශවල, වෙළඳපලවල හෝ සිහිවටන තියෙන සාප්පු වලින් බතික් ලබාගන්න පුළුවන් වෙලා තියෙනවා. ගොඩක් වෙලාවට සංස්කෘතියෙන් පොහොසත් මේ දුපතේ සංචාරය ගැන සිහිවටනයක් විදිහට විදේශිකයන් මේ බතික් මිලදී ගන්නවා. සාමාන්‍යයෙන් වෙරළබඩ ප්‍රදේශ වල සංචාරක කර්මාන්තය ගොඩක් ජනප්‍රිය ගාල්ල සහ හික්කඩුව ප්‍රදේශ වල බතික් නිෂ්පාදනය කරන කර්මාන්තශාලා ගණන ඉහළ ගිහින් තියෙනවා.

මේ කාලයේ අපිට දකින්න ලැබෙන බතික් වලට ගැඹුරින් සාම්ප්‍රදායික ආකෘතීන් ඇතුළත් කර තියෙනවා වගේම, ඉහළ කලාත්මක හා සමකාලීන කෑලි සහ මෝස්තරවල වැඩි වීමක් දකින්න ලැබෙනවා. නිපදවන ද්‍රව්‍ය මේස රෙදි, තුවා, ඇඳ ඇතිරිලි, තිර රෙදි සහ ඇඳුම් ආයිත්තම් පවා නිර්මාණය කරන්න යොදා ගන්නවා. දිවයිනේ උණුසුම් දේශගුණයට ගැළපෙන සරම්, සාරි, ෂර්ට්, ඇඳුම් පැළඳුම් සහ වෙනත් ඇඟලුම් වගේ දේවල් වෙරල තීරය පුරා ඉන්න ලාංකිකයන් වගේම සංචාරකයින් ඇදගෙන ඉන්න එක සුලභ දසුනක්.

මේ කාලයට ගැළපෙන බතික් විලාසිතා

නිර්මාණකරුවන් සහ ගනුදෙනුකරුවන් ගොඩක් වෙලාවට පාවිච්චි කරන ද්‍රව්‍ය, තාක්‍ෂණය හා කලා කෘතිවල ගැඹුරු සංස්කෘතික වැදගත්කම මගින් ඒ ද්‍රව්‍යවලට නිරවද්‍යතාව පිළිබඳ හැඟීමක් ලබාදෙනවා. බතික් කලාව විලාසිතා කර්මාන්තයේ ඉහළම තැනකට ඇවිත් තියෙනවා වගේම දැන් බතික් ඇඟලුම් ඒවායේ වර්ණවත් හා සංකීර්ණ මෝස්තර නිසා වෙළඳසැල් වල අනිත් ඇගලුම් අතර විශේෂ තැනක් ගන්නවා.

නිර්මාණකරුවන් අතර විතරක් නෙවෙයි බියෝන්සේ, රීස් විතර්ස්පූන්, ජෙසිකා ඇල්බා සහ කේම්බ්‍රිජ්හි Duchess වගේ ගොඩක් ජනප්‍රිය පුද්ගලයින් බතික් විලාසිතා පාවිච්චි කරනවා.

දේශීයව ගත්තොත්, ශ්‍රී ලංකාවේ විලාසිතා කර්මාන්තයේ බතික් වලට ඇති කැමැත්ත නිසාම බතික් නව්‍යකරණය වෙලා තියෙනවා. අලුත් විලාසිතා වලට ගැළපෙන විදිහට නිර්මාණාත්මකව සිත් ඇදගන්නා විදිහට නිර්මාණය කරලා තියෙන බතික්, ඕනෑම උත්සවයකදී හෝ විනෝද චාරිකාවක දී,මංගල උත්සව වලදී බෙස්පොක් ඇඳුම් කට්ටලවල සිට සංකීර්ණ ගවුම් දක්වාම එක එක විවිධ විලාසිතාව වලින් දකින්න ලැබෙනවා.

ශ්‍රී ලංකාවේ බතික් කර්මාන්තයේ අනාගතය

ශ්‍රී ලංකාවේ බතික් වලට දැන් වෙනම නියෝජිත අමාත්‍යංශයක් තියෙනවා වගේම බතික් කර්මාන්තය නඟා සිටුවන්න හා වැඩිදියුණු කරන්න පියවර ගනිමින් ඉන්නවා. කර්මාන්තයේ පෙරමුණ ගෙන කටයුතු කරන සහ බුද්ධි බතික් පිටුපස ඉන්න කාන්තාව වෙන දර්ශි කීර්තිසේන මහත්මිය එක්ක අදහස් දක්වමින් අමාත්‍යංශය (ගරු අමාත්‍ය දයාසිරි ජයසේකරගේ ප්‍රධානත්වයෙන්) සහ කර්මාන්තයේ ප්‍රධාන තැනක් ඇති අය රැසක් මෑතකදී ජනාධිපතිවරයා හමුවෙලා සිදුකරන්න පුළුවන් වැඩිදියුණු කිරීම් ගැන සාකච්ඡා කරලා තියෙනවා.

කර්මාන්තය ප්‍රමිතිකරණය කිරීම, නිර්මාණකරුවන්ගේ ආරක්ෂාව සහතික කිරීම සහ කර්මාන්තය වඩාත් පරිසර හිතකාමී සහ තිරසාර භාවිතයන් වලට ගමන් කිරීම වගේ අංශ ගැන ප්‍රධාන ලෙස අවධානය යොමු කරලා තියෙනවා.

මේ නිසාම, කර්මාන්තශාලා විශාල ප්‍රමාණයක් ඇති ප්‍රදේශවල ජල පවිත්‍රකරණ මධ්‍යස්ථාන පිහිටු වන්න අමාත්‍යවරයා දැනටමත් මුදල් වෙන් කරලා තියෙනවා වගේම එමඟින් බතික් නිෂ්පාදකයින්ට තම ජලය පරිසරයට මුදා හරින්න කලින් පිරිසිදු කර මුදාහරින්න පුළුවන් කමක් ලැබෙනවා. උසස් තත්ත්වයේ, වඩා පරිසර හිතකාමී සහ විෂ නොවන ද්‍රව්‍ය සඳහා ප්‍රවේශය වැඩි කරන්න ප්‍රමිතිකරණය සඳහා ඉල්ලීම් සහ අමුද්‍රව්‍ය වන ඩයි වර්ග සහ ඉටි වල මිල පාලනය කරන්නත් ඉල්ලීම් කරලා තියෙනවා.

බතික් ශ්‍රී ලංකාවට ආවේණික නොවූවත්, ශ්‍රී ලංකාවේ සංස්කෘතික හා රෙදිපිළි කර්මාන්තයේ ගැඹුරු මූලයන් ඇති කරලා තියෙන නිසාම, අපේ මේ ලස්සන දිවයිනට ආවේණික වුණු ශෛලියක් හා අනන්‍යතාවයක් බිහිවෙලා තිබෙනවා. මෙම කලාව හැමදාම අපේ දේශීය කලාකරුවන්ගේ නිර්මාණශීලීත්වයේ සුන්දර ප්‍රකාශණයක් වෙනවා වගේම ශ්‍රී ලංකාවට,ලංකාවේ සංස්කෘතිය ලෝකය එක්ක බෙදා ගන්න මේ බතික් අපූරු මාධ්‍යයක් වෙනවා.

Japanese cuisine ලංකාව තුළම රසවිඳින්න AOBA යමුද..?

editor

One Galle Face එකේ තියෙන AOBA තියන්නේ Japanese ආහාර වලට ප්‍රසිද්ධ තැනක්. dinner date එකකට හරි family gathering එකකට හරි යන්න හොඳම තැනක් තමයි AOBA. අපි ඇත්තටම ගොඩක් කැමති වුණේ AOBA එකේ තිබෙන bar එකටයි බිත්තිවල එල්ලලා තිබුණ paintings වලටයි. ඒ වගේම මතක් කරන්න ඕන මෙයාලගේ Service එකත් ගොඩක් හොඳයි. අපි මුලින්ම කෑම කන්න කලින් AOBA එකේ තියෙන් beverages ටික try කළා.

Drinks

AOBA වල බිම වර්ග සම්බන්දයෙන් කතාකරනකොට (උදේ 10.00 සිට ප.ව 2.00 දක්වා සහ පසුව සවස 5 සිට රාත්‍රී 10 දක්වා) something for everyone කියන තේමාව යටතේ ඔවුන් බීම වර්ග පිළිගන්නවා . ඔවුන්ගේ අලුත් menu එකේ කොක්ටේල් 100 කට වඩා තිබෙනවා. ඒ විතරක් නෙවෙයි එයාලගෙ bottle and shot, tea, coffee, frappes, fresh juices, smoothies and soft drinks සහ liquor එයාලගේ menu එකට add කරලා තිබෙනවා.

Piña Colada (LKR 900)

පොල් හා අන්නාසි වලින් රසවත් වුණු මේ රසවත් Drink එකට අපි හැමොම ඇත්තටම කැමති වුණා. සංචාරක රටවල ඇති රම් පානයට සමාන රසයක් මේ Drink එකේ තිබෙනවා. මේ drink එකට අනිවාරයයෙන් ඔයත් කැමති වෙයි.

Lime and Watermelon Smoothie (LKR 560)

විශේෂයෙන් උණුසුම් දිනයක, මෙම ස්මූතිය ඇත්තෙන්ම ප්‍රබෝධක් ගෙන දෙනවා වගේම මෙහි එන දෙහි ඇඹුල් රසයෙන් කොමඩු වල රසය අඩු නොවන බව අප නිර්දේශ කරන්නේ දැඩි විශ්වාසයකින් තමයි.

