ඔයාටත් මේ ඉස්සොරි කරදරේ ඉවසන්නම බැරිද..?

වර්තමානයේ දී ලොකු පොඩි කියලා නැහැ බොහෝ දෙනෙක් තමාගේ හිසෙහි හටගෙන ඇති ඉස්සොරි නිසා හරිම අපහසුතාවයකින් සහ පීඩනයකින් තමයි ඉන්නේ. කැමති විදිහකට හෙයා ස්ටයිල් එකක්වත් දාන්න බැහැ. කලු පාට ඇදුම් අදින්න බැහැ,කොච්චර නෑවත් වැඩකුත් නැහැ ඒ විතරක් නෙවෙයි ඉස්සොරි නිසා හමේ විවිධ ආසාදන ඇතිවෙනවත් වැඩී. අද අපි බලමු කොහොමද මේ ඉස්සොරි හටගන්නේ සහ එයට සරල පිළියම්.

පුද්ගලයන්ගේ සම මතුපිට ඇති සෛල ස්ථරය නිරතුරුවම ගැලවී යාම ස්වභාවිකව සිදුවන ක්‍රියාවලියක්. ස්නානය කිරීමේ දී තදින් ඇඟ අතුල්ලන විට සම මතුපිට ඇති සෛල ස්ථරය ඉවත් වීමක් සිදුවෙනවා. මෙම ක්‍රියාවලියම හිස් කබලේ මතුපිට සමෙහි ද සිදුවෙනවා. මේකට තමයි හැමොම ඉස්සොරි කියලා කියන්නේ. පුද්ගලයෙකුගේ හිසේ තෙල් නිපදවීම වේගවත් නම් ඉස්සොරි පොතු තට්ටුවක් ලෙස හිස් කබල මතු පිට රැඳී තිබෙන්නට හැකියාව තිබෙනවා. එවැනි තත්ත්වයක් ඇති අයගේ නිතර නිතර හිස කැසීම මෙන්ම හිසෙන් දුර්ගන්ධයක් ද වහනය වෙනවා. හිස් කබලේ තැවරී ඇති දූවිලි සහ කුණු හොඳින් සෝදා හිස පිරිසිදුව තබා ගැනීමෙන් මෙම තත්ත්වය මඟ හරවා ගැනීමට හැකියාවක් පවතිනවා. ඒ් නිසා ඔබ සෑම දිනකම හොදින් ස්නානය කර හිස පිරිසිදුව තබාගන්න.

තව දෙයක් තමයි අපි හිතනවා හැමදාම හොදට ෂැම්පු දාලා හිස්කබල හොදට අතුල්ලලා නෑවහම ඉස්සොරි ඉවත් වෙනවා කියලා. නැහැ ඒහෙම වෙන්නේ නැහැ. එයින් සිදුවෙන්නේ සම්පූර්ණයෙන්ම අනිත්පැත්ත. මේ විදියට කලහම වෙන්නේ ඉස්සොරි තවත් වැඩිවෙන එක. හොදම දේ තමයි මෘදු ෂැම්පු එකක් භාවිතා කරලා දවසක් හැර දවසක් නාන ඒක. අනිත් දේ තමයි අපිට චර්ම රෝග වෛද්‍යවරයෙකුගේ උපදෙස් මත ඉස්සොරි සදහාම වෙන්වුණු ෂැම්පු වර්ගයක් මිලදී අරන් භාවිතා කරන්න පුළුවන්. ඒ්ක තමයි හොදම දේ. මොකද අපිට වෙළදපලවල් වලින් ඉස්සොරි වලට කියලා දෙන ෂැම්පු වලින් ඉස්සොරි යන්නේ නැහැ. විශේෂයෙන්ම උණුසුම් දිනවල ප්‍රමාණවත් තරම් ජලය නොලැබීම නිසා සම ඉරි තැළුණු ස්වභාවයක් ගන්නට පුළුවන්. මේ තත්ත්වය ඔබේ හිසට ද බලපාන බැවින් හිසෙහි සම වියලීමට ලක් වී ඉස්සොරි ඇතිවෙනවා. එවිට හිස් කබල මතු පිට හිස්සොරි සෑදීම වේගවත් වෙනවා. ඔලිව් තෙල් ඉස්සොරි මර්දනය ලොකු උපකාරයක් වෙනවා.ඔලිව් තෙල් බිංදු 10ක් පමණ ගෙන හිස් කබල මත ගල්වා විනාඩි 10ක පමණ කාලයක් සම්බාහනය කර රැයක් තබා සෝදා හැරීමෙන් ඉස්සොරි සඳහා යම් තාක් දුරට සහනයක් ලබා ගැනීමට ඔබට හැකියාව තිබෙනවා. බේකින් සෝඩා සහ දෙහියුෂ, පොල්තෙල් සහ මී පැණි, කොහොඹ කොළ ආදී ස්වභාවික ප්‍රතිකාර ගොඩක් මේ ඉස්සොරි මර්දනයට යොදාගන්නවා. ඒ ස්වාභාවික ප්‍රතිකාර වලදිත් බොහෝවිට ඉහත කී ඉස්සොරි නසන්න යොදාගන්නා සංයෝග ස්වාභාවිකවම හිසට ලබාදීම සිදුකරනවා. විවිධ ආකාරයේ ආයුර්වේද තෙල් වර්ගත් ඉස්සොරි නැතිවීමට පාවිච්චි කරනවා. මේ හිස ගල්වන තෙල්වර්ග පැය කිහිපයක් හිස මත තබා ඉන් පසු හොඳින් සෝදාහරින්නට ඕනි. නැතිනම් මේ තෙල් වර්ග හිසේ කුණු තට්ටු සමග එකතු වීමෙන් හිස්හොරි තත්ත්වයන් තවත් වැඩිකරන්නට ඉඩ තියෙනවා.

ලංකාවේ විදේශ ආකර්ශණ දිනාගත් සුන්දරම වෙරළ තීරයන් 05….

editor

සුන්දර ස්ථාන වලින් පිරිලා තියන ලංකාව ඈත අතීතයේ ඉදන්ම මුළු ලෝකයේම ආකර්ශණය දිනාගත් සුරපුරක්. ලංකාවට විදෙස් සංචාරකයින්ගේ ආකරශණ ලැබෙන්න ප්‍රධානම හේතුව තමයි අපේ රටේ පිහිටා තිබෙන ලස්සනම ලස්සන වෙරළ තීරයන්. ලංකාවේ සමහර අය දන්නෙත් නැහැ මෙච්චර ලස්සන මුහුදු වෙරළවල් තියනවා කියලවත්. ඉතිං අද කියනනේ මේ පුංචි මුතු ඇටේ තිබෙන සුන්දරම වෙරළවල් පහ ගැන විස්තර.

නිලාවෙලි

නිලාවැලි වෙරල තීරය නැගෙනහිර පළාතේ වඩාත් දර්ශනීය වෙරළ තීරයන්ගෙන් එකක් ලෙස හඳුන්වන්න පුළුවන්. මෙම අනර්ඝ නොගැඹුරු මුහුදු වෙරළ තීරය සංචාරකයන්ට මහත් අත්දැකීමක් ලබා දෙනවා.නිලාවේලි වෙරළ දකුණු ආසියාවට අයත් පිරිසිදු සුදු වැලි සහිත වෙරළ තීරයක් ලෙස ද හැඳින්වෙනවා.

නිලාවේලි වෙරළ තීරය පිහිටා ඇත්තේ ත්‍රිකුණාමලය නගරයේ සිට පුල්මුඩේ මාර්ගයේ කි. මි. 15ක් පමණ වන්නට වන අතර ත්‍රිකුණාමලය නගරයේ සිට විනාඩි 30 ක පමණ ගමනකින් ඔබට එයට ළගා වීමට හැකියාව තිබෙනවා. වෙරළ තීරයේ බොහෝ තරු පංති නවාතැන් සොයා ගැනීමට ඔබට හැකි වන අතරම රසවත් මුහුදු ආහාර වේලක් ගැනීම සඳහා නියම තැනුත් තියෙනවා.ඒ වගේම මෙහි ප්‍රසිද්දියක් උසුලන පරවි දූපතේ සංචාරය සදහා විනෝදකාමි බෝට්ටු සවාරියක් ලබා ගැනීමටද හැකියාව තිබෙනවා. ශ්‍රී ලංකාව සතු ඉතාම වටිනා වස්තුවක් ලෙස නිලාවෙලි හඳුන්වන්න පුළුවන්.

පාසිකුඩා

කොළඹ සිට පොළොන්නරුවට ගොස්‌ එතැනින් මනම්පිටිය පාලම පැන වැලිකන්ද හරහා මඩකලපුව පාරේ වාලච්චේනට ගොස්‌ වාලච්චේනන පොලීසිය ළඟින් වමට හැරී වඩුක්‌කොඩෙයි පසුකළ පසු පාසිකුඩා මුහුදු තීරය දිස්වෙනවා. මහ මුහුදේ බියෙන් සැකෙන් තොරව නිදහසේ දිය නාන්නට, පවුලේ අය සමඟ හිතේ හැටියට විනෝද වන්නට නම් යා යුතු හොඳම මුහුදු තීරය මඩකලපුවේ පාසිකුඩා ලෙස හඳුන්වන්න පුළුවන්. ඕනෑනම් මහ මුහුදේ කිලෝමීටරයක් පමණ කිසිදු අනතුරකින් නැතිව ඇවිද යන්නට හැකියාව තිබෙනවා. පාසිකුඩා සහ කල්කුඩා යනු ළඟ ළඟ පිහිටි මුහුදු බොකු දෙකකි. කොරල් පර වගේම කැස්‌බෑවනුත් මෙහිදී දැක ගත හැකි වීම විශේෂත්වයක්. එක්තරා ආකාරයකට පාසිකුඩා වෙරළ තීරයේ සිට මහ මුහුදේ කිලෝමීටරයක් පමණ දුරක් දක්වා ස්වාභාවික දිය තටාකයක් ලෙසද හැඳින්විය හැකිය. පාසිකුඩා මුහුදු බොක්කට මුහුණලා පිහිටි මුහුදු වෙරළේ සිට මහ මුහුදේ කිලෝමීටරයක් පමණ දුරින් පිහිටි ශක්තිමත් කොරල්පර වැටියක් තිබෙනවා. මේ කොරල් වැටිය නිසා මහ මුහුදේ සිට එන විශාල දිය රැලි පාසිකුඩා මුහුදු වෙරළට එන්නේ නැහැ. මේ නිසා සංචාරකයන්ට රිසි සේ මහ මුහුදේ විනෝද වන්නට හැකියිව තිබෙනවා. මේ ශක්තිමත් කොරල් වැටිය පාසිකුඩා මුහුදු වෙරළේ සිට බලන විට පෙනෙන නොපෙනෙන දුරින් පිහිටා තිබෙනවා. මේ නිසා පාසිකුඩා වෙරළ තීරය සංචාරකයන්ට අපූරු තෝතැන්නක් බව අමුතුවෙන් කිව යුතු නැත. උදේ කාලයේ වගේම දහවල් කාලයේදීත් පවතින අව්රශ්මිය නිසා මේ ස්ථානයේ සිටීම මදක් අසීරු වූවත් සවස් කාලයේදී ඉර බසින දර්ශනය නරඹන්නටත්, තමන්ගේ විඩාව නිවාගැනීමටත් මේ ස්ථානය කදිම බව කිසිදු සැකයකින් තොරව ඔබට කියන්න පුළුවන්.

