හවස තේ බොනකොට කන්න, මාළු පාන් ගෙදරදීම හදාගන්න ලේසිම විදිය මෙන්න

editor

අවශ්‍ය ද්‍රව්‍ය

පිටි 500g

යීස්ට් 5g

සීනි ග්‍රෑම් 50

ලුණු 9g

කිරිපිටි 10g

ජලය 300ml

මාගරින් 50g

තෙල් මේස හැන්දක්

ඉඟුරු, සුදුළූණු තේ හැදි 1

බොම්බයි ලූනු 1

කරපිංචා

අමු මිරිස් 3 යි

කහ කුඩු ‍තේ හැඳි /4

තම්බා ගත් මාළු 250g

තම්බාගත් අර්තාපල් 200g

ලුණු ‍තේ හැන්දක්

ගම්මිරිස් ‍තේ හැඳි 1/2

කරි කුඩු තේ හැඳි 1/2

කෑලි මිරිස් තේ හැඳි 1

බිත්තර 1

සාදාගන්නා ආකාරය

01. මුලින්ම මාළු පාන් පාන්පිටි වලට ඊස්ට් ටික කලවම් කරගන ඒකට සීනි, කිරිපිටි, වතුර එකතු කර පිටි මෝලියක් එකක් හදාගන්න.

02. ඊටපස්සේ මාගරින් ටිකත් එකතු කරලා පිටි මෝලිය හොඳට හැදෙනකන් අනාගන්න.

03. පිටි මෝලිය පිපෙන්න විනාඩි 20 ආවරණය කරලා තියන්න . පිටි මෝලිය පිපුනට පස්සේ ඒක අරගන කොටස්වලට වෙනකරගන මාළු පාන් හැඩයට සාදාගන්න.

04. ඒක විනාඩි 15 පිපෙන්න තියන්න භාජනයකට තෙල් ටික එකතු කරගන ඒකට ඉඟුරු, සුදුළුණු, බොම්බයි ලූණු, කරපිංචා, අමු මිරිස්, කහ කුඩු, තම්බාගත් මාළු, තම්බාගත් අල, ලුණු , ගම්මිරිස්,තුනපහ, කෑලි මිරිස් ටිකත් එකතු කරගන විනාඩි 3, 4 පිසගන්න.

05. කොටස් කරගත් පිටි මෝලි ඇතුළට මිශ්‍රණය පුරවා මෝලිට උඩින් බිත්තර ටිකක් ගාගන අවන් එකේ 210c යටතේ විනාඩි 20 බේක් කරගන්න

ඔයාගේ කඩවසම් පෙනුම රැකගන්නනම් ඔයාට ලේසියෙන්ම කරන්න පුළුවන් දේවල් මෙන්න…

editor

අද වෙද්දි ගොඩක් පිරිමි පාර්ශවය තමන් කඩවසම් කියලා පෙන්වන්න නොයෙක් දේවල් කරන්න උත්සාහ කරමින් ඉන්නවා. ඒ වගේම තමන්ගේ කඩවසම් බව රැකගන්නත් බොහෝ උත්සාහයන් දරනවා. ගොඩක් දෙනෙක් ඉස්සෙල්ලාම කරන්නේ ජිම් ගිහින් ඇඟ හදාගන්න බලන එක. ඒකෙන් විතරක් තමන් කඩවසම් කියලා පෙන්නවන්න පුළුවන් කියලා තමයි ගොඩක් අය හිතන්නේ. හැබැයි අපි කියන්නේ ඔයා හිතන්නේ නැති පොඩි දේකින් පවා ඔයාගේ කඩවසම් බව රැකගන්න පුළුවන් කියලායි. මේ ඒවායින් කිහිපයක්.

01. ඔයා ඔයාට හරියන සුවඳක් හොයා ගන්න

ගැස්ම අපි අපේ ලිපි තුළින් තමන්ට හරියටම ගැලපෙන perfume එකක් තෝරගන්නේ කොහොමද කියලා කියලා දීලා තියෙනවා. (http://gasma.lk/?p=43634). ඉතින් ඔයා Perfume එකක් තෝරගන්නකොට වෙළඳපොලේ තියන මොකක්හරි එකක්, ලාබෙට තියන දෙයක්, මිළදී ගන්න එක වැරදියි. ඔයාට ආවේණික සුවඳ මොකද්ද කියලා හඳුනගෙන ඔයා ඔයාගේ perfume එක තෝරගන්න එකෙන් ඔයාගේ කඩවසම් බව දිගටම රඳවා ගන්න පුළුවන්.

02. ඔයා ඔයාගේ ඇඳුම් අඳිනකොට රතු වර්ණය සහිත ඇඳුම් වැඩියෙන් තෝරගන්න

රතු පාට කියලා කියන්නේ ඔයා කොතනක හිටියත් ලේසියෙන්ම කෙනෙක්ගේ ඇස් ඔබ වෙත රඳවා ගැනීමට හැකි වර්ණයක්. එහෙමයි කියලා රතු පාටම හැමදාම හැමවෙලේම අඳින්න කියලා අපි ඔයාට කියන්නේ නෑ. හැබැයි ඔයාගේ ඇඳුම් අතරට රතු වර්ණයෙන් යුත් දෙයකුත් එක් කරගන්න පුළුවන්නම් ඔයාගේ කඩවසම් බව උලුප්පා දක්වන්න පුළුවන්. ඒ නිසා ඔයාගේ කඩවසම් බව වැඩියෙන් පෙන්වන්න රතු පාටෙහි බලය යොදාගන්න කියලාත් අපි ඔබට ආරාධනා කරනවා.

03. කඩවසම් පෙනුමට හේතුවෙන ඔයාගේ රැවුල ගැනත් සැළකිලිමත් වෙන්න

කාන්තාවන් කොහොමත් කැමති රැවුල තියෙන පිරිමින්ට කියලා පහුගිය කාලයේම සමාජජාල මාධ්‍යයන්වලත් දැකගන්න පුළුවන් වුණා. ඒක කාන්තාවන් තුළ තියෙන සාම්ප්‍රධායික විශ්වාසයක්. තමන්ගේ කඩවසම් පෙනුම ගැන හිතනකොට රැවුල හරි විදිහට වවන එක සහ ඒක හරි විදිහට maintain කරලා තියාගන්නත් ඔයාට පුළුවන් වෙන්න ඕන. එහෙම කිසිම පිළිවෙලක් නැතුව රැවුල වැව්වොත් ඔයාට කවදාවත් ඔයා හිතන ආකර්ෂණය ලැබෙන එකක්නම් නැහැ. ඒක නිසා ඔයාගේ කඩවසම් පෙනුම වැඩි කරගන්න ඔයා හිතනවානම් මේ දේ ගැනත් ඔයා සැලකිලිමත් වෙන්න.

04. ඔයා ඔයාට හරියට ගැළපෙන පාවහන් තෝරගන්න අමතක කරන්න එපා

සාමාන්‍යෙයන් ගොඩක් අයගේ අවධානය යොමු වන දේවල් වලින් එකක් තමයි ඔයා පළඳින පාවහන් කියලා කියන්නේ. ඔයා පළඳින පාවහන් තුළින් පුළුවන් ඔයාගේ කඩවසම් පෙනුම දෙගුණ තෙගුණ කරන්න. මේ නිසා තමයි ඔයා ඔයාගේ පාවහන් තෝරගන්න කොට ගොඩක් සැලකිලිමත් වෙන්න ඕන. හැබැයි ඉතින් ගොඩක් අය රබර් සෙරෙප්පු දෙකක් දාලා එළියට යන්නත් පුළුවන්. ඒත් ඉතින් තැනට ගැළපෙන විදියට තමන්ගේ පාවහන් ලස්සනට වගේම පිරිසිදුව පාවිච්චි කරනවානම් ඔයාගේ කඩවසම් පෙනුම රැකගන්න පුළුවන්.

05. තමන්ට ගැලපෙන පාට තෝරගන්න

ඇඳුමක් තෝරගන්නකොට ගොඩක් අය කරන වැරැද්දක් තමයි තමන්ගේ හමේ වර්ණයට ගැලපෙන ඇඳුමේ වර්ණය ගැන හරියට අඳුර ගන්නේ නැති එක. ඔයාගේ හමේ වර්ණයට ගැලපෙන්නැති වර්ණයක් ඔයා ඇන්දොත් ඔයාගේ කඩවසම් පෙනුමට හානි කරන්න පුළුවන්. ඉතින් ඒ නිසා ඇඳුම් තෝරා ගැනීමේදී ඔයාට ගැලපෙන පාට මොකද්ද කියලා හොඳින් සොයා බැලිය යුතුමයි. ඒ වගේම තමයි විලාසිතා මෝස්තර ශිල්පීන් කියන්නේ ඔයාගේ මුහුණේ සහ කොණ්ඩේ පාට මිණුම් දණ්ඩක් විදියට භාවිතා කරලා ඔයාට ගැලපෙන වර්ණ තෝරා ගන්න කියලායි. ඒ අනුව පැහැපත් සමක් සහ තද වර්ණයේ හිසකෙස් ඇති පිරිමින් සඳහා සුදු, ලා නිල්, තද කොළ වඩාත් හොඳින් ගැලපෙන අතර කළු සමක් තියෙන කොල්ලන්ට ගැලපෙන්නේ සුදු, නිල්, දම් සහ අළු වර්ණයන්ය.

පිරිමි අය තමන් ගැන නොසලකා හරින දේවල් 7ක් – 2

editor

ඉතිං අපි පළවෙනි ලිපියෙන් Men’s Grooming සම්බන්ධයෙන් ඔයා කරන වැරදි හතක් ගැන කතා කළා. ඉතිං ඒ වගේම අපි පොරොන්දු වුණා ඔයා කරන තවත් වැරදි 7ක් ගැන තොරතුරු බෙදාගන්න.

