Blog Page 9

Fish කට්ලට් …

 

https://www.youtube.com/shorts/HiN1F0jq3cI

 

අවශ්‍ය ද්‍රව්‍ය ….

අමු මිරිස් කරල් 6 ක්
සුදුළූණු බික් 8 ක්
කරපිංචා
ලොකු ළූණු ගෙඩි 1ක්
අල 300g
තැම්බූ ටූනා 250g
තැම්බූ තලපත් 250g
ගම්මිරිස් තේ හැඳි 1 ½ ක්
කෑලි මිරිස් තේ හැඳි 1ක්
ලුණු තේ හැඳි 1 ½ ක්
දෙහි යුෂ තේ හැඳි 1 ½ක්
තෙල් තේ හැඳි 1 ½ ක්
බිත්තර සාරු
පාන් කුඩු

සාදා ගන්නා ආකාරය …

භාජනයක් ගෙන එයට අමු මිරිස්, සුදුළූණු, කරපිංචා සහ ළූණු එකතු කර හොඳින් මිශ්‍ර කරන්න.

තම්බා ගත් ටූනා, තලපත්, ගම්මිරිස්, මිරිස්, ලුණු සහ දෙහි යුෂ සමග වෙනම භාජනයකට එක්කර එයට අල එකතු කර හොඳින් මිශ්‍ර කරන්න.

පෑන් එකට තෙල් දමා රත් කර ගත් පසු සකස් කළ පළමු මිශ්‍රණය දමා තෙම්පරාදු කර ගන්න.

දැන් එයට අල මිශ්‍රණය ද එක්කර සියල්ල හොඳින් මිශ්‍ර වන තෙක් තෙම්පරාදු කරගන්න.

එය ලිපෙන් ඉවත් කරන්න, සිසිල් වීමට ඉඩ හරින්න.

දැන් එම මිශ්‍රණයෙන් කුඩා කොටස් ගෙන කට්ලට් බෝල සාදා ගන්න.

එම කට්ලට් බෝල මත බිත්තර සාරු දවටා එයට පාන් කුඩු මිශ්‍ර කර රන්වන් පැහැ වනතුරු තෙලේ බැද ගන්න.

මහපොළවට ඔබෙන් ලැබිය යුතු දේ දුන්නාද …?

අපට සන්තෝෂ විය හැකි එක වැදගත් කාරණයක් නම්, මිනිසා  සහ සොබාදහම අතර ඇති සම්බන්ධතාව තවමත් නොබිඳී පැවතීමයි. එහෙම කිවුවේ ලියෝ තෝල්ස්තෝයි. මට කේන්ති යන එකම කාරණය මිනිස්සු තවමත් අපට පාවිච්චි කරන්න  පුළුවන් මට්ටමේ දේවල් කසළ විදිහට බැහැර කරනවා දැකීම, එහෙම කියන්නේ දයාවේ දෙවඟන වූ තෙරේසා මව්තුමිය. මේ එකිනෙකාට වෙනස් නමුත් ලෝක පූජිත වූ පුද්ගලයින් දෙදෙනෙක් කළ ප්‍රකාශයන් දෙකක්. ඇයි අපි මේවා නැවත කියන්නෙ..? හේතුව ඉතාම සරළයි. මේ කියන කතාවන් ඇතුලේ හිතන්න, දකින්න සහ ක්‍රියාත්මක වෙන්න බොහෝ දේ තියෙන නිසා වගේම ඒ සියල්ල එදාටත් වඩා අද දවසට වලංගු වන නිසයි.

මේ කරුණු ගැන නැවත කතාබහ කරන්න සුදුසුම සහ හොඳම දවස අද. හේතුව, අද ලෝක පරිසර දිනය.ජුනි  05  වැනිදා ලෝක පරිසර දිනය සැමරෙනවා. 1974 ජුනි මාසේ 05 වැනිදායින් මේ සැමරුම ආරම්භ වනවා. ඇමරිකානුවන් තමයි මුලින්ම ලෝක පරිසර දිනය සැමරීම ආරම්භ කරන්නෙ. එදා පටන් අද දක්වාමත් ලෝක පරිසර දිනයේ පොදු තේමාව විදිහට “Only one earth” කියන තේමා පාඨය භාවිත කෙරෙනවා. පසුකාලීනව එක්සත් ජාතීන්ගේ සංවිධානය මැදිහත් වීමෙන් ලෝකය පුරා විවිධ පරිසර ගැටළු හඳුනා ගැනීම සහ ඒවාට අවධානය යොමු කිරීම ආරම්භ වුනා. ඒ එක්කම විවිධ පාරිසරික කොටස් සහ ඒවාට අවේනික වන ගැටළු පිලිබඳ ලෝක ප්‍රජාවගේ අවධානය යොමු වන්නට වුනා. සාගරය, මහපොලව, වායුගෝලය, වනාන්තර, තෙත්බිම්, වගුරුබිම්, කඩොලාන, වනජීවීන්, ඇතුළු විවිධ පරිසර පද්ධතීන්ට අවේනික ගැටළු තාක්ෂණික දියුණුවත් සමග සිදුවූ මානව ක්‍රියාකාරකම් නිසාම පැනනැගී තිබෙනවා. මානව වර්ගයා, ගහකොළ සත්ව ප්‍රජාව මේ සියල්ල එකතුවී සකස් වුනු පරිසරයේ පවතින අර්බුධ කිහිපයක් පිළිබඳව පසුගිය දශක දෙක ඇතුළත වඩා වැඩි ගෝලීය අවධානයක් යොමුවුනා. සාගර දුෂණය, ජල මුලාශ්‍ර අපවිත්‍ර වීම, ගෝලීය උණුසුම, වායු දූෂණය, ශාඛ ගහණය විනාශ වීම, සත්ව වර්ග මිහිමතින් වඳවී යාම වැනි ගැටළු රැසක් මේ යටතේ හඳුනා ගැනීමෙන් පසුව ඒ සඳහා ක්‍රියාමාර්ග ගැනීම එක්සත් ජාතීන්ගේ සංවිධානයේ පරිසර වැඩසටහන මගින් සිදු කෙරෙනවා. මිහිතලය ආරක්ෂා කිරීමට, තිරසාර භාවිතයට සහ නැවත ස්ථාපනය කිරීමට ගෝලීය මට්ටමේ සාමුහික මැදිහත්වීමක් අවශ්‍ය බව අවධාරණය කිරීමින්ම 2022 වසරේත් ලෝක පරිසර දිනය සැමරෙනවා.

