Burgers වලට කැමති ඔයාට හරියම set වෙන තැන Stoners Korner…

Name: සැහැල්ලුවෙන් Friday Night එක ගෙවන්න කැමතිනම් යන්න හොඳම තැන Bro Pub and Restaurant…
Rating: 4

By

රසවත්, බර්ගර් සහ ආසියානු කෑම වර්ග (ෆ්‍රයිඩ් රයිස් සහ චව් මින් වගේ ) බෙදා හරින Stoners Korner පටන් අරගෙන දැනට වැඩි කාලයක් නම් නැහැ. එයාලගේ ඉන්ස්ටග්‍රෑම් පිටුව අපේ අවධානයට ලක් වුණේ එකේ දාලා තිබ්බ සිත් ඇදගන්න කෑම වර්ග නිසාමයි.

එයාලට තවමත් අවන්හලක් නම් නැහැ. හැබැයි දුක්වෙන්න එපා, ඔයාට එයාලගේ ආහාර UberEats, Instagram, Facebook හරහා ඇණවුම් කරන්න පුළුවන්, නැත්නම් කෙලින්ම අමතන්න හෝ WhatsApp කරන්න පුළුවන්.

මෙ ව්‍යාපාරය තාම අලුත් නිසා මේ වෙද්දී cash on delivery ක්‍රමවේදයක් තවම නැහැ. ඒ වුනාට bank transfers වලින් ගෙවීම් කරන්න පුළුවන් වගේම uber eats වලින් සවස 5 න් පස්සේ කෑම ලබා ගන්න පුළුවන්. ඒ නිසා ඔයාට දිවා ආහාර ඇණවුමක් කරන්න ඕනේ නම් කලින් දවසේ ඉන්ස්ටග්‍රෑම්, ෆේස්බුක් හෝ වට්ස්ඇප් (0771408811) හරහා පණිවුඩයක් යවන්න.

Stoners Korner, pick me හරහාත් එයාලගේ කෑම බෙදා හැරීම සිදු කරනවා. එතකොට ඔයාගේ ස්ථානය අනුව බෙදා හැරීමේ පිරිවැය වෙනස් වෙන්න පුළුවන්.

Mains

Chicken Wok Fried Rice (LKR 470)

මේ වොක් ෆ්‍රයිඩ් රයිස් එකනම් ඇත්තටම ගොඩක් රසයි. අවංකවම කොයිතරම් හොඳද කිවුවොත් night out එකකදී කොත්තුවක් වෙනුවට මේක ඇණවුම් කරන්න පුළුවන් නම් කියලා මම ප්‍රාර්ථනා කරනවා!

LKR 470 කට කුකුළු මස් හා බිත්තරවලින් පිරිලා තිබුණ මේ Fried Rice එක දෙදෙනෙකුට නම් සෑහෙන්න ඇති. දෙන ප්‍රමාණයේ විදිහට වටිනවා වගේම, මේකේ තිබුනේ පුදුම රසක්,ඇලෙන සුළු නැති,හොඳ පදමට තිබුන ඒක ඇත්තටම තෘප්තිමත් බවක් ඇති කළා.මේකත් එක්ක හම්බුණු chilli paste එකත් එයාලම හදපු එකක්. ඕනවට වැඩිය සැර හෝ ලුණු රසයක් නැති හරි පදමට හදලා තිබුණ ඒ chilli paste එක බත් එකේ රසය තවත් වැඩි කළා කිවුවොත් හරි.

හැම විටම නැවුම් විදිහට හදලා සහ toast කරලා තියෙන නිසාම එයාලගේ බර්ගර්ස් මෘදු, buttery වගේම මහත මස් පැටිස්, සෝස් සහ චීස් හොඳින් රඳවා ගෙන තිබුණා. ගොඩක් තැන් වල තියෙන burgers වල මුලදී තියෙන පෙනුම,ව්‍යුහය ඉක්මනට නැති වෙලා ගියත් මේවා නම් නැවුම් විදිහට දිගටම තිබ්බා.

Chicken Nai Miris Burger (LKR 595)

මේක නම් ඇත්තටම සැරයි.ඔයා කෙළින්ම ගින්නක් වගේ සැර කෑම කන්න ආස කෙනෙක් නෙවෙයි නම් මේකනම් ඔයාට ගැලපෙන්නේ නැහැ.මහත චිකන් පැටි එක ඉස්ම සහිතයි වගේම ඒක නයි-මිරිස් රසයෙන් පිරිලා තිබුණා. කාර්යාලයේ හිටපු මිරිස් රසට කැමති අයගෙන් නම් මේකට ගොඩක් හොඳ ප්‍රතිචාර ලැබුණා. මේ බර්ගර් එකේ තිබුණ එකම අඩුපාඩුව තමයි මේකේ තිබුණ නයි මිරිස් රස අනිත් රසයන් ඔක්කොම අභිබවා යාම. චීස් හා කැරමල් කළ ළූණු රසය ටිකක් දැනුණත් සැර රසය මේකේ ප්‍රධාන තැනක් ගත්තා.

Stoners Juicy Jane Chicken Burger (LKR 610)

එක කටකට වැඩිය ඉල්ල ඉල්ලා කාපු,හැමෝම වැඩියෙන්ම කැමති වුණ Burger එක තමයි මේ. ළූණු සහ කුකුල් මස් පැටි එක ඉතා හොඳ පදමට තිබුණා වගේම හොඳ Juicy ගතියක් තිබුණා.හැම කටකදීම බේරෙන විදිහට චීස් මේකට එකතු කරලා තිබුනා. ඇතුලට පුරවලා තිබුණු චීස්,පැටිස් වලට තියුණු ක්‍රීම් ගතියක් එකතු කළා. අවංකවම මේක කොළඹ තියෙන හොඳම රස බර්ගර් වලින් එකක්. මම මේකට නම් ආදරයෙන් බැඳුණා කිවුවොත් හරි. මස් සහ බනිස් අනුපාතය හරි ගානට තිබුණා වගේම චීස් ගොඩක් දාලා තිබුනා.මේකට එකතු කරලා තිබුන මායෝ වෙතින් අමුතු රසයක් එකතු වුණා වගේම බටර් මෘදු බනිස් සහ කැරමල් කළ ළූණු වල ගොඩක් ඉහල රසයකින් තිබුණා.හොඳ පදමට හදලා තිබුන මේ බර්ගර් එක ගැන හිතන එක මට නම් අවංකවම නතර කරන්න අමාරුයි.

Stoners Smoked Beef Burger (LKR 720)

මේ බර්ගර් එකට ඉතා ආකර්ෂණීය පෙනුමක් තිබ්බත් අවාසනාවකට වගේ මේකේ පැටි එකේ නම් ඒ තරම් රසයක් තිබුනේ නැහැ.එකේ කුකුළු මස් තරම් රසයක් තිබ්බේ නැහැ.මේ පැටි එකෙ තිබ්බේ ඩෙලී එකක බැදපු හරක් මස් රසයක්. අපිට හිතෙන විදිහට නම් ඒක තව ටිකක් season වුනා නම් හොඳයි. සැර රසයක් තිබුණ මායෝ, ඇදෙන සුළු චීස් සහ කැරමල් කළ ලූනු කොම්බෝ එකට එකතු කළේ අමතර රසයක්.සමහර විට අපි තුන්වෙනියට උත්සාහ කළ නිසා Juicy Jane සහ Nai Miris බර්ගර්, මේ විශේෂ බර්ගර් එක ගැන තියෙන උද්යෝගය අඩු කළාද?.ඔයා ටිකක් සරල බර්ගර් එකකට කැමති කෙනෙක් නම්, මේක ඔයාට ගැළපෙන්න පුළුවන්. එයාලා හරක් මස් හොඳට එකතු කරලා තිබ්බා .අනිත් තැන් වල බර්ගර් වගේ නැතුව පැටිස් අඟල් භාගයක තරම් ඝනකමකට තිබ්බා.

Stoners Cross Joint Burger (LKR 850)

මස් වලට ආස කෙනෙක් ට නම් මෙ බර්ගර් එක හොඳටම ගැලපෙනව.මේකට ලස්සන ව්‍යුහයක් එකතු කරලා තිබ්බේ herb butter දාලා තිබුණ ඝනකම පැටිස් දෙකක් නිසා.ඒකට හරක් මස්, ළූණු සහ කුකුල් මස් එකතු කරලා තිබුණා. හරක් මස් පැටි එක තිබුණ විදිහට නම් ව්‍යුහය ගැන සතුටු වෙන්න බැරි වුනත් කුකුළු මස් පැටි, සෝස්, චීස් සහ කැරමල් කළ ළූණු වලින් අමතර රසයක් එකතු කළා වගේම ඒක සමතුලිත කරන්න පුළුවන් වෙලා තිබුනා.ඒ වගේම තිබුණ ඝනකම නිසාම මේක කද්දී නම් ටිකක් අවුල් සහගතයි. ඒ නිසා නැප්කින් ටිකක් ළගට අරගෙනම මේක කන එක හොඳයි.

ඔව්, මස් හා බනිස් අනුපාතය ගැන නම් මේකෙදි තර්ක කරන්න පුළුවන්.නමුත් මේ බර්ගර් එකේ මස් ගොඩක් දෙන නිසාත් අරමුණ සමතුලිත බව නොවන නිසාත් ඒක ප්‍රශ්නයක් වෙන්නේ නැහැ.

Service

ස්ටෝනර්ස් කෝර්නර් කිසිම වෙලාවක ඔයාට කියවන්න විතරක් ඉඩ දෙන්නේ නැහැ. එයාලා ඉක්මනටම පිළිතුරු දෙනවා වගේම විස්තර සහ උපදෙස් සමඟ හිතාගන්නවත් බැරි තරම් උදවු වෙනවා. ඇත්තටම එයාලගේ සේවාව ඉතා පෞද්ගලිකයි.මම එයාලව සම්බන්ධ කර ගත්ත පළවෙනි මිනිත්තුවේදීම මට මෙනුවක් එවලා ඊළඟ දවසේ භාරදෙන්න බැරි කෑම ජාති මොනවද කියලා මාව දැනුවත් කළා.

Tip – Juicy Jane සහ Chicken Wok-fried rice හැමෝගෙම ප්‍රියතම ඒවා වුණා වගේම ඒවා අත්හදා බැලුවට ඔයා පසුතැවෙන්නේ නැති බව මට විශ්වාසයි.

ඇසළ පෙරහැරේ මූලාරම්භය සහ ගතික සංස්කෘතික නිරූපණය…

By

editor

සෑම වසරකම ,මේ කාලය වන විට ,අපේ සංස්කෘතිය හා අපේ ජාතියේ ආත්මයක් ලෙස සලකනු ලබන විශේෂ උත්සවයක් සමග මහනුවර නගරය වර්ණවත් වේ. ඇසළ පෙරහැර ගිය මස එනම් ජූලි විසි එක් වන දා “කප් සිටුවීමේ ” උත්සවයත් සමඟ ආරම්භ වු අතර,ජූලි මස 25 වෙනිදා සිට 29 දක්වා “කුඹල් පෙරහර”ද ජූලි 30 “රන්දෝලි පෙරහර”ද ආරම්භ කෙරුණි. වඩා උත්සවශ්‍රීයෙන් සමරනු ලබන “මහා රන්දෝලි පෙරහැර ” අගෝස්තු 03 වෙනිදා නිකිණි පුර පසළොස්වක පෝය දිනයේ දී පැවැත්විණි.උත්සවයේ අවසානය අගෝස්තු 4 වෙනිදා “දිය කැපීමේ මංගල්‍යයත් “සහ” දවුල් පෙරහර “සමග අවසන් විණි.මෙම නියමයන් හා සම්ප්‍රදායන්හි අදහස කුමක්ද යන්න අපි කතා කරමු.

මහනුවර පෙරහැරේ මූලාරම්භය

17 වන ශතවර්ශයේ මැද භාගයේ දී බ්‍රිතාන්‍ය නාවිකයෙකු වන රොබට් නොක්ස් ,වසර 19ක් මහනුවර රාජධානියේ සිරගත කරනු ලැබ සිටියහ.මහනුවර ඇසළ පෙරහැර පිළිබඳව මුල්ම විස්තරය සපයන්නේ මොහුයි. ඒ ” ශ්‍රී ලංකාවේ ඓතිහාසික සබඳතා “(1681) යන කෘතීය මගිනි.ඔහු ,එහි සඳහන් කළ අන්දමට පෙරහැර පැවැත්වීමට ප්‍රධාන හේතුවක් වී ඇත්තේ,ඔවුන්ගේ දෙවිවරුන්ට ගෞරවය කිරීමටයි .ඔහු “දෙවිවරුන් “ලෙස මෙහි සදහන් කරන්නේ පුරාණයේ දී ,ඇසළ පෙරහැර මගින් හින්දු දේවතාවන්ට ගෞරවය කළ බැවිනි .

එය ක්‍රි.පු 03 සියවසේදී ආරම්භ වූවක් යැයි සිතන අතර ලන්දේසීන් විසින් වෙරළබඩ පළාත් පාලනය කරනු ලබන කාලයේ සිට උඩරට රාජධානිය ස්වාධීනව පවතින කාලය දක්වාම දිගින් දිගටම පවත්වා ඇත.මූලාරම්භයේදී වැසි සඳහා දෙවියන්ට ආයාචනා කිරීමේ චාරිත්‍රයක් ලෙස මෙය පවත්වා ඇති අතර ,පසුව එය, රජුට සහ ජනතාවට ආශිර්වාද කිරීම සඳහා පවත්වනු ලැබීය .”පැරණි පෙරහර “ලෙස ද මෙම උත්සවය හඳුන්වනු ලැබිණි.

පැරණි පෙරහැර

නෝක්ස් සිය පිටුවෙ “පැරණි පෙරහැර” පිළිබඳව සිත් ඇදගන්නා සුළු චිත්‍රයක් සිතුවම් කර ඇත.මෙම උත්සවයේදී , පූජකයා පින්තාරු කරන ලද සැරයටියක් අතැතිව සිටින අතර එය මල් වලින් සරසා ඇත.ඔහුට මිනිස්සුන් වැඳ නමස්කාර කරන අතර පූජාද ඔප්පු කරයි .පූජකයා විසින් ඔහුගේ සැරයටිය උරහිස මත තබා ගෙන සුදු පැහැයෙන් සැරසුණු අලියෙක් පිට නැග ගමන් කරයි.ඔහුට ප්‍රථමයෙන් 40 ක් ,50 ක් පමණ අලි ගමන් කරයි. ඊළඟට යෝධයන් මෙන් සැරසී සිටින මිනිසුන් පෙලක් ගමන් කරයි .ඔවුන්ට පසු පසුව විශාල බෙර වාදකයින් සහ හොරණෑ කරුවන් ගමන් කරයි .ඔවුන්ට පසුපසින් පිරිමි නර්තන කණ්ඩායම් ගමන් කරයි.ඉන් පසුව ඉහළ පැළැන්තියේ නෝනාවරුන් සහ මහත්වරුන් ගමන් කරයි. මෙම උත්සවයේ දී මාර්ගය පිරිසිදු කර ඇති අතර ,මාර්ගය දෙපස දිවා රෑ දෙකෙහිම වීදි ලාම්පු දල්වා තිබේ .