Men’s Grooming සම්බන්ධයෙන් කතාකරනකොට ඔබ නොසලකා හරින තවත් දෙයක් තමයි ඔබේ දත්. ඔබ කියාවි දිනපතා උදේ සහ රාත්‍රී දත් මැදීම අනිවාර්යෙන්ම කරන බව. මේ කියන්නේ ඒ ගැන නෙමෙයි. ඒ පමණක් කොහෙත්ම ප්‍රමාණවත් වන්නේත් නැහැ. ඔබ දහවල් කාලයේත් කෑම බීම ගන්නවා. ඒ නිසා ඔබේ දත් ගැන සැලකිලිමත් වීම දහවල් කාලයේත් කරන්න අවශ්‍ය වනවා. විශේෂයෙන් නිතර ලොකු පිරිසක් හමුවන, කතාබහ කරන කෙනෙක් නම්, ඔබ මේ ගැන සිතා බැලිය යුතුමයි. ඔබේ දත්වල කෑම කද්දී යම් යම් දේ සිරවිය හැකිකයි. එනිසා කෑම වේලක් අවසන් වූ සැනින් ඔබේ දත් යම් පමණකට පිරිසිදු කරගන්න. අඩුම වශයෙන් toothpick හෝ පාවිච්චි කරන්න පුරුදු වන්න. නමුත් තවත් අය ඉදිරියේ මේ කටයුත්ත නොකරන්නත් මතක තියා ගන්න. ඒ වගේම දත්වල මැලියම් බැඳීම සාමාන්‍ය දෙයක්. දත් අවර්ණ වීමත් සිදුවිය හැකියි. මේ දෙකටම විසඳුම් ලබා ගැනීමට අවම වශයෙන් මාස 4ක් හෝ 6ක් ගෙවෙන විට ඔබේ දන්ත වෛද්‍යවරයා හමුවන්න. ඔහු ලවා ඔබේ දත් පිරිසිදු කරවාගන්නත් අමතක කරන්න එපා.

ඊළඟට බොහෝ දෙනෙක් නොසලකා හරින දෙයක් තමයි ඔබේ මුවින් පිටවන වායුව. bad breath කියන්නේ සාමාන්‍ය දෙයක් විය හැකියි. අපි එය නඩත්තු කිරීම කළ යුතුමයි. ඔබට office යද්දී පොඩි mouth wash එකක් බෑගයේ දමාගෙන යාම ඒ තරම් අමාරු වෙන්න බැහැ. ඒ වගේම කෑම හෝ බීම භාවිතයෙන් පස්සෙ වගේම විශේෂ හමුවීමක් තියෙන වෙලාවටත් මේ mouth wash එක පාවිච්චි කරල ඔබේ මුව පිරිසිදු කරගන්න අමතක කරන්න එපා. ඔබට තවත් පහසුවිය හැකි mouth spray දැන් වෙළඳපොළෙන් මිළදී ගන්නත් පුළුවන්. ඉතාම පහසුවෙන් එවැනි ස්ප්‍රේ එකක් පාවිච්චි කරන්න පුළුවන් වගේම ඔබේ මුව නැවුම්ව තබා ගන්නත් ඔබට පුළුවන්.

ඊළඟ අතපසුවිම තමයි ඔබ ලඟින් හමන සුවඳ ගැන නොසැලකිලිමත් වීම. අපි දෛනික වැඩකටයුතු කරද්දී නිතරම නැවුම් සුවඳක් එක්ක ඉන්න අමාරුයි. ඒ වගේම නිතර දහඩිය දමන ආසියාතික රටක ජීවත් වන අපට සීත රටවල අයට තරම් පහසුවෙන් මේක නඩත්තු කරන්න බැහැ තමයි. නමුත් අපි උපරිමයෙන් නඩත්තු කළ යුතු වනවා. ඔබ දිනපතා උදේ සහ රාත්‍රී හොඳ wash එකක් ගන්න අමතක කරන්න එපා. ඒ වගේම deodrant එකක් perfume එකක් පාවිච්චි කරන්න පුරුදු වෙන්න. perfume එක නිතර ඔබේ බෑගයේ / වාහනයේ තබාගන්න පුළුවන් නම් ඒකත් වැදගත්. ඒ වගේම ඔබ අඳින ඇඳුම් පිරිසිදු කරන්නේ කොහොමද, ඒ වෙනුවෙන් පාවිච්චි කරන්න සේදුම්කාරක වර්ගය මොකක්ද, කොපමණ වෙලාවක් ඇඳුම් වියලනවාද, ඒ ඇඳුම් ගබඩා කරන්නේ කොතැනද වගේ කරුණු ගැනත් සැලකිලිමත් වන්න. ඔබ ලඟින් හමන සුවඳට මේ දේවලුත් බලපානවා.

ඔබේ පෞරුෂයට බලපාන නමුත් ඔබ වැඩි සැලකිල්ලක් නොදක්වන තවත් දෙයක් තමයි ඔබේ අතේ සහ කකුලේ නියපොතු. ඔබ නිතර සපත්තු පළඳින කෙනෙක් නම් ඔබේ කකුලේ නියපොතු පිටතට නොපෙනෙනවා විය හැකියි. නමුත් අතේ නියපොතු හැම විටම පිටතට නිරාවරණය වනවා. එනිසා ඔබ සති දෙකකට වරක් වත් මේ නියපොතු නිසි ප්‍රමාණයට කැපීම, කළ යුතුයි. ඒ වගේම නියපොතු කෙළවර පිරිසිදුදැයි දිනපතාම පරික්ෂා කරන්න. කෑම අතින් කන කෙනෙකුට නියපොතු ඇතුළත කිලිටි වීම ලෙහෙසියෙන්ම සිදුවනවා. ඊටත් අමතරව ඔබ කරන රැකියාව සහ දෛනික කටයුතු එක්කත් මේ තත්වය රඳා පවතිනවා. ඒ නිසා දිනපතා ඔබේ නියපොතු පරික්ෂා කොට පිරිසිදු කරගැනීමටත් පුංචි වෙලාවක් වෙන් කරන්න අමතක කරන්න එපා.

ඔබ බොහෝ දෙනෙක් අමතක කරන දෙයක් තමයි ඔබේ ශරීරය නිසි පරිදි නඩත්තු කිරීම. අපි මෙතැනදී කතා කරන්නේ moisture කරන එක ගැන. ඔබේ අත්වල වැලමිට, දණහිස සහ කකුල් මතුපිට නිතර වියළි ගතිය ඇතිවිය හැකියි. නමුත් මේ ගැන බොහෝ දෙනෙක් සැලකිලිමත් වන්නේ නැහැ. විශේෂයෙන් නිතර මේසයට දෑත් තබාගෙන සිටින කෙනෙකුගේ නම් වැලමිට වියලීම සහ රළු වීම සිදු වනවාමයි. ඒ නිසා මේ සඳහා සුදුසු ක්‍රීම් වර්ගයක් මේ ස්ථාන වල ආලේප කරන්න අමතක කරන්න එපා. වැලමිට දණහිස සහ දෙපතුල් මේ විදිහට ක්‍රීම් හෝ වැස්ලින් මගින් තෙතමනය පවතින පරිදි නඩත්තු කරවා ගැනීම අනිවාර්යෙන්ම කළ යුතුයි. ඔබ මේ ගැන සිතා බලා තිබුනේ නැතිනම් අදම මේ කටයුත්ත පටන් ගන්න කියලත් අපි ඔබට මතක් කරනවා.

තවත් ප්‍රධානම අතපසු කිරීමක්. බෙල්ලේ ඇති කෙස්ගස් / රෝම. ඔබ මොන තරම් පිළිවෙලට ලස්සන කොන්ද විලාසිතාව සකස් කරත් පිටුපස හැරුන විට බෙල්ලේ කෙස් ගස් වැවී තිබෙනවා නම් ඒ විලාසිතාවේ වටිනාකම ගිලිහි යනවා. ඒ නිසා කොණ්ඩය කපන්න සැලුන් එකට යනකල් බලා නොඉඳ බෙල්ලේ පිටුපස වැවෙන කෙස් රේසරයක් ආධාරයෙන් ඉවත් කිරීම ගෙදරදීම සිදුකරගන්න. නැතිනම් ඔබේ පෙනුමට ඒක හානියක් විය හැකියි. ඔබ මේ ගැන මෙතෙක් නොසලකා හැරියා නම් අදම මේ ගැන අවදානය යොමු කරන්න.

අවසන් අංකයෙන් අපි ඔබට කියන්නේ ඔබ නොසලකා හරින තවත් වැදගත් ශරීර අංගයක් ගැන. ඒ ඔබේ තොල්. ඔබ සිතන්නේ තොල් ගැන සැලකිලිමත් වන්නේ කාන්තාවන් පමණක් කියාද..? ඔබ වැරදියි. ඔබේ තොල් වියළි ගතියකින් සහ පැලුණු ස්වභාවයකින් තිබේ නම් එය ඔබේ පෙනුමට හානියක්. ඒ වගේම ඔබ smoke කරන කෙනෙක් නම් අවපහ ගැන්වී ඉදිමුණු තොල් ඔබව අවලස්සන කරනවා. ඒ නිසා තොල් වල තෙතමනය සහ පිරිපුන් බව පවත්වා ගන්න ලිප් බාම් එකක් පාවිච්චි කරන්න මතක කරන්නම එපා. ඔබේ smoking habit එක නිසා අවපහ ගැන්වී ඉදිමුණු තොල් වගේම වියළි ඉරිතැලුණු තොල් වල අවලස්සන මකාගන්නත් සුදුසු ලිප් බාම් එකක් පාවිච්චි කරන්න වගේම ඒක නිතරම ළඟ තබාගන්නත් අමතක කරන්නම එපා.

අපි ඉහතින් සඳහන් කළ “නොසලකාහැරීම්” 7ක් අතරින් ඔබ කීයක් මේ වෙනකොටත් කරනවාද කියල ඔබම සිතා බලන්න. මේ සියල්ල ඔබ අනිකාට ප්‍රියමනාප වනලෙස සහ ඔබේ පෞරුෂය කැපී පෙනෙන ලෙස සමාජගත කරද්දී ඔබට වැදගත් වන දේවල්. ඒ නිසා මෙතෙක් ඔබ මේ දේවල් ගැන නොසලකා හැරියා නම්, අදම එකින් එක පටන් ගන්න. ඔබේ වෙනස ඔබටම අත්විඳින්න හැකිවේවි.

ගුලි බොන්න දීලා, එක එක ශක්තීන්වලින් වේදනාවන් නිට්ටාවට සුව කරන්න බෑ – වෛද්‍ය නාමල් සේනසිංහ…

editor

අපි සාමාන්‍ය සමාජයේ ජීවත්වෙනකොට බොහෝවිට සුලබව අහන්න දකින ලැබෙන දෙයක් තමයි කොන්දේ කැක්කුම, ආතරයිටීස් කියන දේවල්. ඉතින් මේ විවිධ ශාරීරික වේදනාවන් සුවකර ගැනීම සඳහා බොහෝ අය වෛද්‍ය විද්‍යාවට අදාළ නොමැති දේවල් කිරීමට පවා පෙළෙඹෙනවා. ඔබ දන්නවාද මේවන විට වේදනාවන් සුව කර ගැනීම සඳහා ශාරීරික වේදනා කළමනාකාර මධ්‍යස්ථානයක් තිබෙන බව. මේ ඒ පිළිබඳව අදහස් දක්වන විශේෂඥ වෛද්‍ය නාමල් සේනසිංහ මහතා

හැමදාම එකම සුප් එක බීලා boring වුණ ඔයාට රසම රස බීට්රූට් සුප් එකක්..

editor

අවශ්‍ය ද්‍රව්‍ය

බීට්රූට් 250g

තෙල් මේස හැඳි 1

බොම්බයි ලූනු 1

ස්‍ටොක් වතුර කෝප්ප 1/2

ලුණු මේස හැඳි 1

ගම්මිරිස් මේස හැඳි 1/2

පොල් කිරි කෝප්ප 1

සාදාගන්නා ආකාරය

01-මුලින්ම ඔයාට කරන්න තියෙන්නේ බීට්රූට් අලයේ කොළ ඉවත් කරගන්න එක.

