රාත්‍රී භෝජන සංග්‍රහ වලට ගොඩක් ජනප්‍රිය Butlers

Name: Japanese cuisine ලංකාව තුළම රසවිඳින්න AOBA යමුද..?
Rating: 4

2019 දෙසැම්බර් මාසයේ අලුතින් විවෘත කරලා බට්ලර්ස් මේ වෙද්දී අවුරුද්දකට කිට්ටු කාලයක් තිස්සේ පවත්වාගෙන යනවා . පබ්-ස්ටයිල් එකේ restaurant එකක් නිසා බට්ලර්ස් දැනට එයාලගේ මත්පැන් බලපත්‍රය ලබා ගන්න උත්සහ කරන BYOB restaurant එකක්. දවල් කාලයේදී, බට්ලර්ස් අවට තියෙන ගොඩක් කාර්යාලවලට සාධාරණ මිල ගණන් වලට දිවා ආහාර ලබා දෙනවා, dine-in, pickup හෝ delivery මගින් ආහාර ලබා ගන්න පුළුවන්. රාත්‍රී කාලයට බට්ලර්ස් රාත්‍රී භෝජන සංග්‍රහ වලට ජනප්‍රිය තැනක් වගේම drink spot එකක්. එයාලගේ සංගීතය ඔයාගේ මනෝභාවය ඉහළ මට්ටමක තියන්න උත්සහ ගන්නවා වගේම බට්ලර්ස් මිත්‍රශීලී තැනක්. හැම කෑමක්ම රසයෙන් පිරී සහ ඇතිවෙන ප්‍රමාණයට ලැබෙන නිසා එයාලගේ මෙනුව ඔයාගේ බඩනම් අනිවාර්යයෙන්ම පුරවනවා.

දැනට, බට්ලර්ස් සඳුදා සහ අඟහරුවාදා දිනවල සවස 6 න් පස්සේ ඔයාගේ මුළු බිලෙන් 15% ක වට්ටමක් ලබා දෙනවා. බ්‍රහස්පතින්දා දිනවල බට්ලර්ස් ගියොත් විනෝදජනක හා මිත්‍රශීලී ප්‍රශ්න විචාර තරඟ රාත්‍රියක අත්දැකීමක් ගන්න ඔයාටත් පුළුවන් වෙයි.

Appetizers

Crispy Batter Fried Cuttlefish (LKR 780)

cuttlefish rings මෘදු, හැපෙන සුළු සහ soft වගේම රසවත් crispy batter එකක් දවටා තිබුනා. තක්කාලි සෝස් සහ මායෝ සමඟ පිළිගැන්වූ නිසාම මේක අපේ බයිට්ස් මෙනුවේ ප්‍රියතම item එක වුණා. මේසයට ගෙනාපු තරම් ඉක්මනින්ම මේක ඉවර වුන කිවුවොත් හරි.

Omelet (Cheese) (LKR 400)

චීස් ඔම්ලට් කියන්නේ අපේ මේසයට ආපු කෑම වලින් අඩුම ජනප්‍රිය කෑමක්. රසය ගැන නම් පැමිණිලි කරන්න තරම් දෙයක් නැතිවුනත් මේ ගැන නම් කියන්න තරම් වැඩි දෙයක් තිබ්බේ නැහැ.

Mains

Rice and Curry (Chicken) (LKR 400)

බට්ලර්ස්ගේ ආකර්ෂණය වැඩි සහ වඩාත් ජනප්‍රිය කෑම වලින් ප්‍රධාන තැනක් ගන්නේ එයාලගේ දිවා ආහාරයට තියෙන විශේෂ Rice and Curry එක. LKR 400 දීලා ඔයාට ව්‍යංජන 5 ක් එක්ක කීරි සම්බා බත් ලබාගන්න පුළුවන්. අපි කුකුළු මස් කෑම එකක් තෝරා ගත්තා. අපේ පිඟානේ තිබ්බ හැම ව්‍යංජනයක්ම රසට තිබ්බා කියලා නම් අනිවාර්යෙන්ම කියන්න ඕනේ.

Chicken curry: සැර රසයක් තිබුනා වගේම සුවදින් සහ රසයන්ගෙන් පිරි තිබුනා.

Beetroot curry: හොඳ Creamy ගතියක් තිබුණා වගේම හරි ගානට උයලා තිබුනා.

Green bean and cauliflower curry: මේ ව්‍යංජනය මෘදු ගතියට තිබ්බා වගේම bean වලින් පොඩි පැණි රසයක් එකතු කරලා තිබුණා. මේක කුකුළු මස් හා බීට්රූට් එක්ක ගොඩක් හොඳට ගැලපුනා කිවුවොත් හරි.

Bitter gourd salad: සිහින්ව කපලා බැදපු කරවිල වල ස්වාභාවික තිත්ත රසය වගේම නැවුම් දෙහි රසකුත් තිබුණා.

Dhal: බත් එක්ක අනිවාර්යය දෙයක් වෙන මේ පරිප්පු ව්‍යංජනයේ මෘදු බවක් වගේම රසයත් හොඳට තිබුණා

Nasi Goreng (seafood) (LKR 1150)

දෙන්නෙකුට සැහෙන්න ලැබුණත් starters සහ sides එක්ක නම් මේක 3 දෙනෙකුට හොඳටම ප්‍රමාණවත්. වැඩිය වියළි ගතියක්, greasy ගතියක් නොතිබුණා වගේම මේකේ හොද සැර රසයක් තිබුණා. මේකත් එක්ක ලැබුණ චිලී පේස්ට් එකේ පැණි රසක් තිබුණත් එකත් මේකට ගැළපෙන විදිහට තිබුණා.

Salt and Pepper Pork (LKR 750)

side dish එකක් විදිහට menu එකේ තිබුණ මේ dish එක අපේ බත් එකත් එක්කනම් හොඳටම ගැලපුනා. සිහින්ව කපලා රන්වන් පාට වෙනකන් බැදගත්ත හැපෙන සුළු ඌරු මස් ශ්‍රී ලාංකික -චයිනිස් රෙස්ටුරන්ට් එකකින් අපිට ගන්න පුළුවන් salt and pepper pork එකක් තරම්ම රසවත්. රසයෙන් පිරි තිබුණ මේ dish එක සීතල බියර් එකක් එක්ක හෝ වයින් එකක් එක්කත් හොඳට ගැළපෙනවා.

Sweet and Sour Prawn (LKR 800)

කළමණාකරුම නිර්දේශ කරපු,ඉස්සන් කියන්නේ චීන විලාසිතාවේ ෆ්‍රයිඩ් රයිස් එක්ක ගන්න ගොඩක් ගැළපෙන කෑමක්. මේ ඉස්සන් Side එක 3 දෙනෙකුට සුදුසු වෙනවා වගේම,ළූණු,කැරට් සහ අන්නාසි අඩංගු වෙලා තිබුණ නිසා juicy වගේම නැවුම් ගතියක් පිඟානට එකතු වුණා.

Grilled Chicken (LKR 1760)

Creamy බිම්මල් sauce එකක් උඩින් දාපු leg joint එක ගොඩක් juicy ගතියට තිබුණා. කුකුල් මස් ගොඩක් soft වගේම එකට උඩින් දාලා තිබුන sauce එකේ සාමාන්‍ය ප්‍රමාණයේ හතු කැබලි දැකගන්න තිබුණා. savoury ගතියට වගේම රසයන් වලින් පිරිලා තිබුණ මේ dish එකට පොඩි ලුණු රසයක් සහිත අතෙන් කපන ලද හැපෙනසුළු fries එකතු කරලා තිබුණා.

Ambience

ලී furniture වගේම, අළු,නිල්,කළු පාට මෙතැනට එකතු කරලා තිබුණ නිසා නවීණ පන්නයක් මෙතැන තිබුනා. නවීණ තාලයේ ච්ත්‍ර බිත්තිවල එල්ලා තිබුණා වගේම ලණු වලින් විදුලි බුබුළු පහළට වැටෙන විදිහට එල්ලා තිබුණා. හොඳට ඉඩ තිබුන නිසා වගේම ලොකු ජනෙල් තිබුණ නිසා ස්වභාවික ආලෝකයත් ප්‍රමාණවත් තරම් මෙතනට ලැබුනා.

Service

කොවිඩ් 19 නිසා පොඩි කාර්ය මණ්ඩලයක් එක්ක වැඩ කරන්න එයාලට සිද්ධ වුණත් බට්ලර්ස් එකේ කාර්ය මණ්ඩලය ගොඩක් මිත්‍රශීලී වගේම අවධානයෙන් අපිට කෑම තෝරාගන්න යෝජනා හා නිර්දේශ ලබාදුන්නා විතරක් නෙමෙයි අපිට එතැන අපට සුවපහසු තැනක් කරන්න වගබලා ගත්තා. අපි දවල් ආහාර වේලේ ගොඩක් උච්චතම වේලාවේ එතැනට ගිය නිසා rice and curry ලබාගන්න එතැනට ළග පාත කාර්යාලවල ගොඩක් පිරිසක් පැමිණිලා හිටියා. ඒතරම් විශාල ඇණවුම් ප්‍රමාණයක් වගේම හිතාගන්න බැරි තරම් කාර්යබහුල kitchen එකක් වුනත් එයාලා අපේ අවශ්‍යතා ගැන අවධානයෙන් ඉන්න සමත් වුණා.

service එක අතරතුර කාර්ය මණ්ඩලය මුහුණු ආවරණ පැළඳ සිටියා වගේම අපි ඇතුල් වෙන අවස්ථාවේදී අපිට සැනිටයිසර් ලබාදෙන්නත් අමතක කලේ නැහැ.