උණවටුන

උණවටුන වෙරළ තීරය සංචාරක කර්මාන්තය අතින් ඉතා වැඩි අවධානයක් යොමුකරගත් ස්ථානයන්ගෙන් එකක් ලෙස හදුන්වන්න පුළුවන්. ගාලු දිස්ත්‍රික්කයේ පිහිටා ඇති උණවටුන වෙරළ තීරයේ සුන්දර වටපිටාව හා ඒ අවට ඇති නිසංසල වෙරල තීරය දේශීය හා විදේශීය සංචාරකයින් අතර අතිශය ජනප්‍රියයි. උණවටුන රූමස්සල පිහිටා ඇති සාම විහාරය ශ්‍රී ලංකාවේ ඉදිකොට තිබෙන සාම විහාර වලින් එකක් ලෙස හඳුන්වන්න පුළුවන්.

මාබල් බීච්

ඇත්තටම “මාබල් බීච්” කියන්නේ ක්‍රිකුණාමල වරායේම එක වෙරළ තීරයක්‌. මෙතැන ජල තටාකයක්‌ වගේ. ගැඹුරු නැහැ. වැලිතලාව හා ගල්පර වගේ තමයි තියෙන්නේ. හිරු එළියට ජල තලය මතින් වැටෙන රැස්‌දහරා අපූරු රටාවන් මේ නොගැඹුරු ජලතලයේ සිත්තම් කරනවා. “හරියට මාබල් ඇල්ලුවා වගේ” ඒ හින්ද තමයිලු මේක “මාබල් බීච්” වෙලා තියෙන්නේ. කොට්‌ටියාරම් බොක්‌කේ සාම්පූර් (ෆවුල් තුඩුව) ඉඳන් ත්‍රිකුණාමලය (එලිෆන්ට්‌ තුඩුව) දක්‌වා වු වක්‍රයේ හරි අර්ධය ගෙවෙන තැන මේ “මාබල් බීච්” කිව්වොත් නිවැරදියි කියලා අපට හිතෙන්නේ මෙතන ඉඳන් රවුන්ඩ් අයිලන්ඩ් ප්‍රදීපාගාරය වගේම (පෙර අපි කඳවුරු බැඳි) ෆවුල් පොයින්ට්‌ ප්‍රදීපාගාරයත් සරළ රේඩීයව මෙහි සිට දැකබලාගත හැකි වන නිසා.

මෙතැනට ත්‍රිකුණාමල වරායේ විවරය හරි අපූරුවට දැකගත හැකියි. “එළිෆන්ට්‌ (දූපත) අයිලන්ඩ්” වගේම එලිෆන්ට්‌ තුඩුවත්, වරාය කාටත් පේන හින්ද මේ වෙරළ ආසන්නයටම වගේ නාවික යාත්‍රාත් දැකගන්න හැකියාව තිබෙනවා.

“මාබල් බීච්” වල සංචාරකයන්ට වෙන්වුණු නොමිලයේ ඇතුළුවිය හැකි පොදු වෙරළ කලාපයකට අමතරව ගුවන් හමුදාව මගින් පාලනය කෙරෙන නිවාඩු නිකේතනයක්‌ සහිත අවසරලත් පුද්ගලයන්ට පමණක්‌ ඇතුළු විය හැකි කොටසකුත් තියෙනවා.

ආරුගම් බොක්ක

ආරුගම් බොක්ක නැතිනම් ආරුගම් බේ කියනකොටම මතක් වෙන්නේ වෙන මොකක්වත් නෙවෙයි, සර්ෆින්ග්. ඇත්තටම රළ මත ලිස්සා යෑමේ ක්‍රීඩාව සඳහා හොඳම වෙරළ තීරයක් විදියට ජාත්‍යන්තර ප්‍රසිද්ධියක් ලබා තියෙන ආරුගම් බොක්ක මුහුදු තීරය සීසන් එකට උද්‍යෝගිමත් දෙස් විදෙස් සංචාරකයන්ගෙන් පිරෙනවා. ඒ නිසා සීසන් එකට අර නිස්කලංකව ඇවිදින්න යන්න නම් ආරුගම්බේ සුදුසු වෙන්නෙ නෑ. හැබැයි රළ මත ලිස්සා යන්න මේ වගේ මුහුදු තීරයක් තවත් නෑ. ඒ වගේම පීනන්න, නාන්න හොඳ තැනුත් තියෙනවා. සර්ෆින් කරන කෙනෙක්ටනම් යන්න තියෙන හොඳම ස්ථානය තමයි මේ.

කොච්චර පාඩම් කරත් මතක හිටින්නේ නැත්ද?

editor

දැන් ඉන්න ළමයින්ට කියලා නැහැ අපිටත් ඒ කාලේ ඉදන් තිබුණ දෙයක් තමයි පාඩම් මතක හිටිනේනේ නැති සිද්ධිය. ගොඩක් දෙනෙක්ට කොච්චර පාඩම් කළත් මතක හිටින්නේ නැහැ කියලා අපිට හැම වෙලේම වගේ අහන්න ලැබෙනවා. දැන් තියෙන සමාජ පරිසරයත් එක්ක අහන් දකින්න තිබෙන දේවල් වැඩී . මේ නිසා හිතට අරගෙන පාඩම් කරන්න හැකියාව අවම වෙලා තිබෙනවා. ඉතිං මේ විදිහට ඔයාට හරි ඔයගේ සහෝදර සහෝදරියකට හරි එහෙමත් නැත්තම් ඔයගේ දර්වට හරි පාඩම් මතක හිටින්නේ නැති ප්‍රශ්ණයක් තිබෙනවා නම් මේන්න මේ ක්‍රම ටික අත්හදා බලන්න.

01.මුලින්ම පාඩම් කරන්න සුදුසු ස්ථානයක් තෝරාගන්න

ඇත්තටම අපි පාඩම් කරන්න තෝරාගන්න ස්ථානය පාඩම් මතක හිටින්න ගොඩක් බලපානවා. ශබ්ද නැති නිස්කලංක පරිසරයක් තමයි මේ සදහා වඩාත් සුදුසු. ඔයාට ගෙදර පාඩම් කරන්න බැරිනම් ගෙදර උද්‍යානයේ හරි නැත්තම් පුස්තකාලය පාඩම් කරන්න යොදාගන්න. පරිසරයත් එක්ක මනස නිස්කලංක වෙලා පාඩම් කරන දේ ඉක්මනින් මතකයේ රැදෙන්න ඉඩකඩ වැඩීයි.

02.පාඩම් කරන තැන පිරිසිදුව තබා ගන්න

ඔයගේ පොත් මේසේ හැමතැනම පොත් ද? කොළ කෑල්ලිද? නැත්තම් කාමරයේ හැමතැනම ඇඳුම් ද? මුලු ගෙදරම හැඩි වෙලාද? මෙහෙම හැම දේම අපිළිවෙලයිනම් එහෙමත් නැත්තම් අපිරිසිදුනම් ඔයාගේ මනසත් නිකන්ම අවුල් ජාලයක් වෙනවා. ඒ නිසා මූලිකව තමන් පාඩම් කරන්න ගන්න තැන හොඳින් පිරිසිදු කර පිළිවෙලකට තියාගන්න.

03. ඔයා ඇඳේ ඉදන් පාඩම් කරන්න පුරුදු වෙලානම් එක මේ දැන්ම නවත්තන්න

පාඩම් කරන අයගේ ලොකුම හතුරා තමයි ඇඳ. සුවපහසුව හින්දම ගොඩක් දෙනෙක් පාඩම් කරන්න යන්නෙත් ඇඳට. ඇඳට ගියා කියන්නේ පාඩම් කරන්න වෙන්නේ නැති එක. තියන සැපටම නින්ද යනවා. ඒ නිසා ඇඳට ගිහින් පාඩම් කරන එක නවත්තන්න. පුළුවන්නම් පාඩම් කරන තැන ඇඳ පේන්නේවත් නැති තැනකින් හදාගන්න.

04.ඔයාගේ අරමුණ මොකක්ද කියලා පැහැඳිලි කරගන්න

“මට එය කල හැකියි – I can do it” කියලා හැමදාම ඔයා ඔයාටම පොරොන්දු වෙන්න. ඔයාට අවශ්‍ය මොකක්ද කියලා පැහැඳිලි අවබෝධයක් ලබා ගන්න. ඔයාට අවශ්‍ය විභාගයෙන් ඒ සාමාර්ථයක් ලබා ගන්නනම් එය ඔබට ලබාගන්න පුළුවන් කියලා විශ්වාස කරන්න. ඒ වගේම ඔයාට ලබා ගන්න අවශ්‍ය සාමාර්ථය කොළයක ලියලා ඔයා පාඩම් කරන ස්ථානයේ පේන්න අලවගන්න.

5 කාල සටහනක් සාදා ගන්න

පාඩම් කිරීම නිසි පිළිවෙලට සිදු කරන්නට නම්, ඔබ අනිවාර්යයෙන්ම කාල සටහනක් හදා ගන්න එක තමයි හොඳම දේ. මුල ඉදන් පාඩම් වැඩ බෙදාගෙන කලේ නැති නම්, විභාගය ලං වුණහම කරන්න තිබෙන වැඩ වැඩි වෙලා එක වැඩක්වත් හරියට කරගන්න බැරි වෙනවා. එකෙන් වෙන්නේ ඔයාට අනවශ්‍ය මානසික ආතතියක් ඇතිවෙන එක විතරයි. මේ නිසා පාඩම් කරන අයෙකු නිසි ලෙස කාලය කළමනාකරණය කර ගැනීම ඉතාමත් වැදගත් වෙනවා.

6 කෙටි සටහන් සහ Highlight කිරීම්

ඔබේ පාඩම තුල ඇති වැදගත් කරුණු කෙටි සටහන් ලෙස වෙනම කොලයකට ගොනු කර ගන්න. එහෙමත් නැත්තම් Highlight Pen එකක් භාවිතා කර වැදගත් කරුණු Highlight කර ගන්න. පාඩමේ ඇති වැදගත් කරුණු මතක තියාගන්න ඒක ඔයාට ගොඩක් වැදගත් වේවි.

