2020 Dec 1
දත් කැක්කුම කියන්නේ අපගේ ජීවිත කාලය තුළ අවම වශයෙන් එකපාරක් හරි අපි අත්විඳපු දෙයක්. සමීක්ෂණයකට අනුව, වැඩිහිටියන්ගෙන් 90% කට වඩා වැඩි පිරිසකට අනිවාර්යයෙන් යම් දත් දිරායම් වලට මුහුණ දෙන්න සිද්ධවෙලා තියෙනවා. වර්තමානයේ බාල ,මහළු කියලා නැහැ ගොඩක් දෙනෙක් මේ දත්කැකුම් වලට මුහුණ දෙනවා.
ඔබට දත් කැක්කුමක් ආවොත් වෛද්‍යවරයෙකුට විශාල මුදලක් වියදම් කරන්න සිදුවෙන්නේ නැති වෙන්න ගෙදරදීම දත් කැක්කුම් අඩු කරගන්න පුළුවන් පිළියම් ගැන ඔබව දැනුවත් කරන්න අපි හිතුවා. නමුත් අපි තරයේ නිර්දේශ කරන්නේ ඔබ ගර්භණී කාන්තාවක් නම් නැත්තම් කිරි දෙන අම්මා කෙනෙක් නම් හෝ ස්වාභාවික ඖෂධ වලින් බලපෑම් වලට ලක්වෙන කෙනෙක්නම් , කරුණාකර මෙම පිළියම් භාවිතා කිරීමට පෙර දන්ත වෛද්‍යවරයා හමුවන්න මතක තියාගන්න.
01 – ලුණු වතුර
ලුණු වතුර ස්වාභාවික විෂබීජ නාශකයක් වන අතර දත් කැක්කුම සුව කිරීමට පහසු සහ ළුලදායී ක්‍රමයක් ලෙස ගොඩක් ප්‍රසිද්ධයි. ඔයාට කරන්න තියෙන්නේ උණුසුම් වතුර වීදුරුවකට ලුණු මේස හැඳි 1/2 මිශ්‍ර කර කට සෝදන්න. මෙමගින් විදුරුමස් ඉදිමීම වළක්වන අතර දත් කැක්කුම අවට ප්‍රදේශය පිරිසිදු කරනවා. දත් කැක්කුම අඩුවෙනකම් මේ ක්‍රමය කීපවතාවක් සිදු කරන්න .
02- හයිඩ්‍රජන් පෙරොක්සයිඩ්
හයිඩ්‍රජන් පෙරොක්සයිඩ් වේදනා නාශකයක් වන අතර අපහසුතාවයන් පාලනය කිරීමට ඔයාට ලොකු උපකාරයක් වෙනවා. ඒ වගේම plaque අඩු කරනවා පමණක් නෙවෙයි විදුරුමස් වල ලේ ගැලීමද නතර කරනවා. ඔබට හයිඩ්‍රජන් පෙරොක්සයිඩ් වලින් කට සෝදන්න පුළුවන් . හරියට ඉහතින් සඳහන් කලා වගේ ලුණු වතුරෙන් කට සෝදනවා වගේ ඔයාට මේකත් කරන්න හැකියාව තිබෙනවා.
ඉතිං කොහොමද මේ හයිඩ්‍රජන් පෙරොක්සයිඩ් කට සෝදන්න භාවිතා කරන්නේ. ඔයාට කරන්න තියෙන්නේ හයිඩ්‍රජන් පෙරොක්සයිඩ් 3% ජලය සමග මිශ්‍රකර කට සෝදන්න භාවිතා කරන්න. මතක තියාගන්න මේක ගිලින්නනම් එපා.
03-කරාබු නැටි හෝ කරාබු නැටි තෙල්
කරාබු නැටි වල ස්වාභාවික විෂබීජ නාශක ගුණයක් වන eugenol ඇති නිසා වසර ගණනාවක් තිස්සේ දත් කැක්කුමට ප්‍රතිකාර කරන්න යොදාගන්නවා. ඔයාට කරන්න තියෙන්නේ කරාබු නැටි 1ක් අරගෙන හපලා කැකුක්ම තියන දත උඩින් තියාගන්න එක. එහෙම නැත්තම් කරාබු නැටි කිහිපයක් හපලා කටේ තියාගන ඉන්න. ඒ වගේම කරාබු නැටි තෙල් බිංදු දෙකක් වේදනාව තියෙන දතේ තියාගන්න.
