Fashion වලට කැමති ඔයා, ගොඩක් ආසාවෙන් මිලදී ගන්න පාවහන් ගැන හරියට care කරනවද..?

“ඔබ කාන්තා සපත්තු යුගලයක් සඳහා ආයෝජනය කළ පසු ඔබ එය නිසි ලෙස රැකබලා ගැනීම වැදගත් වෙනවා, මෙය ඔබේ සපත්තු වල ආයු කාලය දීර්ඝකර අවසානයේදී ඔබේ මුදල් ද ඉතිරි කරයි “

gasma.lk එක්ක හැමදාම ආදරෙන් එකතු වෙලා ඉන්න අපේ ලිපි කියවන, අපේ වීඩියෝ නරඹන කාන්තා ඔබ වෙනුවෙන්ම එදිනෙදා ජීවිතයට අවශ්‍ය දැනුම ලබාදෙන වැදගත් ලිපි සහ වීඩියෝ ගෙන එන්න අපි අමතක කරන්නේ නැහැ. විශේෂයෙන්ම ඔබේ රූපය එහෙම නැත්තම් ශරීරය නිවැරදිව නඩත්තු කරන්‍නෙ කොහොමද වැනි බොහොමයක් දේවල් සම්බන්ධයෙන් අපි ඔබව දැනුවත් කරනවා. රූපය ගැන දැනුවත් කෙරෙන බොහොමයක් තොරතුරු ඉලක්ක කරගෙන නිර්මාණය වුනත් gasma.lk අපි, කාන්තා ඔබේ එදිනදා ජීවතයට අවශ්‍ය ‍බොහෝ දේ නිසි පරිදි පවත්වාගෙන යන්නෙ කොහොමද කියන කාරණය ගැන ඔබව දැනුවත් කරන්න අවශ්‍ය තොරතුරු ගෙන එනවා.

ඉතින් අද අපි හිතුව කාන්තාවන් විශේෂයෙන් සැලකිල්ලක් දක්වන පාවහන් සම්බන්ධයෙන් කතා කරන්න. කාන්තා ඔබගේ භාහිර රූපය තවත් ඔප්නම්වන්න පාවහන් ලොකු කාර්යභාර්යක් ඉෂ්ඨ කරනවා කිව්වොත් නිවැරදී. අපි කොච්චර ලස්සන ඇදුමක් ඇන්දත් වැඩක් නැහැ ඒකට ගැළපෙන ඒ වගේම තමන්ගේ personality එකට ගැළපෙන පාවහන් යුඟලක් පැළදුවෙ නැතිනම්. මේ නිසා සෑම කාන්තාවක්ම හොඳ පාවහන් මිළදී ගන්න පෙළබෙන එක මේ වෙනකොට ඉහල ගිහින් තියනවා. හැබැයි ගොඩක් දෙනෙක්ට ඇතිවෙන ප්‍රශ්ණයක් තමයි කොච්චර හොඳ පාවහන් යුගලක් මිලදී ගත්තත් ඒක ඇයි වැඩි දවසක් පාවිච්චි කරන්න බැරි කියන එක. පොඩ්ඩක් හිතලා බලන්න ඔයා පාවහන් මිළදී ගත්තට පාවහන් නඩත්තු කරනවද එහෙම නැත්තම් අද ඔෆිස් දාගන ගියපු පාවහන් , party එකකට, wedding එකකට, date night එකකට වගේ ඕනම දිහාකට තමන් පැළදගන ගිය පාවහන් ගෙදර ඇවිත් පිරිසිදු කරනවද කියලා. නැහැ නේද? මෙන්න මේක තමයි පාවහන් වැඩි කාලයක් භාවිතා කරන්න බැරිවෙන්න ප්‍රධාන හේතුව. අපි එලියට ගිහින් එන හැම වාරයක් ගානේ ඇඳගන යන ඇඳුම සෝදලා වේලලා iron කරලා පිළිවෙලට නමලා අල්මාරියේ ලස්සනට අහුරලා තියනවා. හැබැයි අපි මේ වගේ care එකක් පාවහන් වලට දෙනවද නැහැනේ. ඉතින් මෙන්න මේ නිසා අපි හිතුවා පාවහන් නඩත්තු කරන්නේ කොහොමද කියලා ආදරණිය ගැස්ම පාඨකයින්ට කියලා දෙන්න.

ඔබේ පාවහන් රැකබලා ගැනීමේ පළමු හා වැදගත්ම පියවර තමයි ඒවා පිරිසිදුව තබා ගැනීම. අපිරිසිදුවීම හා දූවිලි වැදීම වළක්වා ගැනීමෙන් ඔබේ සපත්තු වැඩි කාලයක් හොඳ තත්ත්වයේ පවත්වාගන යන්න හැකියාව තිබෙනවා. කාන්තා පාවහන් පිරිසිදු කිරීමේදී එය නිශ්පාදනය කර තිබෙන අමුද්‍රව්‍ය මත, පිරිසිදු කරන්නේ කොහොමද යන්න තීරණය වෙනවා.

Leather ලෙදර්

කාන්තාවන්ගේ Leather පාවහන් පිරිසිදු කිරීම එහි ආයු කාලය වැඩි කිරීමේ තීරණාත්මක කොටසක් ලෙස සදහන් කරන්න පුළුවන්. ප්‍රතිකාර හා ප්‍රතිකාර නොකළ සම් පිරිසිදු කිරීමේදී එයට අදාල විවිධ නිෂ්පාදන පිරිසිදු කිරීම සදහා යොදාගත යුතුයි. බොහෝ Leather පාවහන් පිරිසිදු කරන්නේ කොහොමද කියලා ඔබගේ පාවහන් වල ඇති ලේබලය පරික්ෂා කිරීමෙන් ඔබට එය දැනගන්න හැකියාව තිබෙනවා. මේ විදිහට පිරිසිදු කරන්න අවශ්‍ය නැති පාවහන් හොයාගන්න ලැබෙන්නේ ඉතාමත් කලාතුරකින්. කොහොම වුණත් ඔබ පාවහන් යුගලක් මිලදී ගත්තට පස්සේ එය කොහොමද පිරිසිදු කරන්නේ කියන එක පරීක්ෂ කරලා බලන එක වැදගත්.

සාමාන්‍යයෙන් Leather පාවහන් හොඳින් නඩත්තු කිරීම මගින් ඒවා දිගකාලයක් පැවතෙන්න තිබෙන ඉඩකඩ වැඩීයි. Leather පාවහන් නිසිලෙස පිරිසිදු කිරීම සඳහා ඔබට මෘදු, පිරිසිදු දත් බුරුසුවක්, මෘදු ,පිරිසිදු රෙදි කබැල්ලක් සහ සපත්තු පොලිෂ් කිහිපයක් අවශ්‍ය වෙනවා. ඔයාට කරන්න තියෙන්නේ මාස කිහිපයකට වරක් Leather පාවහන් පිරිසිදු කිරීම. එමගින් Leather කොටස මෘදුව හා අලුත් පෙනුමින් තබාගන්න හැකියාව ලැබෙනවා.

පාවහන් වල මඩ ගෑවුණ වෙලාවක පිරිසිදු වියළි දත් බුරුසුවකින් මඩ හා අපිරිසිදු විශාල ලප ඉවත් කරන්න හැකියාව තිබෙනවා. ඊට පස්සේ තරමක් තෙත් රෙදි කැබැල්ලක් අරගෙන ඉතිරි ඕනෑම අපිරිසිදුකමක් රෙදි කැබැල්ල ආධාරයෙන් ඉවත් කරන්න. අන්තිමට කරන්න තියෙන්න පාවහන් ඔපදාන එක විතරයි.

ඔබේ පාවහන් වල පොලිෂ් වගේ දෙයක් ගෑවුණොත් මෘදු රෙදි කැබැල්ලක් ආධාරයෙන් රවුම් චලිතයකින් පාවාහන් පිරිසිදු කරන්න. ඊට පස්සේ පාවහන් වේලෙන්න තියලා පිරිසිදු බුරුසුවකින් අතුල්ලන්න.

Patent Leather පේටෙන්ට් ලෙදර්

Patent Leather පාවහන් Leather පාවහන් වලට වඩා පිරිසිදු කිරීමට හරිම පහසුයි. ඔයාට පුළුවන් Patent Leather ක්ලීනර් එකක් මිලදී අරගෙන පාවහන් පිරිසිදු කරන්න. ඒ වගේම අතින් සල්ලි වියදම් කරගන්නේ නැතුවම ගෙදර තියන සබන් වතුර ටිකකිනුයි සිනිදු රෙදි කැබැල්ලකුයි අරගෙන Patent Leather පාවහන් ලේසියෙන්ම පිරිසිදු කරගන්න පුළුවන්.

ඒ වගේම මේ Patent Leather පාවහන් ඔපදමන්නත් හරිම ලේසීයි. petroleum jelly ටිකක් සිනිදු රෙදි කැබැල්ලට අරගෙන පාවහන් හොඳින් ඔපදමාගන්න හැකියාව ඔබට තිබෙනවා.

Suede ස්වෙයිඩ්

ගොඩක් දෙනෙක්ට තියෙන ප්‍රශ්ණයක් තමයි මේ Suede පාවහන් පිරිසිදු කරන්න පුළුවන්ද කියන එක. පිළිතුර තමයි “ඔව්”. ඉතින් අපි බලමු කොහොමද මේ suede පාවහන් පිරිසිදු කරන්නේ කියලා. මේ පාවහන් පැළදීමට කලින් ප්‍රධානම දේ තමයි Suede protector එකක් apply කරන එක අනිවාර්යයි. මෙමගින් පාවහන් වලට ඇතිවෙන හානිය අවම වෙනවා.

Suede පාවහන් වලින් මඩ පිරිසිදු කරන්නේ කොහොමද? මෘදු පිරිසිදු බුරුසුවක් මේ සදහා භාවිතා කරන්න හැකියාව තිබෙනවා. එහිදී එකම පැත්තට පිරිසිදු කරන්න මතක තියාගන්න නැත්තම් පාවහන් වලට හානී වෙන්න ඉඩ තිබෙනවා.

Suede පාවහන් වල සිරීම් ඇති වුණොත් ඒවා ඉවත් කරගන්න බුරුසුව භාවිතා කරන්න එපා. ඒ සදහා මකනයක් ( ereser) එකක් භාවිතා කරන්න.

Trainers ට්‍රේනර්ස්

ගොඩක් වෙලාවට කාන්තා Trainers පාවහන් washing machine එකක් ආධරයෙන් පිරිසිදු කරගන්න හැකියාව තිබෙනවා. නමුත් අනිවාර්යයෙන් පාවහන් වල ඇති ලේබල් එක check කරන්න අමතක කරන්න එපා.

මේ පාවහන් washing machine එක පිරිසිදු කරන්න හැකියාව නැත්තම් washing powder හෝ washing up liquid භාවිතා කරලා පාවහන් පිරිසිදු කරගන්න හැකියාව තිබෙනවා.

Canvas කැන්වස්

Canvas කියන්නෙ රෙදි වර්ගයක්. හැබැයි මේ කැන්වස් පාවහන් ලෙදර් සහ ස්වෙයිඩ් පාවහන් පිරිසිදු කරනවාට වඩා ලේසියෙන් Canvas පාවහන් පිරිසිදු කරගන්න හැකියාව තිබෙනවා.

කැන්වස් පාවහන් පිරිසිදු කරන්නේ කොහොමද කියලා ඔයා කල්පානා කරනවනම් බය වෙන්න දෙයක් නැහැ. මොකද විවිධ ක්‍රම ගණනාවක් තිබෙනවා කැන්වස් පාවහන් පිරිසිදු කරන්න.

කැන්වස් පාවහන් වල මඩ පිරිසිදු කිරීමේ දී දත් බුරුසුවක් හෝ ස්පොන්ජ් එකක් වතුර ටිකක් යොදාගන භාවිතා කරන්න හැකියාව තිබෙනවා.

මඩ ටික පිරිසිදු කරගත්තට පස්සේ මුළු පාවහන් දෙකම පිරිසිදු කරගන්න washing machine එක යොදාගන්න පුළුවන්. හැබැයි මුලින්ම පාවහන් වල ඇති ලේබල් එක කියවන්න අමතක කරන්න එපා. washing machine එකේ පාවහන් පිරිසිදු කරගත්දි ඒකට තුවා කිහිපයක් එකතු කරන්න අමතක කරන්න එපා. මොකද එහිදී ඇතිවෙන සද්දය අවම කරන්න තුවා උපකාරී වෙනවා.

washing machine එකේ සෝදාගන්න බැරි පාවහන් පිරිසිදු කිරීමට බේකිං සෝඩා හො රෙදි සෝදන කුඩු භාවිතා කරන්න හැකියාව තිබෙනවා.