Tip – LKR 400 මුදලකට දිවා ආහාරයට rice and curry හොඳ option එකක්. නමුත් එයාලගේ නාසි ගුරන්ග් එකත් අතපසු කරන්නම බැරි දෙයක්.යාලුවෙක් එක්ක ගිහින් එකත් බෙදාගෙන කන්න. ඔයා ඒ ගැන පසුතැවෙන්නේ නැහැ කියලා මට විශ්වාසයි.

Leather සපත්තු වැඩි කාලයක් පාවිච්චි කරන්නනම්, මේ දේවල් දැනගන්න

editor

විලාසිතා කියන්නෙ බොහෝ දෙනෙක් උනන්දු වෙන විෂය ක්ෂේත්‍රයක්. වයස, ගැහැණු පිරිමි භේදය වගේ විවිධ සීමා වලින් එහාට ගිහින් විලාසිතා කියන දේ ගැන හැමෝම උනන්දු වෙන්නේ තමන්ව ආකර්ෂණීය විදිහට පෙන්වාගන්න හැමෝම කැමති නිසයි. විලාසිතා ගැන කතා කරද්දී ඔබේ සපත්තු යුගලයට ලැබෙන්නේ විශේෂ තැනක් බව සමහර විට ඔබ නොසිතන්න ඇති. නමුත් ඒ කතාව ඇත්තක්. මොන තරම් ලස්සන ඇඳුමක් ඇන්දත්, ඒ ඇඳුමේ Brand එක මොකක් වුනත්, කොච්චර මිළ අධික වුනත් ඔබේ සපත්තු යුගල ඒ ඇඳුමට ගැලපෙන්නේ නැතිනම් ඒ අඩුපාඩුව බොහෝ දෙනෙකුට දැනෙන්න පුළුවන්. එයින් අනිකා ඔබ ගැන මවා ගන්නා ප්‍රතිරූපය ඔබට හානිකර වෙන්නත් පුළුවන්. ඒ නිසා ඔබ අනිවාර්යෙන්ම ඔබේ සපත්තු ගැනත් සැළකිලිමත් වීම අත්‍යවශ්‍යයි.

තරුණ පිරිමින් අතර වගේම කාන්තාවන් අතරත් වැඩ ජනප්‍රිය සපත්තු වර්ගයක් තමයි සම් ආශ්‍රිතව නිෂ්පාදනය කළ සපත්තු. හොඳම ස්වභාවික සම් (Pure leather) සපත්තු වෙළඳපොලේ තියනවා වුනත් ඒවා ඉතා මිළ අධික වන්නට පුළුවන්. ඒ නිසාම විවිධ ආදේශක සමගින් මේ සපත්තු නිර්මාණය කිරීම වර්ථමානයේදී සිදු වනවා. ඔබට තෝරා ගැනීමට පහසු සහ දැරිය හැකි මිළ ගණන් වලින් අගනා නිමාවකින් නිෂ්පාදන වෙළඳපොලෙන් සොයා ගැනීම මේ වෙනකොට එතරම් අපහසු වැඩක් නොවෙයි. සපත්තුව නිර්මාණය කරේ ස්වභාවික ලෙදර් වුනත්, කෘතීම ලෙදර් වුනත් ඔබ සැළකිලිමත් විය යුතු ප්‍රධානම කාරණයක් තිබෙනවා. ඒ තමයි, ඔබේ සපත්තුව නඩත්තු කරන්නේ කොහොමද කියන කාරණය. විලාසිතාවට අනුව නියමිත වර්ණයෙන් සහ හැඩයෙන් යුතු වටිනා සපත්තු යුවලක් පැළඳ ගත්තා වුනත් ඒ සපත්තු දෙක නිසි පරිදි නඩත්තු කොට නොමැති නම්, ඒත් ඔබ අපහසුතාවට පත්විය හැකියි. ඒ නිසා Leather සපත්තු යුගලක් නිසි පරිදි නඩත්තු කරගන්නේ කොහොමද කියන කාරණය ගැන ඔබව දනුවත් කරන්න අපි සූදානම්. මේක වැඩිපුරම වැදගත් වන්නේ Leather සපත්තු අඳින පිරිමි පාර්ශවයට විය හැකියි.

සපත්තු නඩත්තුව ගැන මේ තරම් සැළකිලිමත් වෙන්න අවශ්‍ය ඇයි කියල ඔබට සමහරවිට ගැටළුවක් මතුවෙන්න පුළුවන්. Leather ආශ්‍රයෙන් කළ සපත්තු යුවලක් නම් කොහොමත් මිළ අධික බව ඔබ ඉතා හොඳින් දන්නවා. ඒ වගේම කෘතීම Leather නිෂ්පාදනයක් වුනත් වෙළඳපොලේ තරමක් වැඩි මිළකට අළෙවි වනවා. ඒ නිසා නිතර නිතර සපත්තු මිළදී ගැනීම තරමක් අසීරු වැඩක් වෙන්න පුළුවන්. ඒ නිසා මිලදි ගත් සපත්තු යුගලේ කල්පැවැත්ම ගැන ඔබ අනිවාර්යෙන්ම සැළකිලිමත් විය යුතුයි. එහෙම නම් වැඩි කාලයක් හානියක් නොවී පාවිච්චි කරන්න නම් ඔබ අනිවාර්යෙන්ම ඔබේ සපත්තු යුගලය නිසි පරිදි නඩත්තු කළ යුතු වනවා. ඒ වගේම ඔබේ සපත්තුවේ ලස්සන හරියාකාරව පෙන්න නම් ඔබ අනිවාර්යෙන්ම සපත්තු නිසි නඩත්තුවක් සහිතව පාවිච්චි කළ යුතුමයි. කලක් පාවිච්චි කළ සපත්තු යුගලක් වුනත් හරියාකාරව නඩත්තු කරනවා නම් අලුත් වගේම දීප්තිමත් පෙනුමක් පවත්වා ගැනීමට හැකියාව තිබෙනවා. ඒ නිසයි gasma.lk කියවන ඔබව මේ ගැන දැනුවත් කරන්න අපි සැලසුම් කලේ.

සපත්තු පිරිසිදු කිරීම ගැන ඔබ දැනුවත්ද..? බොහෝ දෙනෙක් ඔව් කියල පිළිතුරු දේවි. නමුත් ඔබ කියන පිරිසිදු කිරීම මොකක්ද කියල විමසා බැලුවොත් බොහෝවිට ඒ නිවැරදි ක්‍රමය නොවෙයි. ඔබ සපත්තු පිරිසිදු කිරීමට වතුර හෝ වතුරෙන් තෙමු Cotton රෙද්දක් වැනි යමක් භාවිතා කරනවා විය හැකියි. බොහෝ දෙනෙකුගේ පුරුද්ද මෙය බව අප අසා තිබෙනවා. නමුත් දැනුවත් වන්න. ඔබේ ක්‍රමය සම්පුර්ණයෙන්ම වැරදියි. සපත්තු භාවිතා කිරීමෙන් පසුව වතුර භාවිතයෙන් පිරිසිදු කිරීම මගින් ඔබේ සපත්තුවට වඩා වැඩි වේගයකින් හානි සිදුවිය හැකියි. මේ වෙනුවෙන් වෙළඳපොලේ තියෙන පිරිසිදුකාරකයක් භාවිතා කිරීම අනිවාර්යෙන්ම කළ යුතුයි. මේ පිරිසිදුකාරක සමහරවිට මිළ අධික නේදැයි ඔබට හිතෙන්නට පුළුවන්. නමුත් ඒ වෙනුවෙන් ඔබ ආයෝජනය කරන මුදල නිසා ඔබේ සපත්තු තවත් බොහෝ කාලයක් පාවිච්චි කරන්න ඔබට අවස්ථාව ලැබේවි. ඒ වගේම ක්ලීනර් එකකින් පිරිසිදු කරගත් සපත්තුව සපත්තු පොලිෂ් එකක් භාවිතයෙන් ඔප දැමීමත් කළ යුතුමයි. ඔප දැමීමෙන් ඔබේ සපත්තුවේ සැමට අවශ්‍ය සත්කාරය ලැබෙන නිසා එය වැඩිකලක් පාවිච්චි කිරීමට හැකියාව ලැබෙනු ඇති.