 

 

සමස්ථ ලෝකයම එකට පරිසර දිනය සමරන මොහොතක ශ්‍රී ලංකික පුරවැසියන් වශයෙන් අපි අවධානය යොමුකළ යුතු කරුණු කිහිපයක් පිළිබඳව නැවත නැවතත් සිහිපත් කරවීම වැදගත් වනවා. පරිසර දුෂණයට අපේ දායකත්වය කෙලෙසද කියන කාරණය අමුතුවෙන් සිහිපත් කළ යුත්තක් නොවුනත් බොහෝ දෙනෙක් තවමත් ඒ පිළිබඳව නොසලකා හරින්නේ ඇතිවිය හැකි විනාශය පිළිබඳව වූ අනවබෝධය නිසා විය හැකියි. මෙරට බොහෝ කර්මාන්ත පරිසර හිතකාමී නොවන අයුරින් ක්‍රියාත්මක වන බව ඔබ දැක ඇති. කර්මාන්ත ඔස්සේ වායු දූෂණය සහ ජල දුෂණය සිදුවීම අපේ රටේ තවමත් සුලභයි. මේ සම්බන්ධයෙන් අධිකාරී බලය පවතින ආයතන සහ පුද්ගලයින්ගේ අවධානය යොමු කරවීමත් පුරවැසියන් විදිහට සිදුකළ යුත්තක්. ඒ වගේම පෞද්ගලික මට්ටමින් අපට පරිසර තුලනාත්මක බව වෙනුවෙන් දායක විය හැකි ආකාර බොහෝයි. ගස් කපා දැමීම විවිධ හේතු නිසා සිදුවනවා. විශේෂයෙන් ඉදිකිරීම් ඇතුළු කර්මාන්ත රැසකට දැව භාවිතය අපේ රටේ සුලභ කාරණයක්. නමුත් තාක්ෂණිකව ඉතා දියුණු ලෝකයක විකල්ප ඕනා තරම් පවතින නිසා ඒවා භාවිතයට හුරුවීමෙන් අධික වනාන්තර විනාශය අවම කරගැනීමට හැකියාවක් ලැබේවි. ඒ වගේම අධි පරිභෝජනය නතර කිරීම පරිසර තුලනාත්මක බව පවත්වා ගැනීමට අතිශය වැදගත් සාධකයක්. මුලින් සඳහන් කළ විදිහටම තෙරේසා මව් තුමියගේ ප්‍රකාශයෙන් පවා කියවෙන පරිදි අධි පරිභෝජනයෙන් වැළකීම සහ නැවත පරිභෝජනයට හුරුවීම පරිසරයේ පැවැත්මටත් වැදගත් වේවි.

 

මහපොළව ඔබට මට පමණක් අයිති වන්නක් නොවන බවත් මෙලොව උපත ලබන ගහකොළ සතුන් ඇතුළු සමස්ථයටම සිය පැවැත්ම වෙනුවෙන් වූ ස්වභාවික අයිතියක් ඇති බවත් වටහා ගැනීම මේ පරිසර දිනයේදීවත් මිනිසුන් ලෙස අප කළ යුත්තක්. සොබාදහමේ නිමවුම් භාවිතයෙන් අපේ ජීවන රටාවන් පවත්වා ගන්නවා වගේම පෙරළා මහපොළවට සොබා දහමට අපෙන් ලැබිය යුතු කොටස ලබාදීම අත්‍යවශ්‍යයි. තිරසාර භාවිතය ලෙසින් අපි හඳුන්වන්නේ මේ සරළ සිද්ධාන්තය බව ඔබට සිහිපත් කළ යුතුමයි. ආරක්ෂා කිරීම, තිරසාර භාවිතය සහ නැවත ප්‍රතිනිර්මාණය කිරීම යන ක්‍රියාවලින් නිසි පරිදි සිදුකිරීමෙන් පමණක් පරිසරය නියමාකාරයෙන් පවත්වා ගැනීමට අපට හැකිවේවි. ඒ නිසා දෛනික ජිවිතයේ සියලු ක්‍රියාකාරකම් වලදීත් පරිසරය පිළිබඳව ඔබේ අවධානය යොමු කරවීම මේ පරිසර දිනයේ සිට හෝ ඇරඹීමට හැකි නම්, ගෝලීය මට්ටමින් පරිසර සුරක්ෂිතතාව පිලිබඳ සිදුකෙරෙන මහා පරිමාන ව්‍යාපෘතීන්ට පුද්ගල දායකත්වය එක් කිරීමට ඔබට හැකිවේවි.

 

නිසංක වෙහෙරදූව.

ශ්‍රී ලංකාවේ සුරතලුන්ට හිතකාමී හෝටල් සහ නවාතැන් …

ඉතිහාසයේ සිට මේ දක්වාම මිනිසුන් සහ සුරතල් සතුන් අතර තියෙන්නේ පුදුමාකාර බැඳීමක්. ඔබ ඔබේ සුරතලාට ආදරය කරනවා හා සමානව සුරතලාද ඔබට ආදරය කරනවා.  සුරතලා තම ස්වාමියා සමග ඇතිකරගන්නා ඒ  බැඳීම සුරතලාගේ යහපැවැත්මට ඍජුවම බලපාන බව ඔබ දන්නවාද?
ඔබටත් සුරතලෙකු සිටිනවානම්, ඔබේ සුරතලා නැතුව කොහේ හෝ තැනක නිවාඩුවක් ගතකරන එක ලේසි පහසු දෙයක් නෙමෙයි. මොකද සුරතල් සතුන් රැගෙන යන්න පුළුවන් ස්ථාන ලංකාවේ තියෙන්නේ බොහොම අඩුවෙන්. මේ හේතුව නිසා ඔබේ සුරතලා සමග නිවාඩුවක් ගතකිරීමට ලංකාව වටා ඇති සුරතලුන්ට හිතකාමී හෝටල් list එකක්ම අද අපි ඔයාලා වෙනුවෙන් අරගෙන ආවා.
Hilton Colombo Residence

 

 