8 ඔයාගේ ආහාර රටාව ගැන සැලකිලිමත් ‍වෙන්න

පාඩම් කරන කාලයේදී ඔබේ මතක ශක්තිය වර්ධනය කර ගැනීමට උපකාරී වන පෝෂ්‍යදායි ආහාර ලබා ගන්න. සමබල ආහාර රටාවක් සම්බන්ධයෙන් ඔයාගේ අවධානය අවධානය යොමු කරන එක ඉතාම වැදගත්. නැවුම් පලතුරු නිතර ආහාරයට ගන්න. ඒ වගේම වැඩිපුර ජලය පානය කරන්න. මානසික ආතතිය වඩවන කැෆේන් සහ සීනි අඩංගු ආහාර අඩු කරන්න. සමහරුන්ට රාත්‍රියේදී බත් ආහාරයට ගත් විට තද නිදිමතක් එනවා. එවැන්නන් රාත්‍රියට සැහැල්ලු ආහාර ලබා ගන්න.

ලෝකයේ ඉහළ ඉල්ලුමක් ඇති රෝස වගාව…

editor

රෝස කියන්නේ ලෝකයේ වැඩියෙන්ම භාවිතා වෙන ඒ කියන්නේ අංක එකේ මල් වර්ගය. ආදරයේ සංඛේතය වගේම යහළුකමේ සංඛේතය විදිහටත් රෝස යොදාගන්නවා. ලෝකයේ ඉහළ ඉල්ලුමක් තිබෙන මල් වර්ගය කිව්වොත් හරියටම හරි. රෝස ගෙවත්තේ බදුන්ගත වගාවක් ලෙසත් භාවිතා කරන්න පුළුවන් මල් වර්ගයක්. ලංකවේ මහා පරිමාණයෙන් රෝස වගාව ලංකාවේ සිදුකරන්නේ නැති වුණත් කැපුම් මලක් ලෙස රෝස වගා කරනවා. රෝස කියන්නේ හරියට පටන් ගත්තෝත් හොඳ ලාභයක් ලබාගන්න පුළුවන් මල් වර්ගයක්. රෝස කියන්නේ ඕනෑම පරිසර තත්ත්වයක උද්‍යාන පාලනයේදී යොදා ගන්න පුළුවන් මල් වර්ගයක්. රෝස රූපලාවණ්‍යය සදහා යොදාගන්නවා කියලා ඔබ දන්නවාද?ඔසු වර්ග, සුවඳ විලවුන්, වෙනත් සුවඳ වර්ග, ආහාර සුවඳ වර්ග, සබන්, ක්‍රීම් වර්ග, තෙල් වර්ග, දහස් ගණනක් රූපලාවණ්‍යය නිෂ්පාදන වලට රෝස භාවිතා කරනවා. ඒ වගේම සමහර රටවල් ආහාරය සදහාද රෝස වගා කරනවා. දැනට ප්‍රධාන වශයෙන් ඒ වගේම සුලභව මේ වර්ගවල රෝස අපිට ලංකාවේදී දැකගන්න හැකියාව තිබෙනවා.

හයිබ්‍රිට් ටී රෝස -(Hybrid Tea Roses)

ෆොලොරි බණ්ඩා (Floribunda Roses)

කුරු රෝස (Miniature Roses)

වැල් රෝස (Climbers and Romblers)

පඳුරු රෝස (Shurb Roses)

විශේෂයෙන්ම පරිසරයට ගැළපෙන ලෙසින් තම සිතැඟි පරිදි රෝස ගසක් හෝ වගාවක් නිර්මාණය කර ගැනීමේ දී වැඩි සැලකිල්ලක් දැක්විය යුතු අතර ඒ සඳහා වැඩි කැපවීමක් සිදුකරන්න වෙනවා.අනෙකුත් මල් වගා කිරීමේ දී මෙන්ම රෝස වගාවේ දී ද වගා භූමිය සහ පස පිළිබඳව මනා අවබෝධයක් තිබිය යුතුයි. විශේෂයෙන්ම මෙම රෝස වගාවට යෝග්‍ය වන්නේ හොඳින් ජලවහනය සිදුවන තරමක් ආම්ලික පසක්.සාමාන්‍යයෙන් රෝස, පාත්තිවල සිටුවිය හැකි අතර බඳුන්ගත වගාවක් ලෙසද සිදුකරන්න හැකියාව තිබෙනවා. මෙහිදී පොළොවේ පාත්ති සකස් කරන්නේ නම් පසේ ස්වරූපය අනුව එය සිදුකළ යුතුයි. රෝස පැළය සිටුවීමට ගැඹුර අඩි 1 1/2, 2 අතර ප‍්‍රමාණයේ වළවල් සැකසිය යුතු අතර පාත්තිය වටා ජල වහනය සඳහා ක‍්‍රමක් සකස් කළයුතු වෙනවා . වගා භූමියට වඩා උසින් සිටින විදිහට (පස් උඩට ගොඩ කර) මෙහිදී පාත්ති සකස් කළ යුතුයි. ඔබ පාත්ති වල හෝ ගෙවත්තේ ලස්සනට රෝස වගා කරන විට රෝස පැළ සිටුවීමේ පරතරය අඩි 03ක් හෝ 04ක් ලෙස තිබිය යුතුයි. උසට වැවෙන වැල් රෝස ශාක ගස් දෙක අතර අවම අඩි 07ක් වත් පරතරයක් තිබිය යුතුයි.

ඒ වගේම රෝස පැල සිටුවා මුල් දින දහයෙදී පැළ වලට හෙවන ලැබිය යුතුයි. දිනකට දෙවරක් වත් වතුර දැමිය යුතු අතර පැල සිටුවා මාස හයක් යන තෙක් එම පැළ වලින් පැළ ලබා ගැනීම සිදු නොකළ යුතුයි. රෝස ශාකයට වැඩිපුර පොටෑසියම් අඩංගු පොහොර යෙදීම තුළින් මල් හට ගැනීම වැඩි වෙන අතර සති දෙකෙන් දෙකට වගාවන්ට පොහොර එක් කළ යුතුයි.

තරුණ වියේදී ඇතිවෙන දද, කුෂ්ඨ රෝග වලින් ඔබත් පීඩා විඳිනවාද?

editor

දැන් තරුණ පරපුරට ඇතිවෙලා තිබෙන තවත් ප්‍රශ්ණයක් තමයි තරුණ අවධියේදීම කුෂ්ඨ, දද, හොරි ඇතිවීම. මේ නිසා අධික මුත්‍රා ආසාදන ඇතිවීමද සිරුරින් දුගඳක්‌ වහනය වීමද දහදිය අධික දුර්ගන්ධයක්‌ව පැවතීම ද දකින්න පුළුවන්. මේ කුෂ්ඨ, දද, හොරි ඇතිවෙන්නේ ගුදය කිහිලි, ඉකිලි ආශ්‍රිතව වන අතර එම නිසා ගුද මුඛය කැසීම, ඉකිලි කිහිලි කැසීම එම ස්‌ථාන රත්පැහැ ගැන්වී තිබීම එහි ප්‍රතිළුලයක් ලෙස දකින්න පුළුවන්.

අපේ තරුණ අවධිය කියන්නේ ජීවතේ සුන්දරම අවධිය. මේ කාලේදී මෙහෙම රෝගයක් ඇති වුණහම කාන්තා පිරිමි දෙපාර්ශවයටම ලොකු අපහසුතාවයකට මුහුණ දෙන්න සිද්ධ වෙනවා. සම පැහැපත්ව සිත ප්‍රබෝධමත්ව සිරුර ජවසම්පන්නව තියෙන්න ඕන මේ වයසේදී සමේ පැහැය නැති කරමින් සිතට වද දෙමින් අන් අය අතර පිළිකුල් ඇති කරමින් කුෂ්ඨ, දද, හොරි, මතු වුණොත් එය සුන්දර තරුණ විය අසුන්දර කරන්නට තරම් සමත් කරුණක් බවට පත්වෙනවා.

තරුණවියේදී මෙම රෝග ඇතිවීමට ප්‍රධාන වශයෙන්ම බලපාන්නේ ළමාවියේදී මෙම රෝගවලින් පීඩාවිඳිමේ අතුරු ඵලයක්‌ ලෙසයි. දෙවන කරුණ තමයි තමා ගත කරන ජීවිතය සහ ජීවත්වන පරිසරය. දද, කුෂ්ඨ, හොරි, රෝගවලින් පීඩා විඳින බොහෝ තරුණ තරුණියන් ගත කරන්නේ ක්‍රමවත් ජිවිතයක් නෙවෙයි. ඔවුන් කන බොන ආහාර බැලුවොත් වැඩි පුරම ආහාරයට ගන්නේ අච්චාරු වර්ග, ඉස්‌සෝ, දැල්ලෝ වැනි සැර ආහාර වර්ගය.

ඒ වගේම පිරිසිදු ඇඳුම් පැළඳුම් ඇඳීම සහ ශරීරය පිරිසිදුව පවත්වාගෙන යැම සම්බන්ධයෙන් සැලකිල්ල අඩු වුණහම, අධික ලෙස මත්පැන් ගැනීම, මත් ද්‍රව්‍යවලට ඇබ්බැහිවීම පිරිසිදු වාතාශ්‍රය සහිත වාසස්‌ථානවල දිවි නොගෙවීම වැනි කරුණ නිසා මෙ විදිහට සම ආශ්‍රිත රෝග හටගන්නවා.

එකිනෙකට විරුද්ධ ආහාර ගැනීම ද සුදුසු නැහැ. (එනම් උෂ්ණ හා සීතල ආහාර වශයෙන්). ඒ විතරක් නෙවෙයි මේ සමේ රෝගවලට තුඩු දෙන තවත් කාරණයක් ලෙස අන් අයගේ ඇදුම් පැළදුම් භාවිතය නිසා ද සිදුවීමට ඇති ඉඩකඩ වැඩියි.

දේශගුණික බලපෑම් ද මෙවැනි රෝගී තත්ත්වයන්ට බලපානවා. පරම්පරාවෙන් පරම්පරාවට ද මේ දද, හොරි වැනි තත්ත්ව විකසනය වීමට පුළුවන්. ඇදුම රෝගීන්ගේ දියර ගලනවා වගේ දැකිය හැකියි. එවිට කුෂ්ට ඒමට ඇති ප්‍රවණතාවය වැඩියි.

තමන්ට මෙවැනි රෝගී ලක්ෂණ පවතිනවානම් අදම වෛද්‍යවරයෙක් හමුවෙලා මෙයට ප්‍රතිකාර ලබා ගන්න. මොකද තරුණ වයසේදීම මෙවැනි දේකට මුහණ දෙන්න සිද්ධවෙන එකම ලොකු පාඩුවක්.

