නිදහසේ Ice Cream එකක් කන්න යමුද Yasmin’s Cafe…

Yasmin කියන්නේ අයිස්ක්‍රීම්, sorbets, gelato, frozen yoghurt හා කේක් වල නිවහනයි. ආගන්තුක සත්කාරක කර්මාන්තයේ ප්‍රවීණයෙකු වන යස්මින් කාඩර්ගේ අතුරුපස වලින් ඔයාට රසවත් dessertery අත්දැකීමක් ලබා දෙන බව නම් නොවනුමානයි. ක්‍රීමී හා අලුත් විදියේ අයිස්ක්‍රීම් flavors 16ක්ම Yasmin සතුයි.ඔවුන්ගේ ice cream වල තියෙන හැපෙන සුළු ස්වභාවික බව අපේ රටේ වැවිලි කර්මාන්තයටත් උදව් කරනවා.

 

Carino ice cream හදන්න ජෙලටින්, වර්ණක හා රසකාරක වගේ දේවල් භාවිතයට ගන්නේ නෑ. ඒ වෙනුවට එයාලා අයිස්ක්‍රීම් එක රස ගන්වන්න මී පැණි, කිතුල් හකුරු, පොල් කිරි, ආමන්ඩ් කිරි හා කජු කිරි මිශ්‍ර කරනවා.එයාලා භාවිතයට ගන්න ස්වභාවික අමුද්‍රව්‍ය නිසාම ඒ අතුරුපස වල රස බලන්න අපි කාගෙත් හිත් ඇදී ගියා. ඒ නිසා carino scoop එකක අපි ලබපු අත්දැකීම ඔයාලත් එක්කත් බෙදාගන්න අපි හිතුවා.

 

Drinks

Cafe Mocha (LKR 350)

මේ බීම එක හරි ලස්සනට අපිට serve කරා. caffeine ගතිය වැඩිපුර දැනුන නිසා ඒ ඩ්‍රින්ක් එකේ සැහැල්ලු හෝ බර ගතියක් අපට දැනුනේ නෑ.

 

Cafe Latte (LKR 320)

Caffeine ගතිය වැඩිපුර දැනේනවාට කැමති නැද්ද ? එහෙනම් worry වෙන්න එපා. මේ බිම එකේ කෝපි රසයක් තියෙන නිසා කිරි හා espresso එකට එකතු උනාම දිවට දැනෙන්නේ පුදුමාකර රසයක් .

 

Ice Cream

Fig and Honey (LKR 400)

ice cream හැන්දක් කටට ගත්තාම එන මී පැණි හා අත්තික්කා වල රස අපිව වෙනම ලෝකෙකට ගෙනියනවා. මට මගේ පොඩි කාලේ මතක් වූණා . A.A.මිල්න් ගේ කාලේ yasmin ලග මේ flavor එක තිබුණා නම් විනි ද පූ එයගේ ටියුබ් එකෙන් අයිස්ක්‍රීම් වල රස විඳලා …එයා නිතරම කියන මේ වචන ටික කියාවි ..” මේ රස අකුරු කරන්න බැහැ එකේ රස විඳින්නම ඕන” කියලා.

 

Pistachio – Almond (LKR 400)

මේ අයිස්ක්‍රීම් එකේ රසය ගැන කිව්වොත් ඒකෙ තියෙන නැවුම් crunch ගතිය නිසාම අපේ දිවේ අමුතු රසවත් අත්දැකීමක් මවනවා.ආමන්ඩ් ඇට වල තියෙන ගුණය ආරක්ෂා කරමින්,එහි තියෙන බටර් රසය අයිස්ක්‍රීම් වලට එකතු වෙලා අද්වීතිය රසයක් ලබා දෙනවා.

 

 

Chocolate and Almond (LKR 400)

අයිස් ක්‍රීම් එක එක්ක චොක්ලට් වල එකතුව අපිට දැනුනේ හරියට කේක් එකක් රහ බලනවා වගේ .ආමන්ඩ් ඇටවල තියෙන පහසු හැපෙන සුළු crunch ගතිය නිසාම අයිස්ක්‍රීම් එකේ රස තවත් වැඩි වුණා.