නව පෙරහැර

නව පෙරහැර සහ පැරණි පෙරහැර අතර තිබෙන්නා වූ එකම වෙනස්කම වන්නේ “දළදා කරඬුව”යි.පුරාණයේ දී බොහෝ විට “දේවාල පෙරහැර” පැවැත්වුණු ලැබු අතර ,එයට ප්‍රධාන හේතුවක් වූයේ ,හින්දු සංස්කෘතිය හා බැඳී ඉන්දීය බිසෝවරුන්ව උඩරට රාජධානියේ රජ්ජුරුවන් විසින් විවාහ කර ගැනීමයි. කීර්ති ශ්‍රී රාජසිංහ රජු සමයේ, දන්ත ධාතුන් වහන්සේ පෞද්ගලික දේපලක් ලෙස සැලකුණු අතර පොදු ජනතාවට එය නැරඹීමට හෝ නමස්කාර කිරීමට ඉඩ හසර නොතිබුණි . කෙසේ වෙතත්,තායිලන්තයේ උපාලි හාමුදුරුවන්ගේ උත්සාහය හේතුවෙන් උපසම්පදාව යථා තත්ත්වයට පත්කර ගැනීමට හැකි විය.ඒ අනුව , රාජසිංහ රජු විසින් ජනතාවට නැරඹීම හා නමස්කාර කිරීම සඳහා පෙරහැරට දන්ත ධාතූන් වහන්සේලා ඇතුලත් කළ යුතු බවට නියෝග ලැබුණි.

1815 දී බ්‍රිතාන්‍ය විසින් උඩරට රාජධානිය අත්පත් කරගැනීමෙන් පසු ,දන්ත දාතුන් වහන්සේගේ භාරකාරත්වය බෞද්ධ පූජකවරුන්ට පැවරූ අතර රජු නොමැති විට පරිපාලන කටයුතු කළමනාකරණය කිරීම සඳහා “දියවඩන නිලමේ” කෙනෙකු නම් කරන ලදී .බ්‍රිතාන්‍ය ආක්‍රමණයත් සමග මහනුවර ඇසළ පෙරහැර අත්හිටුවන ලැබූ අතර 1823 දී එය නැවත ස්ථාපිත කරනු ලැබුණි.

දළදා පෙරහැරේ රීතී

දළදා පෙරහැර අවට ඇති සිරිත් විරිත් වලින් බහුතරයක් සම්මත කරගෙන ඇත්තේ කුරුණෑගල හතරවන පරාක්‍රමබාහු රජ සමයේ ලියන ලද “දන්තධාතූන් චාරිත්‍ර” හා “දළදා සිරිත” යන කෘති මගිනි .
දළදා සිරිතට අනුව චාරිත්‍ර වාරිත්‍ර 38 කින් සමන්විත වන පෙරහැර සුභ පැයක දී දන්ත ධාතු මන්දිරයේ පිරිසිදු කිරීම ,සුදු වලින් එල්ලා ඇති වියන් සැරසීම , රජු හා මහජනතාව ද ඇමතිවරුන්ද පිරිනැමිය යුතු පූජා මෙන්ම නගරය හැඩ ගැන්විය යුත්තේ කෙසේ ද යන සියල්ල ද එහි ඇතුළත් කර ඇත .

පෙරහැර*

“කප් සිටුවීම” සමග පෙරහැර ආරම්භ වේ.කතරගම දේවතාවිය “අසුරස් “( භූත වස්තූන්) පරාජය කිරීම සැමරීම සඳහා ඇසළ මාසයේ නව සඳ දිනයේ දී (ජූලි )ඇසළ පුර පසළොස්වක පෝය දිනයට පෙර නව සඳ දිනයේදී ,සුබ මොහොතකින් ..ඇසල ගස අභිෂේක කර ,එහි කඳ කොටස් හතරකට බෙදා, එක් එක් දේවාල භූමියේ සිටවනු ලැබේ .ගස් කදේ මෙම කොටස “කැප්” ලෙස හැඳින්වේ.කෙසේ වෙතත් වසර ගණනක් පුරා ඇසළ ගස වෙනුවට ,කොස් ගසක් හෝ රුක්අත්තන ගසක් භාවිතා කෙරුණි.මෙම ගස් කැපූ විට ,වැටෙන කිරි සමෘද්ධියේ සලකුණක් යැයි විශ්වාස කෙරේ.

උත්සවයෙහි පළමු පෙරහැර වන්නේ දින පහක් අඛණ්ඩව පවතින කුඹල් පෙරහැරයි.මෙතුළින් රාත්‍රි කාලයේ පවතින අඳුරු කාලගුණ මාධ්‍යයේ ගර්භනීය මව්වරුන්ගේ සහ ළදරුවන්ගේ අයහපත් දේ සහ අයහපත් හැඟීම් මැඩ පැවැත්වීමට හැකි බව ප්‍රදේශවාසීන් විශ්වාස කරයි.මෙහි බෙර වාදකයින් සහ ඇත් දළ, චාරිත්‍රානුකූල ඇඳුම් පැළදුම් නැති වීම මෙන්ම නිළමේවරුන් නොමැතිවීම පෙරහැර නිහතමානීව සිදු කරන බවට උදාහරණ වන අතර එය අර්ධ පෙරහැරක් ලෙස සැලකේ.

කුඹල් පෙරහැර අනුගමනය කරමින් දන්ත ධාතුන් වහන්සේ රැගෙන යන ඊළඟ පෙරහැර වන රන්දෝලි පෙරහැර ඉදිරි දින පහේදි නුවර මංසන්ධි ආලෝකමත් කරයි.ඉතිහාසයේ සඳහන් වන පරිදි මහනුවර සිටි රජුගේ ප්‍රධාන රැජින වන “රන්ඩෝලි” පෙරහැර සහ අලි ඇතුන් සමඟ මුර සංචාරයේ යෙදී තිබේ.දළදා පෙරහැර ඒකාබද්ධ වීමත් සමගම මෙම සම්ප්‍රදාය වෙනස් කිරීමට සිදුවී තිබේ. දන්තධාතූන් වහන්සේ සහිත පෙරහැර සඳහා බිසෝවරුන් ඇවිද යාම නුසුදුසු බැවින් එතැන් සිට දෝලාව පෙරහැරට එක් කර තිබේ.මෙම සම්ප්‍රදාය අදටත් දැකිය හැකියි.කෙසේ වෙතත් දේවතාවියන් සිව් දෙනාගේ සංකේත ඇතුළත් කිරීමත් සමඟ දිව්‍යමය ගෞරවයක් දැක්වීම සඳහා නූතනයේදී ප්‍රධාන වශයෙන් මුල් තැන දි තිබේ.

උත්සවයේ අවසාන පෙරහැර වන්නේ මහා රන්දෝලි පෙරහැරයි.ඇසළ පෙරහැරේ සියලු පෙරහැරවල් අතරින් අති විශිෂ්ට වූ මෙය මල්මාල සහ අලංකාර ඇඳුම්වලින් සරසා ඇති ඇත්දළ , සම්පූර්ණ චාරිත්‍රානුකූල ඇඳුම් වලින් සැරසී සිටින බෙර වාදකයින් සහ නිලමේවරුන් ගෙන් සමන්විත වේ.එයින් ප්‍රධාන අංගයක් උසුලන දියවඩන නිලමේ ඔටුනු ආභරණ සහිතව තේජාන්විත ඇඳුමකින් සැරසී සිටියි.

පෙරහැර උත්සවයේ අවසාන දිනයේදී සතර මහා දේවාල වල සිට මහවැලි ගඟ දක්වා ගැටඹෙ දියකපන්තොට පන්සලට ගමන් කරයි.මෙහිදී දිය කැපීම (ජලය කැපීම යන අර්ථය) යන චාරිත්‍රය දේවාලයේ ප්‍රධාන පූජකවරුන් විසින් සිදුකරනු ලබයි. ඉන්පසු එය දිවා කාලයේදී පෙරහැරකින් නගරයට ගමන් කරන අතර එය “දවල් පෙරහැර” ලෙස හැඳින්වේ.

සිත්ගන්නා කරුණක් : නගරයට යන ගමනේදී දවල් පෙරහැර හින්දු සිද්ධස්ථානයක් වන “පුල්ලෙයාර් කෝවිල” අසල නතර වේ.මෙය රාජාණ්ඩු යුගයේ සිට ආගම් අතර සමගිය පෙන්නුම් කිරීම සඳහා සිදුකරනු ලබන චාරිත්‍රයකි.

උඩරට සමයේ දී, දහවල් පෙරහැර හීදි පෙරහැරේ ප්‍රධානීන් විසින් පෙරහැර පිළිබඳව රජතුමා හට සැළ කරයි.මෙම චාරිත්‍රය අදත් එලෙසම ඉටු කරනු ලබනුයේ,පෙරහැර අවසානයේ දී දියවඩන නිළමේ, සතර මහා දේවාලවල නිළෙමේලා ඇතුලුව (නාථ, විෂ්ණු, කතරගම සහ පත්තිනි දේවාල),ග්‍රාමීය දේවාලවල නිළමෙලාගේත් සහාභාගීත් වයෙන් ජනාධිපතිතුමාට පෙරහැර සාර්ථකව නිම වූ බවට සැළ කරමින් “සන්නස” එනම් පෙරහැර සංදේශයක් ලබාදීමෙනි.

ඇසල පෙරහැර පිළිබද ඓතිහාසික සටහන්

ඇසළ පෙරහැර පිළිබඳ බ්‍රිතාන්‍ය යටත් විජිත සමයේ දී තොරතුරු සටහන් වේ. එහි තේජස පිළිබඳව මෙන්ම අඳුරු පැතිකඩ යන්ද විස්තර කරමින් කුතුහලය දනවන තොරතුරු ඒවායෙහි ඇතුළත්ව තිබේ.ඒ අතර මේජර් ෆොබ්ස් ගෙ සටහන් වල “ශ්‍රී ලංකාවේ අවුරුදු එකොළහක්”(1840)කෘතියෙහි ඔහු ඇසර පෙරහැර පිළිබඳව රොබට් නොක්ස් විසින් සටහන් කළ දෑ තවදුරටත් ගෙන හැර පා තිබේ. ධාතුන් වහන්සේ පිළිබඳව ද එහි ඇතුලත් වේ.නොක්ස් ගේ සටහන් අතුරින්:”ඒ විශාල ජනකායක්, පොහොසත් ඇඳුම්, දීප්තිමත් විදුලි පහන් සහ විශාල අලියෙකු මත දරා සිටින දළදා කරඬුව පෙරහැර සමග නගරයේ සීමාවට පැමිණියේ ය.”යනුවෙන් සඳහන් වේ.

සර් චාල්ස් හෙන්රි ලංකාව සහ සින්ගලීස්(1850) හි පෙරහැර හා සම්බන්ධ භීෂණය ගැන ලියමින් ශ්‍රී වික්‍රම රාජසිංහ රජුගේ පළි ගැනීමේ ක්‍රියාවන් විස්තර කර තිබේ .

ඇසළ පෙරහරේ පිළිබඳව තවත් කුතුහලය දනවන වාර්තාවක් වන්නේ අලෙයිස්ටර් ක්‍රවුලි ඔහු ඔහුගේ පාපොච්චාරණයේහි (1969)” බැලූ බැල්මට එය ඉතාමත් චමත්කාරයි. මෙයට වන සතුන් යොදා ගැනීම චාම් බවට හේතු වී තිබේ.”පෙරහැර යනු ප්‍රියජනක කටයුත්තකි.ඔවුන් සිය අලි ඇතුන් , නර්තන ශිල්පීන්, භික්ෂූන්, නිලධාරීන් ,බෙර, පන්දම් වැනි කිසියම් ශබ්දයක් ඇසෙන ඕනම දෙයක් සිදු කිරීමට ඉඩ සලසා දී තිබේ.”

2020 ඇසළ පෙරහැර

අතීතයේදී මෙන් නොව මේ වසරේදී ,ඇසළ පෙරහැර සංවිධායකයින් විසින් කෝවිඩ් -19 වසංගතය මැඩපැවැත්වීමේ අරමුණින් පෙරහැරට මහජනතාවට සහභාගිවීමට ඉඩ නොදෙයි.මේ වසරේදී පෙරහැරට සහභාගි වන අලි ඇතුන් සහ කලාකරුවන්ගේ සංඛ්‍යාවද අඩු කර තිබේ. උත්සවයේ සාරය කිසිදු ආකාරයකින් වෙනස් නොවේ අපේ පුරාණ ජනප්‍රවාදයේ සඳහන් වන පරිදි සියවස් ගණනාවක් පුරා ඇසළ පෙරහැර සැමවිටම දුෂ්කර කාල වලදී අපේ ජාතියට ශක්තියක් ආලෝකයක් වී තිබේ. මෙම වර්තමාන බාධාවන්ට අප මුහුණ දෙන විටදී ද එය අපේ ජාතියේ ශක්තිය හා නොපසුබට උත්සාහය යළි තහවුරු කිරීමට උපකාරී වනු ඇතැයි අපේ බලාපොරොත්තුවයි.

ඉක්මනට Eyelashes වර්ධනය කරගන්න මේ ආහාර ගන්න..

By

editor

කාන්තා අපි හැමවෙලේම ලස්සන වෙන්න එක එක දේවල් කරනවා. skin එක ලස්සන කරගන්න මේ මේ දේවල් කරනවා. lips ලස්සන වෙන්න ඒ ඒ දේවල් කරනවා. අද අපි කතා කරන්න යන්නේ අපේ Eyelashes ගැන. අපි හැමොම කැමතී eyelashes දිගට තියනවට. ගොඩක් දෙනෙක් මේ eyelashes වැඩිකරගන්න essential oils භාවිතා කරනවා. ඒ වගේම eyelids මසාජ් කරනවා සහ makeup භාවිතා කරන එක අවම කරනවා. මේ මොකුත්ම නෙවෙයි අපිට ලේසිම විදියට අපේ eyelashes වර්ධනය කරගන්න පුළුවන් ආහාර වලින් . ඉතින් අද අපි කතා කරන්න යන්නේ අපේ eyelashes වර්ධනයට වැදගත්වන ආහාර වර්ග ගැන.

බිත්තර

අපේ හිසකෙස් , ඇහිබැම සහ ඇහිපිහිටු සමන්විත වෙලා තියෙන්නේ කෙරටින් වලින්. ප්‍රෝටීන් බහුල ආහාර ඔබේ ශරීරයට නිවැරදි ඇමයිනෝ අම්ල ප්‍රමාණයක් ලබා ගැනීමට උපකාර කරනවා. බිත්තර කියන්නේ ප්‍රෝටීන් බහුල ආහාරයක්. බිත්තර ආහාරයට ගැනීමෙන් අපිට ශක්තිමත් සහ දිගු ඇහිපිහිටු ලබා ගැනීමේ හැකියාව තිබෙනවා.