02-බීට්රූට් අලය ෆොයිල් කොළයක ඔතලා සෙල්සියස් අංශක 180 ක් තුළ විනාඩි 40 සිට 60 දක්වා බේක් කරගන්න.

03-ඊට පස්සේ ඔයා බේක් කරගත්ත බීට්රූට් අලය සිසිල් වෙන්න තියලා පොත්ත ඉවත් කරලා කෑලි කපා ගන්න .

04-භාජනයකට තෙල් ටික එකතු කරගන ඒකට ග්‍රීන් කරි පේස්ට් ( Green paste curry), බොම්බයි ලූනු එකතු කර විනාඩි 2ක් , 3ක් පිසගන්න. ඒකට බේක් කරගත් බීට්රූට් සහ ස්ටොක් වතුර, ලුණු හා ගම්මිරිස් එකතු කරගන තැම්බෙන්න අරින්න.

05-ඊට පස්සේ සුප් ටික බ්ලෙන්ඩරයකට මාරු කරගන උකු පොල්කිරි කෝප්පයක් ඒකට එකතු කරගන හොඳින් බ්ලෙන්ඩර් කරගන්න.

06-අන්තිමට ඔයාට කරන්න තියෙන්නේ ඒකට දෙහි යුෂ ටිකක් එකතු කරගන ඔයා කැමති ඖෂද පෑලෑටි වල කොළ ටිකකුත් එකතු කරගන පිළිගන්වන්න.

ලිංගාශ්‍රිත රෝගවලින් පරිස්සම් වෙන හරි විදිය

editor

ලිංගාශ්‍රීත රෝගයක් ඇති පුද්ගලයකු සමග ලිංගිකව එක් වීමකින් තවත් අයෙක්ට එය සම්ප්‍රේෂණය වීමේ හැකියාව තිබෙනවා.

විශ්වාසවන්ත සහකරුවෙක්, සහකාරියක් සමග පමණක් ලිංගිකව එක් වීම හා කොන්ඩම් පැළඳීම මගින් ද ලිංගිකව බෝ වන රෝග පැතිරීම වළක්වා ගන්න හැකියාව තිබෙනවා.

ඒ වගේම ලිංගිකව බෝවන රෝග වලක්වාගන්න එන්නතක්ද හඳුන්වා දී තිබෙනවා. ඒ සම්බන්ධයෙන් මෙවර Sex Ed තුළින් විස්තර ගෙන එනවා. මේ, ලිංගාශ්‍රිත රෝග සම්බන්ධ විශේෂඥ වෛද්‍ය ප්‍රගීත් ප්‍රේමදාස මහතා.

රූපය ගැන හිතන පිරිමි ඔබ, මේ mistakes කරන්න එපා… – 01

editor

Men’s Grooming කියන්නේ ලෝකයේ ජනප්‍රිය විෂයක් බව ඔබ මේ වෙනකොටත් දන්නවා ඇති. ඉස්සර නම් විලාසිතා, රූපලාවන්‍ය වගේ විෂයන් ගැන වැඩිපුරම උනන්දු වුනේ කාන්තාවන් / තරුණියන් කියල මතයක් තිබුනා තමයි. ඒක මේ වෙනකොට බොරුවක් බව දකින්න ලැබෙන්නේ තමන් අඳින ඇඳුම, තමන්ගේ පෙනුම ගැන තරුණියන් වගේම තරුණයිනුත් විශේෂ සැලකිල්ලක් දක්වන්න පුරුදු වෙලා ඉන්න බව දකින්න තියෙන නිසයි. gasma.lk කියවන තරුණ ඔබ වෙනුවන් මේ තරුණයින්ගේ lifestyle සහ grooming ගැන තොරතුරු බෙදාගන්න අපි තීරණය කළෙත් ඒ නිසාමයි.

හුඟක් වෙලාවට තරුණයින් තමන් අඳින ඇඳුම ගැන, තමන්ගේ කොණ්ඩය ගැන, රැවුල ගැන සැළකිලිමත් වනවා දකින්න තිබෙනවා තමයි. නමුත් මේ Men’s grooming කියන විෂය ගැන නිවැරදි අවබෝධයක් තිබෙනවා කියල හිතන්න අමාරුයි. ඒ නිසාම බොහොමයක් තරුණයන් තමන්ගේ පෙනුම පවත්වාගෙන යාමේදී අතපසු කරන දේවල් ටිකක් ගැන ඔබව දැනුවත් කරන්න අපි කල්පනා කළා. ඒ යටතේ අපි ඔබට කියන්න යන්නේ, ඔබේ පෙනුම ගැන සැළකිලිමත් වන ඔබ සාමාන්‍යෙන් කරන mistakes දාහතරක් ගැන විස්තරයි. ඒ අනුව අපි මේ ලිපියෙන් එයින් 7ක් ගැන විස්තර කෙරෙන අතර මේ සම්බන්ධ දෙවන ලිපියෙන් අනෙක් කරුණු 07 ගැන විස්තර කිරීමට අපි බලාපොරොත්තු වනවා. ඉතින් බලන්න මේවායින් කීයක් ඔබත් අතපසු කරනවාද කියලා.

පළවැනි කාරණය විදිහට අපි ඔබේ අවදානය යොමුකරන්නේ අපිළිවෙලට සහ අශෝබන ලෙස වැවෙන රෝම ගැන. සාමාන්‍යෙන් පිරිමි අයගේ සිරුරේ වැඩිපුර ඝනව රෝම වැවෙනවා. ඝනව වැවෙන රෝම කියන්නේ එක්තරා විදිහක පෞරුෂ ලක්ෂණයක් කියල මතයකුත් පිරිමින් තුළ තිබෙනවා. නමුත් අපි මෙතැනදී මතුකරන කාරණය වෙනස්. ඔබ කරන අතපසුකිරීමක් විදිහට අපි මෙතැනදී සඳහන් කරන්නේ මේ ඝනව සහ අපිළිවෙලට වැවුණු රෝම එලෙසින්ම පවත්වා ගැනීම. ඒක නොකළ යුත්තක්. විශේෂයෙන් මේ Body hair ගැන කතා කරද්දී ඔබේ පිට ප්‍රදේශයේ වැවෙන රෝම ඉවත් කිරීම කළ යුතුයි කියලයි Men’s grooming විශේෂඥයින් කියන්නේ. ඒ වගේම ශරීරයේ අනික් අපිළිවෙල සහ ඝන රෝම පිළිවෙලට කොට කරගෙන (trim) නඩත්තු කරන්නත් ඔවුන් උපදෙස් ලබාදෙනවා.

ඊළඟට ඔබේ ඇහිබැම ගැන නොසැලකිලිමත් වීමත් බොහෝ පිරිමින් කරන වරදක් ලෙස සඳහන් වනවා. වරදවා වටහාගන්න එපා. මේ කියන්නේ කාන්තාවන් වගේම ඇහිබැම සිහින් සහ කවාකාරව සකස් කිරීම ගැන නෙමෙයි. නමුත් ඔබ දැක ඇති සමහර අයගේ ඇහිබැම වල රෝම ඉතා දිගුව සහ කෙළවර නැමුණු ස්වභාවයෙන් පිහිටනවා. ඒ වගේම සමහරුන්ගේ ඇහි බැම එකිනෙකට යාවෙලා ඝනව පිහිටා තිබෙනවා. මෙන්න මේ අපිළිවෙල ඇහිබැම නිසි පරිදි සකස් කරගැනීම ගැනයි මේ කියවෙන්නේ. විශේෂයෙන් ඔබේ ඇස් සහ ඇහිබැම මගින් ඔබේ මුහුණට විශේෂ පෙනුමක් ලබාදෙනවා. ඒ නිසා ඔබේ මුහුණේ වඩා හොඳ ප්‍රියමනාප පෙනුමක් ලබාගැනීමට ඇහිබැම වල අක්‍රමිකතා තියෙනවා නම් ඒවා සකස් කරගන්න කියන දේත් මතක් කළ යුතුමයි.

ඊළඟට අපි ඔබට මතක් කරන්නේ ඔබ කරන තවත් බරපතළ අතපසු කිරීමක්. ඒ ඔබේ මුහුණේ සම. කෙනෙකුට හිතෙන්න පුළුවන් සමට ප්‍රතිකාර හෝ සත්කාර කිරීම කාන්තාවන්ට අදාළ දෙයක් කියල. නමුත් ඒ මතය සම්පූර්ණයෙන්ම වැරදියි. ඔබේ මුහුණ කියන්නේ ඔබව දකින ඕනෑම කෙනෙක් මුලින්ම දකින ශරීර කොටස. ඒ නිසා ඔබේ මුහුණ නිසි නඩත්තුවක් සහිතව පිළිවෙලට තිබිය යුතුමයි. ඔබේ මුහුණ නිතර පිරිසිදු කිරීම, දෛනිකව momisturizer කිරීම වගේ දේවල් නොසලකා හරිම වරදක්. ඔබේ සම වියළි නම් අවශ්‍ය සත්කාරක ක්‍රීම් වර්ගයක් භාවිතා කිරීම, සම ඇදී රැලි ගැසී ඇත්නම් ඒ සඳහා යමක් සිදුකිරීම කරන්නම ඕනේ දෙයක්. මුහුණේ සමට සත්කාර කරන්නේ කොහොමද කියන කාරණය ගැන අපි වෙනම ලිපියකින් ඔබව දැනුවත් කරන්න බලාපොරොත්තු වනවා. නමුත් ඔබේ මුහුණේ සම සෝදා පිරිසිදු කොට තෙල් සහ දැඩි වියළි තත්වය පාලනය කිරීමත්, කුරුලෑ වැඩිපුර තිබේ නම් ඒවා පාලනය කිරීමත් කළ යුතුමයි. ඒ වගේම ආසියාතික රටක දැඩි අවුවට නිතර නිරාවරණය වනවා නම්, සුදුසු sun cream එකක් පාවිච්චි කිරීමටත් අමතක කරන්න එපා.