Post Lockdown එකෙන් පස්සේ කොළඹ අවට තිබෙන bar වල අලුත්ම deals..

editor

ලොක්ඩවුන් වෙලා ගොඩක් කාලයක් බලන් ඉඳලා අවසානයට දේවල් එකින් එක යථා තත්ත්වයට පත්වෙනවත් සමඟම, මිනිස්සු තමාගේ දිනපතා ජීවන රටාව නැවත හැඩගැහෙමින් ඉන්නවා. අපි හැමෝම අළුත් වගේම ප්‍රවේශම් සහගත ජීවන රටාවකට පුරුදු වෙමින් ඉන්නවා. ශ්‍රී ලාංකිකයන් විදිහට අපිට මේ තත්ත්වයන් නිසා බියර් එකක් ගන්න එක පොඩ්ඩක් මග හැරිලා තියෙනවා. ඉතින් ඔයාට වැඩිපුරම මග හැරුණු පුද්ගලයින් එක්ක විනෝද වෙන්න ඔයාට උදව් කරන්න කොළඹ අවට තියෙන බාර් කිහිපයක්ම සුදානම් වෙලා ඉන්නවා.

1. The Chiller Room

අපට හොඳ කාලයක් ගත කිරීමට උදව් කිරීමට The Chiller Room දැන් විවෘතව තියෙනවා . ඒක විවෘත වෙලා තියෙන්නේ බදාදා සිට ඉරිදා දක්වා සවස 5:00 සිට රාත්‍රී 11.30 දක්වා පමණයි. ඒ වගේම, මේ දවස් වල සවස 5:00 සිට රාත්‍රී 8:00 දක්වා happy hour විදිහට වෙන් කරලා තියෙනවා. ඊට අමතරව, ඔවුන් සෑම බදාදා දිනකම සවස 5:00 සිට රාත්‍රී 8:00 දක්වා නොමිලේ කොක්ටේල් සමඟ ladies night සදහා වෙන් කරලා තියෙනවා. පුද්ගලික සාද සඳහා වෙන් කිරීම් එයාලා භාරගන්නවා වගේම බදාදා සහ බ්‍රහස්පතින්දා ඒ සඳහා වඩාත් සුදුසුයි.

2. King of the Mambo

The Galle Face හෝටලය Cuban twist හඳුන්වා දීමෙන් සුවිශේෂී අත්දැකීමක් අපිට ලබා දීලා තියෙනවා.එයාලගේ අද්විතීය තේමාව සහ ආහාර පිසීම කොළඹ ගොඩක් ජනප්‍රිය ස්ථාන අතර කැපී පෙනෙනවා.

King of the Mambo සඳුදා සිට සිකුරාදා දක්වා සවස 3 සිට රාත්‍රී 11 දක්වා විවෘත වෙලා තියෙනවා.

සඳුදා: – සවස 6 සිට රාත්‍රී 7 දක්වා Complimentary කොක්ටේල් සහ සවස 7 සිට රාත්‍රී 8 දක්වා happy hour

අඟහරුවාදා – සවස 6 සිට රාත්‍රී 7 දක්වා happy hour

බදාදා – ඔවුන්ගේ විශේෂ මෙනුවෙන් නොමිලේ වයින් බෝතලයක් ලබා ගන්න හැකියාව තිබෙනවා. සවස 6 සිට රාත්‍රී 7 දක්වා happy hour

බ්‍රහස්පතින්දා – කොළඹ තානාපති කාර්යාල කාර්ය මණ්ඩලයට ඔවුන්ගේ ආහාර පාන සඳහා 20% වට්ටම් (ආගන්තුක 4 දෙනෙකුට උපරිම වශයෙන් 1 කාර්ය මණ්ඩල සාමාජිකයෙක්)

සිකුරාදා – Cuarteto from Cuba සමඟ සති අන්තය

සෙනසුරාදා – දිවා ආහාරය රාත්‍රී 12 සිට සවස 3 දක්වා | රාත්‍රී 3 සිට රාත්‍රී 11 දක්වා රාත්‍රී ආහාරය

ඉරිදා – “A LO CUBANO” brunch (Complimentary Welcome Sangria + විශේෂ ආහාර
මෙනුව) රාත්‍රී 12 සිට සවස 3 දක්වා /සවස 3 සිට රාත්‍රී 11 දක්වා රාත්‍රී ආහාරය | සවස 6 සිට රාත්‍රී 7 දක්වා happy hour

3. Taphouse

Dutch Hospital වීදියේ වඩාත් ජනාකීර්ණ ස්ථානයක් විදිහට හැඳින්වෙන Tap House දිනපතා උදේ 11.30 සිට රාත්‍රී 11.00 දක්වා විවෘතව පවතිනවා. night out වලදී අපි හැමෝම පුරුදු වෙලා හිටිය නැතිවී ගිය සංගීතය නැවත ගෙන එන්න එයාලා සැලසුම් කරලා තියෙනවා. එයාලගේ සජීවී සංගීත කණ්ඩායම ලබන සිකුරාදා සිට ප්‍රසංගය ආරම්භ කිරීමට නියමිතව තිබෙනවා. එයාලාගේ මෙනුවේ විශේෂිත ආහාර සඳහා 20% ක වට්ටමක් ලබා දීලා තියෙනවා වගේම ඒවායේ මත්පැන් මිල සාධාරණ ලෙස අඩු කරලත් තියෙනවා.

4. The Love Bar Colombo

විචිත්‍රවත් අලංකරණයන් හා වාතාවරණයන් නිසා ප්‍රසිද්ධ හැව්ලොක්හි පිහිටල තියෙන මේ කුඩා ස්ථානය ද මේ වෙනකොට මහජනයාට දොර විවර කරලා තියෙනවා. එයාලගේ ආරම්භක වේලාවන් සතියේ දිනවල සහ සති අන්ත දෙකෙහිම සවස 4:00 සිට රාත්‍රී 11:00 දක්වා සැලසුම් කරලා තියෙනවා. සවස 4:00 සිට 6:00 දක්වා Happy Hour ලෙස වෙන් කර තිබෙන අතර තෝරාගත් කොක්ටේල් සඳහා 50% ක වට්ටමක් වගේම ඊට අමතරව බදාදා දිනවල සියලුම කාන්තාවන් සඳහා නොමිලේ කොක්ටේල් සමඟ Ladies Night පස්වරු 4:00 සිට රාත්‍රී 7:00 දක්වා පැවැත්වෙනවා.

5. The Steuart by Citrus – &Co Pub and Kitchen

ඔයත් හොඳ කොක්ටේල්, සිසිල් බියර් වලට කැමති කෙනෙක් නම් ඒ සඳහා සුදුසුම ස්ථානය තමයි මේ. Dutch Hospital වීදියේ පිහිටලා තියෙන මේ Pub එක පෙරවරු 11:00 සිට රාත්‍රී 11:00 දක්වා විවෘතව පවතිනවා. එයාලගේ Happy hour එකේදී, මිලදී ගැනීමකට කොක්ටේල් සහ සමහර බියර් සඳහා නොමිලේ දීමනාවක් ලබා දෙනවා. බාර් එකඅඟහරුවාදා සිට සෙනසුරාදා දක්වා සවස 5:30 සිට රාත්‍රී 7:30 දක්වා ක්‍රියාත්මක වෙනවා වගේම සඳුදා දිනවල සවස 5:30 සිට රාත්‍රී 9.30 දක්වා එයාලගේ Happy Hour එක දීරඝ කරලා තිබෙනවා. සති අන්තයේ මඳ වේලාවකට පෙර බීම ලබා ගැනීමට කැමති අය සඳහා, ඉරිදා Happy hour දහවල් 12.00 ට පෙර ආරම්භ වෙනවා වගේම දවස පුරාම රාත්‍රී 10:00 දක්වා පවතිනවා.

6. Cheers Pub Colombo

Pool ක්‍රීඩාවේ යෙදෙනවානම් හොඳම pub එක මේක වෙන්න පුළුවන්. උදේ 11 සිට මධ්‍යම රාත්‍රිය 12 දක්වා මහජනයාට විවෘතය වෙලා තියෙනවා. ඔවුන්ගේ happy hours සවස 5:00 සිට රාත්‍රී 7.30 දක්වා තිබෙනවා. ඒ වගේම තෝරාගත් බීම අඩු මිලකට පිරිනමනවා. මේ Pub එක සිනමන් ග්‍රෑන්ඩ් හි පිහිටා ඇති බැවින් රාත්‍රී භෝජන විකල්පත් ඕනෑ තරම් මෙතනින් ඔයාට ලබාගන්න පුළුවන්.

7. Honey Beach Club

හවස්යාමේ යාළුවොත් එක්ක එකතුවෙන එක මග අරුණු අය වෙනුවෙන්ම කිංග්ස්බරි එකේ හනි බීච් ක්ලබ් එකත් දැන් නැවතත් විවෘත කරලා තියෙනවා. උදේ 9.00 සිට රාත්‍රී 11:00 දක්වා එයාලා විවෘත වෙලා තිබෙනවා වගේම සවස 5:30 සිට 7:30 දක්වා Happy hour ලබා දෙන අතර මෙනුවේ තියෙන සියලුම මධ්‍යසාර පාන වලින් එකක් මිලදී ගත්තොත් තව එකක් නොමිලේ ලබා ගන්න ඔන්න ඔයාට හැකියාව තිබෙනවා.

8. Dutch Pub Colombo

Dutch සංකීර්ණයේ පිහිටලා තියෙන මේ Pub එකෙ සංගීතය සහ වටපිටාව නිසා ඔයාගේ මිතුරන් සමඟ හවසට set වෙන්න කියාපු තැන. පෙරවරු 11:00 සිට රාත්‍රී 11:00 දක්වා Dutch Pub එක open කරලා තිබෙනවා. සිකුරාදා සහ සෙනසුරාදා දිනවල එයාලගේ Happy hour එක සවස 5:00 සිට රාත්‍රී 7:00 දක්වා පවතිනවා.

ඒ විතරක්ම නෙමෙයි ඉරිදා සිට බ්‍රහස්පතින්දා දක්වා සවස 4:00 සිට රාත්‍රී 7:00 දක්වා පවතින අමතර Happy hour එකකුත් මෙයාලා ලබා දෙනවා. තෝරාගත් බීම වලින් මිලදී ගන්නා සෑම බෝතලයක් සඳහාම තවත් බෝතලයක් ලබා දීමට එයාලා කැමැත්තෙන් ඉන්නවා.ඊට අමතරව, එකම දීමනාව විශේෂිත බියර් සඳහාද අදාළ වෙනවා. බියර් සහ මාළු, චිප්ස් සහ බියර් සහ පීසා වැනි ඔවුන්ගේ වෙනත් පැකේජ දීමනා සඳහාද ඔයාට deals ලබා ගන්න හැකියාව තිබෙනවා. ඒ වගේම එයාලගේ දිවා ආහාර මෙනුව පෙරවරු 11:00 සිට පස්වරු 3.00 දක්වා ක්‍රියාත්මක වෙනවා.