Baking soda බේකින් සෝඩා

බේකිං සෝඩා මේස හැඳි 1ක්, පිරිසිදු විනාකිරිමේස හැඳි 1ක් උණු වතුර මේස හැඳි 1ක් සමග මිශ්‍රකර භාවිතා කරන්න පුළුවන්. මෙය පේස්ට් එකක් ආකාරයට මිශ්‍ර කරගෙන දත් බුරුසුව යොදාගන රවුම් චලිතයෙන් පැල්ලම් ඉවත් කරන්න. ඊට පස්සේ පිරිසිදු වතුර ටිකකින් ඒ ස්ථාන සොදාගන ස්වාභාවිකව වේලෙන්න හරින්න.

Washing Up Liquid

රෙදි සෝදන දියර කුඩා ප්‍රමාණයක් අරගන උණුසුම් ජලය ටිකක් සමග පෙණ එනකන් හොඳින් මිශ්‍ර කරගන්න. මෙයින් කැන්වස් පාවහන් වල ඕනෑම පැල්ලමක් ඉවත් කරගන්න හැකියාව තිබෙනවා. පිරිසිදු කරගත්ත ස්ථානය ස්වාභාවිකව වේලෙන්න හරින්න.

මේ වගේ කුඩා උපක්‍රම භාවිතා කරලා ඔයා ආසම කරන පාවහන් දිගු කාලයක් අලුත් වගේ භාවිතා කරන්න හැකියාව ලැබෙනවා. ඔයා පාවහන් මිලදී ගත්ත තැන ඉදන් ඒවා කොහොමද රැකබලා ගන්නේ කොහොමද ගබඩා කරන්නේ කියන හේතු මත පාවහන් වල පැවැත්ම තීරණය වෙනවා. ඉතින් පාවහන්වලටත් අනිත් දේවල් වලට ඔයා ලබා දෙන සැලකිල්ල ලබා දෙන්න අමතක කරන්න එපා.

කවුරුත් කන්න අකමැති කරවිල රසට උයාගමු….

editor

ගොඩක් දෙනෙක් කන්න අකමැතිම කෑමක් තමයි කරවිල. හැබැයි අද අපි කියලා දෙනවා තිත්ත නැතුව රසට කරවිල කරියක් හදාගන්නේ කොහොමද කියලා.

අවශ්‍ය ද්‍රව්‍ය

කරවිල ග්‍රෑම් 250

උළුහාල් මේස හැඳි 1/2

මාළු මිරිස් 1

කොළ සහ රතු මිරිස් කරල් 3

බොම්බයි ලූනු 1

තක්කාලි ගෙඩි 2

සුදුළූණු බික් 10

කරපිංචා + රම්පේ

කහ මේසහැඳි 1/2

තුනපහ කුඩු මේසහැඳි 1

මිරිස් කුඩු මේසහැඳි 1

ලුණු මේසහැඳි 1 1/2

උකු පොල් කිරි කෝප්ප 1 1/2

පොල් කිරි කෝප්ප 1

සාදාගන්නා ආකාරය

මුලින්ම කරවිලවල ඇට ටික ඉවත් කරලා කෑලි වලට කපා ගන්න

පෑන් එකකට කපාගත් කරවිල ටිකයි, උළුහාල්, මාළු මිරිස්, අමු මිරිස්, සහ රතු මිරිස්, බොම්බයි ලූණු, තක්කාලි, සුදුළුණු, රම්පෙ කරපිංචා, කහ, තුනපහ, මිරිස් කුඩු, ලුණු සහ උකු පොල්කිරි ටික එකතු කරගන්න. ඊට පස්සේ සියල්ල හොඳින් මිශ්‍ර කරගෙන පියනෙන් වසා තැම්බෙන්න හරින්න.

හිසකෙස් ගැන සැලකිලිමත් වන පිරිමි ඔබ මේ උපදෙස් පිළිපදින්න…

editor

gasma.lk එක්ක එකතු වෙලා ඉන්න අපිව කියවන, අපේ වීඩියෝ නරඹන ඔබ වෙනුවෙන් එදිනෙදා ජීවිතයට අවශ්‍ය දැනුම ලබාදෙන වීඩියෝ වගේම ලිපි අපි ඔබවෙත ගෙන එනවා. විශේෂයෙන් ඔබේ ශරීරය සහ රූපය නිවැරදිව නඩත්තු කරමින් පවත්වාගෙන යාම පිළිබඳව අපි ඔබව දැනුවත් කරනවා. රූපය ගැන, ශරීරය ගැන දැනුවත් කෙරෙන බොහොමයක් තොරතුරු ඉලක්ක කරගෙන නිර්මාණය වුනා වුනත් gasma.lk අපි, පිරිමි ඔබේ ශරීරය සහ රූපය නිසි පරිදි පවත්වාගෙන යන්නෙ කොහොමද කියන කාරණය ගැන ඔබව දැනුවත් කරන්න අවශ්‍ය තොරතුරු ගෙන එනවා. මේ එහිම තවත් එක් පියවරක්.

සාමාන්‍යෙන් පිරිමි පාර්ශවයට තිබෙන රූපය සම්බන්ධ වන ගැටළු සළකා බැලුවොත් එතැනින් ප්‍රධාන වන්නේ හිසකෙස් සම්බන්ධ ගැටළු. හිසකෙස් ගැලවී යෑම, තට්ටය මතුවීම, හිසකෙස් අවර්ණ වීම වගේ ගැටළු රැසක් බොහෝ තරුණ වයසේ පිරිමින්ට තිබෙන බව හඳුනා ගන්න පුළුවන්. මෙවැනි ගැටළු ඇතිවන්නේ ඇයි..? ඔබ මේ ගැන සිතා බැලුවද..? මේකට විවිධ කාරණා බලපාන්න පුළුවන්. සමහර විට ප්‍රවේණිමය කරුණු විය හැකියි. එහෙමත් නැතිනම් වෙනත් කිසියම් හේතුවක් වන්නටත් පුළුවන්. ඒ කුමක් වුවත් ඔබේ සමහර පුරුදු, ආහාර රටාවන් වගේ කාරණා නිසා ඔබේ හිසකෙස් වලට හානිවිය හැකි බව ඔබ මීට පෙර සිතා තිබුණද..? කෙසේ වෙතත් අපි අද ඔබට කියන්න යන කාරණා කිහිපය ගැන නිරන්තරයෙන් සැළකිලිමත් වන්නට වගබලා ගත්තොත්, හිසකෙස් ගැන ඔබට තියෙන කණස්සල්ල නැතිකර ගැනීමට හැකිවේවි.

පෝෂ්‍යදායි ආහාර වේලක් ගන්නවද..?

ඔබේ ආහාර රටාව සහ විවිධ ආහාර පුරුදු ඔබේ හිසකෙස් වල තත්වයට සෘජුවම බලපානවා. ශරීරයේ අනික් කොටස් වලට වගේම හිසකෙස් වලටත් පෝෂණය අත්‍යවශ්‍යයි. ඒ නිසා ඔබ ගන්නා ආහාර වේල හිසකෙස් වලට අත්‍යවශ්‍ය වන පෝෂණ සංඝටක අඩංගු ආහාර වේලක් විය යුතුමයි. යකඩ, ප්‍රෝටීන සහ විටමින හිසකෙස් වර්ධනයට වගේම හිසකෙස් වල ශක්තිමත් භාවය රැකගැනීමටත් අත්‍යවශ්‍ය වනවා. ඔබ ගන්නා ආහාර වේලට මේ පෝෂණ ද්‍රව්‍ය අන්තර්ගත වනවාද කියන කාරණය ගැන නිතර විමසිළිමත් වන්න. කිරි, peas, lentils, සහ ඒවා අඩංගු නිෂ්පාදන කෑම වේලට එකතු කරගන්න අමතක කරන්න එපා. ඒ වගේම එළවලු, පළතුරු, සහ අලුත් මාළු ඔබේ කෑම වේලට එකතු විය යුතුයි. අනික් වැදගත්ම කාරණය දිනකට අවශ්‍ය ප්‍රමාණයට වතුර බීම. අනිකුත් සෑම ශරීර කොටසකට වගේම ප්‍රමාණවත් තරම් වතුර පානය කිරීම හිසකෙස් වලටත් වැදගත් වනවා. ඒ නිසා මේ පෝෂණ කොටස් සියල්ලම ඔබේ ආහාර වේලට එකතු වනවාද කියල හොඳින් සොයා බලන්න.

කොණ්ඩය වේලන්නේ කොහොමද..?

නෑමෙන් පස්සේ කොණ්ඩය වෙලාගැනීම කරන්න ඔබ භාවිත කරන්නේ මොකක්ද..? මේකත් ඉතාමත් වැදගත් දෙයක්. ඔබ තුවායක් ආධාරයෙන් කොණ්ඩය වියළා ගන්නවා නම්, ඒක කරන්නේ කොහොමද..? තදින් අතුල්ලමින් කොණ්ඩය පිසදැමීම තමයි බොහෝ දෙනෙකුට පුරුදු. නමුත් ඔබට තියෙන්නේ ඝනකමින් අඩු හිසකෙස් නම් ඔබ වහාම මේ ක්‍රමය වෙනස් කළ යුතුයි. කවර වර්ගයක හිසකෙස් උනත් මේ විදිහට තදින් අතුල්ලා පිසදැමීමෙන් හානි වෙන්න පුළුවන්. දිගින් දිගටම එලෙස කිරීමෙන් හිසකෙස් විශාල ප්‍රමාණයක් ඔබටත් නොදනිම ගැලවී යාමට හැකියි. ඒ නිසා වඩා කල්පනාකාරී වන්න.

ෂැම්පු පාවිච්චි කරන්නේ කොහොමද..?

කාලය වෙනස් වෙලා. අපි හැමෝම අලුත්වෙන ලෝකෙත් එක්ක ඉස්සරහට යමින් ඉන්න පිරිසක්. අලුත් අලුත් නිෂ්පාදන වෙළඳපොළට හඳුන්වා දීමත් එක්ක අපිත් ඒ දේවල් භාවිතයට හුරු වනවා. ෂැම්පු කියන්නෙත් එවැන්නක්. මේ වෙද්දී බොහෝ තරුණයන්, තරුණයන් වෙනුවෙන්ම විශේෂයෙන් නිර්මාණය වුනු ෂැම්පු වර්ගයක් පාවිච්චි කරලා හිසකෙස් සෝදන්න පුරුදු වෙලා ඉන්නවා. නමුත් ඔබ හොඳින් මතක තබාගත යුතු දෙයක් තමයි අනවශ්‍ය පරිදි ෂැම්පු භාවිත කිරීමත් ඔබේ හිසකෙස් වලට හානි පමුණුවන බව. සාමාන්‍යෙන් සතියකට තුන් වරක් නැතිනම් හතර වරක් උපරිම ෂැම්පු භාවිත කරන්න ඔබට පුළුවන්. ඉන් එහාට දිනපතාම ෂැම්පු භාවිත කිරීමෙන් ඔබේ හිසකෙස් ගැලවී යන්න හැකියාව තියෙනවා වගේම හිස් කබලේ තිබෙන excess oil නැතිවී යන්න පුළුවන්. ඒක ඔබේ හිසකෙස් වලට අහිතකර තත්වයක්.

විවිධ ආලේපන පාවිච්චි කරනවද..?

තරුණයින් බොහෝ දෙනෙක් පුරුදු වෙලා ඉන්නවා වෙනස් හැඩයකට කොණ්ඩය සකස් කරගන්න. ඒක ඉතාම හොඳ දෙයක්. නමුත් ගැටළුව, ඔබ ඒ වෙනුවෙන් පාවිච්චි කරන නිෂ්පාදන මොනවාද, කොයි තරම් පාවිච්චි කරනවාද කියන එක. hair gel, hair cream, hair mouse, hair spray වගේ විවිධ වර්ග වලින් තියන මේ නිෂ්පාදන පාවිච්චි කරද්දීත් ඔබට වඩාත් සැලකිලිමත් වන්න සිදුවනවා. ෂැම්පු වලින් වගේම ඒවායිනුත් ඔබට සීමාවන් තබාගැනීමට සිදු වනවා. එහෙම නොවුනොත් ඔබේ හිසකෙස් වලට හානි වන්න පුළුවන්. විශේෂයෙන් හිස් කබලට හානි විය හැකියි. ඔබ පාවිච්චි කරන නිෂ්පාදන ගැන වඩ වඩාත් විමසිළිමත් වන්න අත්‍යවශ්‍යයි වගේම කොයි තරම් වාර ගණනක් පාවිච්චි කරනවද කියන කාරණයත් අතිශය වැදගත් වනවා.

