2021 May 17
නිවසක තියෙන වැදගත්ම ස්ථානයක් තමයි මුළුතැන්ගෙය. අපි ගොඩක් වෙලාවට පවුලක් වශයෙන් එකට එකතු වෙලා ආහාර පිළියෙල කරන ගමන් සහ ආහාර ගන්න ගමන් එකිනෙකාගේ දේවල් කතා කරන්න වගේ family time එකක් ගත කරන ස්ථානය තමයි මේ මුළුතැන්ගෙය. අනිත් අතට අපේ ආදරණීය අම්මා, බිරිඳක්, ගෘහනික් මේ ස්ථානයේ තමන්ගේ ජීවිතයේ ලොකු කාලයක් වැයකරනවා ආදරණියයන් වෙනුවෙන් කෑම පිළියෙල කරන්න.
හැබැයි ටිකක් හිතන්න තමන් ගොඩක් වෙලා ගතකරන මුළුතැන්ගෙය එන්න එන්නම බෝරින් , වැඩ කරන එක එපා වෙනවා මෙතන, පවුලේ අය වැඩිය එකතු වෙන්නෙත් නැහැ වගේ හැගීමක් ඇතිවෙලා තියෙනවාද කියලා. එතකොට kitchen එක අලුත් විදියට වෙනස් කරන්න හිතෙනවා නේද ? හැබැයි අලුත්වැඩියා කරන්න ගියොත් ඒකට විශාල මුදලක් වියදම් වෙනවා කියලත් වද වෙනවා. ඉතින් මෙන්න මේ හින්දම අපි හිතුවා අඩු මුදලක් වියදම් කරගන කාලයත් ඉතුරු කරගෙන Modern විදියට ඔයාගේ kitchen එක ලේසීයෙන්ම luxury විදියට වෙනස් කරගන්නේ කොහොමද කියලා ගැස්ම ආදරණීය හිතවතුන්ට කියලා දෙන්න.
01 -එකම style එකෙන් kitchenware තෝරාගන්න…
ඔයාගේ kitchen එකේ නවීන හෝ වටිනා උපකරණ තියෙනවා වෙන්න පුළුවන්. ඒ වුණත් ඒවා එකිනෙකට වෙනස් නම් style එක වෙනස් නම් kitchen එකේ තියෙන luxury බව නැතිවෙනවා. උදාහරණයක් විදියට dining table එක kitchen එකේ තිබෙන තවත් වැදගත් අංගයක්. එහිදී භාවිතා කරන පිඟන් කෝප්ප එකම style එකෙන් තෝරා ගැනීම වැදගත් වෙනවා. එයින් තමන්ගේ කෑම මේසයට luxury වගේම Modern look එකක් ගෙන එනවා.
02-විශේෂ ඩිස්පෙන්සර්වල පිඟන් සෝදන කාරක ගබඩා කරන්න…
අවශ්‍ය සියලු දෙයක්ම මුළුතැන්ගෙයෙහි තිබීම වැදගත්. නමුත් සින්ක් එක වටේටම පිරිසිදු කිරීමේ ඩිටර්ජන්ට් වලින් පිරී තිබීම එචච්ර සුන්දර පෙනුමක් නම් නොවේයි. ඔබට ඕනෑම ගෘහ භාණ්ඩ වෙළඳසැලකින් මිලදී ගත හැකි විශේෂ ඩිස්පෙන්සර් වලට මෙම ඩිටර්ජන්ට් දමන්න. එයින් මුළුතැන්ගෙයට මනා පිළිවෙලක් එකතු වෙනවා වගේම Modern look එකක් එකතු වෙනවා. ඒ වගේම ඔබ මිලදී ගන්න ඩිස්පෙන්සර් මුළුතැන් ගෙයි අනිකුත් අංගයන්ට ගැළපෙන ලෙස මිලදී ගන්න මතක තියාගන්න.
03-තිර රෙදි වලින් වීදුරු දොරවල් අලංකාර කරන්න…
විශාල මුදලක් වියදම් නොකර මුළුතැන්ගෙය අලුත් කරන්න ඇත්තෙන්ම පහසුයි. කුස්සියේ තිබෙන වීදුරු කැබිනට් වලට දෙර රෙදි එකතු කරන්න. එයින් ඔයාගේ kitchen එකට ආකර්ෂණය වගේම සුවපහසුවක් ඇති කරනවා. අනිත් දේ තමයි තමන්ගේ kitchen එකේ තිබෙන දේවල් අනිත් අයගේ ඇස ගැටෙන්නේ නැති වෙන්න තියාගන්නත් පුළුවන්. මෙහිදී ජනෙල් වලට යොදා තිබෙන තිරරෙදි වලින්ම කැබිනට් වීදුරු ආවරණ තිරරෙදි වලට යොදාගන්නවා නම් වඩා හොඳයි.
04-අභ්‍යන්තරයේ වර්ණයට ගැළපෙන සොකට් සවි කරන්න…
kitchen එකේ අභ්‍යන්තරයට ගැළපෙන්නේ නැති ආකාරයේ සොකට් සවිකිරීම මගින් kitchen එකේ luxury බව අවම වෙනවා. මේ නිසා මුළුතැන්ගෙයි බිත්තිවල වර්ණයට ගැළපෙන්න හෝ ටයිල් වලට ගැළපෙන්න සොකට් සවිකරන්න. ස්ථානයට අදාල වර්ණ වලින් සොකට් සවිකිරීම මගින් ඒවා සඟවන්න ඉතා පහසුයි. එයින් මුළුතැන්ගෙයට පිළිවෙලක් ඇතිවෙනවා.
05-විවිධ දේවල් පෙට්ටිවල ගබඩා කිරීම…
කුස්සියේ ඇති කැබිනට්ටු උඩ සහ සිවිලිම අතර තිබෙන ඉඩක තුළ ඔයා ගොඩක් වෙලාවට යම් යම් දේවල් තියනවා. මේක ඇත්තමෙ හොඳ දෙයක්. මොකද . තිබෙන ඉඩකඩ උපරිමෙන් භාවිතා කළයුතුයි. නමුත් එයින් මුළුතැන්ගෙයට අවුල් සහගත තත්ත්වයක් ඇති නොවෙන්න භාවිතා කරන්න අවශ්‍යයි. එම නිසා ඒ දේවල් තියන්න කුඩා පෙට්ටියක් හෝ කූඩක් තියන්න . එමගින් පිළිවෙලට උපකරණ තියාගන්න හැකියාව ලැබෙනවා. ඒ වගේම එමගින් උපකරණ අපිරිසිදු වීම අවම කරනවා.
06-kitchen එක මල් වලින් අලංකාර කරන්න…
ඔබේ මුළුතැන්ගෙය නැවුම් කිරීමේ අවසාන කොටස තමයි මල්. එයින් මුළුතැන්ගෙයට ජීවයක් ලබා දෙනවා. එයින් ඔබට මානසික නිදහසක් සහ උද්යොගයක් ලබා දෙනවා .
මෙම ලිපිය කියවීමෙන් පසු ඔයත් ඔයාගේ මුළුතැන්ගෙය ප්‍රසන්න තැනක් බවට පත්කරගනී කියලා අපි හිතනවා. මුළුතැන්ගෙය අලංකාර කිරීම සඳහා ඔබට මෙම ලැයිස්තුවට එකතු කරන්න තවත් අදහස් තියනවා නම් අනිවාර්යයෙන් අපිට කියන්න…