කොළඹ ජීවත්වෙන අයටනම් Hilton Colombo Residence කියන්නෙ ආගන්තුක තැනක් නෙමෙයි.  H අක්ෂරය සහිත දැවැන්ත පුවරුවක් ඇති ගොඩනැගිල්ල කොළඹ පිහිටා ඇති අනෙක් ගොඩනැගිලි අතරින් ඉතාමත් ප්‍රසිද්ධයි. ඔයාට පුළුවන් ඔයාගේ සුරතලත් එක්කම ගිහින් Hilton එකේ නිවාඩුවක් ගතකරන්න.
ස්ථානය – 200, යුනියන් පෙදෙස, කොළඹ 02
සුරතල් සතුන් ගෙන ඒම සඳහා අමතර ගාස්තු – නැත
ක්ෂණික ඇමතුම් අංකය – 011 534 4644
Foozoo Mantra – Lake Gardens

 

 

Royal Colombo Golf Club එක අසල පිහිටා ඇති Foozoo කියන්නේ නිවාඩුවක් ගත කිරීම සහ විනෝදාස්වාදය සඳහා අද්විතීය අත්දැකීමක් ලබා දෙන ඒ වගේම ආගන්තුක සත්කාර වලින් පිරිච්ච ස්ථානයක්. ඉතින් ඔයාගේ සුරතලාවත් ගෙනියන්න පුළුවන් ස්ථානයක් තමයි Foozoo Mantra කියන්නේ.
ස්ථානය – 40/12, Lake Gardens off Lake Drive, Colombo 08
සුරතල් සතුන් ගෙන ඒම සඳහා අමතර ගාස්තු – නැත
ක්ෂණික ඇමතුම් අංකය – 076 044 5030
Plumeria Luxury Villas – Udawalawa

 

උඩවලව ජාතික වනෝද්‍යානයේ සිට කිලෝමීටර 12ක් දුරින් පිහිටි නිස්කලංක පරිසරයක මෙම Villa එක පිහිටා තිබෙනවා. Plumeria Luxury Villas කියන්නේ සුරතල් සතුන් රැගෙන යන්න පුළුවන් ස්ථානයක් වගේම සුපිරි පහසුකම් සපිරි ආගන්තුක සත්කාර වලට ප්‍රසිද්ධ ස්ථානයක්.
ස්ථානය – 194/3, Maddyama Adoluwa, Udawalawa
සුරතල් සතුන් ගෙන ඒම සඳහා අමතර ගාස්තු – නැත
ක්ෂණික ඇමතුම් අංකය – 076 305 0918
O2 Villas – Weligama

 

මනස්කාන්ත භූමි දර්ශනයකට මුහුණලා පිහිටා ඇති මේ O2 Villas – Weligama නිදහසේ සුවපහසු නිවාඩුවක් ගතකිරීමට කියාපු ස්ථානයක්. BBQ පහසුකම් වල සිට උද්‍යාන සහ ටෙරස් පහසුකමද තිබීම මෙහි විශේෂත්වයක් . ඉතින් අනිවාර්යයෙන්ම ඔබේ සුරතලා සමග නිවාඩුවක් ගත කරන්න මෙතන හොඳම තැනක්.
ස්ථානය – කල්දේරම වත්ත, වැලිගම
සුරතල් සතුන් ගෙන ඒම සඳහා අමතර ගාස්තු – නැත
ක්ෂණික ඇමතුම් අංකය – 077 729 6051
Roseland Cottages – Bandarawela

 

 

මනරම් කඳු පන්තියකට මුහුණලා පිහිටා ඇති මෙම නවාතැනේ අපූරු අවන්හලක් වගේම සුවපහසු කාමර පහසුකම් සමන්විත වෙනවා. ඔබට ඔබේ සුරතලාද රැගෙනයා හැකි වීම මෙහි අනෙක් විශේෂත්වයයි.
ස්ථානය – Roseland Estate, Ambadandegama, Bandarawela
සුරතල් සතුන් ගෙන ඒම සඳහා අමතර ගාස්තු – නැත
ක්ෂණික ඇමතුම් අංකය – 077 333 0950
Beach Wave Hotel – Arugam Bay

 

 

ආරුගම්බේ සර්ෆ් පොයින්ට් එක ආසන්නයේ පිහිටා ඇති මෙම හෝටලය ඔබේ සුරතලා සමග beach side එකේ නිවාඩුවක් ගත කිරීමට  ඔබ යා යුතුම ස්ථානයක්.
ස්ථානය – 43, Water Music Road, Sinna Ullai, Arugam Bay
සුරතල් සතුන් ගෙන ඒම සඳහා අමතර ගාස්තු – නැත
ක්ෂණික ඇමතුම් අංකය – 075 273 3380
Highbury Colombo

 

 

 කොළඹ නගර මධ්‍යයේ පිහිටා ඇති නමුත් නිදහසේ නිවාඩුවක් ගතකරන්නට නියම තැනක් තමයි Highbury Colombo . ඒ වගේම කොළඹ තියෙන තරඟකාරී වටපිටාවෙන් ඈත් වෙලා නිදහසේ ඔබේ සුරතලාවත් රැගෙන නිවාඩුවක් ගතකරන්නට කියාපු ස්ථානයක්.
ස්ථානය – 14, ස්කෙල්ටන් පාර, කොළඹ 03
සුරතල් සතුන් ගෙන ඒම සඳහා අමතර ගාස්තු – USD 10
ක්ෂණික ඇමතුම් අංකය – 077 436 6273
Dots Bay House – Dikwella

 

පාරාදීසයක් වගේ ලස්සන තැනක පිහිටා තිබෙන Dots Bay House ගියොත් ඔබට සුන්දර අත්දැකීමක් ලබාගන්නට පුළුවන්. ඒ  වගේම ඔබේ සුරතලාවත් මෙම ස්ථානයට ඔවුන් සාදරයෙන් පිළිගන්නවා.
ස්ථානය – හිරිකැටිය වෙරළ, දික්වැල්ල
සුරතල් සතුන් ගෙන ඒම සඳහා අමතර ගාස්තු – නැත
ක්ෂණික ඇමතුම් අංකය – 077 770 0926

ඔබට ඔබේ සුරතලා සමග සුවපහසු නිවාඩුවක් ගතකරන්නට හොඳම තැන් ලැයිස්තුවක් මෙම ලිපිය තුළ අන්තර්ගතයි. මීට අමතරව ඔබ දන්නා විශේෂ ස්ථාන තිබෙනවා නම් පහලින් සඳහන් කරන්නට අමතක කරන්නට එපා.

