ශ්‍රී ලාංකික රසයට කන්න කැමති අයට හොඳම තැන Epi-Q Gourmet

ශ්‍රී ලාංකික රසයට කන්න කැමති අයට හොඳම තැන Epi-Q Gourmet

 

 

Shazmin Ismail ගේ සංකල්පයකට අනුව නිර්මාණය වුණ Epi-Q Express Gourmet කියන්නෙ විවිධ වර්ගයේ කෑම වර්ග Try කරලා බලන්න කැමති ඔයාලා වෙනුවෙන්ම නිර්මාණය වුණ Restaurant එකක්.

විවිධ වර්ගයේ chocolate වලට ප්‍රසිද්ධ මේ Restaurant එකෙන් ඔබට සාම්ප්‍රදායික ලාංකික ආහාර වර්ගත් ලබා ගන්න පුළුවන්. ඔබ Asian crispy crepes, waffle pizza, rotzza සහ mini Pancakes වලට කැමති කෙනෙක් නම්, ඒ දේවල් try කරන්න මේ Restaurant එක කියාපු තැන. Vegan කෙනෙක්ට වුණත් ගැලපෙන රසවත් ආහාර Epi-Q Express Gourmet වලදි රස විඳින්න පුළුවන්.

අපි Epi-Q Express Gourmet එකෙන් Try කරපු කෑම තමයි මේ.

 

APPETISERS

 

Isso Wade – LKR 960 (4/5)

 

 

හැමෝම කැමති ජනප්‍රිය Street Food එකක් තමයි ඉස්සෝ වඩේ කියන්නෙ.ඉස්සෝ වඩේ කියන නම ඇහුවත් අපිට ඒ රස මතක් වෙනවනෙ. ඉතින් සිහින්ව කැපූ ළූණු සහ ගෝවා මිශ්‍ර සලාදයක් සමග Galle Face එකේ ඉස්සෝ වඩේ වල රසයම තිබෙන ඉස්සෝ වඩේ මෙහිදී පිළිගන්වනවා. රසට හැපෙන ඉස්සො එක්ක කුළුබඩු වලින් රසවත් වෙලා තියෙන gravy එක නිසා මේකෙ රසය තවත් දෙගුණ තෙගුණ වෙනවා.

 

MAINS

 

Creamy Chicken Pasta (Spaghetti) – LKR 1,950 (5/5)

 

 

Creamy Chicken Pasta එකට තමයි මම ගොඩක්ම කැමති වුණේ. කුකුල් මස් කෑලි ගොඩක් තියෙන පැස්ටා එක white sauce වලින් තවත් රසවත් වෙනවා. පැස්ටා එකට හතු සහ ගෝවා මල් එක් කර තිබීමත් විශේෂත්වයක් වනවා. සියලු දේ මුසු වුණ පරිපූර්ණ ආහාරයක් විදියට මේ Creamy Chicken Pasta කියන්න පුළුවන්.

 

Arrabbiata (Penne) – LKR 1,700 (5/5)

 

 

නැවුම් තක්කාලි එක්වූ red sauce Penne පැස්ටා එකට වෙනස්ම රසයක් සහ සුවඳක් ලබා දෙනවා. එයට cherry tomatoes ද එක් කර තිබුණා. කුළු බඩු වලින් හා පැණි රසයෙන් පරිපූර්ණ සෝස් එක ශ්‍රී ලාංකීය රුචි අරුචිකම් වලට නියමෙටම ගැලපෙනවා.

 

Kebab Wraptor Chicken – LKR 1,200 (3/5)

 

 

මේ හැපෙන සුළු Kebab Wraptor Chicken එකට සෝස්, සලාද සහ විනාකිරි මුසු වූ එළවළු එක් කර තිබුණා. මෙහි විශේෂ රසයක් දැණුනේ නැති වුණත් පෝෂණ ගුණයෙන් ඉහළ බව මම විශ්වාස කරනවා. Kebab Wraptor Chicken එකත් සමග සෝස් එක් වූ විට දිවා ආහාරය හෝ උදෑසන ආහාරය සඳහා නියමෙට ගැළපෙනවා.

 

Half-and-Half Pizza (Chilli Prawn/ Grilled Chicken) – LKR 2,700 (4/5)

 

 

ඔවුන්ගේ පීසා විවිධ වර්ගයේ ටොපිං වලින් ඔයාට try කරන්න පුළුවන්. අපි මිරිස්, තක්කාලි සහ ඔලිව් සමඟ කුළුබඩු එක්වූ චිලි ප්‍රෝන් පීසා එකකින් භාගයක් try කළා. අනෙක් භාගය, අපට ග්‍රිල්ඩ් චිකන් පීසා වලින් order කළා. චිකන්, චීස් සහ ඔලිව් වලින් රසවත් වුණ පීසා එකට අනිවාර්‍යෙන්ම ඕනෑම කෙනෙක් කැමති වෙනවා.

