2021 May 21
අපේ skin එකට වගේම හිසකෙස් වලටත් beauty sleep එහෙම නැත්තම් සුවබර නින්දක් අවශ්‍ය වෙනවා. අපි නින්දට යනකොට සම රැකගන්න treatment කිහිපයක්ම කරනවා. ඒ වගේම තමයි අපේ හිසකෙස් වලටත් ඒ වගේම අවධානයක් දෙන්න අවශ්‍යයි. හිසකෙස් ලිහිල් කරගන නිදාගන්නවා කියන එක නීරෝගිමත් හිසකෙස් වලට හානි කරනවා කියලා ඔයාට කදාවත්ම හිතිලා නැතිවෙන්න පුළුවන්. ඉතින් අපි හිතුවා හිසකෙස් ලිහිල් කරගන් එහෙමත් නැත්තම් අපි කටවචනෙට කියන්නේ කොණ්ඩෙ කඩාගන නිදියන එකෙන් වෙන බලපෑම් මොනවද කියලා ඔයාලව දැනුවත් කරන්න
01- උදේ අවදිවෙනකොට හිසකෙස් ගැටගැසී තිබෙන්න පුළුවන්
හිසකෙස් ලිහිල් කරගෙන නිදියෙන විට ඔයාගෙ හිසකෙස් ගැටගැසෙන්න පුළුවන්. එහෙම වෙන්නේ හිසකෙස් නිදන කොට්ටයේ ඇතිල්ලෙන විට ඇතිවෙන ඝර්ෂණය නිසා. ඉතින් ඔයා උදේ අවදිවෙනකොට හිසකෙස් හොඳටම අවුල් වෙලා ගැටගැහිලා තමයි තියෙන්නේ. මේ කෙන් වෙන්නේ ඔයාගේ නීරෝගිමත් හිසකෙස් එක රැයින් විනාශ වෙන එක.
02- ඔබේ මුහුණේ කුරුලෑ ඇතිවෙන්න ප්‍රධාන සාදකයක් වෙන්න පුළුවන්
ඔයාට තියෙන්නේ සංවේදී, ඉක්මනින් කුරුලෑ එන සමක් නම් හොඳම දේ තමයි තමන්ගෙ මුහුණේ හිසකෙස් ගෑවෙන්න දෙන්න නැති එක. ඒ වගේම සමේ රෝග ඇතිවෙන්න හිසකෙස් සමෙහි ස්පර්ශ වීම බලපානවා. අපි එදිනදා ගොඩක් දේවල් හිසකෙස් වලට සිදුකරනවා. එක එක මෝස්තර conditoner shampoo වගේ එක එක දේවල් ආලේප කරනවා. ඔයා නින්දේදි හිසකෙස් ලිහිල් කර නිදාගැනීමෙන් හිසකෙස් වල තිබෙන මේ දේවල් සමේ සිදුරු අවහිර කරනවා. මේ නිසා සමේ කුරුලෑ වගේ විවිද සම් රෝග ඇතිවෙන්න පුළුවන්. බලන්න දිගු හිසකෙස් තිබෙන කෙනෙක්ගෙ පිටෙහි කුරුලෑ තිබෙනවා. ඒ එදිනදා හිසකෙස් පිටෙහි ස්පර්ශ වන නිසා. මේ නිසා හිසකෙස් පුළුවන් තරම් තමන්ගේ සමෙන් ඈත් කරලා තියන්න.
03- හිසකෙස් වර්ධනය අවම කරන්න පුළුවන්
නිදාගන්නා විට හිසකෙස් ලිහිලි කරගෙන නිදාගැනීමෙන් කෙස් ගැටගැසෙනවා. එයින් හිසකෙස්වලට හානි සිදුවෙනවා වගේම හිසකෙස් වර්ධනය අඩාල කරනවා. ඔයා දිගු කෙස් කලඹක් බලාපොරෝත්තුවෙන් ඉන්නවානම් නිදාගන්නා විට හිසකෙස් ආරක්ෂා කරගන්න පියවර ගන්න.
04- සුවබර නින්දට බාධාවක් වෙන්න පුළුවන්
හිසකෙස් ලිහිල් කර නිදා ගැනීම නිදා උදේ පිස්සෙක් වගේ තමයි නැගිටින්න වෙන්නේ. ගොඩක් දෙනෙක්ට මේක සුලභ අද්දැකීමක් වෙන්න පුළුවන්. ඒ වගේම ඇඳ හැමතැනම ගැළවුණු කෙස්. එ් විතරක් නෙවෙයි හිසකෙස් ලිහිල් කරගනෙ නිදාගන්න එක සුවබර නින්දට බාධාවක් වෙන්න පුළුවන්. ඒ නිසා ඔයාට අලුත් දවසක් නැවුම්ව ආරම්භ කරන්න බැරි වෙනවා. හොඳම දේ තමයි ඔයාගේ හිසකෙස් ලිහිල්ව ගොතා නිදාගන්න එක.
05 නින්දේ දී හිසකෙස් ආරක්ෂා කරගන්නේ කොහොමද?
පෝනි ටේල් එකක් දාගන නින්දට යන එක එච්චර හොඳ දෙයක් නෙවෙයි. පෝනි ටේල් එක නිසා හිසකෙස් තද වෙනවා. එයින් හිසකෙස් වලට ලොකු හානියක් සිදුවෙනවා. ඉතින් අපි බලමු කොහොමද ඔයාගෙ හිසකෙස් ආරක්ෂාකරගන් පුළුවන් කියලා.
Headscarf එකක් ආධාරයෙන් හිසකෙස් බැඳගන්න. සිල්ක් හෝ සැටින් ස්කාෆ් මගින් හිසකෙස් අග නිරෝගීව තබා ගන්නවා වගේම හිසකෙස්වල තෙතමනය තබාගන්නවා.
scrunchie එහෙමත් නැත්තම් අපි කියනනේ කොණ්ඩෙ ගෙඩියක් බඳිනවා කියලා. නින්දට යන විට හිසකෙස් ඒ ආකරයෙන් බැඳගන්න.
ලිහිල්ව හිසකෙස් ගොතන්න. මෙන්න මේ ක්‍රමයේ වාසි දෙකක් තියනවා. අපි කොණ්ඩය ගොතාගෙන නිදයනකොට හිසකෙස් ආරක්ෂා වෙනවා වගේම අනිත් දවසේ උදේට ස්වාභාවික රැළි කොණ්ඩයක් ලබා ගන්න පුළුවන්