Appetizers

Koebi Karaage (LKR 650)

AOBA වල රසවත් ආහාරයක් ලෙස Koebi හඳුන්වා දෙන්න පුළුවන්. ගැඹුරු තෙලේ බැදපු ඉස්සන්ගෙන් මෙම ආහාරය නිර්මාණය වී ඇත අතර ඉස්සන් පිටතින් හැපෙනසුළු සහ ඇතුළත මෘදුයි. මේ Appetizer එක මිලේ ගාණට ඇත්තටම වටිනවා.

Mains

World Volcano Sushi (8 pcs) (LKR 1900)

“සුෂි” මෙම ආහාරය සැබවින්ම පන්ච් එකක් ඇසුරුම් කර ඇති අතර, මෙම ආහාරය අනිවාර්යයෙන්ම ඔබේ මතකයේ තිබිය යුතුයි. මෙය කකුළුවන් හා අලිගැට පේර වලින් සාදා තිබෙන ඇත්තටම ගොඩක් රසවත් ආහාරයක් ලෙස හඳුන්වා දෙන්න පුළුවන්. pieces 4 ක් LKR 1,000 වන අතර කෑලි 8 කින් සමන්විත “full” portion එකක් LKR 1,900 ට ඔබට මිලදීගන්න හැකියාව තිබෙනවා.

Salmon Butter Cream (LKR 1500)

මේ ආහාරය අපි menu එකේ දැකපු ගමන් හිතුවා අනිවාර්යයෙන් try කරන්න ඕනෙ කියලා. මෘදුව සාදා තිබූ සැමන් buttercream වලින් topping කරලා තිබුණ නිසා ගොඩක් රසවත් වුණා. මේ dish එක පිළිගන්වා තිබුණ විදිය ඇත්තටම ආකර්ශණියයි. ඒ වගේම ඒ ආකර්ශණිය බව වැඩිවෙන් cut-up peppers ලොකු හේතුවක් වෙලා තිබුණා. කොහොම වුණත් dish එක seasoning වෙලා මදි නිසා අපිට spices එකතු කරගන්න සිද්ධවුණා. portion එකක් ලැබුණ නිසා price එකට ගොඩක් වටිනවා කියලා අපිට හිතුණා.

Chicken Katsu Don (LKR 1250)

Chicken Katsu Don අපිට ඔිනෑම ජපන් අවන්හලකින් රසබලන්න හැකියාව තිබෙනවා. මේ dish එක පිටතින් හැපෙනසුළු වන අතර ඇතුළත තෙතමනය හා මෘදුයි. අපි අනිවාර්යයෙන් මේ dish එක ඔයාලට
recommend කරනවා.

Dessert

Fuwa Fuwa Pancake (with Choco-Banana) (LKR 1050)

AOBA වල Dessert සම්බන්ධයෙන් අපිට තෝරගන්න තිබෙන දේවල් හරිම සීමිතයි. හැබැයි ඉතින් Fuwa Fuwa Pancake තියෙනකොට වෙන දේවල් ඔින නැහැ. chocolate sauce, cut-up bananas සහ oodles and oodles of cream යොදාගන තමයි මේ Pancake එකේ topping සාදා තිබුණේ. මෙම පෑන්කේක් පිටතින් තෙතමනය ඇති බවක් පෙනෙන්නට තිබුණට ටිකක් වියළි ගතියක් තිබුණා. කොහොම වුණත් whipped cream නිසා මෙම ගැටලුව විසදුණා .ඒ වගේම මෙයාලගේ Dessert වලට plain and mixed fruit fuwa fuwa pancakes, along with sesame and matcha ice cream තිබෙනවා.

කාන්තාවන් වෙනුවෙන් කැබිනට් අමාත්‍යාංශයක් නැතිවුණේ ඇයි..?

editor

මෑතකදී පැවති පාර්ලිමේන්තු මැතිවරණයෙන් පසු කාන්තා හා ළමා කටයුතු කැබිනට් අමාත්‍යංශය ඉවත් කිරීමට තීරණය කර ඇත. එය අධ්‍යාපන අමාත්‍යාංශය යටතට ගෙන ඇති අතර කාන්තා හා ළමා සංවර්ධනය, පෙර පාසල් අධ්‍යාපනය, ප්‍රාථමික අධ්‍යාපනය, පාසල් යටිතල පහසුකම් හා අධ්‍යාපන සේවා, අමාත්‍යාංශ තනි රාජ්‍ය අමාත්‍යාංශයක් යටතට ගෙන තිබේ. මෙම තීරණය ප්‍රධාන ගැටළු දෙකක් දරයි . කාන්තා හා ළමා කටයුතු අමාත්‍යාංශය රාජ්‍ය අමාත්‍යාංශයක් දක්වා පහත හෙළනු ලැබුවා පමණක් නොව ,තවත් ජන වරම් කිහිපයක් සමග මිශ්‍රකර ඇත.

වර්තමානයේ දී එහි නායකත්වය දරන්නේ පිරිමි චරිතයක් වන ගරු. පියල් නිශාන්ත ද සිල්වා අමාත්‍යවරයායි .ඔහු කාන්තා හා ළමා සංවර්ධනය ,පෙර පාසල් හා ප්‍රාථමික අධ්‍යාපනය , පාසල් යටිතල පහසුකම් හා පාසල් සේවා රාජ්‍ය අමාත්‍යවරයා ලෙස පත් කර තිබේ.මීට පෙර පැවති කැබිනට් අමාත්‍යංශයද පරමාදර්ශයට වඩා අඩු මට්ටමකින් කටයුතු කිරීම හා එම අමාත්‍යාංශවල සිදු වූ වැරදි අඩුපාඩු හේතුවෙන් වර්තමාන කැබිනට් මණ්ඩලයද අඛණ්ඩව පවත්වාගෙන යයි යන බලාපොරොත්තුව සුන් කර ඇත.

රාජ්‍ය අමාත්‍ය ගරු. පියල් නිශාන්ත අමාත්‍යවරයා විසින් කාන්තා හා ළමා සංවර්ධනය, පෙර පාසල් හා ප්‍රාථමික අධ්‍යාපනය සිට පාසල් යටිතල පහසුකම් සහ පාසල් සේවා දක්වා ඒකාබද්ධ කළ සේවාවන් රාශියක් පාලනය කරයි . කාන්තා කටයුතු සඳහා වෙනම අමාත්‍යාංශයක් පැවරීමට අපොහොසත් වීමෙන් ඇඟවෙන්නේ, ශ්‍රී ලංකාවේ කාන්තාවන් සහ ගැහැණු ළමයින් සවිබල ගැන්වීමේ සහ ඔවුන්ගේ අයිතිවාසිකම් ඉදිරියට ගෙන යාමේ ප්‍රමුඛතාව පසුපසට ඇද දමා ඇති බවයි. එපමණක්ද නොව, රාජ්‍ය අමාත්‍ය ගරු. පියල් නිශාන්ත අමාත්‍යවරයාගේ පාර්ලිමේන්තු පැමිණීම, මන්ත්‍රීවරුන් 236 දෙනාගෙන් 186 වෙනි තැන ගෙන ඇති අතර පැමිණීමේ අනුපාතය 57% ක් වේ. Manthri.lk ට අනුව ඔහු වැඩිපුරම සාකච්ඡා කළ ශීර්ෂය වන්නේ ,අධ්‍යාපනය, වෙළෙඳාම සහ කර්මාන්තයි.

ශ්‍රී ලංකාවේ කාන්තා හා ගෑණු ලමයින්ගේ අයිතිවාසිකම් හා නිදහස, සවිබල ගැන්වීම සහ ඉදිරියට ගෙන යාම සඳහා කාන්තා කටයුතු සඳහා වෙනම අමාත්‍යංශයක් අත්‍යවශ්‍යව තිබේ. ශ්‍රී ලංකාවේ මුළු ජනගහනයෙන් 52% පමණ කාන්තාවන් වේ. එහෙත් වර්තමාන පාර්ලිමේන්තුවේ කාන්තා නියෝජනය මන්ත්‍රීවරියන් 12 දෙනෙක් පමණක් වීමත්, ඔවුන්ගේ හඬ දේශපාලන ක්ෂේත්‍රය තුළ ප්‍රමාණවත් ලෙස නියෝජනය නොවීම සහ කාන්තාවන් මුහුණ දෙන බොහෝ ගැටළු විසඳීමට වෙනම අමාත්‍යාංශයක් නොමැතිකම යන කරුණු හේතුවෙන් , ශ්‍රී ලංකාවේ දිගුකාලීන සැලසුම් සඳහා ස්ත්‍රී ,පුරුෂ සමානාත්මතාවය පවත්වාගෙන යාමට නොහැකි විම, වර්තමානයේ දී දරුණු ගැටළුවක් වී තිබේ.

