2024 May 10
අද ආන්ටි ඩී ඔයාලට කියලා දෙන්නේ කුළුබඩු මුසු වූ රසවත් Jaffna Crab Curry එකක් හදා ගන්නේ කොහොමද කියලා. ඔයාට මේ Jaffna Crab Curry එක බත්, රොටි, රෝස්ට් පාන්, ආප්ප හෝ වෙනත් ඕනම දෙයක් එක්ක try කරලා බලන්න පුළුවන්.
අවශ්‍ය ද්‍රව්‍ය:
තල තෙල් මේස හැඳි 1 1/2 ක්
උළුහාල් මේස හැඳි 1/2 ක්
සූදුරු 1 තේ හැඳි 1 ක්
කුරුඳු අඟල් 1 ක කැබැල්ලක්
එනසාල් 3 ක්
කරාබුනැටි 3 ක්
කරපිංචා සහ රම්පෙ
ලොකු ළූණු ගෙඩි 1 ක් (මධ්‍යම ප්‍රමාණයේ)
ඉඟුරු සහ සුදුළූණු මේස හැඳි 1 ක්
කකුළුවන් 750g ක්
කහ කුඩු තේ හැඳි 1/2 ක්
තුනපහ කුඩු මේස හැඳි 1 ක්
යාපන තුනපහ කුඩු මේස හැඳි 1 1/2 ක්
ලුණු තේ හැඳි 1 1/2 ක්
සියඹලා යුෂ මේස හැඳි 1 ක්
තක්කාලි ගෙඩි 1 ක් (ලොකු)
උකු පොල් කිරි කෝප්ප 1 1/2 ක්
සාදන ආකාරය:
පෑන් එකකට තල තෙල් දමා එය රත් වන විට මහදුරු, සූදුරු, කුරුඳු, එනසාල්, කරාබුනැටි, කරපිංචා, රම්පෙ, පෙති කපාගත් ළූණු, ඉඟුරු සහ සුදුළූණු එකතු කර ගන්න.
ළූණු සිහින් වන තුරු සහ කුළුබඩු වල සුවඳ එන තෙක් හොඳින් බැදගන්න.
ඊළඟට කකුළුවන්, කහ, තුනපහ සහ Jaffna තුනපහ එක් කර හොඳින් කලවම් කරගන්න.
එයට ලුණු, සියඹලා යුෂ සහ තක්කාලි කැබලි එකතු කරන්න.
උකු පොල් කිරි එක් කර මඳ ගින්නේ තබා පිසගන්න.
