ඇමරිකානුවන්ගේ හදවත දිනාගත් නායකයා Joe Biden…

Name: කොළඹ ඉන්න ඔයාට ඉස්තරම්ම sea food dishes කන්න යන්න හොඳම තැන Red Panda
Rating: 4

මේක ඇමරිකානුවන් විසින් අලුතින් තෝරගත්ත ජනාධිපතිගෙ ජීවිත කතාව. ඇයි Joe Biden මෙච්චර විශේෂ වෙන්නේ? ඇමරිකාවේ හිටපු අනිත් ජන නායකයින්ට වඩා Joe Biden ගේ තියෙන විශේෂත්වය මොකක්ද? කියලා අපි හොයලා බලන්න හිතුවා.

මුළු ලෝකෙම බලවතා කියලා අපි කියන්නේ අමෙරිකාවට. රටේ බහුතරයක් දෙනාගේ ආදරේ දිනාගෙන අමෙරිකානු ජනාධිපතිවරණයකින් දිනනවා කියන්නේ ලේසි පහසු දෙයක් නම් නෙමෙයි. මේ ඔහු ගැනයි.

ළමා කාලේ

Joseph Robinette Biden ඉපදුනේ ,1942 නොවැම්බර් 20 පෙන්සිල්වෙනියාවේ, scranton කියන නගරෙයි.

Biden ගෙ තාත්තා වාහන අලෙවිකරුවෙක් .එත් 1950 scranton නගරේ ඇතිවුණු හදිසි තත්වයක් නිසා හුඟක් අයගේ රැකියා නැතිවුණා. Bidenගෙ තාත්තා පවුලේ අය අරගෙන Delaware යද්දි Bidenට වයස 10 යි.

” පුතේ ඔයා බිමට වැටෙන වාරයක් පාසා ආයිත් නැගිටින්න ” තාත්තා Bidenට හැමවෙලේම කිව්ව දෙයක් .ඒ වගේම Bidenගේ හිතේ තදින් වැදුනු කතාවක්.

අධ්‍යාපනය

පොඩි කාලේ ඉඳලම නිහඬ චරිතයක් වුන Biden නීතිඥවරයෙක් වෙන්න ඉගෙන ගත්තා .University of Delaware හා Syracuse university law school වල උසස් අධ්‍යාපනය සිදුකළා.

පවුල

Syracuse university එකේ ශිෂ්‍යයාවක් වු Neilia Hunter එක්ක ආදර සම්බන්ධයක් පටන් ගත්ත Biden 1965 delaware උපාධි පිරිනැමීමේන් පසු ඇයව විවාහ කර ගත්තා.

හැම දෙයක්ම හිතනවාටත් වඩා ඉක්මනින් සිදු වුණා
-Joe Biden-

Bidenට දරුවෝ තුන්දෙනෙක් හිටියා. Joseph Biden( 1969 ),Hunter Biden ( 1970 ),Naomi Biden ( 1971 )

1972 දී ,ඒ කියන්නේ Biden ට වයස අවු: 29 වෙද්දි democratic පක්ෂයෙන් Delaware ජනපදය නියෝජනය කර ඉතිහාසයේ පස්වෙනි ලාබාලතම සෙනෙට් සභිකයා (senator)වෙන්න පුළුවන් වුණා. හැබැයි මේ සතුට Biden ගෙ ජිවිතේ මාසයක කාලයක්වත් තිබුනේ නෑ. senator කෙනෙක් වෙලා මාසයක් යන්න කලින් Bidenගේ බිරිඳ හා එකම දුව Naomi රිය අනතුරකින් අවසන් ගමන් ගියා. හදිසියේම සිදුවූ මේ අනතුර නිසා Biden ගොඩක් මානසිකව ඇද වැටුණා.

මං ගොඩක් තරහින් හිටියේ ,මං හිතුවා දෙවියන් මගේ ජීවිතෙත් එක්ක සෙල්ලම් කරනවා කියලා
– Joe Biden –

අනතුර නිසා බරපතළව තුවාල වුණු පුතුන් දෙදෙනාත් බලාගෙන ජීවිතේ ඉස්සරහට ගෙනියන්න Biden තීරණය කරා. 1973 ජනවාරි 03 Biden සෙනෙට් සභිකයෙකු විදිහට දිවුරුම් දුන්නේ තම පුතාගේ ලෙඩ ඇඳ ඉස්සරහා. මේ සිදුවීම දැකපු හැමෝගෙම ඇස් වලට කඳුලක් එක් කරා.

කාර්යබහුල දේශපාලනික ජීවිතයත් එක්ක අවුරුදු පහක්ම පුතුන් දෙදෙනා රැකබලාගෙන ,පිය සෙනෙහස නොඅඩුව ලබාදෙමින් සිටී Biden ගේ ජීවිතයට අලුත් එළියක් වුණේ,
Jill Jacob. ඒ 1977 කැඩී විසිරී ගිය Biden ගෙ පවුලට අලුත් බලාපොරොත්තුවක් එක්කරමින්. ඇය Hunter හා Beau ට හොඳ අම්මා කෙනෙක් වුණා.

දේශපාලනික ජීවිතය

Biden ට වයස අවුරුදු 65 දී Barack Obama ගේ running mate විදියට වාර දෙකක් ම එක දිගට 47 වෙනි ඇමරිකානු උප ජනපති තනතුර දරන්න හැකි වුණා. 2017 Biden ගේ දක්ෂ පරිපාලනය නිසාම Barack Obama ,Biden ට Medal Of Freedom පදක්කම ලබා දුන්නා.

ඉන් අනතුරුව 2020 ජනාධිපතිවරණයේදී Joe Biden විසින් එදා මෙදාතුර ඇමරිකානු ජනාධිපතිවරණයකදී එක් අපේක්ෂකයෙකු ලබාගත් වැඩිම ඡන්ද සංඛ්‍යාව ලබා ගනිමින් ඇමරිකානු 46 ජනාධිපතිවරයා බවට පත්වුණා.

Joe Biden 2020 ඇමරිකානු රාජ්‍ය තාන්ත්‍රිකයා බවට පත්වෙන්නේ වාර්තා කිහිපයක්ම පිහිටුවමිනුයි. ඒ, අමෙරිකාවේ ජනාධිපති වූ වයස්ගත පුද්ගලයා වීමෙන් සහ අවු :28 කට පස්සේ ඇමරිකාවේ හිටපු ජනපති කෙනෙකුට දෙවැනිවර ජනපතිවරණ ජය අහිමි කරපු අපේක්ෂකයා වීමෙන්.

වේදනාකාරී ජීවිතයක සැබෑ අත්දැකීම් විද ඇති පුද්ගලයෙක් විදියට Joe Biden,සමස්ත ඇමෙරිකානුවන්ගේ වේදනාවන් සුව කිරීමේ අධිෂ්ඨානයෙන් තම ජනාධිපති ගමන ආරම්භ කර තියෙනවා …

ගැස්ම අපි ශ්‍රී ලාංකිකයින් විදියට ඔහුගේ ඉදිරි ගමනට සුබ පතනවා!!!!

(නිමාෂි පෙරේරා )

අලුත්ම තාලේ කොත්තුවක රස බලන්න යන්න හොඳම තැන Kottu Labs…

editor

කොත්තු කියන්නේ ලංකාවේ ගොඩක් අය කන්න කැමති කෑමක් කිව්වොත් හරියටම හරි. Kottu Labs කියන්නේ කොත්තුවලට ප්‍රසිද්ධ හැමෝම දන්න තැනක්. කොත්තුවල තියන රස නිසාම මෙයාලට ගොඩක් ලොකු fan base එකක් ඉන්නවා. ඒ වගේම HACCP International Certification for Food Safety එක තියෙන ලංකාවේ එකම restaurant එක තමයි Kottu Labs. පිරිසදු වගේම ආහාරයට ගන්න ඉතාමත් හොඳ ආහාර තමයි මෙයාලා පිළගන්වන්නේ. ඉතින් ගැස්මට ආරංචි වුණා මෙයාලගේ menu එකට අලුත් dishes වගයක් add කරලා කියලා. ඉතින් අපි ගියා ඒ dishes try කරලා බලන්න.

Starters

Pineapple Fries (LKR 400)

ලංකාවේ අපි ගොඩක් දෙනෙක් කැමති savoury සහ sweet combination එකට. Kottu Labs එකෙන් පිළිගන්වන Pineapple Fries එකනම් නියමයි. කන්න වෙලාව ගියත් හොඳ රසට හැපෙන සුළු ආකරයට තිබුණ එක ගැන අපි ඇත්තටම පුදුම වුණා. Fries එකත් එක්ක දුන්න බාබකියු සෝස් එක ඇත්තටම මේ dish එකට නියම සංයෝජනයක් වුණා කිව්වොත් නිවැරදී.

Mains

Kottu Rice – Chicken (LKR 699)

ශ්‍රී ලාංකික ෆ්‍රයිඩ් රයිස් වලට මේ Kottu Rice එක සාදාරණයක් ඉෂ්ඨ කලා කිව්වොත් හරියටම හරි. මෘදු ලෙස පිසගත් බත්, හොඳින් පදම් කරගත්ත ඩෙිවිල් චිකන්, අච්චාරු සහ බැදපු බිත්තරයක් එක්ක තමයි මේ Kottu Rice එක අපිට පිළිගැන්වූයේ. devilled chicken එකට ගානට පදමට කුළුබඩු එකතු කරලා රසවත් ආකාරයෙන් සදා තිබුණා. අච්චාරු එකත් හොඳ හැපෙනගානට තිබුණා. ඒ වගේම බිත්තරයත් හොඳින් ගානට බැදලා තිබුණා. කොත්තුම කන එකේ වෙනසකටත් එක්ක කොත්තු රයිස් එක try කරලා බලන්නකො. ඔයාලා අනිවාර්යයෙන් කැමති වේවි.

Beef Parata Meal (LKR 900)

පෞද්ගලිකවම, මම හොඳ පරාටා වලට කැමතියි. හොඳින් පිසගත්තු devilled chicken එකේ කුඵබඩු පදමට යොදාගන තිබුණා . ඒ වගේම පරාටත් මෘදුයි. හපන්නත් ලේසී. හොඳින් ගාණට බැදගත්තු බිත්තරයත් නිසා මේ dish එක තවත් රසවත් .

Cheese and Chicken Ham Roti Sandwich (LKR 649)

ultimate comfort food එකක් වශයෙන් මේ Cheese and Chicken Ham Roti Sandwich එක හඳුන්වන්න පුළුවන්. චීස් එකත් ගානට melt වෙලා chicken ham එකත් එක්ක එකතු වෙලා එන රසය හරියට දිව්‍යලෝක රසය වගේ. පරාටත් මෘදුයි ඒ වගේම කන්නත් පහසුයි. පරාට වලට ආස මට මේක අලුත් අත්දැකීමක් වුණා.

Ice Cream Kottu (Price TBC)

ඔව් මේ කොත්තු එක ගැනනම් කියාගන්න වචන නැහැ. Kottu Labs එයාලගේ menu එකට අලුතින් එකතු කරපු dessert එක තමයි මේ Ice Cream Kottu එක. මේ dessert එක මුලින්ම try කරන්න වාසනාවන්තයෝ වුණේ අපි. ස්වාභාවික මී පැණි යොදාගන බැදපු candied roti, වැනිලා අයිස්ක්‍රීම් එක උඩින් දාපු චොකලට් සොස් එක්ක ලැබෙන මේ dessert එකේ දිව්‍යමය රසයත් තමයි තියෙන්නේ. candied roti එක එච්චර පැණිරස වුණේ නැහැ. ඒ වගේම හොඳ crispy එකට roti එක තිබුණා. හොඳ portion එකක් ලැබෙනවා වගේම ඔයාට පුළුවන් යාළුවො එක්ක බෙදාගනම enjoy කරන්න. මේ dessert එකට ලකුණු 10/10ම දෙන්න පුළුවන්.

Ambience

Kottu Labs එකේ වාතාවරණය ඇත්තටම ප්‍රසන්නයි. ඔයාගෙ යාළුවො එක්ක ගිහින් හවසට පොඩ්ඩක් enjoy කරන්න, කතා කරන්න මේ environment එක ඇත්තටම ගැළපෙනවා. ඒ වගේම මෙහි කාර්යමණ්ඩලයද ඇත්තටම මිත්‍රශීලී, ආචාරශීලී. ඒ වගේම අපිට අවශ්‍ය වුණොත් උපකාර කරන්න ඕනම අවස්ථාවක එයාලා සූදානම්.