විවිධ ජන වරම = සමස්ත බලපෑම

අවිවාදයෙන් තොරව, කාන්තාවන් හා ළමා කටයුතු විෂය පථය පුළුල් හා බහුමාන බව අමුතුවෙන් කිව යුතු නැත . එම නිසා ,මෙම වැදගත් අරමුණ සඳහා වෙනම කැබිනට් අමාත්‍යාංශයක් වෙන් කිරීම අත්‍යවශ්‍ය වී ඇති බව ,මේ දක්වා පුරෝකතනය කළ කරුණු අනුව නිගමනය වේ. කාන්තා හා ළමා කටයුතු සඳහා වෙනම කැබිනට් අමාත්‍යංශයක් පිහිටුවීම සඳහා කරන ලද අභියාචනයක් මගින් විද්වතුන් හා ක්‍රියාකාරීන් ජනපති ගෝඨාභය රාජපක්ෂ මහතා වෙත ලිපියක් යවමින් කියා සිටියේ, “කාන්තා හා ළමා කටයුතු වල වැදගත් ක්ෂේත්‍රය පටු ලෙස රජය සලකන බවයි . ඒ සඳහා අවම සම්පත් සහ සීමිත මැදිහත්වීම් අවශ්‍ය වේ. මුළු ජනගහනයෙන් පිළිවෙලින් මිලියන 13ක් (51%) සහ මිලියන 06ක් (25%) වන ශ්‍රී ලංකාවේ කාන්තාවන්ගේ හා දරුවන්ගේ යහ පැවැත්ම පිළිබඳව රජයේ අවධානය යොමු නොකරන්නේ නම්, ජාතික සංවර්ධනය හා ප්‍රගතිය සම්පූර්ණ නොවන බව එම ලිපියේ තව දුරටත් සඳහන් කර ඇත. කාන්තාවන්ට එරෙහි සියලු ආකාරයේ වෙනස්කම් කිරීම් තුරන් කිරීමේ සම්මුතිය 1981 (CDW) සහ එක්සත් ජාතීන්ගේ ළමා සම්මුතිය 1991(UNRCC) යන දෙකටම ශ්‍රී ලංකාව රාජ්‍ය ආණ්ඩුවක් බව අත්සන් කළ අය රජයට මතක් කර දුන්හ .

ශ්‍රී ලංකාව තුළ තිරසාර සංවර්ධන අරමුණු සාක්ෂාත් කර ගැනීම සඳහා කැපවී සිටින ඉලක්ක 05 න් “ස්ත්‍රී පුරුෂ සමානාත්මතාවය සාක්ෂාත් කර ගැනීම සහ සියලුම කාන්තාවන් හා ගැහැණු ළමයින් සවිබලගැන්වීම කැපී පෙනේ”. එවැනි කැපවීමක් සඳහා සෑම අංශයක් තුළම ස්ත්‍රී පුරුෂ භාවය පිළිබඳ සංවේදී සහ ඵලදායි ප්‍රතිපත්ති ගැනීම අත්‍යවශ්‍ය වේ. රජයේ ඉහළ මට්ටම්වල ගන්නා තීරණ ඵලදායි වීම තුළින් සංවර්ධන උපායමාර්ග සාර්ථක කර ගැනීම සඳහා රජයේ කාර්යභාරය නිසි ලෙස ඉටු කළ හැකි බවද එම ලිපියෙන් තවදුරටත් අවධානය කෙරුණි. මේ අනුව කාන්තාවන්ගේ හා ළමයින්ගේ කටයුතු අධ්‍යාපන අමාත්‍යාංශයට පැවරීම තාර්කික හෝ ඉලක්ක සපුරා ගැනීම සඳහා කළ ප්‍රවේශයක් නොවන බව මනාව පැහැදිලියි.

ගෘහස්ථ අපයෝජනය, ප්‍රචණ්ඩත්වය, විවාහය, දූෂණය කිරීම සහ මුල් විවාහයට බල කිරීම සහ කාන්තාවන් හා ගැහැණු ළමයින් වෙත යොමු කරන වෙනත් ආකාරයේ ස්ත්‍රී පුරුෂ හිංසනයන් ශ්‍රී ලංකාව තුළ ව්‍යාප්ත වීම කණගාටුවට කරුණකි. කාන්තාවන්ට සහ ගැහැණු ළමයින්ට ඔවුන්ගේ ස්ත්‍රී පුරුෂ භාවය මත පදනම්ව දිගින් දිගටම වෙනස්කම් කරනු ලැබේ. – අධ්‍යාපන අවස්ථා ,රැකියා අවස්ථා, නායකත්වයේ අපේක්ෂාවන් සහ ශ්‍රී ලංකාවේ දේශපාලන ක්ෂේත්‍රය මේ අතර වේ .

එපමණක්ද නොව, ශ්‍රී ලංකාවේ නීති ශිෂ්‍ය සංගමයේ සභාපතිනිය සහ ශ්‍රී ලංකාවේ ප්‍රජාතන්ත්‍රවාදී සහ පාලනයට මුල් පිරීමේ නිර්මාතෘවරිය වන සජිනි වික්‍රමසිංහ මහත්මිය පැවසුවේ,”මෙම තීරණයත් සමග විවිධ අමාත්‍යාංශය කිහිපයක් එකතු වෙන හෙයින් රාජ්‍ය අමාත්‍යාංශයන්හී වගකීම පැහැර හැරිම පහසු වන බවයි. එහි විෂය පථය යටතේ, කාන්තා කටයුතු සඳහා කැබිනට් අමාත්‍යාංශයක් ඇති විට කාන්තාවන්ට අහිතකර වන ඕනෑම නීති සම්පාදනයට හෝ ක්‍රියාවකට එම ඇමතිවරයා සම්පූර්ණයෙන්ම වගකිව යුතුයි. ඕනෑම අයෙකුට ඔවුන්ගෙන් ප්‍රශ්න ,විමසීම් සහ යෝජනා කෙලින්ම ඉදිරිපත් කළ හැකියි”.සජිනි මහත්මිය සඳහන් කළාය .

එබැවින් කාන්තාවන් සඳහා කැබිනට් අමාත්‍යාංශයක් තිබුණේ නම් ,අදාළ අමාත්‍යවරයාට කැබිනට් තීරණ ගැනීමේදී සෘජුවම බලපෑම් කිරීමට ,අදහස් දැක්වීමට හෝ කාන්තාවන්ට අදාල නම් විරෝධතා මතු කිරීමට හැකිවේ. සජිනි මහත්මිය මේ සම්බන්ධයෙන් පෙත්සමක් ඉදිරිපත් කරමින් සිටී. මෙම ව්‍යාපාරය පිළිබඳ අදහස් දක්වමින් ඇය මෙසේ පැවසීය. “බිම් මට්ටමේ කාන්තාවන් සමග කටයුතු කළ ක්‍රියාකාරීන් වශයෙන්, කාන්තාවන් දිනපතා මුහුණ දෙන යථාර්ථයන් පිළිබඳ අමාත්‍යවරයා සහ පාර්ලිමේන්තුවේ සෙසු සාමාජිකයින් දැනුවත් කිරීම අපගේ වගකීමකි. කාන්තා ප්‍රචණ්ඩත්වයේ සිට වෙනස් කළ යුතු දේ ඇතුළුව වෙනස් කොට සැලකීමේ නීති දක්වා කාන්තාවන්ගේ සියලු අංශ ඇතුළත් පෙත්සමක් මා විසින් ආරම්භ කළේ එබැවිනි. අනිකුත් කාන්තා අයිතිවාසිකම්, ක්‍රියාකාරීන්ගේ සහය ඇතිව මේ වසරේ ඔක්තෝම්බර් මාසය වන විට ත්‍රෛභාෂා ලේඛනය අදාළ පාර්ශවයන්ට ඉදිරිපත් කිරීමට ඇය බලාපොරොත්තු වෙන බව ද තවදුරටත් සදහන් කර තිබුණා. ඒ තුළින් ඇය,” රටේ කාන්තාවන්ගේ අයිතිවාසිකම් සහ නිදහස ප්‍රවර්ධනය කිරීම අපේක්ෂා කරන්නේ කෙසේද? “යන ප්‍රශ්නය රජයට ඉදිරිපත් කර ඇත.

මීට අමතරව, මුස්ලිම් විවාහ දික්කසාද පනත (MMDA) ප්‍රතිසංස්කරණය කිරීම සඳහා විවිධ පාර්ශවකරුවන්ගේ දීර්ඝකාලීන ඉල්ලීම්- මුස්ලිම් විවාහ සඳහා අවම වයස් සීමාවන් නියම කිරීම, පෞරාණික නීතීන් සහ වෙනත් කාරණා ,ළමා ලිංගික අපයෝජන සිද්ධීන් හා කම්පන සහගත සිදුවීම් මේ අතර වේ . කාන්තාවන්ගේ නිදහස සහ අයිතිවාසිකම් සුරක්ෂිත බව සහතික කිරීම සඳහා නීති ප්‍රතිපත්ති සහ අවශ්‍ය ඵලදායි ප්‍රතිසංස්කරණ කිරීම් ක්‍රියාත්මක කිරීම සඳහා රජයේ ඉහළ මට්ටම්වල වර්තමාන අවශ්‍යතාවයක් බව පෙන්වා දී ඇත.

කාන්තා කටයුතු පිළිබඳ පෙර කැබිනට් අමාත්‍යාංශවල සාර්ථකත්වය

1978 දී ජනාධිපති ජේ. ආර්. ජයවර්ධනගේ ධුර කාලය තුළ සැලසුම් ක්‍රියාත්මක කිරීමේ අමාත්‍යාංශය යටතේ කාන්තා කාර්යාංශයක් ආරම්භ කරන ලදී. පසුව, 1997 දී කාන්තා කටයුතු අමාත්‍යාංශය පිහිටුවන ලද අතර, 2004 දී සමාජ සුභසාධනය සහ 2006 දී ළමා සංවර්ධනය ඇතුළු බලතලවල සුළු වෙනස්කම් සහිතව වෙනම කැබිනට් අමාත්‍යාංශයක් ලෙස අඛණ්ඩව ක්‍රියාත්මක කෙරුණි.

කලින් කැබිනට් අමාත්‍යංශයට අයත් කාන්තා හා ළමා කටයුතු අමාත්‍යාංශය (MWCA) 2015 සැප්තැම්බර් 9 වන දින අංක 1933 ගැසට් පත්‍රය යටතේ පිහිටුවන ලදී.