සැමන් සලාදය …

අවශ්‍ය ද්‍රව්‍ය

සාමාන්‍ය ප්‍රමාණයේ ලොකු ළූණු ගෙඩි 2ක්
අමු මිරිස් කරල් 3ක්
ගම්මිරිස් තේ හැඳි 1/2ක්
ලුණු තේ හැඳි 3/4ක්
දෙහි යුෂ
සාමාන්‍ය ප්‍රමාණයේ තක්කාලි ගෙඩි 2ක්
සැමන් ටින් 1ක්

සාදා ගන්නා ආකාරය

භාජනයක් ගෙන එයට සිහින්ව කපා ගත් ලොකු ළූණු එක්කර ගන්න.
පසුව එයට පොඩියට කපා ගත් අමු මිරිස් එකතු කර ගන්න.
එයට අවශ්‍ය ප්‍රමාණයට ගම්මිරිස් හා ලුණු එක්කරන්න.
දැන් මෙයට දෙහි යුෂ එක්කර හොඳින් මිශ්‍ර කරන්න.
මිශ්‍රණයට කැබලි වලට කපා ගත් තක්කාලි එක්කරන්න.
දැන් එයට සැමන් මාළු එකතු කර හොඳින් මිශ්‍ර කරගන්න.

ඔබට සහනදායී මිලට දිවා ආහාර වේලක් මිලදී ගැනීමට හැකි ස්ථාන…

රට තුල ඉන්ධන ගෑස් ඇතුළු අත්‍යාවශ්‍ය භාණ්ඩවල මිල අහස උසට ඉහළ යාම නිසා වර්තමානයේ ආහාර වේලක් සකස්කරගන්න ඉතාමත් අසීරු අවස්ථාවක තමයි ශ්‍රී ලංකාවේ ජනතාව සිටින්නේ. මේ ආර්ථික අර්බුදය හමුවේ වුවද කොළඹ ආපනශාලා කිහිපයක් ලාභදායි මිලකට දිවා ආහාරවේල සැපයීම අගය කලයුතු කාරණයක්. අද අපි ඔයලා වෙනුවෙන්ම ඒ ආපනශාලා මොනවද සහ කෑම වල මිල ගණන් ගැන විස්තර අරගෙන ආවා.

 

 

01)Curry Pot

Curry Pot Restaurant කියන්නේ ශ්‍රී ලාංකීය ආහාරවේලක රසවිඳින්න කියාපු තැනක් .ඒ වගේම මේ වෙනතෙක් ඔවුන්ගේ ආහාරවල සුරක්ෂිතභාවයද, ප්‍රණීතභාවයද ඔවුන් අඩුකරගෙන නැහැ. Curry Pot Restaurant එකෙන් අතේ ඇති ගාණට ශ්‍රී ලාංකික ආහාරවේලක රස විඳින්න දැන් ඔයාට පුළුවන්.

ලිපිනය: 1) 314/1/A, කොල්ලුපිටිය පාර, මැරීන් ඩ්‍රයිව්, කොළඹ 03
2) අංක 25, ක්ලිෆර්ඩ් මාවත, ආර්.ඒ. ද මැල් මාවත,කොළඹ 03

දුරකථන අංකය: 1) 011 237 0119
2) 011 257 3800

ආහාර මෙනුව :
Rice and curry (Vegetable)   – LKR 500
Rice and curry (Egg)             – LKR 430
Rice and curry (Omelette)     – LKR 460
Rice and curry (Fish)             – LKR 500
Rice and curry (Chicken)       – LKR 500
Yellow rice (Fried Fish)           – LKR 500
Yellow rice (Chicken)             – LKR 550
Rice and curry (Fried Fish)   – LKR 530
Rice and curry (Fried Chicken) – LKR 550
Rice and curry (Cuttlefish)    – LKR 550
Rice and curry (Prawns)       – LKR 550
Rice and curry (Mutton)        – LKR 650

 

 

02)Hotel De Pilawoos (Kollupitiya)

Hotel De Pilawoos නමින් ආපනශාලා 10ක් පමණ කොළඹ ප්‍රදේශයේ පිහිටා තිබෙනවා. නමුත් Pilawoos පවුලේ එන හොඳම ආපනශාලාව තමයි කොල්ලුපිටියේ පිහිටා තිබෙන ආපනශාලාව. ඔවුන්ගේ දිවා ආහාරවේලද ලාබදායි මිලට ලබාගතහැකි අතර මෙම ස්ථානය රසවත් ආහාරවේලක් මිලදී ගැනීමට ඇති තවත් හොඳම ස්ථානයක්.

ලිපිනය: 417, ගාලු පාර, කොල්ලුපිටිය, කොළඹ 03
දුරකථන අංකය: 077 741 7417

ආහාර මෙනුව :
Simple rice packet (Vegetables, dhal and pol sambol) – LKR 250
Rice and curry (Vegetable) – LKR 325
Rice and curry (Egg) – LKR 370
Rice and curry (Fish) – LKR 430
Rice and curry (Chicken) – LKR 460
Rice and curry (Beef) – LKR 525

 

 

03)Yarl Hotel/Yarl Eat House

කොළඹ පිහිටා තිබෙන 600කට වැඩි අවන්හල් අතරින් Yarl Hotel/Yarl Eat House හොඳම අවන්හල් 200 අතර සිටීම විශේෂත්වයක්. මේ අවන්හල ගැන පැරණි පාරිභෝගිකයන් ධනාත්මක අදහස් දක්වන අතර වර්තමානයේදී ද ආහාරවල ගුණාත්මකභාවය පිළිබඳව පාරිභෝගිකයන්ගේ විශ්වාසය දිනාගත් අවන්හලක් විදියට මෙය හඳුන්වන්නට පුළුවන්.

ලිපිනය: 46/1 දුම්රිය ස්ථානය පාර, වැල්ලවත්ත, කොළඹ 06
දුරකථන අංකය: 011 259 3905

ආහාර මෙනුව :
Rice and curry (Fish) – LKR 400
Rice and curry (Omelette) – LKR 400
Rice and curry (Broiler Chicken) – LKR 330
Rice and curry (Chicken) – LKR 650
Rice and curry (Devilled Chicken) – LKR 450
Rice and curry (Cuttlefish) – LKR 990
Rice and curry (Prawns) – LKR 720
Rice and curry (Mutton) – LKR 1050

 

 

04)Flower Drum Colombo

පරම්පරා ගණනාවක් පුරාවට පැවත එන සාම්ප්‍රදායික ශ්‍රී ලංකා-චීන ආහාර සඳහා Flower Drum ඉතාමත් ප්‍රසිද්ධයි. ඔවුන්ගේ රසවත් දිවා ආහාරවේල අතේ ඇති මුදලට මිලදී ගන්න දැන් ඔයාට පුළුවන්.