 

Coffee Almond Fudge (LKR 400)

Yasmin ice cream වල තිබුණු අපේ favorite flavour ඒක තමයි coffe almond fudge කියන්නේ.මිහිරි කෝපි සුවඳ හා රසය නිසාම අපි හිතේ තැන නතර වුණා කිව්වොත් හරි.ආමන්ඩ් වල තියෙන හැපෙන සුළු ගතිය අයිස්ක්‍රීම් එකේ රසය තවත් වැඩි කළා.

 

Salted Caramel (LKR 300)

මේ අයිස් ක්‍රීම් එකේ තියන කැරමල් රසය ඔයාව කුණාටුවක් මැදින් වුණත් ගෙනියනවා නිසැකයි.අයිස්ක්‍රීම් එකේ මෘදු ගතිය හා කැරමල් රසය එකට එකතු උනාම දිවට අමුතුම රසයක් එක් කරනවා.

 

Vegan Vanilla Fudge Brownies (LKR 300)

Vegan ice cream flavours හරි කම්මැලියි කියලා හිතන අයට මේක try කරන්න පුලුවන්.මෙහි රසය අද්විතීයයි. ඇළෙන සුළු සහ හැපෙන සුළු ගතියත්, වැනිලා සහ චොකලට් flavours වල තියෙන balance එකත් මෙහි ඇති මිහිරි රසයට හේතූන් ලෙස පෙන්වන්න පුළුවන්.

 

Chocolate Fudge Brownies (LKR 300)

මෙහි scoop එකකින් rich chocolate flavour එකක රසය ඒ ආකරයෙන්ම විදගන්න ඔයාට පුලුවන්. බ්‍රොව්නිස් වලට කැමති අයව පුදුම දනවන ලෙස මේ අතුරුපස සාදා තිබෙනවා.මේක ඔයා රසවිඳලා තියෙන හොඳම chocolate fudge ice cream එක වේවි. අයිස් ක්‍රීම් වලට වඩා බ්‍රොවුනීස් වැඩිය තිබ්බත්, එයින් එහි රසය තවත් වැඩි කරන්න සමත් වෙලා තිබෙනවා.

 

ටින් කිරි (LKR 300)

දේශීය වගේම හරි intresting flavour එකක් තියෙන අයිස් ක්‍රීම් එකක් මං කැමතිම විදියේ flavour එකක් නොවුණත්, මේ අයිස් ක්‍රීම් එක රසවිඳලා අමුතුම අත්දැකීමක් ලබා ගන්න මට හැකි වුණා.මෙය සියුම් සහ මෘදු කෙඳි රැසකින් සමන්විතයි.

 

Rose Kulfi (LKR 300)

ජීවිතේ කියන්නේ රෝස මල් යහනාවක් නෙවෙයි හැබැයි මේ Rose Kulfi අයිස් ක්‍රීම් එක ගැන නම් එහෙම කියන්න බෑ .රෝස වතුර ,රෝස තෙල් ,රෝස ඉටිපන්දම් වලින් සරසලා තියෙනවා ඔයාලා මෙහෙට ආවොත් දකින්න ලැබෙයි. වෙනස්ම ආකාරයේ රසයක් මවන රෝස වතුර, nuts සහ ක්‍රීම් වල තියෙන සුවඳ කවදාවත් අපි නොවිඳපු රසවත් අත්දැකීමක් මවනවා.මේ අයිස් ක්‍රීම් එක ඇත්තටම මාව නින්දට පත් කළා.

 

French Vanilla (LKR 300)

මෙය ලෝකයේ තියෙන හොඳම region එකකින් ලැබෙන වැනිලා එකක්, සියුම් සහ මෘදු textured තියෙන අයිස් ක්‍රීම් එකක්,Yasmin’s ළඟ වැනිලා රසැති අතුරුපස බොහෝ තිබුනත්, මේක තමයි වැනිලා ලෝලීන්ට කියාපු අතුරුපස.