ගැසට් පත්‍රයට අනුව ප්‍රධාන වගකීම් අතරට කාන්තාවන් වෙනුවෙන් ප්‍රතිපත්ති, වැඩසටහන් හා ව්‍යාපෘති සකස් කිරීම, කාන්තාවන් හා ළමුන් සම්බන්ධව අධීක්ෂණය හා ඇගයීම, කාන්තා සහභාගීත්වය වැඩි දියුණු කිරීම සහ පොදු කටයුතු හා දේශපාලනය තුළ තීරණ ගැනීමේදී ඔවුන්ගේ නියෝජනය, කාන්තා ප්‍රධානීන්ගේ පවුල් සවිබල ගැන්වීම සහ බලපෑමට ලක්වූ කාන්තාවන්ට සාධාරණය ඉටුකිරීම මෙහි ඇතුළත් වේ. ගැටුම් හා දරිද්‍රතාවයෙන් පීඩා විඳින කාන්තාවන් මෙන්ම කාන්තාවන් සහ ළමා අපයෝජන වැළැක්වීම සඳහා නීති සහ ප්‍රතිපත්ති ක්‍රියාත්මක කිරීම, ශක්තිමත් කිරීම මෙතුළින් සිදුවිය.

1993 මාර්තු 3 වන දින අනුමත කරන ලද ඓතිහාසික කාන්තා ප්‍රඥප්තියක් පසුගිය අමාත්‍යාංශ විසින් පවත්වාගෙන ගිය කාන්තා ජාතික කමිටුව මගින් ප්‍රකාශයට පත් කෙරුණි.
ප්‍රඥප්තිය මගින් කාන්තාවන්ගේ දේශපාලන, සිවිල්, අධ්‍යාපනික හා ආර්ථික අයිතිවාසිකම්, වෙනස් කොට සැලකීම් සහ ස්ත්‍රී පුරුෂ සමාජභාවය තුළ ඇතිවිය හැකි ප්‍රචණ්ඩත්වයන් මැඩලීම මෙන්ම අවම සේවා නියුක්තියේ වයස අවුරුදු 15 කට සීමාකිරීම සිදු විය.

තවද, 2006 පාලන තන්ත්‍රය යටතේ ළමා සංවර්ධන හා කාන්තා සවිබල ගැන්වීමේ අමාත්‍යාංශය විසින් 2005 අංක 34 දරණ ගෘහස්ථ හිංසනය වැළැක්වීමේ පනත සාර්ථකව බලාත්මක කරන ලදී. එමඟින් ශ්‍රී ලංකාව දකුණු ආසියාවේ නිල වශයෙන් ගෘහස්ථ හිංසනය තහනම් කරන රටවල් අටෙන් හතරවෙනියා බවට පත්විය. . මීට අමතරව, ගෘහස්ථ හිංසනයෙන් දිවි ගලවා ගත් අයට ක්ෂණික සහනයන් ලබාදීම සඳහා MWCA අවශ්‍යතා ඇති කාන්තාවන් සමඟ අවබෝධතා ගිවිසුමක් (WIN) ඇති කරගත් අතර, ප්‍රචණ්ඩත්වයට මුහුණ දී සිටින කාන්තාවන්ට ආරක්ෂිත නිවාස ලබා දීම සඳහා යාපනයේ සමාජ ක්‍රියාකාරී මධ්‍යස්ථානයක් විසින් කටයුතු කර ඇත.

කාන්තාවන් අසාධාරණයන්ට ලක්වීම මැඩපැවැත්වීමට සහ ප්‍රචණ්ඩත්වයට මුහුණ දෙන කාන්තාවන්ට සෘජු උපකාරක සේවාවක් ලබා දීමේ අපේක්ෂාවෙන් MWCA විසින් 2016 මාර්තු මාසයේදී පිහිටුවන ලද 1938 යන උපකාරක දුරකථන අංකය නිර්මාණය කිරීම මෙහි ගත් ප්‍රධාන පියවරක් ලෙස සඳහන් කළ හැක. පාසල් පෙළපොත් ලේඛකයින් සඳහා ස්ත්‍රී පුරුෂ සමාජභාවය පිළිබඳ වැඩසටහන් පැවැත්වීමට ද අමාත්‍යාංශය පියවර ගෙන ඇති අතර,අධ්‍යාපන අමාත්‍යාංශයේ සහයෝගයෙන් ස්ත්‍රී පුරුෂ භාවය පිළිබඳ සංවේදී අන්තර්ගතයන් ඒකාබද්ධ කිරීම සඳහා පාසල් පෙළපොත් සමාලෝචනය කිරීමටද පියවර ගෙන ඇත. කාන්තා ජාතික කමිටුව කාන්තා සිරකරුවන්ගේ සුභසාධනය උදෙසා බන්ධනාගාර කළමනාකාරිත්වය සමඟ සාකච්ඡා ආරම්භ කළේ රැඳවියන්ගේ දුක්ගැනවිලි විසඳීම සඳහා පියවරක් ලෙසය.

ඉහත දෑ කාන්තා කටයුතු සඳහා වෙනම කැබිනට් අමාත්‍යාංශයක අවශ්‍යතාවය මැනීමේ නිදසුන් කිහිපයක් පමණි.

පිරිමි නායකත්වයන්ට සාපේක්ෂව කාන්තාවන්ගේ නියෝජනය අවම වීම

ස්ත්‍රී පුරුෂ සමානාත්මතාවය සාක්ෂාත් කර ගැනීම සඳහා බොහෝ දුරක් යා යුතු රටක, කාන්තාවන්ට ඔවුන්ගේ යහපැවැත්මට විසඳුම් ලබා ගැනීම සඳහා නියෝජනය කිරීම අත්‍යවශ්‍යයි. කාන්තා නියෝජනය පිළිබඳ අධ්‍යයන කිහිපයකින් පෙනී යන්නේ කාන්තා මන්ත්‍රීවරුන්, කාන්තාවන්ගේ ගැටළු වඩාත් ප්‍රබල හා විශ්වාසදායක ලෙස නියෝජනය කරන බවයි. ව්‍යවස්ථාදායකය තුළ ඔවුන්ගේ පිරිමි සගයන්ට වඩා කාන්තා නියෝජිකාවන් ඔවුන්ගේ සමාජ අනන්‍යතාවය සහ ස්ත්‍රී පුරුෂභාවය පිළිබඳ විශේෂිත අත්දැකීම් බෙදා හදාගැනීම මීට හේතුවයි. ‘කාන්තාවන් සහ ළමා සංවර්ධනය’ පිළිබඳ රාජ්‍ය අමාත්‍යාංශයේ ප්‍රධානියා ලෙස පිරිමි දේශපාලඥයෙකු පත් කිරීම නිසැකවම පුදුම දනවන කරුණක් වන අතර මේ සඳහා දැඩි මහජන අවධානයක් යොමු වී ඇත. ශ්‍රී ලංකාව තුළ දේශපාලන හා මැතිවරණ ක්‍රියාවලියන්හි අඩු කාන්තා නියෝජන රටාවක් නිරන්තරයෙන් පවතී. වර්තමාන පාර්ලිමේන්තුවේ කාන්තා නියෝජනය දොළහකට සීමා විය.

රජයේ හා පොදු කටයුතුවල ඉහළ තනතුරු සදහා කාන්තා නායකත්වයේ අවශ්‍යතාවය පිළිබඳව පෙන්වාදෙමින් , ෆෝබ්ස් විසින් ලිපියකින් ලියා දක්වන්නේ “කාන්තාවන්ගේ නායකත්ව තනතුරු තුළ ඔවුන් විශිෂ්ටත්වයට පත්වූ පසු – බොහෝ විට පිරිමින් අභිබවා යන බවයි – ඊට හේතුව නම් ඔවුන් ඵලදායී නායකත්වයට අවශ්‍ය මෘදු කුසලතා සියල්ලෙන් පෝෂණය වී ඇති බැවිනි ” යනුවෙනි. සන්නිවේදනය, සවන්දීම සහ සංවේදනය වැනි කුසලතා පිරිමින්ට වඩා කාන්තාවන් විසින් ප්‍රදර්ශනය කරනු ලබන අතර, ක්‍රියාකාරිත්වයන් තුලදී සහයෝගීතාවය සහ අවධානය වැඩි ලෙස යොමු කිරීම කාන්තාවන්ගෙ ප්‍රධාන ශක්තීන් වේ. මාතෘ නිවාඩු, වැඩිහිටි රැකවරණය, නම්‍යශීලී වැඩකරන වේලාවන් මෙන්ම ළමාරක්ෂක සේවා සහ සමාජ සමානාත්මතාවය ප්‍රවර්ධනය කරන ප්‍රතිපත්ති සහ නෛතික ප්‍රතිසංස්කරණ සඳහා කාන්තාවන් වඩාත් සංවේදී බව ඔප්පු වී ඇත.

ශ්‍රී ලංකා පාර්ලිමේන්තුව, පළාත් සහ පළාත් පාලන ආයතනවල කාන්තා නියෝජනය අවම වේ. ස්ත්‍රී පුරුෂ සමාජභාවය, පවුල් ප්‍රතික්ෂේප කිරීම, මූල්‍යමය බාධක සහ දේශපාලන ක්ෂේත්‍රයන්හි කාන්තාවන්ගේ ක්‍රියාකාරී හා අර්ථවත් සහභාගීත්වයට පහසුකම් සපයන පිළිගැනීමේ වාතාවරණයක් නොමැතිකම මෙම බලාපොරොත්තු සුන් වූ යථාර්ථයට හේතු කිහිපයක් වේ.

දේශපාලන ක්ෂේත්‍රයේ කාන්තාවන්ගේ කාර්යයන් ඇතුළත් වන හා අගය කරන ප්‍රගතිශීලී නීති නිර්මාණය කිරීම මෙන්ම ක්‍රියාත්මක කිරීම ශ්‍රී ලංකා රජයට පැවරේ. කාන්තා හා ළමා කටයුතු අමාත්‍යාංශය ශ්‍රී ලංකාවේ කාන්තා හා ගැහැණු ළමයින්ගේ අයිතිවාසිකම් වෙනුවෙන් විශාල දියුණුවක් ලබා ඇති මොහොතක, අප සැබවින්ම පසුගාමී නොවීමට වගබලා ගත යුතුයි.