සැමන් මාළු

ඔමේගා -3 මේද අම්ල අපේ eyelashes කැඩී යාමෙන් , අස්ථාවර වීමෙන් හා වැටීමෙන් ආරක්ෂා කරනවා. ඉතින් අපිට ඔමේගා -3 සැමන් මාළු ආහාරයට ගැනීමෙන් ලබා ගන්න හැකියාව තිබෙනවා. ඒ වගේම සැමන් මාළු වල විටමින් ඩී සහ බී විටමින් ඇතුළුත් වන නිසා eyelashes වර්ධනයට උපකාරී වෙනවා.

එළවළු සහ පලතුරු

එළවළු හා පලතුරු වල විටමින් A සහ C අඩංගු වෙනවා. මෙම විටමින් ඇහිබැම වර්ධනයට සහ කොලජන් නිෂ්පාදනයට ප්‍රයෝජනවත් වෙනවා. පලතුරු සහ එළවළු වල පොතුවල සිලිකා අඩංගු වන අතර එය ඔබේ eyelashes දිගු හා සෞඛ්‍ය සම්පන්න වීමට බෙහෙවින් උපකාරී වනවා.

බිම්මල්

බිම්මල් වල විටමින් B3 සංයුක්ත වන අතර එයින් ඔබේ රුධිර සංසරණය වැඩි දියුණු කරන වගේම කෙරටින් නිපදවීමට උපකාරී වෙනවා. විටමින් B3 eyelashes වර්ධනය උත්තේජනය කරන අතර වියළි හා අස්ථාවර වීම ඉවත් කරනවා. එය සෛලීය ප්‍රජනනයට උපකාරී වන අතර ඔබේ eyelashes වැටීම වළක්වනවා.

බෝංචි ඇට

විටමින් vitamin H ඔබේ කෙස්වල ඇති රුධිර ප්‍රවාහය වැඩි කරන අතර, ඔබේ eyelashes වියළී යාමෙන් හා පිටතට වැටීම වළක්වනවා. නිරෝගී eyelashes සඳහා අත්‍යවශ්‍ය ඇමයිනෝ අම්ල සහ මේද අවශෝෂණය කර ගැනීමට එය ඔබේ ශරීරයට උපකාරී වෙනවා. ෆෝලික් අම්ලය ඔබේ eyelashes පහසුවෙන් කැඩී යාම අවම කරනවා.

ඔබේ ළගම හිතවතා මෙච්චර කරදර ගෙනෙන බව ඔබ දන්නවාද..?

By

editor

ලොකු කුඩා කියලා නෑ ජංගම දුරකථනය හැම කෙනෙක්ගෙම මූලික අත්‍යාවශ්‍ය භාණ්ඩයක් බවට පත්වෙලා හමාරයි. ගොඩක් අයට රෑට නින්ද යන්නෙවත් උදේට නැගිටින්නවත් අඩුම තරමේ කෑම කන්නවත් බැහැ තමන්ගේ ජංගම දුරකථනය නැතිව. ඒ තරම් අපි කොයි කවුරුත් ජංගම දුරකථනයට ඇබ්බැහිවෙලා ඉවරයි. හැබැයි ඉතිම් මේකට ඇබ්බැහි වෙන එකත් පුදුමයක් නෙවෙයි. මොකද ගොඩක් වැඩකටයුතු මේ උපාංගය නිසා අපිට පහසු වෙලා තිබෙනවා. මේකට අපේ ළගම හිතවතා යනුවෙන් ආමන්ත්‍රණය කරන්නේ අන්න ඒ් නිසයි. කොහොම උනත් ඔිනවට වඩා හොද කියන්නේ නරකට කියලා කතාවක් තියෙනවානේ. ජංගම දුරකථනය කොච්චර අපිට සහය වුණත් එයින් සෞඛ්‍යට වැඩි හොදක්නම් නැහැ. මෙයින් ඇතිවෙන අහිතකර බලපෑම් සමහරක් දීර්ඝකාලීන ආබාධ ගණයට අයත් වෙනවා. ඉතින් මොනවද මේ බලපෑම් …

ප්‍රධාන වශයෙන් දුරකථන භාවිතයෙන් පිළිකා අවධානමක් ඇතිවෙනවා. ‌ගොඩක් අය තම ජංගම දුරකථනයෙන් නිතරම ගීතවලට සවන්දෙනවා නම් ඒ වගේම දීර්ඝවශයෙන් දුරකථන සංවාදවල නිරතවෙනවා නම් කාලයක් ගතවනවිට මොළය ආශ්‍රිත ගෙඩි හෝ පිළිකා තත්ත්වයන් ඇතිවීමේ අවධානමක් තිබෙනවා. ගොඩක් වෙලාවට මේ අවධානම එන්නේ තත්වයෙන් බාල වර්ගයේ ජංගම දුරකථන භාවිතා කිරිම නිසා. ඒ නිසා ඔබ ජංගම දුරකථනය උසස් තත්වයේ නිශ්පාදනයකින් තෝරගන්න වග බලාගන්න.

ඒ වගේම දෘෂ්ඨි අපහසුතා ඇති වීමත් ජංගම දුරකථන භාවිතයෙන් සිදුවෙනවා. එයින් නිකුත්වන අහිතකර කිරණ හා වැඩි වේලාවක් තිරය දෙස බලා සිටීම මගින් මෙම ආබාධය ඇතිවෙනවා. නිදන්ගත රෝග තත්ත්වයන්ද මේමගින් ඇතිවෙනවා. කාලයක ඉදන් ඇතිවෙන,පැවතගන එන වේදනාවන් තමා නිදන්ගත රෝග කියන්නේ. මෙය එතරම් බරපතල නොවුණත් එයින් ඇතිවෙන වේදනාව අවමකොට සලකන්න බෑ. ඒ වගේම තමයි මානසික ආතතිය ඇතිවෙන්නත් දුරකථනය බලපානවා. වැඩිපුර ජංගම දුරකථනයට ඇබ්බැහි වී සිටින පුද්ගලයන්ට විශාද තත්ත්වයන් ඇතිවෙනවා. විශාදය කියන්නේ මානසික ආතතියේ උපරිම අවස්ථාව. එවැනි අවස්ථාවකට ඔබ මූණ දෙනවානම් මානසික වෛද්‍යවරයකු හමුවී ප්‍රතිකාරගත යුතුයි. ඔබ නින්දට යනවිට දුරකථනය කොට්ටයට යටින් තියාගන නිදියනවාද? නැත්තම් ඇදේ තබාගන නිදියනවාද? එයින් සිදුවෙන්නේ ඔබගේ නින්දට බාධා ඇතිවීමයි. ජංගම දුරකථනයෙන් නිකුත්වන අහිතකර ක්ෂුද්‍ර කිරණ මගින් සෘජුවම නින්දට බලපෑම් ඇතිකරනවා. උදෑසන අවධිවන විට ඇතිවෙන හිසරදය මෙයින් ඇතිවන බලපෑම්වල ප්‍රතිළුලයක්. මේ තත්ත්වයන් දිගින් දිගටම පැවතුනොත් සුවකිරීමට අපහසු තත්ත්වෙකට පත්වෙනවා.

ඉතින් ඔබ ජංගම දුරකථනය භාවිතා කරනවානම් හොද අවබෝධයකින් භාවිතා කරන්න.හොඳම තත්වයේ ජංගම දුරකතනයක් භාවිතා කරන්න. ඒ වගේම දුරකථනය සමග ලබා දෙන උපදෙස් පත්‍රිකාව හොදින් කියවා දී ඇති උපදෙස් පිළිපදින්න. පුළුවන් තරම් මෙයින් වන හානිය අවම කරගන්න වග බලා ගන්න….

මදුරුවන් නිසා සමට ඇතිවෙන ආසාදන වළක්වාගන්නේ මෙහෙමයි…

By

editor

කොරෝනා නිසා ‌ගොඩක් දෙනෙක්ට අමතක වෙලා තිබෙනවා ඩෙංගු මදුරුවන් අයෙත් හිස ඔසවලා කියලා. මේ වෙනකොටත් රජය විසින් තර්ජනයට ලක්ව තිබෙන ප්‍රදේශ හදුනාගන තිබෙනවා. කොහොම වුණත් අපි සුදුසු කියාමාර්ග ගන්න අවශ්‍යයි මේ ඩෙංගු මදුරුවන් බෝ වෙන ඒක වලක්වාගන්න. අද අපි කතා කරන්නේ මදුරුවන් නිසා ඇතිවෙන කැලැල් වලට යොදගන්න පුළුවන් පිළියම් ගැන .

අපි ගෙදර ඉන්න‌කොට ඒ ව‌ගේම ගෙවත්තට වෙලා නිදහසේ ඉන්නකොට ගොඩක් වෙලාවට ලොකු හිසරදයක් තමයි මදුරුවන්. නිදහසේ ඉන්නවත් නැහැ සැරින් සැරේ මදුරුවො දෂ්ට කරනවා. ගොඩක් ලෙඩ රෝග බෝවෙන්න ප්‍රධාන හේතුවක් බවට පත්වෙලා තියනවා. අපි හැම කෙනෙක්ම වගබලාගත යුතුයි මදුරුවන් බෝවෙන එක අවම කරගන්න වැඩ කටයුතු කරන්න. ‌කොහොම වුණත් ගොඩක් අයට ප්‍රශ්ණයක් වෙලා තියෙනවා මදුරුවෙක් දෂ්ට කලාට පස්සෙ ඇතිවෙන කැසීම් ගැන. කැසීම් නිසා ගොඩක් වෙලාවට තුවාල ඇතිවෙන්න, කැලැල් ඇතිවෙන්න තියෙන ඉඩකඩ වැඩි. මේ දේවල් වෙන එක වලක්වා ගන්න ගෙදරදීම අපිට පහසුවෙන් කරගන්න පුළුවන් ප්‍රතිකාර තියෙනවා.

කෝමාරිකා

කෝමාරිකා කියන්නේ පහසුවෙන් හොයාගන්න පුළුවන් ශාකයක්.ගොඩක් වෙලාවට ගෙවත්තේ මේ ශාකය සුලබව දකින්න පුළුවන් . ඔයාට කරන්න තියෙන්නේ මදුරුවා දෂ්ට කරපු ස්ථානයේ කෝමාරිකා මද ස්වල්පයක් ගෙන ගාන එක. කෝමාරිකා වේලෙන්න ඉඩ ඇරලා අයෙත් මේ විදියට 2 -3 පාරක් ආලේප කරන්න. ගොඩක් වෙලාවට සීත කල කෝමාරිකා මද මේ සදහා යොදාගන්න තිබෙනවානම් වඩාත් හොදයි. කෝමාරිකා මද කෘමීන් සපාකෑම් සුව කිරීමට යොදාගන්න ඔසුවක්. මෙය භාවිතා කිරීම මගින් මදුරුවන් කෑමෙන් ඇතිවෙන කැසීම් අවම කරගන්න හැකියාව තිබෙනවා.

දත් බෙහෙත්

හැම ගෙදරකම තිබෙන හැම කෙනෙක්ටම අවශ්‍ය වන පාරිබෝගික භාණ්ඩයක් තමයි දත් බෙහෙත් ( tooth paste). මදුරැවන් දෂ්ට කල ස්ථානයේ දත් බෙහෙත් ස්වල්පයක් ආලේප කරන්න. අවම වශයෙන් දවසට 2පාරක් මේ විදියට දත් බෙහෙත් ආලේප කරන්න. දත් බෙහෙත් වල ගොඩක් වෙලාවට මින්ට් හෝ පෙපරමින්ට් සාරය අඩංගු වෙනවා. මේවයින් හමේ ඇතිවෙන කැසීම් වලට සහනය ලබා දෙනවා. හමේ ඇතිවෙන ඉදිමුම් අවම කිරීමේ හැකියාව මින්ට් සහ පෙපරමින්ට් වල අඩංගු වෙනවා.

දෙහි

දෙහි කියන්නෙ අපි කෑමට විතරක් නෙවේ ලස්සන වෙන්නත් භාවිතා කරන දෙයක්. මදුරැවෙක් දෂ්ට කලාට පස්සෙ ඇතිවෙන කැසීම් වලක්වාගන්න දෙහි භාවිතා කරන්න පුළුවන්. ආසාදනය වුණු ප්‍රදේශයේ දෙහි ඉස්ම ආලේප කර විනාඩි 5 පමණ තිබෙන්න ඇර සෝදන්න. දෙහි කියන්නේ ඇසිඩික් ප්‍රමාණය වැඩි ද්‍රව්‍යක්. ඒ නිසා ආසදනය වූ ස්ථානයේ ප්‍රතික්‍රියා කර ඉදිමීම හා කැසීම අවම කරනවා.

පොල්තෙල්

තවත් අපිට ප්‍රතිකාරයක් වශයෙන් මදුරුවන් දෂ්ට කල ස්ථානයේ ආලේප කරන්න පොල්තෙල් පාවිච්චි කරන්න පුළුවන්. මෙය දවසට 2-3 සැරයක්ආලේප කරන්න. මේ විදියට පොල්තෙල් ආලේප කිරිම මගින් සිදුවෙන්නේ ආසාදනය වු ස්ථානයේ ආරක්ෂිත ආවරණයක් ඇති කරනවා. එවිට එම ස්ථානය තවදුරටත් ආසාදනය වීම අවම කිරීමක් පොල්තෙල් මගින් සිදු කරනවා.

ලුණු

ලුණු ස්වල්පයක් ගෙන වතුර බින්දු කීපයක් සමග මිශ්‍රකර ආසාදනය වූ ස්ථානයේ ආලේප කරන්න. වේලෙන්න හැර සීතල වතුරෙන් සෝදා හරින්න. මෙය දිනකට දෙපාරක්වත් සිදුකරන්න ඉක්මන් ප්‍රථිපල ලබාගන්න. ලුණු කියන්නේ ස්භාවික විශබීජ මර්දකයක්. එම නිසා ආසාදනය වීම වලක්වන්න ලුණු වලට හැකියාව තිබෙනවා. ඒ වගේම ආසාදනය වූ ප්‍රදේශයන් වල ඇතිවෙන කැසීම් අවම කරගන්නත් ලුණු වලින් හැකියාව ලැබෙනවා.

මේ දේවල් කරන්න ඔයාලට අමතර වියදමක් යන්නේ නැහැ. ගෙදර තියෙන දේවල් වලින්ම ප්‍රතිකාර කරගන්න පුළුවන්. මේ දෙවල් භාවිතා කරලා මදුරුවන්ගෙන් ඇතිවෙන ආසාදනයන් මගහරවා ගන්න හැකියාව දැන් ඔයාලටත් තිබෙනවා.

COVID-19 කාලයේ දේශීය ව්‍යාපාරිකයන්ට සහාය වෙමු..

By

editor

2020 කියන්නේ ශ්‍රී ලංකාවේ ආර්ථිකය කවදාවත් නොහිතපු විදිහට වෙනස් කරපු අවුරුද්දක් කිවුවොත් හරියටම හරි. ගිය අවුරුද්දේදී දරුණු පහර දෙකක් එල්ල වුණා – විනාශකාරී පාස්කු ත්‍රස්ත ප්‍රහාර ඒ වගේම දැන් COVID-19 වසංගතය. දිනපතා වැටුප් උපයන්නන්ට, කුඩා පරිමාණ ව්‍යාපාර සහ Lockdown එක කළමනාකරණය කරන්න මූල්‍යමය ශක්තියක් නැති පුද්ගලයින්ට මේක ලොකුවටම බලපෑවා. Lockdown කාලය මිනිසුන්ට සහ ව්‍යාපාර වලට අභියෝගාත්මක කාලයක්. මැයි 11 ඉදන් ශ්‍රී ලංකාව ක්‍රමයෙන් විවෘත වෙලා තිබුණත් ඒ කළින් වගේම නම් නෙවෙයි.