නෑමට පාවිච්චි කරන ජලයේ උණුසුම

ඔබ සාමාන්‍යෙන් නෑමට පාවිච්චි කරන වතුර මොනවද..? වඩා හොඳයි කියල විශ්වාස කරල සමහරු උණු වතුර නෑම දිනපතාම කරනවා. මතක තබාගන්න ඔබේ හිසකෙස් වලට නම් ඒ තත්වය එතරම් හොඳ නැහැ. අත්‍යවශ්‍ය තෙල් වර්ග ඔබේ හිස්කබලේ සමෙන් ඉවත් වෙලා හිසකෙස් සහ හිස් කබලත් වියළි යන්න පුළුවන්. ඒ නිසා ඒ ගැන සිතා බලන්න. නමුත් සීතල වැඩි වතුර ඒකට විසඳුමත් නොවෙයි. ඒ නිසා වැඩි උණුසුමක් සහිත වගේම වැඩි සීතලක් සහිත වතුර කියන දෙකම මගහරින්න උත්සාහ කරන්න. ඒ දෙකම නෑමේදී පාවිච්චි කරන්න සුදුසු නැහැ. ඔබේ හිසකෙස් වලට ඒ දෙකම කරන්නේ හානියක්.

නිතර පිළිවෙලට තබාගැනීම වැදගත්.

ඔබේ හිසකෙස් නිසි පරිදි නඩත්තු කරන්න වගබලා ගන්න. නිසි වෙලාවට ඔබේ සැලුන් එකට යන්න මතක තබාගන්න. කොණ්ඩය ක්‍රමවත්ව පිළිවෙලකට සකස් කරගන්න. ඔබ කැමති විලාසිතාව මොකක් වුනත් ඒ විලාසිතාව නිසි පිළිවෙලට නඩත්තු කරන්න. කෙටි කොණ්ඩය හෝ දිගු කොණ්ඩයක් හෝ ඕනෑම එකක් ක්‍රමවත්ව සහ පිළිවෙලට බැලු බැල්මට පෙනීම තමා වැදගත්. ඒ නිසා මේ නිසි නඩත්තුව නොවැරදීම සිදුකරන්න.

මුහුණේ හැඩයට හොඳින් ගැලපෙන කොණ්ඩා විලාසිතාවක් තෝරාගෙන එය හොඳින් නඩත්තු කරගෙන පවත්වාගෙන යාමෙන් ඔබේ රූපයට අමතර හැඩයක් එකතු වනවා. හිසකෙස් කියන්නේ ඔබේ සිරුරේ පිටතට නිරාවරණය වන වැදගත්ම කොටසක්. ඒ නිසා ඒ කොටස නිසි පරිදි පවත්වාගෙන යාමට කටයුතු කරන්න. ඔබේ පෙනුම තව තවත් කඩවසම් ලෙසින් පෙන්වන්නටත් ඒක වැදගත් වේවි.

-එන්. වෙහෙරදූව-

මොළයට හානි කරන මේ පුරුදු වලට ඔයත් ඇබ්බැහි වෙලාද..?

editor

පුරුද්දක් කියන්නේ අපි හැමදාම කරන ක්‍රියාවකට, පුරුදු කියනදේ හොඳ හෝ නරක වගේම දැනුවත්ව හෝ නොදැනුවත්ව වෙන්න පුළුවන් දෙයක්. කොහොම වුණත් අපි නොහිතා ඉබේටම වගේ කරගෙන යන සමහර පුරුදු නිසා අපිට ඇතිවෙන බලපෑම සුළුපටු නැහැ. මේ කියන්න යන්නේ ඒ වගේ නොසිතා සිද්ධ කරන පුරුදු නිසා අපි නොදැනුවත්වම අපේ මොළයට වෙන හානි කිහිපයක් ගැන.

අපි මොළය ගැන සැලකිලිමත් විය යුත්තේ ඇයි ?

මොළය කියන්නේ මිනිස් ශරීරයේ තියෙන ඉන්ද්‍රිය පද්ධතියේ ඉන්ද්‍රියයන් අතරින් වැදගත්ම ඉන්ද්‍රියය කිවුවොත් හරි. නමුත් අනෙකුත් ඉන්ද්‍රියයන් වලට වගේම මේ මොළයත් හොඳින් ක්‍රියාත්මක වෙන්න නම් ව්‍යායාම,පුහුණුව සහ පෝෂණය අවශ්‍ය වෙන බව අවාසනාවකට වගේ අපි කවුරු කවුරුත් වැඩිය අවධානය යොමු නොකරන කාරණාවක්. ඉතින් හොඳ පුරුදු ඇති කරගෙන අපි මේ කියන්න යන නරක පුරුදු වලින් වැළකිලා හිටියොත් මොළයට සිද්ධ වෙන හානිය වළක්වාගෙන සෞඛ්‍ය සම්පන්න ජීවිතයක් ගත කරන්න අපි කාටත් පුළුවන්.

මොනවද මේ මොළයට හානි වෙන හේතු.

1 ) උදේ ආහාරය මග හැරීම.

අපේ මොළයට උපරිම ලෙස ක්‍රියා කරන්න සුදුසු වේලාවට සුදුසු පෝෂ්‍ය පදාර්ථ අවශ්‍ය වෙනවා. අද අපි ගෙවන කාර්යබහුල ජීවන රටාව නිසා අපි බොහෝ දෙනෙක් දවසේ උදේ පාන්දරින්ම යම් කාලයක් ඉතුරු කරගන්න අපේ උදැසන ආහාරය මඟ හරින්න පුරුදු වෙලා ඉන්නවා. මේක මොළයට අඩු සීනි වගේම දුර්වල පෝෂක සැපයුමකට හේතු වෙනවා. මොළයේ ක්‍රියාකාරිත්වයට පිරිසිඳු ග්ලුකෝස් අවශ්‍ය වෙනවා. දුර්වල පෝෂණය, මොළයේ සෛල පිරිහීම වගේ දිගු කාළීන හානිකර බලපෑම ඇති කරන්න හේතුවක් වෙනවා.

2) ඕනෑවට වඩා ආහාර ගැනීම.

” ඕනෑම දෙයක් ඕනෑවට වඩා ඕනෑම නැහැ” කියන්නේ ප්‍රසිද්ධ කියමනක් නේ. ඉතින් අපේ මොළයටත් ඒක එහෙම්මම තමයි. මොළය සාමාන්‍ය විදිහට ක්‍රියාත්මක නොවෙනවා නම් අපි ගොඩක් කෑම කන්න යොමුවෙනවා. ඉතින් මේ පමණට වඩා කෑම ගන්න එක මොළයට හානි කරනවා. මෙහෙම ඕනෑවට වඩා ආහාර ගැනීම මොළයට හානි කරන්නේ කොහොමද ? කොලස්ටරෝල් තැන්පත් වීම හා මොළයේ රුධිර නාල ඝන වීම මොළයේ සෛල වලට රුධිර සැපයුම අඩු කරනවා. මේක මොළයේ සාමාන්‍ය ක්‍රියාකාරිත්වයට බරපතල හානියක් සිද්ධ කරනවා.ප්‍රමාණයට වඩා කෑම ගැනීම ඇල්සයිමර් රෝගයට හේතු වෙන බව පරීක්ෂණ වලින් හොයාගෙන තියෙනවා. ඒ වගේම ඒක තරබාරු කමට හේතුවෙන නිසාම සමහරුන්ට මේ නිසා ආත්ම ප්‍රතිරූපයට හා අතම විශ්වාසයට හානි වෙලා මානසික අවපීඩනය හා වෙනත් මානසික ගැටළු ඇතිවෙන්න ඉඩක් තියෙනවා.

3) ප්‍රමාණවත් නින්දක් නොලැබීම

ප්‍රමාණවත් නින්දක් නොලැබීම අපේ මොළයේ සාමාන්‍ය ක්‍රියාකාරිත්වයට බාධා කරනවා. ඔයාට කවදාකහරි වාහනේ යතුර කොහෙද තිබ්බේ කියලා අමතක වෙලා තියෙනවනම් , එහෙමත් නැතිනම් නිතරම යන එන පුරුදු පාරක් අමතක වෙලා තියෙනවා නම් කලින් දවසේ ප්‍රමාණවත් නින්දක් ලැබිලා නැතිකම මේ තාවකාලික මතක නැතිවීම පිටිපස්සේ ඉන්න වැරදිකාරයා වෙන්න පුළුවන්. නින්ද නොමැතිකම සංජානන ගැටළු වලට හේතු වෙනවා. නිසි නින්දක් නොලැබී තිබීම නිසා සමහර මොළයේ සෛල මිය යනවා ඒ නිසාම ඔයාට දේවල් මතක තියාගන්න දුෂ්කර වෙනවා. අඩු නින්ද හෝ නින්දට බාධාවක් ඇතිවීම මානසික ගැටළු වර්ධනය වෙන්නත් හේතුවක් වෙනවා. ඉතින් මේ හැම ගැටලුවකින්ම බේරිලා ඉන්න ඕනේ නම් දවසට පැය 7 ක පමණ හොඳ නින්දක් ලබා ගන්න වගබලා ගන්න.

4) සීනි සහිත අහාර ගැනීම

දැනුවත්ව හෝ නොදැනුවත්ව අපි බොහෝ දෙනෙක් අපේ ආහාර පාන වලින් ශරීරයට සීනි එකතු කරගන්නවා. මේ සීනි නිසා ඇතිවෙන දියවැඩියාව වගේ රෝග නම් දැන් ලංකාවේ ගොඩක් දෙනෙක්ට තියෙන සාමාන්‍ය රෝගයක් වෙලානේ. හැබැයි කවදාවත් හිතුවද පිරිපහදු කළ සීනි විශාල ප්‍රමාණයක් පරිභෝජනයෙන් ප්‍රෝටීන හා පෝෂ්‍ය පදාර්ථ උරා ගන්න මොළයට හා ශරීරයට ඇති හැකියාව විනාශ වෙනවා කියලා. ඉතින් මේ දුර්වල පෝෂණය, මන්ද පෝෂණයට වගේම මතක තබාගැනීමේ ශක්තිය හීන වීම, ඉගෙනීමේ ආබාධ, අධි ක්‍රියාකාරිත්වය හා මානසික අවපීඩනය වගේ මොළයේ අබාධ ගොඩකට හේතු වෙනවා. ඉතින් මීට පස්සේ ඔයාගේ කෑම වේලට සීනි හැඳි 20ක් විතර දාලා තියෙන කෝක් වගේ පැණි බිම එකක් එකතු කරගන්න කලින් දෙපාරක් හිතන්න අමතක කරන්න එපා.

5) දුම්පානය

“දුම්පානය කරන්නේ මෝඩයන්” කියලා දුම්බිමට විරුද්ධ අය කොච්චර කිවුවත් කවුද හිතුවේ ඒ කතාව ඇත්ත වෙයි කියලා. දුම්පානය පෙනහළු රෝග හා හෘද රෝග ඇති කරන බව අපි කවුරුත් දන්නා කරුණක්. හැබැයි මේ දුම්පානය මොළයේ සෛල කිහිපයක් හැකිලෙන්න හේතුවක් වෙනවා වගේම ඩිමෙන්ශියාව, ඇල්සයිමර් වගේ රෝග රැසකට හේතුවක් වෙන අතරම මරණයට පවා හේතුවක් වෙන්න ඉඩ තියෙනවා. අධික ලෙස දුම්පානය කිරීම වක්‍රාකාරයෙන් ස්නායු දැවිල්ල ඇති කරනවා. ස්වයං ප්‍රතිශක්තිකරණ අබාධයක් වෙන multiple sclerosis (MS) මේ අධික දුම්පානය නිසා සිද්ධ වෙන්න පුළුවන්.

6 ) හිස ආවරණය කරගෙන නින්දට යාම.

හිස ආවරණය කරගෙන නිදා ගැනීම කාබන්ඩයොක්සයිඩ් සාන්ද්‍රණය වැඩි කරන්න හේතු වෙනවා සහ ඒක රුධිරයේ ඔක්සිජන් සාන්ද්‍රණය අඩු කරන්න හේතුවක් වෙනවා. ඔක්සිජන් සැපයුම දුර්වල වෙද්දී මොළයේ ක්‍රියාකාරී බව අඩුවෙනවා . ඉතින් ඒක ඔයාගේ හුස්ම හිරවීම, නින්ද නොයෑම, තෙහෙට්ටුව සහ නිදිබර ගතියට හේතු වෙන්න පුළුවන්.

7 ) අසනීපයෙන් ඉන්න විට වැඩ කිරීම.

ඕනෑවටත් වඩා මහන්සිවෙලා වැඩ කරද්දී අසනීප වෙන එක අපි හැමෝම අත්විඳලා තියෙන දෙයක්. හැබැයි අපි දන්නේ නැති දෙයක් තමයි එහෙම අසනීප කාල වලදී අපි දිගටම වැඩ කළොත් මොළයේ කාර්යක්ෂමතාවය අඩුවෙන්න ඒක හේතුවක් වෙනවා කියන කාරණාව. මේක ආතතිය ඇතිවෙන්නත් හේතුවක් වෙනවා. අපි අසනීප වුණාම අපේ ශරීරය විතරක් නොවෙයි මොළයත් රෝගය එක්ක සටන් කරමින් ශරීරයේ කටයුතු කරගෙන යන්න සාමාන්‍ය වෙහෙසට වැඩිය වැඩි වෙහෙසක් ගන්නවා. ශරීරය වගේම මොළයත් වැඩිපුර මහන්සි වෙනවා. අසනීප දවසක වැඩ කරද්දී අපි නොදැනුවත්වම ශරීරයට වගේම මොළයට තියෙන මහන්සිය, බර වැඩි කරනවා. ඉතින් ඔයාගේ ශරීරය වගේම මොළය ගැනත් හිතලා අසනීප දවසට විවේකයක් ගන්න.