9. Re.pub.lk

හොස්පිට්ල් වීදියේ ඇති මේ කුඩා ස්ථානය, එයාලගේ great music සඳහා ප්‍රසිද්ධයි. Re.pub.lk සවස 5:00 සිට රාත්‍රී 10:00 දක්වා විවෘතව පවතිනවා. සෑම දිනකම තෝරාගත් කොක්ටේල් සදහා සවස 5:00 සිට රාත්‍රී 7:00 දක්වා happy hour එකක් තියෙනවා වගේම බ්‍රහස්පතින්දා සවස 5:00 සිට රාත්‍රී 8:00 දක්වා වැඩිපුර පැයක් happy hour එක පවතිනවා. බ්‍රහස්පතින්දා සහ සෙනසුරාදා දිනවල ඔවුන්ගේ සංගීත කණ්ඩායම සමඟින් අපට සජීවී සංගීතය ලබාදෙන්න එයාලා තීරණය කරලා තියෙනවා. එයාලගේ ඩී. ජේ වෙන ඩී. කේෂ් බ්‍රහස්පතින්දා සිට සෙනසුරාදා දක්වා ප්‍රසංගය පවත්වන බැවින් එයාලා සංගීත අත්දැකීම් දීර්ඝ කරලා තියෙනවා.

10. Curve

සවස් යාමය ගත කරන්න පාර්ක් ස්ට්‍රීට් මිවුස් සංකීර්ණයේ තිබෙන අලංකාර හා නවීන විලාසිතාවට හදපු බාර් එකක් සහ lounge එකක් විදිහට Curve අනිවාර්යයෙන්ම සලකන්න පුළුවන්. උදේ 10 සිට රාත්‍රී 11 දක්වා විවෘත මේ bar එකේ පිහිටීම සහ හුරුබුහුටි සැකසුම එය යන්නම ඕනෑ තැන් වලින් එකක් බවට පත් කරනවා. ඒ වගේම tiger එකක් ගත්තොත් තව එකක් නොමිලේ ලබාගන්නත් ඔයාට පුළුවන්.

11. Basico Bar & Lounge

යුනියන් පෙදෙසේ ඇති මේ කදිම ස්ථානයත් සවස 6:30 සිට 12:00 දක්වා මහජනයාට විවෘතයි.එයාලගේ Happy hour සවස 5:00 සිට 7:00 දක්වා පවතිනවා. එහිදී සියලුම බීම වර්ග එකකට එකක් වට්ටමක් යටතේ පිරිනමනවා.

12. The LONG Bar

කොළඹ සිට ටිකක් එහාට යද්දී හම්බෙන ලෝන්ග් බාර් එහි තියෙන සිසිල්බව, සුවපහසු වාතාවරණය සහ හොඳ සංගීතය සඳහා ප්‍රසිද්ධයි. දැනට මෙය සවස 5:00 සිට 12:00 දක්වා විවෘතව පවතිනවා වගේම එයාලගේ happy hour සවස 5:00 සිට රාත්‍රී 7:00 දක්වා ක්‍රියාත්මක වෙනවා. ඔයාට විශේෂිත item කිහිපයක්ම භාගයක් අඩුවට ලබාගන්න පුළුවන්. ඉරිදා දිනවල Happy hour දහවල් 12.00 සිට රාත්‍රී 7:00 දක්වා තියෙන නිසාම එකක් ගත්තම තව එකක් නොමිලේ ලබාගන්න ඔයාට පුළුවන්. විවිධ දිනවල සජීවී සංගීත කණ්ඩායම් කිහිපයක් වාදනය වන නිසා ෆේස්බුක් page එක සමග සම්බන්ධ වෙලා හිටියොත් ඔයාට ඒ ගැන විස්තර බලාගන්න පුළුවන්.

13. The Irish

කවුද අකමැති අයර්ලන්තයට ගියා වගේ හැඟීමක් ලබාගන්න. මේ විශේෂිත පබ් එක කැපී පෙන්නේ මේකේ තියෙන අයර්ලන්ත පෙනුම,අඳුරු විදුලි පහන් සහ සුවපහසු වාතාවරණය නිසා.එයාලා සවස 5:00 සිට රාත්‍රී 7:00 දක්වා happy hour සදහා වෙන් කරලා තියෙනවා.ඉතින් ඔයාට තෝරාගත් බීම කිහිපයක් සදහා one -on -one deal එකක් ලබාගන්න පුළුවන්. The Irish දිනපතා පාන්දර 12.00 සිට දහවල් 12.00 දක්වා විවෘතව පවතිනවා.

14. White Horse Inn

මෙම බාර් එක එයාලගේ සාධාරණ මිල ගණන් සහ මිත්‍රශීලී කාර්ය මණ්ඩලය සඳහා ප්‍රසිද්ධ නිසා දවසම මහන්සිවෙලා ඉන්න ඔයාට ලාභෙට drink එකක් ගන්න යන්න සුදුසුම ස්ථානයක්. ඔයා අඩු ගාණකට drink එකක් ගන්න බලාපොරොත්තු වෙනවා නම් මේ ඒ සදහා හොඳම ස්ථානය තමයි White Horse Inn එක. පෙ.ව .10.00 සිට ප.ව 2.00 දක්වා විවෘතව පවතින නිසාම සවස 5 ට නැවත විවෘත කරලා මධ්‍යම රාත්‍රිය දක්වා පවත්වාගෙන යනවා. ඔයා ටයිගර් බියර් දෙකක් මිලට ගත්තොත් තව එකක් ඔයාට නොමිලේ ලබාගන්න පුළුවන්. තෝරාගත් නිෂ්පාදන සඳහා කොම්බෝ deals ද පවතිනවා.සිකුරාදා සහ සෙනසුරාදා දිනවල ඔයාගේ රාත්‍රිය ආරම්භ කරන්න ඩීජේත් මෙතන තියෙනවා. ඔයා budget එකට තැනක් හොයනවනම් මේ තමයි එකට හොඳම තැන.

15. The Manchester

The Manchester බාර් එකෙන් මත්පැන් බෝතල් වලට ඔයාට හොඳ deal එකක් ලැබෙනවා. එක බෝතලක් ගත්තොත් chasers තුනක් ඔයාට නොමිලේ ලැබෙනවා. මේක පෙරවරු 11.00 සිට පස්වරු 2.00 දක්වාත් පසුව පස්වරු 5.00 සිට රාත්‍රී 10.00 දක්වාත් විවෘතව තියෙනවා. සෑම සිකුරාදා දිනකම එයාලා සජීවී සංගීත කණ්ඩායම් වාදනය කරනවා. ඔයාගේ මිතුරන් සමඟ හොඳ සන්ධ්‍යාවක් ගත කරන්න හරියන බයිට් මෙනුවකුත් තියෙනවා.

16. Vistas Rooftop Bar (Mövenpick)

යාලුවෙක් එක්ක හෘදයාංගම කතාබහක යෙදෙන්න මේ ඔයාට සුදුසුම ස්ථානයක්. ඉන්ස්ටග්‍රෑම් එකට දාන්න කොළඹ අහසෙ ලස්සන photo එකක් ගන්නත් මෙතනදී ඔයාට බැරිවෙන එකක් නම් නැහැ. LKR 1990 කට ඔයාට බොන්න පුළුවන් ඔක්කොම වගේ බියර් ඔයාට මෙතැනදී ගන්න පුළුවන්. එයාලගේ Happy hour සවස 6:00 සිට රාත්‍රී 7.30 දක්වා පවතිනවා වගේම එහිදී ඔයාට එකක් ගත්තම තව එකක් නොමිලේ ලබාගන්න පුළුවන් deal එකකුත් ලැබෙනවා. කොක්ටේල් ෂීෂා සහ ඔවුන් සතුව ඇති ජෑස්, සියල්ල එයාලගෙන් ලබාගන්න පුළුවන්. මේ bar එක සෑම දිනකම උදේ 11.00 සිට රාත්‍රී 11.00 දක්වා විවෘත කරලා තියෙනවා.

රෑට හරිහැටි නින්ද යන්නේ නැද්ද?

editor

හරිහැටි නින්ද නොලැබීමේ ගැටලුව අලුත් එකක් නෙවෙයි. යහපත් නින්දක් ලබාගන්න එක හැමකෙනෙකුටම වැදගත් දෙයක්.මේ කාලේ හුඟ දෙනෙකුට තියන ප්‍රශ්නයක් නින්ද නොයෑම. සමහරුන්ට නින්ද ගියත් කඩින් කඩ ඇහැරෙනවා. නින්දට බාධා වෙනවා. නිදා නොගැනීම වගේ ම ඕනවට වඩා නිදාගැනීමත් සිරුරට අහිතකර බව විද්‍යාත්මකව ඔප්පු වෙලා තියනවා. සුව නින්දක් නොලැබීම, මතකය සහ ප්‍රතිශක්තිකරණය අඩු වීමට බලපානවා. හෘද රෝග, දියවැඩියාව, ඇල්සයිමර් සහ ඩිමෙන්ෂියා, විෂාදය වැනි රෝග වැළඳීමටත් අඩු නින්ද හේතුවක් වෙන්න පුළුවන්. වෛද්‍ය උපදෙස් අනුව වැඩුණු මිනිසෙක් දිනකට පැය 6 – 8 අතර ප්‍රමාණයක් අනිවාර්යයෙන් නිදාගත යුතුයි. යහපත් නින්දක් ලබාගන්නේ කොහොමද කියලා අපි අද බලමු.

නිදන වේලාව

දවසකට අවශ්‍ය නිදා ගැනීමේ පැය ගණන අඩු වෙනවා නම් ඒක සෞඛ්‍යයට හොඳ මදි. එකම වෙලාවකට නිදාගන්නයි නැගිටින්නයි පුරුදු වුණා නම් මේ කිසි අවුලක් නෑ. දිනපතා එක ම වෙලාවකට නිදාගෙන එක ම වෙලාවකට අවදි වෙන්න පුරුදු වුණාම එලාම් එකක් නැතුවම ප්‍රබෝධයෙන් දවස පටන්ගන්න පුළුවන්.

නිදන කාමරය

වර්ණ මගින අපේ සෞඛ්‍යටත් යම් යම් බලපෑම් ඇති විය හැකි බව බටහිර වෛද්‍ය විද්‍යාවට අනුවත් පිලිගෙන තිබෙනවා. නිදන කාමරයේ වර්ණය මගින් ඇති වෙන ආලෝකය නින්දට බලපෑම් ඇති වෙනවා. මේ නිසා නිදන කාමරය වෙනුවෙන් වඩාත් ගැලපෙන්නේ අදුරු පැහැයක් බව දැන් පිලිගෙන තිබෙන නිසා ඔබගේ නිදන කාමරයේ බිත්ති වෙනුවෙන් අදුරු වර්ණය ගල්වන්න. එවිට නින්ද ගැන ගැටලුවක් ඇති වෙන්නේ නැති වේවි. ඔබ නිදාගන්න පරිසරය අධික උෂ්ණයෙන් හෝ අධික සීතලෙන් යුතුයි නම් එය නින්දට බාධාවක්. ඔබේ කාමරය සද්ද බද්දවලින් තොර, මනා උෂ්ණත්වයකින් යුතු තැනක් විය යුතුයි. ඒ වගේ ම ඇඳ අස්පස් කරලා සුවපහසු කරගෙන නිදාගන්න යන්න. ඇඳේ ඉඳන් වෙන වැඩ කරන්න එපා. ඇඳේ ඉඳන් වැඩ කරලා පුරුදු වුණොත් ඇඳට ගියාම නින්ද යන්නෙ නැතුව යයි.