ඉදිරියට තියෙන අවිනිශ්චිතතාවයෙන් අදහස් වෙන්නේ අපෙන් ගොඩක් දෙනෙක් පෙරට වැඩිය මූල්‍යමය වශයෙන් ප්‍රවේශම් වන බව.හැබැයි අරපරිස්සමින් වියදම් කරනවා කියන්නේ මේ ප්‍රශ්න එක්ක වැඩිපුරම පීඩා වුණු අය එක්ක කේවල් කරන එකනම් නෙමෙයි. පලතුරු හා එළවළු වෙළෙන්දන් සහ වෙනත් වීදි වෙළෙන්දන් එකක් අපි කේවල් කරන එක අපි ගොඩක් දෙනෙක්ට පොදු දෙයක්. එත් අපි කවදාවත් සාප්පු, සුපිරි වෙළඳසැල් හෝ වෙනත් මහා පරිමාණ ආයතන වල භාණ්ඩ මිළ ගණන් ගැන ප්‍රශ්න කිරීමක් සිද්ධ කරන්නේ නැහැ. වසංගත කාලයක ජීවත්වීම ඇත්තටම දුෂ්කරයි. හැබැයි කුඩා ව්‍යාපාරයක් වීම සහ ගනුදෙනුකරුවන්ට කේවල් කරන්න බලයක් තියෙන එක ඊටත් වඩා දුෂ්කර කාරණාවක්.

46 හැවිරිදි සුනිල්, පළතුරු සහ එළවළු වෙළෙන්දෙක්.

“විකුණුම් අනපේක්ෂිත නිසා COVID-19 වල ගෙවන මේ කාලය ගොඩක් දුෂ්කරයි. සමහර දවස් වලට හොඳයි. එත් සමහර දවස්වලට කිසිම ව්‍යාපාරයක් නැති තරම්. කනගාටුවට කරුණ තමයි ගොඩක් දෙනා රු. 20 හෝ රු. 30 ට කේවල් කරනවා. ගොඩක් අය හිතන්නේ නැහැ මං ආපහු ගෙදර යන බස් ගාස්තුවටත් යන්නේ ඒ වගේ ගාණක් කියලා. COVID-19 වලට කලින් ඉදන්ම ඒක එහෙම තමයි.”

නිල්මි, ප්ලාස්ටික් භාණ්ඩ වීදි වෙළෙන්දියක්.

“අවුවේ ඉදගෙන මේ රස්නෙත් එක්ක දවසම ගෙවන්නේ අපි ගොඩක් දුෂ්කර විදිහට.සමහර වෙලාවට මම විකුණන බඩු ගන්න හොඳ හොඳ කාර් වලින් ඇවිල්ලා නවත්තනවා. ගොඩක් සුළු ලාභයක් තියාගෙන විකුණන මගේ භාණ්ඩ වල ගාණ අඩු කරන්න කියලා කේවල් කරනවා.”

හැමෝම දුක් විඳින එක සාපේක්ෂ දෙයක් අපි හැමෝම දුෂ්කරතා එක්ක කටයුතු කරන එක ඇත්තක්. එත් ආර්ථිකය යථා තත්ත්වයට පත්වීමත් එක්ක අපිත් සංවේදී වුණොත් අපි හැමෝටම යහපතක් වෙයි.අනිත් මිනිස්සු ගැන අනුකම්පා කළා කියලා අපේ කිසිදෙයක් නැති වෙන්නෙත් නැහැ වගේම එහෙම කරන්න අපි මුදල් වලින් පොහොසත් වෙලා ඉපදෙන්නම ඕනෙත් නැහැ. අපේ පසුම්බියට ප්‍රශ්නයක් වෙන්නේ නැතුව අනිත් අයගේ ජීවිතවල වෙනසක් ඇති කරන්න පුළුවන් ක්‍රම කිහිපයක්ම තියෙනවා. මේ ඒවායින් කිහිපයක්:

1. කුඩා ව්‍යාපාරවලට සහාය වීම

අපි මේ ඉන්න වාතාවරණයත් එක්ක කුඩා පරිමාණ ව්‍යාපාර අපේ අනුග්‍රහය මත තමයි රඳා පවතින්නේ. හැම ගණුදෙනුවක්ම එයාලට වටිනවා. ඔයා අමාරුවෙන් හම්බකරපු සල්ලි බඩු, ඇඳුම් වගේම කුස්සියේ ආම්පන්න සහ මැටි භාණ්ඩ වගේ ඔයාගේ ගෙදර දේවල් වලට වියදම් කරන වේලාවට ඒවා කේවල කරන්නේ නැතුව ගමේම,ඔයාගේ පළාතේ ඉන්න වෙළෙන්දන්ගෙන් ලබා ගන්න එකෙන් ලැබෙන ප්‍රයෝජන ගැනත් හිතලා බලන්න.

2.දේශීය දේ තෝරා ගන්න

සාප්පු යද්දී දේශීය සාප්පු වලට යන එකෙන් ගොඩක් වාසි තියෙනවා.දේශීය ව්‍යාපාරවලට සහය දක්වනවා කියන්නේ අපි අපේ දේශීය ආර්ථිකයට සහාය දීමක්.එතකොට අපේ මුදල් පිටරට යවනවාට වැඩිය අපේ රටේම තියාගන්න ඒක ලොකු උදවුවක් වේවි.

3. නොමසුරුව tip දෙන්න

ඔයාගේ ගාණට සරිලන මොනවහරි දෙයක් මිළදී ගත්තාම එකේ සුළු මුදලක් ඉතුරු වුණොත් ඒ ඉතිරි මුදල වෙළෙන්දාට තියාගන්න දෙන්න. ඒකෙන් ඔයා දුප්පතෙකු බවට පත් වෙන්නේ නැහැ වගේම ඒක ඔයාගේ කෘතඥතාවයේ සංකේතයක් වෙන නිසා වෙළෙන්දා සහ ඔයා අතර හොඳ සම්බන්ධතාවයකුත් ඇතිවෙන්න උදවුවක් වේවි.

4. කුඩා පරිමාණ ව්‍යවසායකයින්ට උදව් කරන සංවිධානවලට පරිත්‍යාග කරන්න

Givers League වගේ සංවිධාන ආර්ථික ප්‍රශ්න වල ඉන්න ව්‍යවාසකයින්ට එයාලගේ කුඩා ව්‍යාපාර ආරම්භ කරන්න හෝ පුළුල් කරන්න පොලී රහිත ණය ලබාදෙන්න කටයුතු කරනවා. ණය ලබගන්න අයට මාස 3 ක සහන කාලයකින් පස්සේ මාසික වාරික 24 කින් මුදල ආපසු ලබාදෙන්න සිද්ධ වෙනවා. පස්සේ ඒ මුදල් චක්‍රීකරණය වෙලා එයාලගේම ප්‍රජාවේ විසිරී යනවා.ඒ විදිහට චක්‍රය දිගටම පවතිනවා.

Servelk.org කියන්නෙත් දෛනික වැටුප් උපයන්නන් සහ ගෘහස්ථ ව්‍යාපාර වලට අරගල කරන අය සදහා තියෙන තවත් සංවිධානයක්. මේ හරහා සලාක සඳහා අනුග්‍රහය දක්වන්න හෝ බීජ මුදල් සඳහා පරිත්‍යාග කරන්න ඔයාටත් අවස්තාව තියෙනවා.එය කාන්තාවන් විසින් පවත්වාගෙන යන ගෘහස්ථ ව්‍යවසායන් පුනර්ජීවනය කරන්න සහ ශක්තිමත් කරන්න උදව් වෙනවා.

5. ඔයාගේ ප්‍රදේශයේ ඇති කුඩා ව්‍යාපාරවල වලට යන එක වැඩි කරන්න.

ඔයාගේ ප්‍රදේශයේ කුඩා ව්‍යාපාර හිමිකරුවන් එක්ක කතාකරන්න. වසංගතය අතරතුරදී එයාලා කළමනාකරණය කරගෙන ජිවත් වෙන්නේ කොහොමද කියලා එයාලගෙන් අහලා බලන්න. අපේම ගමේ,නගරයේ වෙළෙන්දන් පරීක්ෂා කරලා බැලුවොතින් මේ වෙලාවේදී ආධාර ඕනේ අයගේ ජීවිත වලට සෘජු බලපෑමක් කරන්න අපිට අවස්ථාවක් ලැබෙයි. කුඩා පරිමාණ අලෙවිකරුවන්ගෙන් ඔයා මිලදී ගත් වාර ගණන වැඩි කළොත් හෝ එයාලට වැඩි ව්‍යාපාරයක් හරවා යවන්න උදව් කරන එක වගේම ඔයා දන්න වෙනත් පුද්ගලයන් ඒ අයගෙන් බඩු ගන්න යොමු කරන එක මේකට හොඳ නිදසුනක්.

කුඩා වතුර බිංදු වලින් ලොකු සාගරයක් හදන්න පුළුවන්. අපි අවට තියෙන සෑම දෙයකටම අන්තර් සම්බන්ධතාවයක් තියෙනවා. අපට නොපෙනෙනවා වුණත් ඒක අනිවාර්යයෙන්ම පවතිනවා. අපි හැමෝම දුෂ්කර කාලවලදී සංවේදී බව හා දයානුකම්පාව ප්‍රගුණ කළොත්, අපේ වටේ ඉන්න අනිත් මිනිස්සුත් නඟා සිටුවන්න සහ අපේ ආර්ථිකය ධනාත්මක මාවතකට යොමු කරන්න පුළුවන් වගේම ලොකු වෙනසක් හා ප්‍රගතියක් ඇති කරන්න පුළුවන්.

ඔබේ නිවස ආක්‍රමණය කරන පළිබෝධකයන් ඉවත් කරන පිළියම් මෙන්න…

By

editor

අපේ නිවසට අනවශ්‍ය “පළිබෝධකයන්” එන එකනම් ඇත්තටම එපාම වෙන සිදුවීමක්. මේ සත්තු අපේ ගෘහ භාණ්ඩ හා ඇඳුම් විනාශ කරනවා, ආහාර නරක් කරනවා . ඒ වගේම වැඩිහිටියෝ, ළමයින් සහ ගෙදර ඉන්න සුරතල් සතුන් පවා බිය ගන්වනවා. මෙන්න මේ කරදරකාර සතුන් ගෙදරට එන එක නවත්තගන්නම ඔින දෙයක්. මොකද අපිව ලෙඩ කරන්නත් මේ පළිබෝධයකන් හේතුවක් වෙනවා. ඉතින් අද අපි බලමු කොහොමද මේ කරදරකාර පළිබෝධකයින්ව අපේ නිවෙස් වලින් ඈත් කරලා තියාගන්නේ කොහොමද කියලා.

1. මීයන්

මීයො තමයි ගොඩක් කරදරෙකාර ඒ වගේම ටිකක් භයානක සත්තු වර්ගය. මෙයාලා පොඩි ඉඩකින් හරි ගෙදරට රිංගන්න තමයි බලන්නේ. මේ සත්තු ගෙදරට එනවා විතරක් නෙවෙයි ගෙදර ඇතුලේ කොහේ හරි ගුලක් හදාගෙන පැටව්නුත් බෝ කරනවා. ඉතින් මේ මීයන් ගෙදරට ඇවිත්නම් මුලින් කොහෙන්ද මේ සතා ගෙදරට රිංගුවෙ කියලා හොයලා බලලා ඒ ස්ථානය ප්‍රෙවේශමෙන් වසා දමන්න. ඒ වගේම ගෙදර දැනටමත් බෝ වෙලා ඉන්න මීයන් අල්ලන්න ඔයාට පුළුවන් උගුල් අටවන්න. එතකොට අල්ලගත්ත මීයන් ගෙදරින් දුර කැලෑවකට මුදාහිරින්න ඔයාට හැකියාව තිබෙනවා. හැබැයි ගෙදර සුරතල් සතුන් හෝ කුඩා දරුවන් ඉන්නවානම් උගුල් ඇටවීම සම්බන්ධයෙන් ගොඩක් සැලකිලිමත් වෙන්න. මොකද පොඩි අයට මේක භයානක උපකරණයක්.

2. කුහුඹුවන්

කුහුඹුවන් යනු නිවසේ බහුලව දක්නට ලැබෙන පළිබෝධකය වර්ගයක්. අපිට ගෙදර කිසි කෑමක් බීමක් තියන්න බැහැ මේ කුහුඹුවන් ඇවිත් ඒ ආහාර විනාශ කරනවා. මේ සත්තුන්ගෙන් බේරෙන්න ප්‍රධාන වශයෙන් කරන්න අවශ්‍ය දේ තමයි අපේ කෑම බීම සුරක්ෂිත බහාලුමකට දලා තියන්න ඔින. ඒ වගේම ගෙදර කුණු ගොඩගහගන්න එපා. ගෙදර කුණු එක්කහු වෙලා තියනවානම් ඉක්මනින් ඒවා හරි ආකාරයට බැහැර කරන්න. ඔවුන්ට කන්න දේවල් නැත්තම් අපේ මුලුතැන්ගෙයි ඔවුන් වැඩි වෙලාවක් රැඳෙන්නේ නැහැ. කුහුඹුවන් Baby Powder වලට කැමති නැහැ. ඒ නිසා කුහුඹුවන් එන පාර හොයලා එතනට Powder ටිකක් ඉහන්න. අනිත් දේ තමයි අපි දැකලා තියනවා සමහර වෙලාවට ඇඳුම් අල්මාරි වලට පොත් රාක්කවල පොත් අස්සට මේ කුහුඹුවන් ඇවිත් බිත්තර දානවා. එහෙම වුණහම අපේ ඇඳුම් , පොත් එහෙම භාවිතයට ගන්න බැරිවුණ අවස්ථා ඇතිවෙලා තිබෙනවා. මෙන්න මේ දේ සිදු නොවෙන්න අපේ ඇඳුම් අතර කපුරු බෝල දලා තියන්න. එතකොට කුහුඹුවන් ඔයාගේ රෙදි වලින් ඈත් කරලා තියාගන්න පුළුවන්.

3. මැස්සන්

මැස්සන් කියනනේ නම් හරිම කරදරයක් . ඒ වගේම අපිට ගොඩක් ලෙඩරෝග බෝ කරන ප්‍රධාන වාහකයෙක්. ගෙදරට මොකුත් කෑමක් ගේන්න බැහැ ක්ෂණික මේ මැස්සන් මුළු ගෙදරම වට කරගන්නවා. අපි කලින් ලිපියක සදහන් කළා මේ මැස්සන් නිසා අපිට සිදුවන කරදර ගැන http://gasma.lk/?p=44890. මේ මැස්සන් ඔබට විශාල කරදයක් වෙලානම් මදුරු දැල් අරන් නිවසේ තිබෙන කවුලු ආවරණය කරන්න. එවිට උන්ට නිවසට රිංගන්න ස්ථානයක් නැතිවෙනවා. ඔබට වෙළදපලෙන් මේ මැස්සන් එලවන්න යොදාන්න පුළුවන් විවිධ නිශ්පාදන මිලදී ගන්න හැකියාව තිබෙනවා. එහෙම මිලදී ගන්නවා නම් හොඳින් සැළකිලිමත් වෙන්න ගෙදර සුරතල් සතුන් සහ පොඩි දරුවන් ඉන්නවානම්.