ඊළඟට ඔබ කරන තවත් වරදක් විදිහට හඳුන්වන්න පුළුවන් වැඩිපුර සහ අපිළිවෙලට වැවුනු කොණ්ඩය පවත්වාගෙන යාම. මේ කියන්නේ දිග කොණ්ඩයක් තිබීම ගැලපෙන්නේ නැහැ කියන අදහසක් නොවෙයි. ඔබ ඔබේ කොණ්ඩයට කැමති විලාසිතාවක් භාවිතා කරාට වරදක් නැහැ. නමුත් ඒ ඕනෑම එකක් නිසි පරිදි නඩත්තු කළ යුතුයි. අපි ඔබෙන් ඇහුවොත් ඔබ Salon එකට යන්නේ කොපමණ කාලයකට වරක්ද කියා..? ඔබ හරි විදිහට ඔබේ කොණ්ඩය නඩත්තු කරනවා නම් සති තුනකට වරක් වත් සැලුන් එකට ගිහින් ඒ අදාළ විලාසිතාව ක්‍රමවත්ව සකස් කරගන්න අවශ්‍ය වනවා. එහෙම නොවුනොත් ඔබේ කැමතිම විලාසිතාව වෙනුවට අපිළිවෙල විසුළුසහගත පෙනුමක් ලැබෙන්න පුළුවන්. ඒ නිසා මගහරින්නේ නැතුව මේ කාරණය ගැනත් සැළකිලිමත් වන්න කියල අපි ඔබට මතක් කරනවා.

ඔබ නොසලකා හරින තවත් දෙයක් තමයි ඔබේ කණේ සහ නාසය ඇතුළත වැවෙන රෝම. කණේ ඇතුල් පැත්තේ වගේම පිටතත් රෝම වැවීම සාමාන්‍යෙන් සිදුවන දෙයක්. නමුත් මේවා නිසි පරිදි නඩත්තු නොකිරීමෙන් ඔබේ මුහුණට එකතු වෙන්නේ යල්පිනූ පෙනුමක්. අපිලිවෙලක්. විශේෂයෙන්ම ඔබ උඩු රැවුල වවා තිබුණත්, නැතත්, නාසය ඇතුලින් පිටතට එන රෝම පෙනෙන්න තිබුනොත් එක ඔබේ පෙනුමට වගේම පෞරුෂයටත් හොඳ නැහැ. මේ රෝම කපා දැමීම (trim) කිරීම අත්‍යවශ්‍යයි. මේ වෙනුවෙන් සකස් කළ උපකරණ (trimmer) වෙළඳපොලේ ඕනෑතරම් තියෙනවා වගේම ලොකු මිළක් ගෙවන්න අවශ්‍යත් නැහැ. ඒ නිසා මේ කාරණය ගැනත් සැළකිලිමත් වන්න කියල අපි ඔබට මතක් කරනවා.

ඊළඟ වරද ඔබ කරන්නේ ඔබේ රැවුලත් සමගිනුයි. ඔබ රැවුල වවන කෙනෙක් නම්, ඒ රැවුල නිසි පරිදි නඩත්තු නොකිරීම තමයි මෙතැනදී අපි ඔබේ අවදානය යොමු කරවන්න උත්සාහ කරන්නේ. රැවුල වවනවා නම්, ඒ රැවුලේ lines හරියට shape කරලා පවත්වා ගන්න අත්‍යවශ්‍යයි. ඒ වගේම ඔබට අවශ්‍ය ප්‍රමාණයට වවුනට පස්සේ ඊට වඩා වැවෙන අක්‍රමවත් දිග රැවුල trim කරමින් නඩත්තු කිරීම අත්‍යවශ්‍යයි. ඔබ පාවිච්චි කරන රැවුල් විලාසිතාව කුමක් වුවත් ඒ විලාසිතාව පැහැදිළිව පෙනෙන පරිදි හොඳින් නඩත්තු කරගන්න. අනවශ්‍ය facial hair ඉවත් කරන්න. රැවුලේ lines නිවැරදිව maintain කරන්න. ඒ වගේම උඩු රැවුල වවන කෙනෙක් නම් ඒ රැවුලේ රෝම උඩුතොල පසුකරගෙන ඔබේ මුව ඇතුළටත් යන විදිහට නම් පවත්වාගන්න එපා කියලයි අපි උපදෙස් දෙන්නෙ. ඒ පෙනුම ඔබේ රැවුලේ ආකර්ෂණයට වඩා ඔබේ නොසැලකිලිමත් සහ අපිරිසිදු ගැන සාක්ෂියක් විය හැකියි. ඒ නිසා ඔබේ අපිළිවෙල සහ අනවබෝධය මුහුණෙන් නොපෙන්වා ඉන්න උත්සහ කරන්න. එහෙම පෙන්න පටන් ගත්තොත් හානිය වන්නේ ඔබේ පෞරුෂයට බව මතක තියාගන්න.

ඊළඟ කාරණය ඔබේ හිසකෙස්. අපි මුලින් කිවුවා වගේම නිසි පරිදි නඩත්තු කරන ලද කොණ්ඩයක වුනත් මේ අඩුපාඩුව තියෙන්න පුළුවන්. අපිරිසිදු හිසකෙස්. ඔබ ඔබේ හිසට විවිධ oil වර්ග, hair cream, hair spray, hair mose, හෝ ජෙල් වර්ග භාවිතා කරනවා විය හැකියි. මේ සියල්ල නිසා හිසකෙස් විලාසිතාව නඩත්තු කරගන්න පුළුවන් වුනත් නිසි ලෙස පිරිසිදු නොකළොත් පෙනුම කුමක් විය හැකිද.? සිතා බලන්න. තෙල් සහිත, ඇලෙන, ඒ වගේම ඉස්හොරි සහිත හිසකෙස් ඔබට ඉතිරි වේවි. ඒ නිසා ඔබ කළ යුත්තේ කවර ආලේපන පාවිච්චි කරා වුනත්, නිසි පරිදි හිසකෙස් සෝදා පිරිසිදු කිරීම. ඒක දිනපතා කළ හැකිනම් වඩාත් හොඳයි වගේම උණුසුම් වතුරින් සෝදා හැරිය හැකි නම් වඩාත්ම හොඳයි. ඒ නිසා හිසකෙස් වල පිරිසිදුකම ගැන නිතර අවදානයෙන් පසුවන්න කියලත් අපි ඔබට මතක් කරනවා.

අපි ඉහතින් සඳහන් කළ “නොසලකාහැරීම්” 7 අතරින් ඔබ කීයක් මේ වෙනකොටත් කරනවාද කියල ඔබම සිතා බලන්න. මේ සියල්ල ඔබ අනිකාට ප්‍රියමනාප වනලෙස සහ ඔබේ පෞරුෂය කැපී පෙනෙන ලෙස සමාජගත කරද්දී ඔබට වැදගත් වන දේවල්. ඒ නිසා මෙතෙක් ඔබ මේ දේවල් ගැන නොසලකා හැරියා නම්, අදම එකින් එක පටන් ගන්න. ඔබේ වෙනස ඔබටම අත්විඳින්න හැකිවේවි. ඒ වගේම අපි තවත් ඔබ මේ වගේම කරන වැරදි කීපයක් ගැන ඊළඟ ලිපියෙන් දැනුවත් කරන්නම්.

-එන්. වෙහෙරදූව-

කොරල්පර රැකගන්න CTB බස් මුහුදට..

editor

කොරල්පර කියන්නේ 25% සමුද්‍රජීවීන්ට නිවහනක් වන අතර සාගර වාසස්ථාන ආරක්ෂා කරන පවුරක්. බහුතරයක් මිනිසුන්ගේ විවිධ ක්‍රියාකරකම් නිසා විනාශවන ස්වාභාවික කොරල්පර ආරක්ෂාකර ගැනීම බොහෝ ජාතීන් මුහුණ දෙන අභියෝගයක්. නමුත් ශ්‍රී ලංකාවේ වෙරළබඩ කොරල් පරිසරයට මෙම අභියෝගයට මුහුණ දෙන්න සිදුවෙලා නැහැ. එහි විශාල වශයෙන් මත්ස්‍ය හා කොරල් විශේෂ වාසය කරන අතර ධීවර හා කොරල්පර සංරක්ෂණය, ජාතික ආර්ථිකයේ මිල කළ නොහැකි අංගයක් මෙන්ම සමෘද්ධිමත් පරිසර පද්ධතියක් වෙනවා. ඒ වගේම ස්වාභාවික සම්පත් සංරක්ෂණය හා කළමනාකරණය කිරීම දැන් ලොව පුරා ජාතික ප්‍රමුඛතා පරමාර්ථයක් බවට පත්ව තිබෙනවා.

ගැඹුරු මුහුදට ලෝහ ගිල්වීම නරක දෙයක් කියලා පෙනුනට ගැඹුරු මුහුදේ මත්ස්‍ය සංවර්ධන ව්‍යාපෘතිය විසින් දිරාපත් වන ලෝහ සාගර ජීවීන්ගේ යහපත සඳහා යොදා ගන්නේ කෙසේද යන්න පිළිබඳව පෙන්වා දී තිබෙනවා. ශ්‍රී ලංකා ප්‍රවාහන මණ්ඩලයේ පරණ බස් රථ භාවිතා කරමින් ත්‍රිකුණාමල මුහුදේ කුඩා මාළු හා කොරල් වාසස්ථාන පිහිටුවීම මගින් කොරල් පර 7 ක් නිර්මාණය කර තිබෙනවා. ශ්‍රී ලංකා ඩිපෝවල දිරාපත් වෙමින් පවතින බස්රථ සාගරයේ ගිල්ලවීම මගින් වර්තමාන ධීවර යටිතල පහසුකම් ඉහළ නැංවීමට ඔවුන් අපේක්ෂා කරනවා. ලංකා ධීවර වරාය සංස්ථාව (CFHC) විසින් මෙම innovative and ambitious ව්‍යාපෘතිය අධීක්ෂණය කෙරෙනවා.

ධීවර හා ජලජ සම්පත් අධ්‍යක්ෂ ජනරාල් සුසන්ත කහවත්ත මහතා ප්‍රකාශ කළේ නව අමාත්‍යාංශවල මග පෙන්වීම සඳහා නිකුත් කරන ලද ගැසට් පත්‍රය යටතේ මෙම ව්‍යාපෘතිය ආරම්භ කළ බවයි. වෙරළබඩ ප්‍රදේශවල මත්ස්‍ය වාසස්ථාන බෝ කිරීම ප්‍රවර්ධනය කිරීම සඳහා බලධාරීන් විසින් නව හා විද්‍යාත්මක ක්‍රමවේදයන් ක්‍රියාත්මක කිරීම අවශ්‍ය වෙනවා. කෘතිම ගල්පරවල වාසි සහ අවාසි මැන බැලීමේදී විශේෂඥයන් විසින් පෙන්වා දී තිබෙන්නේ පරණ බස්, ස්වාභාවික කොරල්පර සඳහා ආදේශකයක් විය නොහැකි බවයි.