 

DESSERT

 

Mini Pancake Premium – LKR 1,200 (5/5)

 

 

ඔයා දන්නවාද? Epi-Q සෑම දිනකම කුඩා පෑන්කේක් 300 කට වඩා අලෙවි කරනවා. පලවෙනි පාරම හිතුණේ පොඩි චොක්ලට් කෑල්ලක් හපනවා වගේ හැඟීමක්. කුඩා පෑන්කේක් උඩට chocolate සහ white chocolate තවරා තියෙන නිසා ඕනෑම කෙනෙක් රස බලන්න දෙපාරක් හිතන්නේ නෑ. හොඳ කටගැස්මකට Mini Pancake නියමට ගැළපෙනවා.

 

Half Waffle With Nutella, Strawberries and Ice Cream – LKR 1100 (4/5)
(Add On: Strawberry – LKR 500 | Vanilla Ice Cream – LKR 350)

 

 

ස්ට්‍රෝබෙරි, නියුටෙල්ලා සහ චොකලට් එක්වූ හැපෙනසුළු Belgian waffle වලින් ඔයා සෑහීමට පත් වෙන්නේ නැත්නම්, ඔයාට පුළුවන් අයිස්ක්‍රීම් ඉල්ලන්න. ඔයා waffle වලට කැමති කෙනෙක් නම් මෙනු එකේ තියෙන waffle අතරින් තෝරා ගැනීමක් කරන්නත් පුළුවන්. ඒ වගේම ඔයාට ස්ට්‍රෝබෙරි සහ අයිස්ක්‍රීම් වැනි ටොපිංස් හෝ Milo, Oreo, KitKat, Kinder Bueno සහ Peanut Butter අතරින් එකක් වුණත් තෝරා ගන්න පුළුවන්. ඒ හැම එකක්ම try කරන්න කැමති නම් මේ හැමදේම එකතු වුණු waffle එකක් වුණත් ලබා ගන්න පුළුවන්.

 

King Size Peanut Butter Crispy Crepe – LKR 1,750 (5/5)

 

 

චොකලට්, රටකජු සහ බටර් වලින් රස ගන්වා තිබෙන මේ Crepe එකේ රස බලන්න නම් අමතක කරන්න එපා. මම try කරපු හොඳම dessert එක මේක කියලා කියන්න පුළුවන්. Portion එකත් ප්‍රමාණවත් නිසා අනිවාර්යයෙන්ම ඔයා ගෙවන මුදලටත් වටිනවා.

 

DRINKS

 

Falooda – LKR 700 (5/5)

 

 

ඔබේ ආහාර වේල වඩාත් හොඳින් රස විදීමට හැකි රසවත් cool Drink එකක් කියලා කියන්න පුළුවන්. rose syrup, jello, sweet basil seeds, vermicelli, creamy milk, nuts topped සහ ice cream එක් කර තිබෙන මේ ෆලූඩා එක ඔයාටත් අනිවාර්‍යෙන්ම ආ‍යෙත් try කරන්න හිතෙයි.

 

Blue Lemonade – LKR 600 (3/5)

 

 

Blue Lemonade එකෙන් මුලින් පැණි රසයක් ආවත් පසුව තිත්ත රසයක් ගෙන දෙනවා. රාත්‍රී කෑම වේල අතරතුර දැනෙන තිබහට හොඳ තේරීමක් කියලා මේ Blue Lemonade එක කියන්න පුළුවන්. වෙනස් රසයක පානයක් try කරන්න කැමති කෙනෙක්ට නම් මේක නියම අවස්ථාවක්.

 

Peach Ice Tea – LKR 600 (4/5)

 

 

ඔයා කැමතිම පළතුරු රස එක්වූ මෙන්ම බබල්ගම් රසයක් එක්ක එන Peach Ice Tea එක රස්නෙ දවස් වලට නියමෙට ගැළපෙනවා. Peach Ice Tea එක බොන්න කලින් හොඳට කලවම් කරගන්න අමතක කරන්න එපා.

 

AMBIENCE

 

 

තිඹිරිගස්යායේ පිහිටා තිබෙන Epi-Q Express Gourmet ගෘහස්ථ හා එළිමහන් ආසන සහිත සුවපහසු අවන්හලක් වනවා. ගොඩොල් වලින් නිර්මාණ කරපු ලස්සන area එකකුත් මේ අවන්හලේ තියෙනවා. ඔවුන් අවධානය යොමු කරන්නේ උසස් තත්ත්වයේ ආහාර ආකර්ෂණීය ලෙස ඔබ වෙත පිළිගැන්වීමටයි. ඉතාම රසවත් කෑම සාධාරණ මිලකට දෙන නිසා මෙම අවන්හල කොළඹ නගරයේ ජනප්‍රිය අවන්හලක් බවට පත්ව තිබෙනවා.

 

ඔයා දැනගෙන හිටියා ද?

Uber Eats සහ PickMe භාවිතා කර මේ අවන්හලේ ආහාර නිවසටම ගෙන්වා ගන්නත් ඔබට පුළුවන්.
ඒ වගේම විවිධ වර්ගයේ නිර්මාංශ ආහාර වර්ග රැසක් ඔබට එහිදී ලබා ගන්න පුළුවන්.