4. මකුළුවන්

ඔයා දන්නවා නේද මකුළුවන් කියන්නේ අපේ කෘෂිකර්මාන්තයට හා අපේ පෘථිවියේ පරිසර පද්ධතියේ ඉතා වැදගත් වගේම විශාල කාර්යභාර්යක් ඉටුකර සත්වයෙක්. ඒ නිසා මකුළුවන් මරන්න එපා. ඔවුන් ඔබේ නිවසින් පිටකරීමට උත්සහ කරන්න. මොවුන්ව නිවසින් යවන්න හොඳම ක්‍රමය තමයි මකුළුදැල් බඳින්න දෙන්නේ නැතිව අයින් කරන එක. කීපසැරයක් මේ විදිහට මකුළුදැල් කඩලා දැමුවහම මකුළුවන් එම ස්ථානයෙන් ඉවත් වෙනවා.

5. කිනිතුල්ලන්

අපි ඉහතින් කතා කරපු පළිබොධකයන් වගේ නෙවෙයි කිනිතුල්ලන් කියන්නේ ඇත්තටම අපේ ජීවිතයට ලොකු තර්ජනයක්. ඔයාගේ නිවස තියෙන්නේ වනාන්තරයකට හෝ උද්‍යානයකට ආසන්නව නම්, කිනිතුල්ලන් ඔයාගේ ගෙදරට එන්න ඉඩකඩ වැඩීයි. එහෙම ගෙදර කිනිතුල්ලෙක් ඔයාට අසුවුනොත් මුලින්ම පවුලේ සමාජිකයින්ට කියන්න තමන්ගේ සිරුර හොඳින් පරීක්ෂාකරගන්න කියලා. ඒ වගේම ගෙදර පොඩි දරුවන් ඉන්නවානම් එයලව හොඳින් පරීක්ෂාකරන්න.ඒ වගේම ඔයාගේ සුරතලාවත් පරීක්ෂා කරගන්න. ඒ වගේම pest control සේවාවක් ලබාගන නිවස හොඳින් පිරිසිදු කරගන්න. මොකද මේ කුඩා සත්වයා අපේ ඇඟ ඇතුළට රිංගුවත් අපිට හොයාගන්න හැකියාවක් නැහැ. ඒ නිසා හොඳින් සැළකිලිමත් වෙන්න.

6. කුරුමිණියන්

‍
කුරුමිණියා කියන්නෙත් කුහුඹුවන් වගේම අපේ මුළුතැන්ගෙයි තියන කෑම හොයාගන එක කෘමියෙක්. සමහර කුරුමිණියන් ඇහැට පේන්නේ නැති තරමට පොඩීයි. ඒ නිසා විශේෂයෙන් කුස්සිය, කෑම කාමරය හොඳින් පිරිසිදුව තියාගන්න. මේ විදියට ඔයා කුස්සිය හෝ කෑම කාමරය පිරිසිදු කරනකොට ඒ සදහා විනාකිරි 50-50 ජලය සමග මිශ්‍ර කරලා පිරිසිදු කිරීම් සඳහා යොදාගන්න. ධාන්‍ය වර්ග එහෙම හොඳින් අසුරා තබන්න.

7. සලබයන්

සලබයන් ලොම් ඇඳුම් වලට ලොකු කැමැත්තක් දක්වනවා. මොකද සලබ කීටයන් ලොම් සහ වෙනත් රෙදි වලින් පෝෂණය වෙන්න ලොකු කැමැත්තක් දක්වනවා. ඒ වගේම සලබයන් කැමතී දහඩිය සුවඳට . ඒ නිසා ඔයාගේ කිලුටු ඇඳුම් ගොඩගහගෙන තියන්න එපා. ඒවා එවෙලෙම සෝදන්න. සලබයන් ගෙදරට එන එක වලක්වාගන්න කරාබු නැටි ,ලැවෙන්ඩර් , රොස්මෙරි වගේ ඔසු පැලෑටි වර්ග පොඩි භාජනයකට අඩුක්කු කරලා තියන්න. මොකද සලබයන් කැමති නැහැ ඔසු පැළවල සුවඳට.

8. වුඩ්ලයිස්

ඔයගේ ගෙදර ජල කාන්දුවක් තිබෙනවානම් මේ වුඩ්ලයිස්ලා ගෙදරට එන්න ඉඩකඩ වැඩීයි. මේ සත්තුන් ගෙදරට එන එක වලක්වාගන්න මුලින්ම වතුර කාන්දු වෙන ස්ථානයක් තිබෙනවානම් ජලනල කාර්මිකයෙකු ගෙන්වාගෙන කාන්දුවීම පිලිසකර කරගන්න. මාසයක් ඇතුළත මොවුන් නිවසින් පන්නගන්න බැරිවුණොත් ඔයාට වෙන්නේ රසායනික ද්‍රව්‍ය යොදාගන සතුන් විනාශ කරන්න. හොඳම දේ තමයි මොවුන් බෝ නොවෙන්න නිවස තෙත්වීම වලක්වාගන්න කටයුතු කිරීම.

9. සර්පයන්

සර්පයන් තමයි ඉවත් කිරීමට අපහසුම පළිබෝධකයා. මොකද රසායනික ද්‍රව්‍ය වලින් ඔවුන්ව පලවා හරින්න හැකියාවක් නැහැ. ඔයාට සිදුවෙන්නේ භෞතිකවම සර්පයන්ව ඉවත් කරන්න තමයි. නමුත් පළමුව එය ආරක්ෂිතභාවය ගැන වග බලා ගන්න. කිසියම් ආධාරකයක් භාවිතා කර දුරින් සිටිමින් සර්පයන්ව ඉවත්කරන්න කටයුතු කරන්න.

සර්පයන් කිසිවිටකත් ආරක්ෂිත නැහැ. ඒ නිසා අවධානමක් ගන්න යන්න එපා. එක්කෝ බ්ලැන්කට් එකකින් හරි බාල්දියකින් හරි සර්පයාව ආවරණය කර වෘත්තිමය පුද්ගලයෙක් අමතා ආරක්ෂිතව සර්පයන් ඉවත් කරන්න වගබලාගන්න.

10. කැරපොත්තන්

අම්මෝ කැරපොත්තනම් එපා වෙනවා නේද? අප්පිරියයි වගේම කැරපොත්තා කියන්නේ විස කෘමියෙක්. කැරපොත්තො ගෙදර තියන ඔිනම අස්සක් මුල්ලකම බෝ වෙනවා. අපිරිසිදු කෑම , ඉතිරි ආහාර , හිස් කෑන් හො බහාලුම් වලට කැරපොත්තො නිකන්ම ඇදිලා එනවා. මෙන්න මේ නිසා අපි කැරපොත්තන් නිසා ලොකු අපහසුතාවයකට පත්වෙනවා. කැරපොත්තන් මර්දනයට වසර ගණනාවක් තිස්සේ මිනිසුන් භාවිතා කළේ ලෙමන් යුෂ . ඔයාටත් පුළුවන් ගෙදර කැරපොත්තන් ඉන්නවානම් උන්ව මර්දනය කරන්න ලෙමන් යුෂ යොදාගන්න.

අනාගත උප්පැන්න සහතිකය වෙනස් කිරීම නව පරම්පරාවට බලපාන්නේ කෙසේද..?

By

editor

“ඔබට විකල්පයක් නොමැතිව නමක් ලබා දී ඇත. ඔබට විකල්පයක් නොමැතිව ආගමක් ලබා දී ඇත. ඔබේ තේරීම නොමැතිව ඔබට ජාතියක් සහ අනන්‍යතාවයක් ලබා දී ඇත. තමන් කැමති විදිහට ඒ දේවල් ලැබිලා තියෙන අය වාසනාවන්තයි. නමුත් අප වැනි අය සැමවිටම සමාජයෙන් පීඩා විඳිති. ඒ නිසා කවුරුහරි ඒ ගැන කතා කළ යුතුයි කියලා මම තීරණය කළා”

– Moses Akash De Silva –

අවුරුදු ගණනාවක් පුරාවට සිදුවුණු වෙනස්කම් වල අවසානයේ මෑතකදී අනාගත සියලු උප්පැන්න සහතික වලින් විවාහක තත්ත්වය ඉවත් කරන්න තීරණය කරලා තියෙනවා. අවුරුදු දෙකක් තිස්සේ සිදුකල සලකා බැලීමකින් පස්සේ රෙජිස්ට්‍රාර් ජෙනරාල් එන් සී විතානගේ විසින් මේ බව ප්‍රකාශයට පත්කළා. ක්‍රියා පටිපාටි අවසන් කරලා උප්පැන්න සහතිකය නිකුත් කරද්දී එහි ජාතික උප්පැන්න සහතිකය විදිහට නම වෙනස් කරන්නත් තීරණය කරලා තියෙනවා. විවාහක තත්ත්වය ඉවත් කිරීමේ පියවරට මුලින් විශ්‍රාම වැටුප් දෙපාර්තමේන්තුව සහ ඉඩම් දෙපාර්තමේන්තුව විරුද්ධ වූණේ එයින් උරුමය සහ වෙනත් හිමිකම් වලට බලපෑමක් සිදුවෙන්න ඉඩ තියෙනවා කියලා.කොහොම වුණත් උප්පැන්න සහතිකයේ තොරතුරු රඳවා නොගෙන අවශ්‍ය වෙලාවට බලන්න උප්පැන්නය රෙජිස්ට්‍රාර් ජෙනරාල් දෙපාර්තමේන්තුව විසින් ලේඛනගත කරනවා.

තනි මව්වරුන්ට, වෙන් වුණු විවාහයෙන් උපත ලැබූ දරුවන්ට සහ ශ්‍රී ලංකාවේ අනාථ දරුවන්ට වෙනස් විදිහට සැලකීම ලංකාවේ අලුත් දෙයක් නෙවෙයි. දිනපතාම මේ අපකීර්තිය හා රිදවීම විඳගන්න එයාලට සිද්ධ වෙනවා වගේම ජීවිත කාලය පුරාම එයාලගේ ගෞරවය නැති වෙලා තියෙනවා .මේ විවාහක කාණ්ඩය ඉවත් කරනවා කියන්නේ මොකද්ද කියලා අපි ගැඹුරින් සොයා බලමු.

මෝසෙස් ආකාෂ් ද සිල්වා කියන්නේ සති දෙකක් වයසේදී අනාථ නිවාසයක අතහැර දමා ගියපු කෙනෙක්. අනාථ දරුවෙකු විදිහට ගොඩක් දුෂ්කරතාවලට මුහුණ දෙමින් ඔහු සාමාන්‍ය පෙළ විභාගයට හොඳම ප්‍රතිළුල ලබාගත්තා.

“මට පොඩි දෙයක් මතකයි.මට වයස අවුරුදු 14 දී 15 දී වගේ මුලින්ම මං මගේ උප්පැන්න සහතිකය දැක්කම මට හිතුනා මේක මොකද්ද කියලා. මට ඒක ඒ වෙලාවේ ඕනේ වුණේ ඉස්කෝලේ නිවාසාන්තර ක්‍රීඩා උත්සවයේදී මගේ වයස ඔප්පු කරන්න.එතැන් ඉදන් , මගේ තැපැල් හැඳුනුම්පත ලබාගත් වේලාව වගේ ගොඩක් තැන් වලදී මාව වෙනස් කොට සැලකීම් සිද්ධ වුණා.අවුරුදු ගාණක් යනකන් මේ වේදනාව දරාගෙන ඉඳලා, මේ ප්‍රශ්නයට අපිට කරන්න පුළුවන් මොකද්ද කියලා මං කල්පනා කරන්න පටන් ගත්තා.

මේ ප්‍රශ්නය තවත් නරක අතට හැරුනේ වයස අවුරුදු 18 සම්පුර්ණ වෙලා ඔහු අනාථ නිවාසයෙන් පිටව ගියාට පස්සේ.රටේ නීතියේ විදිහට වයස අවුරුදු 18 සම්පුර්ණ වුණහම අනාථ නිවාසයෙන් එයාලට පිටවෙලා යන්න සිද්ධ වෙනවා. එත් ඒ අධ්‍යාපනයට දක්ෂ නම් විතරයි.එහෙම නැත්තම් අනිත් අයට වයස අවුරදු 16 දී අනාථ නිවාසයෙන් පිට වෙන්න සිද්ධ වෙනවා. එයාලව ඔවුන් පාඨමාලාවක් හෝ වෙනත් දෙයකට යොමුකරනවා.එතැන් ඉදන් ඔවුන්ට ජීවිතය තනියම කරගෙන යන්න සිද්ධ වෙනවා.

මට යන්න තැනක් තිබුණේ නැහැ. ඒ නිසා නුවර බස් නැවතුම්පොළක මට රාත්‍රී තුනක් ගතකරන්න සිද්ධ වුණා.මම අවසානයේ කොළඹට එන්න තීරණය කළා. මම කර්මාන්ත ශාලාවක වැඩ කරන්න පටන් ගත්තා. යන්ත්‍ර පිරිසිදු කිරීම වගේ දේවල් කළා.එහෙම තමයි දේවල් සිද්ධ වුණේ. අසම්පූර්ණ උප්පැන්න සහතික තිබුණු මෝසෙස්ට සහ ඔහුගේ බිරිඳ ඒවා එයාලගේ ජීවිතවලට බලපාන්නේ කොහොමද කියන එක ගැන කතා කළා. “ශ්‍රී ලංකාවේ සෑම දෙයකටම ඔයාගේ උප්පැන්න සහතිකය අවශ්‍යයි. රැකියා ස්ථාන ඔයාගේ උප්පැන්න සහතිකය පරික්ෂා කරනවා, ඒක අදාළ දෙයක් නෙවෙයි.මොකද එකේ ප්‍රයෝජනවත් කිසිම දෙයක් නැහැ. බැංකු ගිණුමක් ආරම්භ කරන්න හෝ ඔයාගේ ළමයව ඉස්කෝලෙට ඇතුළත් කරන්න පවා ඔයාට උප්පැන්න සහතිකයක් ඕනේ වෙනවා. අවංකවම කිවුවොත් ජනමාධ්‍ය වලට අසම්පුර්ණ උප්පැන්න සහතිකයක් පෙන්නපු පළවෙනි පුද්ගලයා මං. කඩදාසි කැබැල්ලක් නිසා අපිට වෙනස් විදිහට සලකන්න එපා කියලා මං එයාලට කිව්වා. මගේ උප්පැන්න සහතිකයේ මගේ තාත්තාගේ නම සදහන් වෙන්නේ නැහැ. මගේ දෙමවුපියන් විවාහක නොවන බව ඒකේ සදහන් වෙනවා.