විඛාදනය ඇතුළු පාරිසරික කරුණු පිළිබඳව අඛණ්ඩව තක්සේරු කරමින් ව්‍යාපෘතියේ සාර්ථකත්වය පිළිබඳ අවම වශයෙන් අවුරුදු 2 ක පසු විපරමක් ඔවුන් යෝජනා කර තිබෙනවා. මිනිසා විසින් ගල්පර නිර්මාණය කිරීම සමුද්‍ර ජීවීන් ආරක්ෂා කිරීම වගේම මෙමගින් සංචාරක ආකර්ෂණය ද ප්‍රවර්ධනය කරන්න හැකියාව තිබෙනවා. කොහොම වුණත් පොහොසත් ජෛව විවිධත්වයක් ඇති ජාතියක් වශයෙන්, සොබාදහමේ සම්පත් සංරක්ෂණය කිරීම මගින් අපි දියුණුවට පත්වනු ඇතැයි අපේක්ෂා කෙරෙනවා.

රේසරෙන් shave කලාම ඔයාටත් ආසාදන ඇතිවෙනවාද? නොවරදින ස්වාභාවික පිළියම් 10ක් මෙන්න…

editor

සාමාන්‍යයෙන් , කාන්තාවන්ගෙන් 58% ක් අනවශ්‍ය රෝම ඉවත් කිරීමේ ක්‍රමයක් ලෙස රේසරය යොදාගන රෝම ඉවත්කිරීමට පෙළඹෙනවා. ඒ් වගේම පිරිමි පාර්ශවය කොහොමත් තමන්ගේ රුවුල බෑම සදහා රේසරය භාවිතා කරනවා . මෙයින් අදහස් වන්නේ මිලියන ගණනක ජනතාව දිනපතා අනවශ්‍ය රෝම ඉවත් කිරීම හා රැවුල බෑම සදහා රේසරය භාවිතා කිරීම හේතුවෙන් සමේ ආසාදනයන්ට ලක්වෙන බවයි. ඉතිං ගැස්ම හිතුවා රේසරය භාවිතා කිරීම නිසා ඇතිවෙන ආසාදනයන්ට හා කැලැල් වලට නිවසේදීම කරගන්න පුළුවන් පිළියම් ගැන ඔබව දැනුවත් කරන්න.

01- Cornstarch හෝ baby powder

Baby powder ඇතුළු සමහර රූපලාවණ්‍ය නිෂ්පාදන සඳහා පිරිසිදු බඩ ඉරිඟු පිටි භාවිතා කරන බව ඔබ දන්නවාද? රේසර් කිරීම නිසා ඇතිවන ආසාදනයනට සහ සමේ කැක්කුමට ප්‍රතිකාර කිරීමට Baby powder සහ Cornstarch හොඳ ආදේශකයක් ලෙස විශ්වාස කෙරෙනවා .Cornstarch ආලේප කිරීමෙන් සමේ ඇතිවන කැසීම්, ආසාදන සඳහා ක්ෂණික සහනයක් ලබාගන්න හැකියාව තිබෙනවා. සෑම නිවසකම වගේ Baby powder තිබෙනවා . ඔබට එය Shave කිරීමෙන් පසු ඇතිවෙන ආසාදනයන් වලක්වාගන්න භාවිතා කරන්න පුළුවන්. Baby powder නැත්නම් බඩ ඉරිඟු පිටි ස්වල්පයක් වතුර සමග මිශ්‍ර කර පාප්පයක් සාදා ආසාදනයටපත් ප්‍රදේශවල ආලේප කරන්න. විනාඩි 10 ක් තබා වතුරෙන් සෝදන්න. ඔබ මෙම ක්‍රමය අත්හදා බැලීමට තීරණය කරනවානම් ඔබේ සමේ වෙනත් ආසාදන නොමැති බවට වග බලා ගන්න.

02- මී පැණි

ශතවර්ෂ ගණනාවක් තිස්සේ මී පැණි, තුවාල හා සමේ ආබාධ සුව කිරීම සඳහා බහුලව භාවිතා කරපු බෙහෙතක්. එහි විද්‍යාත්මකව පිළිගත් anti-inflammatory සහ anti-microbial ආචරණය මඟින් ආසාදනයටපත් ප්‍රදේශය මත ආලේප කළවිට ඉක්මන් සුවවීමක් බලාපොරොත්තු වෙන්න හැකියාව තිබෙනවා. Shave කිරීමෙන් පසු ඇතිවෙන ආසාදනයන් වලක්වාගන්න අදාළ ස්ථානයේ මී පැණි ආලේප කර විනාඩි 10-15 අතර කාලයක් තබන්න. ඉන්පසු ඒම ස්ථානය උණුසුම් ජලය මගින් සෝදා හරින්න.

03- ඔලිව් ඔයිල් , විටමින් ඊ, ටී ට්‍රී ඔයිල්

ස්වාභාවික essential oils ඒවායේ සිනිඳු හා anti-inflammatory ගුණාංග සඳහා තමයි ගොඩක් ප්‍රසිද්ධ. ඉතින්, ස්වභාවිකම සමේ ඇතිවන ආසාදන සුවකරගන්න ඔලිව් තෙල් විශිෂ්ට පිළියමක් ලෙස හඳුන්වන්න පුළුවන්. Tea tree oil ඔබේ සමේ ඇතිවන ආසාදන වලට ප්‍රතිබැක්ටීරීය ප්‍රතිකාරයක් සිදුකරනවා. විටමින් ඊ තෙල් එහි ප්‍රතිඔක්සිකාරක ගුණ සඳහා ප්‍රසිද්ධ වන අතර එමඟින් විවිධ වර්ගයේ සමේ ගැටළු සඳහා ගුණාත්මක ප්‍රතිකාරයක් වෙනවා. ඉහතින් සදහන් කළ ඔබ කැමති තෙල් වර්ගයක් තෝරාගෙන cotton pad එකක් භාවිතයෙන් දිනකට දෙවරක් රේසර් කිරීම නිසා ආසාදනය වූ ස්ථානවල ආලේප කරන්න . ස්වාභාවික ශාක තෙල් (නිදසුනක් ලෙස ඔලිව් තෙල්) ආසාදනය වූ ස්ථානමත කෙලින්ම භාවිතා කළ හැකි බව මතකතබා ගන්න. නමුත් essential oil (ලැවෙන්ඩර් තෙල්, Tea tree oil) ජලය සමඟ මිශ්‍රකළ යුතු අතර essential oil බින්දු 4-5 වතුර තේ හැඳි 2 තේ දෙකක අනුපාතයට මිශ්‍රකර ආලේප කරන්න.

04- අයිස් යෙදුම

සම ආසාදනය වීමේ ගැටලුව විසඳීම සඳහා අයිස් යෙදුම කියන්නේ ගොඩක් ළුලදායී ක්‍රමයක් කිව්වොත් නිවැරදී. University of Rochester විසින් කරනලද අධ්‍යයනයකින් හෙළි වී තිබෙන්නේ අයිස් යෙදුම මගින් සමේ උෂ්ණත්වය අඩු කරන අතර ස්නායු ක්‍රියාකාරිත්වය ද අඩු කරන බවයි. එමගින් සමේ ඇතිවෙන රතු පැල්ලම් සහ කැසීම් වලින් ක්ෂණික සහනයක් ලබා ගැනීම සඳහා ඔබට අයිස් යෙදුම භාවිතා කරන්න හැකියාව තිබෙනවා. ඔබ අයිස් යෙදුම භාවිතා කරන්න හිතනවානම් කරන්න තියෙන්නේ මෙච්චරයි. අයිස් කැට කිහිපයක් රෙදි කෑල්ලකින් හෝ ප්ලාස්ටික් බෑග් එකකට දමා විනාඩි කිහිපයක් ආසාදනයට පත් ප්‍රදේශයේ තබන්න .

05- වැස්ලින්

ඔබ ශරීරයේ කුමන ප්‍රදේශයක වුණත් Shave කිරීමෙන් පසු සම වියළිම හා සමේ කැසීම් ඇතිකරනවා . ඔබ ගොඩක් වෙලාවට රේසරයක් භාවිතකරනවානම් Shave කරපු ගමන් සමේ ස්වාභාවික තෙතමනය සමතුලිත කරන්න උත්සහ කළයුතුයි. මේ සදහා පසුම ක්‍රමය වෙන්නේ පෙට්‍රෝලියම් ජෙල් වැනි මොයිස්චරයිසර් එකක් සමේ ආලේප කිරීමයි. ඔබේ සමේ Shave කිරීමෙන් පසු ඇතිවුණ ආසානයන් වලක්වා ගන්න එම ස්ථානවල වැස්ලින් ආලේප කර අවම වශයෙන් විනාඩි 10-15 අතර කාලයක් තබන්න. ඉන්පසුව තෙත් තුවායක් භාවිතයෙන් එය ඉවත් කරන්න.

06- ඇස්ප්‍රින්

වෛද්‍ය ක්ෂේත්‍රයට අමතරව, DIY භාවිතයන්ට ඇස්ප්‍රින් භාවිතා කිරීමට හැකියාව ඇති බවට සොයාගන තිබෙනවා. රැවුල බෑම නිසා ආසාදනයට පත්වූ සමට ප්‍රතිකාරයක් වශයෙන් ඇස්ප්‍රින් භාවිතාකරන්න හැකියාව තිබෙනවා. ආසාදනයට ලක් වූ ප්‍රදේශයට ඇස්පිරින් යොදන විට anti-inflammatory ලෙස ක්‍රියා කරන අතර රැවුල බෑමෙන් පසු ඇතිවෙන වේදනාකාරී තත්ත්වය සහ ආසාදනයන් අවම කරයි. ඒ් සදහා පේස්ට් එක සෑදීම සඳහා ඇස්පිරින් පෙති 2-3 ක් ජලයේ දියකරන්න. ආසාදනයට පත් ප්‍රදේශයට ය ආලේපකර කර විනාඩි 10 ක් පමණ තබන්න. ඉන්පසුව උණුසුම් ජලය මගින් එය සෝදා හරින්න. ඔබට සංවේදී සමක් තිබෙනවානම් මේය භාවිතයෙන් වළකින්න.

07- Apple cider vinegar

ඇපල් සයිඩර් විනාකිරි විෂබීජ හා බැක්ටීරියා විනාශ කර දැවිල්ල අඩු කිරීමට උපකාරී වන ntimicrobial ලෙස ක්‍රියා කරනවා. එහි ආම්ලික අන්තර්ගතය නිසා ඔබේ සමේ pH අගය අඩු වන අතර එය සම වඩාත් සුමටකර හා රතු පැහැය අවම කරනවා. ආසදනයටපත් ප්‍රදේශයට ආලේප කිරීමට පෙර සමාන ප්‍රමාණයට ඇපල් සයිඩර් විනාකිරි සහ ජලය මිශ්‍රකරන්න. කපු බෝලයක් භාවිතයෙන් එය ආලේප කරන්න, මිනිත්තු කිහිපයක් වියළීමට ඉඩ දෙන්න, ඉන්පසු සෝදා හරින්න. ඇසිටික් අම්ලය ආසද්මිකතා ඇති කළ හැකි බව මතක තබා ගන්න, ඒ්නිසා ඔබේ සම අසාත්මිකතාවන්ට ගොදුරු වේ නම්, මෙය භාවිතා නොකරන්න.