වයසට ගියත් තරුණ පෙනුමට ඉන්න කැමතිද..?

editor

අපි වයසට යන්න යන්න අපේ සම රැලි වැටෙන්න ගන්නවා. සමහර පුද්ගලයින්ගේ අඩු වයසින්ම සම රැලි වැටෙන්න පටන්ගන්නවා .වයසට වඩා වයස පෙන්න ගන්නවා.මේ හේතුව නිසා ගොඩක් දෙනෙක් අපහසුතාවයට පත්වෙන අවස්ථා බොහොමයක් නැතුවම නෙවෙයි.

නළු නිළියන්,නිරූපිකාවන් කොච්චර වයසට ගියත් ඒ අයගේ සම තරුණ පෙනුමකින් තියෙන්නේ කොහොමද කියලා ඔයා ප්‍රශ්ණ කරනවා ඇති. ඔයාට වයස අවුරුදු 40 දී හොඳ පෙනුමක් ලබා ගැනීමට අවශ්‍ය නම්, ඔයා ඒ සදහා වයස අවුරුදු 20 දී වැඩ කිරීමට පටන් ගන්න එක අනිවාර්යයි.

සමබර ආහාර වේලක් සඳහා යොමුවෙන්න.

අපි ගන්න ආහාරවල අවසාන ප්‍රතිඵලය අපේ සම හරහා පෙනෙන්න ගන්නවා.ස්වාභාවිකවම දීප්තිමත් සමක් බොහෝ විට ඔබ ගන්න ආහාර වලින් තමයි ආරම්භ වෙන්නේ. කිරි, බිත්තර, මාළු, මස් සහ සෞඛ්‍ය සම්පන්න ධාන්‍ය වර්ග අඩංගු ඉහළ ප්‍රෝටීන් සහිත ආහාරයකින් සමේ පැවැත්ම වැඩි කරගන් පුළුවන්. ප්‍රෝටීන් ඔබේ කොලජන් මට්ටම ශක්තිමත් කරනවා . පලතුරු, එළවළු සහ ඔමේගා -3 අඩංගු ආහාර ඔබේ එදිනදා ආහාර වේලට එකතු කරගන්න අමතක කරන්න එපා.

ඔයාට හැකි තරම් හිරු එළියට නිරාවරණය වීමෙන් වළකින්න

ලංකාව කියන්නේ හිරු එළිය ටිකක් තදට වැටෙන රටක්නේ. ඉතින් හැමදාම හිරු එළියට නිරාවරණය වන අපේ සම වියළිලා කාලයක් යනකොට වයස පෙනුමක් ගෙන එන එක පුදුමයක් නෙවෙයි.හිරු එළියේ පාරජම්බුල කිරණ අඩංගු නිසා උදේ 10 සිට සවස 3 දක්වා හිරු එළියට නිරාවරණය වෙන්නේ නැතිව ඉන්න එක තමයි වාඩාත්ම හොඳ. ඔයා නිවසින් එළියට යනකොට පුළුල් තොප්පියක්, අව් කණ්ණාඩි සහ කුඩයක් රැගෙන යාමට අමතක කරන්න එපා.

සෑම දිනකම ඔයාගේ සම පැහැපත් කර පිරිසිදු කරන්න

හැමදාම makeup භාවිතා කරන අය ඒවා හරියට පිරිසිදු කර මුහුණෙන් ඉවත් කරනනේ නැති වුණහම කාලයක් යනකොට මේක සමට බලපාලා සම වියළෙන්න ගන්නවා. සමේ එක එක rashes,බිබිළි වගේ දේවල් ඇතිවෙන්න ගන්නවා. මේ නිසා අනිවාරයයයෙන් තමන් makeup භාවිතා කරන කෙනෙක්නම් ගෙදර ආවට පස්සේ හොඳට සම පිරිසිදු කරගන්න වගබලා ගන්න.රූපලාවණ්‍යාගාරයකට සති දෙකකට වතාවක් වගේ ගිහින් තමන්ගේ මැරුණු සම ඉවත්කරගන්න කටයුතු කරන්න . ඒ වගේම ඔබේ සමට ගැළපෙන cleanser එකක් සහ toner එකක් භාවිතා කරන්න.

සෑම විටම ඔයාගේ සම වියළෙන්න නොදී තබාගන්න

අපි ගොඩක් දෙනෙක් හැමදාම රැකියාවට යන, නැත්තම් තමන්ගේ දරුවාත් එක්ක එළිමහනේ කාලය ගතකරන්න වෙන කාලසටහනක තමයි දවස ගෙවන්න වෙලා තියෙන්නනේ.ඉතින් උදේ ඉදන් හවස් වෙනකන් හිරු එළියට උෂ්ණත්වෙට අපේ සම නිරාවරණය වෙන එක අපිට නවත්තන්න බැරි දෙයක්. ඒ විදිහට සම උෂ්ණත්වයට නිරාවරණය වෙන්න ගත්තහම සමේ තිබෙන තෙතමනය නැතිවෙලා යනවා. ඒ නිසා සම හොඳටම වියළෙන්න ගන්නවා.එතකොට සම නිකන්ම රැලි වැටෙන්න පටන්ගන්නවා.

මේ නිසා අනිවාර්යයෙන් ඔයාගේ සමේ තිබෙන තෙතමනය රදවා තබාගන්න කටයුතු කරන්න. ඒ සඳහා කෝමාරිකා සහ කහ වැනි ස්වාභාවික, පෝෂ්‍යදායී අමුද්‍රව්‍ය අඩංගු cream එකක් තෝරා ගන්න වග බලා ගන්න. ඒ වගේම olive oil කියන්නෙත් සමේ තෙතමනය රදවා ගන්නා පුළුවන් oil එකක් .මෙය සම සීතල කරන්න ගොඩක් උපකාරී වෙනවා.ඒ වගේම මතක තියාගන්න ඔයා මුහුණ සෝදාගත් වහාම moisture එකක් භාවිතා කරන්න . ඉතින් හැමදාම එළියට යනකොට moisture cream එකක් bag එකේ දාගන යන්න අමතක කරන්න එපා.

සම පිරිසිදු කිරීමේ පිළියම් තරුණ වියේදීම පටන්ගන්න

තමන්ගේ ගෙවත්තෙන්ම සම හොඳින් පවත්වාගන යන්න අවශ්‍ය කරන ගුණාත්මක දේවල් හොයාගන්න හැකියාව තිබෙනවා.කස්තුරි කහ කියන්නේ වෛද්‍යමය වශයෙන් රූපලාවණ්‍ය සදහා නිර්දේශ කරලා තිබෙන බෙහෙතක්. කස්තුරි කහ දකුණු ආසියාවේ සියවස් ගණනාවක් පුරාවටම ආයුර්වේද රූපලාවණ්‍ය සදහා භාවිතා කරපු දෙයක්. එහි තිබෙන පුදුමාකාර antioxidant ගුණය සම වයසට යන එක නවත්තන්න කටයුතු කරනවා.

සතියකට අවම වශයෙන් දින 5 ක් වත් work – out කරන්න

ඔබේ සම පිටතින් දීප්තිමත් කිරීමට නම් ඔබේ ඇතුළත පිරිසිදු කරගැනීම අනිවාර්යයි. ඔබේ රුධිර ප්‍රවාහයේ වැඩි වීම, සමේ සෛල පෝෂණය කිරීමට වගේම මැරුණු සෛල ශරීරයෙන් ඉවත් කිරිමට කටයුතු කරනවා. ව්‍යායාම ශරීරය නීරෝගීව පවත්වාගන යාමට බෙහෙවින් උපකාරී වෙනවා. මේ නිසා සතියට දින 5ක්වත් ව්‍යායාම වල නියැළෙන්න කටයුතු කරන්න .

සතුටු වන්න!

එදිනදා ජීවිතයේ අපි ගොඩක් කාර්යබහුලයි.ආතතිය,පීඩනය මැද තමයි අපි හැමදාම වැඩකටයුතු කරන්නේ. මේ දේ ඇත්තටම අපේ සෞඛ්‍ය සම්පන්න ජීවන රටාවට හොඳ නැහැ. මේ විදිහට පීඩනයෙන් ඉන්න එක අපේ භාහිර පෙනුමට බලපානවා.සමේ තිබෙන ගැටළු වැඩි කරනවා. මේ නිසා පුළුවන් උපරිමෙන් හිත සතුටින් තියාගන්න ජීවිතය විදින්න . වයස අවුරුදු 40 වෙනකොටත් තරුණ පෙනුම රැකගන්න අදම කටයුතු කරන්න.

කොරෝනා වෛරසය රටම ගිලගන්න කළින් මේ ලිපිය අනිවාර්යයෙන් කියවන්න…

editor

කොරෝනා අපි හිතුවෙවත් නැති විදිහට ආපහු මුළු රටම ගිලගෙන ඉවරයි. ගොඩක් වෙලාවට මිනිස්සුන්ගේ කිසිදු පරිස්සමක් නැතිකම නිසා තමයි මේ රෝගය හිතාගන්නවත් බැරි විදියට නැවතත් සමාජගත වුණේ. කොහොමින් කොහොම වුණත් අපි පරිස්සම් වුණොත් තමයි අපිට මේ වෛරසයෙන් අපිට බේරෙන්න හැකියාව තියෙන්නේ කියලානම් මතක්කළ යුතුමයි.

මේ කොරෝනා වෛරසය අපිට බෝ වෙන්නේ මෙ‍හෙමයි . කොවිඩ් -19 මිනිසුන්ට විවිධාකාර ලෙස බලපානවා. ගොඩක් දෙනෙක්ගේ රෝග ලක්ෂණ පෙන්නන්නේ නැති තරම් වුණත් සමහර අයට සති ගණන් රෝහලේ ඉන්න සිද්දවෙනවා. කොරෝනා වෛරසය අපගේ මුඛය නාසය සහ ඇස් මගින් ශරීරයට ඇතුළු වෙනවා. ඊටපස්සේ වෛරසය සාමාන්‍යයෙන් නාසයේ, උගුරේ, ස්වසන මාර්ගයේ හෝ පෙනහළුවල පෙනෙන සෛල වලට සම්බන්ධ වෙනවා. ඒ වගේම බහුතරයක් දරුණු විදිහට උණ කැස්ස හා හුස්ම ගැනීමේ අපහසුතාවයන්ට ලක්වෙනවා. ඒ වගේම කුඩා රුධිර නාල වලට හානි කරන්න වෛරසයට හැකියාව තිබෙනවා. ඔක්සිජන් රුධිරයට ඇතුළු වන ඉතා කුඩා වායු බෑග් වලට තමයි ඇල්වෙයෝලි කියන්නේ. ඇල්වෙයෝලි වලට මෙය වැළදුනොත් නිව්මෝනියා තත්ත්වය ඇති වෙනවා. බරපතල ලෙස අසනීප වූ පුද්ගලයෙකුට ඔක්ස්ජන් පවා ලබා දෙන්න සිදුවෙනවා. කොහොම වුණත් කොවිඩ් – 19 පෙනහළුවලට පමණක් නෙවෙයි බලපාන්නේ. අපේ ශරීරයේ අසනීප තත්ත්වයේදී ක්‍රියා කරන ප්‍රතිශක්තීකරණ පද්ධතියටත් බලපෑමක් ඇතිකරනවා. ප්‍රතිශක්තීකරණ පද්ධතියේ ඇති කොටසක් වන සයිටොකයින කියන්නේ ආසදනය සොයාගෙන සංඥාව නිකුත් කරන කොටසට.