දෙමව්පියන් නැති සහ තමන් ගැන එක දෙයක්වත් දන්නේ නැති දරුවන්ට, අනුමාන වයස් සහතිකයක් යනුවෙන් ලේඛනයක් තියෙනවා.සාමාන්‍යයෙන් ඒක උප්පැන්න සහතිකය වගේම තමයි.අනාථ නිවාසයෙන් දාපු නම ඒකෙ සඳහන් වෙනවා වගේම වෛද්‍යවරයකු දරුවාගේ වයස උපකල්පනය කරනවා.එයාලා උපන්දිනයක් අතින් තෝරා ගෙන එකත් එකට ඇතුළත් කරනවා. නමුත් වයස් සහතිකය කියන්නේ මොකද්ද කියලා බලධාරීන්වත් දන්නේ නැහැ.රටේ වෙනසක් ඇති කිරීමට උත්සාහ කරමින්, “Generation Never Give Up” මීට වසර 3 කට පෙර, SOS ගම්මානවල සහාය ඇතිව ඇතිවුණා. එය විවිධ අනාථ නිවාස වලින් care leavers ලා 400 ක් පමණ සිටින ජාලයක් දක්වා වර්ධනය වෙලා තියෙනවා. අවුරුද්ද ආරම්භයේදී එය ජාත්‍යන්තර ජාලයක් ලෙස ස්ථාපිත කරලා තියෙනවා වගේම තවත් රටවල් 20 ක care leavers ලා සම්බන්ධ කරගෙන තියෙනවා. එහිදී කෙයාර් ලීවර්ස් ඉන්ටර්නැෂනල් නමින් වට්ස්ඇප් කණ්ඩායමක් හරහා තමන් මුහුණ දෙන ගැටලු සාකච්ඡා කරනවා.

වයස අවුරුදු 18 හෝ ඊට අඩු අනාථ නිවාසවලින් පිටතට පැමිණෙන තරුණ තරුණියන්ට ‘care leavers ’ කියන යෙදුම පාවිච්චි වෙනවා කියලා මෝසෙස් පැහැදිලි කළා.“මීට වසර තුනකට පෙර, SOS ගම්මානවල සහාය ඇතිව, අපි ‘පරම්පරාව කිසි විටෙකත් අත් නොහරින්න’ කියලා ව්‍යාපෘතියක් ආරම්භ කළා. අපි Water’s Edge හි speaking session එකක් පැවැත්තුවා. ඒ දවසේ කතා කළේ මම සහ තව care leaversලා තුන් දෙනෙක්. අපි එකම අත්දැකීම බෙදාහදා ගත්තා. දෙමව්පියන් නොමැති දරුවන් සමාජය විසින් වෙනස් කොට සලකන ආකාරය සහ අපට මුහුණදීමට සිදු වූ අරගල ගණන ගැන අපි එදා කතා කළා.“අපි කරුණු කිහිපයක් යෝජනා කළා.ඉන් එකක් විවාහක තත්ත්වය ඉවත් කිරීම. තවත් දෙයක් තමයි දරුවාගේ විස්තර පමණක් පෙන්වන උප්පැන්න සහතිකයක් නිකුත් කිරීම. ඊට පස්සේ, පාර්ලිමේන්තුවට පැමිණ ළමයින් සඳහා අධීක්ෂණ කමිටුවට කතා කරන්න කියලා අපිට ආරාධනාවක් ආවා. අපි මේ ගැන තවදුරටත් සාකච්ඡා කරලා අපේ අත්දැකීම් බෙදා ගත්තා.එයාලට තිබුණ එකම ගැටළුව තමයි, කලින් උප්පැන්න සහතිකය ඉවත් කරලා නව එකක් නිකුත් කළ නොහැකි වීම.මොකද ඒක උරුමය සම්බන්ධයෙන් ගැටළු ඇති කරනවා. ඒ නිසා අපි කලින් උප්පැන්න සහතික තබා ගනිමින්, දරුවාගේ විස්තර පමණක් ලේඛනගත කරන නව උප්පැන්න සහතික නිකුත් කිරීම හඳුන්වා දෙන්න යෝජනා කළා. ඒ නිසා එය අනාථ දරුවෙකුට සහ සාමාන්‍ය දරුවෙකුට වෙනස් ලෙස සැලකීමක් සිදුකරන්නේ නැහැ.

තවත් පැතිකඩක්

විවාහයට කළින් යුවළක් එකට ජීවත් වීම ගැන පුද්ගලයන් ප්‍රතිශතයක් කනස්සල්ල පළකළා.“මේක මිනිසුන්ට විවාහ නොවෙන්න දිරිගැන්වීමක් වෙනවා,මේකෙන් එකට ජීවත්වීමට හා දරුවන් ලැබීමට දිරිගැන්වීමක් සිද්ධ වෙනවා කියලා ඔවුන්ගේ විශ්වාසයක් තියෙනවා.නමුත් ඒක දැනටමත් රට තුළ සිදුවෙමින් පවතිනවා.ඒ නිසා ඒක අලුත් දෙයක් නොවේ ”කියලා මෝසෙස් පැවසුවා.ප්‍රගතිශීලී පුද්ගලයන් සිටින ගතානුගතික රටක, විවාහක තත්ත්වය ඉවත් කිරීම කියලා අදහස් කරන්නේ වෙනස් කොට සැලකීමෙන් නිදහස් වීම. මෝසෙස්ට ඒකෙන් අදහස් කෙරෙන්නේ ඒක.

“මේ පුවත ඇහුවම මට දරාගන්න බැරි වුණා.මේකෙන් අදහස් කෙරුණේ අපේ දෙමව්පියන් විවාහ නොවී සිටීම කියන සරල කාරණය නිසා අපි තවදුරටත් වෙනස් කොට සැලකීමක් සිද්ධ වෙන්නේ නැති බව.උප්පැන්න සහතිකයක සරල වචනයක් නිසා අපිට කොයිතරම් ලැජ්ජාවක් හා දුක් වේදනාවක් විඳීන්න සිද්ධ වෙලා තියෙනවද කියලා අපි දන්නවා.මේක අපිට ඉදිරියට යන්න ඉඩ සලසනවා.ළමයින් දහස් ගණනක් වෙනුවෙන් කථාකරන්න අපිට පුළුවන් වුණා.අනාථ නිවාසවල ළමයි 14,000 ක් වෙනුවෙන් වගේම මේක අපි සියලු දෙනාගේම ජයග්‍රහණයක්.

පාට කිරීම විනෝදාංශයක් කරගැනීමෙන් ජීවිතයට ලැබෙන වාසි..

By

editor

පාට කරනවා කියන එක ඇත්තටම මනසට හොඳ ප්‍රතිකාරයක්. මෙය මනෝරෝග චිකිත්සකයින් පවා යොදාගන්න එක ප්‍රතිකාර ක්‍රමයක්. කලාව පුරුදු වෙන එක එහෙමත් නැත්තම් පාට කරන්න පුරුදුවෙන එක ඇත්තටම අපිට අපේ ජීවිතයට ලොකු ප්‍රතිලාභයක් අත්කර දෙනවා. දැන් කට්ටිට හිතයි අප්පෝ පිස්සුද පාට කරන්නේ පොඩි අයනේ ලොකු අය පොඩි උන් කරන දේවල් කරනවද කියලා. ඇත්තටම පාට කරනවා කියන එකට වයස් බේදයක් නැහැ. ඔිනම කෙනෙක්ට මනස නිදහස් කරගන්න හොඳම දේ තමයි මේක. අද අපි බලමු පාට කරන්න පුරුදු වෙන එකෙන් අපේ ජීවිතේට ලැබෙන වාසි මොනවද කියලා.

01- පාට කිරීමට හුරු වීමෙන් ඔබට ඇතිවෙන ආතතිය හා කාංසාව මට්ටම අඩු කරගන්න හැකියාව ලැබෙනවා.

ජ්‍යාමිතික රටා සහ මන්ඩලා වර්ණ ගැන්වීම ඔබේ ආතති මට්ටම අඩු කිරීමට සහ ඔබේ කාංසාව අඩු කිරීමට උපකාරී වන බව අධ්‍යයනයන්ට අනුව හෙළිවී තිබෙනවා . මෙයට හේතුව අප සරල කාර්යයන් කෙරෙහි අවධානය යොමු කරන විට අපගේ මොළය ලිහිල් වන අතර අපගේ කාංසාව සහ ආතති මට්ටම එමගින් පහත වැටීමකට ලක්වෙනවා.

ඔයාට ලොකු ස්ට්‍රෙස් එකක් හරි දුකක් හරි කලබලයට නොසැලකිලිභාවයට පත්වෙලා ඉන්නවානම්
පාට පැන්සල් අරගන ජ්‍යාමිතික රටා හෝ මන්ඩලා එහෙමත් නැත්තම් ඔයා කැමති පින්තූරයක් අරන් පාට කරන්න . ඔයාටම තේරෙන්නේ නැති වෙන්න ඔයාගේ හැම ස්ට්‍රෙස් එක්කම නැතිවෙලා යයි. මොකද පාට කරනවා කියන එක භාවනාවක්.

2. වර්ණ ගැන්වීම ඔබේ මොළයේ ක්‍රියාකාරිත්වය වැඩි දියුණු කිරීමට උපකාරී වෙනවා.

අපි සමාන්‍යෙයන් වැඩක් කරනකොට මොළයේ ඒ දේට අදාළ කොටස විතරයි වැඩ කරනේ. හැබැයි පාට කිරීමකදී මොළයේ කොටස් දෙකම ක්‍රියාකාරී වෙනවා. වර්ණ ගැන්වීම මගින් අපේ මොළයට හොඳ ව්‍යායාමයක් ලබා දෙන්න හැකියාව තිබෙනවා. මෙහිදී සිදුවෙන්නේ ඔබ පාට කිරිම සදහා වර්ණ තෝරාගැනීමේදී සහ නිර්මාණාත්මකව සිතන විට ඔබ භාවිතා කරන්නේ මොළයේ නිර්මාණාත්මක පැත්ත වන අතර, ඔබ අවධානය යොමු කරන විට, සංවිධානය කරන විට සහ අදහස් නිර්මාණය කරන විට ඔබ මොළයේ තාර්කික පැත්ත භාවිතා කරනවා. මෙන්න මේ ආකාරයට තමයි පාට කිරීම නිසා ඔබේ මොළයේ කොටස් දෙකම හොඳින් වැඩ කරන්නේ.

3. වර්ණ ගැන්වීම මඟින් ඔබේ අවධානය වැඩි දියුණු කළ හැකිය.

පොඩි දරුවාගේ සිට වැඩිහිටියා දක්වා මේ ජංගම දුරකථන සහ සමාජ මාධ්‍යවල නිරන්තර අවධානය යොමුකරගන සිටින නිසා අවශ්‍ය දේයකට අවධානය යොමුකිරීමේ හැකියාව සෑහෙන්න අවම වෙලා තියෙන්නේ. .අපි පාඩම් කරන්න ගියත් නිදාගන්න ගියත් දුරකථනයේ සෑහෙන වෙලාවක් රැඳිලා ඉන්න පුරුදු වෙලා තිබෙනවා. මෙන්න මේ නිසා ජීවිතයට අවශ්‍යම දේවල් ළගා කරගන්න අපිට අවධානය යොමුකරන්න හැකියාව අවම වෙලා ගිහින්. අපේ අවධානය වැඩි දියුණු කරගන්න පාට කිරීමට පුරුදු වීමෙන් හැකියාව ලැබෙනවා. කලාව හැදෑරීම මගින් ගැටළු විසඳිමට ඇති හැකියාව වැඩි දියුණු වෙනවා. ඒ කියන්නේ කලාව හැදෑරීම නිසා මොළයේ කොටස් දෙකම වැඩ කරන්න පටන් ගන්නවා. මේ නිසා අපි එක තැනකට සීමා නොවී කොටුවෙන් පිටත හිතන්න පෙළඹෙනවා. මෙන්න මේ නිසා දුරකථනයේ ගොඩක් වෙලා කාලේ කනවාට වඩා පාට කරන එක විනෝදාංශයක් කරගන්න එක ගොඩක් වටිනවා.

4. වර්ණ ගැන්වීම භාවනාවට සමාන බලපෑමක් ඇති කළ හැකිය.

වර්ණ ගැන්වීම ඔබට මේ මොහොතේ අවධානය යොමු කිරීමට නොහැකිවීම සහ අවධානය වෙනතකට යොමු කිරීම සහ වෙනත් (සමහර විට ඝෘණාත්මක) සිතුවිලි වලින් ඉවත් වීමට උපකාරී වේ. මෙයින් අදහස් කරන්නේ වර්ණ ගැන්වීම මඟින් ඔබව වර්තමානයට ගෙන ඒමට සහ භාවනා කිරිමකදී වගේම ඔබේ මනස සන්සුන් කරන්න මේ පාට කිරීමට හැකියාව තිබෙනවා.

5. වර්ණ ගැන්වීම ඔබට සිහිය පුහුණු වීමට උපකාරී වේ.

වරණ ගැනිවීමට පුරුදු වීම එක අතකින් වර්තමානයේ රැඳී සිටීමේ තාක්‍ෂණය වන අතර අනාගතය පිළිබඳ ඔබ කනස්සල්ලට පත්වන සිතුවිලි හෝ මතකයන් ගැන කල්පනා කිරීමට ඉඩක් ලබා දෙන්නේ නැහැ . පාට කරන වෙලාවට අපි හිතන්නේ පාට කරන දේ ගැන විතරක් නිසා අපිට අනිත් දේවල් ගැන හිතන්න බැරි වෙනවා. මේ නිසා ඒ දේට විතරක් අවධානය යොමු වෙලා අපේ මනස නිසදහස් වෙනවා. අපේ සාංකාව අවම කරගන්න මේ විනෝදාංශය බෙහෙවින්ම උපකාරී වෙනවා. ඒ වගේම අපේ සිහිකල්පනාව අවම වෙලානම් පාට කිරීම විනෝදාංශයක් කරගන්න මොකද දැනටමත් නැති සිහිය නැවත ගෙනවිත් හොඳින් පවත්වාගන යන්න හොඳම ක්‍රමය තමයි වර්ණ ගැන්වීම.

6.ඝෘණාත්මක සිතුවිලි ඉවත් කිරීමට වර්ණක භාවිතා කළ හැකිය.

කලාව කම්පනය හා මානසික සෞඛ්‍ය ගැටළු වලින් පෙළෙන අයට වටිනා ප්‍රතිකාරයක් ලෙස සැලකෙනවා. වර්ණ ගැන්වීමේදී, හැඩතල පිරවීම සඳහා අපට අවශ්‍ය අවධානය සහ වර්ණ තේරීම් කෙරෙහි අපගේ මොළය ක්‍රියාකාරී වෙන නිසා අපගේ නිෂේධාත්මක සිතුවිලි ප්‍රතිස්ථාපනය කරගන්න හැකියාව ලැබෙනවා. හැමසාම එක එක වල්පල් හිතපා ඔලුව නරක්කරගනනේ නැතිව කලාව ප්‍රගුණ කරලා වර්ණ ගැන්වීමට උත්සහ කරනවානම් ඔයාගේ ජීවිතයේ ලොකු වෙනසක් ඇතිකරගන්න ඔයාට හැකියාව ලැබේවි.