08- ඕට්ස්

ඕට්ස් වල anti-inflammatory ගුණ ඇති phenolicසංයෝග වන avenanthramides බහුල තිබෙනවා. අධ්‍යයනවලින් හෙළි වී ති‌බෙන්නේ ඕට්ස් වලට සමේ ඇතිවන ආසාදනයන් ඉක්මනින් ඉවත්කිරීමේ හැකියාව ඇති බවයි. පේස්ට් එක සාදාගැනීමට ඕට්ස් යෝගට් සමග මිශ්‍රකර ආසාදනයට පත්වුණ ප්‍රදේශවල ආලේප කරන්න. මිනිත්තු 30 ක් තබා උණුසුම් ජලය යොදා සෝදා හරින්න.

09- කෝමාරිකා

විවිධ වර්ගයේ සමේ රෝග සුව කිරීම සඳහා වඩාත් ජනප්‍රිය සහ විශ්වාසදායක ඒ් වගේම නිවසේදීම යොදාගන්න පුළුවන් ප්‍රතිකාරයක් ලෙස කොමාරිකා හඳුන්වන් පුළුවන් .ආසාදනයට හා හානියට පත් සමට සහනයක් ලබා දෙන විශිෂ්ට මොයිස්චරයිසර් සහ බැක්ටීරියා නාශක කාරකයක් වශයෙන් කෝමාරිකා ක්‍රියාකරනවා. කොමාරිකා ජෙල් එක අරගෙන සමේ ආසාදනය වුණ ස්ථානවල ආලේප කර වේලෙන්න හැර උණුසුම් ජලයෙන් සෝදා හරින්න.

10-පිපිඤ්ඤා

විටමින් සහ ඛනිජ වලින් පිරී තිබීම හැරුණු විට පිපිඤ්ඤා වල සම්පූර්ණයෙන්ම පාහේ ජලය අඩංගුවන අතර එමඟින් හානියට පත් හා ආසාදනයට පත් සම සඳහා හොඳම ස්වාභාවික මොයිස්චරයිසර් වලින් එකක් ලෙස ක්‍රියාකරනවා. ආසාදනයට ලක් වූ ප්‍රදේශයට පිපිඤ්ඤා භාවිතා කරනවානම් එහි ඇති anti-inflammatory ගුණය නිසා ඉක්මන් සුව වීමක් බලාපොරොත්තුවෙන් හැකියාව තිබෙන බව අධ්‍යයනවලින් සොයාගන තිබෙනවා. නැවුම්ව පෙති කපන ලද පිපිඤ්ඤා සමේ ආලේප කර විනාඩි 15 ක් පමණ තබන්න. කැසීම් හෝ දැවිල්ල ඇති ස්ථානවලට ඉක්මන් සහනයක් අවශ්‍යනම් ශීතකරණයේ තැබූ පිපිඤ්ඤා භාවිතා කරන්න.

ශ්‍රී ලංකාව තුළ බලපෑමක් ඇති කළ කැරලිකාර සංගීතය මුසු ගීත…

editor

මා ප්‍රේමය කුමක් ද කියා දැන ගත්තේ සංගීතයෙන්. හුඟක් දෙනෙක් මගේ ජීවිතයට ආව ගියා . ඒත් සංගීතය මගේ ජීවිතේ හැමදාම රැඳිලා තිබුණා.ඒ වගේම සංගීතය එක්ක මගේ තියෙන බැඳීම ගොඩක් සමීපයි. සංගීතය කියන්නේ ප්‍රබල මාධ්‍යයක් .කෙනෙක් තමන් ජීවත්වන සුවපහසු කලාපයේ ඉඳන් තමන් නොසිතපු යථාර්ථ හා සිතුවිලි සිතීමට පෙලඹවීමේ බලවත් මාධ්‍යයක් ලෙස තමයි මම සංගීතය දකින්නේ .

ලංකාවේ අපිට නම් කැරලිකාර සංගීතය ගැන හොඳ ඉතිහාසයක් තියෙනවා.යටත් විජිත කාලේ ලංකාවේ හිටපු කෆීර් වහලුන් එයාලට හිරිහැර කරන අයට විරුද්ධව කතා කරන්න “බයිලා” යොදාගෙන තියෙනවා.60 වෙනි දශකයේ cancer සංගීත කණ්ඩායම rock and roll music හඳුන්වා දුන්නා මේ වගේ අවස්ථාවලට මුහුණ දෙන්න .80 වෙනි දශකයේ ශ්‍රී ලංකාවේ තිබුණු දේශපාලන අස්ථාවරත්වය හා සිවිල් යුද්ධ නිසා සිංහල සම්භාව්‍ය ගීතත් දේශපාලනික මුහුණුවරක් ගත්තා .

Rebel music හෙවත් කැරලිකාර සංගීතය මෑත දශක ගානක් තුළ වර්ධනය වුණත් ,කාලයක් එක්කම එක එක අරමුණු නිසා එය විවිධ පැතිවලට විසිරුණා.
අපේ ජාතියේ “කැරලිකාර සංගීත” මුහුණුවරක් ගත් ගීත 5ක් ගැනයි අපි අද කතා කරන්නේ.

ලංකාවේ

අපේ ලංකාවට නම් “බයිලා” කිව්වොත් ලෝකෙ කොහේ කොනක ඉන්න ලාංකිකයෙක් වුණත් “ජිප්සීස්” කියන නම නම් හොඳට පුරුදුයි .අද වෙද්දි Gypsies ලගේ ගීත ” Happy Music” ලෙස හඳුන්වලා දුන්නොත් ,බයිලා ගීතයකම දේශපාලනික කොනක් තිබුනා.මේ සංගීත කාණ්ඩායමේ පෙරමුණ කරු විදියට සුනිල් පෙරේරා හැම ප්‍රසංග වේදිකාවකදී ම කියන්නේ.” කියන දේ අපි කෙලින්ම කියනවා” කියලයි .

ජිප්සීස් ලා ගයපු ලංකාවේ ගීතෙන් ඒක හොඳට පේනවා .සුනිල් පෙරේරා හීනයක් දකිනවා .එයා ගුරුවරයෙක් විදියට දරුවන්ට උගන්වනවා .ඔහු ළමයින්ගෙන් මෙහෙම ප්‍රශ්න අහනවා .
රැකියා ප්‍රශ්නෙට විසදුම් සොයා ගත්තේ මොන රටේද?,
ඇමතිලා පයින් යන්නේ මොන රටේ ද ?,
කහ ඉර මැද්දෙ මිනිසුන් මැරිලා වැටුනේ මොන රටේ ද? කැම්පස් වල තරුණ කොල්ලෝ මරාගත්තේ මොන රටේ ද? වගේ කාලීන ප්‍රශ්න ගානක් අහනවා . ලාංකිකයන්ට යථාර්ථය පැහැදිලි කරන්න මේ වගේ ගීත ඔවුන් යොදා ගත්තා .
“ලංකාවේ” සින්දුව මෙතැනින් අහන්න .
https://bit.ly/3lp0oGy

Blues in Black

නැවත 2007 ට, බුද්ධි ද මෙල් හා freedom fira පාසල් යන කාලේ ,එයාලගේ හිත් පිරිලා තිබ්බේ music වලින් විතරයි .ඒ දෙන්නාට දෙන්නා මුණ ගැහුණු මුල් දවසේ ඉදන් ගොඩක් එකතු වුණා.ඒ හමුවීම wagon park සංගීත කණ්ඩායමේ ආරම්භය වුණා. එයාලා local music වලට අලුත් රසයක් එකතු කලා.එයාලගේ ගීත වල සිංහල ,ඉංග්‍රීසි භාෂා දෙකම තිබුණා.හැම ගීතයක්ම හදලා තිබුණේ තරුණයින්ට.

ඔවුන් ගායනා කරපු Blues in Black ගීතේ ,තරුණයින්ට මෙහෙම කතා කරනවා ” අපි කාලයක් බයෙන් හිටියා යුද්දේ නිසා , හැබැයි අපි තවමත් බයෙන් ඉන්නවා ඒ දුප්පත්කම නිසා”.එදා වේල කන්න ගැටගහගන්න හදන මිනිස්සු වෙනුවෙන් මේ සංගීත කණ්ඩායම කතා කරා . දුප්පත්කමින් නිදහස් වෙන්න ඔනේ කියලා පණිවිඩයක් තරුණයින්ට දුන්නා. Blues in Black ගීතේ අවසන් හරියේ තරුණයින්ගෙන් ඔවුන් අහනවා ..” ඔයාලට මතකද අපේ පොඩි කාලේ වීරයෝ? අරවින්ද ද සිල්වා, ක්ලෙරන්ස් විජේවර්ධන , H.R.ජොතිපාල වගේ අපේ ජාතියේ වෙනසක් ඇති කරපු අය ?අපේ මුල දැන ගන්නැතුව අපි කොහොමද අනාගතයක් හදන්නේ? .

Blues in Black
https://bit.ly/3d9KpsR

දෙවියන්ගේ බාරේ

wagon park නිර්මාණ වන අවුරුද්දෙම බස්නාහිරින් වෙනස්ම විදිහේ සංගීත විප්ලවයක් සිද්ධ වුනා ඒ තමයි Drill Team එක.මෙයාලා සිංහල මාධ්‍යයෙන් තමයි රැප් කරන්නේ.ප්‍ රධාන ධාරාවේ සංගීත වල රසයක් නොදැනෙන තරුණයන්ට සංගීත රටාවට හඬක් එකතු කර රසාස්වාදයක් ලබාදිම තමයි අරමුණ.

“දෙවියන්ගේ බාරේ” ගීතයෙන් සඳහන් කරන්නේ සුදු හුණු ගාලා තියෙන සමාජයක ඇතුළාන්තය ගැන. ගීතයෙන් සූදුව ගැන තමා වැඩිපුර කතා කරන්නේ.අපි දන්නවා මෑතකදී කැසිනෝ ගණනාවක්ම විවෘත වුණා.නගරාසන්න වල ඕන තරම් ඔට්ටු අල්ලන මධ්‍යස්ථාන අපි දැකලා තියෙනවා.ඒ සමාජයක ජීවත්වන තරුණයන්ගේ දුක් ස්භාවය ගැන තමා මේ ගීතයෙන් කතා කරන්නේ.මෙහි පුංචි කොටසක සුනිල් එදිරිසිංහයන් ගායනා කරපු ගීතයෙන් කොටසක් තියෙනවා. “මිනිසෙකු පිට නැගි අසරුවෙකි” සූදුව මිනිසාට කළ ඇති බලපෑම එයින් හොඳින් ඉස්මතු කර තිබෙනවා.

