2020 Aug 18
ගෙදර ඉදන් වැඩ කරන්න ලැබෙන එකනම් ආශිර්වාදයක් කිව්වොත් හරියටම හරි. ඒත් එක ආශිර්වාදයක් වෙන්නේ නිවැරදිව කළොත් විතරයි. කාර්යාලයේ සිටින තම සගයන්ට වඩා නිවසේ සිට වැඩ කරන සේවකයින්ට වැඩ තෘප්තියක් ඇති විය හැකි බවත් එය ප්‍රතිළුලදායී විය හැකි බවත් චීන පරීක්ෂණයකින් හෙළි වෙලා තිබෙනවා. නමුත් ඒ අතරම, නිවසේ සිට වැඩ කරන අයට බොහෝ විට තනිකමක් හා හුදෙකලා බවක් දැනෙනවා. මොකද ඔවුන්ට තවදුරටත් ප්‍රජාවක කොටසක් කියලා දැනේනේ නැති නිසා. ඒ වගේම ගොඩක් දෙනෙක්ට ගෙදර ඉදන් වැඩ කරනකොට ව්‍යාපරික දේවල් සහ පෞද්ගලික දේවල් පටලවගන්නවා. මෙන්න මේ දේවල් හදාගන නිවැරදිව ගෙදර ඉදන් වැඩකරන්න ඕන කොහොමද කියලා අද අපි බලමු .
1. ඇඳුම් පැළඳුම් කේතයක් නොතිබීම
ඔයා රෑට නිදාගන්න ගිය ඇඳුමෙන්ම උදේ රාජකාරී වැඩ පටන්ගන්නවනම් ඒක තමයි ඔයා කරන මූලිකම වැරැද්ද. පිජාමා එක ඇදගනම වැඩ කරන්න ගන්න එකෙන් වෙන්නේ අපි තවත් කම්මැලි වෙන එක . අපගේ ඇඳුම් අපගේ මනෝභාවයට, ශක්ති මට්ටම්වලට සහ අපගේ චින්තන ක්‍රමයට පවා බලපෑම් කරන බව විද්‍යාඥයින් දැනටමත් ඔප්පු කර තිබෙනවා. ඒ නිසා ගැළපෙන ඇඳුමක් ඇඳගන වැඩ කරන්න පටන් ගන්න.
2. සාමාන්‍ය කාලසටහනක් ගැන සැලකිලිමත් නොවීම
ගෙදර ඉන්න වෙලාවට කාර්යාලයේ වගේ නෙවෙයි. වැඩ ටික වෙලාවට නිම කරන්න පෙළබෙනවා අඩුයි. ඒ වගේම ඕන වෙලාවට නැගිටින්න ඕන වෙලාවට නිදාගන්න අපි පෙළඹෙනවා. ඒ වගේම හොඳ ආහාරයක් ගන්න පෙළඹෙන්නෙත් නැහැ. මෙයින් වෙන්නේ ළුලදායිතාවය අඩුවෙන එක. මේ නිසා කරන්න ඕන හොඳම දේ රැකියාවට යනවා වගේ කාලසටහනක් හදාගන එයට අනුකූලව වැඩ කිරීම. ඒ වගේම හොඳ ආහාර වේලක් ගන්න අමත කරන්න එපා. ඔයා ඔයාගෙම බොස් වෙලා හරියට වෙලාවට වැඩ කරන්න පටන්ගන්න.
3. ඔබට සැබෑ රැකියාවක් ඇති බව ඔබේ පවුලේ සාමාජිකයන්ට පැහැදිලි කිරීමට අපොහොසත් වීම
ගොඩක් දෙනෙක් දන්නේ නැහැ ගෙදර ඉදනුත් රැකියාවක් කරන්න පුළුවන් කියන්න. විශේෂයෙන්ම ගෙදර ඉන්න සාමාජිකයන්ට මේක තේරුම් ගන්න කොහොමත් අමාරුයි. ගෙදර අය අපි ගෙදර ඉදන් වැඩ කරන වෙලාවට ගෙදර අනිත් වැඩ කරන්න එන්න කියලා පොළඹව ගන්නවා. මේ දෙයින් වෙන්නේ අපිට නිවසේ සිටන් හරියට රාජකාරිය කරන්න බැරිවෙන එක. හොඳම දේ තමයි ඔබේ පවුලේ අය සහ මිතුරන් සමඟ කතාවක් පවත්වන්න, ඔබට සැබෑ බැඳීමක් ඇති සැබෑ රැකියාවක් ඇති බව පැහැදිලි කරන්න. තමන් රාජකාරී කරනවෙලාවට එයට බාධා නොකරන්න කියලා පැහැදිලි කරන්න. නිවසේ කටයුතු වැඩ කරන වෙලාව අවසන් වූ පසු සහ සති අන්තයේ ඔවුන්ගේ වැඩ යොදාගන්න කියලා ඔවුන්ව දැනුවත් කරන්න.
4. ව්‍යාපාර හා පෞද්ගලික කාලය මිශ්‍ර කිරීම
ගොඩක් වෙලාවට ගෙදර ඉදන් වැඩ කරන අය කරන ලොකු වැරුද්දක් තමයි ව්‍යාපාර හා පෞද්ගලික කාලය මිශ්‍ර කරගැනීම. ඒ කියන්නේ අපි හිතමු ඔයා උදේ 8 ඉදන් හවස 5 වෙනකන් වැඩ කරනවා කියාලා. වැඩ ඉවර වෙලත් ඔයා වැඩ කරනවානම් ඔයා කරන්නේ වැරැද්දක් . mail check කරනවා. හෙට තියන වැඩ වලින් කොටසක් කරනවා. මේ වගේ දේවල් සිදුකිරීමෙන් වෙන්නේ ඔයාගේ පෞද්ගලික කාලයත් ව්‍යාපාර සදහා යොදාගන්න එක. ඔයා කරන්න ඕන වැඩ කරන මේසයෙන් නැගිට්ටාට පසුව ඒ හා සම්බන්ධ දේවල් ඔළුවෙන් ඉවත් කරගන්න එක. ඔයාගේ පෞද්ගලික කාලය ඔබ වෙනුවෙන් ඔබේ පවුල වෙනුවෙන් වැය කරන්න මතක තියාගන්න .