04- අයිස් තෙරපුම
අයිස් තියනවා කියන එක ගොඩක් ප්‍රසිද්ධ වේදනා නාශක ප්‍රතිකාරයක්. අයිස් පැකට්ටුවක් භාවිතා කර හෝ ප්ලාස්ටික් බෑගයක අයිස් දමා තුනී රෙද්දකින් ඔතා, ස්නායුව හිරිවැටීම සඳහා මිනිත්තු 15 ක් වේදනාකාරී දත මත තියන්න. එයින් දැවිල්ල හා ඉදිමීම ද අඩු කරනවා.
05-සුදුළූණු
සුදුළූණු වල ඖෂධීය ගුණය හානිකර බැක්ටීරියා විනාශ කරන අතර වේදනා නාශකයක් ලෙස ක්‍රියා කරනවා. එය භාවිතා කිරීමට ඇති හොඳම ප්‍රවේශය නම්, එය පේස්ට් එකක් සාදා කැක්කුම ඇති දතේ තියන්න. එහෙමත් නැත්තම් ඔයාට පුළුවන් ඒක හෙමින් හපන්න. වේදනාව නැති වන තෙක් දින කිහිපයක් මේ ස්වාභාවික ප්‍රතිකාරය නැවත නැවත සිදුකරන්න.
06 – පේර කොළ
පේර කොළ වල බැක්ටීරියා විනාශ කරන ගුණයක් තිබෙනවා. ඒ වගේම දත් කැක්කුම සුව කරනවා පමණක් නෙවෙයි මුඛයේ ඇති වන තුවාල සහ විදුරුමස් ඉදිමීමද වළක්වනවා.
ඔයාට කරන්න තියෙන්නේ දත් කැක්කුම ආව වෙලාවට පේර කොළ දෙකක් වගේ අරගෙන යුෂ ටික හොඳට දත මත වැඩ කරනකන් හෙමීට හපන්න.
07-තිරිඟු කොළ
තිරිඟු කොළ වල ප්‍රතිබැක්ටීරීය ගුණය ඇති අතර එමඟින් දත් දිරායාම හා වේදනාව වළක්වනු ලබනවා. එයින් කෙටි කාලීන හා දිගු කාලීන ප්‍රතිලාභ ලැබෙනවා වගේම හොඳම ප්‍රතිළුලයක් ලබා ගැනීමට තිරිඟු කොළයක් හපන්න එහෙමත් නැත්තම් එහි යුෂ මුඛ සේදීමක් ලෙස භාවිතා කරන්න. එය විදුරුමස් වලින් විශ ඉවත් කරන අතර බැක්ටීරියා වර්ධනයද අඩු කරනවා.
08- ලූනු
ලූනු වල ෆයිටො කෙමිකල්ස් අඩංගු වන අතර එය දත්වල ආසාදනයට හේතුවුණ යුතු විෂබීජ විනාශකර කැක්කුම නැතිකරන්න උපකාරී වෙනවා.
ලූනු භාවිතා කරන්න හොඳම විදිය තමයි ,ලූනු කෑල්ලක් දත් වේදනාව තියන පැත්තෙන් හපන එක. එතකොට ලූනූ යුෂ දත තුළට ගිහින් වේදනාව සමනය කරනවා . දතේ වේදනාව හපන්නට බැරි තරම් තත්ත්වයක තියෙනවා නම් , ඔබට ඇඟිල්ලක් භාවිතා කර ළූනු කැබැල්ල සෘජුවම බලපෑමට ලක් වූ දතෙන් තියාගන්න හැකියාව තිබෙනවා.
ඔබේ දත් ශක්තිමත් හා පිරිසිදු බවක් පෙනෙන්නට තිබුණත් ඔබට මේ ආකාරයේ රෝගාබාධවලට මුහුණ දීමට අවස්ථාව තිබෙනවා. ඒ නිසා හදිසි අවස්ථාවකදී දත් කැක්කුමට ප්‍රතිකාර කරන්න මේ පිළියම් මතක තබාගන්න අමතක කරන්න එපා.
