2020 Nov 17
ශ්‍රී ලංකා ගුවන් හමුදා ඉතිහාසයේ ප්‍රථම වතාවට කාන්තා නිලධාරීන් දෙදෙනෙකු ගුවන් නියමුවරියන් ලෙස පත් කර තිබේ!
නියමු නිලධාරි ඒ.ඩී.පී.එල්. ගුණරත්න සහ නියමු නිලධාරී ආර්.ටී. වීරවර්ධන වසර 3 ක පුහුණුවෙන් පසු සාමාන්‍ය රාජකාරි නියමු ශාඛාවේ ප්‍රථම ආර්යාවන් බවට පත්ව තිබෙනවා.
මෙම ගුවන් නියමුවරියන් දෙදෙනාට පියාසර නිල ලාංඡන පැළැඳවීමේ උත්සවය පවත්වනු ලැබුවේ ආරක්ෂක ලේකම් විශ්‍රාමික මේජර් ජෙනරාල් කමල් ගුණරත්න සහ ගුවන් හමුදාපති එයාර් මාෂල් සුදර්ශන පතිරණ යන මහත්වරුන්ගේ ප්‍රධානත්වයෙනි. මෙම දෙදෙනා සැහැල්ලු ගුවන් යානා නියමුවරියන් ලෙස ගුවන් සේවයට එක් වූ බව ගුවන් හමුදා මාධ්‍ය ප්‍රකාශකවරයා පවසා තිබෙනවා.
චීන වරාය ගුවන් හමුදා ඇකඩමියේ පැවති 61 වන නිලධාරි ශිෂ්‍යභට ඛණ්ඩයේ නිලධාරීන්ගේ විසිරි යාමේ පෙළපාළිය ඊයේ පැවැත්වුණා. එහිදී කැඩෙට් නිලධාරින් 53 දෙනෙකු කොමිෂන් නිලයට පත් කරනු ලැබුවා.
ඊට අමතරව, ප්‍රථම වරට කැඩෙට් නිලධාරිනියක් සෑම අතින් ම දක්ෂත ම කැඩෙට් නිලධාරිනියට හිමි රන් අසිපතින් පිදුම් ලැබීම (Sword of Honor) සහ ප්‍රථම වරට ජනාධිපති වර්ණධජ සමන්විත විසිර යාමේ පෙළපාලියක් සඳහා කාන්තා නිලධාරීවරියක් අණ දීම ද මෙම විසිර යාමේ උත්සවයේ සිදුවු තවත් විශේෂ සිදුවීමක් වෙනවා.
වසර 3 ක් පුරා, සාමාන්‍ය රාජකාරි නියමු, කාර්මික ඉංජිනේරු, ඉලෙක්ට්‍රොනික ඉංජිනේරු, Logistics,පරිපාලන රෙජිමේන්තුව සහ Operations Air වැනි විවිධ අංශවල නිලධාරීන් දැඩි පුහුණු වැඩසටහන් වලට සහභාගී වී වෙහෙසමහන්සි වී කැපකිරීමෙන් වැඩ කළා. ඔවුන් සිය මූලික පුහුණුව දියතලාව සටන් පුහුණු පාසලෙන් ආරම්භ කළ අතර, පසුව ඔවුන් ජෙනරාල් ශ්‍රීමත් ජෝන් කොතලාවල ආරක්ෂක විශ්ව විද්‍යාලයේ ඉගෙනුම ලැබූ අතර, ඊළගට ඔවුන් මූලික පරිපාලන පාඨමාලාව, ඩීන වරායේ පියාසර හා භූමි පුහුණු අංශයේ පුහුණු වීම දියතලාව සටන් පුහුණු පාසලෙන් සිදුකර තිබෙනවා.
සොයුරියනෙ ඔබ අපට අභිමානයක් මෙරට ඉතිහාසයෙ පලමු වරට ශ්‍රීලංකා ගුවන් හමුදාවේ ගුවන් නියමුවරියන් ලෙස පත්වු පවිත්‍රා ලක්ශානි ගුණරත්න සහ තත්සරනී වීරවර්ධන සොයුරියන්ට ගැස්ම අපේ සුභ පැතුම්! ඉතිං අපේ රටද, ලොව ගුවන් හමුදා නියමුවරියන් සහිත රටවල් අතරට මෙසේ එක්විය.
2020 වසර ශ්‍රී ලාංකික කාන්තාවන්ට සුභ වසරක් වුණ බවනම් නොවනුමානයි. Asha De Vos,Scuba Diving Magazine හී Sea Hero බවට පත්වුණ දවසේ සිට මෑතක දී ඕස්ට්‍රේලියාවේ Junior Masterchef වශයෙන් Georgia ජයග්‍රහණය කිරීමත් දක්වා තවත් බොහෝ දේ මධ්‍යයේ, ශ්‍රී ලංකා කාන්තාවන් සාර්ථකත්වයේ ඝර්ජනාව ලොවටම විදහාපන එක ඇත්තටම සියළුම කාන්තාවන්ට සහ රටට ලොකු ආඩම්බරයක්.