මතක තබාගත යුතු තවත් වැදගත්ම කාරණයක් තමයි ඔබ සපත්තුව පාවිච්චි කිරීමෙන් පසුව අනිවාර්යෙන්ම පිරිසිදු කළ යුතුයි. ලංකාව වගේ රටක ඔබ සපත්තු පැළඳගෙන එදිනෙදා වැඩකටයුතු වෙනුවෙන් එහා මෙහා යද්දී නොයෙක් දේ ඔබේ සපත්තු වල තැවරීමට ඉඩකඩ තියෙනවා. ඒවා ඔබට වළක්වා ගැනීමට අපහසු දේවල් විය හැකියි. ඔබට කළ හැකි එකම දේ නම්, දෛනිකව සපත්තු පිරිසිදු කිරීමයි. ඔබ පිරිසිදු කිරීම නොකළොත් සපත්තු මත විවිධ පල්ලම් ඇතිවනවා වගේම ඒවා දිගුකාලීනව රැඳීම නිසා සපත්තුවෙන් ඒවා ඉවත් කිරීමට නොහැකි තත්වයට පත්වෙන්නත් පුළුවන්. ඒ නිසා වෙහෙස මහන්සිය නොසලකා භාවිතයෙන් පසු ඔබේ සපත්තු යුගලය පිරිසිදු කිරීමට වගබලා ගැනීම වැදගත්.

ඔබ සම් සපත්තු යුගලයක් මිළදී ගත් සැනින් හැකි නම් ජලය උරා නොගන්නා ආලේපනයක් සපත්තුවේ ආලේප කරන්න. එසේ කිරීමෙන් සපත්තුවේ සමට ජලය උරා ගැනීම සිදු නොවනවා වගේම ජලය උරා ගැනීමෙන් සිදුවන දිගු කාලීන හානි අවම කරගැනීමටත් ඔබට හැකිවේවි. සපත්තුවේ සමට ජලය උරා ගැනීම නිසා එහි හැඩය පවා වෙනස් විය හැකි බව ඔබ නොදැනුවත් වන්නට පුළුවන්. නමුත් එය ඉතා සුලභ සිදුවීමක්. ඒ නිසා පූර්ව ආරක්ෂණ ක්‍රමයක් ලෙස මේ ආලේපන භාවිතා කළ හැකි නම් එය වැඩ වැදගත් විය හැකියි. ඒ වගේම ඔබේ සපත්තු යම් හේතුවක් නිසා දැඩිව වතුරට නිරාවරණය වුනොත් ඒවා පත්තර පිටු ආධාරයෙන් වියළා ගන්න. ඔබට මේ සඳහා පේපර් සර්වියට් භාවිතයත් කළ හැකියි. එසේ නොවී අවුවට හෝ වෙනත් අධික තාපයට අල්ලා වියළීමට තැත් කිරීම ඔබේ සපත්තුවේ කල්පැවැත්මට හානි පමුණුවන්නක් විය හැකියි.

ඔබේ සපත්තුවට යම් හානියක් සිදුවූ බව ඔබට දැනුනොත් මුල් අවස්ථාවේම ඒ හානිය සකස් කරවා ගන්න. කිසිදු හේතුවක් නිසා විවිධ ආදේශක සමගින් ඔබම මේ සපත්තු සකස් කිරීමට උත්සාහ කිරීමෙන් වළකින්න. ඒ වෙනුවෙන් අවශ්‍ය කරන ආම්පන්න ඔබ සතුව නොමැති බව හොඳින්ම දන්නවා ඇති. ඒ නිසා පළපුරුදු වෘත්තීය සපත්තු සාදන්නකු මගින් ඒ හානිය සකස් කරවා ගැනීමෙන් තවත් වැඩි කලක් ඔබේ සපත්තු යුගලය භාවිතා කිරීමට හැකිවේවි.

සපත්තු දැමීම හැමෝම සාමාන්‍යෙන් කරන දෙයක්. නමුත් ඒ සපත්තු හරියාකාරව නඩත්තු කිරීමේ ක්‍රමය දන්නේ එයින් අතලොස්සක් පමණයි. ඔබේ සපත්තු යුගල නිසි පරිදි නඩත්තු කරන්න. අනවශ්‍ය මුදල් නාස්තියක් වළක්වා ගන්නවා වගේම ඔබේ කඩවසම් පෙනුම වැඩි කරගන්නත් ඔබට හැකියාව ලැබේවි.

-එන්. වෙහෙරදූව-

ශ්‍රී ලංකාවේ හොඳම තේ වර්ග ගැන ඔබ දැනුවත්ද..?

editor

ආහ් ..! ශ්‍රී ලංකාවේ තේ වලට වඩා විශේෂ දෙයක් තියෙනවාද? මට නම් ඒක ප්‍රශ්නයක්. තේ එකක් පෙරන හැඟීම හරියට සාදරයෙන් පිලිගන්නවා කියන එක තේරුම් කරනවා වගෙයි. ඒක ශ්‍රී ලංකාවේ අනන්‍යතාවයක්.

ශ්‍රී ලාංකිකයින් විදිහට මේ රන්වන් කහට කෝප්පය අපි ආසම කරන list එකේ මුලින්ම තියෙනවා. අලුත් සතියක නැවුම් ආරම්භකදී, සතිඅග දවස් වල busy වෙලාවල් වලදී mult-tea-task වැඩකදී, සතිඅග නිවන්හරින උදෑසනක sereni-tea එක enjoy කරද්දී,කොටින්ම කිව්වොත් හැම opportuni-tea එකකදීම අපි උණුසුම් කහට කෝප්පයක් රස විඳින්න ආසයි.

තේ නිෂ්පාදනයේ ලෝකෙන්ම තුන්වැනි ස්ථානය හිමි කරගෙන තියෙන්නේ ශ්‍රී ලංකාව. ceylon tea කියන symbol එකෙන් ගොඩක් quality black tea මුළු ලෝකෙටම බෙදාහරින්නේ ලංකාව තමයි. ඒක හරි..මෙන්න මේ තේ දළු, කෘෂිකාර්මික ආනයන ආදායමට 65% කින් දායක වෙනවා. GDP එකට 2% සහ සෘජුව හා වක්‍රව සේවකයින් මිලියන දෙකකට(ඒ කියන්නේ ලංකාවේ ජනගහනයෙන් 10%)රැකියා අවස්ථා ලබා දීලා තියෙනවා. ceylon tea විශේෂිත තේ වර්ගයක් විතරක්ම නෙවෙයි. ලංකාවේ නිෂ්පාදනය කර ආනයනය කරන බවට ශ්‍රී ලාංකික වෙළෙඳ නාමයයි. කලින් මේක හැඳින්වුනේ ceylon කියලා.

Ceylon tea කියන්නේ ස්වභාවධර්මයේ අද්විතීය නිර්මාණයක්. රසයට එහා ගිය සෞඛ්‍යයාත්මක ගුණයක් තියෙන සුවකිරීමේ හැකියාවක්ද තියෙන පැළෑටියක්. වෙනස් කලාපවල හැදෙන හේතුව නිසා මේකේ taste එකේ විවිධත්වයක් තියෙනවා. ඒ නිසා රසයන් එකකට එකක් වෙනස්. Ceylon tea වැවෙන කලාපවල පස්,භූගෝල පිහිටීම,දේශගුණය නිෂ්පාදන ක්‍රියාවලියට අනුව එකිනෙකට වෙනස් වූ identity එකක් තියෙනවා.

තේ සඳහා අපි තුළ ලොකු ඇල්මක් තිබුණත් තේ වල මූලාරම්භය සහ නිෂ්පාදනය ගැන වැඩි අවබෝධයක් අපිට නෑ. උදාහරණයක් විදිහට ශ්‍රී ලංකාවේ තේ නිෂ්පාදනයේ කලාප හතක් තියෙනවා කියලා ඔයාලා දන්නවද? Black tea සහ Green tea වලට අමතරව white tea අපේ රටේ නිෂ්පාදනය කරන බව ඔබ දන්නවාද?

Ceylon Tea වර්ග

Ceylon black tea

මේ තේ තමයි ශ්‍රී ලංකාවේ වැඩියෙන්ම නිෂ්පාදනය කරන්නේ. මෙහි හැපෙන සුළු අමුතුම පැඟිරි රසක් තියෙනවා. මෙම රසය ලබා ගන්න අවශ්‍ය භුමික වටපිටාවක් සහිත වතු ගණනාවකම මේවා වගා කරනවා.

Ceylon green tea

මේ තේ එකේ සාමාන්‍යයෙන් nutty and malty flavor එකක් තියෙනවා. ඒ වගේම මේවයෙ grades තියෙනවා. OP full leaf green tea (High grade tea අළෙවි කරාට පස්සේ ඉතුරු වන කෑලි) සහ Dust green tea.

Ceylon white tea

මේ තේ එකත් grades දෙකකට divide කරනවා. Silver tips/Silver needle white tea සහ Golden tips/Golden needle white tea.මේ තේ වල වටිනාකම සාමාන්‍යයෙන් අනිත් තේ වලට වඩා වැඩියි. මොකද මේවා නිශ්පාදනයේදී වැඩි සේවක පිරිසක් ඕනි. ඒ වගේම තේ දල්ලේ උඩම tip එක තමයි මේකට ගන්නෙ. තේ එක හරිම රසවත් සුළු මධ්‍යසාර රසයක් සමඟම පයින් හා මී පැණි, golden coppery තැම්බුම් සාරයක් තියෙනවා.