ලෝකයේ තියෙන අරුම පුදුම ආගම්,ඇදහිලි හා විශ්වාස..

By

editor

ආගම් ගැන කතාකරනකොට ලංකාවේ අපිට නම් එකපාරම මතක් වෙන්නේ බුද්ධාගම,හින්දු,ඉස්ලාම්,ක්‍රිස්තියානි තමයි. ඒ වගේම තවත් ඇදහිලි පිළිවෙත් විශ්වාස කරන සුළු පිරිසකුත් ලංකාවේ ඔය අතර ඉන්නවා. ලංකාවෙන් ටිකක් එහාට ගිහින් ලෝකේ ගැනම කතාකරද්දී මේ විස්තරේ මීට වැඩිය වෙනස්. අදහන විශ්වාසයක් වෙනුවෙන් ඔයාට පුළුවන්ද කවදාහරි දවසක ලාදුරු රෝගියෙක්ගේ තුවාලයක් ලෙවකන්න?එහෙමත් නැත්නම් ඇණ තියෙන මිටියකින් ගුටි කන්න? අහද්දිත් ටිකක් අවුල් වගේ නේද. අද අපි කියන්න යන්නේ පෘථිවියේ තියෙන ඒ වගේ අසාමාන්‍ය ඇදහිලි විශ්වාස ආගමික වත්පිළිවෙත් 7ක් ගැන.මෙන්න කියවලම බලන්නකෝ..

1) ළදරුවන් විසි කිරීම (Baby Throwing)

ඉන්දියාවේ මහාරාෂ්ට්‍ර ප්‍රාන්තයේ තියෙන ග්‍රිෂ්නේශ්වර දේවාලයේ සිද්ද කරන ටිකක් අසාමාන්‍ය වගේම භයානක වෙන්න පුළුවන් ආගමික චාරිත්‍රයක් තමයි මේ. මේකෙදි වයස අවුරුදු 1 ත් 2 ත් අතර බබාලව අඩි 50 ක් විතර උස කුළුණක ඉදන් බිමට විසි කරනවා. පිරිමි කිහිපදෙනෙක් කුළුණ පාමුල ඉදන් උඩ ඉදන් වැටෙන බබාලව රෙද්දක් ආධාරයෙන් අල්ලාගන්නවා. අවුරුදු 700 ක් විතර පරණ මේ උත්සවය ළමයින්ව ගොඩක් බුද්ධිමත්,වාසනාවන්ත හා සෞඛ්‍ය සම්පන්න කෙනෙක් බවට පත් කරනවා කියලා මහාරාෂ්ට්‍ර ප්‍රාන්තයේ ඉන්න මුස්ලිම් සහ හින්දු භක්තිකයන් විශ්වාස කරනවා.

2) අහසේ භූමදානය (Sky Burials)

අහස් භූමදානය කියන්නේ ටිබෙට් වල තියෙන සුවිශේෂී වගේම ගොඩක් අසාමාන්‍ය ආගමික උත්සවයක්. කෙනෙක් මිය ගියාම එයාගේ මළ සිරුරේ කැබලි කදු මුදුනක විසුරුවලා ඒවා කුරුල්ලන්ට කන්න දාන එක තමයි අහසේ භූමදානය කියන්නේ. ටිබෙට් ජාතිකයන් ගොඩ දෙනෙක් බෞද්ධ සම්ප්‍රදායන් තමයි අනුගමනය කරන්නේ. ටිබෙට් බෞද්ධ භක්තිකයන් මිනිස් සිරුර හුදෙක් යාත්‍රාවක් විතරයි සහ ඒක ඉවත දාන්න පුළුවන් කියන දේ විශ්වාස කරනවා. එක මේ ආගමික උත්සවය එයාලා අතර ගොඩක් ජනප්‍රිය වෙන්න හේතුවක් වෙලා තියෙනවා.මේ වෙද්දී නම් මේක තහනම් කරලා තිබුණත් පවුලේ අයගේ අවසරය ඇතුව තවමත් මේක සිද්ධ කරන අවස්ථාත් නැතුවම නෙවෙයි.

3) අගෝරි (The Aghori)

ක්‍රි.ව. 14 වන සියවසේ දී විතර හින්දු ආගමෙන් බැහැර වූණු ආගමික නිකායක් විදිහට අගෝරි සැලකෙනවා.මේකෙදි හින්දු පුරාවෘත්ත වල, හැම දෙයක්ම “බ්‍රාහ්මණයාගෙන්” ඉස්මතු වන බවත් කිසිම නපුරක් පවතින්නේ නැති බවත් විශ්වාස කරනවා.තව ටිකක් පැහැදිලිව කිව්වොත් අගෝරි අනුගාමිකයන් විශ්වාස කරන්නේ සියල්ල දෙවියන් විදිහට වගේම ඕනෑම දෙයක් අතහැර දැමීම පූජනීය ක්‍රියාවක් විදිහටයි. විශේෂයෙන්ම ආදාහනාගාර අසල වාසය කිරීම සහ මියගිය අයගේ මෘත දේහය අනුභව කිරීම වගේම තමන්ගේම මුත්‍රා වැනි ඕනෑම දෙයක් ආහාරයට ගන්න මේ විශ්වාසය අදහන අඝෝරි සාදුවරුන්ට පුළුවන්.

4) මාරඩෝනියානු පල්ලිය (Maradonian Church)

මේ ඇදහිල්ල නම් ටිකක් අපුරුයි. අපි කවුරුත් දන්නවා ජනප්‍රිය පාපන්දු ක්‍රීඩක මැරඩෝනා ගැන. එත් එයාගේ නමින් ආගමක් හදලා එයා වෙනුවෙන්ම පල්ලියක් ඉදි කරලා තියෙනවා කිවුවොත් ? අදහගන්නත් ටිකක් අමාරුයි නේද ?.මේ අපූරු පල්ලිය ඉදි කරලා තියෙන්නේ ආජන්ටිනාවේ The Iglesia Maradoniana නමින්. මැරඩෝනාගේ 38 වෙනි උපන්දිනයේදී එයාගේ රසිකයන් තුන් දෙනෙක් මුලික වෙලා මේ පල්ලිය හදලා තියෙනවා. සරලවම කිවුවොත් ආගමේ විශ්වාස කරන්නේ මැරඩෝනා ක්‍රීඩා ඉතිහාසයේ ශ්‍රේෂ්ඨතම පාපන්දු ක්‍රීඩකයා බව.ඉතින් ඒ වෙනුවෙන් එයාලගේ යාඥා සිද්ධ කරනවා වගේම ඔයාගේ මැද නම ඩියාගෝ විදිහට වෙනස් කිරීම, ඔයාගේ පුතා ඩියාගෝ ලෙස නම් කිරීම සහ “ඩියාගෝගේ ප්‍රාතිහාර්යයන් පිළිබඳ පුවත් පතුරුවා හැරීම” වගේ ආඥා 10 ක මාලාවක් එයාලා සතුව තියෙනවා.

5)Happy Science Religion

මේ විශ්වාසයය ගැන කතාකරද්දී නම් අපි කියවපු අනිත් විශ්වාස වල වගේ අසාමාන්‍ය දේවල් නැති වුණත්,අසාමාන්‍ය දේවල් නොකෙරුවත්,මේක ඇත්තම ආගමක් විදිහට පිළිගන්න එකනම් ටිකක් අමාරුයි. Happy Science ආගම මුලින්ම අදහන්න පටන්ගත්තේ ජපන් ජාතිකයෙක් වෙන Ryuho Okawa විසින්. සියලු මනුෂ්‍ය වර්ගයාට සතුට ගෙන ඒම එයාගේ මෙහෙවර කියලා එයා විශ්වාස කරනවා. ඒක 1991 දී නිල ආගමක් බවට පත් වූණා වගේම මේ වෙද්දී රටවල් 90ක විතර මිලියන 12 කට අධික අනුගාමිකයින් පිරිසක් මේ ආගම අදහනවා.මේ ආගමේ මූලික විශ්වාසය තමයි ආදරය, ප්‍රඥාව, ස්වයං පරාවර්තනය සහ ප්‍රගතිය තුළින් මිනිසුන් “නිවැරදි මනස” සහ “සතුට පිළිබඳ මූලධර්ම” ගවේෂණය කළ යුතු බවයි. මුහම්මද්තුමා, ක්‍රිස්තුන් වහන්සේ, බුදුරජාණන් වහන්සේ හා කොන්ෆියුසියස්ගේ ප්‍රකාශයන්,දේශනා මේ ආගමට සම්බන්ධ කරගෙන තියෙනවා.මේ ආගමට සම්බන්ධ වෙන්න ඕනේ වෙන එකම අවශ්‍යතාවය තමයි “මාර්ගය සෙවීමේ අභිලාෂය සහ මිහිපිට ආදරය, සාමය සහ සතුට සාක්ෂාත් කර ගැනීමට දායක වීම”.

6)සැරව ලෙවකෑම සහ තුවාලයේ කබල කෑම

මධ්‍යකාලීන යුගයේදී බහුතරයක් මිනිස්සු ලාදුරු රෝගීන්ට ගොඩක් අපහාස කළා වගේම එයාලව කොන් කළා. කොහොමවුණත් , කාන්තා සාන්තුවරයන්ගේ සාමන්‍ය චාරිත්‍රයක් වුණේ ලාදුරු රෝගයෙන් පීඩාවට පත් වූ අයගේ තුවාල වලින් එන සැරව ලෙවකෑමෙන් හා කබල් ආහාරයට ගැනීමෙන් රෝගී වූ අය රැකබලා ගැනීම.මේක අතිශය ශුද්ධකමේ සලකුණක් විදිහට සැලකුණා වගේම එයාලව කොන් නොකිරීමක් එතකොට සිද්ධ වෙනවා කියලා එයාලා විශ්වාස කළා. වාසනාවකට වගේ මේ විශ්වාසයේ පින්තුරයක්වත් දැන් නම් හොයාගන්න නැහැ.

7)තැලීම (Flagellation)

ආගමික විශ්වාස සඳහා තාමටම ගැසීමේ මේ ක්‍රියාවලියට ලොකු ඉතිහාසයක් තියෙනවා.පුරාණ ඊජිප්තුවේ, ග්‍රීසියේ සහ රෝමයේ ඒක සාමාන්‍ය සිරිතක් වුණත් 13 සහ 14 වන සියවස් වලදී ඒක බහුලව සමාජයේ තිබුණා.කතෝලික පල්ලියේ රැඩිකල්වාදීන් විසින් ප්‍රසිද්ධියේ පහර දීලා මේ විශ්වාසය වැඩිපුරම විශ්වාස කරන්න පටන්ගත්තා ඒ උද්‍යෝගිමත් අය භක්තිය විදහා දැක්වීමක් විදිහට සලකලා.10,000 ක් විතර සහභාගී වූණු මහා පෙරහැරවල් වල කුරුස හා බැනර් ඔසවාගෙන,, ගීතිකා ගයමින්, නගර හරහා ගමන් කර, ගීතිකා ගායනා කරමින්, සහ යාඥා කරමින් මේ විදිහට සම් වලින් පහර දීම සිදු කරගත්තා.

කවදාවත් හිතුවද ලෝකේ මේ වගේ ආගම්,ඇදහිලි,විශ්වාස තියෙනවා කියලා?.මේ සමහර විශ්වාස මේ තරම් දියුණු වුණු ලෝකෙක තාමත් අදහනවා කියලා?කොහොම වුණත් ලෝකේ ජීවත් වෙන හැම කෙනෙක්ටම පුළුවන් තමන්ට කැමති දෙයක් විශ්වාස කරන්න,අදහන්න,තමන් කැමැති ආගමක් තෝරාගෙන ඒ විදිහට තමන්ගේ ජීවිතය හැඩගස්සගන්න.මොකද අපි මොකක්හරි ආගමක් විශ්වාස කරද්දී අපි තුළම ස්වයං විනයක් ඇතිවෙනවා.මේ මොන විශ්වාසයෙන් වුණත්,ඇදහිල්ලෙන් වුණත් කෙනෙකුට යහපතක් වෙනවා නම්,සාමජයට යහපතක් වෙනවා නම් මිනිස්සු මොනවා විශ්වාස කළත් මොකද.

-එස්. තත්සරණී-

මැස්සන් මේ දේවල් කරනවා කියලා දන්නවානම් ජීවිතේට කවුරුත් මේ කෑමනම් කන්නේ නැහැ..

By

editor

මම මෙහෙම ප්‍රශ්ණයක් ඇසුවොත් ඔයා දෙන පිළිතුර මොකක්ද? ඔයා දකිනවා ඔයාගේ කෑම එකේ මැස්සෙක් වහලා ඉන්නවා. දැන් ඔයා මොකද කරන්නේ. ඒ කෑම එක ආහාරයට ගන්නේ නැතිව අයින් කරනවද? එහෙමත් නැත්තම් ඒ මැස්සව එලවා දමලා කෑම එක ආහාරයට ගන්නවාද? මං දන්නවා ගොඩක් දෙනෙක් කරන්නේ මැස්සව එලවා දාලා කෑම එක ආහාරයට ගන්න එක. ඒ මොකද අපි හිතන්නේ ආ මේ නිකන් මැස්සෙක් විතරයි කියලා. හැබැයි ඉතින් ඒ කෑම කන නොකන එක ඔයාගේ තීරණයක්. කොහොම වුණත් අද කියන්න යන්නේ මේ මැස්සෝ කෑම වල වහලා හිටියාම මොනවගේ දේවල්ද වෙන්න පුළුවන් කියන එක ගැන. මොකද මැස්සන් අපි ගන්නා ආහාරයට එන්නේ කලින් තවත් ගොඩක් තැන් වල ඉදලා තමයි එන්නේ. උදාහරණ වශයෙන් කුණු ගොඩක, වැසිකිලියක, නැත්තම් තවත් කෙනෙක්ගේ ආහාරයක එහෙමත් නැත්තම් මොකක් හරි ජරා ගොඩක වහලා ඉදලා තමයි ඇවිත් අපේ කෑම එකෙත් වහන්නේ. ඇත්තට මේ කුඩා ජීවියා විසින් ඇති කරන බලපෑම මැස්සගේ ප්‍රමාණයටත් වඩා විශාල වන අතර ඔයා ඇත්තටම හිතනවාටත් වඩා ගොඩක් සංකීර්ණයි. මැස්සන් විසින් අපට බෝකරන රෝග අතරට ආන්තරික ආසාදන (අතීසාරය, පාචනය, ටයිපොයිඩ්, කොලරාව සහ ඇතැම් හෙල්මින්ත් ආසාදන වැනි), අක්ෂි ආසාදන (trachoma සහ epidemic conjunctivitis වැනි), පොලියෝමෙලයිටිස් සහ සමහර සමේ ආසාදන (යව්ස්, කටානියස් ඩිප්තෙරියා, සමහර මයිෙකෝස් සහ ලාදුරු) හඳුන්වන්න පුළුවන්. මැස්සා කුඩා සත්වයෙක් වුණාට අපිට ගේන කරදරනම් ගොඩක් විශාලයි. අපි බලමු මැස්සෝ ඇවිත් අපේ කෑම එක මත වැහුවට පස්සේ මොනවගේ දේවල්ද කරන්නේ කියලා.