ආහාර

රෑට කොහොමත් සැහැල්ලු ආහාරයක් ගන්න කියලනේ කියන්නේ. කන ඒවා මොන විදියකින්වත් දහනය වෙන්නේ නැති නිසා නිදාගන්න කලින් පොඩි බඩගින්නක් ආවොත් ඉතාම සැහැල්ලු ආහාරයක් තමයි ගන්න ඕනි. නිදාගන්න කලින් මත්වතුර තියා ඕනෑවට වැඩියෙන් පානීය ජලයත් බොන්න එපා කියලා කියනවා. ආමන්ඩ්, වොල්නට්ස්, සුදු බත් වගේ කෑම නින්දකට උදව් දෙන පෝෂ්‍යදායී ආහාර විදියට හැඳින්වෙනවා.කැෆේන් සහ නිකොටින් භාවිතය අඩු කිරීම හොඳින් නින්ද යෑමට හේතුවක්. කැෆේන් මගින් නිදිමත දුරස් කරන නිසා නින්දට ආසන්නයේදී කැෆේන් අඩංගු පාන වලින් ඉවත් වෙන්න. ඒ වගේම නින්ද ආසන්නයේදී ජලය පානයත් සීමා කිරීම වරදක් නැහැ.

ව්‍යායාම

දවල්ට හොඳින් ව්‍යායාම කරන්න පුරුදු වුණ අයට රාත්‍රියට හොඳින් නින්ද යන බව වෛද්‍යවරු කියනවා. මේකට පැය ගණන් ව්‍යායාම කරන්න අවශ්‍ය නෑ. දවසට විනාඩි 10ක් ඇවිද්දත්, එය ඔබට රෑට හොඳින් නින්ද යන්න හේතුවක් වෙනවා. ඒත් ව්‍යායාම සහ නින්ද අතර අන්‍යොන්‍ය සම්බන්ධය හැදෙන්න නම් මාස කීපයක් තිස්සේ දිනපතා ව්‍යායාම කිරීමේ පුරුද්ද පවත්වා ගත යුතුයි.ශාරීරික ක්‍රියාකාරකම් වැඩි වෙන්න වැඩි වෙන්න ගැඹුරු නින්දකට අවතීර්ණ වෙන ප්‍රවණතාව වැඩියි.

දිවා රාත්‍රී භෝජන සංග්‍රහයක් භුක්ති විඳින්න යන්න හොඳම තැන Berlin Sky Lounge

editor

Il Cielo ඉහළින් 6 වන මහලේ පිහිටා ඇති Berlin Sky Lounge වලට ගියොත් ඔයාට හොඳ දිවා රාත්‍රී භෝජන සංග්‍රහයක් භුක්ති විදින්න හැකියාව තිබෙනවා. අපි ඔවුන්ගේ වර්ණවත් cocktails try කළා වගේම අලුතින් menu එකට එකතු කරපු දේවලුත් try කළා. මුලින්ම කියන්න ඕන අපි try කරපු දේවල් අපිව පොඩ්ඩක්වත් කළකිරීමකට පත්කලේ නැහැ කියලා.

Drinks

Blue Lagoon (LKR 1,190)

මෙම කොක්ටේල් එකේ තිබෙන දීප්තිමත් නිල් පැහැය නිසා මේ drink එක instagrammable drink එකක් විදිහට හඳුන්වන්න පුළුවන්. කොහොම වුණත් මේ drink එක පන්ච් එකක් . ඒ නිසා හෙමිට බොන එක තමයි වඩා හොඳ. වොඩ්කා වල තියුණු බව සහ ප්‍රබෝධමත් ඇඹුල් රසය night outing එකකට හොඳට ගැළපෙනවා.

Cosmopolitan (LKR 1,190)

girl’s night outs එකකට ගැළපෙනම drink එක තමයි මේක. පැණිරස හා ඇඹුල් රසයෙන් යුත් මෙම සංයෝජනය ඔබට දෙහිවල ප්‍රසන්න රසයක් ලබා දෙනවා.

Mojito Passion (LKR 870)

සම්භාව්‍ය කොක්ටේල් එකක අද්විතීය පෙරළියක් කිවුවොත් හරියටම හරි. ඔයා දවසෙම මහන්සි වෙලා හෙම්බත් වෙලා ඉන්නවනම් මේක තමයි ඔයාට හරියනම කොක්ටේල් එක.

Appetizers

Creamy Potato Soup with Bacon (LKR 570)

Creamy සහ රසවත් ඒ වගේම ගුණවත් ultimate comfort food එකක් කියලා කිව්වොත් හරියටම හරි. ඩයිස් කළ බේකන් වල රසය හා texture එක ඇත්තටම අපූරු එකතුවක්. Creamy Potato Soup එකත් එක්ක දුන්න garlic bread එක නැවුම් වගේම crisp. මේ appetizer එක ඕනෑම ආහාර වේලකට පරිපූර්ණ ආරම්භයක්!

Currywurst (LKR 750)

හොඳින් පිසින ලද එළවළු සහ පෑන්-ෆ්‍රයිඩ් අර්තාපල් යොදාගන සාදගන තිබෙන මේ appetizer එක drink එකක් එක්ක නියමට ගැළපෙනවා. නිවසේ සාදන ලද තක්කාලි සෝස් සමග කුළුබඩු පොඩි ප්‍රමාණයක් යොදා සකසා ගත් මේය ඕනෑම කෙනෙකුට ගැළපෙන හොඳ appetizer එකක් කියලා කියන්න පුළුවන්.

Mains

Berlin Sky Pork Knuckle Scweshaxn (LKR 1,230)

මෙම ආහාරය පිරිනමන අවන්හල් හතරෙන් එකක් තමයි Berlin Sky Lounge. මේ dish එක ඇස් පිනෙව්වත් මස් ටිකක් වැඩිපුර කරවෙලා තිබුණ නිසා අපිට ලබා දී ඇති cutlery සමඟ එය කපාගැනීමට දුෂ්කර වුණා. මස් නැවුම් හා රසවත් වුණත් මස් කපාගන් බැරි වුණ නිසා මුලු dish එකම ඉවර කරගන්න අපිට බැරි වුණා . ඒ වුණාට අපි පොඩි කළ අර්තාපල් රස වින්දා. ඇත්තටම ඒකත් හරිම රසයි.

Schnitzel Viennese Art (LKR 1,020)

මේ dish එක ටෙන්ඩර් කළ කුකුල් මස් හා මිශ්‍ර එළවළු වලින් සමන්විත සරල කෑමක්. පුද්ගලිකව, අපට හැඟුණේ මෙය අපගේ රසයට ගැළපුනේ නැතිබවක්. නමුත් ඔබ සරල රසයන් සහිත සංකීර්ණ නොවන කෑමක් සොයන්නේ නම්, මේක තමයි ඔයාට ගැළපෙනම ආහාරය.

ඔයාගේ රැවුල නිසි පරිදි පිරිසිදුව පවත්වා ගන්නේ කොහොමද..?

editor

රැවුල වවන්න කැමති කඩවසම් තරුණයින් වෙනුවෙන් gasma.lk වෙතින් අපි මීට පෙර ලිපියක් පලකළා. රැවුල වවනවා නම්, ඒ කොහොමද..? මොන විදිහේ මුහුණකටද රැවුල ගැළපෙන්නේ..? මුහුණේ හැඩය අනුව රැවුලේ හැඩය පවත්වා ගන්නේ කොහොමද වගේ තොරතුරු අපි ඒ ලිපියෙන් කතාබහ කළා. මුහුණට ගැළපෙන හැඩයකින් සකස් කරගත්ත රැවුල නිසි පරිදි පිරිසිදුව පවත්වා ගන්නේ කොහොමද කියන කාරණය ගැනයි අපි අද ලිපියෙන් දැනුවත් කරන්න බලාපොරොත්තු වෙන්නෙ.

ඔබේ රැවුල හොඳින්, අලංකාරවත් ලෙස පවත්වා ගැනීම අනිවාර්යයෙන්ම කළ යුතුයි. රැවුල නිසි පරිදි නඩත්තු නොකළොත් එයින් ඔබේ මුහුණට එකතු වෙන්නේ ලස්සනකට වඩා අවලස්සනක් කිවුවොත් හරි. ඒ නිසා පිරිසිදු කිරීම සහ පවත්වා ගැනීම කියන කොටසේදී ඔබ වඩාත් සැලකිලිමත් විය යුතුයි. වෙලාව ගැන නොසිතා, අපහසුව ගැන නොසිතා ඔබ ඔබේ රැවුලට අවශ්‍ය මේ සත්කාර කළ යුතුමයි. කෙනෙක් ඔබේ මුහුණ දිහා එක එල්ලේ බලද්දී ඔබේ රැවුල ඔහුගේ හෝ ඇයගේ ඇසට හොඳින් හසුවනවා. ඉතින් ඔබ රැවුල නඩත්තු කරන පිළිවෙල ඔබ ගැන ඔවුන්ට අදහසක් ලබාදෙන්න තරම්ම ප්‍රබලයි. ඒ නිසා අනිවාර්යෙන්ම රැවුල ගැන ඔබේ අවදානය යොමුකළ යුතුමයි.