8) දුෂිත රසායන ද්‍රව්‍ය වලට/ වායු වලට නිරාවරණය.

අපේ මොළය සම්පුර්ණයෙන්ම ඔක්සිජන් මත රදා පවතිනවා. හානිකර රසායන ද්‍රව්‍ය, දුෂිත වායු වලට ඔයා නිරාවරණය වීම වැඩිවෙන්න වැඩිවෙන්න ඔයාගේ මොළයට ඔක්සිජන් ලැබෙන ප්‍රමාණය අඩුවෙනවා. ශරීරයේ ප්‍රමාණවත් ඔක්සිජන් නොලැබීම මොළයේ සෛල මිය යන්න හේතුවක් වෙනවා. මීයන් යොදාගෙන කරපු පරීක්ෂණයකින් පෙන්නලා දීලා තියෙනවා දීර්ඝ කාලයක් දුෂිත වාතයට නිරාවරණය වුණු මීයන්ගේ මොළයට භෞතිකවත් හානි සිදුවෙලා තියෙන බව. ඉතින් හැම වේලාවකම ගස් පිරුණු උද්‍යානයටකට ගිහින් පිරිසිඳු වාතය ආශ්වාස කරන්න ඔයත් අමතක කරන්න එපා.

9) සිතුවිලි නැතිකම.

වැඩිය සිතන්නේ නැති පුද්ගලයන්ගේ මොළය හැකිලෙනවා කියලා පරීක්ෂණ වලින් පෙන්නලා දීලා තියෙනවා. ඒ නිසාම මොළය සෞඛ්‍ය සම්පන්නව පවත්වාගෙන යන්න විතරක්ම නෙමෙයි මොළය පුළුල් කර ගන්නත් මේ හිතන එක ගොඩක් වැදගත් වෙනවා. මේ සිතුවිලි නැතිකම නැති කරගෙන සිතුවිලි ඇති කරගන්න නම් අපි මොනවද කරන්න ඕනේ ? සිතීම, ලිවීම, කියවීම මගින් මොළයට හානි වෙන එක වළක්වලා මොළය හොඳින් ක්‍රියාත්මක වෙන්න පුරුදු පුහුණු කරනවා.

10 ) ව්‍යායාම නොකිරීම.

නිකමටවත් හිතලා තියෙනවද ශරිරියට ව්‍යායාම නොකිරීම මොළයටත් බලපානවා කියලා ?. “All work and no play makes Jack a dull boy” කියනවා වගේ කිසිම සෙල්ලමක්, ව්‍යායාමයක් නැතිව වැඩ කර කර හිටියොත් ඒකෙන් ඔයා අලස කම්මැලි පුද්ගලයෙක් බවට පත්වෙනවා. ව්‍යායාම මගින් ඔයා ගොඩක් නම්‍යශීලි පුද්ගලයෙක් බවට පත්වෙනවා. ඒ වගේම ප්‍රමාණවත් ව්‍යායාම නැතිකම ඔයාගේ මොළයේ චලනය වීමේ බලය අඩුවෙලා ඔයාගේ කුසලතා අඩුවෙනවා. ප්‍රීතිමත් හෝමෝන වෙන එන්ඩෝර්ෆින් මුදා හැරලා අපිව තරුණ වියට පත් කරන්න මේ ව්‍යායාම උදවු කරනවා කියලා පරීක්ෂණ වලින් හොයාගෙන තියෙනවා. ඉතින් මොළය විතරක්ම නෙමෙයි ව්‍යායාම වලින් ඔයාගේ හදවත හා පෙනහළුත් ශක්තිමත් වෙනවා. ඉතින් අද ඉදන්ම ටික ටික හරි ව්‍යායාම කරන්න පටන්ගන්න ඔයාට වෙන මොන හේතුද අවශ්‍ය නේද ?.

අපි මේ කිවුවේ මොළයට හානි වෙන හේතු කිහිපයක් ගැන විතරයි. සමාජශීලි මදිකම, මත්ද්‍රවය භාවිතය, ආතතිය වගේ හේතු කාරණාත් ඔයාගේ මොළයට හානි වෙන සාධක විදියට හඳුන්වන් පුළුවන්. අපි බොහෝ දෙනෙක් පොදුවේ සෞඛ්‍ය ගැන කතා කරද්දී, මොළය ගැන කතාකරන්න අමතක කරනවා. ශරීරයේ අනෙක් කොටස් ගැන හිතලා අහිතකර දේවල් වලින් වැළකිලා හිටියත් මොළයට අහිතකර දේවල් ගැන දැනුවත්භාවයක් නැතුව වැඩ කරනවා. ඉතින් අද ඉඳලා ඔයත් ශරීරයේ වැදගත්ම අවයවය වෙන මොළයට හානි කරන මේ දේවල් වලින් වැළකිලා ඉන්න හැමවිටම උත්සහ කරන්න. ඔබට නිරෝගිමත් දිවියක් ලැබේවා!.

-එස් තත්සරණි-

Junk Food වලට ඇබ්බැහි වෙලාද..?? ගැලවෙන්නම බැරිද..?

editor

අපේ දෛනික ජීවිතයේ හුඟක් දේවල් වලට ලොකු බලපෑමක් කරනන හැකියාවක් තියෙන ප්‍රධානම සාධකයක් තමයි අපි කෑමට ගන්න දේවල්. ශරීර සෞඛ්‍ය වගේම තවත් හුඟක් කාරණාවන්ට සාධනීය බලපෑමක් කරන්න අපේ ආහාර රටාවට හැකියාවක් තියෙනවා. කෑමට ගන්නේ මොනවද කියන දේ ගැන වැඩි අවධානයක් යොමු කිරීම අත්‍යවශ්‍ය වන්නේ ඒ නිසයි. අපේ සමහර කෑම පුරුදු හෝ ඇබ්බැහිවීම් ඉතාම භයානක ප්‍රථිපල අත්කර දෙන බව ඔබ නොදන්නවා වෙන්න බැහැ. Junk Food කියන්නේ එවැන්නක්.

මොනවද මේ Junk Food කියන්නේ..? වැඩි කැලරි ප්‍රමාණයක් සහිත සෞඛ්‍යාරක්ෂිත නොවන කෑම තමයි Junk Food වලට දිය හැකි හොඳම හඳුන්වාදීම වන්නේ. සාමාන්‍යෙන් මේ කෑම වර්ගවල වැඩි කැලරි ප්‍රමාණයක්, සීනි ප්‍රමාණයක් සහ මේද ප්‍රමාණයක් අඩංගු වනවා. ප්‍රෝටීන, ෆයිබර්, විටමින් වගේ සංඝටක ඉතාම අඩුයි. ඒ අනුව වර්ගීකරණය කරගැනීමටත් හැකියාව තිබෙනවා. නමුත් සාමාන්‍ය ජීවිතයේ අපි බොහෝ ක්ෂණික කෑම (Instant Foods) මේ වර්ගයේලා සැලකෙනවා. බොහෝවිට මේවා සැකසූ ආහාර (Processed Food) වීමත් තවත් විශේෂත්වයක්. සමහර වර්ගීකරණ වලදී HFSS කාණ්ඩයේ කෑම වර්ග කියලත් හඳුන්වා දෙනවා. එනම් High in fat, salt & sugar කියන අදහසින්. කොහොම නමුත් මොනවද මේ Junk Food කියන්නේ කියල මේ තොරතුරු ඇසුරින් ඔබට නිගමනයකට එන්න පුළුවන් වේවි.

මේ ආහාර වල තියෙන සෞඛ්‍ය සම්පන්න නොවීම නිසාම මේවායින් හැකි තරම් වළකින්න කියල බොහෝවිට වෛද්‍යවරුන් සහ පෝෂණවේදීන් අවවාද කරනවා. නමුත් එක ඒ තරම්ම ලෙහෙසි පහසු කටයුත්තකුත් නොවෙයි. ඒ වගේම ඒ වෙනුවෙන් වන පියවර විදිහට සමහර රටවල් මේ Junk Food විකිණීම වෙනුවෙන් දැඩි නීතිරීති සහ සීමාවන් පනවා තිබෙනවා. තවත් සමහර රටවල් මේවා පිලිබඳ ප්‍රචාරණය කිරීම (Advertise) තහනම් කොට තිබෙනවා. ජනතාවගේ සෞඛ්‍ය පිලිබඳ රජයක් සතුවන වගකීම වෙනුවෙන් ඔවුන් එවැනි පියවර ගත්තා වූවත් Junk Food භාවිතයට සිමා පනවා ගනිමින් තමන්ගේ සෞඛ්‍ය ආරක්ෂා කරගන්න වෙන්නේ පුරවසියන්ටමයි. ප්‍රධානම කාරණය මෙවැනි ආහාර හේතුවෙන් ස්ථුලතාව (Obesity) වගේම තවත් රෝග ගණනාවක් ඇතිවීමට හැකියාවක් තිබීම. දෙවැන්න මෙවැනි ආහාර නිසා සිරුරට අවශ්‍ය පෝෂණය නොලැබී යාම සහ අනවශ්‍ය ලෙස සමහර පෝෂක කොටස් ලැබීම නිසා තුලනාත්මක සිරුරක් පවත්වා ගැනීමට නොහැකි වනවා පමණ නොවෙයි එමගින්ද වෙනම සෞඛ්‍ය ගැටළු ඇති වනවා. මේ සියල්ල සලකා බැලුවොත් Junk Food භාවිතයෙන් හැකිතාක් වැලකි සිටීම වඩාත් සුදුසු තීරණයක් වනවා.

නමුත් මෙතැනදී පැනනගින ප්‍රධානම ගැටලුව තමයි මෙවැනි ආහාර රටාවන්ට පුරුදු වුන කෙනෙකුට ඉන් අත්මිදීම එතරම්ම පහසු වන්නේ නැහැ. බොහෝවිට මෙවැනි කෑම වලට ඇබ්බැහි වීමක් සිදු වනවා. ඉතිඉන් Junk Food වලට ඇබ්බැහි වෙලා ඉන්න ඔබට ඉන් අත්මිදෙන්න සරළ පියවර කිහිපයක් අද gasma.lk අපි, ඔබට ඉදිරිපත් කරනවා. ඔබේ ශරීරයේ සෞඛ්‍ය සම්පන්න බව වගේම සිරුරේ හැඩය ගැනත් සැලකිලිමත් වන්න කියල අපි ඔබට මතක් කරනවා.

කොහොමද මේ Junk Food වලට ඇබ්බැහි වීම නතර කරන්නේ….? මේ සරළ කාරණා කිහිපය ගැන ඔබේ අවදානය යොමු කරොත් ඔබට ඒ වැඩේ ඒ තරම්ම අමාරු වෙන එකක් නැහැ. අපි මෙතැනදී ඔබට කියන්නේ Junk Food වලින් වැලකි ඉන්න ඔබේ මනස පුහුණු කරගන්නේ කොහොමද කියන දේ ගැන. ඔබට කන්න හිතෙන වෙලාවට ඒ කෑම ප්‍රතික්ෂේප කරන්න ඔබේ මනස ශක්තිමත් වගේම සුදානම් විය යුතුමයි. ඒ නිසා එවැනි මානසික සුදානමක් ඇති කරගන්න පියවර මොනවාද කියන දේ ගැන අපි මෙතැනදී කතාබහ කරනවා. ඔබේ මනස ගැන හොඳින්ම දන්නා කෙනා ඔබ. ඒ වගේම ඔබේ සිතීමේ ක්‍රියාවලිය සහ ඔබේ සිතිවිලි ක්‍රියාත්මක වන විදිහත් හොඳින්ම දන්නේ ඔබ. ඉතිං, ඔබ Junk Food වලට ප්‍රියකරන කෙනෙක් නම් මුලින්ම කළ යුතු වන්නේ මෙන්න මේ කරුණ තේරුම් ගැනීම. ඔබේ මනසින් එවැනි කෑම වර්ගයක් ඉල්ලන මොහොත මොකක්ද කියන එක සහ ඊට හේතුව ගැන අවබෝදයෙන් ඉන්න. එවැනි කෑමකට කොතරම් ප්‍රිය වුනත් තාර්කිකව එක ප්‍රතික්ෂේප කරන්න තරම් ඔබ මනසින් ශක්තිමත් වන්න අවශ්‍යයි.