මෙන්න සිංදුව:https://bit.ly/3iE1yMr

Deaf Blind Dumb

Paranoid Earthling කියන්නේ උඩරටින් ආරම්භ කල ග්‍රන්ජ් සහ Rock N Roll සංගීත කණ්ඩායමක්. රටකට දියුණු වෙන්න තියෙන බාධක ගැන තමා ඔවුන් සංගීතයෙන් කතා කරන්නේ. විශේෂයෙන්ම රටේ ආර්ථිකය, දේශපාලනය සහ සමාජීය කාරණා නිසා තරුණයන්ගේ ජීවිතවලට වෙන බලපෑම සංගීතවත් කරනවා. ඔවුන්ගේ “Rock n roll is my anarchy” ගීතය ඇහුවට පස්සේ මටත් හිතුනා “ඇයි මේ හැමදෙයක්ම එකම විදිහට තියෙන්නෙ” කියලා.

තරමක් අපේ සංස්කෘතියට නොගැලපෙන මියුසික් වීඩියෝ එකක් තමයි Deaf and Dumb කියන්නේ.මේකෙන් මාධ්‍ය වාරණය ගැන තමයි කතා කරන්නේ.ඒ කියන්නේ රජය සහ විවිධ ආයතන සත්‍යය සහ ප්‍රචාරය කිරීමට අපහසු තොරතුරු ගලා ඒම පාලනය කිරිම ගැනයි. මේ ගීතයේ කොටසක “guns blow when you word-f**k the stereo, washing my brains with the speaker inside, this evolution’s going to the monkeys, army of religion shot your friendly fire…”. මෙහෙම සඳහන් කරනවා. ඒකෙන් තේරුම් කරන්නේ යම්කිසි වාතාවරණයක් සම්බන්ධව සත්‍ය සිදුවීම සඟවා අසන්නාගේ මානසිකත්වය වෙනස් කිරීම සඳහා ප්‍රචාරණය සිදු කරන විදිය ගැනයි.
මේ ගීතයෙන් “ප්‍රජාතන්ත්‍රවාදී කොඩියේ පාට වෙනස් කරන විදිය නොදකින තරම් මමත් ඔබත් අන්ධ වෙලාද?”කියලා ප්‍රශ්න කරනවා.

උඩගු ලියන් ගොතා බඳින

ශ්‍රී ලංකා සම්භාව්‍ය සංගීත ඉතිහාසයේ සංගීත රාජිනියක් නම් ඒ නන්දා මාලිනියයි. ඇමරිකානු සංගීතඥවරියක් වන නීනා සීමොන්ට තරමක් ඈ සමානයි. 80 වේ මැද භාගයේදී වගේ නන්දා මාලනිය ප්‍රසංග 1000ට වගේ සහභාගි වුණා. සරසවි හා ජනාධිපති සම්මාන රැසක් ඇයට ලබාගන්නත් වාසනාව ලැබුණා.

80දශකයෙන් පස්සේ ඇගේ ගීත දේශපාලනික හා කැරලිකාර ස්වභාවයක් ගත්තා. මේ නිසා ශ්‍රී ලංකා ගුවන් විදුලි සංස්ථාවෙන් නන්දා මාලිනියගේ “පවන” ගීත එකතුව ප්‍රචාරණය තහනම් කළා. ඇයගේ උඩඟු ලියන් ගොතාබදින ගීතයෙන් “මලක් ” කතා කරනවා ගීතවත් කරලා තියෙනවා. ගීතයෙන් කියවෙන්නේ ඒ කාලේ තිබුණු පංති භේදය ගැනයි.
ගීතයෙහි මල මෙහෙම කියනවා හිස් මිනිස්සුන්ගේ බඩ පුරවන, සතුටින් කතා කර කර ඉන්න මේසයක් උඩ සුවඳ හමන්න නෙමෙයි මම මේ දෙරණේ පිපුණේ,යුද්ධයෙන් මිය ගිය සොල්දාදුවෙක් වෙනුවෙන් විසිකරන මලක් වෙලා ඒ දූවිලි පාරේ පෙළපාලියේ යන මිනිස්සුන්ගේ පයට පෑගී මිය යන්නයි කියලා.
ඇත්තටම මේ ගීතයේ ප්‍රබල තේරුමක් තියෙනවා. මටනම් අවුරුදු ගානකින් පස්සේ මේ සිංදුව අයේ ඇහුවත් ආපහු ඇසට කඳුළුක් එනවමයි.

මෙතනින් සිංදු අහන්න:https://bit.ly/2I9vuUb

කියමනක් තියෙනවනේ උපදෙස් අඩුවෙන් සංගීතය වැඩියෙන් කියලා.මාත් ඒකට එකඟයි. ජීවත් වන ලෝකය ගැන,මගේ අනාගතය ගැන මම අරමුණු කරගත් දේවල් වලින් මං ඈත් වෙන වෙලාවල් වලට ආපහු මගේ ජීවිත මාර්ගය හොයාගන්න සංගීතය මට ගොඩක් උදව් වෙලා තියෙනවා.සංගීතය විදින්න. ඒක ඔයාලගේ ජීවිත ගමනටත් උදව්වක් වෙයි.

සමේ පැහැයට ගැළපෙන්න ඇඳුමේ පාට තෝරාගන්න දන්නවද…?

editor

ඇඳුමෙන් පැළඳුමෙන් මිනිහෙක්ව මනින්න එපා කියන කතාව සෛද්ධාන්තිකව (Theoritically) ගත්තොත් හරියටම හරි. නමුත් ප්‍රායෝගික තත්වයේදී (Practically) ඒක ඇත්තක්ද..? ඔබ ඔබෙන්ම අහල බලන්න. උත්තරය “නැහැ” කියන එක නේද..? අපි අඳින පළඳින විදිහ මත සමාජය අපිව වර්ගීකරණය කරනවා. අපි ගැන පූර්ව විනිශ්චයන්ට එනවා. ඒක නවත්වන්න අපට බැහැ. ඒක නිවැරදි නැති බව දැනගෙනම උනත් අවස්ථාවට ඔබින විදිහට, තමන්ගේ තත්වයට සහ ප්‍රමාණයට / හැඩයට ගැලපෙන විදිහට “හොඳට” අඳින්න අපි හුඟ දෙනෙක් උත්සාහ කරන්නේ අන්න ඒ නිසයි. මේක ගැන කතා කරදී ඉස්සර නම් අපි කිවුවේ විලාසිතා ගැන උනන්දු වෙන්නේ කාන්තා පාර්ශවය කියලයි. නමුත් දැන් තත්වය ඊට වඩා හුඟක් වෙනස්. ලෝකය දිනෙන් දිනම වෙනස් වෙමින් ඉදිරියට යද්දී, විලාසිතා කියන දේ ස්ත්‍රී පුරුෂ වගේ ලිංගික වෙනසක් හෝ වෙන හේතුවක් මත බලපවත්වන්නේ නැහැ කියන දේ පැහැදිළියි. ඒ නිසා තමන්ට පුළුවන් උපරිම හොඳින් පිළිවෙලට සහ ලස්සනට අඳින්න හැමෝම උත්සාහ කරනවා අපි දකිනවා.

මේ ඇඳුම් තෝරා ගද්දි ඔබ ඇත්තටම ඒ ගැන දැනුවත්ද කියන කාරණය ගැන නම් සමහර වෙලාවට ගැටළු පවතිනවා කියන දේ තමයි අපට බැලූ බැල්මටම පෙන්න තියෙන්නේ. සමහර මිළෙන් අධික වටිනා ඇඳුම් තෝරාගෙන අඳින සමහර පුද්ගලයන් ඒ ඇඳුමේ වටිනාකම නිවැරදිව පෙන විදිහට අඳින්න දන්නේ නැහැ. නැතිනම් වටිනා ඇඳුමක් මිළදී ගත්තත් ඒකෙ විලාසිතාව හෝ වර්ණය තමන්ට ගැළපෙනවාද නැද්ද කියල දන්නේ නැහැ. ඒ නිසා gasma.lk කියවන ඔබට ඔබ අඳින ඇඳුම් ගැන දැනගත යුතුම වැදගත් කාරණා ටිකක් කියන්න අපි කල්පනා කළා. ඒ යටතේ මුලින්ම අපි කතා කරන්නේ “වර්ණ” ගැන. අපි දකින බහුලම ප්‍රශ්නයක් තමයි තමන්ට ගැළපෙන වර්ණ තොර ගන්න නොදන්නා කම. මේකත් ගැහැණු පිරිමි හැමෝටම පොදු ප්‍රශ්නයක්. තමන්ගේ සමේ පැහැයට සහ ශරීරයේ පරිමාවට අනුව ගැලපෙන වර්ණ තෝරාගන්නවා කියන එක රොකට් සයන්ස් එකක් නෙමෙයි කියල ඔබ හිතනවා ඇති. ඒක ඇත්ත තමයි. නමුත් ඒ සරළ විෂය නොදැන සිටීමෙන් ඔබ කොතරම් වටිනා ඇඳුම් ඇන්දත් ඒ ඇඳුම ඔබට වටිනාකමක් ගෙන නොදෙවී. ඒ නිසා අපි මේ කියන කාරණා ගැන තරමක් සැළකිලිමත් වෙලා මීට පස්සේ ඇඳුම් තෝරන්න යන්න කියල අපි ඔබට මතක් කරනවා.

වර්ණ තෝරාගන්න කලින් මුලින්ම ඔබ, ඔබේ සමේ පැහැය මොකක්ද කියන එක නිවැරදිව වටහා ගන්න වෙනවා. ඉන් පස්සේ තමයි ඔබට ගැලපෙන වර්ණය තෝරාගන්න වෙන්නෙ. ඔබේ සම පැහැපත් නම්, ඒ කියන්නේ අපි සාමාන්‍යෙන් කියන විදිහට ඔබ, “සුදු” කෙනෙක් නම් තරමක් තද පැහැයකට හුරු සහ සමේ වර්ණයෙන් වෙනස් වන විදිහේ වර්ණ තෝරා ගැනීම කළ යුතුමයි. ඔබේ ඇඳුම වඩා හොඳින් පෙනෙන්නේ එහෙම වර්ණ තෝරා ගත්තොත් පමණයි. ඔබේ ඇඳුම් වල වර්ණය තරමක් අඳුරු පහ වන තරමට එවැනි පැහැපත් සමක් ඇති කෙනෙකුට, සමේ වර්ණය සහ ඇඳුමේ වර්ණය වෙනස්ව සහ අලංකාරවත් ලෙස පෙන්විය හැකියි. උදාහරණ විදිහට අළු, දුඹුරු, බර්ගන්දී, බොට්ල් ග්‍රීන්, නේවි බ්ලූ, කළු නිල් පැහැය වගේ පාට නිර්දේශ කළ හැකියි. ඔබ මෘදු වර්ණ විශේෂයෙන් පැස්ටල් වර්ණ වලින් වැළකීම කළ යුතුමයි. එවැනි පාට ඇඳුම් අඳින්න ගත්තොත් ඔබේ පෙනුම උද්‍යෝගයක් නැති මලානික පෙනුමක් විදිහට දකින්නාට පෙනෙන්න පුළුවන්. සුදු, ලා දුඹුරු, ක්‍රීම් පැහැය, ඕෆ් වයිට්, වගේ වර්ණ ඔබේ ඇඳුම් රාක්කයට ගැළපෙන්නේ නැහැ.

