2021 Jun 28
ශරීර සුවතාවය ගැන හිතන ඕනම කෙනෙක්ට හොඳ Option එකක් තමයි ජිම් එක. අද වෙනකොට බොහෝ දෙනෙක් ජිම් එකට යන්න පෙළබිලා තිබෙනවා. හැබැයි මේ කොරෝනා වෛරසය නිසා අපි හැම කෙනෙක්ටම වගේ ජිම් එකට හරියට යන්න ලැබුනෙම නැහැ. දැන් තිබෙන කොවිඩ් වෛරස ප්‍රභේද ඉක්මනින් ව්‍යාප්ත වෙනවා. හැබැයි එහෙම වුණාට ජිම් නොගිහින් හිටියා කියලා වැඩකුත් නැහැ. ඒ නිසා පුළුවන් උපරිමෙන් සෞඛ්‍ය උපදෙස් පිළිපඳින ජිම් එකකට යන්න. අද අපි කතා කරමු මේ කෙරෝනාවෙන් හැකි තරම් පරිස්සම වෙලා කොහොමද ජිම් යන්නේ කියලා.
Face Mask
ගොඩක් දෙනෙක් හිතන්නේ මාස්ක් එකක් දාගන workout කරන්න බැහැ කියලා. ඒ වගේම හිතනවා හුස්ම ගන්න ප්‍රමාණය අඩු වෙලා කලාන්තයක් එයි කියලා. නමුත් ඇත්තටම එහෙම දෙයක් සිදුවෙන්නේ නැහැ. විද්‍යඥයන්ට අනුව මාස්ක් එකක් දාගන workout කරාට කිසිම ගැටළුවක් ඇතිවෙන්නේ නැහැ. ඒ නිසා අනිවාර්යෙන් ඔයා ජිම් එකේදි workout කරනකොට මාස්ක් එක දාගන්න . මේයින් හැමදෙනාම ආරක්ෂා වෙනවා.
හරි gym එකක්
ඉස්සරන්ම අපි හොඳ gym එකක් කියලා හෙව්වේ හොඳ උපකරණ තියෙන හොඳ කෝච් කෙනෙක් ඉන්න ජිම් එකක්. වර්තමානයේ මේ දේවල් විතරක් නෙවෙයි කොවිඩ් වෛරසය නිසා හොඳට ඉඩකඩ තියෙන හොඳට වාතාශ්‍රය එන වගේම covid guide line වලට අනුව කටයුතු කරන තැනක්ද කියලා හොඳට හොයලා බලන්න.
කණ්ඩායම් ලෙස පුහුණු වීම්
ඇරොබික්ස්, සුම්බා වැනි එහෙමත් නැත්තම් කණ්ඩායමක් වශයෙන් එකුතු වෙලා කරන ව්‍යායාම වගේ දේවල් සිදුකලාට කමක් නැහැ. හැබැයි එකිනෙකා අතර මීටර් දෙකකවත් පරතරක් තියගන්න . එහෙම ඉඩපහසුකම අඩුයින්ම එවැනි ක්‍රියාකරකම් වලට මේ අවස්ථාවේ සහභාගී නොවෙන එක තමයි හොඳම දේ.
සැනටයිසර්
මේ කාලේ නැතුවම බැරි දෙයක් තමයි සැනටයිසර්. ඒ වගේම ජිම් යනවා නම් අනිවාර්යෙන් ලඟතබා ගත යුතුම දෙයක් තමයි සෙනටයිසර්. ජිම් එකේදි ඔයා භාවිතයට ගන්න හැම උපකරණයක්ම සැනටයිසර් කරගන්න. ඒ වගේම මතක ඇතිව ඔයාගේ අත් දෙක සැනටයිස් කරගන්න.
ඕෆ් පීක්
අපි හැම කෙනෙක්ම අපිට පහසු වෙලාවේ ජිම් යන්න තෝරගන්නවා. සමහර අය උදෙන්ම යනවා නැත්තම් හවස. මේ කොරොනා කාලේ සෙනග අඩු වෙලාවට ජිම් එකට යනවා නම් තමයි හොඳ. පීක් වෙලාව සහ ඕෆ් පීක් වෙලාව එක එක ජිම් එකට වෙනස් වෙන්න පුළුවන්. ඒ නිසා ඔයාට පුළුවන් කට්ටිය අඩුවෙන එන වෙලාවට workout කරන්න ජිම් එකට යන්න.