අවසානයේ ඔබේ ඉලක්කය හැඩති සිරුරක් සහ සෞඛ්‍ය සම්පන්න ජිවිතයක් නේද.. එහෙම නම් ඔබ ඔබේ මූලික පියවර ගත යුතුමයි. මුලින්ම Junk Foods වලින් ඉවත් වීමේ අදහස ඔබේ මනසට හුරු කරවිය යුතුයි. ඔබේ පැන්ට්‍රි එකට යන්න. ශීතකරණය පරික්ෂා කරන්න. මොන තරම් සෞඛ්‍යාරක්ෂිත නොවන ක්ෂණික කෑම වර්ග සහ Junk Foods තියෙනවාද..? ඔබේ පන්ට්‍රියේ තැනින් තැන ගබඩා කොට තිබෙන සියල්ල ඉවතට ගන්න. ඒවා ඔබට නොපෙනෙන හෝ මුණ නොගැසෙන විදිහට ඉවත් කරන්න. එවිටයි ඔබ ඉන් ඉවත් වනවා කියන මූලික විධානය ඔබට දැනෙන්නේ. එහෙම නම්, පළමු පියවර දැන්මම ආරම්භ කරන්න.

ඊළඟ පියවර විදිහට ඔබට කරන්න තියෙන්නේ ඔබට පහසුවෙන් හසුවන ළඟපාතක මෙවැනි කෑම වර්ග තබා නොගැනීම. ඔබේ පන්ට්‍රියේ කෑම වර්ග ගබඩා කරගැනීමේදී, එළවලු, පළතුරු, ධාන්‍ය වර්ග, තිරිඟු නිෂ්පාදන වගේ කෑම වර්ග ලඟින් තබාගැනීමට අමතක කරන්න එපා. පර්යේෂකයින් පවසන අන්දමට ඔබ පහසුවෙන් ලඟාවීමට හැකි කෑම වර්ග නිතර කෑමට පෙළඹෙනවා. ඒ නිසා පහසුවෙන් ලඟාවිය හැකි ඔබේ පන්ට්‍රිය, ශීතකරණය Junk Food වලින් තොර කලාප කරගන්න මතක තබාගන්න. ඒ වගේම ගෙදර පැන්ට්‍රි එක කොහොම වෙනස් කරගත්තත් ඔබේ කාර්යාලය අසල මෙවැනි කෑම අලෙවිසැල් තියෙනවා විය හැකියි. ඔබට හැකිතාක් එවැනි තැන් මගහැරීමට උත්සාහ කරන්න. ඔබේ මනස මේ කෑම ප්‍රතික්ෂේප කිරීමට හුරුවන තෙක්ම එවැනි දේ මගහරින්න වගබලා ගන්න. තුන්වැනි කාරණය ඔබ මිතුරන් සමග පිටතට යෑම, විනෝද සවාරියක් හෝ රාත්‍රී භෝජන සංග්‍රහයක් වැනි දෙකට යන්න සූදානම් වනවා නම් Junk Food නොමැති අවන්හලක් තෝරාගන්න අමතක කරන්න එපා. එවැනි සරළ ක්‍රම මගින් යම් තත්වයක් දක්වා ඔබේ මනස හුරුකරවා ගැනීමට ඔබට හැකියාව ලැබේවි.

ඊළඟ කාරණය ඔබේ මිළදී ගැනීමේ රටාව වෙනස් කිරීම. ඔබ යමක් කරන්න හිතුවොත් ඔබට ඒ වෙනුවෙන් සැළසුමක් අත්‍යවශ්‍යයි. ජීවිතයේ ඕනෑම කටයුත්තකදී ඒ තත්වය පොදුයි. ඉතින් ඔබ Junk Foods වලින් ඉවත් වෙන්න අවශ්‍යයි කියල තීරණය කළාට පසුවත් එවැනි සැළසුමක් අත්‍යවශ්‍යයි. ඔබේ මනස ටිකින් ටික එවැනි ආහාර ප්‍රතික්ෂේප කරන මට්ටමට පුහුණු කරන්න මේ පියවරයන් ඉතාමත් වැදගත්. දැන් ඔබට අවශ්‍ය ආහාර ද්‍රව්‍ය මිළදී ගැනීම ගැන හිතන්න. ඔබ සමහරවිට ඔබට හිතෙන විටෙකදී වෙළඳ සලකට ගිහින් අවශ්‍ය කෑම වර්ග මිළදී ගන්න හුරුවෙලා හිටියා වෙන්නත් පුළුවන්. දැන් මේ පුරුදු සියල්ල වෙනස් කරගන්න කාලය ඇවිත්. ඔබ මුලින්ම ඔබේ ආහාර ද්‍රව්‍ය ලැයිස්තුව සකස් කරගන්න. මේ ලැයිස්තුව හදන්නේ සතියකටද මාසයකටද කියන කාරණය වැදගත් නැහැ. අවශ්‍ය වන්නේ ඔබ කන්නේ මොනවද ඒ රටාව කුමක්ද කියන දේ තීරණය කිරීමයි. ආහාර ද්‍රව්‍ය ලැයිස්තුව සකස් කරන්න. ඒ අනුව ඔබේ ලැයිස්තුව නැවත පරික්ෂා කරන්න. එයට ඇතුලත් වුනු Junk Foods සියල්ලම ඉවත් කරන්න. දැන් ඔබේ ආහාර ගැනීමේ රටාව් නැවත සකස් කරන්න. මේ විදිහට සති කිහිපයක් ඔබේ shopping list එක සකස් කරගනිමින් Junk Foods ගෙදරට එමෙන් පවා වලකින්න උත්සාහ කරන්න. දිගින් දිගටම මෙවැනි පියවරක් අනුගමනය කරද්දී ඒ කටයුත්ත ඉබේටම ඔබේ පුරුද්දක් බවට පත්වේවි.

. ඔබ කෑමට ගතකරන කාලය අඩු කිරීමත් තවත් වැදගත් පියවරක්. සාමානයෙන් කෑම ගැනීම ආරම්භ කරලා මිනිත්තු 20ක් ඇතුලත කෑම අවසන් බවට ශරීරයට ඉඟියක් ලැබෙනවා කියලයි විශේෂඥයින් කියන්නෙ. ඒ නිසා මේ කාලය තුළ කෑම හොඳින් හපමින් වෙලාව අරගෙන කන්න කියන කාරණයත් ඔවුන්ගේ මතය වී තිබෙනවා. ඒ වගේම තමයි දවස තුළ ඔබට කෑමට ලැබෙන වෙලාව අවම කරගන්න. හුඟක් දෙනෙකුගේ පුරුද්දක් ප්‍රධාන ආහාර වේලට අමතරව මේ Junk Foods මොනවාහෝ අතරතුර ආහාරයට ගැනීම. ඒ පුරුද්දෙන් වලකින්න මනස හුරු කරගන්න තවත් ඵලදායි ක්‍රමයක් තමයි එවැනි කෑමකට වෙලාවක් වෙන් නොකිරීම. කොහොමත් ඔබේ දෛනික කටයුතු අතරතුර එවැනි වෙලාවක් නොතබා වැඩ සැලසුම් කරගන්න. ඒ විදිහේ ක්ෂණික කෑමකට වෙලාවක් නැති බව මනසට තේරුම් යන්න ඉඩ හරින්න. ඒකත් ඔබට ප්‍රථිපලදායක ක්‍රමයක් වේවි.

රතු, කහ, තැඹිලි වර්ණ ඔබේ කෑම කාමරයට, පන්ට්‍රියට භාවිතා නොකරන්න කියන එකත් මනස හුරු කරවීමේ එක ක්‍රමයක්. ඔබට නැති බඩගින්නක් ඇති කරන්න මේ වර්ණ සමත් වන බවත් විශේෂඥයින් සඳහන් කරනවා. බොහෝවිට කෑම වර්ග අළෙවි කරන brands බොහොමයක් මේ වර්ණ භාවිතා කරනවා ඔබ දැක ඇති. ඒ වගේම සමහර ආපනශාලා කෑම ඇනවුම් කිරීමෙන් පස්සේ අනවශ්‍ය තරම් ඔබව නිකරුනේ ආයතනය තුළ රඳවා ගන්නවා ඔබට දනිලත් ඇති. ඒකත් ඔවුන්ගේ උපක්‍රමයක් බව පැවසෙනවා. ඔබට තව තවත් කෑම ඇණවුම් කරන්න සිතිවිලි ක්‍රියාත්මක කරවීම ඔවුන්ගේ අරමුණ වන බව කියවෙනවා. ඉතින් මේ උපක්‍රම වලින් ගැලවී සිටීමට ඒ ගැන අවබෝදයෙන් සිටීමත් වැදගත් වනවා.

Junk Foods ගැන කියවෙන තොරතුරු ඕනෑ තරම් ඔබට සොයාගැනීමේ හැකියාවත් තිබෙනවා. අපි දැන් ඉන්නේ තොරතුරු ලෝකයක. ඔබට අවශ්‍ය ඕනෑම දෙයක් ඉතා පහසුවෙන් ඇඟිලි තුඩු වලින් සොයාගත හැකි තරමට පහසු වී තිබෙනවා. ඉතින්, ඔබට තවත් හොඳම පියවරක් මේ ගැන තොරතුරු සොයාගෙන කියවන්න. අදාළ වීඩියෝ නරඹන්න. ඔබට Junk Food ප්‍රතික්ෂේප කිරීමට තරම් මානසික එකාග්‍රතාවක් හදාගන්නත් ඒ තොරතුරු ඉවහල් වේවි. අවසානයේ සෞඛ්‍ය සම්පන්න කෑම වේලක් වෙනුවෙන් මනස හුරුකර ගැනීම ඔබේ ඉලක්කය නම් මනසට ඒ පිලිබඳ පුහුණුව ලබාදෙන්න මේ ක්‍රම අනුගමනය කර බලන්න. මේ තොරතුරු අපි ඔබට ගෙන එන්නේ ඔබට වඩා සුවපහසු සහ සෞඛ්‍ය සම්පන්න නිරෝගී ජිවන රටාවක් සකස් කරගැනීම වෙනුවෙන්. ඉතින් ඔබ මුලින්ම ඒ වෙනුවෙන් මනසින් සුදානම් විය යුතුමයි. එහෙම නම් අද සිටම මේ පියවර කිහිපය අනුගමනය කරන්න වගබලා ගන්න. ප්‍රගතිය ඔබටම අත්විඳින්නට ලැබේවි.

-ඒන්. වෙහෙරදූව-

වතුර බෝතල්වලින්, ගෙදරට ගේන හාල් ගෝනිවලින් Strengthening Workouts කරන්න…

editor

ගෙදර ඉදන්, ගෙදර තියන දේවල්ම යොදාගන Strengthening Workouts කරන්න පුළුවන් විදිය ගැන තමයි අද ගැස්ම workout challenge එකෙන් කියලා දෙන්නේ.

ගිහින්, යහතින් එන්න පුළුවන් වෙයි කියලවත් විශ්වාස කරන්න බැරි ලෝකයේ භයානකම ස්ථාන…

editor

පරණ බලකොටු, අතහැර දාලා තියෙන ගෙවල්, පරණ සුසාන භූමි සහ වනාන්තර – ලෝකයේ හොල්මන් තියෙනවා කියන ගොඩක් තැන් අතරට මේ වගේ තැන් එකතු වෙලා තියෙනවා. මේ වගේ අමුතු හැඟීමක් ඇති කරන ලෝකයේ ගොඩක්ම හොල්මන් ඉන්නවා කියලා ප්‍රසිද්ධ ඛේදජනක අනතුරු සහ අවතාර මිනිස්සු පියවි ඇසෙන් දැකලා තියෙන සිදුවීම් ගැනත් ඕනෑ තරම් වාර්තා වෙලා තියෙනවා.

ඉතින් අපි මේ ලෑස්තිවෙන්නේ අසල්වැසි ඉන්දියාවෙන් පටන්ගෙන යුරෝපය, ඇමරිකාව සහ අප්‍රිකාවේ හොල්මන් ඉන්නවා කියන ඒ වගේ භයානක තැන් සහ ඒවායේ බිහිසුණු කතා අහන්න ලෝකය පුරා සංචාරයක් යන්න.

1) පැරණි චැංගි රෝහල සහ සිංගප්පූරුවේ චැංගි බීච්

1935 දී ඉදිකරලා තියෙන චැංගි වෙරළ සහ පරණ රෝහල හොල්මන් වලට ප්‍රසිද්ධ තැනක් විදිහට සලකනවා. ගොඩක් චීන සොල්දාදුවන් ජපන් ජාතිකයින් විසින් මේ චැංගි වෙරළේදී මරා දාලා තියෙනවා. ජපන් කෙම්පෙයිටායි (ජපන් අධිරාජ්‍ය රහස් පොලිසිය) මේ රෝහල අත්පත් කරගෙන දෙවන ලෝක යුද්ධ කාලයේදී ඒක වධ කඳවුරක් බවට පත් කරලා තියෙනවා. දැන් අතහැරලා දාලා තියෙන මේ රෝහලේ චීන සොල්දාදුවන්ගේ ආත්මයන් හොල්මන් කරනවා කියලා මිනිස්සු අතර ඉතාම ප්‍රසිද්ධ කාරණාවක්.

රෑට වෙරළ තීරයේ හිස් නැති සොල්දාදුවන් සැරිසරනවා කියලත් වාර්තා වෙනවා.