Blackheads සහ Whiteheads ඉක්මනින් ඉවත්කර ගැනීමට ස්වාභාවික ක්‍රම මෙන්න..

editor

පැහැදිලි හා ලස්සන සම යනු පුද්ගලයෙකුගේ සුන්දරත්වයේ ප්‍රධාන අංගයක්. නිරෝගී සහ පරිපූර්ණ සමක් ලබා ගත හැකි එක් ක්‍රමයක් නම් සෑම දිනකම එය රැකබලා ගැනීම කියලා අපි හැමෝම දන්නවා. විශේෂයෙන්ම කාන්තාවන්ට තිබෙන ප්‍රධාන ගැටළුවක් තමයි මුහුණේ ඇතිවෙන බ්ලැක් හෙඩ්ස් සහ වයිට් හෙඩ්ස්. අද අපි කතා කරමු ඔයාගේ නාසයේ සහ මුහුණේ ඇතිවෙන බ්ලැක් හෙඩ්ස් සහ වයිට් හෙඩ්ස් ස්වභාවිකව නිවසේදීම ඉවත්කරගන්නේ කොහොමද කියලා.

Vaseline + plastic wrap

ස්නානය කිරීමෙන් පසුව තමයි මෙම උපක්‍රමය භාවිතා කිරීමට හොඳම. මොකද ජලයේ තාපය ඔයාගේ සමේ තිබෙන සිදුරු විවෘත කරනවා. මුලින්ම ප්‍රතිකාර කළ යුතු ප්‍රදේශයට වැස්ලින් යෙදීමෙන් ආරම්භ කරන්න. ඉන්පසුව lunchsheet එකක් අරගන වැස්ලින් යෙදූ ස්ථානය ආවරණය කරන්න . ආවරණය තිබෙද්දීම උණුසුම් තුවායක් සිසිල් වන තුරු ඒ මත තබන්න. ඉන්පසු ඔබේ මුහුණෙන් වැඩියෙන් තිබෙන වැස්ලින් ටිෂූ එකක් භාවිතා කරන්න. ඊළගට බ්ලැක් හෙඩ්ස් හෝ වයිට් හෙඩ්ස් ඉවත් කිරීමට සම මෘදු ලෙස මිරිකා ගන්න. අවසාන වශයෙන්, ලෝෂන් යෙදූ කොට්න් පෑඩ් එකක් මගින් සම පිරිසිදු කරගන්න.

මෙම ක්‍රියා පටිපාටිය මසකට වරක් හෝ දෙවරක් සිදු කරන්න.

Coconut oil + essential oils

භාජනයකට පොල්තෙල් 1/4 කෝප්පයක් දමා තරමක් මෘදු කරගන්න (මයික්‍රෝවේව්වේ තත්පර 10 සිට 15 දක්වා ). ඉන්පසු පොල්තෙල් එකට ලෙමන්, ලැවෙන්ඩර් සහ tea tree oils බින්දු 10 ක් එකතු කර හොඳින් කලවම් කරගන්න. cotton ball එකක් භාවිතා කර උදේ සවස මුහුණ සේදීමෙන් පසු මුහුණට මෙම මිශ්‍රණය භාවිතා කරන්න.

ඔබ සාදාගත් මිශ්‍රණය කාමර උෂ්ණත්වය තුළ මුද්‍රා කළ භාජනයක අසුරා තබන්න.

Cinnamon + oat flour

ඕට් පිටි තේ හැන්දක් කුරුඳු කුඩු සමග එකම ප්‍රමාණයෙන් මිශ්‍රකරගන්න. ටිකක් උණුසුම් ජලය එකතු කර හොඳින් කලවම් කරගන්න. මතක තබාගන්න මේ මිශ්‍රණය ඝණකම් විය යුතුයි. ඉන්පසු මෙම මිශ්‍රණය ඔබේ ඇඟිලි තුඩු වලින් ඔබේ මුහුණේ රවුම් චලිතයකින් මෘදු ලෙස ආලේප කරන්න. මිනිත්තු 1 ක් පමණ සම්භාහනය කිරීමෙන් පසුව සීතල වතුරෙන් ඔබේ මුහුණ හොඳින් සෝදන්න. කුරුඳු සම මත ආලේප කරන විට හිරි වැටීමක් ඇති විය හැකි නමුත් මුහුණ සේදීමෙන් පසු එය අතුරුදහන් වේ.

මෙම උපක්‍රමය මසකට දෙවරකට වඩා භාවිතා සිදු කරන්න එපා.

Activated charcoal + green clay

Activated charcoal කුඩු තේ හැන්දක 1/2 ක්, green clay තේ හැන්දක 1 ක් සහ උණුසුම් ජලය තේ හැන්දක 1/2 ක් එකට මිශ්‍ර කරන්න. මිශ්‍රණයේ කැටි නොසිටින සේ හොඳින් මිශ්‍රකරගන්න. ස්පොන්ජියක් හෝ බුරුසුවකින් ඔබේ මුහුණට මේ සදාගත් මිශ්‍රණය යොදන්න. මිශ්‍රණය සම්පූර්ණයෙන්ම වියළී යන තෙක් තබා සීතල වතුරෙන් හොඳින් සෝදන්න.

Coconut oil + coffee grounds

නැවුම් කෝපි කුඩු කෝප්පයක් 1/2 සමඟ පොල්තෙල් කෝප්පයක් 1/2 මිශ්‍රකරගන්න (ටිකක් රත්වෙන්න මයික්‍රෝවේව් උදුනට දමන්න) . මිශුණය සදාගත් ගමන්නම එයින් ඔබේ මුහුණ මෘදු ලෙස සම්බාහනය කරන්න. සම්භාහනය කිරීමෙන් පසු මිශ්‍රණය ඔබේ මුහුණේ මිනිත්තු 5 ක් තබන්න, ඉන්පසු සීතල වතුර භාවිතා කර එය හොඳින් සෝදා හරින්න. මේ ක්‍රියාපටිපාටිය සතියකට වරක් නැවත නැවත කරන්න.

මිශ්‍රණය සාදාගත් වහාම භාවිතා කරන්න හොඳින් මතක තබාගන්න.

Oatmeal + honey + yogurt + olive oil

Oatmeal කෝප්ප 1/4 ක්, යෝගට් තේ හැඳි 2 ක්, මී පැණි තේ හැඳි 2 ක් සහ ඔලිව් තෙල් තේ හැඳි 2 ක් ආහාර සකසනයක තබා හොඳින් මිශ්‍ර වන තුරු මිශ්‍ර කරන්න. ඔබේ පිරිසිදු මුහුණට මිශ්‍රණය යොදන්න, හොඳින් මිනිත්තු 1-2 ක් රවුම් ආකාරයෙන් සම්භාහනය කරගන්න. ඉන්පසු උණුසුම් ජලයෙන් සෝදා හරින්න. ඔබට තිබෙන්නේ සම්භාහනය කිරීම මගින් ඉදිමෙන හෝ තුවාල වෙන අතිශයින් සංවේදී සමක් නමි , මුහුණු ආවරණයක් ලෙස මිශ්‍රණය භාවිතා කර විනාඩි 5-7 ක් පමණ ඔබේ සම මත තබන්න.

මෙම උපක්‍රමය සතියකට වරක් හෝ දෙවරක් භාවිතා කරන්න.

Sugar + honey + olive oil + vanilla extract

භාජනයකට දුඹුරු සීනි කෝප්පයක් 1/4 සමඟ සුදු සීනි කෝප්පයක් 1/4 මිශ්‍ර කරන්න. එයට ඔලිව් තෙල් කෝප්ප 1/4 ක් එකතු කර හොඳින් කලවම් කරන්න. ඉන්පසු මී පැණි තේ හැඳි 1 ක් සහ වැනිලා සාරය 1/2 තේ හැන්දක මිශ්‍ර කරන්න. සියලුම අමුද්‍රව්‍ය හොඳින් මිශ්‍රකරගන්න. මෙම මිශ්‍රණය භාවිතා කර බ්ලැක්හෙඩ්ස් සහ වයිට්හෙඩ්ස් ඇති ස්ථානය හොඳින් සම්භාහනය කර උණුසුම් ජලයෙන් සෝදා හරින්න.

මෙම සතියකට වරක් භාවිතා කරන්න.

පෙර පාසල් ගුරුවරුන්ගෙන් දෙමාපියන් ඇසිය යුතුම ප්‍රශ්න 5ක්..

editor

පෙර පාසල් අධ්‍යාපනය කියන්නේ අනිවාර්යයෙන්ම විවිධ ඉගෙනුම් අත්දැකීම් වලට පදනමක් කිවුවොත් හරි. හැබැයි මේ පෙර පාසල් අධ්‍යාපන කාලය හරිම සරලයි කියන ආකල්පය ඔළුවට ගත්තොත් නම් ඒක ළමයින්ගේ මූලික සංවර්ධන ක්ෂේත්‍ර මූලිකවම තර්ජනයක් වෙන්න පුළුවන්. ඒකට වගකියන්න ඕනෙත් ගුරුවරුන් සහ දෙමාපියන් තමයි.ඔයා ඔයාගේ දරුවාගේ පාසල් ජීවිතයේ හැම අංශයක්ම පාලනය කරන්න උත්සාහ කරන්නේ නැතුව දරුවාගේ පෙර පාසල් පරිසරයේ තියෙන මේ සංවර්ධන අංශ ගැන දැනුවත් වීම අත්‍යවශ්‍ය කාරණාවක්.