දිස්ත්‍රික්ක

ප්‍රංශයේ wine-growing කලාප වගේ ශ්‍රී ලංකාවේ එකම රසයක් හා ගුණාංගයක් සහිත කලාප හෝ දිස්ත්‍රික්ක strictly define කරලා තියෙනවා. ශ්‍රී ලංකාවේ තේ නිපදවන දිස්ත්‍රික්ක හතක් තියෙනවා. සාමාන්‍යයෙන් කතාවට කියන්නේ 7 කියන නම්බර් එක සම්පූර්ණත්වය, පරිපූර්ණත්වය සහ ස්වර්ගය සංකේතවත් කරනවා වගේ කියලා.

හැම කලාපයකම දේශගුණයෙහි හා භූමි ප්‍රදේශවල අද්විතීය සංයෝජනයක් තියෙනවා. තේ දල්ලෙන් නිපදවන තේ වර්ගය අඳුරගන්න පුළුවන්. ඇත්තෙන්ම උප දිස්ත්‍රික්ක වලට සාපේක්ෂව තනි වතු වල තියෙන කලාපීය ස්වභාවය පළපුරුදු පරීක්ෂකයන්ට ඉක්මනින් හඳුනා ගන්න පුළුවන්.

ශ්‍රී ලංකාවේ තේ කලාප

ශ්‍රී ලංකාවට කලාප 7 ක් තියෙනවා .
මේවා උස ප්‍රමාණ 3 කට අනුව වර්ග කරනවා.

High grown- තේ මුහුදු මට්ටමේ සිට අඩි 4000 – 6000 ඉහලට (මීටර් 1200 -1800) ක.

Mid grown – මුහුදු මට්ටමේ සිට අඩි 2000 – 4000 (මීටර 600 – 1200) අතර වගා කරන තේ.

Low grown – මුහුදු මට්ටම සහ අඩි 2000 (මීටර 600) අතර වගා කරන තේ.

උඩරට “Itensely full-bodied”

නුවර කියන්නේ මධ්‍යම පළාතේ තියෙන දිස්ත්‍රික්ක තුනේන් මැද තියෙන දිස්ත්‍රික්කය.(නුවරඑළියට උතුරින් ,මාතලේට දකුණින්)

1867 James taylor තමයි තේ වගාව මුලින්ම ආරම්භ කලේ. නමින් loolecondera estate අක්කර 19 ක plantation එකක්.

ඔහුම 1872 යන්ත්‍රසූත්‍ර සහිතව tea factory එකකුත් open කරා. ඒ තමයි loolecondera tea අළෙවි කරපු පළවෙනි අවුරුද්ද.

මේ තේ සලකන්නෙ mid grown tea කියලා. මොකද ඒවා වගා කරන්නේ මුහුදු මට්ටමේ ඉඳලා අඩි 2000-4000 ඉහලට වෙන්න (600m-1200m)1300m වඩා අඩුයි.

මෙහි වෙනස් tea grades වගේ දළු කොටස් ප්‍රමාණයක් තියෙනවා. මේකෙ රසය වෙනස් වෙන එක තීරණය වෙන්නේ තේ වතු වල මුහුදු මට්ටමේ සිට ඇති උස සහ මෝසම් සුළං වලින් වැවිලි රැකවරණය වෙනවාද නැද්ද කියන කාරණා මතයි.

උඩරට තේ වතු වැඩි වශයෙන් දකින්න තියෙන්නෙ බටහිර බෑවුම් වල .මේක ගොඩක් රසවත් වෙන්නේ “western quality season…” එකේදී . ඒ කියන්නේ අවුරුද්දේ පළවෙනි කාර්තුවේ තියෙන සීත හා වියළි දේශගුණයත් සමගයි.

උඩරට තේ එකේ copper tone එකත් එක්ක bright mix එකක් තියෙනවා. රුහුණු සහ සබරගමු පහත් කලාපීය නිෂ්පාදනයන්ට වඩා උඩරට තේ ශරීරයට නව ප්‍රබොධයක් ශක්තියක් ලබා දෙනවා. උඩරට තේ වලට whole leaf එකයි. Semi broken ඒ කියන්නේ OP, Black tea,OPA,OPA,BOP, BOPF සහ green tea දලා තියෙනවා.

නුවරඑළිය “delicately fragrant”

නුවරඑළිය tea region එක තියෙන්නේ, මුහුදු මට්ටමේ ඉඳන් අඩි 6000 ක් විතර උඩින්. මේ පළාතට ” champagne province” කියලත් කියනවා. ශ්‍රී ලංකාවේ තේ වගා කරන පළාත් අතරින් ඉතාමත් ප්‍රසිද්ධ වගේම ඉහල ගුණාත්මක තේ කොළ නිෂ්පාදනය කරන්නේ නුවරඑළි පළාතයි.මේ පළාතේ තියෙන අඩු උෂ්ණත්වය හින්දම තේ කොළ වල ගුණාත්මක බවත් වැඩියි. (වර්ෂයේ සාමාන්‍ය උෂ්ණත්වය 11c – 20c )

නුවරඑළියට සාමාන්‍යෙන් බටහිර-නැගෙනහිර කාලගුණ දෙකම නිරාවරණය වෙනවා . වැඩි වැස්සක් වහින මාසේ ඔක්තෝම්බර් වගේම අඩුවෙන්ම වැස්ස ලැබෙන මාසේ මාර්තුයි. සාමාන්‍යයෙන් වාර්ෂික වර්ෂාපතනය මිලි මීටර් 1900 යි.(65%-87%) උෂ්ණත්වය අඩු නිසා තේ පදුර වැවෙන්නේ හුගක් හිමීට. තේ කොළ පොඩියි වගේම දොඩම් පාටක් ගන්නවා.

මේ තේ එකේ පාට වෙන කිසිම ceylon tea එකකට සමාන කරන්න බෑ. මේ තේ කොප්පේ තියෙන orange golden පාට වගේම රසත් අද්විතීයයි. නුවරඑළි තේ වල whole-leaf orange pekoe (OP) හා broken orange pekoe ( BOP) වැඩි ඉල්ලුමක් ඇති තේ කොළ වර්ගයි.

**උඩ පුස්සැල්ලෑව
“exquisitely tangy”*

උඩුපුස්සැල්ලෑව දිස්ත්‍රික්කය තියෙන්නේ නුවරඑළියට ළඟ .ඉතින් උඩරට කඳුකර පැත්තෙ තියෙන තේ වගේම මේ තේ කොළත් හරිම රසයි . මුහුදු මට්ටමේ ඉඳන් අඩි 5000- 6000 වෙන්න උසින් මේ වතු තියෙන නිසා high – grown කියලා කියනවා.

උඩ පුස්සැල්ලෑව හරිම ආශිර්වාදමත්. ඒ ඇයි දන්නවද? ඒ පැත්තට බටහිර ,නැගෙනහිර කාලගුණ දෙකම නිරාවරණය වෙනවා .නොවැම්බර් – ජනවාරි වෙනකන් වැහි කාලෙත් ,ජුනි – සැප්තැම්බර් වෙනකන් වියළි කාලෙත් නිසා තේ කොළ ඒ ඒ කාලගුණේට වෙනස් රස වලින් වගේම ,වෙනස් ප්‍රමාණවලින් නිෂ්පාදනය කරන්න උඩුපුස්සැල්ලෑව වතු හිමියන්ට පුළුවන් වෙලා තියෙනවා .

තේ කෝප්පේ තද රෝස පාටයි. ඒ නිසා මේ තේ කොප්පේ දකින කාගෙත් සිත් ඇද ගන්නවා .පුස්සැල්ලෑව තේ කොප්පේ පාට නිසාම අනිත් පළාත්වල තේ වලට වඩා පැහැදිලි වෙනසක් දකින්න පුළුවන් .

දිඹුලාන “Refreshing Mellow”

නුවරඑළියත් – හෝර්ටන් තැන්නත් අතර මැද වගේ තමයි දිඹුලාන තියෙන්නේ. දිඹුලාන වැවෙන තේවලට කියන විශේෂ නමක් තියෙනවා “high – grown” නැත්නම් “ඉහළ වැඩුණු” කියලා . මෙහෙම කියන්න හේතුව තමයි, දිඹුලාන දිස්ත්‍රික්කයේ තියෙන්නේ මුහුදේ ඉඳන් අඩි 3500ක් 5000ක් විතර උඩින් . ඉතින් ශ්‍රී ලංකාවේ ඉහළින්ම වැඩෙන තේ තියෙන නිසා,”දිඹුලාන තේ” හරිම විශේෂයි. දිඹුලාන දිස්ත්‍රික්කයේ golden valley, ඉහළ කොත්මලේ, මස්කෙළිය , රම්බොඩ, පහළ දික්ඔය වගේ උප දිස්ත්‍රික්ක ටිකක් තියෙනවා. ඔන්න…දෙසැම්බර් ඉඳන් මාර්තු වගේ නම් දිඹුලාන පැත්ත ටිකක් සීතලයි වගේම වේලුනු ස්වභාවයක් තියෙන්නේ. වැස්සක් නම් පේන තෙක් මානෙක නෑ. හැබැයි.. මැයි ඉදන් දෙසැම්බර් වෙනකන් නම් හොදටම වහිනවා. හැම අවුරුද්දකම මේ වගේ climate දෙකක් තියෙන නිසා දිඹුලාන තේ නිෂ්පාදනය කරද්දි මේ ගැන විශේෂ අවධානයක් දෙනවා. ඒකට හේතුව තමයි, මේ වෙනස් වෙන කාලගුණයත් එක්ක තේ කොළ වල රසයත් වෙනස් වෙනවා.
දිඹුලාන තේ හරිම ලස්සනයි වගේම තඹ රතුවට දිස්නේ ගහනවා. Golden valley පැත්තේ තේ කොළ නම් කෝප්පෙට වැටුනහම රන් තැඹිලි පාටයි. දිඹුලාන සමහර වතුහිමියෝ මාර්තු-මැයි වගේ කාලෙදී තේ කොළ හදනවා. ඒ තේ වල සුවඳ jasmine , cypress Mix වුනා වගේ .ඒ තරම් western aroma එකක් තමයි ඒ තේ කොළ වලින් එන්නේ. වැහි කාලෙදියි සීතල තියෙන කාලෙදියි තේ කොල වල රසය හොඳ උසස් තත්වයක තියෙනවා.( උඩපුස්සැල්ලාව නිෂ්පාදනය කරන තේවල රසයට සමානයි) හරියටම කියනවනම් දිඹුලාන තේ කොළ වල තියෙන රන්වන් පාටයි, රසයයි නිසා life එකම refresh කරනවා.