2) කාසල් ඔෆ් ගුඩ් හෝප්, දකුණු අප්‍රිකාව

මෙහෙම ලස්සනට එළියෙන් පේන්න තිබුණට මෙතනත් හොල්මන් සැරිසරන තැනක් කියලා තමයි ප්‍රසිද්ධ. 16 වෙනි ශතවර්ෂයේ කේප් ටවුන් වල ලන්දේසි ඊස්ට් ඉන්දියා සමාගම විසින් 1666 ඉදන් 1679 වෙනකන් අවුරුදු 13 ක කාලයක් තිස්සේ මේ කාසල් ඔෆ් ගුඩ් හෝප් වල ඉදිකිරීම් කටයුතු සිද්ධ කරලා තියෙනවා. ඉතින් දකුණු අප්‍රිකාවේ දැනට තියෙන පැරණිතම යටත් විජිත ගොඩනැගිල්ල තමයි මේ. සොල්දාදුවන්, ස්වේච්ඡා සේවකයන්, වහලුන් සහ සිරකරුවන් විසින් ඉදිකරලා තියෙන මේ ගොඩනැගිල්ලේ පල්ලියක්, බේකරියක් සහ විසිත්ත කාමර, සාප්පු සහ බන්ධනාගාර පිහිටලා තිබුනා විතරක්ම නෙමෙයි අනෙකුත් පහසුකම් කිහිපයක්ම ලබාදෙන ගොඩනැගිල්ලක් වුණා. කොහොම වුණත් 1936 දී මේ ගුඩ් හෝප් මාලිගය ජාතික ස්මාරකයක් විදිහට ප්‍රකාශයට පත්කළා. ඉතින් දැන් අවුරුදු ගණනාවක තිස්සේ රාජකාරියේ නියුතු මුරකරුවන් ගේ අවතාර, කෑගසන කාන්තාවකගේ අවතාර , උස පිරිමි පුද්ගලයන්ගේ අවතාර වගේම කළු බල්ලෙකුගේ අවතාර මිනිස්සු විටින් විට දැකලා තියෙනවා. හැබැයි කෑගසන කාන්තාවගේ අවතාරය නම් මාලිගාව ළඟ කාන්තාවකගේ සිරුර කැණීමෙන් පස්සේ පේන එක නැවතිලා තියෙන බව වාර්ථා වෙනවා.

3) ටැට් තක් පාසල, හොංකොං

පාසලක හොල්මන් ඉන්නවා කියලා අහන්න ලැබෙන එක ලංකාවේ අපිට නම් ඉතින් සාමාන්‍ය සිදුවීමක්නේ. මොකද අර ඉස්කෝලේ හොල්මන් ඉන්නවලු, හොස්ටල් එක වහලා තියෙන්නේ හොල්මන් නිසාලු, පරණ කැන්ටිම පැත්තේ එහෙමත් නැත්නම් පරණ පුස්තකාලේ හොල්මන් දැකලා තියෙනවලු වගේ කතා ගොඩක් ඉස්කෝලේ යන කාලේ අපේ පාසල ගැනම නොවුණත් අවට පාසලක් ගැන හරි අපි අනිවාර්යයෙන්ම අහලා තියෙනවා. ඉතින් ලංකාව,ඉන්දියාව හෝ වෙනත් රටක් වේවා මේ විදිහට හොල්මන් තියෙනවා කියලා ප්‍රසිද්ධ පාසල් ගොඩක් ලෝකයේ තියෙනවා. හැබැයි මේ කියන්න යන්නේ ඇත්තටම ටිකක් වෙනස් අතීතයක් තියෙන පාසලක් ගැන.

පාසල පිහිටා තියෙන ගමට තියෙන්නේ ඛේදවාචක ඉතිහාසයක්. ගම්වැසියන්ව එයාලගේ භූමියෙන් ඉවත් කරන්න බ්‍රිතාන්‍ය දරපු උත්සාහයට විරුද්ධ වුන නිසා ප්‍රදේශවාසීන් විශාල ප්‍රමාණයක් ඝාතනය කරල මේ ප්‍රදේශයේ වළලා තියෙනවා. 1941 දී ජපනුන් විසින් ගම්වාසීන් විශාල පිරිසක් සමූල ඝාතනය කරලා තියෙනවා වගේම එයාලගේ දේහයන් පාසල ළඟ කඳුකරයේ ඉදිකරලා තියෙන සොහොන් වල තැන්පත් කරලා තිබෙන බව වාර්තා වෙනවා. ඒ වගේම මේ පාසලේ රතු පාට ඇඳුමකින් සැරසී හිටපු ගුරුවරියක් ගැහැණු වැසිකිලියේදී ගෙල සිර කරගෙන දිවි නසා ගෙන තියෙනවා. ඉතින් රතු පාට ඇදුමකින් සැරසුණු කාන්තාවකගේ හොල්මනයක් මේ ගමේ ගොඩක් අයට ඇහැ ගැටිලා තියෙනවා. 2001 අවුරුද්දේදී ගැහැණු ළමයින් 8 දෙනෙක් සහ පිරිමි ළමයින් 4 දෙනෙක්ගේ කණ්ඩායමක් අතහැර දාලා තියෙන පාසල ගැන ගවේෂණයකට මේ පාසලට ගිහින් මුහුණ දුන්නේ හරිම භයානක සිද්ධියකට. කණ්ඩායමේ හිටපු එක ගැහැනු ළමයෙක් රතු ඇඳුමක් ඇඳගෙන හිටපු කාන්තාවක් පාසල අසල සොහොන් පිටියේ සොහොන් ගලක් ඉස්සරහ හිටගෙන ඉන්නවා දැකලා තියෙනවා. කණ්ඩායමට මේ ගැන කිවුවායින් පස්සේ හැමෝම එතැනින් ඈතට පැන ගිහින් තියෙනවා.ගැහැණු ළමයාගේ කෑගැසීම ඇහුණ නිසා ටිකක් දුරට ගිහින් නැවතුණු අනිත් පිරිසට ඇය තමන්ගේ අතින්ම බෙල්ල සිර කරගන්න උත්සහ කරගන්නවා දකින්න ලැබුණා.කණ්ඩායමේ හිටපු පිරිමි ළමයෙක් ඇයට හානි කරගන්න එක වළක්වන්න උත්සහ කරද්දී ඔහුව සපා කා තියෙනවා. ඉතින් සොහොන් වලින් වට වෙලා තියෙන හොල්මන් ඉන්නවා කියලා ප්‍රසිද්ධ මේ පාරේ යන්න සමහර කැබ් රියදුරන් පවා ප්‍රතික්ෂේප කරනවා.

4) අකිගහාරා වනාන්තරය, ජපානය

ජපානයේ ෆුජි කන්ද ළඟම පිහිටලා තියෙන මේ වනාන්තරය අපි අහලා තියෙන අනිත් වනාන්තර වලට වැඩිය ටිකක් වෙනස් තැනක්. මොකද මිනිස්සු මෙතනට යන්නේ පරිසර අසිරිය විඳගන්න නම් නෙමෙයි තමන්ගේ ජීවිතය අවසන් කරගන්න. ඒ නිසාම මෙතැන “Suicide Forest” කියලත් හඳුන්වනවා. මේ කැලේ ගොඩක් ඝනට ගස් පිරිලා තියෙනවා වගේම ආලෝකය පවා කැලේ ඇතුළට වැටෙන්නේ හරිම අඩුවෙන්. මේ කැලේ ඇතුලේ ඇවිදින එක ගොඩක් භයානක දෙයක් මොකද පොළොවේ සුදුපාට ලණු ගොඩක් අපිට දැකගන්න පුළුවන්. ඒකටත් හේතුව හරිම ඛේදනීයයි. මිනිස්සු තමන්ගේ ජීවිතය අවසන් කරගන්න කැලේ ඇතුලට යද්දී එයාලා ගහක මේ ලණුව ගැටගහලා ලණුවත් ඇදගෙනම කැලේ ඇතුළට ගමන් කරනවා. ඒ දිවිනසා ගන්න තමන් ගත්ත තීරණය වෙනස් වුණොත් ආපහු ආරක්ෂා සහිතව කැලෙන් එළියට එන්න පාර සොයා ගන්න. ඉතින් මේ තරම්ම සියදිවි නසා ගැනීම් ගොඩක් මෙතන සිද්ධ වෙන නිසා ලෝකයේ ගොඩක්ම හොල්මන් ඉන්න තැන මෙතැන කියලා සැලකෙනවා. මේ කැලේ අවුරුද්දකට සිද්ධ වෙන සියදිවි නසා ගැනීම් ගණන දෙවෙනි වෙන්නේ සැන් ෆ්‍රැන්සිස්කෝ වල ගෝල්ඩන් ගේට් පාලමේ සිද්ධ වෙන සිය දිවි නසා ගැනීම වලට විතරයි.

5) ශාන්ත ඔගස්ටින් ප්‍රදීපාගාරය , ඇමරිකා එක්සත් ජනපදය

19 වන සියවසේ ඉදිකරලා තියෙන ෆ්ලොරිඩාවේ ප්‍රදීපාගාරය තවමත් ක්‍රියාත්මක මට්ටමේ තියෙනවා . කොහොම වුණත් මෙතන සැරින් සැරේ වාර්තා වුන අද්භූත දර්ශන නිසාම ලෝකයේ ගොඩක්ම හොල්මන් ඉන්න තැන් ගැන කරපු ශ්‍රේණිගත වලට මෙතැනත් එකතු වෙලා තියෙනවා. අවතාර කිහිපයක් ගැනම මෙතනට ආපු අමුත්තන් වාර්තා කරලා තියෙනවා. මේ ප්‍රදීපාගාරයේ හිටපු පාලකයා දුම් වැටියක් උරමින් හොල්මන් කරන බවත්, නිල් පාට වෙල්වට් ගවුමකින් සැරසුණු කාන්තාවක් උදවු ඉල්ලා අඬමින් කෑ ගසමින් අවතාර කරන බවත් ගැහැණු ළමයින් දෙදෙනෙකු ගේ අවතාර ප්‍රදීපාගාරය අවට සැරිසරන බවටත් වාර්තා වෙලා තියෙනවා.

6)එඩින්බරෝ කාසල්, ස්කොට්ලන්තය

දවසින් දවස සංචාරකයන්ගේ ආකර්ෂණය දිනා ගන්න තැනක් විදිහට එඩින්බරෝ කාසල් සංචාරකයන් අතර ජනප්‍රිය තැනක්. හැබැයි ඒ විතරක්ම නම් නෙමෙයි කළු පාට අවතාර බල්ලෙක්ට, හිස නැති බෙර වාදකයෙක්ට වගේම හොල්මන් නළා වාදකයෙක්ට මෙතැන වාසස්ථානයක්. 2001 දී මේ මාලිගාවේදී සිද්ධ කරපු දින 10 ක විද්‍යාත්මක සමීක්ෂණයකදී ස්වේච්ඡා සේවකයන් හා විද්‍යාඥයින් කිහිපදෙනෙක්ම අවතාර දැකලා තියෙන බවට වාර්තා වුණා. එතැන් ඉදන් මිනිස්සු එඩින්බරෝ මාලිගාව ලෝකයේ හොල්මන් ඉන්න තැනක් විදිහට ගොඩක් තදබල ලෙස විශ්වාස කරන්න පටන් ගත්තා.

7) චැටෝ ඩි බ්‍රිසැක්, ප්‍රංශය

11 වෙනි සියවසේ මේ මාලිගය මේන්-එට්-ලොයර් හි පිහිටලා තියෙනවා. පිටතින් හරිම රාජකීය පෙනුමක් තිබුනත් මෙතැන ලෝකයේ වඩාත්ම හොල්මන් ගැවසෙන ස්ථානයන් අතරට එකතු වුණ තැනක්. මේ සුන්දර මාලිගාවේ මිනී මැරුම් දෙකක් සිද්ධ වෙලා තියෙනවා. කටකතා වල විදිහට නම් කාන්තාවක් මේ මාලිගාව පුරාවට සැරිසරනවා. කොළ පැහැති ඇඳුමකින් සැරසුණු විකෘති මුහුණක් තියෙන මේ කාන්තාව දැක්ක බවට මිනිස්සු කිහිප සැරයක්ම වාර්තා කරලා තියෙනවා.

ඉතින් ඇත්ත හෝ හුදු කටකතා වේවා මේ කිසිම දෙයක් නිශ්චිතව නිශ්චය කරන්න නම් බැහැ. නමුත් ලෝකයේ ගොඩක්ම හොල්මන් ඉන්න තැන් කියලා මේ තැන් වාර්තා වෙලා තියෙනවා. ඒ වගේම අද්භූත දේවල් මේ තැන් වල සිද්ධ වෙනවා මිනිස්සු දැකලා තියෙන නිසා මේ තැන් ගවේෂණය කරන්න හිතෙනවා නම් ටිකක් සෝදිසියෙන් ඉන්න වෙනවා. ඔයත් මේ වගේ තැනක් ගැන දන්නවනම් ඒ ගැන අපිට කියන්න අමතක කරන්න එපා.