ඉතින් ඒ දැනුවත්භාවය සැලකිල්ලට අරගෙන,ඔයාගේ දරුවාගේ පෙර පාසල් ගුරුවාරය හම්බවෙද්දී එයාලගෙන් අහලා බලන්න ඕනේ සැලකිය යුතුම ප්‍රශ්න කිහිපයක් මෙන්න.

පෙර පාසලේදී එයාගේ මිත්‍රත්වය මොන වගේද?

ඔයාගේ දරුවාගේ යාලුවෝ වගේම එයා මග හරින,යාළුකම් ඇතිකරගන්නේ නැති අය කවුද?,එයාලා එකට එකතු වෙලා කරන්නේ මොනවද?,එයා ප්‍රශ්න විසදාගන්නේ කොහොමද?,එයාල එකට සෙල්ලම් කරන්නේ කොහොමද?, වගේ දේවල් ගැන අවධානයක් යොමු කරන එක වැදගත්.දරුවාගේ සමාජ සංවර්ධනය තේරුම් ගන්න මේ වගේ නිරීක්ෂණ ඔයාට වැදගත් වෙනවා.හැබැයි මේ වගේ දේවල් ගැන අහලා ඔයා උත්සාහ කරන්නේ ඔයාගේ දරුවාගේ දියුණුව තේරුම් ගන්න මිසක් ඒක පාලනය කරන එක නම් නෙවෙයි.

එයාගේ සම වයසේ මිතුරන් එක්ක තියෙන සම්බන්ධතාවය දැක්කම ඔයාට දරුවාගේ සන්නිවේදන කුසලතා ගැන හොඳ අවබෝධයක් ලබා ගන්න පුළුවන්.

දරුවට කොච්චර කාලයක් අවධානය යොමු කරන්න පුළුවන්ද?

වයසත් එක්ක අවධානයත් වැඩි වෙනවා.කොහොම වුණත් අවධානය වෙනතකට යොමු වෙන්න නොදී කොච්චර වෙලාවක් ඔයාගේ දරුවාට මොකක්හරි වැඩක යෙදෙන්න පුළුවන්ද කියලා දැනගන්න එකනම් වැදගත් කාරණාවක්. එහෙම කළොත් පන්ති කාමරය තුළ දරුවාගේ උනන්දුව දක්වන ප්‍රදේශ ගැන දැනගන්න ඔයාට පුළුවන්.

ඔයාගේ දරුවාට එයාගේ වයසට අවශ්‍ය තරමේ අවධානය නැතිව ඒ ගැන පොරබදමින් ඉන්න බවක් තේරෙනවා නම් ඒ ගැන හේතු හොයල බලන එක අත්‍යවශ්‍ය දෙයක්. ගොඩක් වෙලාවට අක්‍රමවත් නින්ද , TV බලන කාලය දීර්ඝ වීම සහ සෞඛ්‍ය සම්පන්න නැති ආහාර පුරුදු පාසලේ වැඩක් අතරතුර ඔයාගේ දරුවාගේ අවධානය අඩුවෙන්න හේතු වෙනවා. ඉඳහිට මේවා ඉගෙනගන්න තියෙන දුෂ්කරතාවයේ සංඥා වෙන්නත් පුළුවන්. ඉතින් ඒ වගේ අවස්ථාවක සුදුසු මැදිහත් වීමක් කරන එක අනිවාර්යයි.

දරුවා උපදෙස් වලට ප්‍රතිචාර දක්වනවාද?

පන්ති කාමර ක්‍රියාකාරකම් ගැන උපදෙස් වලට හොඳින් ප්‍රතිචාර දක්වන එක පෙර පාසල් ළමුන්ගේ තීරණාත්මක වර්ධනයක්. පන්ති කාමරයේ වැඩ සාර්ථකව කරන්න ඒක උදවු වෙනවා. පැහැදිලි, කෙටි නිශ්චිත උපදෙස් වලට ක්ෂණිකව වැඩ කිරීමේ හැකියාව මේ වයසේ ළමයින්ට තියෙනවා. ඉතින් ඒ වගේ උපදෙස් වලට ඔයාගේ දරුවා දක්වන ප්‍රතිචාරය ගැන ගුරුවරයාගෙන් ප්‍රශ්න ඇහුවොතින් එයාගේ භාෂා කුසලතා, කෙටිකාලීන මතකය සහ ස්වාධීනත්වයේ මට්ටම තේරුම් ගන්න ඔයාට පුළුවන් වෙනවා.

වැඩ කිරීමේ විශේෂ හැකියාවන් තියෙනවද ?

හැම දරුවෙකුටම තමන්ගේම වැඩ කරගන්න එයාලට ආවේණික ශෛලියක් තියෙනවා. ඉතින් තමාට ගැළපෙන ඉගෙනුම් ශෛලිය සොයා ගන්න දරුවෙකුට ඉඩ දීම ඇත්තටම වටිනවා. සමහර ළමයින් බිම ඉන්නකොට ගොඩක් හොඳින් වැඩ කරනවා වගේම අනෙක් අයට මේසයක ඉදන් වැඩ කරන එක වඩාත් සුවපහසු වෙනවා. එයාගේ වැඩ පුරුදු ගැන සමීප නිරීක්ෂණක් කිරීම,වැඩ කරන තැන තෝරා ගැනීමෙන්, බඩු තියෙන විදිහෙන්, භාණ්ඩ භාවිතා කරන විදිහෙන් සහ වැඩ අවකාශය පිරිසිදු කරන විදිහෙන් ඔයාගේ දරුවාගේ ස්වාධීන ඉගෙනීම ගැන ගොඩක් දේ ඔයාට කියන්න පුළුවන් වෙනවා.

අධ්‍යාපනය

ඔයාගේ පෙර පාසල් දරුවා ගැන ඔයා සැලකිලිමත් වෙන පළවෙනි ක්ෂේත්‍රය ABC සහ අංක වෙන්න පුළුවන්. සෑම පාසලක් මේ සංකල්ප උගන්වන්න විවිධාකාර ප්‍රවේශ පාවිච්චි කරනවා. දෙමව්පියන් විදිහට මේ ශිල්පීය ක්‍රම ගැන දැනුවත්ව ඉන්න එක වැදගත් වගේම ගෙදරදීම මේ දේවල් වැඩි දියුණු කරගන්න එකත් වැදගත්. හැබැයි ගෙදරදී මේ දේවල් කරද්දී, දරුවාගේ ඉගෙනුම් ක්‍රියාවලිය ව්‍යාකූල නොකරන්න මේවා පාසලේදී අනුගමනය කරන ක්‍රමයට අනුකූලව සිදු කරන එක ඉතාම වැදගත්.

ඊළඟ වතාවේ ඔයා දෙමාපිය රැස්වීමකට පාසලට යද්දී සටහන් පොතක් සහ පෑනක් අරගෙන යන්න! සටහන් කරන්න භය වෙන්න එපා. ඔයාගේ දරුවා පෙරට වඩා ගැඹුරු විදිහට දැනගන්න අත්දැකීම් පාවිච්චි කරන්න! දරුවාගේ පෙර පාසල් අත්දැකීම් වලට ක්‍රියාකාරීව සහභාගී වුණොත් ඔයාගේ දරුවා ගැන ඔයාට කොපමණ ඉගෙන ගන්න පුළුවන් වේවිද කියන එක ගැන ඔයා ඇත්තටම පුදුමවෙයි.

ගෙදර නිතර ඇතිවෙන දුර්ගන්ධයන් නිසා අපහසුතාවයට පත්වෙලාද..?

editor

ලෝකේ මොන සැප තිබුණත් තමන්ගේ ගෙදර තියන සැප පහසුව නිදහස වෙන කොහෙන්වත් අපිට ගන්න බැහැ. කොහෙ ගියත් අපි කොයි වෙලේද ගෙදර දුවන් එන්නේ කියලා බලාගන ඉන්නේ. හැබැයි ඉතින් තමන් ඉන්න ගෙදර පිරිසිදු නැත්තම් ගෙදර ඉන්න එපාම වෙනවා. ඒ වගේම ඉතින් සමහර වෙලාවට අපි ගෙදර දූවිලි පිහදාලා අස්පස් කළාට අමුතු ගදවල් ගෙදර ඇතුළෙන් එන්න පුළුවන්. අපි ගෙදර සුද්ද කළා කියලා ඒ ගඳවල් නැතිවෙන්නේ නැහැ. සමහර අප්‍රසන්න ගන්ධයන් ගෘහ භාණ්ඩ, ගෘහ උපකරණ, ඉලෙක්ට්‍රොනික උපකරණ සහ අපි නිදාගන් මෙට්ටවල පවා දුර්ගන්ධ ඇතිවෙනවා. අද අපි කොහොමද ලේසියෙන්ම ගෙදරම තියන දේවල් වලින් වියදමක් නැතුවම ගෙදර ඇතුළින් එන දුර්ගයන් නැති කරන්නේ කියලා බලමු..

1. ඔබේ මුළුතැන්ගෙය පුරා ප්‍රසන්න සුවඳක් ඇති කරන්න දොඩම් ලෙලි භාවිතා කරන්න..

පැඟිරි සුවඳ කියන්නේ අපිට ආතතිය ඇතිවෙන එක අවම කරනවා. ඒ වගේම පැඟිරි කියන්නේ වායු පවිත්‍රකාරකයක්. ඔයාට තියෙන්නේ දොඩම් ලෙලි කීපයක් අරගන ඒ ටික හොඳින් වේලලා ගන්න එක විතරයි. වේලාගත්ත දොඩම් ලෙල්ලක් අරගන ගින්දරෙන් එක පුළුස්සා ගන්න. ක්ෂණිකව ඔයාගේ නිවස, මුළුතැන්ගෙය දිගු කාලයක් පවතින ප්‍රසන්න සුවඳකින් පුරවාගන්න ඔයාට පුළුවන්.