ඌව ” exotically aromatic”

ඌව පළාත අනිත් තේ නිෂ්පාදනය කරන පළාත් වලට වඩා ටිකක් වෙනස්. වික්ටෝරියාවේ අධිරාජවරයෙක් වන thomas lipton ඌව පලාතේ වගා කරපු තේ වලින් තමයි ඇමෙරිකානුවන්ට තේ බොන්න මුලින්ම පුරුදු කළේ . ඒ නිසා ඌව පළාත තේ වලට ගොඩක් විශේෂ පළාතක්. ඊසානදිගයි, නිරිතදිගයි මෝසම් හුළං සාමාන්‍යයෙන් ජූලි මාසේ අග අගෝස්තු මැද වගේ වෙද්දි ඌව පළාතට ලං වෙනවා .මේ සුළඟ නිරාවරණය වෙන නිසා,ඒ තේ කොල වල අමුතුම ගුණයක් තියෙනවා .

ඌව පළාතේ තේ කොළ වලට විදේශිකයන්ගෙත් ඉහළ ඉල්ලුමක් තියෙනවා. මේ තේ කොළ එතරම්ම විශේෂ වෙන්න හේතුව තමයි ,මෝසම් හුළං නිසා තේ කොළ වේලෙනවා .ඒ නිසා තේ කොළ ඇතුලෙ තියෙන ශෛලවල ජල ප්‍රමාණය අඩු වෙනවා. මේ නිසා කොළේ තියෙන ජලය ඝන වෙනවා . තේ කොළ වල අමුතුම රසයක් වගේම හොඳ මිහිරි සුවඳකුත් එන්නේ මෙන්න මේ නිසයි.

මේ තේ කොළ හුළගට වේලෙන නිසා සාමනයෙන් අනිත් පළාත් වලට වැඩිය තේ කොල කළු පාටයි. Uva තේ එකක් බීපු කෙනෙක්ට නම් ඒ රහ අමතක වෙන්නෙම නැහැ .

සබරගමුව “Exceptionally stylish”

කදුකර පැත්තේ විතරක් නෙමෙයි.ලංකාවේ තැනිතලා පළාත් වලත් තේ වවනවා. මේ නිසා ලංකාවේ තේ කිවාම එකට එකක් දෙවෙනි වෙන්නේ නෑ. සබරගමුවේ වැවෙන තේ වලට කියන්නේ low – grown කියලා. තේ වැවෙන්නේ මුහුදු මට්ටමේ ඉඳලා 300m උඩින්. සබරගමු කියන්නේ ශ්‍රී ලංකාවේ වැඩිපුරම තේ වගාකරන පළාතයි. මේ පළාත රටේ බටහිර, මධ්‍යම ,නිරිතදිග, කඳුකර පළාත් ආවරණය කරනවා .රත්නපුර, රක්වාන, කළුතර, මාතර, වැලිගම, සබරගමුවේ උප දිස්ත්‍රික්කයි.

මේ පළාතේ උඩහ තියෙන වගාවන් තියෙන්නෙ සිංහරාජ වනාන්තරේට මායිම් වෙලා. ඒ පරිසරයේ තියෙන වැහිබර ගතිය හින්ද ම සබරගමු පහළ කොටසේ වගා කරන තේ වලට වඩා මේ තේ කොළ වල වැඩි රසක්, ගුණයක් තියෙනවා

රුහුණු තේ පදුරු වගේම සබරගමුවේ තේ පදුරුත් ඉක්මනින් වැවෙනවා. ඒ තේ කොළෙත් දිගයි .ඒ නිසා තේ කුඩු හදද්දි තේ කොළ අඹර ගන්න හරි ලේසියි. ඒ වගේම රුහුණු තේ වගේම සබරගමු තේ එකත් තද කහ, දුඹුරු, රතු පාටක් ගන්නවා. ඒත් මේ තේ වර්ග දෙකේම සුවඳ නම් එකට එකක් වෙනස්.

රුහුණ ” distinctively unique”

මුහුදු මට්ටමේ ඉඳන් මීටර් 600ක් විතර උඩින් රුහුණේ තේ වගා කරන නිසා මේවට “පහළ වැඩුණු” නැත්තම් “Low – grown” කියනවා. මේ තේ වගා කරන හුඟක් ප්‍රදේශ මුහුදට ළඟ තියෙන්නේ .සබරගමු දිස්ත්‍රික්කයේ -රත්නපුර, බලංගොඩ, දෙනියාය, මාතර සහ ගාල්ල කියන්නේ, උප දිස්ත්‍රික්කයි. සබරගමුවේ තේ වවන ප්‍රදේශ වලට මුහුදුබඩ කලාපෙත් සිංහරාජයේ වැසිවනාන්තරත් මයිම් වෙනවා.

රුහුණේ පළවෙනි තේ වගාව පටන් ගත්තේ 1990 . මධ්‍යම කඳුකරයේ කඳු පාමුල ඉඳන් ගල්ල, මාතර දක්වා ඒ පළාත දිගයි . නිරිතදිග මෝසම නිසා රුහුණු පැත්තට වැසි වලින් අඩුවක් නෑ . ඒ වගේම ඉර පායන හොද උණුසුම් කාලගුණයකුත් තියෙනවා. ඒත් මොසම් හුළග නිසා එන වැස්සට බාධා වෙනවා.ඒ නිසා වගාවට ඕන ජලය පොඩි ගංගවල් කිපයකින් ගන්නවා.

රුහුණ කියන්නේ සාමාන්‍යයෙන් පහත් බිමක් හින්ද ඒ තියෙන පස නිසා තේ පඳුරු ඉක්මනින් වැවෙනවා.තේ කොළෙත් දිගයි.රුහුණු තේ තද කලු පාටක් ගන්නවා. ඒ වගේම එක එක ප්‍රමාණයේ තියෙන තේ කොළ නිසා ඒවයේ රසෙත් වෙනස්. “ඉගී” කියන්නේ තේ දළු වල තියෙන උඩම කොටසටයි.මේවායේ රස වගේම ගුණෙත් ඉස්තරම්.

ඔන්න එහෙනම් තේ වලට ආදරේ කරන ඔයාලා…ශ්‍රී ලංකාවේ රසම තේ වගා කරන්නේ කොහෙද ?ඒ තේ වර්ග 7 මොනවද කියලා දැනගත්තා නේද?
එහෙනම් ඔයාටත් පුලුවන් ඔයා ආසම තේ කෝප්පෙක රස බල බලා ජීවිතේට නැවුම් අත්දැකීමක් විදගන්න.

මානසික ආතතිය හොඳයි..

editor

මානසික ආතතිය අපි හැම වෙලාවේම දකින්නේ ගොඩක් නරක දෙයක් විදිහට. වැඩ ගොඩ ගැහිලා වැඩ වල deadlines, පවුල් ප්‍රශ්න, කාර්යබහුල ජීවිතය වගේ දේවල් නිසා ඇත්තටම අපිට ඇතිවෙන්නේ ලොකු මානසික ආතතියක්.

මානසික ආතතිය ඇතිවෙන්නේ කෙනෙක්ට අභියෝගයක් ඇතිවුණාම සහ ඒ අභියෝගයට මුහුණ දෙන්න ඕනේ කරන සම්පත් අතර අසමතුලිතතාවයක් දැනුනහම කියලා ඇමරිකානු විශ්ව විද්‍යාලයේ මනෝ විද්‍යාව පිළිබඳ මහාචාර්ය කැත්ලීන් ගුන්තර්ට් පවසනවා. ඍණාත්මක ආතතිය (වෙන්වීම්) සහ ධනාත්මක ආතතිය (නව රැකියාවක් ආරම්භ කිරීම) කියලා ආතතීන් වර්ග දෙකක් පර්යේෂකයන් විසින් හඳුනාගෙන තියෙනවා.

