2020 Oct 5
ශරීරයේ ඇතිවෙන කැලැල් නිසා කාන්තා අපි විශේෂයෙන්ම ගොඩක් අපහසුතාවයට පත්වෙනවා. මේ විදියට අපේ සමේ ඇතිවෙන කැලැල් ස්වාභාවිකවම සුවවෙන්න සෑහෙන කාලයක් ගතවෙනවා. මේ නිසා සමහර අවස්ථාවලදී අපිට කැමති ඇදුම් අඳින්න අවස්ථාව නැතිවෙනවා. ඒ වගේම සමහර අවස්ථාවල අපි සමාජයේ අපහසුතාවට පත්වෙන වෙලාවලුත් තියෙනවා. ඔන්න ඉතින් මේ හේතුව නිසාම අපි හිතුව සමේ ඇතිවෙන කැලැල් ඉක්මනින්ම සුව වෙන්න අපිට ලේසියෙන්ම ගෙදරදීම කරගන්න පුළුවන් පිළියම් ටිකක් ගැස්ම පාඨකයින්ට කියලා දෙන්න.
Vaseline
වැස්ලින් කියන්නේ සමේ සුන්දරත්වය වැඩි කරගන්න ගොඩක් අවස්ථාවලදී භාවිතා කරන දෙයක්. අධ්‍යනයන්ට අනුව මිල අධික creams සහ serums වලට වඩා වැස්ලින් භාවිතයෙන් හොඳ ප්‍රතිළුලයක් ලබා ගන්න හැකියාව තිබෙනවා. ඔයාගේ ශරීරයේ කැලැල් තිබෙන ස්ථාන වල දවස ගානේ දවසට තුන්සැරයක් වැස්ලින් ආලේප කරන්න . මෙයින් සම වේලීම අවම කර සමේ තෙතමනය අවම කරනවා. එවිට සමේ ඇතිවෙන කැසීම අවම වෙලා ඉක්මනින් සමේ ඇතිවෙන කැලැල් ඉවත් වෙනවා. ගොඩක් වෙලාවට සම වේලෙන නිසා කැලැල් ඇති ස්ථාන කසන්න ගන්නවා. මේ නිසා කැලැල් තවත් වැඩි වෙනවා මිස අඩුවීමක් සිදුවන්නේ නැහැ.
කෝමාරිකා මද
කෝමාරිකා කියන්නේ විශාල ඖෂධීය ගුණයක් තියන පැලෑටියක්. විවිධ ප්‍රතිකාර සදහා සියවස් ගණනාවක් තිස්සේ කෝමාරිකා භාවිතා කරලා තියෙනවා. කෝමාරිකා වල අඩංගු ජෙල් එක මගින් හානියට පත් සම යතත්වයට පත්කරනවා. ඒ වගේම විශබීජ නාශකයක් හැටියටත් කිුයා කරනවා. කෝමාරික මදය අරන් කැලැල් ඇති ස්ථානයේ ආලේපකර රවුම් අතට සම්භාහනය කරන්න. මිනිත්තු 30ක් තිබෙන්නට හැර සෝදා හරින්න. මෙය දිනකට දෙපාරක් භාවිතා කරන්න.
Essential oil
Essential oil කොලජන් සංශ්ලේෂණය ප්රවර්ධනය කිරීම, විෂබීජ නාශකයක් ලෙස ක්‍රියාකිරීම සහ ප්‍රතිශක්තීකරණය වැඩිකරන්න උදව්වෙනවා. Essential oil ටිකක් අරගෙන ඔයාගේ ඔයාගෙ සමේ කැලැල් ඇති ස්ථාන වල ආලේප කරන්න. මෙය සෑම දිනකම වගේ භාවිතයට ගැනීමෙන් කැලැල් ඉක්මනින් නැති කරගන්න හැකියාව ලැබෙනවා.
සම්බාහනය
ඔබේ කැළැල් සම ඉක්මනින් සුව කිරීමට උපකාරී වන තවත් විශිෂ්ට හා දැරිය හැකි ක්‍රමයක් තමයි lotion සමග කැලැල් ඇති ප්‍රදේශය සම්බාහනය කිරීමට උත්සාහ කිරීමයි. ඔබ දිනකට කිහිප වතාවක් තත්පර 15-30 අතර කාලයක් කැළැල් මෘදු ලෙස සම්බාහනය කරන්නේ නම්, එය යටින් පවතින පටක වලට සම්බන්ධ වන කොලජන් bands බිඳ දැමීමට උපකාරී වෙනවා.
Sunscreen
ඔයාට ඔයාගෙ සමේ තිබෙන කැලැල් ඉවත් කරගන්න අවශ්‍යනම් කීයටවත් සම හිරු එළියට නිරාවරණය වෙන්න දෙන්න එපා. මොකද පාරජම්බුල කිරණවලට නිරාවරණය වීම මගින් කැලැල් සුවවීමේ ක්‍රියාවලිය මන්දගාමී කරනවා. ඔබ නිවසින් එළියට යනවා නම් සෑම විටම SPF අගය 15 හෝ ඊට වැඩි sunscreen එකක් භාවිතා කරන්න.
Onion extract
ලූණු වල ඇති ප්‍රතිඔක්සිකාරක සහ ප්‍රතිබැක්ටීරීය ගුණ නිසා අතුරු ආබාධ නැතිව කැලැල් ඉවත් කරගැනීමට හැකියාව තිබෙනවා. දිනකට තුන්වතාවක් ලූණු ඉස්ම තමන්ගේ ශරීරයේ කැලැල් ඇති ස්ථාන වල ආලේප කරන්න. විශේෂයෙන් පිලිස්සීම නිසා ඇතිවුණ කැලැල් ඒ වගේම ශල්‍යකර්ම නිසා ඇතිවුණ කැලැල් ඉවත් කරගන්න ලූණු ඉස්ම බෙහෙවින් උපකාරී වෙනවා.
Apple cider vinegar + honey
ඇපල් සයිඩර් සහ විනාකිරි ස්වාභාවික විෂබීජ නාශකයක් ලෙස ක්‍රියා කරනවා. ඇපල් සයිඩර්. විනාකිරි සහ මී පැණි එකට මිශ්‍ර කර මුහුණේ ඇති ඇන්ස් කැලැල් වල ආලේප කර විනාඩි 10ක් තිබෙන්නට හැර සෝදා හරින්න. මෙයින් මුලුමනින්ම කැලැල් ඉවත්වෙන්නේ නැති වුණත් බොහෝ දුරට කැලැල් ඉවත් කර එය කැපී පෙනෙන එක අවම කරනවා.
ඔලිව් ඔයිල් සහ පොල් තෙල්
පොල්තෙල් වල ලෝරික්, කැප්රිලික් සහ කැප්රික් අම්ල අඩංගු වන අතර එමඟින් කොලජන් නිෂ්පාදනය උත්තේජනය කිරීමෙන් හානියට පත් සම සුව කිරීම සිදුකරනවා. ඔලිව් තෙල් අත්‍යවශ්‍ය විටමින් වලින් පොහොසත් නිසා කුරුලෑ කැළැල් සුව කිරීමේ ක්‍රියාවලිය ප්රවර්ධනය කරන අතර ඔබේ සම සජලීය හා පෝෂ්‍යදායී බවට පත්කරනවා. කැලැල් ඉවත්වන තෙක් දිනකට කීපවතාවක් මිනිත්තු 5-10 අතර කාලයක් ඔලිව් හෝ පොල්තෙල් යොදා සමේ ඇති කැළැල් සම්බාහනය කරන්න.