අපි ඔබට කරණා කිහිපයක් ඉදිරිපත් කරන්නම්. මේ කරුණු ගැන ඔබේ අවදානය යොමුකළ යුතුමයි. පලවෙනි කාරණය නම් ඔබ රැවුල සෝදන ආකාරය. ඔබ කොහොමද ඔබේ රැවුල සෝදා පිරිසිදු කරන්නෙ.? මේ ප්‍රශ්නය ඔබ ඔබෙන්ම අහල බලන්න. සතියකට අඩුම වශයෙන් තුන් වතාවක් හෝ හතර වතාවක් ඔබේ රැවුල සේදීම සිදුකළ යුතුයි. එකේදී සාමාන්‍ය ෂැම්පු වර්ගයක් පාවිච්චි කිරීම හොඳටම ප්‍රමාණවත්. නමුත් සල්ෆේට් අඩංගු නොවන ස්වභාවික නිෂ්පාදනයක් මේ සඳහා තෝරා ගන්න අමතක කරන්න එපා. රැවුල පිරිසිදු කිරීම වෙනුවෙන් විශේෂයෙන් සකස් කළ ෂැම්පු වර්ග අවශ්‍ය වන්නේ නැහැ. මොකද ඔබේ රැවුල සහ කොණ්ඩය අතර ලොකු වෙනසක් නැති නිසා. ඒ වුණත් ඔබේ මුහුණේ විශේෂයෙන් මුඛය ආශ්‍රිතව ආලේප කරන ෂැම්පු වර්ගයක් නිසා අහිතකර රසායනික ද්‍රව්‍ය නැති ස්වභාවික අමුද්‍රව්‍ය සහිත නිෂ්පාදනයක් වීම වැදගත්. තෝරාගත් ෂැම්පු වර්ගය යොදා හිසකෙස් පිරිසිදු කරන ආකාරයටම රැවුල හොදින් සෝදා දැමීම කළ යුතුයි.රැවුල සඳහා කන්ඩිෂනර් වර්ගයක් හෝ beard oil එකක් පාවිච්චි කිරීම අත්‍යවශ්‍යයි. ඒ oil වර්ගය තෝරා ගැනීමේදීත් මුලින් අපි කිව්වා වගේම එය ස්වභාවික අමුද්‍රව්‍ය භාවිතයෙන් සැකසු නිෂ්පාදනයක් වීම අනිවාර්යයි. essential oil භාවිතයෙන් සකස් කරගත් නිෂ්පාදනයක් නම් වඩාත් හොඳයි. ෂැම්පු යොදා පිරිසිදු කරගත් රැවුල හොඳින් තෙත මාත්තු කරගෙන මේ oil ස්වල්පයක් ඇඟිලි තුඩු වලින් අරගෙන රැවුලේ තවරා ඇඟිලි තුඩු වලින් රැවුල අතරින් සම සම්භාහනය කිරීම කළ යුතුයි. මේ විදිහට සතියකට 4 වතාවක් වත් සිදුකළ යුතුයි. ඔබේ රැවුල මොන තරම් ශක්තිමත්ද, දීප්තිමත්ද කියන එක තීරණය වෙන්නේ ඔබ ලබාදෙන පෝෂණය අනුවයි. ඒ නිසා රැවුල පවතින සම පෝෂණය සහිතව තිබීම වැදගත්. ඉතින්, අමතක නොකර වඩා හොඳ beard oil එකක් පාවිච්චි කරන්න.

රැවුල trim කරන එක ඊළඟ වැදගත්ම කොටසක්. රැවුල වැවෙන එකත් කොණ්ඩය වගේම එකිනෙකට වෙනස් විදිහකට වැවෙනවා වෙන්න පුළුවන්. ඒ නිසා එවැනි අක්‍රමවත් රැවුලක් පවත්වා ගැනීම ඔබේ මුහුණට වගේම පෞරුෂයටත් සුදුසු නැහැ. සති දෙකකට වරක් වත් රැවුල trim කරන්න මතක තබා ගන්න. ඒ වෙනුවෙන් ඔබේ පුරුදු salon එකකට යනවා නම් වඩා හොඳයි. නැතිනම් සුදුසු කතුරු භාවිතයෙන් ගෙදරදීම trim කරගන්නත් ඔබට හැකියාව තිබෙනවා. හොඳින් trim කරගන්න එක මෙතැනදී අත්‍යවශ්‍යයි. අපිළිවෙලට තැනින් තැන උස් පහත් විදිහට තිබුණොත් ඒකත් ඔබේ මුහුණට සුදුසු වන්නේ නැහැ. ඒ නිසා සමානව පෙනෙන පරිදි ඔබේ රැවුලේ අග කොටස trim කිරීම කළ යුතුයි. trim කරගත්තට පස්සේ පනාවක් අරගෙන හොඳින් පීරමින් රැවුලේ කෙලවර නිසි පරිදි සමානව සකස් වෙලාද කියලත් හොඳින් පරික්ෂා කරන්න අමතක කරන්න එපා.

ඊළඟ වැදගත්ම දේ neck line එක. සාමාන්‍යෙන් රැවුල වැවෙද්දී මේ neck line එක අපිළිවෙලට වැවෙනවා. ඒ නිසා සතියකට වරක් වත් මේ neck line එක කපාගැනීම වැදගත්. මේකට trimmer එකක් පාවිච්චි කරන්නත් පුළුවන්. ඉතාම සියුම් විදිහට අවදානයෙන් යුතුව මේ neck line එකේ කෙලවර කරගැනීම වැදගත් වනවා. ඒ වගේම ඔබේ කම්මුල් ප්‍රදේශයෙනුත් මේ විදිහට අපිළිවෙලට රැවුල වැවෙනවා. ඒ කෙළවර සියුම්ව කපා ගැනීමත් වැදගත්. රැවුල කියන්නේ ඔබේ මුහුණේ විශේෂ අංගයක් නිසා රැවුල හොඳින් නඩත්තු කරමින් පවත්වා ගත යුතුමයි. ඒ නිසා සෑම සතියකට වරක් මේ neck line එක සහ රැවුලේ අනික් කෙළවරවල් සියුම්ව කපාගෙන පවත්වාගෙන යෑම අත්‍යවශ්‍යයි.

අවශ්‍ය පෝෂණය නිසි පරිදි ලබාදීමෙන් ඔබේ රැවුල දීප්තිමත්ව පිරිසිදුව සහ අලංකාරවත්ව පවත්වා ගෙන යාහැකියි. ඒ නිසා වෙනදට වගේ ඔබේ රැවුල ගැන අවදානයෙන් සිටින්න. මේ පියවර අනුගමනය කරන්න.

-එන්. වෙහෙරදූව-

ඔබ නින්දේදී අධිකව ගොරවන කෙනෙක්ද?

editor

නින්දෙන් ගෙරවීම සම්බන්ධයෙන් කතාකරන විට ගොඩක් අය ඒකට හිනාවෙනවා. නමුත් නින්දෙන් ගොරවනවා කියන එක හිනාවෙන්න දෙයක් නෙවෙයි. සාමාන්‍යයෙන් වැඩිපුරම නින්දෙන් ගොරවන්නේ පිරිමි අය. ඒ වගේම වයසට යන්න යන්න ගොරවන අය වැඩිවෙනවා. ඒ තරමට නින්දෙන් ගොරවන අය ඕනෑම සමාජයක සුලබයි. ඔබේ පියා , සැමියා හෝ බිරිද , සොහොයුරා , සොහොයුරිය , හොඳම යහළුවා වුණත් ඒ අතර ඉන්නවා වෙන්න පුළුවන්. සෙම්ගෙඩි සහ ඇඩිනොයිඩ් විශාලවීම නිසා කුඩා දරුවන්ද නින්දේදී ගොරවන්න පුළුවන්. එහෙමත් නැත්තම් හොඳටම ගොරවන කෙනා මේක කියවන ඔයා වෙන්නත් පුළුවන්. කොහොම නමුත් තරබාරු බව සහ අධික මත් පැන් භාවිතයත් ගෙරවීම වැඩිවීමට හේතුවක් වන බව නම් කොහොමටවත් අමතක කරන්න එපා.

කොහොම වුණත් නාසය අවහිරවීම, ඇඩිනොයිඩ් ග්‍රන්ථිය විශාලවීම, නාස් ආවාරය ඇදවීම, විශාල වූ සෙම් ගෙඩි දික් වූ මෘදු තල්ල සහ රස දිව, විශාල වූ දිව, තරබාරු ශරීරය හා කෙටි බෙල්ල, නිදි බෙහෙත් සහ මත්පැන් භාවිතාව තයිරොයිඩ් ග්‍රන්ථියේ ක්‍රියාකාරිත්වය අඩුවීම නින්දෙන් ගෙරවීමට ප්‍රධාන හේතු වෙනවා.

හැබැයි ඉතින් මේ විදිහට නින්දෙන් ගොරවන්න ගත්තහම ඒ පුද්ගලයා සමග ඉන්න අනිත් කෙනාටනම් හරිම කරදරයකට තමයි මුහුණ දෙන්න වෙන්නේ. දවස පුරාම මහන්සි වෙලා වැඩ කරලා ඇඳට එන්නේ හොඳට නිදාගන්න. ඒ වුණාට ළග ඉන්න කෙනා හයියෙන් ගොරවන්න ගත්තහම එයාට වෙන්නේ මුළු රෑම ඇහැරිලා ඉන්න වෙන එක. මේ නිසා පසුදා අවදි වී වැඩ කටයුතු කර ගන්නත් ඒ අයට අමාරු වෙනවා.

ඔයා නින්දෙන් ගොරවනවා වැඩි නම් ඒ අපි ඉහතින් සඳහන් කළ හේතුවක් නිසා වෙන්න පුළුවන් . ඒ නිසා ඔයා හොඳ ඩොක්ටර් කෙනෙක් මුණගැහිලා ප්‍රතිකාර ගන්න එක තමයි මේකට කරන්න තිබෙන හොඳම දේ.

ශරීරයේ ඇති අනවශ්‍ය රෝම නිසා අපහසුතාවයට පත්වෙලාද?

editor

අනවශ්‍ය රෝම නිසා අපහසුතාවයට පත්වෙන වාර අනන්තයි. ගොඩක් දෙනෙක්ට මේක මානසික පීඩනයක්. අතේ, කකුලේ, මුහුණේ, පපුවේ වැවී තිබෙන අනවශ්‍ය රෝම ඉවත් කිරීම එකම ක්‍රමයකට කරන්න බැහැ. මොකද මේ ස්ථාන එකකට එකක් සංවේදීතාවය අතින් වෙනස්. සිරුරේ පැහැය සහ පිරිසිදු බව වැඩිකරගන්න ගැනීමට රෝම ඉවත් කිරීම කළ යුතුමයි.

රෝම වර්ධනය වඩාත් වේගවත් නම් ඒක සමහරවිට අසාමාන්‍ය තත්ත්වයක් වෙන්න පුළුවන්. එහෙම වෙන්නෙ ශරීරයේ හෝමෝන අසමතුලිත වුණහම තමයි. හොඳම දේ තමයි වෛද්‍යවරයෙකු මුණගැහිලා උපදෙස් ලබාගෙන පහත දැක්වෙන ක්‍රම අතුරින් අනවශ්‍ය රෝම ඉවත් කරගන්න ඔයාට වඩාත් හොඳම ක්‍රමය තෝරාගන්න ගන්න එක.

රෝම ඉවත්කිරීමේදී ලංකාවේ අති බහුතරයක් රේසර් භාවිතා කරනවා. මේ නිසා සම වියලීම, කැලැල් ඇතිවීම, ආසාදන තත්ත්වයන් ඇතිවීම ආදී අතුරු ප්‍රතිඵල වලටත් මුහුණ දෙන්න සිදුවනවා. කොහෙම වුණත් කිහිලි ප්‍රදේශයේ රෝම ඉවත් කිරීම සඳහා රේසරය සුදුසුයි. නමුත් දෑත් සහ දෙපා රේසර් කිරීම හොඳ නැහැ. පුළුවන්නම් ශරීරය රේසර් කිරීමෙන් වළකින්න බලන්න.