ඇමරිකානු මනෝවිද්‍යාත්මක සංගමයෙන් කියන විදිහට නම්, නිදන්ගත ආතතිය කියන්නේ “දීර්ඝ කාලීන අභ්‍යන්තර හෝ බාහිර ආතති සිදුවීමකට භෞතික විද්‍යාත්මක හෝ මානසික ප්‍රතිචාරයක්”.සෞඛ්‍යයට අහිතකර ආහාර ගැනීම, සමේ ගැටළු, මොළයේ ප්‍රමාණය කුඩා වීම සහ නිදන්ගත රෝග ඇතිවීම මේ ආතතිය ඇතිවීම අතර සම්බන්ධතාවයක් තියෙනවා.

ඉතින් කොහොම වුණත් විශේෂඥයින් කියන විදිහට නම් ආතතිය නිසා ඇත්තටම යම් ධනාත්මක බලපෑමකුත් ඇති කරන්න පුළුවන්.‘යූස්ට්‍රස්’ කියලා හඳුන්වන දෛනිකව, කළමනාකරණය කරන්න පුළුවන් ආතතියේ මධ්‍යස්ථ මට්ටම වයසට යාම හා ලෙඩ රෝග සමඟ සම්බන්ධ වන ඔක්සිකාරක හානිවලින් ආරක්ෂා වෙන්න උදවු වෙනවා.

ඉතින් ආතතිය ගැන ඔයා කවදාවත් නොහිතපු දේවල් ටිකක් තමයි අද අපි කතාකරන්න යන්නේ

*ආතතිය අපේ උනන්දුව වැඩි කරනවා

අධික මානසික ආතතිය අපේ උනන්දුව අඩු කළත්, සුළු මානසික ආතතිය අපේ වැඩක් දිගටම කරගෙන යන්න ඕනේ වෙන උනන්දුව වැඩි කරනවා. ගුන්තර්ට් පවසන විදිහට නම් “මධ්‍යම මට්ටමේ ආතතියට අපගේ අභිප්‍රේරණය වැඩි කරන්න පුළුවන්,” .

උදාහරණයක් විදිහට, නියමිත දවසකට වැඩක් අවසන් කරන්න තිබෙන නිසා ඇතිවෙන මානසික ආතතිය, ඒ වැඩේ ගැන අපට ඇති උනන්දුව වැඩි කරනවා වගේම ඒ වැඩේ නියමිත කාල සීමාවකදී අවසන් කරන්න තිබෙන නිසා ඒ ගැන විශේෂ අවධානයක් යොමු කරවනවා. “අනේ මට මේ මේ දේවල් කරන්න තියෙනවා” කියලා එත් ඒ දේවල් කරන්න උනන්දුවක් නැතුව ඉඳපු අත්දැකීම් අපි හැමෝටම තියෙනවා. හැබැයි ඒ දේවල් කරලා අවසන් කරන්න තියෙන අන්තිම දවස ලංවෙද්දි මානසික ආතතිය නිසා හදිසියේ ඇතිවෙන උනන්දුව ඔයාටත් අනිවාර්යෙන්ම දැනිලා ඇති.

*මානසික ආතතියට ඔරොත්තු දීමේ හැකියාව සහ දියුණුව වැඩි කරන්න පුළුවන්

මානසික ආතතිය ගැටළු විසදාගන්න මිනිසුන්ට බල කරනවා. ඒ වගේම අනාගතයේදී අත්දැකීම් වලට මුහුණ දෙන්න ඕනේ වෙන විශ්වාසය හා කුසලතා ගොඩනඟා ගන්න උදවු කරනවා කියලා වොෂිංටන් විශ්ව විද්‍යාලයේ වෛද්‍ය විද්‍යාලයේ මනෝචිකිත්සාව හා චර්යාත්මක විද්‍යාව පිළිබඳ මහාචාර්ය පීටර් විටාලියානෝ පවසනවා. නොදෙනුවත්වම අපිට තියෙන ඔරොත්තු දීමේ හැකියාව හා අපි ගැනම අපිට තියෙන විශ්වාසය මානසික ආතතිය නිසා වැඩිවෙනවා.ඔරොත්තු දීමේ හැකියාව සහ විශ්වාසය වැඩි වීමත් එක්ක මිනිසුන්ට අඩු තර්ජනයක් දැනෙනවා වගේම ඒ වගේ තත්ව පාලනය කරගන්න තියෙන හැකියාවත් වැඩිවෙනවා කියලා ඔහු කියනවා.

නිව් යෝර්ක් නගරයේ බලපත්‍රලාභී සායනික සමාජ සේවකයෙකු වෙන ඇලිසන් බර්වාල්ඩ් කියන විදිහට නම් ඔයාගේ භයට හෝ අභියෝග වලට මුහුණ දෙන්න ආතතිය භාවිතා කළොත් ඒවා වළක්වා ගන්නවා වෙනුවට අත්දැකීම් වලින් කටයුතු කරන්න ඔයාට පුළුවන් වෙනවා.ඔයා කළින්ම ඒකට මුහුණ දීලා අත්විදලා තියෙන නිසාම ආපහු බයට පත් වුණායින් පස්සේ , අනාගතයේදී ඒක හසුරවන්න ඔයාට සුදානම් බවක් දැනෙයි.

*ආතතියෙන් සම්බන්ධතා ශක්තිමත් කරගන්න පුළුවන්

ආතතියේ තියෙන පුදුම සහගත වාසියක් තමයි,මුළු සෞඛ්‍යය පද්ධතියටම ප්‍රධාන වෙන අන්තර් පුද්ගල සම්බන්ධතා ගොඩනඟා ගන්න ආතතිය උදවු වීම. . “සමාජ සම්බන්ධතාවය කියන්නේ ශාරීරික හා මානසික සෞඛ්‍ය ගැටලු නැතිකරගෙන,ආරක්ෂා වෙන්න ඕනේ වෙන සාධකයක් ,” කියලයි ගුන්තර්ට් කියන්නේ. මිනිසුන්ට වෙනත් පුද්ගලයෙකුගේ ආදරය හා අවබෝධය දැනෙන කොට එයාලට තනිකම සහ හුදෙකලා බව දැනෙන්නේ ගොඩක් අඩුවෙන්.

උපකාරක කණ්ඩායම්, විටාලියානෝ කියන විදිහට මිනිස්සුන්ට එයාලගේ ආතතිය ගැන අනිත් අයත් එක්ක කතා කරන්න හොඳම තැන තමයි උපකාරක කණ්ඩායම්., උපකාරක කණ්ඩායම් වලින් අනුකම්පාව සහ ධනාත්මක හෝමෝන නිපදවනවා කියලා විටාලියානෝ කියනවා. එකිනෙකාට විවෘත වීමෙන්, එකිනෙකාගේ අරගල ගැන දැනගෙන තමාගේ ප්‍රශ්න සංසන්දනය කරන්න පුළුවන් නිසාම එයාලගේ තිබුන ඍණාත්මක හැඟීම් වෙනුවට ධනාත්මක හැගීම් ඇති කරගන්න පුළුවන් කියලා විටාලියානෝ කියනවා.

මිතුරන් හා පවුලේ අය එක්ක ප්‍රශ්න කතා කරලා අපට ඒ අය එක්ක සබඳතා ගොඩනඟා ගන්න පුළුවන්. “සමහර දුෂ්කර කාලවලදී අපි එකිනෙකාට සහයෝගය නොදැක්වූයේ නම් අපේ ගොඩක් මිත්‍රත්වයන් හෝ පවුල් සබඳතා එක හා සමාන නොවේ” කියලා ගුන්තර්ට් කියනවා.

*මානසික ආතතිය කියන්නේ සාර්ථක දිවි පැවැත්මක කොටසක්

කිසිම මානසික ආතතියක් නැති ජිවිතයක් කියන්නේ ඇත්තටම හොඳ ජීවිතයක්ද ? අපිටනම් හිතෙන්නේ කිසිම stress එකක් නැතුව ජීවත් වෙන්න පුළුවන් නම් ඒක ගොඩක් හොඳ දෙයක් කියලා.හැබැයි එහෙම ජීවත් වෙන එක ඇත්තටම හොඳ දෙයක් නම් නෙමෙයි. ආතතිය ඇතිවෙන තරමට අපිට අපේ ජීවිතය සාර්ථක කරගන්න පුළුවන්. අපි සරල උදාහරණයක් බලමු. උපාධි පාසලක ශිෂ්‍යයෙක් වෙන්න. අයදුම් කිරීමේ ක්‍රියාවලිය ගොඩක් තරඟකාරී. පාඨමාලාව අභියෝගාත්මක වෙන්න පුළුවන් වගේම උපාධිය ලැබුනායින් පස්සේ අධ්‍යයන පසුබිමක ඉදන් ව්‍යාපාරයකට මාරු වෙන එක ඉගෙනුම් ක්‍රියාවලියක් වෙන්න පුළුවන්. කොහොම වුණත් අන්තිමේදී තමන් ආඩම්බර වෙන්න පුළුවන් දෙයක් තමන් කළා කියලා සතුටු වෙන්න පුළුවන් කියලා ගුන්තර්ට් කියනවා. එයා
කියන විදිහට නම්. “අපි ආඩම්බර වන දේවල් සහ අපේ ජීවිතයේ වඩාත්ම අර්ථය ගෙනෙන දේවල් අමාරුයි.ඉතින් කවදාහරි හිතලා ආඩම්බර වෙන්න නම් අපි අමාරු දේවල් සාර්ථකව කරලා තියෙන්න ඕනේ. ඒ අමාරු දේවල් කරද්දී මානසික ආතතියක් ඇතිවෙන එක සාමාන්‍ය දෙයක්. “අපි ආතතිය අතුගා දැමුවහොත්, අපගේ ජීවිතයේ බොහෝ අර්ථයන් අප විසින් අතුගා දමනවා වෙන්න පුළුවන්.”