මෙතන යම් ගැටළුවක් ඇතිවන්න පුළුවන්. මේ විදිහේ ලා පැහැති මලානික වර්ණ වලට ඔබ වැඩි කැමැත්තක් දක්වනවා යැයි සිතමු. ඔබට විකල්පයක් නැතිද.? එවැනි කෙනෙකුට කළ හැකි සරළම විකල්ප තෝරාගැනීමක් තිබෙනවා. හැම විටම මේ උදාසීන ලා වර්ණ තද දීප්තිමත් වර්ණ එක්ක මිශ්‍ර කරන්න. එවැනි මිශ්‍ර කිරීමකින් ඔබේ ඇඳුම නිර්මාණය කර ගත්තොත්, ඔබට මේ කරදරයෙන් වැළකිලා ඔබ කැමති වර්ණය අඳින්න ලැබේවි.

ඔබට තිබෙන්නේ පැහැපත් හෝ අඳුරු කියන වර්ණ දෙකටම අයත් නොවන මද මට්ටමේ වර්ණයක සමක් නම් එතැනදී ඔබ මොඅද කරන්නේ.? ඔලිව් පැහැය කියල අපි සරළව මේ සමේ වර්ණය හඳුන්වනවා. දැන් සමේ වර්ණය ගැන කියවෙද්දීම ඒක “මධ්‍යම” ප්‍රමාණයේ කියල හඳුන්වා තියෙන නිසා ඔබට යම් අදහසක් ඇති කියල අපි හිතනවා. ඔබ එහෙම සමක හිමිකරුවෙක් / හිමිකාරියක් නම්, තෝරා ගන්නා වර්ණත් මධ්‍යම ප්‍රමාණයේ විය යුතුයි. තද වර්ණ වගේම දීප්තිමත් ලා වර්ණත් ඔබට ගැළපෙන්නේ නැහැ. ඒ දෙක අතරමැද තියෙන වර්ණයක් ඔබ තෝරා ගත යුතුයි. ඔබ දුඹුරු වර්ණයේ වර්ණාවලියෙන් එකක් තෝරාගත යුතුයි කියල හිතමු. ඔබ ලා දුඹුරු (බිස්කට්) පැහැය හෝ තද දුඹුරු (චොකලට්) පැහැය කියන දෙකෙන්ම වැළකිය යුතුයි. ඒ වෙනුවට ඔබ මේ වර්ණාවලියේ මැද තිබෙන වැලි පැහැය වැනි තැනකින් වර්ණය තෝරා ගත යුතුයි.

ඒ වගේම ඔබට තියෙන වර්ණාවලියෙන් කහ පාට සහ කොළ පාට වැනි දේ ඉවත් කරගන්නවා නම් වඩාත් සුදුසුයි. කහපාට වර්ණාවලියේ එන බොහෝ වර්ණ වගේම කොළ පාටට අදාළ වර්ණාවලියේ වර්ණත් භාවිතා නොකිරීම වඩාත් සුදුසුයි. ඒ වෙනුවට ඔබට pistachio, mustard, olive සහ mocha brown වගේ වර්ණ වලට යොමුවන්න පුළුවන්. මේ වවිධ නම් වලින් එන වර්ණ මොනවද කියල ඔබ හරියටම දන්නේ නැතිනම් ඒ ගැන අන්තර්ජාලයෙන් ඔබට හරියටම හොයාගන්න පුළුවන්කම තිබෙන නිසා ඔබට පහසුවෙන් සමට ගැළපෙන වර්ණ වල ඇඳුම් තෝරාගන්න හැකියාව ලැබේවි.

ඊළඟ ප්‍රභේදය වන්නේ කළු / අඳුරු පැහැති සමක් සහිත කොටස. ඔබ සමහරවිට විශ්වාස කරන්නත් මැලි විය හැකියි. නමුත් අනික් වර්ණ සියල්ලටම වඩා අඳුරු පැහැති සමක් සහිත පුද්ගලයින්ට විවිධ වර්ණ වල ඇඳුම් භාවිතා කිරීමේ හැකියාව තිබෙනවා. ජානමය වශයෙන් ලොතරැයියක් ඇදීමක් වගේ දෙයක් ඔබට මේ අඳුරු සමක් ලැබීමෙන් සිදුවෙලා ඇති බවයි විලාසිතා පිලිබඳ විශේෂඥ මතය වන්නේ. එනම් කිසිදු චකිතයක් හෝ බියක් නොමැතිව වර්ණ භාවිතා කිරීමේ හැකියාව එවැනි සමක් සහිත පුද්ගලයන්ට තිබෙන බව ඔවුන් පවසනවා. නමුත් එවැනි සමක් වෙනුවෙන් වුනත් වඩා සුදුසු වර්ණ ගැන සඳහන් වනවා. jade green හෝ cobalt blue වඩාත්ම සුදුසු වර්ණ වන බව විලාසිතා නිර්මාණ ශිල්පීන්ගේ අදහස වී තිබෙනවා. නමුත් විවිධ වර්ණ කීපයක් මිශ්‍ර කරගත් වර්ණවත් ඇඳුම් භාවිතා කිරීම ඔවුන් අනුමත කරන්නේ නම් නැහැ. අඳුරු සමක් සහිත පුද්ගලයින්ට පවා කැමති වර්ණ එකක් හෝ දෙකක් මිශ්‍ර කිරීමෙන් පමණක් ඇඳුම් නිර්මාණය කරගන්නා ලෙස තමයි ඔවුන් උපදෙස් ලබා දෙන්නේ.

නමුත් දුඹුරු පැහැති වර්ණ සංයෝජනය හෝ සමේ වර්ණයට ආසන්න වර්ණ තෝරා නොගන්නා ලෙස විලාසිතා නිර්මාණ ශිල්පීන් උපදෙස් ලබාදෙනවා. එවැනි වර්ණ ඇඳීමෙන් ඔබේ සම සහ ඇඳුම අතර වෙනස කැපීපෙනීමක් සිදු නොවීම නිසා එවැනි තෝරාගැනීම් වලින් වලකින ලෙස තමයි ඔවුන් උපදෙස් ලබාදී තිබෙන්නේ. කෙසේ නමුත් බොහෝ පුද්ගලයින් කළු හෝ Navy Blue වර්ණ දෙක භාවිතා කිරීම සිදුකරනවා. එවැනි වර්ණ වෘත්තියවේදීන් බොහෝවිට භාවිතා කරන නිසා එයින් වලකින ලෙස උපදෙස් දීම අපහසු බවයි විලාසිතා විශේෂඥයින්ගේත් අදහස වන්නේ.

නමුත් මේ සියලු සෛද්ධාන්තික කාරණා අතරෙත් සමහර විලාසිතා නිර්මාණ කරුවන් මේ සියල්ල ප්‍රතික්ෂේප කරන අවස්ථා දකින්න තිබෙනවා. එවැනි පුද්ගලයින්ගේ අදහස වන්නේ “ඔබ යම් වර්ණයක් ඇඳීමට කැමති නම් ඒ වර්ණය ඇඳීමට තරම් ආත්ම විශ්වාසයක් සහිත පුද්ගලයකු බව පෙන්වන්න” කියන මතයයි. ඒ කෙසේ නමුත් අපි මුලින්ම සඳහන් කරා වගේ, ඇඳුම සහ ඇඳුමේ විලාසිතාවත් වර්ණයත් ඔබ පිළිබඳව “යම් අදහසක්” සමාජයට ගෙනයන නිසා, ඔබ ඇඳුම් තෝරා ගැනීමේදී වර්ණ සහ සමේ පැහැය කියන කරුණු ගැන මේ සාමාන්‍ය සිද්ධාන්ත පිලිබඳ සැලකිලිමත් වීම වැදගත් කියලයි පොදු මතය පවතින්නේ. ඒ නිසා, ඇඳුමක් අඳින්න ආසාවක් ඇතිවූ පමණින්ම ඒ ඇඳුම මිළදී ගැනීමක් නොකර ඒ වර්ණය, ඔබේ සැමට සමේ පැහැයට ගැළපෙනවද නැද්ද කියන කාරණය පිලිබඳ සැලකිලිමත් වීමෙන් ඔබට ඔබේ පෞරුෂය තවත් මතුකර පෙන්වන විදිහට ඇඳුම් අඳින්න අවස්ථාව ලැබේවි.

– අන්තර්ජාලය ඇසුරිනි –

එන්. වෙහෙරදූව

ඇල්කොහොල් Sex වලට බලපානවද..?

editor

ලිංගිකත්වය හෝ ඒ සම්බන්ධ ප්‍රශ්න ගැන විවෘතව කතා කරන්න ගොඩක් දෙනෙක් තාමත් ලැජ්ජාවෙන් සහ බයෙන් ඉන්නවා. ඒ වගේම තමයි බොහෝ දෙනා යම්කිසි ලිංගික ගැටලුවක් පිළිබඳව තියෙන ප්‍රතිකාර ක්‍රම සම්බන්ධයෙන් තියෙන නොදැනුවත්භාවය නිසා වැරදි ක්‍රියාකාරකම්වලට පවා පෙළඹෙනවා.

ඉතින් අපි මෙවර sex ed තුළින් කතාබහට ලක් කළේ ඇල්කොහොල් එහෙමත් නැත්තම් මධ්‍යසාර භාවිතය සහ ලිංගික සම්බන්ධතා අතර තියෙන සම්බන්ධතාවයයි. මෙමගින් වන බලපෑම සම්බන්ධයෙන් ලිංගික සෞඛ්‍ය පිළිබඳ විශේෂඥ වෛද්‍ය ප්‍රගීත් ප්‍රේමදාස මහතා, මේ වීඩියෝව මගින් විස්තරාත්මකව ඔබව දැනුවත් කරනවා .

1...212223...39 Page 22 of 39