2. බේකිං සෝඩා භාවිතයෙන් ඔබේ ශීතකරණයේ ඇති දුර්ගන්ධයන් ඉවත් කරන්න..

ගෙදර තිබෙන ශිතකරණය කියනනේ ප්‍රධාන වශයෙන් දුර්ගන්ධය ඇතිවෙන තැනක්. අපි එක එක කෑම ජාතී ශීතකරණයේ දාලා තියනකොට ටික දවසකින් දුර්ගන්ධයක් ඇතිවෙනවා. මේ වෙලාවට කරන්න තියන හොඳම දේ තමයි බේකින් සෝඩා පැකට්ටුවක් විවෘත කරලා ශිතකරණයේ තියන්න. මේක අවුරුද්දකට සැරයක් මාරු කරහම හොඳටම ඇති. බේකිං සෝඩා වලින් දුර්ගන්ධය අවශෝෂණය කර උදාසීන කරනවා. මේ නිසා ශීතකරනයේ අනවශ්‍ය දුර්ගන්ධයන් ඇති වෙන්නේ නැහැ.

3. මයික්‍රෝවේව් උදුනේ ඇති දුර්ගන්ධයට එරෙහිව සටන් කරන්න ලෙමන් භාවිතා කරන්න..

පිරිසිදු කිරීමට ලෙමන් ගන්න එක අපි හැම කෙනෙක්ම දන්න දෙයක් සබන් වලටත් ලෙමන් දාලා හදලා කියලා අපි ඇති තරම් වෙළදපොළේ දකිනවානේ නේද. ඔබේ මයික්‍රෝවේව් උදුනෙන් දුර්ගන්ධය ඉවත් කිරීම සඳහා වතුර කෝප්ප භාගයක් අරගන ලෙමන් හෝ දෙහි ගෙඩියෙන් බාගයක යුෂ මිරිකා ගන්න . ඉන් පසුව මිනිත්තු 5 ක් පමණ මයික්‍රෝවේව් තබන්න .මයික්‍රෝවේව් එක විනාඩි 5න් නැවතුනාට පසුව දොර විවෘත කරන්නේ නැතිව මිනිත්තු කිහිපයක් එහෙන්මම තිබෙන්න අරින්න. ඉන්පසුව දොර විවෘත කර වතුර භාජනය ඉවත්කර මයික්‍රෝවේව් උදුන හොඳින් පිසදා ගන්න.

4. පැඟිරි පලතුරු සමඟ ඔබේ කසළ බැහැර කරන්න..

කුස්සියේ තියන කුණු කූඩේ දවල් වෙනකොට ගඳ ගහන්න ගන්නවා නේද? මේකට කරන්න තියන හොඳම දේ තමයි දෙහි ගෙඩියක් එමෙහත් නැත්තම් පැඟිරි තිබෙන පළතුරක් කුණු කූඩෙට කපලා දාන එක. අඩුමතරමේ ලෙලි ටික හරි දාලා තියන්න. එතකොට ඔයාට පුළුවන් හවස කුණු අස්කරන වෙලාව වෙනකන් දුර්ගන්ධයක් නැතිව කුණු කූඩේ තියාගන්න පුළුවන්.

5. දුර්ගන්ධ කාපට් සඳහා විනාකිරි විසඳුම..

ඔබට සුරතල් සතුන් සිටනවා වෙන්න පුළුවන්. එයාලා ගොඩක් වෙලාවට කපට් එකේ තමයි නිදාගන්නේ. සුරතල් සතුන් නිසාම ගොඩක් වෙලාවට මේ කාපට් වලින් දුර්ගන්ධයක් ඇතිවෙනවා. මේකට කරන්න තියෙන්නේ ස්ප්‍රේ බෝතලයකට මිලි ලීටර් 150 හයිඩ්‍රජන් පෙරොක්සයිඩ්, විනාකිරි තේ හැදි 1ක් සහ බේකිං සෝඩා තේ හැදි 1 මිශ්‍ර කරන්න. මේ මිශුණය දුරුගන්ධය එන කාපට් වලට ඉසින්න. එය වේලුනාට පසුව ඔයාට පෙනෙයි කුඩු කුඩු වගේ කාපට් එකේ තිබෙනවා. ඔයාට කරන්න තියෙන්නේ වැකුම් ක්ලීනර් එකින් එය ඉවත් කරගන්න එක විතරයි.

ඔයත් නිතරම ස්ට්‍රෙස් වෙන කෙනෙක්ද..? එහෙනම් මේ ලිපිය කියවන්න- Part 2

editor

ආතතිය නැතිනම් stress කියන වචනේ නිතර නිතර අපට ඇහෙන තරමට මේ තත්වය අපේ සමාජය තුළ පැතිරිලා තියෙනවා. නිවසේදී, පවුල තුළදී වගේම රැකියා ස්ථානයේදී ඔබ මේ විදිහට ආතතියට පත්වීම සිදුවෙන්න පුළුවන්. ආතතිය හෙතුවෙන් ඔබට සිදුවන හානිය මොකක්ද කියන එක ගැන අපි මිට පෙර ඔබව දැනුවත් කළා. මේ ආතතිය කළමනාකරණය කරගන්නේ කොහොමද කියන එක ගැන තොරතුරු ටිකක් තමයි දෙවැනි පියවරෙන් අපි ඔබට කියන්නෙ. විශේෂයෙන් රැකියා ස්ථානයේ ඇතිවන ආතතිය කළමනාකරණය කරගන්නේ කොහොමද කියන එක ගැන මේ ලිපියෙන් ඔබට අදහසක් ලබාගන්න හැකිවේවි.

රැකියා ස්ථානයේදී ඔබට ඇතිවන මානසික පීඩනය සහ ආතතිය හේතුවෙන් ඔබ ශාරීරිකව මෙන්ම මානසිකවත් රෝගී තත්වයට පත්වෙන්න පුළුවන්. මේ සෞඛ්‍ය ගැටළු සාමාන්‍ය හිසරදයක සිට හෘදයාබාධයක් දක්වාත් වර්ධනය විය හැකියි කිවුවොත් ඔබ තරමක් පුදුම වේවි. නමුත් ඒ කතාව අත්තක්. දිගින් දිගටම ඔබ මේ විදිහට Job stress එක දරාගෙන හිටියොත් ඔබ රෝගී තත්වයට පත්වෙන්න පුළුවන්. නමුත් අනික් අතට ඔබ රැකියා ස්ථානයේ වැඩ කරන්නේ කණ්ඩායමක් එක්කයි. ඒ නිසා ඔබට විවිධ වර්ගයේ පුද්ගලයින් සමග විවිධ මට්ටමේ සිතුම් පැතුම් හැසිරීම් සහිත අයත් එක්ක වැඩ කරන්න සිදුවනවා. ඒ නිසා ඔබට ආතතිය ඇතිවීම වලක්වා ගැනීමට පුරවා සූදානමක් ඇතිකර ගැනීම සහ ආතති කළමනාකරණය කරගැනීම පමණයි කළ හැක්කේ. කොහොමද මේ කටයුත්ත කරන්නේ..? මේ තොරතුරු ඔබට අනිවාර්යෙන්ම ප්‍රයෝජනවත් වේවි.

දවස පටන් ගද්දිම ඔබ ආතතියට පත්වෙනවා නම්, ඔබට රැකියා ස්ථානයට යන්න වෙන්නෙම පීඩනයකින්. එතැනදී කොහොමත් ඔබට job එක stressful වෙන්න තියන ඉඩ වැඩියි. උදේ දවස ආරම්භ කරද්දි ඔබට දරුවන්ගේ පාසල් වැඩකටයුතු වලට සූදානම් කරන්න, කෑම හදන්න වගේ බොහොමයක් වැඩකටයුතු තියෙනවා වෙන්න පුළුවන්. ඒ වැඩටික අවසන් කරල Office යන්න මගට ආවට පස්සේ පාරේදී වාහන තදබදය වගේ නොයෙකුත් දේවල් නිසාත් ඔබ තවත් පීඩාවට පත්වෙන්න පුළුවන්. මේ සියල්ල එක්ක ඔබ Office එකට යන්නෙම ආතතියට පත්වෙලා නම් කොහොමත් ඔබ වැඩ පටන් ගන්නෙම මානසික ආතතියෙන් යුතුවයි. මේ ගැටලුවට මොකක්ද විසඳුම..? ඔබට කළ හැකි වඩාත්ම ඵලදායී දේ තමයි කලින් දවසේ රාත්‍රියේ පසුවදා වැඩකටයුතු සැලසුම් කරන්න. ඒක කොහොමද කරන්නේ කියන එකට නිශ්චිත ක්‍රමයක් නැහැ. ඔබ ඔබටම ආවේණික ක්‍රමයක් හදාගෙන පහුවදා උදේ ආතතියට පත්නොවී දවස පටන් ගන්න අවශ්‍ය විදිහට නින්දට පෙර සැළසුම් කරන්න. ඒ වගේම පෝෂ්‍යදායී කෑම වේලක් උදේට ගැනීමත් අත්‍යවශ්‍යයි. මේ විදිහට දවස පටන් ගත්තොත් ඔබට යම් ප්‍රබෝධමත් බවකින් යුතුව කාර්යාලයට යන්න හැකියාව ලැබේවි.