මානසික ආතතිය නිසා දවසකට ලෝකයේ කීදෙනෙක් නම් සියදිවි නසගන්නවද? එහෙම සියදිවි නසාගන්න අය කීදෙනෙක් ගැන නම් අපි අහලා ති‍යේද? ජිවිතයේ අනිත් හැම දෙයකින්ම සාර්ථක වෙලා තියෙන මිනිස්සු කොච්චර නම් පොඩි දෙයක් නිසා සියදිවි නසාගෙන ඇතිද? මානසික ආතතිය හොඳටම වැඩි වෙලා එහෙම සියදිවි හානි කරගන්න තත්වයට එන්න කලින් ආතතියේ මුල් අවධියේදීම ආතතිය අපේ ජිවිතයට ඕනේ දෙයක් කියලා ඒ දිහා මේ විදිහට ධනාත්මක විදිහට බැලුවනම්, අපේ ජිවිත සාර්ථක කරගන්න අපිට පුළුවන්කමක් ඇතිවේවි

එස්.එස්. තත්සරණී

Surfing වලට ප්‍රසිද්ධ ආරුගම් බොක්ක ගැන ඔබ නොදත් කතාව..

editor

මීට අවුරුදු 5කට එහෙමත් නැත්තම් අවුරුදු 10කට කලින් ඔයා නැගෙනහිර වෙරළ තීරය ගැන ඕනෑම ශ්‍රී ලාංකිකයෙකුගෙන් ඇසුවොත් ඔවුන් කියයි “ධීවර” හෝ “ත්‍රිකුණාමල වරාය” කියලා. දකුණු වෙරළ තීරයට හෝ ශ්‍රී ලංකාවේ මධ්‍යම පළාතට සාපේක්ෂව නැගෙනහිර වෙරළ තීරය එතරම් ජනප්‍රිය නැහැ.

සිවිල් යුද්ධය පැවති සමයේ නැගෙනහිර පළාතේ වැඩි කොටසක් එල්ටීටීඊයේ තර්ජනයට ලක්ව තිබූණ නිසත් කොළඹ ඉදන් නැගෙනහිර වෙරළ තීරයට යන්න තියෙන දුර වැඩි නිසාත් දේශීය හා ජාත්‍යන්තර සංචාරකයින් එහි සුන්දරත්වය අත්විඳීමට පසුබට වුණා.

එහෙත් මේ වෙනකොට මේ තත්ත්වය බොහෝ සෙයින් වෙනස් වෙමින් පවතිනවා. නැගෙනහිර වෙරළ තීරය සංචාරක ගමනාන්තයේ කේන්ද්‍රගත වීම හේතුවෙන් බොහෝ දෙනාගේ අවධානය දිනාගන තිබෙනවා.

නැඟෙනහිර වෙරළ තීරයේ ගමනාන්තවල සංස්කෘතිය හා පරිසරය මේ දිනවල වේගයෙන් වෙනස් වන්නේ කොහොමද කියලා අවබෝධයක් ලබා ගන්න අපේක්ෂාවෙන් අපි ගැස්ම කණ්ඩායම ආගන්තුක සත්කාර උපදේශක වශයෙන් කටයුතු කරන වසීම් අම්සාල් සමඟ කතා කළා.

සංචාරක කර්මාන්තයේ සහ රැකියා වෙළඳපොලේ ධනාත්මක වෙනසක්

2019 පාස්කු බෝම්බ ප්‍රහාර සහ 2020 දී කොරොන වෛරසය හේතුවෙන් 2019 සහ 2020 නැගෙනහිර වෙරළ තීරයේ සංචාරක කර්මාන්තයට හොඳම වසර නොවූවත්, නැගෙනහිර සංචාරක ව්‍යාපාරය 2016 – 2018 සිට සැලකිය යුතු ප්‍රගතියක් අත්කර ගත් අතර බොහෝ සංචාරකයින් සහ දේශීය සංචාරකයින් ගමනාන්තය කෙරෙහි වැඩි අවධානයක් යොමු කර තිබෙනවා.

කාලයත් එක්ක මේ වෙනකොට රට තුළ සහ ලොව පුරා සංචාරක සීමාවන් සෙමෙන් අඩු වන හෙයින් සංචාරක කර්මාන්තයේ දියුණුවක් අපේක්ෂා කරනවා. නැඟෙනහිර වෙරළ තීරයේ තිබෙන සුන්දර වැලි සහිත වෙරළ තීරයන්, පරෙවි දූපතේ කොරල් පර, කුමන ජාතික වනෝද්‍යානයේ සෆාරි සහ වන ජීවීන් සහ ජල ක්‍රීඩා සහ සර්ෆ්, කිමිදුම් සහ ස්නෝකර්ලිං වැනි ක්‍රියාකාරකම් නිසා සංචාරකයන් අතර බෙහෙවින් ජනප්‍රිය වෙලා තිබෙනවා.

බොහෝමයක් නව ආයතන තවමත් මෙහි ආරම්භකරන්න කටයුතු කරමින් තිබෙන අතර තවත් ව්‍යාපාර නැගෙනහිර වෙරළ තීරයේ නව ව්‍යාපෘති සඳහා ආයෝජනය කරනු ලබනවා. ඒවායින් බොහොමයක් හෝටල් සහ අවන්හල් වන අතර ඔවුන් මෙම සමයේදී නැගෙනහිර වෙරළට ඇතුළු වන සංචාරකයින් සහ සංචාරකයින්ගේ පැමිණීම සඳහා පහසුකම් සපයනු ලබනවා. නැ‍ඟෙනහිර වෙරළ තීරයේ සමහර ප්‍රදේශවල රාත්‍රී ජීවිතයද කාලයත් සමඟ වැඩිදියුණු වෙමින් සංචාරකයින්ට නවාතැන් තුළ විනෝදාස්වාදය සඳහා වැඩි විකල්ප ලබා දී තිබෙනවා.

නැ‍ඟෙනහිර වෙරළ තීරයේ වර්තමාන හා නව ආයතන සියල්ලම පාහේ අවට ප්‍රදේශවලින් දේශීයයින් බඳවාගෙන ඔවුන්ට නිසි පුහුණුවක් හා සංවර්ධනයක් ලබා දෙමින් ඔවුන්ගේ කුසලතා සැලකිය යුතු ලෙස වැඩිදියුණු කිරීමට උපකාරී වන අතර ඉහළ ජීවන තත්ත්වයන්ගෙන් ප්‍රතිලාභ ලබා ගැනීමට ඔවුන්ට මග සලසා දෙන්න කටයුතු කරනවා.

“විශාල ආයතන පමණක් නොව දේශීය කුලී රථ සම්මේලනය ද සංචාරක ව්‍යාපාරයෙන් ලාභ ලබනවා. අරුගම් බොක්ක ඉතා පුළුල්ව පැතිරී ඇති අතර සර්ෆ් ස්ථාන අවම වශයෙන් කිලෝමීටරයක් හෝ දෙකක් දුරින් පිහිටා ඇති බැවින් සංචාරකයින් ඔවුන්ගේ සර්ෆ්බෝඩ් ප්‍රවාහනය කිරීමට සාමාන්‍යයෙන් ත්‍රිරෝද රථ සහ කුලී රථ භාවිතා කරනවා . බයික් මත සර්ෆ්බෝඩ් සවි කළ නොහැකි බැවින් ත්‍රිරෝද රථ සහ කුලී රථ එහි හොඳ මුදල් උපයනවා. ” වසීම් පැහැදිලි කළා.

ශ්‍රී ලංකා සංස්කෘතියට නව ක්‍රීඩා හඳුන්වාදීම

ඔබ දැනටමත් අසා ඇති පරිදි, professional surfers සහ surfing enthusiasts අතර ආරුගම් බොක්ක බෙහෙවින් ජනප්‍රිය වෙමින් පවතින අතර බොහෝ සංචාරකයින් අරුගම් බොක්ක වෙත පැමිණෙන්නේ surfing කිරීමේ එකම අරමුණ සඳහා ය.

World Surf League සහ Surfing Federation of Sri Lanka විසින් සංවිධානය කරන ලද‘So Sri Lanka Pro’ වෘත්තීය සර්ෆින් ශූරතාවලිය සඳහා සත්කාරකත්වය සැපයීමට Arugam Bay ට මෙය මග පෑදී තිබෙනවා. මෙම අවස්ථාව දේශීය සර්ෆර්ස් ක්‍රීඩකයින්ට ජාත්‍යන්තර සර්ෆින් වාසි ලබා ගැනීමටත් තවත් බොහෝ වෘත්තිකයන් සමඟ සම්බන්ධතා ගොඩනඟා ගැනීමටත් හොඳ අවස්ථාවක් ලබා දෙනවා.