-සචිනිකා තත්සරණි-

අනිවාර්යයෙන්ම ඔබ රස විදිය යුතුම යුරෝ‌පීය ආ‌හාර දැන් Olive වෙතින්…

editor

Olive වෙතින් යුරෝපීය රසවත් සරල හා සමබර ආහාර Pick Me හා Uber හරහා දැන් ලබා ගන්න පුළුවන්. ඒ වගේම ඔවුන් ගුණවත් වගේම ඉතා රසවත් ආහාර නොමසුරුව ඔයාලට පිළියෙල කරලා දෙනවා .

දැන් තියෙන කාලගුණ වාතාවරණයත් එක්ක ඔයාට උයන්න කම්මැලි ගතියක් දැණුනු ගමන්ම තව කෙනෙක්ගේ කෑම වල රස බලන්න හිතුනො‌ත්, ඔයාගේ දො‌රකඩ ලගටම ගෙන්න ගන්න අවස්ථාව ඔයාට තියෙනවා.

Olive කෑම හරිම ඉක්මණින් ඔයාලට ලබා ගන්න පුලුවන් වගේම කෑම Open කරන්න ලේසි වෙන්න එයාලා සරලව හා පිළිවලකට ඇ‌සුරැම් කරලා දෙනවා.

කෑම Order කරන්න ලේසි වෙන්න Olive’s ලට call කරලා ඔයාලට Pick up order එකක් දා ගන්න පුළුවන්. ඔයාලගේ order එක තවත් ලේසි වෙන්න එයාලගේ Full menu එක @Olive_cmb වලින් ඔයාලට බලාගන්න පුලුවන්.

Appetizers

Sicilian Nourish Soup Meal (chicken breast) (LKR 700)

ලංකාවේ රැ.700 මිලකට මේ වගේ රසවත් සුප් එකක් රස විදින්න ලැබුණූ එක මට දැණුනේ මං හො‌රකමක් කලා වගේ. ඒ‌ තරමටම ඒ‌ සුප් එක ලාබයි. zucchini, කැරට්, බෙල් පෙපර්, සැල්දිරි, ඔලීව්, අර්තාපල් හා චිකන් breast වලින් මේ සුප් රස කර ගෙන තිබුණා. තක්කාලි හා Red wine mix එක සුප් එකේ රහ තවත් වැඩි කලා. එලවළු ලො‌කුවට කපලා තිබුණ නිසා එක හැන්දක රස මුළු කට පිරෙන්නම තිබුණා. කො‌හො‌ම වුනත් chicken breast එක ටිකක් dry විදියට එන්න හො‌දට cook කරලා තිබුණත් මුළු සුප් එකේ රහ එතනම රැදුනේ නෑ.

Starters

Chicken Souvlaki (LKR 760), Mini Greek Salad (LKR 270), Tzatziki (LKR 150), Pita (LKR 75)

Souvlaki කියන්නේ, යුරේපීය Street food අතර ජනප්‍රිය කෑමක්. Marinated කරපු මස් විවෘත උණූහුමක Cook කරලා පිටා පාන් හා සලාද එක්ක පිළියෙල කරලා තියෙනවා. Olive’s ලාගෙන් Souvlaki ඔයා කැමති විදියකට හරි මේ වගේ Plate එකක් විදියකට හරි පිළියෙල කර ගන්න පුළුවන්.චිකන් එක මෘදුයි.හො‌දට Seasoned වෙලා තියෙන නිසා grill එකේ තියෙන char එක්ක එකතු වුනාම හො‌ද උණුසුම් රසයක් දෙනවා. පිටා පාන් එක්ක souvlaki මෘදුයි වගේම හො‌දට හැපෙනවා.Tzatziki එක්ක පිපිඤ්ඤා හා olive oil වල mix එක නම් දිවට ගෙනෙන්නේ පුදුමාකාර රසයක්. ග්‍රීක් සැලඩ් එක නැවුම් රසයක් වගේම හො‌ද Colourfull එකක් dish එකටම ගෙනාවා. Salad එක ලො‌කුවට කපලා තිබුණ නිසා එකේ රසය හො‌දට දිවට දැණුනා.

St.Blue(Beef) LKR900, Spiced Seasoned Wedges (LKR 220)

ගොඩක් blue cheese වලට ආස කෙනෙක් විදිහට මට නම් මේ බර්ග එක මගහරින්න බැරුව ගියා. මම මේක කියන්නම ඕනි, මේ flavour එක නම් හැමෝටම නෙමේ හැබැයි තද රසයන් වලට කැමති අයටම විතරයි. මොකද, මේක නමේ අර්ථයටම Blue cheese වල රසය ගොඩක් දැනෙන බර්ග එකක්. Thick crust bread සහ Sweet onion jam බර්ග එකේ රසය තවත් වැඩි කරන්න සමත් වෙලා තියෙනවා. මේ සුසංයෝගත් එක්ක Blue cheese වල රසයට කිසිම හානියක් වෙලා නම් නෑ. හැබැයි මේ තද රසයන් සියල්ලත් එක්කම beef වල රසය මදක් සැඟවී තිබුණත් එහි රසය පිටතින් විඳිද්දී හොඳට Caramelized කරපු හොඳ meaty ගතියක් දැනුනා.

Mediterranean Kofta Lamb (LKR 1100)

Lamb kofta එක නිර්මාංශ වූ සැලඩ් වලින් වටකරලා අතුරලා තිබුණා. එයින් එහි රසය තවත් වැඩි කළා. Meat එකේ හොදට Seasoned වුනු Buttery ගතිය මෙයට අද්විතීය බවක් එක් කලා කිව්වොත් මං හරි. මේ Kofta patties එක කැරට් සහ ළූණු, යුරෝපීය කුළුබඩු සාරයෙන් Mix වෙලා එයින් සුපුරුදු යුරෝපීය Savoury එකක් ලබාදෙන්නවා. ඔයත් බැටළු මස් කන්න ගොඩක් ආසයිනම් මේ Dish එක අනිවාර්යයෙන්ම ඔයාටයි. කාල නැති කෙනෙක්ට වුණත් Try කරන්න කියාපු Dish එක.

Pesto Cheese Vegetarian (LKR 680)

මේ Wrap එක මගේ favorite ම එකක්. හරිම නැවුම් සහ සැහැල්ලු බවක් ඇති මේ wrap එක අද්විතීය සහ තද රසයන්ගෙන් fill වෙලා තිබුණා. Menu එකට vegetarian options ගොඩක් තිබ්බෙ නැති උනත් චීස් paste සහ එළවළු වලින් පිරිච්ච basil එක් වුනු මේ vegetarian dish එක නම් menu එකටම ඇති. නැවුම් එලවලු වලට herbs රසය එක් වෙලා චීස් වලින් එන තියුණු රසය මේ Dish එකේ රහසයි.

Dessert

Cream Brulee (LKR 275)

මෙය පිළිගන්වන්නේ foil එකකින් කවර් කරලා. LKR 275 වැනි පුංචි මුදලකට ඇත්තටම මෙය වටිනවා. Cream Brulee එකේ top එකේ හොඳ පෙනුමක්, එළියක් තියෙනවා. Plastic Cutlery වලින් ඒක කඩද්දී පෙන්නේ හරියට glass එකක් වගෙයි. පහලින් තියෙන කස්ටඩ් එක හරිම මෘදුයි, caramel වල තියෙන පුංචි තිත්ත ගතිය මගහරින්න කස්ටඩ් වල තියෙන creamy ගතියට තියෙන්නේ පුදුම හැකියාවක්.

Lemon Meringue Tart (LKR 400)

ලස්සන හැඩෙකින් යුත් බටර් රස පේස්ට්‍රියක් Lemon curd වලින් topped කරලා හරිම රසවත් විදියට පිළියෙල කරලා තියෙනවා. Dessert එකේ තියෙන ලස්සන වගේම Flavors වල එකතුව දිවට මිහිරි රසයක් ගෙනවා කිව්වො‌ත් මං හරි.

Tips- ඔයාත් Pesto cheese vegetarian wrap එක Try කරලා බලන්න.

කඩෙන් කුකීස් ගන්නේ නැතුව ගෙදරදීම Coconut Milk Cookies හදාගමු…

editor

හැමදාම කඩෙන්ම අරගෙන බිස්කට් කන එක බෝරිං නේද .. ඔන්න අද අපි කියලා දෙනවා ගෙදරදීම රසම රස බිස්කට් එකක් හදාගන්නේ කොහොමද කියලා

අවශ්‍ය ද්‍රව්‍ය

පිටි කෝප්ප 1/2

බේකිං පවුඩර් මේස හැඳි 1

ලුණු මේස හැඳි 1/4

දුඹුරු සීනි කෝප්ප 3/4

ලුණු අඩංගු නැති බටර් කෝප්ප 1/2

බිත්තර කහ මද 2

පොල් කිරි කෝප්ප 1/2

ගාගත් වියළි පොල් 1/4 කෝප්පයක්

චොකලට් චිප්ස් කෝප්ප 3/4

වැනිලා මේස හැඳි 1

සාදාගන්නා ආකාරය:

භාජනයකට පිටි, බේකිං පවුඩර්, ලුණු, දුඔුරු සීනී, බටර්, බිත්තර සහ පොල් කිරි එකතු කරගෙන හොඳින් මිශ්‍රකරගන්න. ඒකට ගාගත් පොල්, චොකලට් චිප්ස් සහ වැනිලා ටිකත් එකතු කරගෙන නැවත හොඳින් මිශ්‍රකරගන්න. අයිස්ක්‍රීම් හැන්දක් භාවිතා කරමින් සාදාගත් බැටර් එක කොටස් වශයෙන් තබන්න. ඒ මතට ගාගත් වියලි පොල් ටිකක් ඉසගන්න . අවසානයට මිනිත්තු 12 සිට 15 දක්කවා බේක් කරගන්න.

Tik Tok එක්ක ජිවිතේ වෙනස්ම විදිහට Design කරමු ද ?

editor

ටික් ටෝක් කියන්නේ තාරුණ්‍යයේ උන්මාදය. ඔයා මොකද හිතන්නේ ඒ ගැන ? තාරුණ්‍යය අතර විතමක් ම නෙමෙයි ඉතින්. ටික් ටෝක් ගොඩක් අයගේ ජිවිත අලුත් පෑනකින් ලියෙව්වා. සමහරු පාට පාට පෑන්වලින් ජිවිතේ Design කර ගනිද්දී සමහරු කළු පෑනෙන් ම ජිවිත කතා Design කර ගත්තා. ඔයාට තේරුණේ නැද්ද ඒක ?

අහන්නකො …

ටික් ටොක් එක්ක ගොඩක් අය එයාලගෙ ජීවිත වෙනස් කර ගත්තා.අලුත් ම විදිහකට. හැබැයි ටික් ටොක් නිසා සමහරු කළු පැල්ලම්, නැත්තම් අදුරු පැල්ලම් ජීවිතේට ලං කර ගත්තා. මොනවා වුනත් ගැස්ම කියවන ඔයාට මං කියන්නෙ ටික් ටොක් එක්ක ජිවිතේ වෙනස් ම විදිහකට , අලුත් ම විදිහකට ලියන්න කියලා.

ඔයා කැමති නටන්න ද ? සින්දු කියන්න ද ? රඟපාන්න ද ?

ටික් ටෝක් එක්ක ඔයා කැමති මේ වගේ ඕනෑම දෙයක් කරන්න පුළුවන් . ඔයාගේ කැමැත්ත එක්ක .
දැනටමත් ඔයා ටික් ටොක් කරනවත් ඇති ඉතින් ….. ඉස්සර ටක් ටික් ටුක් කියලා අල්ලන සෙල්ලම්, හැන්ගිමුත්තන් කරපු අතීතයක් සුළුතරයකට තිබ්බට අද කාලේ ඉන්න බහුතරයකට ඒවා ආගන්තුක දේවල්. ඒත් ටික් ටෝක් එක්ක නම් අද බහුතරය මාරම ලෙන්ගතුකමක් ඇති කරන් ඉන්නවා. ඒ ගැන ආයෙ වචන දෙකක් නෑ ඉතින්. මොන දේ වුනත් ඔයා ඔයාගේ ප්‍රතිරූපයට හානියක් නොකර ගන්න තැනට වගබලා ගන්න ඕනමයි.