කොවිඩි – 19 දරුණු ලෙස වැළදුනු සමහර පුද්ගලයින්ගේ මෙම පද්ධතිය අධික වේගයෙන් ක්‍රියා කරනවා. ඕනවට වඩා සයිටොකයින ගොඩනැගුනොත් එයින් නීරෝගිමත් සෛලවලට හානි සිදුවෙනවා. මෙය බොහෝ විට සයිටොකීන් කුණාටුවක් ලෙස හැඳින්වෙනවා. Covid-19 මගින් හදිසි ආබාධ හෝ කෝමා තත්වයට පත්කිරීමේ හැකියාව පවතිනවා. ඒ වගේම හදිසි ආබාධ වලට හේතුවෙන මොළයේ ගැටළු ද ඇතිකරනවා‍. ප්‍රතිශක්තීකරණ පද්ධතියේ අධික ක්‍රියාකාරිත්වය නිසා මොලයේ කොටස් වලට රුධිර සැපයුම අවහිරවන වන කැටි ගැසීම් ඇතිවෙනවා. බරපතල රෝගියෙකුට මොළයේ ප්‍රදාහය, මනෝභාවය සහ ඩිමෙන්ශියාව වැනි රෝග ලක්ෂණ ඇතිවෙනවා. රෝගයේ සාමාන්‍ය දින ගණන දින 14 ක් වුණත් බොහෝ පුද්ගලයන්ට ඊට වඩා දින ගණනක් රෝග ලක්ෂණ පෙන්නුම් කරනවා. හුස්ම ගැනීමේ ගැටළු සහ පසු වෛරස් තෙහෙට්ටුව සමහර අවස්ථාවල මාස ගණනක් පවතිනවා. මෙම රෝගය දරුණු ලෙස බලපාන්නේ වයසක පුද්ගලයන්ට සහ වෙනත් රෝගී තත්ත්වයන්ගෙන් පෙළෙන පුද්ගලයන්ට. කොවිඩ් -19 වෛරසය වැළඳෙන තෙක් ඕනම කෙනෙකු එයට ප්‍රතික්‍රියා කරන්නේ කොහොම ද කියලා හරියටම කියන්න බැහැ. දැන් තේරෙනවා ඇති නේද මේ වෛරසය කොතරම් බරපතල බලපෑමක් මිනිසාට සිදුකරනවාද කියලා.

එහෙත් ඔබ පහත ආකාරයට සෞඛ්‍ය පුරුදු පිළිපැදුවහොත් කොරෝනා වෛරසයෙන් බේරෙන්න හැකියාව තිබෙනවා.

01-නිතරම නිසි ප්‍රමිතියෙන් යුතු පිරිසිදු මුඛ ආවරණ පැළදීම.

02-අසනීප පුද්ගලයන් වෛද්‍ය මුඛ ආවරණයකුත් හොඳ සෞඛ්‍ය සම්පන්න පුද්ගලයින් තුන් පොට යෙදූ රෙදි මුඛ ආවරණ භාවිතා කිරීම.

03-සමාජ දුරස්ථභාවය හැමවිටම පවත්වා ගැනීම

04-නිවසේවල නිරෝධායනය වන පුද්ගලයින් සිටී නම් ඔවුන්ට උපස්ථාන කිරීමට එක් නිරෝගී පුද්ගලයකු පමණක් ඉදිරිපත්වීම හා අනෙක් අය දුරස්ථභාවය රැකගෙන නිසි සෞඛ්‍ය ආරක්ෂණ ක්‍රම පිළිපැදීම.

05-සෑම විටම අත හොඳින් සබන් යොදා හෝ සනීපාරක්ෂක ද්‍රාවන යොදා පිරිසිදු කිරීම.

06-නිතරම මුහුණ, කට හා නාසය ඇල්ලීමෙන් වැළකි සිටීම.

07-සංචරණය අවම කිරීම.

08-අත්‍යවශ්‍ය කටයුත්තකට හැර නිවසින් බැහැර නොයාම.

09-අධික සෙනග ගැවසෙන තැන්වලට නොයාම.

10-ප්‍රතිශක්තිය වැඩිකරගැනීමට සෞඛ්‍ය සම්පන්න සමබර ආහාර භාවිතය.

11-වතුර පානය කිරීම – වැඩිහිටි පුද්ගලයෙකු නම් දිනකට වීදුරු 8ත් 10ත් අතර ප්‍රමාණයක්.

12-හොඳින් නිදා ගැනීම හා අධිකව තෙහෙට්ටු නොවී විවේකීව සිටීම.

13-හොඳින් ව්‍යායාම වල නිරත වීම හා මත්පැන්/දුම්වැටි භාවිත නොකිරීම.

මේ වෙනකොට ආසාධනය වූවන්ගේ සමීපතමයින්ට නිවාස වලම නිරෝධායන වෙන්න කියලා දැනුම් දීලා තිබෙනවා. නිවාස වල නිරෝධායනය වන පුද්ගලයන් වෙනමම කාමරයක සිටිය යුතු බවත් එම නිවසේ අනෙකුත් පුද්ගලයන් සමග දුරස්ථභාවය රැකගත යුතුබවත් දන්වා සිටිනවා. ඒ වගේම නිරෝධායන නීති කඩකරන පුද්ගලයන්ගේ නිශ්චල හා චංචල දේපල නිරෝධායන නීතිය යටතේ මුද්‍රා තැබීමට හෝ පොලිසිය භාරයට ගැනීම සිදුකරන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසා තිබෙනවා.මෙරට වාර්තාවන කොරෝනා ආසාදිත පුද්ගලයන්ගේ ශීඝ්‍ර වර්ධනයක් පෙන්නුම් කිරීම නිසා සෞඛ්‍ය අංශ මහජනතාවට කොරෝනා මර්ධන සෞඛ්‍ය නිර්දේශයන් නිසි අයුරින් පිළිපදින ලෙසට දන්වා සිටිනවා.

ඉන්දියානු High Tea වල රසවත් අත්දැකීම විඳගන්න යන්න හොඳම තැන Indian Summer…

editor

ඉන්දියානු ආහාර වලින් සමන් විත High Tea ඔයාලා try කරලා තියෙනවද? Indian Summer එකෙන් දැන් රුපියල් 2300 ඉන්දියානු රසම රස කෑම වර්ග 23 ක් එකතු කරලා whopping 43 piece platter එකක් ලබා දෙනවා. ඒ වගේම high tea එකට ඔයාට තෝරගන්න පුළුවන් දිල්මා තේ වර්ගයක්, ගෙදර හැදූ මසාලා චයි හෝ කෝපි. මේ high tea එක පහසුවෙන්ම දෙන්නෙක් හෝ තුන්දෙනෙක් අතර බෙදාගන්න හැකියාව තිබෙනවා. ඉතිං අපි හිතුවා මේ Indian Summer එකේ තියෙන් high tea එක try කරලා ඔයාටත් ඒ ගැන කියන්න.

Non-Vegetarian Mains

මේ platter එකේ Chicken Lollipop, Butter Chicken Sandwich, Chutney Egg Pattice සහ Chicken Pattice, Chicken Spring Roll, Kathi Roll, Samosa Chicken, Fish Koliwada, Malai Tikka Tandoori Chicken Tikka-Chicken Seekh Kebab තමයි තියෙන්නේ.

Chicken Lollipop

මේ කුඩා ප්‍රමාණයේ Chicken Lollipop එක හොඳට හැපෙන රසවත් කුකුල් මස් bite එකක් වුණ අතර ඇත්තටම අපි මේකට ගොඩක් කැමති වුණා. එකක් කෑවහම තවත් කන්න හිතෙන තරම් රසයක් මේකේ තිබුණා.

Butter Chicken Sandwich

Butter Chicken Sandwich මේ තියෙන්නේ මොවුන්ගේ තවත් විශේෂ සොයාගැනීමක් කිව්වොත් හරියටම හරි. මේ සැන්විඩ්ච් එකේ බටර් කුකුල් මස් කැබලි, ක්‍රීම් සෝස් සහ සලාද කොළ තිබුණා. අපි ආයෙත් මේ සැන්විඩ්ච් එක කන්නනම් අනිවාර්යයෙන් යනවා

Chutney Egg Pattice and Chicken Pattice

මෙම පැටිස් වලට කුළුබඩු තව වැඩියෙන් යොදලා රස වැඩි කරානම් හොඳයි කියලා තමයි අපිට හිතෙන්නේ.

Chicken Spring Roll

Chicken Spring Roll චිකන් ස්ප්‍රිං රෝල් වල රසය සාමාන්‍ය වුණත් අපි එයට කැමති වුණා. අපට මේ Spring Roll ගැන විශේෂ කිසිවක් කියන්න නැතිවුණත්, හොඳින් පිසගත් කුකුල් මස් නිසා කන්න ආසාවක්නම් ඇතිවුණා.

Kathi Roll

පරාටා වලින් ඔතා ඇති ගොඩක් රසවත් කෙබාබ්, හොඳ හැපෙන සුළු ගතියෙන් තිබුණා. තව එකක් තිබුණානම් හොඳයි කියලා අපිට හිතුනා.

Kathi Roll

මෙය අපි සාමන්‍යයෙන් කන සමෝසා එකම තමයි. හොඳ පිරවුමක් එක්ක මේ සමොස එක පිළිගන්වලා තිබුණා. විශේෂ යමක් තිබුණේ නැති වුණත් කෑමට ප්‍රියයි.

Fish Koliwada

මේකත් අනිත් කෑම වගේම ගොඩක් රසවත්. මේ Fish Koliwada එකට ඔයාලත් අනිවාර්යෙන් කැමති වෙනවා.

Malai Tikka-Tandoori Chicken Tikka-Chicken Seekh Kebab

කුකුල් මස් තුන් ආකාරයෙන් හදලා තිබෙන මේ කෑම එකත් මාරම රසයි. මෙවගින් ඇතිවෙන්න කන්න හිතෙනවා. ඉතින් අපි තවත් oder කලා. Indian Summer එකට ගියාම අනිවාර්යෙන් ඔයත් මේ කෑම එක try කරන්න අමතක කරන්න එපා.

Vegetarian Mains

මේ platter එකේ නිර්මාංශ ආහාර වර්ග 6ක්ම එයාලා පිළිගන්වනවා.

මේ platter එකේ Samosa Veg, Bhajiya, Chili Mili Kebab, Batata Wada, Cheese Corn Balls, Veg Sandwich තමයි තියෙන්නේ.

Samosa Veg

සමෝසා එක platter එකේ තිබුණ හොඳම කෑමක් කියන්න බැහැ. එළවළු පිරිමක් එක්ක සාදා තිබුණත් අපිට හරිම රසවත් කියන්න තරම් දෙයක් එකෙ තිබුණෙ නැහැ.

Bhajia

රන්වන් පාටට හැපෙන සුළු විදියට බැදලා තිබුණ Bhajia එක රසවත් නිර්මාංශ ආහාරයක් .

Chili Mili Kebab

සෞඛ්‍ය සම්පන්න පැත්තෙන් කෙබාබ්, අර්තාපල්, නිවිති සහ අනෙකුත් නිර්මාංශ-හිතකාමී අමුද්‍රව්‍ය මෙම රසවත් බයිට් ප්‍රමාණයේ Chili Mili Kebab සෑදීම සඳහා යොදාගන තිබෙනවා.

Batata Wada

මේ බටටා වඩා එකේ කියන්න තරම් රසයක් නැහැ.

Cheese Corn Balls

මේ Cheese Corn Balls තමයි platter එකේ රසවත්ම කෑම. ඒ ටික කොහෙන් ගියාද කියන්න නැහැ. ඇත්තටම හරිම රසවත්.

Veg Sandwich

මේකත් non- vegi Sandwich එක වගේම රසවත්. සමස්ත රසයටම අපි කැමති වුණා.

Dessert

මේ platter එකේ Kheer, Sheera, Baked Yoghurt, Gajar Halwa, Brownie, Gujiya තමයි තියෙන්නේ.

Kheer

Kheer කිරි, සීනි සහ සහල් එකතු කරලා තිබුණ Kheer එක ඇත්තටම අපිට ලොකු සංග්‍රහයක්.

Sheera

Sheera එකනම් ඇත්තටම ගොඩක් රසවත්. මෙයට ගිතෙල්, සීනි, කජු සහ ඇට වර්ග හොඳට දාලා රසවත්ව හදලා තිබුණා.

Baked Yoghurt

මේකනම් දිව්‍යමය පානයක් වගේ . කිරි සහ ක්‍රීම් යෝගට් කුඩා වීදුරුවක දාමා හපන්නට ආමන්ඩ් සහ පිස්ටා ගොඩක් අපිට ලබා දුන්නා.

Gajar Ka Halwa

Gajar Ka Halwa ඔයාලා carrot වලට කැමති ඇති කියලා අපි හිතනවා. ඔයා කැරට් අතුරුපසට කැමති නැති වුණත් විශ්වාස කරන්න මේක ඇත්තටම රසවත්. ඔයා මේක බිව්වා කියලා කොහොමවත් පසුතැවිලි වෙන එකක් නම් නැහැ.

Brownie

Brownie එකත් හොඳයි . Complaints කරන්න කිසිදෙයක් නැහැ. හොඳම part එක තමයි Indian twist එක. ගුණයෙන් පිරුණූ nuts ඔයාට crunch එකක් ලබා දෙනවා. මේක සාමාන්‍ය Brownie එකකට වඩා ගොඩක් වෙනස්. ඇත්තටම රසවත් . ඒ වගේම ගුණවත්.