ලිපිනය: 273/1 Vauxhall St, කොළඹ 02
දුරකථන අංකය: 077 562 2457

ආහාර මෙනුව :
Rice and curry (Vegetable) – LKR 350
Rice and curry (Egg) – LKR 400
Rice and curry (Chicken) – LKR 450
Rice and curry (Fish) – LKR 450
Basmati Rice (Vegetable pack) – LKR 520
Basmati Rice (Economy pack) – LKR 550

 

 

05)මිතුරෝ Café

ඉතාමත් ප්‍රණීත ආහාර සැපයීමේ ප්‍රමුඛයෝ වන Mithuro Café අවන්හල කුඩා අවන්හලක් වුවත් uber eats හී පාරිභෝගිකයන්ගේ ධනාත්මක ප්‍රතිචාර ලබාගෙන ඇති ප්‍රසිද්ධ අවන්හලක්.  ඔවුන්ගේ ආහාර ඉතාමත් රසවත් මෙන්ම ඔවුන්ගේ ආහාර හිතාගන්නට බැරි තරමට මිල අඩුයි.

ලිපිනය: ආර්.ඒ. ද මැල් මාවත, කොළඹ 05
දුරකථන අංකය: 077 991 5863

ආහාර මෙනුව :
Rice and curry (Vegetable) – LKR 100
Rice and curry (Egg) – LKR 150
Nelum Kole Rice and curry (Vegetable) – LKR 250
Nelum Kole Rice and curry (Fish) – LKR 300
Nelum Kole Rice and curry (Chicken) – LKR 350

 

 

06)Nelum Kole with Sri Lankan

රසවත් වගේම ප්‍රණීත ආහාර වේලක රස විඳගන්නට හොඳම තැනක් තමයි Nelum Kole with Sri Lankan කියලා කියන්නේ. uber eats හී ඉතාමත් හොඳ ratings ලබාගෙන ඇති අවන්හලක් ලෙස මෙය ප්‍රසිද්ධයි.

ලිපිනය: 11 ලෝරිස් පාර, කොළඹ 04
දුරකථන අංකය: N/A (UberEats හි ඇණවුම් කරන්න)

ආහාර මෙනුව :
White Rice (Vegetables) – LKR 290
White Rice (Egg) – LKR 330
White Rice (Omelette) – LKR 330
Yellow Rice (Vegetables) – LKR 330
Yellow Rice (Egg) – LKR 365
Yellow Rice (Omelette) – LKR 365
White Rice (Devilled Sausages) – LKR 460
White Rice (Fried Fish) – LKR 460
Mixed Fried Rice (Budget) – LKR 490
Yellow Rice (Devilled Sausages) – LKR 495
Yellow Rice (Fried Fish) – LKR 495
White Rice (Devilled Chicken) – LKR 560
Yellow Rice (Devilled Chicken) – LKR 560

 

 

07)Praneetha Foods – ගමේ බත් කඩේ

ශ්‍රී ලාංකේය ආහාරවල රසය විඳගන්නට මෙන්න නියම තැනක්. උසස් තත්ත්වයෙන් ඒ වගේම අතේ ඇති ගානට ඔබට මෙහිදී දහවල් ආහාර ලබාගන්න පුළුවන්. ගමේ බත් කඩේ කියන්නේ කොළඹ නගරයේ ගමේ රසට කන්න පුළුවන් නියම තැනක්.

ලිපිනය : 201 මුහන්දිරම් පාර, කොළඹ 03
දුරකථන අංකය: 011 233 3399

ආහාර මෙනුව :
Red rice (Plain) – LKR 312
Rice and curry (Vegetable) – LKR 375
Rice and curry (Vegetable Red) – LKR 375
Rice and curry (Egg) – LKR 438
Rice and curry (Egg Red) – LKR 438
Rice and curry (Bullseye) – LKR 438
Rice and curry (Bullseye Red) – LKR 438
Rice and curry (Omelette) – LKR 500
Rice and curry (Fish) – LKR 500
Rice and curry (Mushrooms) – LKR 563
Rice and curry (Chicken) – LKR 625
Rice and curry (Beef Baabath) – LKR 625
Rice and curry (Mutton Baabath) – LKR 625
Rice and curry (Kelawalla) – LKR 700
Rice and curry (Fried Chicken) – LKR 750
Rice and curry (Chicken So) – LKR 750
Rice and curry (Pork So) – LKR 750
Rice and curry (Beef) – LKR 750
Rice and curry (Beef Red) – LKR 750
Rice and curry (Beef Live) – LKR 750
Rice and curry (Pork) – LKR 750
Rice and curry (Lingus) – LKR 750

 

 

08)Curry Pot Fusion

ඔබට අවශ්‍ය පරිදි තෝරාගත හැකි ආහාර ලැයිස්තුවක්ම මොවුන්ගේ මෙනුවේ අන්තර්ගත වෙනවා. මෙහිදී ඔබට කැමති ව්‍යංජනයක් තෝරාගැනීමේ හැකියාවද  ලැබෙන අතර ආහාරවල ගුණාත්මකභාවයද ආරක්ෂා කරමින්  සහනදායි මිලට ආහාර ලබාදීමට ඔවුන් කටයුතු කරනවා.

ලිපිනය: 69 ශ්‍රී සුමනතිස්ස මාවත, කොළඹ
දුරකථන අංකය: 011 702 4820

ආහාර මෙනුව :
Rice and curry (Vegetable) – LKR 190
Rice and curry (Boiled Egg) – LKR 220
Rice and curry (Fish) – LKR 260
Rice and curry (Chicken) – LKR 280

 

 

09)Kochchi Rice and Curry

Rice and Curry වලටම විශේෂ වූ අවන්හලක් වෙන Kochchi Rice and Curry හි ආහාර ඉතාමත් රසවත්. අතේ ඇති මුදලට මෙම අවන්හලෙන්ද ඔබට දහවල් ආහාරය මිලදී ගැනීමට පුළුවන්.