2018 දී 27 හැවිරිදි Leshitha Prabath ජාතික සර්ෆින් ශූරයා ලෙස කිරුළු පැළද තිබෙනවා. වේගය, බලය, ප්‍රවාහය සහ flow වශයෙන් ප්‍රබල කුසලතා ප්‍රදර්ශනය කළ හෙයින් ඔහු ශූරයා ලෙස නම් කරන ලදී.

එපමණක්ද නොව, බොහෝ දෙනා විසින් surfing ‘man’s sport’ ලෙස සලකනු ලැබුවද, නිල වශයෙන් ලියාපදිංචි කළ පළමු කාන්තා සර්ෆ් සමාජය වන ‘අරුගම් බේ ගර්ල්ස් සර්ෆ් ක්ලබ්’ ස්ත්‍රී පුරුෂ භාවය නොසලකා ඕනෑම කෙනෙකුට භුක්ති විඳිය හැකි ලෙස සාමාන්‍යකරණය කිරීමට කටයුතු කර තිබෙනවා. මෙම සමස්ත කාන්තා සර්ෆ් සමාජය Shamali Sanjaya විසින් මෙහෙයවනු ලබන මේ වෙනකොට කාන්තාවන් 17 දෙනෙකුගෙන් සමන්විත Club එකක් . ඔවුන් බොහෝ විට ඔවුන්ගේ කුසලතා වැඩිදියුණු කිරීම සඳහා සර්ෆ් චාරිකා සංවිධානය කරන අතර පරිසරය පිරිසිදුව හා ආරක්ෂිතව තබා ගැනීමට වෙරළ පිරිසිදු කිරීම ද සිදු කරනවා. සමාජයේ නිෂේධාත්මක අදහස් නොසලකා, ඉගෙනීමට උනන්දුවක් දක්වන කාන්තාවන්ට සවිබල ගැන්වීම, සංචාරකයින්ට surf කිරීමට ඉගැන්වීමෙන් හා සමානාත්මතාවය සාමාන්‍ය තත්වයට පත් කිරීම තුළින් රැකියා අවස්ථා නිර්මාණය කිරීමට කාන්තාවන්ට අවස්ථාව සැලසීමට ඔවුහු අපේක්ෂා කරනවා.

Eco-friendly පියවරයන් සදහා මාරුවීම

“නැගෙනහිර ජනයා පරිසර හිතකාමී, ඔවුන් කොතැනකවත් ප්ලාස්ටික් භාවිතය දිරිමත් කරන්නේ නැහැ. ඔබ සතුව ඇති ඕනෑම ප්ලාස්ටික් ද්‍රව්‍ය ප්‍රතිචක්‍රීකරණය කරන අරුගම් බොක්ක සහ වෙනත් ප්‍රදේශවල ප්‍රතිචක්‍රීකරණ කර්මාන්තශාලා සහ ඉහළ නැංවීමේ ව්‍යාපෘති රාශියක් ස්ථාපිත කර තිබෙනවා. දකුණට සාපේක්ෂව එය දිරිගන්වන සුළු අපේක්ෂාවක් ”යැයි වසීම් පැවසුවා.

එවැනි එක් ආයතනයක් වන්නේ අරුගම් බේ (ඩබ්ලිව්.එල්.ඒ.බී) ය. එහි සම්පූර්ණ සැකැස්ම නැවත සකස් කරන ලද නැව්ගත කරන බහාලුම්වල තැන්පත් කර ඇති අතර එය පහසුවෙන් චලනය කළ හැකි සහ ප්‍රජනනය කළ හැකි ය. මෙම සංකල්පය සාර්ථක බව සනාථ වී ඇති අතර, ශ්‍රී ලංකාවේ ඕනෑම සංචාරක ගමනාන්තයක් තුළ අපද්‍රව්‍ය කළමනාකරණය සඳහා ඇති ඉල්ලුම ඉහළ මට්ටමක පවතින ඔවුන්ගේ විද්‍යාගාරය පහසුවෙන් ගෙනයාමට සහ / හෝ ප්‍රතිනිෂ්පාදනය කිරීමට හැකිව පවතිනවා. ඔවුන්ගේ පරමාර්ථය වන්නේ ප්ලාස්ටික් දූෂණයෙන් ඇති වන අහිතකර සිදුවීම් පිළිබඳව පාසල් ළමුන්, දේශීය ව්‍යාපාරිකයින් සහ සංචාරකයිනට තේරුම්කරදීමයි. ප්ලාස්ටික් වතුර බෝතල් මිලදී ගැනීම සඳහා විකල්පයක් ලෙස ඕනෑම කෙනෙකුට ප්‍රවේශ විය හැකි ජල පෙරීමේ පද්ධතියක් ඔවුන් සංචාරකයින්ට ලබා දී තිබෙනවා.සංචාරකයින්ට ඔවුන්ගේ ජල පෙරීමේ පද්ධතියෙන් නැවත පිරවිය හැකි අතර ප්ලාස්ටික් බෝතල් සෑදීමට අවශ්‍ය සම්පත් ගණන පිළිබඳව ද ඔවුන් දැනුවත් කරනු ලැබේ. ඔවුන් අරුගම් බොක්ක අවට ප්‍රදේශවලින් ප්ලාස්ටික් බෝතල් සහ වෙනත් ප්ලාස්ටික් භාණ්ඩ එකතු කර හොරණ පිහිටි ඔවුන්ගේ කෘතිම අංගන නිෂ්පාදන කම්හල වෙත ප්‍රවාහනය කරන අතර එහිදී පීඊටී ප්ලාස්ටික් පෙති 100% ප්‍රතිචක්‍රීකරණය කරන ලද ප්ලාස්ටික් පොලියෙස්ටර් නූල් බවට පත් කරනු ලබනවා.

පරෙවි දූපත වැනි නැගෙනහිර වෙරළ තීරයේ අනෙකුත් ගමනාන්තවල පරිසරය ආරක්ෂා කිරීමට සහ සමුද්‍ර ජීවීන් සංරක්ෂණය කිරීමට WLAB වැනි වෙනත් ආයතන ද තිබෙනවා.

නැ‍ඟෙනහිර වෙරළ තීරය පිළිබඳ අපි දැනන් සිටියේ මසුන් ඇල්ලීම හා වගා කිරීමට ප්‍රධාන තැනක් ලෙස වුණත් මේ වනකොට නව ක්‍රීඩා වැලඳ ගැනීම, සංචාරක කේන්ද්‍රස්ථානයක් බවට පත්වීම සහ පරිසර හිතකාමී පියවරයන් ඇති කිරීම සඳහා වූ මෙම මාරුව ධනාත්මක එකක් ලෙස පෙනෙන්නට තිබෙනවා.

ඇඟට ගුණ ආහාර වේලක් ගන්න යන්න හොඳම තැන seed cafe..

editor

ඔයාගේ soul එකට වගේම feed එකටත් මෙන්න foods. Seed cafe කියන්නේ හෝර්ටන් තැන්න පැත්තට වෙන්න තියෙන colonial style එකේ ගෙයක්. මේක නිර්මාණය කරලා තියෙන්නේ මහේෂ් සහ නිෂී, Grind coffee house හි අයිතිකරුවන්මයි. මෙය කොළඹ නගරයෙහි ඇති hottest breakfast/brunch spot එකක් . මෙයාලගෙ ප්‍රධාන අරමුණ වෙන්නේ customersලට සෞඛ්‍ය සම්පන්න ජීවන රටාවක් ලබා ගැනීමට ඕන fresh වගෙම quality foods දෙන්න තමයි. හොඳ වගේම fresh දේශීය දේවල් ( සමහර special item ,import කරනවා) use කරලා delicious වගෙම healthy flavors , එයාලාගෙ customers දෙනවා . මේ foods ඔක්කොම photogenic.ඒ තරම් ලස්සනට garnish කරලා තියෙනවා. Cafe එකේ front door එක ලග nuts,seeds වර්ග ,තව කිතුල් sale කරනවා. එවගේම තව case එකක sweet treats,healthy bites වර්ග ඒ කියන්නේ cheese cake,energy balls,coconut macaroons ,kombucha! වගේ දේවල් එයාලා sale කරනවා.

Drinks

මේ cafe එකේ juices වර්ග කෝපි, සහ teas,smoohies,shakes වර්ග ගොඩක් තියෙනවා. ඒවා ඔයාට අමුතුම worldly flavor එකක් දෙනවා sure.

Black magic (LKR 600)

Cafe එකේ තියන juices වල taste එක බලන්න හිතාගෙන් අපි black magic එකක් try කරා. මේක internationally famous juice එකක්. මේකේ activated charcoal තියෙනවා. charcoal වල detoxing quality එකක් තියෙනවා. juice එක තනිකරම black colour.එකේ sweet taste එකක් නම් නෑ. එත් අමුතුම fresh ,earthly flavor එකක් තියෙනව. ඔයා Heavy nights නිසා stress වෙච්ච කෙනෙක් නම් refresh වෙන්න පුළුවන් juice එකක් තමයි මේක.