Gujiya

අපි හිතුවේ වැරදිලා මේ කෑම එක අපිට ගෙනත් දීලා කියාලා. Gujiya එක නිකන් මාළු පැටියෙක් වගේ. පැණි රසට කැමති ශයාටම තමයි මේ අතුරුපසනම් තියෙන්නේ. පොලුයි හකුරුයි දාලා තමයි හදලා තියෙන්නෙ. අපි ඇත්තටම කැමති වුණා මේ අතුරුපසට.

Ambience

Indian Summer කියලා කියන්නේ party එකක් වගේ private events වලට හොඳම තැනක්. ඔවුන්ගේ උඩුමහලේ නවීන පන්නයට සෑදූ භෝජනාගාරයක් අපට දැකගන්නට පුළුවන් වුණා. එයාට සාම්ප්‍රධායික ආසියානු බවකුත් එක්කර තිබීම විශේෂත්වයක්. ඒ වගේම එළිමහන් භෝජනාගාරයක්ද මෙහි තිබූ අතර පවතින කාලගුණය සහ ඒ අවට ඇති කලබලයත් එක්ක එක එක්කෙනාට තමන්ගේ කැමැත්ත අනුව මෙය තෝරගන්න පුළුවන්. කෙහොමවුණත් අපි මෙහි ඇතුලත භෝජනාගාරයට වඩාත් කැමති වුණා. ඔවුන්ගේ පාරිභෝගික සේවයනම් විශිෂ්ටයි! හැම කෙනෙක්ම අපගේ හැම අවශ්‍යතාවකටම කිසිදු පැමිණිලි කිරීමකින් තොරව උදව් කළා. ඉන්දියානු ආහාර ගැන ඔබට කිසියම් ප්‍රශ්නයක් ඇත්නම් ඔවුන්ගෙන් අහලා දැනගන්නත් පුළුවන්. ඔවුන්ගේ දැනුම සහ සූපශාස්ත්‍ර ශිල්පය ඔබ සමඟ බෙදා ගැනීමට ඔවුන් ඇත්තටම කැමතියි.

දණහිසේ සහ වැලමිටේ ඇති අඳුරු පැහැය ගෙදරදීම ලේසියෙන් ඉවත් කරගමු …

editor

ගොඩක් වෙලාවට අපි හැම වෙලේම බලන්නේ මූණ ලස්සනට තියාගන්න. ඒ වුණාට ශරීරයේ අනිත් තැන්වලට දෙන අවධානය අවමයි. අපි හැමවෙලේම හිතන්නේ මූණ ලස්සනට තියාගත්තොත් ඇති කියලා. Black spot කියන්නේ අපිව අපහසුතාවයට පත් කරන තවත් දෙයක්. කලින් කිව්වා වගේ මුහුණේ ඇතිවෙන Black spot ඉවත් කරන්න අපි නොයෙකුත් treatment කරනවා. ඒ වුණාට දණහිස සහ වැලමිට කලුපාට වෙන එකට අපි කීයෙන් කීදෙනෙක් treatment කරනවා ඇතිද. ගොඩක් දෙනෙක් full body treatment කරන්නේ නැත්‌තේ ලංකාවේ බහුතරයකට වියදම කරන්න තරම් මාසික ආදායමක් නැතිකම. ඉතිං අද ගැස්ම හිතුවා වැඩි වියදමක් යන්නේ නැතිව ගෙදරදීමේ දණහිස් සහ වැලමිට කලුවෙන එක අවම කරගන්න කරන්න පුළුවන් ප්‍රතිකර්ම ගැන ඔයාලව දැනුවත් කරන්න.

පිපිඤ්ඤා

බ්ලීච් කිරීමේ ගුණාංග නිසා පිපිඤ්ඤා අඳුරු දණහිස සහ වැලමිට කලු වීම අවම කිීමට වඩාත් ළුලදායී ක්‍රමයක් ලෙස හදුන්වන් පුළුවන් . එයින් මිය ගිය සමේ සෛල ඉවත් කර ඔබේ සම තෙතමනය තබා ගන්නවා.
පිපිඤ්ඤාවල අඩංගු විටමින් ඒ සහ සී සම ලස්සන හා නැවුම්ව තබා ගන්න උපකාරී වෙනවා..

විනාඩි 15 ක් ඔබේ වැලමිට සහ දණහිසට වඩා පිපිඤ්ඤා පෙත්තකින් මෘදු ලෙස අතුල්ලන්න.
තවත් මිනිත්තු 5 ක් තබන්න, ඉන්පසු සීතල වතුරෙන් සොදා හරින්න..
ඒ වගේම ඔයාට පුළුවන් පිපිඤ්ඤා යුෂ සහ ලෙමන් යුෂ සමාන ප්‍රමාණයක් මිශ්‍ර කරගන ඔබේ දණහිස, වැලමිට සහ යටි පතුල් මත ආලේප කරන්න. මිනිත්තු 20 ක් තබා එය සෝදන්න .මෙය දිනපතා කරන්න.

ලෙමන් සහ බේකිං සෝඩා

ලෙමන් යනු සම දීප්තිමත් කරන අමුද්‍රව්‍යයක්. එය ප්‍රතිඔක්සිකාරක සහ විටමින් සී වලින් පිරී ඇති අතර එමඟින් සමේ පුනර්ජනනය සහ සමේ පැහැය වැඩි දියුණු කරනවා. බේකිං සෝඩා සමේ අඳුරු ප්‍රදේශ සුදු කිරීම සඳහා මෘදු හා ළුලදායී පිරිසිදුකාරකයක් ලෙස ක්‍රියා කරනවා.

ලෙමන් ගෙඩියක් ගෙන එය කොටස් 2 කට කපන්න. ලෙමන් බෑවක බේකිං සෝඩා තේ හැන්දක් දමා වැලමිට සහ දණහිස විනාඩි 1 ක් අතුල්ලන්න. මිනිත්තු 15 ක් තිබෙන්න හැර උණුසුම් ජලයෙන් සෝදා හරින්න. මෙය දින 2 කට වරක් නැවත නැවත සිදු කරන්න.

කෝමාරිකා සහ කිරි

කෝමාරිකා වලට ඔබේ සම තෙතමනය හා uneven skin tone එක වැඩි දියුණු කිරීමට උපකාරී වන ද්‍රව්‍ය අඩංගු වෙනවා. එයට ප්‍රති-බැක්ටීරියා සහ දිලීර නාශක ගුණ තිබෙනවා. කෝමාරිකා සහ කිරි සංයෝජනය ස්වාභාවිකවම ඔබේ සම සැහැල්ලු කර ගැනීම සඳහා සරල හා ප්‍රයෝජනවත් ක්‍රමයක් ලෙස හඳුන්වන්න පුළුවන්.

කිරි සහ කෝමාරිකා මද සමාන ප්‍රමාණයක් මිශ්‍ර කර ඔබේ සමට ආලේප කරන්න.
එය රැයක් එය තබා ඊළඟ දවසේ උදේ සෝදා හරින්න.
විකල්පයක් ලෙස, කෝමාරිකා ජෙල් ඔබේ දණහිස සහ වැලමිටට ආලේප කර මිනිත්තු 20 ක් එය නබා උණුසුම් ජලය මගින් එය සෝදා හරින්න.

අල

අර්තාපල් ස්වාභාවිකවම ඔබේ සම lighten හැකි කැටෙකෝලේස් එන්සයිම වලින් පොහොසත් ය. දිනපතා අර්තාපල් භාවිතය ඔබේ සම මෘදු කරන අතර අඳුරු ප්‍රදේශ ඉවත් කිරීමට උපකාරී වෙනවා.

අර්තාපල් grate කරගන යුෂ මිරිකා ඔබේ සමට ආලේප කරන්න. එය මිනිත්තු 15 ක් ඔබේ සම මත තබන්න, ඉන්පසු එය වතුරෙන් සෝදා හරින්න. ඉන්පසු මොයිස්චරයිසර් එකක් ආලේප කරන්න. අර්තාපල් පෙති වලට කපා ඔබේ වැලමිට සහ දණහිස විනාඩි 10-15 අතර කාලයක් එයින් අතුල්ලා සොදා හරින්න.

කහ

කහ යනු වඩාත් ස්වාභාවික පිළියම වන අතර කිසිදු අතුරු ආබාධයකින් තොරව ඔබේ දණහිස සහ වැලමිටෙන් අපිරිසිදු හා මිය ගිය සමේ සෛල ඉවත් කරයි. අඳුරු පැහැයට හේතු වන මෙලනින් අතිරික්ත නිෂ්පාදනය අඩු කරන සහ නියාමනය කරන කර්කුමින් නම් සංයෝගයක් එහි කහ අඩංගු වෙනවා.

කිරි මේස හැන්දකට කහ කුඩු ස්වල්පයක් මිශ්‍ර කරන්න.
එය දණහිසට සහ වැලමිටේ ආලේප කරන්න .
මිනිත්තු කිහිපයක් සම්බාහනය කර ස්වභාවිකව වියළීමට තබන්න.
උණුසුම් ජලය මගින් එය සොදා හරින්න.
වඩා හොඳ ප්‍රතිළුලයක් සඳහා ඔබට මේ මිශ්‍රණයට මී පැණි ටිකක් එකතු කරන්න පුළුවන්.

පොල්තෙල්

පොල්තෙල් අත්‍යවශ්‍ය මේද අම්ල සහ විටමින් ඊ වලින් පිරී ඇති අතර එය අඳුරු හා හානියට පත් සම අලුත්වැඩියා කිරීමට උපකාරී වෙනවා..

හැමදාම නෑවට පස්සේ සමේ අදුරු ප්‍රදේශවලට පොල්තෙල් ආලේප කරන්න.
සමට තෙල් අවශෝෂණය වන තෙක් මිනිත්තු 2-3 ක් මෘදු ලෙස සම්බාහනය කරන්න.
පොල්තෙල් මේස හැන්දකට නැවුම් ලෙමන් යුෂ මේස හැඳි 1/2 එකතු කර ඔබේ දණ සහ වැලමිට මෘදු ලෙස සම්බාහනය කරන්න.

මී පැණි

මී පැණි ස්වභාවික මොයිස්චරයිසරයක් ලෙස ක්‍රියා කරනවා . ලෙමන් සමඟ මිශ්‍ර කිරීමෙන් ඔබේ සමේ පැහැපත් කරගන්න හැකියාව තිබෙනවා.

මී පැණි තේ හැදි 2ක් , ලෙමන් භාගයක යුෂ සහ බේකිං සෝඩා මේස හැඳි එකක් මිශ්‍ර කරගන්න.
අඳුරු ප්‍රදේශවලට මිශ්‍රණය ආලේප කරන්න.
මිනිත්තු 20 ත් 30 ත් අතර කාලයක් තිබෙන්නට හැර සෝදා හරින්න..
මී පැණි ,කිරි සහ කෝමාරිකා සමඟ හොඳින් ක්‍රියා කරන අතර ඔබට මී පැණි තේ හැදි 1 ක් කිරි මේස හැඳි 1 සහ කෝමාරිකා මද තේ හැදි 1 සමඟ මිශ්‍රකර පේස්ට් එක ඔබේ සමට ආලේප කර විනාඩි 15 ක් තබන්න.
ඉන්පසුව උණු වතුරෙන් සෝදා හරින්න.

සීනි සහ ඔලිව් ඔයිල්

සීනි සහ ඔලිව් තෙල් වලින් ගෙදරදීම හදාගන්න පුළුවන් ස්ක්‍රබ් එකෙන් ඔබේ සම පෝෂණය කර , හයිඩ්‍රේට් කර, මැරුණු සෛල ඉවත් කරනවා.

සීනි සහ ඔලිව් තෙල් සමාන ප්‍රමාණයක් අරගෙන හොඳින් මිශ්‍රකරගන්න..
එය දණහිස සහ වැලමිටට ආලේප කර විනාඩි 5 ක් පමණ රවුම් චලිතයකින් සම්බාහනය කරන්න.
සතිපතා මෙය නැවත නැවත සිදුකරන්න.
ඔබේ මුහුණ පිරිසිදු කිරීමටද මෙම ස්ක්‍රබ් භාවිතා කළ හැකියාව තිබෙනවා. ඔබේ සමට හානියක් විය හැකි බැවින් අධික ලෙස scrub කරන්නනම් යන්න එපා.