ලිපිනය: 61 ෆයිෆ් පාර, කොළඹ 05
දුරකථන අංකය: 077 414 7878

Yellow Rice (Vegetables) – LKR 390
Yellow Rice (Soya) – LKR 440
Yellow Rice (Dry Sprats) – LKR 490
Red Rice (Chicken) – LKR 550
Yellow Rice (Chicken) – LKR 550
Yellow Rice (Fish) – LKR 590
Yellow Rice (Prawns) – LKR 690

 

 

10)Herali Restaurant

අතේ ඇති මුදලට ඔබට දවල් ආහාර වේලක් ලබාගත හැකි තවත් ස්ථානයක් තමයි Herali Restaurant කියන්නේ.

ලිපිනය: 51 පෙරහැර මාවත, කොළඹ 03
දුරකථන අංකය: 077 700 2007

ආහාර මෙනුව  :
Rice and curry (Vegetables) – LKR 340
Rice and curry (Bullseye) – LKR 380
Rice and curry (Omelette) – LKR 450
Rice and curry (Sprats) – LKR 500
Rice and curry (Fish) – LKR 550
Rice and curry (Chicken) – LKR 550
Rice and curry (Pork) – LKR 550
Rice and curry (Fried Whole Fish) – LKR 700

 

 

11)Surya Catering Services

බොහෝදෙනා මෙම ස්ථානය පිළිබඳව දැනුවත් වීමක් නොමැති වුවත් දැරිය හැකි මුදලට ආහාරවේලක් ලබාගත හැකි හොඳම ස්ථානයක් ලෙස Surya Catering Services අපිට හඳුන්වන්නට පුළුවන්.

ලිපිනය: අංක 46, 42 නවම් මාවත, කොළඹ 02
දුරකථන අංකය: 077 045 6466

ආහාර මෙනුව :
Rice and curry (Vegetable) – LKR 200
Rice and curry (Chicken) – LKR 290
Fried Rice (Chicken) – LKR 360

 

 

12)Ibrahim Eating House (Beruwala Kade)

විවිධ මස් වර්ග ඇතුලත් ව්‍යංජන ඒ වගේම රසම රස බිරියානි ඔබේ ආහාරවේලට එකතුකරගන්න ඔබ කැමතිනම් Ibrahim Eating House එකේ කෑම try කරල බලන්න අමතක කරන්න එපා.

ලිපිනය: පූජ්‍ය බද්දේගම විමලවංශ මාවත, කොළඹ 10
දුරකථන අංකය: 011 269 6930

ආහාර මෙනුව :
Rice and curry (Fish) – LKR 375
Rice and curry (Red rice & Beef) – LKR 390
Rice and curry (Beef/Half) – LKR 390
Rice and curry (Egg/Full) – LKR 390
Rice and curry (Beef/Full) – LKR 520
Rice and curry (Fried Beef) – LKR 520
Rice and curry (Red rice & Chicken/Half) – LKR 520
Rice and curry (Theecha Fish/Half) – LKR 525
Rice and curry (Roasted Chicken/Half) – LKR 750
Rice and curry (Red rice & Fried Beef/Half) – LKR 585
Rice and curry (Chicken/Full) – LKR 585
Rice and curry (Cooked Chicken) – LKR 585

 

 

13)Walanda Curry House

ඔබට දැරිය හැකි මුදලට ඔබේ ආහාරවේල ලබාගත හැකි තවත් තැනක් තමයි Walanda Curry House කියන්නේ. ආහාර ඉතාමත් රසවත් වගේම මෙම ස්ථානය පාරිභෝගිකයන් අතර ඉතා ජනප්‍රියයි.

ලිපිනය: 410 Deans පාර, කොළඹ 10
දුරකථන අංකය: 011 534 2833

ආහාර මෙනුව :
Rice and curry (Vegetable) – LKR 300
Rice and curry (Egg) – LKR 400
Rice and curry (Fish) – LKR 450
Rice and curry (Chicken) – LKR 500

 

 

14)Gruhanees Restaurant

ගෙදර හැදුවා වගේ රසවත් ආහාර වේලක රසය විඳගන්නට ඔබ යා යුතුම තැනක් තමයි Gruhanees Restaurant කියන්නේ.

ලිපිනය: 76 බාන්ස් පීඑල්, කොළඹ 07
දුරකථන අංකය: 070 233 0044

ආහාර මෙනුව :
Fatima’s Rice and curry (Chicken) – LKR 420
Fatima’s Rice and curry (Sprats tempered & Egg) – LKR 420
Charuni’s Rice and Curry (Chicken Devilled) – LKR 520
Erandika’s Yellow Rice and Curry (Devilled Prawn) – LKR 520

ඔබට සහනදායි මිලට දිවා ආහාරය ලබාගත හැකි ආපනශාලා පිලිබඳ විස්තරාත්මක ලැයිස්තුවක් අපගේ ලිපිය තුළ ඇතුලත් වෙනවා. අපට කුමන හෝ ස්ථානයක් මඟහැරී ඇත්නම් පහතින් ඔබේ අදහස් දක්වන්නත් අමතක කරන්න එපා.

HIV පැතිරීම පාලනය කරන PrEP ඖෂධ ක්‍රමය ගැන ඔබ දැනුවත්ද?

 

මානව ප්රතිශක්ති ඌණතා වෛරසය (Human Immunodeficiency Virus) යනු අපගේ ශරීරයේ ප්රතිශක්තිකරණ පද්ධතියට බලපෑම් එල්ල කරන වෛරස විශේෂයකි. AIDS වැනි රෝගී තත්ත්ව සඳහාත් මෙය බලපාන්නට පුලුවන්. HIV 1 ප්රභේදය ආසාදනය වූ රෝගියෙක් වසර 8-10 අතර කාලයකදී මරණයට පත් වීමේ අවදානමක් පවා තිබෙනවා. HIV 2 ප්රභේදය මිනිස් ශරීරයට සක්රීය බලපෑමක් ඇති නොකර ස්වභාවිකවම මිය යනවා.දරුණුතම කාරණය වන්නේ මෙම වෛරසය සඳහා නිශ්චිත ප්රතිකාරයක් තවමත් සොයාගෙන නොමැති වීමයි. HIV ආසාදනය වීම බොහෝවිට ලිංගික ක්‍රියාවන් හරහා සිදුවන්නක්. මත්ද්රව්ය එන්නත් කරගැනීමේදී, රුධිර පාරවිලයනයේදී වැනි ක්‍රම මගින්ද ආසාදිතයෙකුගේ රුධිරය හා මිශ්ර වී මෙම වෛරසය ව්යාප්ත වන්නට පුලුවන්. දැනට, ශ්රී ලංකාව HIV ව්යාප්තිය අඩු රටක් ලෙස සලකන නමුත් සක්රීය රෝගීන් 3600ක් පමණ හා වසරකට නව රෝගීන් 200ක් පමණ දිවයින පුරා වාර්තා වනවා.