 

මයිලෝ (LKR 300)

මං දැක්ක ගමන් මොකක්ද flavor එක කියලා අඳුනගත්තා. මේක නම් නියම මයිලෝ treat එකක්.ශ්‍රී ලාංකික මවුවරුන්ට නම් උදෑසන මයිලෝ පානයට කිසිම ආදේශකයක් නැහැ.නමුත් මෙය ඊට හොඳම තෝරාගැනීමක්. හොදට උඩින් ඉහළා තියෙන මේ චොක්ලට් හා මෝල්ට් මිශ්‍ර වූ ක්‍රීමි අතුරුපසේ රස නම් කියා නිම කළ නොහැකියි. තවත් රසවිඳින්න හිතෙන තරම් රසයක් මේ තුළ තියෙනවා.

 

Decadent Chocolate (LKR 300)

අපි රසවිඳපු අතුරුපස අතරින් මෙය අධික ලෙස චොක්ලට් රසයක් දැනෙන අතුරුපසක් කිව්වොත් මං හරි. අයිස්ක්‍රීම් එකේ පාට සහ ස්භාවය නම් හරිම සුවිශේෂියි. මෙය නම් ඇත්තටම හොඳ චොකලට් සම්බධතාවක් ඇති අතුරුපසක්.

 

 

Praline and Cream (LKR 300)

හොඳයි, මේක නම් සම්පූර්ණයෙන්ම nuts වලින් හදලා තියෙන්නේ. ඔයාට crunchy සහ creamy රසයක් ලබා දෙන්න මේ වැනිලා, කජු සහ ආමන්ඩ් ඇට වලින් හදලා තියෙන අතුරුපස නම් කදිමයි. එකම එක හැන්දක රසකින් මං කියන දේ වටහා ගන්න ඔයාට පුළුවන් වේවි.

 

Coconut Cream (LKR 300)

මේ desert එක නම් “Yasmin’s stop” එකක් කිව්වොත් නිවැරදියි. රසවිදපු අතුරුපස අතරින් මේ coconut cream අතුරුපසෙත් අද්විතීය රසයක් තියෙනවා. පොල් කෑලි වල එකතුව නිසාම මෘදු හැපෙන සුළු රසයක් මෙමගින් ලබා දෙනවා. ඒ වගේම මේ අතුරුපස ගොඩක් creamy!!..මේ අයිස් ක්‍රීම් එකෙන් Tub එකක් ඔයාලගේ ගෙදර ගෙනිහින් බලන්න. ගෙදර කට්ටිය මේකට කොච්චර ආස කරයිද කියලා ඔයාටම දැකගන්න පුළුවන්.

 

Strawberry Sorbet (LKR 300)

දිනපතාම mouthwatering sorbet එකක රස බලන්න ඔයාටත් ඕනිද? එහෙනම් මෙන්න!. ඊට සුදුසුම අතුරුපස. Jagro එකෙන් ලබාගත්ත ස්ට්‍රොබෙරි එක්ක sorbet කොළ mix වෙලා එන smoky සුවදත් එහි රසයත් හරිම අපූරුයි.

 

Lemon Sorbet (LKR 300)

ටැංජි හිම බෝලයක්!.. මේ sorbet එක හරිම රසවත්. ඔයා ආසම lemon mojito එකක් රසවිඳිනවා වගේ ඔයාට දැනෙයි. රස්නේ නසන්න කියාපු අතුරුපස.

 

 

Ice Cream Trifle (LKR 650)

එක ලේයර් එකක් උඩ තව dreamy flavour layer එකක්..ස්වර්ගීය හැගීමක් මවනවා!..මිදි, වැනිලා අයිස්ක්‍රීම්, චෙරි සහ crumble වල ගැලපීම අතුරුපසේ දැකුම්කළු දසුනක් එක් කරනවා. පලතුරු සංයෝගයේ රසයත්, richly flavoured trifle එකක අත්දැකීමක් ලබාගන්න පුළුවන් නිසාම මෙම මිළට එයට ඉතා සාධාරණයි.