Oatmeal scrub

ඕට්ස් යනු සමේ පැහැය වැඩි කර ගැනීම සඳහා තවත් ළුලදායී ක්‍රමයක් . මේ සදහා ඔයාට ලෙමන් යුෂ, ඕට්ස් සහ ලුණු ටිකක් අවශ්‍ය වෙනවා.

ලෙමන් යුෂ 1/2 , ඕට්ස් 1/2 තේ හැදි සහ ලුණු පොඩ්ඩක් එකිනෙකට මිශ්‍ර කරගන්න.
ඔබේ දණහිසට සහ වැලමිටට විනාඩි 10-15 අතර කාලයක් වක්‍රාකාරව ආලේප කරන්න.
ඉන්පසුව උණුසුම් ජලයෙන් සෝදා හරින්න.
හොඳම ප්‍රතිළුල ලබා ගැනීම සඳහා මෙම ක්‍රියාවලිය සතියකට 3-4 වතාවක් නැවත නැවත කරන්න.
ඒ වගේම ඔයාට පුළුවන් ඕට්ස් තේ හැදි 2, කිරි මේස හැඳි 2ක් මිශ්‍රකරගන අඳුරු ප්‍රදේශවලට විනාඩි 10 ක් ආලේප කර තිබෙන්න හරින්න . ඉන්පසු එය වතුරෙන් සෝදා හරින්න. මෘදු, සිනිඳු, සෞඛ්‍ය සම්පන්න සහ දීප්තිමත් සමකට හිමිකම් කියන්න දැන් ඉතිං ඔයාටත් පුළුවන්.

විනාකිරි සහ යෝගට්

විනාකිරි වල ඇසිටික් අම්ලය සහ යෝගට් වල ලැක්ටික් අම්ලය අඩංගු වීම නිසා එයින් ඔබේ දණ සහ වැලමිට පිරිසිදු කර සම පැහැපත් කරයි.

යෝගට් තේ හැදි 1 ක් සහ ඇපල් සයිඩර් විනාකිරි තේ හැදි 1 ක් මිශ්‍ර කරගන්න.
මෙම මිශ්‍රණය ඔබේ සම මත ආලේප කරන්න.
මිනිත්තු 15 ක් තබා උණුසුම් ජලය සමග සෝදා හරින්න.
මෙම ක්‍රියාපටිපාටිය සතියකට 3-4 වතාවක් නැවත නැවත කරන්න.
ඔබේ සම පැහැපත් කරගත හැකි තවත් පහසු ක්‍රමයක් නම් ඇපල් සයිඩර් විනාකිරි වතුර ස්වල්පයක් මිශ්‍ර කර වැලමිට සහ දණහිසට කපු බෝලවලින් ආලේප කරන්න . මිනිත්තු 15 ක් තබා එය සෝදා හරින්න.

මේ දේවල් ටික වැඩි වියදමක් නැතිව දැන් ඔයාට ගෙදරදීම කරගන්න පුළුවන්. Try කරලා බලලා ඔයාගේ අද්දැකීමුත් අපිට පහළින් comment කරන්න අමතක කරන්න එපා..

නින්දෙන් ගොරවන නිසා ඔයාට හස්බන්ඩ්ව එපා වෙලාද? එහෙනම් මේ ලිපිය අනිවාර්යයෙන් කියවන්න…

editor

මට අද මේ ලිපිය ලියන්න හිතුනේ මගේ හොඳම යාළුවා එයාගේ හස්බන්ඩ් එක්ක බහින් බස්වීමක් ඇති කරගන තියනවා. හේතුව ඇහුවම කිව්වේ ඒ මනුස්සයා රෑට start කරපු ගල් රෝලක් වගේ මහ සද්දෙන් ගොරවනවලු. ඉතිං මේ කෙල්ලට නිදියන්නම නෑලු. මේන්න මේ හේතුව නිසා දෙන්නා අතර හිත් අමනාපකම් එහෙමත් සමහර වෙලාවට ඇතිවෙනවලු.

නින්දෙන් ගොරවන එක ඇත්තටම කවුරුත් හිතලා කරන දෙයක් නෙවෙයි. මේක ස්භාවික දෙයක්. ගොඩක් වෙලාවට නින්දෙන් ගොරවන්නේ පිරිමි අය. නින්දෙන් ගොරවන්න ප්‍රධාන හේතු සාදක ලෙස නාසය අවහිරවීම, ඇඩිනොයිඩ් ග්‍රන්ථිය විශාලවීම, නාස් ආවාරය ඇදවීම, විශාල වු සෙම් ගෙඩි, දික් වූ මෘදු තල්ල සහ රස දිව, විශාල වූ දිව, තරබාරු ශරීරය හා කෙටි බෙල්ල, නිදි බෙහෙත් හෝ මත්පැන් භාවිතය, තයිරොයිඩ් ග්‍රන්ථියේ ක්‍රියාකාරිත්වය අඩුවීම නින්දෙන් ගෙරවීමට හේතු වෙනවා.

නින්දෙන් ගෙරවීම ඇත්තටම ගොරවන කෙනාට නෙවෙයි අවට ඉන්න අයට තමයි ලොකු බාධාවක් වෙන්නේ . හොඳට තියෙන පවුලුත් මේ ගෙරවිල්ල නිසා කැඩෙන අවස්ථා නැතුවාම නෙවෙයි. මෙන්න මේ හේතුව නිසාම ගැස්ම හිතුවා ගෙරවිල්ල නැති කරගන්න ගෙදරදීම පහසුවෙන්ම කරගන්න පුළුවන් ස්වාභාවික ක්‍රම ගැන ඔයාලව දැනුවත් කරන්න.

01- peppermint oil සහ goldenseal

සමහර වෙලාවට නාසයේ හෝ උගුරේ ඇතියෙන තදබදය හේතුවෙන් පුද්ගලයෙක් නින්දෙන් ගොරවනවා වෙන්න පුළුවන්. peppermint oil වලට පුළුවන් උගුරේ හෝ පපුවේ ඇති සෙම හිරවීම ඉවත් කරලා හුස්ම ගැනීම පහසු කරන්න. peppermint oil වල අඩංගු සංයෝගවලට ප්‍රති-ක්ෂුද්‍ර ජීවී, ප්‍රතිවෛරස් සහ ප්‍රතිඔක්සිකාරක ගුණ ඇති බව අධ්‍යයන කිහිපයකින් හෙළි වී ඇති අතර එයින් අදහස් කරන්නේ ශ්වසන පත්‍රිකාවේ ආසාදන වලට එරෙහිව සටන් කළ හැකි බවයි.

goldenseal කියන්නේ ගෙරවීම අවම කරන තවත් ප්‍රතිකාරයක්. මෙයින් ඔබේ පපුවේ හා නාසික මාර්ගවල තදබදය අවම කරනවා. සමහර පර්යේෂණයන්ට අනුව goldenseal වැනි ඖෂධීය ශාක වලට ප්‍රතිදේහ නිෂ්පාදනය වැඩි කිරීමෙන් ප්‍රතිශක්තිකරණ ක්‍රියාකාරිත්වය වැඩි දියුණු කරන්න හැකියාව තිබෙනවා.

02- vitamin C

විටමින් සී යනු ඔබේ ප්‍රතිශක්තිකරණ පද්ධතිය ඉහළ නැංවීම සහ ශ්වසන සෞඛ්‍යය ප්‍රවර්ධනය කිරීම සඳහා තිබෙන ස්වාභාවික පිළියමක්. නින්දෙන් ගෙරවීමට ප්‍රධාන හේතුවක් වන්නේ සෙම නිසා වා කුහර අවහිර වීම.

ප්‍රමාණවත් විටමින් සී පරිභෝජනය කිරීමෙන් මෙවෙැනි අවහිර වීම් අවමකරගන්න හැකියාව තිබෙනවා. විටමින් සී බහුල ආහාර තමයි බ්රොකොලි, දොඩම්, ලෙමන්, රතු බෙල් පෙපර්, පැපොල් සහ විශේෂයෙන්ම අන්නාසි. අන්නාසි වල සයිනස්-සටන් කාරකය බ්‍රෝමලේන් අඩංගු වෙනවා.

ඔබ නින්දට යාමට පැයකට පෙර මිරිකාගත් නැවුම් දෙඩම් යුෂ වීදුරුවක් හෝ අන්නාසි පෙති කිහිපයක් ආහාරයට ගන්න මතක තියාගන්න.

03- කපුරු

ඖෂධීය කපුරු පැලෑටිය සෙම්ප්‍රතිශ්‍යාව අවම කිරීමට උපකාරී වෙනවා. කපුරු තෙල් වලින් 70% – 90% ක් පමණ ප්‍රතිඔක්සිකාරක සහ වේදනා නාශකයක් ලෙස ක්‍රියා කරනවා. එයට බැක්ටීරියා, වෛරස් හා දිලීර ආසාදන සමඟ සටන් කළ හැකි අතර ශ්වසන මාර්ගය පිරිසිදුව තබා ගැනීමට සහ ශ්ලේෂ්මල පටලය ඇතිවීම වළක්වා ගැනීමට උපකාරී වෙනවා. රාත්‍රී කාලයේදී ගෙරවීම වළක්වා ගැනීම සඳහා කපුරු භාවිතා කරන්න පුළුවන් විවිධ ක්‍රම තිබෙනවා.

ඔයා හුමාලය අල්ලනවා නම් උණු වතුර භාජනයට කපුරු කොල කිහිපයක් එකතු කර නාසය හා මුඛය හරහා හුස්ම ගන්න .

steam bowl එකක් භාවිතා කරනවා නම් හුමාල අල්ලන විට හිස තුවායකින් ආවරණය කරගන හුමාලය අශ්වාස කරන්න මතක තියාගන්න.

මෙය නිදියන්න පෙර සිදුකරන්න. එවිට නාසය අවහිර වී තිබෙනවා නම් එය මග හරවාගන සුවබර නින්දක් ලබා ගන්න හැකියාව තිබෙනවා.

04- ශරීරයේ බර

සමහර විට ශරීරයේ අතිරික්ත බර, විශේෂයෙන් බෙල්ල වටා ස්තූලතාවය වැඩිනම් නින්දෙදී ගෙරවීමට ඇති ඉඩකඩ වැඩීයි. ඉන්දියාව විසින් කරන ලද අධ්‍යයනයකට අනුව, නින්දෙන් ගොරවන රෝගීන්ගේ බෙල්ලේ වට ප්‍රමාණය, සාමාන්‍ය ප්‍රමාණයට වඩා සැලකිය යුතු තරම් විශාල බව සොයාගන තිබෙනවා.

මෙයින් පෙනී යන්නේ පුද්ගලයකුගේ බෙල්ලේ ප්‍රමාණය ගෙරවීමට බලපෑම් ඇතිකරන බවයි. මේ නිසා ඔබේ බර අඩු කරගැනීමෙන් නින්දේ රටාවන් වැඩි දියුණු කිරීමට වගේම ශ්වසන අපහසුතා අවම කරගන්න හැකියාව තිබෙනවා.

05- දුම්පානය

සිගරට් මගින් අපගේ නාසයේ කුහරවල සහ උගුරේ පෙණහලු අවහිර වන අතර එමඟින් ඇසේ සුද ඇතිවෙන් හැකියාව තිබෙනවා. දුම්පානය හේතුවෙන් නාස් කුහර අවම වීම නිසා වාතය ගලා යාම අඩු වෙනවා. ඒයින් ඔබට නාසය හරහා හුස්ම ගැනීම වඩාත් අපහසු කරවනවා.

මේ නිසා ඔබ නින්දෙන් ගොරවන්න පටන් ගන්නවා. මොකද සෑම සිගරැට්ටුවක් නිසාම නාය අවහිර වීම වැඩි වෙනවා. දුම් පානය කරන පුද්ගලයට පමණක් නෙවෙයි ඒ අවට සිටින අයටත් මෙයින් බලපෑමක් ඇතිවෙනවා.ඔබ දුම්පානය නතර කිරීමට මානසිකව සූදානම් නැතිනම්, ඔබ නින්දට යාමට පෙර අවම වශයෙන් පැය 4කට කලින්වත් දුම්පානය නතර කරන්න උත්සහ කරන්න.