මෙම තොරතුරු ජාතික ලිංගාශ්රිත රෝග පාලන වාර්තාව (National STD/AIDS Control Programme) තුළින් ඔබට ලබාගන්නට පුලුවන්.එබැවින්, HIV ආසාදනය වීම නිසා ඔබේ ජීවන රටාව සහමුලින්ම අත්හැර දැමීමට හෝ අවට සමාජයෙන් ඈත් වී සිටීමට අවශ්ය වන්නේ නැහැ. නිශ්චිතවම සුව කිරීමට ප්රතිකාරයක් නොතිබුණත්, නිසි වෛද්ය උපදෙස් අනුව HIV ලක්ෂණ පිටතට නොපෙනන අන්දමින් සහ අනෙකුත් පුද්ගලයන්ට වෛරසය ආසාදනය වීම වළකමින් එය මර්දනය කිරීමට හැකියාව පවතිනවා. එනිසා පිටත සමාජයට වෛරසය සම්ප්රේෂණය වේ යැයි බියෙන් තනිව හුදෙකලාව පසුවීමට හේතුවක් නැහැ.HIV ආසාදිතයින්ව ලාංකීය සමාජය තුළ විවේචනයට ලක් වීම සිදුවන්නේ ඔවුන් තුළ මේ ගැන නිසි අවබෝධයක් නොමැති පසුබිම නිසායි.

 

HIV සඳහා PrEP ලබා ගැනීම පිළිබඳ අවබෝධය….


Pre-Exposure Prophylaxis හෙවත් PrEP යනුවෙන් හැඳින්වෙන්නේ ඖෂධ මාත්රා ද්විත්වයක් කැටි කරගත් ටැබ්ලට් එකකි. තම ලිංගික සහකරුගෙන්/සහකාරියගෙන් HIV සම්ප්රේෂණය නොවේ යැයි සහතික කරගැනීම සඳහා රෝගය ආසාදනය නොවූ ඕනෑම අයෙකුට එය භාවිතා කළ හැකියි. එය ඔබේ ජීවන රටාව අනුව ගලපා ගනිමින් දිනපතා භාවිතා කරන්නට පුලුවන්. HIV ආසාදනය වීමේ අවදානමක් ඇතැයි ඔබට සිතෙන ඕනෑම අවස්ථාවක PrEP භාවිතා කිරීම ආරම්භ කළ හැකි අතර, HIV ආසාදනය වීමේ අවදානම තවදුරටත් නොමැති යැයි සිතූ පසු එය ලබා ගැනීම අත් හැර දැමිය හැකියි.

මෙහිදී වාර 2-1-1 ලෙසත් PrEP ලබා ගන්නවා. ඒ ලිංගිකව එක්වීමට පැය 2-24 පෙර කාලයේදී ද්විත්ව මාත්රාවකුත්, මුල් මාත්රාවෙන් පසු නැවත තනි මාත්රාවකුත්, ලිංගික එක්වීමකින් පැය 48කට පසු යළි තනි මාත්රාවකුත් ලෙසයි.
HIV ආසාදනය වැළැක්වීම සඳහා PrEP අතිශයින්ම ඵලදායි බව සායනික පරීක්ෂණ ගණනාවකින් තහවුරු වී තිබෙනවා. ලිංගික සම්ප්රේෂණ හරහා රෝගය බෝ නොවීමට 99% පමණ සාර්ථකත්වයක් එය සතු වන නමුත් එන්නත් කිරීම් හරහා සිදුවන ආසාදනවීම් වැළැක්වීමට දක්වන්නේ ඊට වඩා අඩු ප්රතිශතයකුයි. නමුත් එයත් 50%ට වඩා වැඩි අගයක් ගන්නා බවයි සැලකෙන්නේ…


එමෙන්ම PrEP භාවිතය අතුරුඵල බොහොම අඩු ඖෂධ ක්රමයකි. වාර්තා වී තිබෙන පරිදි, මුල්වරට PrEP ගත් ඇතැම් අයට උදරාශ්රිත ආබාධ තත්ත්ව ඇති වී තිබුණද, කාලයත් සමඟම ශරීරය ඊට අනුගත වී එම රෝග ලක්ෂණයත් අවම වනවා. මෙයින් ඇතමුන්ගේ වකුගඩු වලට සුලු බලපෑමක් වන බවත්, අස්ථිවල ඛණිජ ඝනත්වයේ සුලු අඩුවීමක් පෙන්නුම් කරන බවත් සායනික පරීක්ෂණවලදී සොයාගෙන තිබෙනවා. කෙසේ වුවත් එහිදී අස්ථිමය කොටස්වලට PrEP හරහා කිසිදු බලපෑමක් වී නැහැ.

 

PrEP ලබා ගැනීම….

PrEP යනු පෞද්ගලික කැමැත්ත මත ඔසුහලකින් ලබා ගත හැකි ඖෂධයක් නොවන බව මතක තබා ගැනීම වැදගත් ය. ඒ සඳහා ඔබට වෛද්යවරයෙකුගේ පිළිගත් නිර්දේශයක් අවශ්ය වන අතර සාමාන්යයෙන් මාස 1-3 අතර කාලයකට මෙය ලබා දේ. PrEP ලබා ගැනීමට පෙර HIV පරීක්ෂාවක් සහ ඖෂධයෙන් ඔබේ වකුගඩු ආරක්ෂිත දැයි සෙවීමට පරීක්ෂණයක් සිදු කරන නිසා වෛද්ය නිර්දේශයක් රැගෙන යාම වැදගත් වනවා. PrEP හි ඇතුළත් වන එක් ඖෂධ වර්ගයක් හෙපටයිටිස්-බී රෝගී තත්ත්වය සඳහාත් යොදා ගැනෙන නිසා, ඔබට හෙපටයිටිස්-බී පරීක්ෂණයක් ද සිදු කෙරෙනු ඇත.

