2020 Aug 13
දැරිය හැකි සුඛෝපභෝගී ජීවිතයක් ගත කරන්න තියනවා නම් කොච්චර හොඳද නේද?
වසර එකහමාරකට කලින් කැෆේ 1959 කොළඹට ආවේ අපේ හිත් ඇඳබැඳ ගත් මෙනුවක් අරගෙනමයි. ඉතිං අපි ගියා එයාලගේ menu එක try කරලා බලන්න.
Drinks
V60 Single Origin Coffee (LKR 600)
“Indonesia Sulawesi” ලෙස හඳුන්වන බෝංචි වලින් සාදන ලද මේ උණුසුම් කෝපි එක ඇත්තටම ගොඩක් හොඳයි. මේ කෝපි එකත් එක්ක සෑම කෝපි වර්ගයකටම ආවේණික වූ කෝපි පානය කරන්නන්ට සහ එම කැෆේන් ලෝලීන් දැනුවත් කරන කාඩ්පතක් ලැබෙනවා. ඇත්තටම මේ කෝපි එක හවසට නිදහසේ ගත කරන්න ගැළපෙනවා.
Cold Drip (LKR 545)
කැජමාර්කා හි උතුරු කඳුකරයෙන් ආරම්භ වූ “Peru Cajamarca” බෝංචි වලින් සදාන ලද මෙම පානයට ඔයාලත් කැමති වේවි. විවිධ පානයන් try කරන්න කැමතිනම් ඔයාට මේක හොඳ ආරම්භයක්.
Mains
Chicken and Brie (LKR 895)
මෙම සැන්ඩ්විච් එක 1959 කැෆේ එකේ මිත්‍රශීලී කාර්ය මණ්ඩල නිරිදේශ කරපු නිසා අපි try කරලා බැලුවා. ඇත්තටම මේ සැන්ඩ්විච් එක අපිට රසවත් අත්දැකීමක් වුණා කිව්වොත් නිවැරදී. farmhouse bread සමග dijon mustard සහ classic manioc chips සමග දෙන rocket leaf salad එක ඇත්තටම ගොඩක් සෞඛ්‍යට හිතකරයි. ඉස්ම සහිත බැදගත් කුකුල් මස් කැබලි නිසා සැන්ඩ්විච් එක තවත් රසවත්.
Desserts
Lemon Meringue Cake (LKR 720)
කෝපි එකත් එක්ක මේ කේක් කෑල්ලනම් ගොඩක් හොඳින් ගැළපෙනවා. රසය හොඳට balance කරලා හදලා තිබුණ මේ Dessert එකේ කටක් කන ගානේ tangy lemon curd වගේම ස්පොන්ච් බේස් එක පරිපූර්ණව හැපෙන නිසා මේක මගේ favoriteම dessert එක වුණා.
Blueberry Cheesecake (LKR 720)
මේ cheesecake එකනම් Instagram-friendly cake එකක් කිව්වොත් නිවැරදී. වෙනස් රසයන්ගෙන් යුත් ස්ථර දෙකක් යොදාගන තමයි මේ අතුරුපස නිර්මාණය කරලා තිබෙන්නේ. අපි ගොඩක් දේවල් ආහාරයට ගත්තු නිසා මේ කේක් කෑල්ල සම්පූර්ණයෙන් ඉවරකරගන්න බැරි වුණා. හැබැයි මේ Blueberry Cheesecake එක විතරක් කන්න අපි ආපහු අනිවාර්යයෙන් යනවා.