06-ඔබේ ආහාර වේල වැඩි දියුණු කරන්න

ශරීරයේ දැවිල්ල අඩු කරන ප්‍රතිඔක්සිකාරක සහ එන්සයිම බහුල ආහාර වේලක් යනු නින්දෙන් ගෙරවීම තුරන් කිරීමට හොඳම ක්‍රමයක්. ඔබ නිදියන්න ඇඳට යන්නට කලින් කිරි නිෂ්පාදන පරිභෝජනය කරනවානම් එයින් සිදුවෙන්නේ උගුරේ හා මුඛයේ ශ්ලේෂ්ම තට්ටුවක් ඉතිරි කරීමයි. එයින් ඔබ නින්දෙන් ගෙරවීම තවත් වැඩි කරනවා.

තව දෙයක් . ඔයා නින්දට පෙර කෑම ගොඩක් ආහාරයට ගන්නවානම් එක දැන්ම නවත්තන්න. ඔබේ බඩ ආහාර වලින් පිරී ඇති විට, එය හුස්ම ගැනීමට බලපානවා. ශරීරයට වැඩි වාතයක් අවශ්‍ය නිසා ඔබ විශාල කෑම ප්‍රමාණයක් අරන් තිබෙනවානම් වාතයට අවශ්‍ය පරිදි ශරීරයේ ගමන් කරන්න හැකියාවක් නැතිවෙනවා. මේ නිසා නින්දෙන් ඔබ ගොඩක් ගොරවන්න ඉඩකඩ වැඩියී.

ඔබ නින්දෙන් ගෙරවන කෙනෙක්නම් මේ ආහර ගන්න එපා.

බැදපු කෑම
කිරි ආශ්රිත නිෂ්පාදන
මත්පැන්
චොකලට්
සැකසූ ආහාර
සරල කාබෝහයිඩ්රේට්

07-ගෙරවීම අවම කිරීමට ස්වාභාවික ප්‍රතිකාරයක්

ඔබේ ශරීරය නිපදවන ශ්ලේෂ්මල ප්‍රමාණය අඩු කිරීමට, ඔබේ ප්‍රතිශක්තිකරණ පද්ධතිය ඉහළ නැංවීමට සහ පෝෂ්‍ය පදාර්ථ ලබා දීමට මෙම පානය සියලු ස්වාභාවික අමුද්‍රව්‍ය වලින් සාදා ගන්න හැකියාව තිබෙනවා. ඒ වගේම එය ඔබේ උගුර හා නාසයේ මාර්ග අවහිර කරන අතිරික්ත සෙම ඉවත් කරනවා වගේම නාසයේ ඇතිවන පීඩනය අවම කර හොඳින් හුස්ම ගන්න හැකියාව ලබා දෙනවා.

අමුද්‍රව්‍ය-

කැරට් ගෙඩි 2ක්
ඇපල් ගෙඩි 2ක්
ලෙමන් ගෙඩියක 1/4
ඉඟුරු කෑල්ලක්
දොඩම් යුෂ කෝප්පයක්

මෙම සියලු අමුද්‍රව්‍ය එකට මිශ්‍ර කර නින්දට පැය කිහිපයකට පෙර පානය කරන්න.

තදින් ගෙරවන කෙනෙකු හුස්ම ගැනීමට සෑම තත්ත්පර 10කට අධික කාලයක් වරින් වර නවත්වන අතර පැය 7ක නින්දකදී 30 වතාවක් හුස්ම ගන්න නවත්වනවානම් එක භයානක තත්ත්වයක්. පුද්ගලයා එවිට වරින් වර හුස්ම හිරවෙලා ඇහැරෙනවා. රුධිරයේ ඇතිවෙන ඔක්සිජන් සාන්ද්‍රණය හෘදයට පෙනහළුවලට සහ මොළයට බලපානු ලබනවා. ඒ වගේම අධික රුධිර පීඩනය හෘදයාබාධද ඇතිකරනවා. මේ නිසා නින්දෙන් ගෙරවීම වලක්වා ගන්න කන නාසය උගුර සායනයකට අදම යන්න.

තලෙළු සම නිසා කනස්සල්ලෙන්ද ? සුදු වෙන්න එක එක ජාතියේ cream හොයනවාද? එහෙනම් මේ ලිපිය ඔයාටයි…

editor

අද ගොඩක් මහන්සි දවසක් . Town එක ලං වෙද්දි ම Handbag එක කරට දාගෙන මිනිස්සු අතරින් පතරින් ඇවිදන් Bus එකෙන් බැස්සේ අම්මා උදේම මට බෙහෙත් ගන්න කියලා දුන්න Recite එකත් අතේ තියාගෙනමයි. හවස් උන නිසා මාත් ඉක්මනින් ඇවිදන් Pharmacy එක පැත්තට ගියා. Pharmacy එකේ ඉඳන් එළියට ආව ගෑණු ළමයෙක්ගෙ ඇඟේ හැප්පුනේ මගෙත් ඉක්මන්කම නිසාමයි .ඒ ළමයා අරගෙන තිබ්බ බෙහෙත් ටිකත් බිම වැටිලා…”අනේ සොරි නංගි” කියලා මට ඉබේටම කියවුනා .ඒ එක්කම මාත් බිම නැමුනා බෙහෙත් ටික අහුලන්න….ම්……ම්ම්……බෙහෙත් නෙමෙයි .එක එක Tablets ගොඩක්. මූණට ගාන cream එකකුත් තිබ්බා . මම උදව් කරද්දි , “අනේ කමක් නෑ අක්කේ. මං අහුල ගන්නම් ” කිව්වා. හිනාවෙන් පිරුණු ඒ මූන දිහා බලාගෙනම මං අහුලපු tablets ටික එයා අතට දුන්නා. ” කෙල්ලන්ගෙ ඉතිං පඩි ඉවර වෙන්නේ සුදු වෙන්නනේ අක්කේ ,අක්කා හදිස්සියට පෝලිම අමතක කරල ඇවිල්ල තියෙන්නෙ… දැන් ඉතින් මීටරෙන් ඉන්න ඕනි කාලෙනේ ” කියා ගෙන Pharmacy යේ දොරකඩින් එලියට ගියා. හරිම නිහතමානී වගේම පැහැපත් නංගි කෙනෙක් . ඇයි සුදු වෙන්න හිතන්නේ? ….එයා කොහොමත් ලස්සනයිනේ…පෝලිමේ ඉද්දි මට කල්පනා වුණා.

තලෙළු සම ගැන සමාජයේ ඇසින්

The Colours of Colourism; A Deeply Rooted Global Concern | Voices of Youth

අද කාලේ හුඟක් ගෑණු ළමයින්ගේ මාසික ආදායම ඉවර වෙන්නෙ හුගක් beauty products වලටම තමයි. dark skin එකක් එහෙම නැත්තම් තලෙළු සමක් කියන්නේ වාසනාවක් කියලයි මං අහල තියෙන්නෙ. ඒත් අද සමාජයේ මතයට අනුව හුඟක් අය dark skin එකක් තියෙන අයව වැඩිය Care කරන්නේ නෑ. මොකද අපි පුරුදුවෙලා තියෙනවා දැක්ක පමණින් ආකර්ෂණීය වෙන දේවල් ලස්සනයි කියන්න .

-dark skin එක අද සමාජයට අනුව ඇත්තටම Reject වෙන්න ඕනේ Color එකක්ද ?

-You’re so beautiful කියන වචනය සුදු සමකට විතරක් Branded වුණ දෙයක් ද ?

ලස්සන එහෙම නැත්තම් සුන්දරත්වය කියන්නේ මොකක්ද ?

The misrepresentation of black girls with brown skin - Counseling Today

අද බහුතරයක් නොදන්න ,නමුත් නිතරම කතා වෙන මාතෘකාවක් තමයි මේ “සුන්දරත්වය” කියලා කියන්නේ. සුන්දරත්වය කියන්නෙ: ප්‍රියමනාප බව, පිරිසිදුකම, පෞරුෂත්වය ,ආකල්ප හා හැසිරීම කියන සංඝටකවල එකතුවටයි . වෙනස් විදිහකට කියනවා නම් ලස්සන කියන්නේ , කවුරුහරි කෙනෙක් දකින්න ප්‍රිය විදිහට, පිරිසිදුව, හොඳ පෞරුෂයක් ඇතිව, යහපත් ආකල්ප හා නිවැරදි හැසිරීමකින් පරිපූර්ණ කෙනෙක්ටයි .

තලෙළු සමේ ඉතිහාසය

dark skin එක ආසියානුවන් විදිහට අපිට දෙවියන්ගෙන් ලැබුණු තෑග්ගක් . පොඩ්ඩක් කල්පනා කරලා බලන්න ශ්‍රී ලංකිකයන් විදියට අපි අදටත් ගොඩක් ආඩම්බර වෙන දෙයක් තමයි වාරිමාර්ග එහෙම නැත්තම් වැව්, අමුණු කියලා කියන්නේ. ඈත අතීතයේදී අපේ මුතුන් මිත්තන් වැව්, අමුණු හදද්දි අව්වට ගොඩක් නිරාවරණය වුණා. ඔවුන්ට තිබුණේ දුඹුරු, කළු සමක්. ඒ හමාගෙන එන වියළි සුළඟටයි, දැඩි හිරු රශ්මියටයි ඔරොත්තු දෙන්න තලෙළු සම එයාලට උදව් කරා. මොකද මේ සම “මෙලනින්” නිෂ්පාදනය කරන නිසා හිරු එළියෙන් එයාලා ආරක්ෂා වුණා. ඒ ශක්තිමත් මිනිසුන් නිසා අදටත් අපි ඒ වැව් අමුණු වලින් ප්‍රයෝජන ගන්නවා .

පෞරුෂත්වය

BBC Radio 4 - Becoming, by Michelle Obama - Eight amazing things we learned from Michelle Obama

dark skin එකක් තියෙන කෙනෙක්ගේ පෞරුෂත්වය ගොඩක් ඉහළයි. ඒකට හේතුව තමයි සාමාන්‍යයෙන් මිනිස්සු පුරුදු වෙලා තියෙන්නේ දැක්ක ගමන් එයාලව ආකර්ෂණය කරගන්න දේවල් වලට .මේ හේතුව නිසාම dark skin එකක් තියෙන කෙනෙක් නිතරම උත්සහ කරන්නේ තමන්ගේ talent එකෙන් skill එකෙන් ඉදිරියට යන්න. බොහෝ දුරට දුඹුරු සමක් තියෙන අයගේ personality එක ගොඩක් ඉහල වෙන්නේ එයාලා නිතරම තමන්ගේ හැකියාව මත විශ්වාසය තියෙන නිසයි.

සෞඛ්‍යය

How to use retinol in your skincare routine | All4Women

තලෙළු සමක් ඇති අය පිළිකාකාරයන්ගෙන් ආරක්ෂිතයි .කළු සමෙහි තියෙන ස්ථර වල ඝනත්වය නිසා පිළිකා සෛල වර්ධනය වීමේ අවදානම ගොඩක් අඩුයි . අද වර්තමාන ලෝකයේ බහුතරයක් දෙනා වර්ණ බේදය සලකන්නෙ නෑ. තව ඉදිරියට නම් ඒ දේ කොහොමත් දකින්න වෙන්නේ නෑ .මොකද අද ඉහළ ස්ථානවල මේ හමේ වර්ණය සලකන්නේ නැහැ. ඒ කියන්නේ මේ trend එක, මේ ක්‍රමය දැන් වෙනස් වෙමින් පවතිනවා. මූලික ආරම්භයක් වශයෙන් අද පිරිසක් සම සුදු කර ගන්නවා වෙනුවට සමෙහි පැහැපත් බව ආරක්ෂා කරගන්න වෙර දරනවා.ඉතින් ඔබටත් තිබෙන්නේ තලෙළු සමක් නම් ඔබ ගොඩක් වාසනාවන්තයි. ස්වභාවධර්මය පවා ඔබේ සමේ පැහැය නිසා ඔබව ආරක්ෂා කරයි.

නිමාෂි පෙරේරා

නිදහසේ cocktail එකක රස විඳින්න Kava Island Bar යන්න…

editor

Kava Island Bar එක ගොඩක් ජනප්‍රිය වෙලා තිබෙන්නේ එහි පවත්වන killer events නිසා බව බොහෝ දෙනෙක් දන්නවා. interiors අතිනුත් ඉතාමත් ලස්සන bar එකක් කියලා අපිට කියන්න පුළුවන්. මේ bar එකේ තිබෙන තවත් විශේෂත්වයක් තමයි wild parties සහ chilled-out drink යන sessions දෙකම පැවත්වීම. ඉතිං අපිත් හවස් වරුවක ගියා මේ bar එකේ menu එක try කරලා බලන්න.