ඔයා හදා ගත්ත ප්‍රතිරූපය ආරක්ෂා කර ගන්න, ප්‍රතිරූපය වෙනස් විදිහකට ගොඩ නගා ගන්න, ප්‍රතිරූපය නැති කර ගන්න එකත් ඔයාගේ අතේ ම තියන වැඩක් . අන්න ඒ දේ නම් හොදට මතක තියාගන්න. ගොඩක් අයට අමතක වෙන දෙයත් , මතක තියා ගත යුතුම දෙයත් , වැදගත් ම දෙයත් අන්න ඒක තමයි. ටික් ටෝක් කරනවා නම් හොද සිහි බුද්ධියෙන් කරන්න ඕන. තමන් කවුද ? කරන්නේ මොනව ද ? කියන දේ ඔයාට අමතක වෙනවා නම් ඔයා කාන්තාරයක අතරමන් වුනාටත් වඩා අසරණ වෙනවා. කවුරුත් කරන නිසා ඔයා ටික් ටොක් කරන්න ඕනේ නෑ . ඔයාගේ කැමැත්ත, ආසාව ටික් ටෝක් එක්ක නම් කවුරුත් නිසා ඔයා ඒකට තිත තියන්නත් එපා. ඔයාගේ ජිවිතේ අයිති ඔයාට නම් සමාජයට ඕන විදිහට ඔයාගේ ජිවිතේ තීරණ ගන්න එපා. සමාජේ තීරණ ගන්න පළවෙනි නිර්ණායකය කර ගන්න එපා. ලෝකේ පුරාම හැම අස්සක් මුල්ලක් නෑරම ටික් ටෝක් බද්ධ උනා කියන දේ හොදට ම පේනන තියන දෙයක්. ඉතින් අපේ ලංකාවේ තත්ත්වෙත් ඊට දෙවැනි නම් නෑ .එහෙම නේද ? මෙහෙම තත්ත්වෙක ඔයා ඔයාගේ ගැන පමණ ඉක්මවා හිතන්න අමතක කරන්න නම් එපා . ටික් ටොක් කියන අයිස් කුට්ටියේ උඩ තියෙන කොටස ගැන හැමෝම වද උනාට …ඊට යට නොපෙනෙන කොටසකුත් තියෙනවා. අන්න ඒ කොටස ගැනත් ඔයා හැම මොහොතේම හිතන්න.එහෙම නේද ?
ඔයාගේ හිත ඉල්ලන විදිහට ඕන ඕන සින්දු හොයං තාලෙට බැරි නම් ආතල් එකට හරි එහෙට මෙහෙට වැනෙන්න ඔයාට පුළුවන් . ඔයා කැමති නටන්න නම් නටන්න , සින්දු කියන්න කැමති නම් සින්දු කියන්න , රඟපාන්න කැමති නම් රඟපාන්න ……….. මෙන්න මේක තමා ඉතින් ටික් ටොක්වල එකම කෙරුවාව ………..

ඔයාට ජනප්‍රිය වෙන්න ඕනෙද ?

ටික් ටෝක් කරපු , කරන ගොඩක් අය ජනප්‍රිය උනේ අමුතු විදිහකට …. අලුත් ම , වෙනස් ම විදිහකට. සමාජේ ඉන්න අය හරිම වචනෙන් කියනව නම් ලෝකයා ඔයා ගැන නරක කියා කියා කතා කරනවා නම් , අන්න එතැනදී ඔයාට හිතන්න දෙයක් තියෙනවා . ඔයා ගිය පාර හරිද නැද්ද කියන එක. ඔයා තෝර ගත්ත පාර හරි නම් කවුරුත් ඔයාට දොසක් නම් කියන්නෙ ම නෑ .අන්න ඒක නම් ඉර හද වගේ ෂුවර්. ඔයාට වගේම සමාජෙට ම යහපතක් වෙන විදිහට තමයි ඔයා ජනප්‍රිය වෙන්න ඕන . ටික් ටෝක් කරලා ඔයා බලාපොරොත්තු වෙන්නේ හැමෝම අතර ජනප්‍රිය වෙන්න විතරම ද ? ඔයා නටපු නැටුම දැකලා තව කෙනෙක්ගේ ඇස්වලට සතුටක් ගේන්න පුළුවන් නම් අන්න ඔයා දිනුම්. මං මෙහෙම කියන්නම්කො ….අපේ අනන්‍යතාව කියා පාන උඩරට , පහතරට, සබරගමු නැටුමක් කරා නම් .. කී දෙනෙක් ඔයාගේ නැටුම නිසා සතුටු වෙනවාද ?

එක අතකින් ඔයා ඔයාගේ සතුට වෙනුවෙන් විතරක් ටික් ටොක් කරනවා වෙන්න පුළුවන්. ඒත් නොදෙනුවත්ව ම මෙහෙම දෙයක් වෙනවා කියන්නේ ඔයා මාරම පොරක් තමයි ඉතින් .ඔයා සමහරවිට දන්නෙත් නෑ ඔයා හැමෝම අතර කතාබහට ලක්වෙනවා කියන දේවත්. ‘තාක්ෂණයත් එක්ක ගහට පොත්ත වගේ බද්ධ වෙලා ඉන්න අපි , අපේ කම ආගන්තුකයන්ගේ ගොඩට දානකොට . අපිට පුළුවන් ටික් ටොක් එක්ක ඒවා රැකගන්න. ප්‍රශ්න කියන නූල් පන්දුවල පැටලිලා ඉන්න අපිට ටික වෙලාවකට හරි ඒ හැමදේම අමතක කරන්න ටික් ටෝක්වලින් පුළුවන්. මොනවා උනත් ඔයා කැමති ටික් ටොක්වලින් ජනප්‍රිය වෙන්න නම් හොදම විදිහ ඔයා ම තීරණය කරන්න ඕන . ලෝකයේ ගොඩක් රටවල නළු නිළියෝ ටික් ටෝක් කරනවා උනාට ලංකාවේ ටික් ටෝක් කරලා ගොඩක් අය නළු නිළියෝ වෙනවා .
ඔයාගේ ආසාවත් අන්න එකට try නම් කරලා බලන්න .

අපේ දේ රැකගන්න පුළුවන් අය හොයා ගමු

අපේ නැටුම් නටන්න හැමෝටම බෑ . ඒත් ඉතින් ඒකෙ රස ලබන්න අපි කවුරුත් කැමති. ටික් ටොක් එක්ක ඔයාට පුළුවන් ඒ වගේ නැටුම් කරන්න . ඒ රසය විදින්න කැමති අයට ආසාවෙන් ඒ රසය දෙන්න . වෙහෙසකර ජිවිත ගෙවන අයගේ හිතට මෙහෙම දෙයක් කරලා හරි ඔයාට පුළුවන් පුංචි ම පුංචි සතුටක් ගෙනත් දෙන්න.ටික් ටොක් කරන අයට අනිත් අයගේ ආදරේ ආදරෙන් ලබා ගන්න පුළුවන් හොදම විදිහ තමා මේ. මේ එක මිස් නොකර ටික් ටොක් කරන කෙනා මාරයි ඉතින් . අපේ දේ රැක ගන්න පුළුවන් අය කියල මං කිව්වේ අපි වගේ එවයින් ඇත් නොඋන ඒවා එක්කම ජිවත් වෙන අය . අනිත් අය අපේ දේ නැති කරනවා නෙමෙයි. දුරස් වෙනවා . ගෙවන තප්පරයක් ගානෙ වෙන්නේ අන්න ඒ දේ තමයි. ඉතින් ඒ වගේ විශේෂ අය ටික් ටොක්වලින් හොයා ගත්ත්ම අපිට පුළුවන් අලුත්ම ලෝකයක් හදන්න … වෙනස්ම විදිහකට …. නේද ?

ඔයාට ගැළපෙන යාළුවො හොයාගමු

ටික් ටොක් නිසා අලුත්ම යාලුවෝ Set එකක් Set කර ගන්න පුළුවන් . ඕනම රටක , ඕනෑම යාලුවෙක් එක්ක ඔයාට වෙන්නත් පුළුවන්
.මෙතැනදී ඔයා සැලකිලිමත් වෙන්නම ඕන .ඔයාට හම්බුවෙන කෙනාගේ බාහිර ස්වරුපය දැකල එයාව යාලු කර ගන්න ඔයා හිතනවා නම් ..
ඒක ලොකු ප්‍රශ්නයක් ඇති වෙන්න මුදුන් මුල වෙන්න පුළුවන් . බාහිර ස්වරුපය අතරින් එයාගේ අභ්‍යන්තරය දකින්න ඔයා අමතක කරන්න නම් එපා .
ඔයා ඒ දේට දක්ෂ නොවෙන්න පුළුවන් . ඒත් ඒ දේට ඉවක් ඔයා ඇති කර ගන්න ම ඕන . අලුත් යාලුවෝ හොයන් , අලුතෙන් ජිවිතේ පටන් ගන්න හිතන ඔයා මෙතැනදී කල්පනාවෙන් …

tik tok එක්ක අලුත් විදිහට හිතන්න ගැස්ම කියවන ඔයාත් අමතක කරන්න එපා . tik tok account එකක් හදන් අනිත් අයගේ අඩුපාඩු හොය හොය කාලේ ගත කරන්න නම් එපා … tik tok එක්ක ඔයා කැමති විදිහට , අලුත්ම විදිහට ජිවිතේ වෙනස් කර ගන්න…. tik tok ගැන සමාජේ මොන වගේ කතා තිබ්බත් එක තේරුම් අරන් ඒකෙ රස ඔයා විදින්න …. tik tok දිහා වෙනස්ම පැත්තකින් බලන්න .Tik tok රැල්ලේ උන්මාදයට අහු වුන කෙනෙක් නොවී ජිවිතේ අලුතින් design කරන්න…ගැස්ම කියවන ඔයාට මම මේ කිව්වේ පොඩි tips ටිකත් try කරලා බලන්න …

සඳුනි අරවින්දිනී

කටට රසට බටු මෝජුවක් හදාගමු..

editor

බටු මෝජුව කියන්නේ අපි අනිවාර්යෙන් විශේෂ කෑම වේලකදී සාදාගන්න විශේෂ කෑමක්.. ඉතිං අද අපි බලමු කොහොමද හරියටම බටු මෝජුව හදාගන්නේ කියලා..

අවශ්‍ය ද්‍රව්‍ය:

වම්බටු බැදීමට තෙල්

වම්බටු ග්‍රෑම් 500

අමු මිරිස් කරල් 4 ක්

හාල්මැස්සො ග්‍රෑම් 100

කෑලි මිරිස් මේසහැඳි 2

ලුණු මේසහැඳි 1

ඉඟුරු + සුදුළූණු මේස හැඳි 1

විනාකිරි මේස හැඳි 1

වතුර තේ හැදි 3

අඹ චට්නි තේ හැඳි 1 1/2

සීනි මේසහැඳි 1/2

බැදපු වම්බටු

බැදපු අමු මිරිස්

රතු ළූණු ග්‍රෑම් 100

සාදාගන්නා ආකාරය:

තෙල් ටික රත්කරගෙන ඒකට බටුටික එකතු කරලා රන්වන් පාට වෙනකම් බැඳගන්න. ඊට පස්සේ කපා ගත්ත අමු මිරිස් ටිකයි, සෝදාගත්ත හාල් මැස්සො ටිකයි වෙන වෙනම බැද ගන්න.
භාජනයකට කෑලි මිරිස්, ලුණු, ඉඟුරු, සුදුළුණු, විනාකිරි, වතුර, අඹ චට්නි සහ සීනි ටික එකතු කරගෙන මදගින්නේ පිසගන්න .
දැන් ඒකට බැදගත්ත බටු ටිකයි, අමු මිරිස් ටිකයි, රතු ළුණු සහ හාල් මැස්සො ටික එකතු කරගෙන හොඳින් මිශ්‍රකරගන්න. අවසානෙට ටික වෙලාවක් මද ගින්නේ පිසගන්න.

අමුත්තන්ට අලුත්ම විදිහට සංග්‍රහ කරන්න Coconut Eggnog…

editor

ගෙදරට එන අමුත්තන්ට හැමදාම තේ දෙන එකේ වෙනසකටත් එක්ක අලුත්ම drink එකකින් සංග්‍රහ කරන්න තියෙනවනම් ගොඩක් හොඳයි. ඉතිං අපි හිතුවා වෙනස්ම විදියේ ඒ වගේම ලේසියෙන්ම හදාගන්න පුළුවන් Coconut Eggnog එක හදාගන්න හැටි කියලා දෙන්න.




කොකනට් එග්නොග්

අවශ්‍ය ද්‍රව්‍ය:

හෙවි ක්‍රීම් කෝප්ප 1/2
බීට් කරගත්ත බිත්තර 2
පොල් කිරි කෝප්ප 1
ටින්කිරි කෝප්ප 1
කුරුඳු කුඩු මේස හැඳි 1
කරුබු නැටි කුඩු මේස හැඳි 1/2
රම් කෝප්ප 1


සාදාගන්නා ආකාරය:

හෙවි ක්‍රීම් සහ බීට් කරගත්ත බිත්තර විනාඩි 4ක් ඩබල් බොයිල් කරගන්න. 
ඊට පස්සේ ඒකට පොල්කිරි, උකු ටින්කිරි සහ කුරුඳු කුඩු එකතු කරලා හොඳින් මිශ්‍ර කරගන්න.
දැන් ඒකට කුඩු කරගත් කරාබු නැටි සහ රම් ටික එකතු කරගෙන  පිළිගන්වන්න.

1...181920...38 Page 19 of 38