වෙළඳපොලෙන් මිලදී ගන්නා වැක්ස් සෘජුවම සම මත ආලේපනය කරන්න පුළුවන්. ඉස්සෙල්ලාම වැක්ස් කරන්න කලින් වැක්ස් කරන ස්ථානය සෝදා පිරිසිදුකරගන්න ඕනෙ. වැක්ස් කරන්න දන්නේ නැත්තම් හොඳම දේ තමයි you tube වීඩියෝ එකක් බලලා හරියටම කරන්න ඉගනගනන එක. වැක්ස් කලාට පස්සේ ටෝනර් සහ අයිස් වතුර ගල්වලා තුවායකින් තෙතමාත්තු කරන්න. වැක්ස් කරපු හම මතුපිට මොයිස්චර්රයිසර් ක්‍රීම් ආලේප කිරීමෙන් සම වියලීම වළක්වාගන්න පුළුවන්.

වැක්ස් කිරීම නිසා සුළු වශයෙන් වේදනාවක් ඇති වීමට පුළුවන්. එයට ප්‍රතිකර්මයක් ලෙස තමයි අනවශ්‍ය රෝම ඉවත් කරන ක්‍රීම් හා ලෝෂන් වර්ග වෙළෙඳපොළ තිබෙන්නේ. මෙම ක්‍රීම් වර්ග භාවිතයට පෙර සංවේදීතා පරීක්ෂණය සිදු කිරීම ඉතා වැදගත්වනවා. එමගින් සමේ ආසාදන ඇතිවීම වළක්වාගන් හැකියාව තිබෙනවා.

රෝම ඉවත්කිරීමට පහසු ක්‍රමයක් ලෙස විද්‍යුත් උපකරණය භාවිතය හදුන්වා දෙන්න පුළුවන්. මෙහි අනතුරුදායක ප්‍රතිඵල විරලයි. මෙම උපකරණය හරහා කේශ මූලය පිළිස්සීමක් සිදුවෙනවා. ඇහි බැම, උඩු තොල්, මුහුණ, නිකට හා අත් පාවල රෝම ඉවත්කිරීමට මෙම උපකරණය වඩාත් යෝග්‍ය වෙනවා.

ලේසර් කිරීම හරහා දිගුකාලීන ප්‍රතිඵල ලබාගන්න පුළුවන්. ලේසර් ප්‍රතිකාර නිසා රෝම වල වර්ධන වේගය අඩාල වෙනවා. දිගින් දිගටම මෙලෙස සිදුකිරීම නුසුදුසු වුණත් වඩාත් ඵලදායී ක්‍රමයක් ලෙස පෙන්වාදෙන්න පුළුවන්. ලේසර් ප්‍රතිකාර සඳහා යොමුවීමේදී අනුගමනය කළයුතු ක්‍රියාමාර්ග කෙරෙහිත් සැළකිලිමත් වෙන්න ඕනෙ. විශේෂයෙන්ම වෛද්‍ය උපදෙස් වලට අනුව පමණක් ලේසර් ප්‍රතිකාර සිදුකරන්න මතක තියාගන්න .

දේහ ලක්ෂණ විද්‍යාව‍ට අනුව කාන්තාවන්ගේ චරිත ලක්ෂණ හඳුනාගන්නේ මෙහෙමයි..

editor

අතීතයේ ඉඳන් මේ දේහ ලක්ෂණ සම්බන්ධයෙන් බෝහෝ විස්තර අපිට අහන්න ලැබෙනවා. කාන්තාවකගේ හෝ පිරිමියකුගේ ඇත්ත ගති ලක්ෂණ හඳුනාගන්න අවුරුදු ගානක් ගතවුවත් හැකියාවක් ලැබෙන්නේ නැහැ. නමුත් අතීතයේ කාන්තාවක් හා පිරිමියෙක් දැක්ක ගමන් ඔවුන්ගේ දේහ ලක්ෂණ වලින් ගති ලක්ෂණ කියන්න හැකියාව තිබූ පුද්ගලයින් සිටි බවට සදහන් වෙනවා. මෙය ඉපැරණි විද්‍යාවක් වන අතර සමහරක් අය මේ දේවල් විශ්වාස කරනවා වගේම බොහෝ දෙනෙක් මේ දේවල් විශ්වාස කරනවා තියා ගණන් ගන්නේවත් නැහැ. කොහොම වුණත් අපි හිතුවා කාන්තාවකගේ දකින්න ලැබෙන‍ දේහ ලක්ෂණ සහ ඒවායින් කියවෙන චරිත ලක්ෂණ ගැන පොඩි විස්තරයක් කරන්න.

දිගු ගෙලක් පිහිටන කාන්තාවක් උපායශීලීය සහ තීක්ෂණ බුද්ධියක් ඇති තැනැත්තියක් ලෙස සදහන් වෙනවා. ඔවුන් පුරුෂයන් වසඟයට ගැනීමට දක්ෂතාවයක් දක්වනවා වගේම තමන් කැමති දේවල් වලට මුල්තැන ලබා දෙනවා.

මුව විශාල කාන්තාවන් වියදම් කරන්න හරිම දක්ෂයි. ඒ වගේම කෑමට හරිම පෙරේතකමක් දක්වනවා. මෙයාලගෙ කට පරිස්සම් නැති නිසා හිතන්නේ බලන්නේ නැතිව කියන දේවල් නිසා ගොඩක් පාඩු සිදුකරගන්නවා කියලා තමයි කියන්නේ.

කුඩා මුවක් තිබෙන කාන්තාවන් හරිම ලැජ්ජාශීලී අය කියලා තමයි කියන්නේ. ඒ වගේම මේ අය ගුප්ත ගතිගුණ තියන පුද්ගලයන් ලෙස හඳුන්වන්න පුළුවන්.

පපුවේ රෝම තියන කාන්තාවන් හරිම කටකාරයි. තමන්ගේ සැමියා සමඟ රණ්ඩු කරනවා වගේම හරිම මුරණ්ඩුයි.

ඇඟිලි දිග කාන්තාවන් කලාවට හරිම ලැදි. කලාකාමී අදහස්, සුන්දර, හිතවත්කම්වලට ප්‍රිය කරන අය වගේම තමන්ගේ ආරක්ෂාව වෙනුවෙන් පිරිමි පාර්ශවය දුරින් ඇසුරු කරනවා.

දකුණු පියයුරෙ සිහින් ලප ඇති කාන්තාව කිසියම් හෝ දෙයකින් ප්‍රසිද්ධියට පත්වෙනවා. පියයුරු අතර මැද තිලකයක් වැනි ලපයක් ඇති කාන්තාව ඉහළ තනතුරු දැරීමට ද වාසනාව ලබනවා. තද ඝනනීල කෙස්කළඔක් ඇති ස්ත්‍රිය ජනප්‍රියත්වයට පත්වෙනවා වගේම සැපසම්පත් ලබන්න වාසනාවකට හිමිකම් කියනවා. ඒ වගේම දිර්ගායුෂද අත්කරගන්නවා.

කාන්තාවකගේ දෙතොල් ඉතා සමබරව පිහිටා තිබෙනවා නම් ඇය සැබෑ ආදරවන්තියක් කියලා තමයි සදහන් වෙන්නේ. උඩු ඇන්දේ ප්‍රධාන දත් දෙක මැද හිඩැසක් ඇති කාන්තාවකගේ පළමු සැමියා අකාලයේ මිය යනවා හෝ ඔවුන්ගේ පළමු විවාහය අසාර්ථක වෙනවා.නමුත් ඔවුන් පුරුෂයන් වසඟකර ගැනීමට දක්ෂයි.

උදරයේ රැළි තුනක් හිමි කාන්තාව සැබෑම වාසනාවන්තියක් ලෙස හඳුන්වනවා. උපතින්ම ඈ කිසියම් ශිල්පයකට දක්ෂකමක් දක්වනවා.පාදයක සුළැගිල්ලක් හෝ ඊළඟ ඇඟිල්ල පොළවේ ස්පර්ශ වෙන්නේ නැත්තම් ඇය වරදට පෙළඹන ඊට කැමති කාන්තාවකි.සිනාසෙන විට කම්මුල වළ ගැසෙන ස්ත්‍රිය විනෝදකාමීය. ඒ වගේම ඇය පුරුෂ සැපයට වැඩි කැමැත්තක් දක්වනවා.

පාදයේ මහපට ඇඟිල්ල දිගු කාන්තාව ස්වාමියාට ගරු කරන්නේ නැහැ නමුත් ඇය එඩිතර ගති ඇති තැනත්තියක්.
ගමන් කිරීමේදී පාදවලින් පැහැදිලි ශබ්දයක් නැගෙනවානම් ඇය සැමියාට නිතර අපල ගෙන දෙනවා. ඒ වගේම ඇය ආශාවන්ගෙන් පෙළෙනවා.ඉතා පැහැපත් ඇස් ඇති කාන්තාව සැමියාට වාසනාව උදා කරයි. තොල්පෙති රෝස පැහැති කාන්තාව භාග්‍යවන්තයි.

උකුල සමව පිහිටන කාන්තාව සැප සම්පත් ලබයි. ඇය වාසනාවන්ත දරුවන්ගේ මවකි.දෑතේ ඇඟිලි කෙටි මහත ඒවා නම් ඈ කම්සැපට ලොල් කාන්තාවක් බව සදහන්. පියයුරු අතර පරතරය පුළුල් ව පිහිටයි නම් ඇය අවාසනාව දෝතින් ගෙනාව කාන්තාවක්.

අඩවන් වූ දෙනෙත් ඇත්තිය තම සැමියාට බෙහෙවින් ආදරය දක්වන්නියක් බව සදහන්.ගෙලෙහි ඉරි තුනක් දැක්වෙන ස්ත්‍රිය නම්බුනාම ලබයි. උසස් තනතුරු දරයි. වාසනාව උපතින්ම ගෙනා ස්ත්‍රීයක්. වටකුරු ඇතැඟිලි ඇත්තිය ව්‍යාපාර සඳහා දක්ෂකම් දක්වයි. සැමියා හා දරුවන් වෙනුවෙන් දිවිහිමියෙන් කැපවෙයි. සිනාසෙන විට දත් වැඩිපුර පෙනෙන තැනැත්තිය සමාජශීලිය ,එඬිතර හා සෘජු ගති ඇත්තියකි.

උදරයේ සිට පෙකණිය දක්වා සිහින් ඉරක් හෝ රෝම පිහිටි කත ගෞරවනීය චරිතයක් ඇත්තියක් වන අතර ඇයට සැපසම්පත් උරුමය. වාසනාවන්තය. උරහිස කොට අය, සැප සම්පත් ලබන්නේ අඩුවෙන් සහ කනස්සල්ලෙන් සිටින බව සදහන්.

1...272829...39 Page 28 of 39