Drinks

Birds of Paradise (LKR 1300)

අපි මුලින්ම try කරපු cocktail එක තමයි Birds of Paradise. මේ drink එකටම ආවේනික වූ රසයක් තිබුණා කිවුවොත් නිවැරදී. ටකීලා එක්කරලා සදා තිබුණ මේ cocktail එක හරිම රසවත් . ඒ වගේම මේ රාත්‍රියට හොඳ ආරම්භයක් drink එක විසින් ලබා දුන්නා කිවුවොත් හරියටම හරි.

Amba yaluwo (LKR 1300)

මේ පානයේ තිබෙන පැණි රස අපි ගන්න first sip එකෙන් එන තියුණු alcohol රස සමබර කරනවා. කුරුඳු වගේම අනිකුත් කුළුබඩු මිශ්‍රකරලා සදා තිබෙන මේ drink එක පැණි රසට කැමති අයට හොඳින්ම ගැළපෙනවා.

The Zombie (LKR 1400)

මේ drink එකේ තිබුණ අයිස් දියවෙලා තිබුණත් එහි තිබුණ රසයට අපි ගොඩක් කැමති වුණා. zingy flavour එකක් ලැබෙන විදිහට කුළුබඩු එක්කරලා තමයි මේ drink එක හදලා තිබුණේ. flavours සහ alcohol රසය perfectly balance වෙලා තිබුණ කියලා සමස්ථයක් ලෙස අපිට කියන්න පුළුවන්.

Skux Deluxe (LKR 1000)

ඇත්තටම කිවුවොත් මේ drink එකනම් රසවත් නැහැ. ඒ නිසා අපි disappointed වුණා . අපි මෙහි ඡායාරෑප ගන්න අවස්ථාවේදී අයිස් සේරම දියවෙලා ගිහින් . ඒ නිසා තමයි මේ drink එකේ රස නැතිවෙලා තිබුණේ. කොහොම වුණත් drink එක අවසන් කරනවෙලාවේ අපිට yummy last sip එකක්නම් ඇත්විදින්න හැකියාව ලැබුණා.

Juju Juice (Rs 800)

ඇඹුල් රසය කැමති ඔයාටම හදපු drink එකක් තමයි මේ තියෙන්නේ. මේ drink එක පැණි රසයි වගේම හොඳ පළතුරු රසයක් ලබා දුන්නා. glass එකේ rim එකට එකතු කරලා තියන අඹුල් රසය හා ලුණු රසය මේ drink එක තවත් රසවත් කරන්න හේතුවක් වෙලා තිබුණා. alcohol රස බලන්න අවස්ථාවක් මේ drink එකෙන්නම් ලැබෙන්නේ නැති වුණත් බලගෙන හිතුවත්ටත් වඩා කලින් රාත්‍රිය නිමාකරන්න හැකියව තිබෙනවා.

Appetizers

Coco Loco Prawns (LKR 1450)

හිස් බඩින් drink එකක් දන්න කලින් මොනවා හරි කන්න හිතෙනවා නම් මේන්න මේ Coco Loco Prawns එක තමයි ඒකට කියාපුම කෑම. ඒ වගේම drink එක ගන්න ගමනුත් කන්න මේ appetizer එක නියමට ගැළපෙනවා. මේ dish එකේ විශේෂත්වය තමයි ගාගත් පොල් මිශ්‍රකරලා සදා තිබුණ batter එක. ඒකෙන් තමයි ඉස්සන්ගෙ රස තවත් වැඩි කරලා තිබුණේ . අපිට මේ dish එක පිළිගැන්වුයේ Kava Lava sauce,bell peppers සහ kochchi කොච්චි එක්ක.

Mains

Kava Lava Burger (LKR 1300)

අපි සාමාන්‍යයෙන් කන බර්ගර් සහ ෆ්‍රයිස් වඩා මේ Kava Lava Burger එකනම් වෙනස්. මේ burger එකේ පුදුම හිතෙන tropical flavours එකක් ලබා දෙනවා. juicy coconut සහ breadcrumb coated patty, pineapple chunks සහ salad ගොඩක් දාලා තමයි මේ burger එක සාදා තිබුණේ. ඒ වගේම burger එකත් එක්ක ගෙනාපු sweet potato fries එකත් ගොඩක් රසවත්.

Salami, Bacon and Lingus Pizza (LKR 900)

ඔයා meat lover කෙනෙක්නම් මේ pizza එකට ඔයා ගොඩක් කැමති වේවි. හොඳින් bake කරගත්ත රසම රස meat topping එකක් එකතු කරලා සදාගන තිබුණ මේ thin-crust pizza එකට අපි ගොඩක් කැමති වුණා. පළවෙනි bite එකෙන්ම චීස් ගොඩක් එක්ක තිබුණ topping එක හැමතැනම spilling වුණා. ඇත්තටම මේ pizza එක ගොඩක් රසවත්. හැබැයි අපි සොයපු Kava Island’s signature tropical twist එකනම් මෙහි අඩංගු වෙලා තිබුණේ නැහැ. ඒ වුණා ඇත්තටම මේක හොඳ pizza එකක්. No complaints.

Desserts

Churros with Chocolate Dip (LKR 450)

රසම රස chocolate dip එකක් එක්ක තමයි මේ Churros එක අපිට පිළිගැන්වුයේ. Churros එකත් නැවුම් ඒ වගේම මෘදුයි සහ හොඳ crispy රසයක් තිබුණා. Dip එකේ පැණි රස ගානට යොදා සාදා තිබුණ නිසා අපිට මෙවයින් තවත දෙක තුනක්ම කන්න උවමනා වුණා.

ඉස්තරම්ම Japanese Cuisine වල රස බලන්න නම් යන්න හොඳම තැන Red Panda…

editor

Red Panda දිගු කලක් තිස්සේ රසවත් චීන ආහාර සඳහා ප්‍රසිද්ධ ස්ථානයක්. Japanese cuisine සඳහා ඔවුන්ගේ නවතම ව්‍යාපාරය මෑතකදී අරම්භකර තිබෙනවා. ඉතිං අපි ගියා Red Panda එකට Japanese cuisine වල රස බලන්න. Togarashi කියන්නේ Red Panda වල තිබෙන විශේෂිත ජපන් menu එකක්. ඔවුන් පුළුල් පරාසයක මුහුදු ආහාර ලබා දෙනවා වගේම සෞඛ්‍ය සම්පන්න මස් කෑම වර්ග මෙන්ම බත් සහ නූඩ්ල්ස් ද මොවුන් පිළිගන්වනවා.

Togarashi Salmon Ten Katsu Roll (LKR 1350)

අපි මුලින්ම Oder කලේ tender salmon, cucumber, ten katsu, සහ hot sauce .මේ කෑම එකේ අපිට හුරුපුරුදු රසයක් දැනුනා කිව්වොත් නිවැරදී. සෝයා සෝස් සමග පිළිගැන්වුණු මේ roll එක ඇත්තටම ගොඩක් රසවත්.

Chicken Katsudon (LKR 1030)

මේ potion එක බැලූ බැල්මට කුඩා වුණත් ඇත්තටම අපි එහි රසය නිසා ගොඩක් තෘප්තිමත් වුණා. Chicken Katsudon තමයි dishes වලින් star කිව්වොත් හරියටම හරි.

Chirishi Sushi (LKR 1200)

සුෂී කන්න තිබුණ ආසව මේ Chirishi Sushi dish එකෙන් සපුරගන්න මට පුළුවන් වුණා. මේ dish එකේ තිබුණ මාළු නැවුම් වූ අතර Shitake එකතු කරලා තිබුණ නිසා මේ dish එකට ගැඹුරු රසයක් එකතුවෙලා තිබුණා.

Togarashi Sashimi Boat 32 Piece (LKR 4400)

මම try කරපු Sashimi Boat වලින් හොඳම එකක් කියලා මට මේ dish එක recommend කරන්න පුළුවන් .අමුද්‍රව්‍ය වල ගුණාත්මක බව නැවුම් බව හොඳින්ම තිබුණා. Tuna, Mullet, Salmon සහ Cuttlefish එක්කරලා සාදා තිබුණ මේ විශාල Togarashi Sashimi Boat එක විවිධ රසයන්ගේ හොඳ එකතුවක්.

California Maki (LKR 770)

මේ dish එකත් මම enjoy කලා . ජපන් ආහාර මුලින්ම try කරන අයට මේ dish එක recommend කරන්න පුළුවන්ත. අලිගැට පේර ක්‍රීම්, කුළුබඩු, බත් සමග එකතු කරලා තමයි මේ dish එක නිර්මාණය කරලා තියෙන්නේ. සමස්ථයක් වශයෙන් මේ California Maki එක හොඳයි කියලා අපිට කියන්න හැකියාව තිබෙනවා.

Tobico Roll (LKR 910)

පෞද්ගලිකව මම තවත් කැමති වුණ ආහාරයක් තමයි Tobico Roll. මුලින්ම ස්තූති කරන්න අවශ්‍යයි ලොකු fish eggs මේකට add කරපු එකට. ලොකු ඉස්සන්ද මේකට එකතු කරලා තිබුණත් රසයට හානියක් වෙලා තිබුණේ නැහැ.

Tuna Tataki (LKR 1000)

මේ simply looking dish එක ගොඩක් flavors වලින් පිරිලා තිබුණා. ඇත්තටම අපිට දැනුනේ මස් රසයක් කිවුවොත් නිවැරදී. ටූනා එක ගානට නියමට පිසගන තිබුණු අතර plate එකට නැවුම් බවක් එක්වෙලා තිබුණා. අපේ team එකම මේ dish එකට ගොඩක් කැමති වුණා කිවුවොත් හරියටම හරි.

Mixed Prawn Tempura (LKR 1000)

ලොකු ඉස්සන් ගානට පිසගන සාදා තිබුණ මේ Tempura එකත් අනිත් dishes වගේම රසවත්. එළවළු රසයත් ගානට තිබුණා වගේම වසාබි සහ මයෝ සමග ඔවුන් මේ සරල dish එක අපිට පිළිගැන්වූවා.

Salmon Teriyaki (LKR 1800)

මේ dish එක තමයි මම ගත්ත ආහාර වේලේ තිබුණ ජයග්‍රාහීම dish එක. සෝස් එකත් ගොඩක් light නිසා හැම bite එකකදීම එය අපිට හොඳින් දැනුනා. skin එකත් එක්ක grill කරලා අරගන තිබුණ මේ salmon එක අපිව ගොඩක් satisfy කලා. ඇත්තටම මේ dish එක ජයග්‍රාහීවගේම වෙනස්ම අත්දැකීමක් වුණා. ඔයා red panda එකේ Japanese cuisine try කරන්න යනවානම් මේ dish එක අනිවාර්යයෙන් try කරන්න අමතක කරන්න එපා.

ඔයා දියවැඩියා රෝගයෙන් පීඩා විඳිනවානම් මේ දේවල් ගැනත් සැලකිලිමත් වෙන්න…

editor

සරලවම දියවැඩියාව යනු කුමක්ද කියලා අපි කතා කලොත් ඒ රුධිර ගත ග්ලූකෝස් ප්‍රමාණය වැඩි වීමට තමයි අපි මේ දියවැඩියාව කියන්නේ. මේ වැඩිවන ග්ලූකෝස් ප්‍රමාණය පාලනය කර ගැනීමට සිරුරට නොහැකිවීම තමයි අපිට ඇතිවෙන ප්‍රධාන ගැටළුව. බොහෝදෙනෙක් සිතන්නේ එය ඖෂධවලින් පමණක් සුව කරන්න පුළුවන් කරන්න කියලා. ඉතිං කිසිම දෙයක් හොයන්නේ බලන්නේ නැතිව එක එක්කෙනා කියන දේවල් අහලා විවිධ ඖෂධ වර්ග ගන්න ගොඩක් දෙනෙක් පෙළඹෙනවා. තමන්ට මේ වෙනුවෙන් මේ රෝගය සුව කරගන්න කුමක්ද කරන්න පුළුවන් කියාලා සොයන්නේ නැහැ. සමහර රෝගීන් අවුරුදු ගණන් දියවැඩියාවට ඖෂධ ගත්තත් රෝගය ගැන කිසිදු හැඟීමක් දැනීමක් නැහැ. ඒ නිසා අප මෙහිදී අවධානය යොමු කරන්න අවශ්‍යයි පුද්ගලයෙකුට දියවැඩියාව වැළඳී තිබේ නම් එය පාලනය කර ගැනීමට ඔහු හෝ ඇය මොකක්ද කරන්න අවශ්‍ය කියන එක සම්බන්ධයෙන්.

