BBQ Chicken එක්ක ඔයා ආසම දේවල් කන්න, The Escape Colombo යන්න…

අද අපි කතා කරන්න යන cafe එක ගැනනම් අමුතුවෙන් හදුන්වා දෙන්න දෙයක් නැහැ. ‘The Escape Colombo’ කිවුවහම ඕන කෙනෙක් දන්නවා. මේ ස්ථානය party එකකට වගේ rent කරන්න හැකියාව තිබෙනවා. හැබැයි 10 දෙනෙකුට වඩා එනවානම් මෙයාලට මුලින් call එකක් දෙන්න අමතක කරන්න එපා. මෙයාලා vegan සහ non-vegan custom cakes සාදන අතර ඔයාලගේ ඉල්ලීම පරිදි ලබා දෙන්න වයින් වර්ග ගණනාවක් මේ cafe එකේ තිබෙනවා.

Drinks

Caramel Latte (LKR 490)

දවසේ ඕනම වෙලාවක ඔයාටම treat එකක් දෙන්න හිතුනොත් The Escape Colombo එකේ තිබෙන Smooth, creamy සහ fragrant caramel latte ඒකට නියෙමට ගැළපෙනවා. දියර කිරි , කැරමල් සහ espresso මිශ්‍ රපානය අපිව ඇත්තටම ප්‍රබෝධමත් කළා.

Choc Chipfudge Frappe (LKR 650)

 

මුලින්ම කියන්න ඔින මෙයාලගේ මේ drink එක පානය කරන්න කළින් The Escape Colombo එකේ තියෙන කෑම කාලා ඉන්න වෙනවා. මෙකද මේ drink එක බිව්ව ගමන් අපේ බඩ පිරෙනවා. සාමාන්‍ය චොකලට් මිල්ක්ෂේක් එකක් වැඩි දියුණු කරලා තමයි මේක හදලා තියෙන්නේ. ඇත්තටම හරිම රසවත් මේ Choc Chipfudge Frappe එක.

SNACKS

Sweet Potato Fries (LKR 300)

 

Sweet Potato Fries ගැන ගොඩක් අය දන්නවා . ඒ් වගේම රස බලලත් තියනවා වෙන්න පුළුවන් . ඒ් වුණාට අපිට මේ Sweet Potato Fries එකේ රස බලන්නම ඕනම වුණා. පැණිරස, හැපෙනසුළු හා රසයන්ගෙන් පිරුණු මේ fries අපි සාමාන්‍යෙයන් කාලා තියන Sweet Potato Fries වලට වඩා වැඩි පැණි රසයක් එකතු කරලා තිබුණා.

 

 

Spicy BBQ Chicken Wings (LKR 680)

 

කන්නත් කලින් අපි ඇස් දෙකෙන් රසවිදපු snack එකක් තමයි මේ සැරම සැර BBQ Chicken Wings එක. මේ dish එකනම් ඇත්තටම ගොඩක් රසවත්. ඔයා අනිවාර්යයෙන් මේක try කළොත් ගෙදරත් potion එකක් ගෙනියනවාමයි. Coleslaw එක්ක පිළිගන්වන මේ Chicken Wings එක අපිට තව තවත් කන්න හිතුනා. ඔයත් The Escape Colombo ගියහම BBQ Chicken Wings වල රස බලන්න අමතක කරන්න එපා.

Mains

Grilled Sea Bass (LKR 1,100)

 

Grilled Sea Bass එක ඇත්තටම දැක්ක ගමන් කන්න හිතෙන විදිහට ඉදිරිපත් කරලා තිබුණා. ocean mixed flavours එක්ක රසය ඉක්මවා යනනේ නැති වෙන්න කුළුබඩු එකතු කරලා හදලා තිබුණ මේ Main එකට ඇත්තටම ඔයාලත් අනිවාර්යයෙන් කැමති වේවි.

 

 

Butter Chicken Masala (LKR 800)

 

Taste of Asia selection එකෙන් එක තේරීමක් තමයි Butter Chicken Masala එක්ක serve කරපු කහ ගිතෙල් බත් එක. මේකෙ Chicken එක නම් ටිකක් over-cooked කරලා තමයි තිබුණේ . කොහොම වුණත් rice and curry එක perfect filling combination එකක් කියලා අනිවාර්යයෙන් කියන්න ඕන.

 

 

Chicken and Cheese Kottu (LKR 900)

 

කොත්තු කාලා නැති කෙනෙක් ඉන්නවාද ? නෑනේ නේද.. කොත්තු කියනනේ ගොඩක් දෙනෙක් අදහන ආගමක් කියලා කියලා කියනවනෙ නේද? හැබැයි අපි කලා තියන කොත්තු වගේ නෙවෙයි මේ Chicken and Cheese Kottu එකනම් නියමයි. පොඩියට කපලා හපන්න ලේසී වෙන්න හදලා තිබුණා. ඒ වගේම serve කරපු විදිහත් අපේ හිතත් සතුටු කළා කිවුවොත් හරියටම හරි. කොත්තු එක ඇනවුම් කරපු එක ගැන තාමත් අපි ඇත්තටම සතුටු වෙනවා.

Dessert

The Sweet Escape (LKR 950)

 

Isle of Gelato ice cream scoop එකක් එක්ක බෙරි සෝස්, gooey chocolate brownie එකතු කරලා දෙන මේ Dessert එකටනම් අපි ඇත්තටම ගොඩක් කැමති වුණා. මේ dessert එක serve කලාට පස්සේ pastry chef ඇවිත් amazing chocolate sauce එකක් වක්කරනවා මේ dessert එකට . හැබැයි ඒක දකින්න තරම් දර්ශණයක් නෙවෙයි. මේ dessert එක අලුතින්ම menu එකට එකතු කරපු එකක්. මේ dessert එක නිසා අවන්හලේ value එක තවත් වැඩි වුණා කියන්න පුළුවන්.

 

 

Passion Fruit Pavlova (LKR 300)

 

Pavlova එක මෘදු ලෙස අපේ කට තුළ දියවෙනවා. ඒකට එකතු කරලා තිබුණ passion fruit curd එක නිසා ප්‍රසන්න රසවත් හැගීමක් ඇතිවුණා කිව්වොත් නිවැරදී. portion එක පොඩි ප්‍රමාණයක් වුණත් ඔවුන් එයට සාදාර මිලක් නියම කරලා තිබුණා. මේ dessert එකත් try කරලා බලන්න අමතක කරන්න එපා.

 

 

Cinnamon Crème Brûlée (LKR 500)

 

ඇත්තටම මේ dessert එක කුරුඳු වලට කැමති අයටමයි හදලා තියෙන්නේ. කුරුඳු වල සුවඳ හා රසය soft brûlée එක්ක එකතු කරලා තමයි මේ dessert එක නිර්මාණය කරලා තියෙන්නේ . මේ dessert එක කුරුදු වලට කැමති ඔයා try කරලා බලන්න අමතක කරන්න එපා.

 

 

Crème Brûlée (LKR 500)

 

මේ dessert එක ගැනනම් වැඩිය කතා කරන්න දෙයක් නැති තරම්. ඒ වුණාට කියන්න ඕන මේ dessert එක මෘදුයි. ඒ වගේම සරල රසක් තිබෙනවා. වැඩිදියුණු කරපු අතුරුපසක රස බලන්න කැමතිනම් Crème Brûlée එක ඔයාට try කරලා බලන්න පුළුවන්.