2025 Nov 25
අපි හැමෝම කැමති රසම රස වෙරළු අච්චාරු හදන විදිහ ගැන අද Aunty D ඔයාලට කියලා දෙනවා. ඉතින් ඔයාට අද දැක්ක ගමන් කන්න හිතෙන මේ වෙරළු අච්චාරුව හදාගන්න විදිහ හරියටම දැනගන්න පුළුවන්.
අවශ්‍ය ද්‍රව්‍ය
වෙරළු 250g ක්
ලුණු තේ හැඳි 1 ක්
වතුර කෝප්ප 1ක්
මිරිස් කුඩු තේ හැඳි 1/2 ක්
කෑලි මිරිස් තේ හැඳි 1 ක්
ලුණු තේ හැඳි 1/2 ක්
සීනි කෝප්ප 1/4 ක්
ගම්මිරිස් කුඩු තේ හැඳි 1/2ක්
සාදන ක්‍රමය
වෙරළු ටික දෙකට පැලෙන තුරු ලුණු වතුරේ තම්බා ගන්න.
භාජනයකට වතුර, මිරිස් කුඩු, කෑලි මිරිස්, ගම්මිරිස් කුඩු, සීනි සහ ලුණු එක් කර ඝන සිරප් එකක් ආකාරයට සෑදෙන තෙක් හොඳින් තම්බා ගන්න.
ඉන්පසුව එයට තම්බා ගත් වෙරළු එක් කර හොඳින් මිශ්‍ර කරගන්න.
දැන් ලිපෙන් ඉවත් කරගත් වෙරළු අච්චාරු මේසයට පිළිගන්වන්න.