දියවැඩියාව ඇතිවෙන්න ප්‍රධාන හේතුවක් වෙන්නේ ආහාර. මීට අමතර හේතු තිබුණත් ආහාර සම්බන්ධයෙන් අවබෝධයක් තිබීම අනිවාර්යයි. දැනටම දියවැඩියා රෝගයෙන් පෙළෙන කෙනෙකුට ගුණාත්මකභාවය වැඩි එනම් පෝෂණ සංඝටක වැඩියෙන් අඩංගු කෙඳි සහිත ආහාර ගැනීම සුදුසු වෙනවා. ඒ වගේම වැඩි කැලරි හා මේදය අඩු ආහාර ඒ කියන්නේ අළුත් එළවළු හා පලතුරු වර්ග ආහාරයට ගැනීම සිදු කරන්න අවශ්‍යයි. කැරට්, බෝංචි, ගෝවා, ලීක්ස්, දඹල, රාබු, පිපිඤ්ඤාා, නියංවැටකොළු, කැකිරි, චව් චව්, වැටකොළු, පතෝල, බීට්රූට්, කෙහෙල් මුහ, තලන බටු, බණ්ඩක්කා, වැනි අළුත් එළවළු හා කෙසෙල්, අඹ, ගස්ලබු, පේර, වෙරළු, අනෝදා, කටු අනෝදා, දෙළුම්, ඇඹරැල්ලා, උගුරැස්ස, නාරං, කාමරංකා වැනි පලතුරු වර්ග එක දිගටම නොවුවත් ආහාරයට ගන්න හැකියාව තිබෙනවා නම් වඩා හොඳයි.

මේ ආහාර හොඳයි කියල කියනව වගේම මෙන්න මේ දේත් කියන්නම අවශ්‍යයි. දියවැඩියා තත්ත්වය තමන්ට ඇතිවෙනවට අකමැතිනම් නිරන්තර ව්‍යායාම, සෞඛ්‍යමත් ආහාර, ප්‍රමාණවත් පරිදි ජලය පරිභෝජනය වගේ හොඳ පුරුදු වලට හුරුවෙන්නම වෙනවා.

ඔයාට ප්‍රශ්ණයක් ඇතිවෙන්න පුළුවන් කොපමණ ආහාර ප්‍රමාණයක් පරිභෝජනයට ගන්න ඕනද කියන එක සම්බන්ධව. මෙහෙමයි ශරීර බර හා තමන් වැය කරන ශක්ති ප්‍රමාණය මත ආහාර ලබා ගත යුතුයි. ශරීර බර වැඩි ශක්තිය අඩුවෙන් වැය කරන කෙනෙක් සහ ශරීර බර වැඩි ශක්තිය වැඩියෙන් වැය කරන කෙනෙකුත් ගන්නා ආහාර ප්‍රමාණය වෙනස්. ඒ වගේම දියවැඩියා රෝගියෙක් ආහාර ලබා ගන්නා වෙලාව ඉතා වැදගත් වෙනවා. වේලක් මඟ හැරියොත් ඊළඟ වේල වැඩිපුර ගන්න වෙනවා. මේ නිසා ප්‍රධාන වේල් තුන නියමිත පරිදි සමබරව ලබා ගත යුතු අතර අමතර ආහාරවේල් 2 ක් ලබා ගැනීම දියවැඩියා රෝගීන්ට සුදුසුයි. තමාගේ පිඟානෙන් 1/2 ක් ම එළවළු හා පලා වර්ග තිබිය යුතු අතර ඒ පිඟානේ 1/4 ක් පිෂ්ඨමය ආහාර වන අතර ඉතිරි 1/4 ක ප්‍රෝටීන ආහාර විය යුතුයි. ඒ කියන්නේ ධාන්‍ය වර්ග සහ මාළු.

දියවැඩියා රෝගීන්ට ප්‍රධාන ආහාර වේල් සඳහා නිවුඩු සහල්, තැම්බූ සහල්වලින් පිසූ බත් ගොඩක් හොඳයි. දේශිය සහල් උදා. සුවඳැල්, හීනැටි, පච්චපෙරුමාල්, කහමාලය, ඇතුළු සහල් වර්ග ආහාරයට ගන්න තිබෙනවා නම් වඩාත් හොඳයි. මුං ඇට, කඩල, කවුපි, නිවුඩු සහල් පිටි හා ආටා පිටි වලින් සකස් කළ ආහාර පිරිසිදු කොළ පාට එළවළු හා පලා වර්ග තෝරා ගැනීම ධාන්‍ය වර්ග තෝරා ගැනීමේදී පොත්ත ඉවත් නොකළ ධාන්‍ය වර්ග තෝරාගන්න මතක තියාගන්න . හැබැයි ඉතිං මේ කෑම වර්ග කොච්චර හොඳ වුණත් පමණට වඩා ගන්න නම් එපා. දවසකට බත් පීරිසි කෝප්ප 3 ක් ප්‍රමාණවත් වන අතර එය උදේ එක බත් පීරිසි කෝප්පයක් දහවලට බත් පීරිසි කෝප්ප 1 1/2 ක් වන අතර රාත්‍රියට බත් පීරිසි කෝප්ප 1/2 වන ලෙස දිනක බත් පීරිසි කෝප්ප 3 සකසා ගන්න මතක තියාගන්න. කෙඳි සහිත ආහාර ගැනීමේදී රුධිරයට ග්ලූකෝස් එකතු වීම යම් අකාරයකින් ප්‍රමාද කරනවා. එයින් සිරුරේ ඇති රුධිරයේ ග්ලූකෝස් ප්‍රමාණය ඉහළ යාම අඩු කරනවා.

ඔයාට දියවැඩියාව තිබෙනවා නම් ආහාර ගැන වගබලා ගන්නවා වගේම ව්‍යායාම කරන්නත් අමතක කරන්න එපා.

කොළඹ ඉන්න ඔයාට ඉස්තරම්ම sea food dishes කන්න යන්න හොඳම තැන Red Panda

editor

හැමෝම පුදුම කරවන delivery service එක නිසා කාලයක් තිස්සේ Red Panda අවන්හල ගොඩදෙනෙක්ගේ ප්‍රියතම තැනක් බවට පත්වෙලා තියෙනවා. ඉතින් ඔවුන් ළඟකදී dine-in service එක පටන් අරන් තිබෙනවා. මේ අලුත්ම news ඒක දැනගත්ත ගමන් අපිට අවශ්‍ය වුණා ඔවුන්ගේ menu එක කොහොමද කියලා බලන්න.

Hot Butter Cuttlefish (LKR 850)

අපි oder කළේ පොඩි portion ඒකක් වුණත් සැළකිය යුතු තරම් පුමාණයක Cuttlefish අපිට ලැබී තිබුණා. Chinese cuisine වලින් බලාපොරොත්තුවෙන රසය ඉස්තරම්ව මේ Hot Butter Cuttlefish එකේ තිබුණා කිව්වොත් හරියටම හරි. සෝස්වල රසය වැඩි වුණත් Cuttlefish එක හැපෙන ගතියට එයින් කිසිම බාධාවක් වුණේනම් නැහැ.

Hot Butter Wings (LKR 700)

මේ portion එකත් අපිට සැලකිය යුතු ප්‍රමාණයකින් ලැබුණා. කුකුල් මස් වල රසයට වඩා සෝස්වල රසය අඩුයි. මස් හොඳින් සදා තිබුණු අතර මස් තුළටද රසය හොඳින් කැවැදී තිබුණා.

Chili Chicken with Cashew Nuts (LKR 900)

මොවුන් පිරිනමනු ලබන බත් සහ නූඩ්ල්ස් සමඟ මෙම ටෙන්ඩර් බයිට් ප්‍රමාණයේ කුකුළු මස් කැබලි නියමට ගැළපෙනවා. සෝස් එකතු කර තිබුණත් මේ dish එකේ රසයට හානියක් වෙලා තිබුණේ නැහැ. මේ dish එක රසවත් වෙන්න ප්‍රධනම හේතුව වෙලා තිබුණේ මේකට ඒකතු කරලා තිබුණ කජු .

Whole Garupa in Ginger Sauce (LKR 1200)

දැකපු ගමන් මෙය ඉතා සරල ආහාරයක් වුණත් මාළු වල නැවුම් බව සහ රසවත් බවනම් ඉස්තරම්. මෙයට යොදා තිබුණ ඉඟුරු සෝස් එක නියමට ගැළපෙනවා.

Mutton in Black Pepper Sauce (LKR 1100)

මම ගොඩක්ම කැමති වුණේ මේ dish එකට කිව්වොත් හරියටම හරි. Mutton මෘදු ලෙස සාදා තිබුණ අතර ඉතාමත් රසවත්ව මේ dish එක සදා තිබුණ එක ගැන ඇත්තට අපි සතුටුවෙනවා. creamy sauce එකත් එක්ක මේ dish එක පිළිගැන්වු අතර ගම්මිරිස් සැර මෙහි රසය වැඩි කරන්න තවත් හේතුවක් වෙලා තිබුණා.

Chicken Nasigoreng (LKR 1000)

මෙම සුප්‍රසිද්ධ ඉන්දුනීසියානු කෑම වර්ගය චීන මෙනුවක තිබුණත් , ගොඩක් දෙනෙක් මේ කෑම එකට ආසයි. බත්වල ඇති පැණි රස හා රසෙහි ඇති සමබර බව පරිපූර්ණ වූ අතර මේ රසයට ඔිනෑම කෙනෙක් කැමති වෙනවා නොවනුමානයි. මේ Nasigoreng එක Hot Butter Chicken එකත් එක්ක නියමෙට ගැළපෙනවා.

Jumbo Prawn in Orange Sauce (LKR 1500)

මේ වෙනකොට දැක්ක impressive looking එකක් තියෙන dish එක කිව්වොත් හරියටම හරි. මේ dish එක ඇත්තටම interesting experience එකක් . මං මේ dish එක කන මුල් වතාවෙදිම strong orange රසයක් වගේම ගැඹුරු flavor එකක් දැනුනා කිව්වොත් හරි. සෝස් ඒකේ තිබුණ පැණිරස ගතිය තමයි මේ dish එක ගොඩක් හොඳ වෙන්න හේතුවෙලා තියෙන්නේ. හැබැයි ඉතින් සමහර අය පැණි රසයට කැමති නැති නිසා මේ dish එකට කැමති නැති වෙන්නත් පුළුවන්.

Sweet and Sour Prawns (LKR 1100)

මුලින්ම මට notice වුණ දේ තමයි මේ dish එකේ තිබූ ඉස්සන් ප්‍රමාණයෙන් විශාල බව. ඇත්තටම මේ dish එකත් ගොඩක් රසවත්. මේ dish එකෙන් පළතුරු රසයක් එන අතර ඒකට හේතුව එයට යොදා තිබුණ අන්නාසි වල පැණි රස නිසා කියලා මට තේරුණා. flavours ටිකක් strong වුණත් මේකට මම ගොඩක් කැමති වුණා.

Seafood Fried Rice (LKR 1100)

මේ Seafood Fried Rice එක අපිට ගොඩක් familiar flaours වලින් තමයි අන්තර් ගතවෙලා තිබුණේ. ඇත්තටම හරිම රසයි. rice එකත් fluffy වෙන්න සාදා තිබුණ නිසා sea food වල රස හොඳින් දැනුනා. ඒ වගේම දෙන්නෙකුට කන්න පුළුවන් තරම් ලොකු portion එකක් අපිට ලැබුණා.

Singapore Style Chili Crab (LKR 1500)

මේ ආහාරය කන්න කලින් අපි කලේ ඇස් වලින් රසවිඳින එක. මොකද මේක පිළිගන්වලා තිබුණ විදිය ඇත්තටම ලස්සනයි. කකුළුවන් අවන්හලකදී කන්න ටිකක් කරදරයි නිසා මම මුලින්ම මේ dish එක එක්ක අපිට ලැබුණු සෝස් එක අත්හදා බැලුවා. මෙහි ඉඟුරු වල රසය හොඳට තිබුණ අතර රසය වැඩිවෙන්න ඒකත් හේතුවක් වෙලා තිබුණා. ඊට පස්සේ මම කකුළුවන් අත්හදා බැලුවා. ඇත්තටම මස් මෘදු වෙන්න මෙය හදලා තිබ්බ නිසා කරදරයක් නැතිව මට මේ ආහාරය ගන්න පුළුවන් වුණා.

1...222324...38 Page 23 of 38