 

 

Chocolate Eton Mess (LKR 650)

පලතුර චුට්ටයි, චොක්ලට් ගොඩක්!!.. අපි ඇත්තටම එහෙම කැමතිද? ඇත්තවශයෙන්ම.. මෙය හරියට මෘදු රසැති මිහිරි සංගීතයකට එකතුවෙලා අපේ කට ඇතුළේ ගායනය කරනවා වගේ හැගීමක් ලබා දුන්නා. ඔන්න අපි ඔයාටම මේ රසය විද එය දැනෙන විදිහ පහළින් comment කරන ලෙස ඇරයුම් කරනවා.

 

Cakes

Ribbon Cake (LKR 400)

සාමාන්‍ය රිබන් කේක් එකක තියෙන විවිධ රසයන් අඩංගු layers වලින් වෙනස් වී moist එකත් එක්ක පැණි රසයක් තියෙන හොඳම රිබන් කේක් එක කිව්වොත් මම නිවැරදියි. මෙය සරල අලංකරණයකින් යුත් අද්විතීය කේක් එකකි.

 

 

Perfect Chocolate Cake (LKR 450)

හරි.. නමින්ම එය තේරුම් කරනවා.මේක තමයි නියමම චොක්ලට් කේක් එක.මේ moist චොක්ලට් කේක් එක rich chocolate flavour අත්දැකීමක් ඔයාට ලබා දෙනවා.එක පාරක් ඉඳගත්තාම කෑලි දෙකකට වඩා නම් ඔයාට කන්න බැරි වේවි…

 

Coffee Cake (LKR 480)

ඔයා මීට කලින් නම් කෝෆි කේක් කාල ඇති හැබැයි මේ වගේ කේක් එකක් නම් රසවිඳලා නැතුව ඇති, මෙය සරල සහ අලංකාර සැරසිල්ලකින් යුත් creamy smooth කේක් එකක්.

 

Ambiance

මේ shop එකේ interior එක නම් නියමයි.අපි හිතුවට වැඩිය වෙනස්ම ලස්සනක් තිබුණා.නව්‍යකරණ දේවල් සහ සංස්කෘතික දේවල් මනාව ගලපමින් එම ලස්සන ගන්න ඔවුන් සමත් වෙලා තිබුණා. දහවල් කාලයට ගැළපෙන ලෙස ස්වභාවික ආලෝකකරණයක්ද, රාත්‍රී කාලයේ දී නවීන ක්‍රමයේ ආලෝකකරණයකින්ද shop එක ලස්සන කරලා තිබුණා. පැස්ටල් වලින් පාට කර පුටු ද,නිර්මාණාත්මකව සෑදූ පැරණි ගෘහ භාණ්ඩ ද ෂොප් එකට තවත් ලස්සනක් එකතු කළා. පැණිරස වලට ආස අයට සෞඛ්‍යාරක්ෂිතව එය ලබාගන්න පුලුවන් හොඳම place එකක් විදියට Yasmin’s shop එක අපි recommend කරනවා.

Creme, Addict, Guilt-Free, Chill Out, After Dark කියන carino අයිස්ක්‍රීම් වර්ග පහක් yasmin’s පිලිගන්වනවා.50කටත් වඩා වැඩි carino flavours අවශ්‍යතාවයන් මත තම පාරිභෝගිකයන්ට ලබා දීමට ඔවුන් කටයුතු කරනවා.කෝපි අන්තර්ගත බීම වර්ගයන්ට අමතරව බොහෝ දේවල් ඔවුන්ගේ menu එකේ අඩංගුයි. 20 දෙනෙකුට පමණ එම ස්ථානයේ රැඳී සිටීමට පහසුකම් සපයා දී තිබෙනවා. date එකකට වගේම යාලුවොත් එක්ක තියෙන meetups වලටත් මේ තැන හොඳට ගැලපෙනවා.

දැරිය හැකි මිලකට සුඛෝපභෝගී අත්දැකීමක් ලබාගන්න මෙන්න ඔබටත් දැන් අවස්ථාවක්.

Tip: coconut සහ rose kulfi වැනි විදේශීය රසයක් තෝරාගෙන පෙරදිග රසයක මිහිර විද ගන්න. Chocolate ranges ටික ට්‍රයි කරන්නත් අමතක කරන්න එපා.