මැස්සන් ඔබේ ආහාර මත වමනය කරන බව ඔබ දන්නවාද?

නළයක් වැනි මුඛය හරහා තරල උරා බොමින් තමයි මැස්සන් ආහාර ලබා ගන්නේ. ඔවුන්ගේ මේ මුඛය පිහිටලා තිබෙන හැඩය නිසා ඕනෑම ආහාර වේලක් දියරයක් බවට පත් කරන්න ඔවුන්ට හැකියාව තිබෙනවා. මෙය සිදුකරන්න ඔවුන් කලින් ආහාරයට ගත් උදාහරණයක් වශයෙන් කුණු වුණ මස්, මළ මුත්‍රා වගේ ඕනම දෙයක් ඔවුන් ඔයාගේ ආහාර මතට වමනය කරනවා. එහෙම කරලා තමයි ඔයාගේ කෑම එකේ තියන දේවල් මැස්සන් ආහාරයට ගන්නේ. ඉතින් ඔයාලා කවදාවත් හිතන්න නැතුව ඇති නේද මැස්සෝ මේ විදිහට ඔයාගේ කෑම එක ජරා කරනවා කියලා.

ඔවුන් ඔබේ ආහාර මත බිත්තර දමන බව ඔබ දන්නවාද?

ඔයා කාලා ඉතුරු කරපු කෑම එකක් ඔයා තියලා තියනවා පස්සේ කන්නම් කියලා. එහෙම තියලා තියන කෑම වල මැස්සො වැහුවට පස්සේ ඔවුන් ටික වෙලාවකින් කෑම මත බිත්තර දාන්න පෙළඹෙනවා. ගොඩක් දෙනෙක් මේ දේ දන්නේ නැහැ. සමහර වෙලාවට පස්සේ කන්නම් කියලා තියලා තිබ්බ කෑම එක අපි ආහාරයට අරන් තියෙන්නේ මැස්සන්ගේ බිත්තර හෝ පිලව් එක්ක වෙන්න පුළුවන්. ඒ නිසා ඔයාට ආහාරයක් පස්සේ කන්න කියලා හිතුනොත් හොඳට ඒ කෑම එක ආවරණය කරලා තියනන් අමතක කරන්න එපා. මොකද අපි දන්නේම නැතිව හෝ ගණන්ගන්නේ නැතිව ලොකු ජරා ගොඩක් වගේම ලෙඩ ගොඩක් තමයි ආහාරයට අරන් තියෙන්නේ. ඒ නිසා ආහාර ගන්නන් වාලේ ගන්න යන්න එපා.

ඔවුන්ගේ කකුල් සහ පියාපත් මඟින් ඔබේ ආහාර මත බැක්ටීරියා පතුරවන බව ඔබ දන්නවාද?

දැන් අපි දන්නවා මැස්සො කියන්නේම බැක්ටීරියා ගොඩක් කියන එක. අපි මෙච්චර වෙලා කතා කලේ මැස්සන්ගේ ඇඟ ඇතුළෙන් අපේ ආහාර වලට ඇතුල් කරන බැක්ටීරියා ගැන විතරයි. හැබැයි වැඩිම ක්ෂුද්‍ර ජීවීන් සංඛ්‍යාවක් ඔවුන්ගේ ශරීරයෙන් පිටත සොයාගත හැකි බව ඔබ දැන සිටියාද? නැන්යැන්ග් තාක්‍ෂණික විශ්ව විද්‍යාලයට අනුව, “මැස්සන් තබන සියගණනක්වූ සෑම පියවරකම ක්ෂුද්‍රජීවී ජනපද ධාවන පථයක්” ඇති කරනවා වශයෙන් ඔවුන් පරීක්ෂණ මගින් තහවුරුකරගන ප්‍රකාශ කර තිබෙනවා.එයින් අදහස් කරන්නේ ඔවුන් ස්පර්ශ කරන ඕනෑම දෙයක් බරපතල ලෙස ආසාදනය විය හැකි බවයි.

ඉතින් මේ විස්තර දැනගත්තට පස්සේ ඔයාලට මොකද හිතෙන්නේ. තාමත් මැස්සෝ වහපු කෑම උන්ව එලවලා දාලා කන්න හිතෙනවාද? ඇත්තටම අපේ නොසැලකිලිමත් භාවය හා ගණන් නොගැනීම නිසා අපි ගොඩක් ලෙඩ රෝග වලට මේ මැස්සන් නිසා ගොදුරු වෙනවා. මොකද මැස්සා කියන්නේ පොෂ් කෑම කන සතෙක් නෙවෙයිනේ. මැස්සා කියන්නේ ඕනම මලජරාවකට වග කියන සතෙක්. අපි දන්නේ නැහැ අපේ කෑම වල වහල ඉන්න මැස්සා කොහෙ ඉදන් ආවාද කියලා. අපි දකින්නේ නැති නිසා අපි ගණන් ගන්නේ නැහැ. හැබැයි දැන් අපි දන්නවා මැස්සා මොකක්ද අපි රස කර කර කන්න හදන කෑම එකට කරන්නේ කියලා. වැදගත්ම දේ අපේ කෑම එක තියන පෙරේත කමට ගිලින එක නෙවෙයි. අපේ සෞඛ්‍ය ගැන හිතලා ආහාර පරිභොජනය කරන්න වගබලාගන්න එක. සමහර වෙලාවට අපිට එක පාරට බඩේ අමාරු හැදෙනවා. අපි දන්නේ නැහැ කොහොම මොනවා වෙලා බඩේ අමාරු හැදෙනවද කියලා. ගොඩක් වෙලාවට මේ මැස්සා අපි දන්නේම නැතිව ඇවිත් අපිව ලෙඩ කරනවා. ඒ නිසා පාරවල් අයිනේ මැස්සො වහ වහ තියන කෑම කන්න හිතෙනවානම් මේ දේවල් ගැනත් හොඳට හිතලා ඉන්න.

සැහැල්ලුවෙන් Friday Night එක ගෙවන්න කැමතිනම් යන්න හොඳම තැන Bro Pub and Restaurant…

By

editor

නුගේගොඩ අළුතින් ආරම්භ කරලා තියෙන රසවත් ආහාර තියෙන තැනක් තමයි Bro Pub and Restaurant කියන්නේ. සිකුරාදා රාත්‍රිය ගොඩක් විශේෂ විදිහට ගෙවන්න කැමති කෙනක් වුණු මට නම් මෙතන view එක වගේම සජීවී සංගීතය නිසා ගියපු ගමන් මෙතැන මගේ හිත ගත්තා.

Drinks

Red Sea (LKR 850)

එක එක beer වර්ග උත්සහ කරන්න කැමති කෙනෙක් විදිහට මේ drink එකත් මට බීලා බලන්නම හිතුණා. ග්‍රෙනඩින් වල මිහිරි බව හා තියුණු දෙහි punch නිසාම මේක අත්හදා බලන්න ඕනේම drink එකක්.අපි මේකේ වැඩියෙන්ම කැමති වුණේ මේකේ අඩංගු වෙලා තිබුණ දේවල් එකිනෙකට ගොඩක් ගැළපුන නිසා කිවුවොත් හරි.

Long Island Iced Tea (LKR 1,450)

මේක විවිධ වර්ගයේ මත්පැන් වර්ග පහක තියුණු රසයන් එකතු කරලා තියෙන සාමාන්‍ය Long Island Iced Tea එකක්.එක පාරක් බිවුවොත් මේකට ඔයා ඇත්තටම කැමති වේවි.

Whiskey Sour (LKR 850)

තියුණු රසයන්ගෙන් පරිපූර්ණ සම්මිශ්‍රණයක් වෙන Whiskey Sour මිලි ලීටර් 50 ක්ම ඔයාට රුපියල් 850 කට ලබාගන්න පුළුවන්.මේකේ තියෙන රතු සහ තැඹිලි මිශ්‍ර පාට නිසාම බීලා බලන්නම හිතෙන ලස්සනක් මේකට එකතුවෙලා තිබුණා.Whiskey Sour කියන්නේ ඇඹුල්, රසවත් වගේම හොඳට පානය කරන්න පුළුවන් cocktail එකක්.

Margarita (LKR 1,100)

ඔයාගේ යාළුවෝ එක්ක එකතු වෙන වෙලාවකට වඩාත්ම ගැළපෙන drink එකක් තමයි මේ. මේ Margarita එකේ පැඟිරි හා පැණිරස එක්ක හොඳ ඇල්කොහොල් මිශ්‍ර රසයක් ගෙන දුන්නා වගේම glass එකේ දාරය වටා ලුණු ආලේපනයක් සමග පිළිගැන්වූවා.

Bullfrog (LKR 1,250)

සාමාන්‍යයෙන් තද නිල් පාටක් තිබුණ drink එකක් වුණත් Long Island Ice Tea එකට සමාන පෙනුමක drink එකක් ලැබුණ නිසා අපි ටිකක් පුදුමයට පත්වුණා.දෙහි හා රෙඩ්බුල් වල රසය අධික වුණු නිසාම පානයෙහි සමස්ත රසය සමනය කළා.අනෙක් බීම ගැන අපේ තෘප්තියෙන් පස්සේ මේ Drink එක පල්ලෙහාට වැටුණා කිවුවොත් නිවැරදි.

Appetizers

Hot Buttered Cuttlefish (LKR 1,200)

කාලෙකට පස්සේ මං කාපු හොඳම දැල්ලන් තමයි මේ. ගොඩක් තැන් වලින් දෙන වියළි,Crispy දැල්ලන් වෙනුවට මේ දැල්ලන් පිගානේ දිව පිනා යන රසයක් තිබුණා ඒ වගේම එකේ රසය හොදටම තිබුණා.

Grilled Meat Platter (LKR 3,500)

මස් වලට කැමති අයගේ සිහිනය තමයි මෙක.විශාල කොටසක් ලැබෙන නිසා දෙදෙනෙකුට පහසුවෙන් බෙදාගන්නත් පුළුවන්.නැත්තම් තිදෙනෙකුට ප්‍රමාණවත් බීම එක්ක ලබාගන්නත් පුළුවන්.American style pork ribs, beef scotch fillet steak, BBQ chicken drumsticks, chicken sausages, grilled vegetables, coleslaw and wedges තියෙන මේ platter එක ඇත්තටම මේ මිළට වටිනවා කියන්න පුළුවන්.pork ribs ඉස්ම සහිත වුණා. හරක් මස් දැල්ලන් වගේම crunchy විදිහට හදලා තිබුණා.සාමාන්‍යයෙන් කෑම එකත් එක්ක එන එළවලු මග හැරියත් මේ එළවලු නම් හොඳින් season වෙලා තිබුණා.drink එකකට යන්න ඕනේනම් සහ ආහාර තෝරාගන්න ලොකු කාලයක් වෙන් කරන්න බැරි අවස්ථාවකට නම් මේ platter එක හොඳ විසදුමක්.

Mains

Darne Seer Fish (LKR 1,300)

රසවත් ලෙමන් බටර් වලින් බදින ලද මෙම ආහාරය මාළු වල රසවත් භාවය මනාව ගෙන එනවා. මේ ආහාරය කෑමට කැමති එත් ටිකක් සෞඛ්‍ය ගැනත් හිතන අයට වඩාත් සුදුසුයි. සාමාන්‍ය ගානට බැදගත් සෑහෙන ප්‍රමාණයේ මාළු කැල්ලක් තම්බාගත් එළවලු සහ fries සමග මේ dish එක ලස්සනට පිළිගැන්නුවා.කොහොමවුණත් වෙළඳසැලෙන් මිලදී ගත් ෆ්‍රයිස් හොඳින් season වෙලා තිබුණේ නැහැ.wedges වගේම එයාලම හදාගත් fries මේ dish එක සමග පිළිගැන්නුවා නම් මේ කෑම එක තවත් රසවත් වෙන්න තිබුණා.

Pulled Pork Sub (LKR 1,000)

Bro Pub and Restaurant එක කැමති එයාලගේ submarines ගොඩක් fillings වලින් පුරවන්න. ඒ නිසාම මේක කොටස් දෙකකට තමයි ලැබුනේ.හොඳින් හැපෙනසුළු Pulled Pork එක්ක රසවත් එළවළු මිශ්‍ර වෙලා මේ ආහාරයට හොඳ රසවත් බවක් ගෙන දුන්නා.filling එකේ juicy ගතියක් තිබුණත් ඒක submarine එකේ හැඩය පවත්වාගන්න බාධාවක් වෙලා නැහැ.wedges පිටතින් crispy,cruncy ගතියක් ගෙන දුන්නා වගේම ඇතුලතින් පිරුණු මෘදු ස්වභාවයක් ගෙන දුන්නා.

Beef Quarter Pounder (LKR 1,000)

මේක කන්න නම් අපි ආයෙත් මෙතනට අනිවාර්යයෙන්ම යනවා.මේක මහත පැටිස් දෙකක්, නැවුම් එළවළු සහ චීස් පුරවපු දැවැන්ත බර්ගර් එකක්.උතුරා යන චීස් නිසා මේක ලස්සනට කන්න අමාරු වෙයි.පැටිස් ගොඩක් රසවත් වූ නිසා එළවළු සහ චීස් මිශ්‍ර වෙලා තිබුන නිසා රසයෙන් පිරිලා ඉතිරිලා තිබුනා.මේක කෑවම ඔයාට පැය ගානක් යනකන් බඩගින්නක් දැනෙන එකක් නම් නැතිවෙයි.

Ambience

Bro Pub and Restaurant එක ජනෙල් වලින් සහ කළුපාට ආලේපිත බිත්ති වලින් වට වෙලා තිබුණා වගේම එතනට හොඳින් ආලෝකය සහ වාතාශ්‍රය ලැබෙන විදිහට හදලා තිබුණා.වැවත් එක්කම හිරු බැස යන සුන්දර දසුනත් බලාගන්න එතැනට වේලාසනින් යන එක තමයි හොඳ.මෙතැන ඉතා ඉක්මනින් කාර්යබහුල වෙන තැනක් නිසාම බාර් එක පිටුපස සිටි කාර්ය මණ්ඩලයට අපේ බීම serve කරන්න ටික කාලයක් ගතවුණා.live bands කිහිපයක් වාදනය වෙන නිසා මෙතැනට එකතු වුනේ හොඳ සජීවී බවක්. කාර්ය මණ්ඩලය ප්‍රසන්නයි වගේම අවධානයෙන් සිටියා.හොඳ කාලයක් අරගෙන මෙනුව පැහැදිලි කරන්නත් එයාලගේ නිර්දේශ අපට ලබා දෙන්නත් එයාලා අමතක කළේ නැහැ.

සමස්තයක් විදිහට Bro Pub and Restaurant එකේ අපේ අත්දැකීම් ඉතාමත් සතුටුදායකයි කියන්න පුළුවන්.හොඳ කෑම සහ cocktail ගන්න ආපහු මෙතැනට යන්න අපිට නම් ඉවසිල්ලක් නැහැ.