ඊළඟ වැදගත් දේ තමයි ඔබ වැඩ පටන් ගත්තාට පසුව දවසේ කළ යුතු අත්‍යවශ්‍ය වැඩ සැලසුමක් සකස් කරගන්න. අත්‍යවශ්‍ය දේවල් ප්‍රමුඛතා ලයිස්තුවේ මුලින්ම එන විදිහට මේ සැළසුම සකස් කරගෙන ඒ අනුව කටයුතු කරන්න. එහෙම වුනොත් වැඩ මගහැරීම, ප්‍රමාද වීම වගේ කාරණා නිසා ඔබ ආතතියට පත්වෙන එකක් නැහැ. ප්‍රධානීන් සමග අනවශ්‍ය වාද වලට පැටලීමෙන් වලකින්නත් ඔබට පුළුවන් වේවි. ඒ නිසා නිශ්චිතවම අත්‍යවශ්‍ය වැඩ මොනවද කියන එක තීරණය කිරීමත් සැලසුම් කිරීමත් සිදුකරන්න.

හැකි තරම් ගැටුම් වලින් ඈත්ව ඉන්න උත්සාහ කරන්න. ඒ කොහොමද කරන්නේ කියල ඔබට ප්‍රශ්නයක් ඇතිවෙන්න පුළුවන්. ඔබට ආයතනය තුළදී විවිධ පුද්ගලයින් එක්ක ගනුදෙනු කරන්න සිදුවනවා. ඒ කියන්නේ විවිධ මත ගැටුම් ඇතිවීම සාමාන්‍ය දෙයක්. නමුත් මේ ගැටුම් අවම කරගන්න හැකි සෑම විටකම උත්සාහ කරන්න. විශේෂයෙන්ම ඕපාදුප වලින් ඈත් වීම වැදගත්. එකිනෙකා ගැන කතාවන ඕපාදුප කියන්නෙම ගැටුමකට ආරම්භයක් විය හැකියි. ඒ නිසා ඕපාදුප වලින් ඈත් වෙනවා වගේම ඔබේ පෞද්ගලික කාරණා, ගැටළු අනික් අය සමග සාකච්ඡ කිරීමත් සීමා කරගන්න. විශේෂම දෙයක් තමයි දේශපාලනය හෝ ආගම පිළිබඳව ඔබේ පෞද්ගලික මතය ඔබේ රැකියා ස්ථානයේ අය සමග සාකච්චා කිරීමට නොයෑම. අනවශ්‍ය ගැටළු වගේම ඔබ ගැන පූර්ව චිත්‍රයක් මැවෙන්නත් මේක හේතුවක් වනවාමයි. ඒ නිසා මේ කරුණු වලින් වලකින්න හැකි තරම් උත්සාහ කරන්න. ඒ වගේම අනිකා සමග සහයෝගයෙන් වැඩකිරීමට නොහැකි පුද්ගලයින් සමග වැඩකිරීම හැකිතාක් අවම කරන්න. එයිනුත් ඔබට ආතතියට පත්නොවී ඉන්න හැකිවේවි.

සැළසුම් සහගත වන්න. මේක අත්‍යවශ්‍ය දෙයක්. සාමාන්‍යෙන් පුද්ගලයින් ක්‍රමවත්ව වැඩ සැළසුම් කරනවා වගේම එහෙම නොකරන අයත් ඉන්නවා. ඒක එකිනෙකාගේ චරිත ස්වභාවය විය හැකියි. ඒ කෙසේ වෙතත් ඔබ ඔබේ වැඩකටයුතු නිසිලෙස සැළසුම් කිරීමට පුරුදු වන්න. ඔබේ මේසය, වටපිටාව, ලිපි ලේඛන වගේම වැඩ සැළසුමකට තබාගන්න හුරුවන්න. අනවශ්‍ය හදිසිය, පීඩනය, අවශ්‍ය දේ සොයාගැනීමට කාලය වැයකිරීම වැනි ගැටළු රැසක් මගහරවා ගන්න ඔබට හැකියාව ලැබේවි. ඒ වගේම අනවශ්‍ය පරිදි වෙලාව ගතකරමින් ප්‍රමාද වනතුරු කාර්යාලයේ වැඩකටයුතු කරන්න අවශ්‍ය වෙන එකකුත් නැහැ. නිසි පරිදි සියල්ල සැලසුම් කිරීමටත් හුරුවන්න.

ඔබේ වටපිටාව සුවපහසු කරගන්න උත්සාහ කරන්න. උදාහරණයක් වශයෙන් ඔබට හිඳගැනීමට තිබෙන පුටුව ඔබට සුවපහසු නැතිනම් ඔබ අනිවාර්යෙන්ම ආතතියට පත්වනවා. ඒ වගේම කාර්යාලය ඇතුළත ශබ්ද, අනික් සේවකයින්ගේ උස හඬින් කෙරෙන කතාබහ සහ කෑගැසීම් වගේ දේවල් නිසාත් ඔබට බාධා පැමිණවීමෙන් ඔබ අපහසුතාවට පත්විය හැකියි. මේ සියල්ල ඔබේ පාලනය යටතේ නොමැති වෙන්නත් පුළුවන්. නමුත් හැකි සෑම විටකම හැකිතාක් සුවපහසුව වැඩකටයුතු කිරීමට අවශ්‍ය පරිසරය සකස් කරගන්න. සමහරවිට මේ වෙනුවෙන් ඔබට තරමක් උපක්‍රමශීලි වන්නට සිදුවේවි. මොන ක්‍රමයකින් හෝ ඔබේ වටපිටාව ඔබට සුවපහසු වන යුරින් සකස් කරගත්තොත් ඔබට ආතතියකින් තොරව රැකියාව කරන්න අවස්ථාව ලැබේවි.

බහුකාර්ය සාධනය කියන්නෙ වඩා කාර්යක්ෂම ක්‍රමයක් කියන මතය ඔබ අසා ඇති. නමුත් බහුකාර්ය කියන සංකල්පය දැන් තරමක් යල්පිනූ එකක්. උදාහරණයකට ඔබ කල්කියුලේටරයේ ගණන් එකතු කරමින් සිටින අතරතුර දුරකථන අමතුමකටත් පිළිතුරු දෙනවායි සිතන්න. ඔබට ඒ වැඩ දෙකම නිසි පරිදි කිරීමට නොහැකි වෙන්නත් ඉඩ තියෙනවා නේද..? විශේෂයෙන් කාන්තාවන් මේ බහුකාර්ය සංකල්පයට ජීව විද්‍යාත්මකව යම් නිපුණතාවක් දැක්වුවත් පිරිමි පාර්ශවය ඊට යම් දුර්වලතාවක් දක්වනවා. ඒ නිසා මේ බහුකාර්ය සංකල්පය එතරම්ම ප්‍රායෝගික නොවන බව වර්තමාන සොයා ගැනීම වී තිබෙනවා. ඒ නිසා අනවශ්‍ය ආතතියට පත්නොවී පියවරෙන් පියවර අදාළ වැඩකොටස ඉටුකිරීම වඩා සුදුසුම ක්‍රමය වනවා.

ඔබට ලැබෙන විවේකයේ විශේෂයෙන්ම දවල් කෑම විවේකය, තේ විවේකය වැනි වෙලාවල් වලදී ඔබේ වැඩ මාරු කරගැනීම අත්‍යවශ්‍යයි. එවැනි විවේක වෙලාවේත් වැඩ ගැන සිතීම සහ කතා කිරීමෙන් වැලකීම ඒ වෙලාවට කිසියම් සැහැල්ලු විනෝදාත්මක දෙයක් වෙනුවෙන් අවධානය යෙදවීම, මදක් ඇවිදීම, ඔබ සිටින ආසනයෙන් එලියට ගොස් පරිසරය තරමක් වෙනස් කිරීම වැනිදේ මගින් මේ වෙනස ඇතිකර ගත හැකියි. එයින් ඔබේ මනසට යම් සැහැල්ලුවක් දැනේවි. ඒ වගේම ඔබ කරන කටයුතු පළිබඳ නිවැරදිව පරික්ෂාව අතිශය වැදගත්. නැවත ඔබේ කටයුතු පිලිබඳ නිසි පරීක්ෂාවක් කිරීමෙන් ඔබට මගහැරුණු දේ සොයාගැනීමටත් වරදක් ඇත්නම් සකස් කරගැනීමටත් අවස්ථාව ලැබෙනවා. රැකියාවේ ස්වභාවය අනුව මේ තත්වය එකිනෙකට වෙනස් වියහැකි වුනත්, හැකිතාක් ඒ කටයුත්ත ඉටුකිරීමෙන් ඔබට අනවශ්‍ය ආතතියක් ඇතිවීමේ අවස්ථා මගහැරෙනු ඇති.

දැන් ඔබේ දවස නිමාකොට නිවසට යන වෙලාව යැයි සිතමු. සමහර විට නිවසට ගිය සැනින් ඔබට නිවසේ කටයුතු වෙනුවෙන් නැවත අවධානය යොමු කිරීමට සිදුවේවි. ඒ නිසා ඔබ කළ යුතු හොඳම දේ නම් ඔබ රිය පදවන අතරතුර නැතිනම් බසයෙන්, දුම්රියෙන් ගමන් කරන අතරතුර ඔබ වඩාත් ප්‍රියකරන සංගීතයකට සවන් දෙන්න. ඔබේ මනසට විවේකයක් ලැබෙනවා වගේම නැවත අලුත් ජවයක් හිතටත් ශරීරයටත් දැනේවි. දවස නිමා කරන්නත් එය හොඳ උත්තේජනයක් සපයාවි.

මෙතෙක් ඔබ ආතතියට පත්වෙලා සිටියා නම්, රැකියාවේ ආතතිය පාලනය කරගැනීමට ක්‍රමයක් සෙව්වා නම් මේ පියවර කිහිපය අනුගමනය කරන්නැයි අපි ඔබට යෝජනා කරනවා. වෙනස අත්විඳින්න. ප්‍රබෝධයෙන් සහ තෘප්තියෙන් රැකියාව කරන්න.

අන්තර්ජාලය ඇසුරින්.

-එන්.වෙහෙරදූව-

1...242526...39 Page 25 of 39