ජාතික ලිංගාශ්රිත රෝග/ඒඩ්ස් පාලන වැඩසටහන හරහා ශ්රී ලංකාවේ ප්‍රධාන පෙලේ ලිංගාශ්රිත රෝග සායනයන් වන කොළඹ 10 ජාතික ලිංගාශ්රිත රෝග/ඒඩ්ස් මර්දන වැඩසටහන, අනුරාධපුර ශික්ෂණ රෝහල, හම්බන්තොට මහ රෝහල සහ රාගම ශික්ෂණ රෝහල, කළුබෝවිල ශික්ෂණ රෝහල ඇතුළු සායන කිහිපයකදී මෙම ඖෂධ ලබා ගැනීමට හැකියාව තිබෙනවා.

මෙම ඕනෑම සායනයකට පැමිණ, ඔබගේ මූලික පරීක්ෂණ සිදු කරගත් පසු අවශ්ය බෙහෙත් වට්ටෝරු නොමිලේ ලබා ගත හැකියි. මෙම සායන දැනට නියමු අදියරේ පවතින සායන 04ක් වන අතර ඉදිරියේදී ශ්රී ලංකාව වටා සෙසු සායන හරහාද PrEP පරීක්ෂණය කරවා ගැනීමට හැකි වනු ඇත. ඊට අමතරව සාමාන්ය ඔසුහල් සහ ප්රජා සායන හරහාද මෙය ලබා දීමට දැනටමත් සැලසුම් කෙරෙමින් පවතී.

වැඩිදුර විස්තර සඳහා ජාතික ලිංගාශ්රිත රෝග පාලන වැඩසටහනේ නිල වෙබ් අඩවියට පිවිසෙන්න. www.aidscontrol.gov.lk

කොළඹදී ඔබේ HIV පරීක්ෂාවක් සිදු කරවා ගැනීමට www.know4sure.lk වෙබ් අඩවිය හරහා දිනයක් වෙන් කරවා ගැනීමටත් පුලුවන්. PrEP සමඟින්, ඔබට දැන් ආරක්ෂිත, ප්රීතිමත් සහ සෞඛ්ය සම්පන්න ලිංගික ජීවිතයක් ගත කළ හැකියි. ප්රජාවක් වශයෙන් HIV රෝගය පිළිබඳව සහ එය වැළඳී ඇති පුද්ගලයින්ගේ අපකීර්තිය තුරන් කිරීම සඳහා වඩාත් හොඳින් අවබෝධ කර ගැනීමට අපට පියවර ගත හැකියි.

මෙම ආර්ථික අර්බුදය තුළ ඔබේ ආදායම වැඩි කර ගන්නේ කෙසේද? …

රටේ වර්තමානයේ පවතින ආර්ථික අර්බුධය හේතුවෙන් මුදල් ඉපයීම දුෂ්කර කාර්යක් වී තිබෙනවා. අදායමට වඩා වියදම වැඩි වීමත්, සීග්‍රයෙන් ඉහල යන උද්ධමනය නිසා බිල්පත් ගෙවීම වගේම එදිනදා අවශ්‍යකරන අමුද්‍රව්‍ය ලබාගැනීමද වර්තමානයේ දුෂ්කර කාර්යක් වී තිබෙනවා. මේ කාලය ඔබ ඔබේ හැකියාවන් වලට ඉඩදිය යුතුම කාලයයි. නැතහොත් සීග්‍රයෙන් ඉහලයන මේ ආර්ථික අර්බුදය ඔබව දරිද්‍රතාවයට ඇද දැමීමට වැඩි කාලයක් යන්නේ නැහැ. ඔබේ සාමාන්‍ය 9-5 රැකියාවෙන් ලබාගන්නා වැටුප ඔබේ සියලුම කාර්යයන් ඉටුකරගැනීමට තරම් ප්‍රමාණවත් වන්නේ නෑ. මේ දුෂ්කර කාලයට මුහුණදීමට ඔබ විසින් side-hustle එකක් හදාගත යුතුයි. Side-hustle එකක් යනු ඔබ විසින් ගොඩනගා ගන්නා ද්වීතීක අදායම් මාර්ගයයි. එවැනි රැකියාවන් බහුලව අපිට වර්තමානයේ දැක ගන්නට පුළුවන්. අනාගතයේදී ඔබට ඇතිවීමට හැකි මුල්‍ය අර්බුදයන්ගෙන් බේරීමට ඔබට කළහැකි රැකියාවන් ලැයිස්තුවක් පහත දැක්වෙයි.

1) Blog එකක් ආරම්භ කරන්න

 

Blog අඩවියක් නිර්මාණය කිරීම තුලින් ඔබට ඔබේම පෞද්ගලික සන්නාමයක් ගොඩනගා ගැනීමට හැකියාවක් ලැබෙනවා. මෙමගින් ඔබගේ පෞර්ෂය රටට ලෝකයට රැගෙනයාමට ඔබට හැකියාවක් ලැබෙනවා. මේ තුල ඔබට ඕනෑම දෙයක් ලිවීමට හැකි අතර ඔබේ දෛනික ජීවිතයේ සිදුවීම් (Diary Blog) ඒ වගේම ඔබගේ රුචිකත්වයට අදාල ලිපි ඔබට ලිවීමට හැකියාව ඇත. (උදා: සත්‍ය අපරාධ Blog අඩවිය, පොත් සමාලෝචන Blog අඩවි ආදිය). ඔබට මෙහිදී අදායම් ලෙස ඒ හා අනුබද්ධ අලෙවිකරණයන් , අනුග්‍රාහක පළකිරීම්, membership content, brand partnerships හරහා ඔබේ blog එකෙන් මුදල් ඉපැයීමට හැකියි.

2) Instagram Influencer කෙනෙකු වීම.

 

සමාජයේ කීර්තිමත් පුද්ගලයෙකු වීමට හැමෝම කැමතියි. සමාජයේ බොහෝ අය වෘත්තීය මට්ටමේ ගායන කුසලතාවයන් , නර්ථන කුසලතාවයන් තියෙන අය නොවේ ඔබ විවිධ දේවල් වලට කැමති අය වෙන්න පුළුවන්. ඔබට ඔබේ පෙනුම, ඔබේ සුරතලා, ඔබේ ඡායාරූපකරණය හෝ ඔබේ අසාමාන්‍ය දක්ෂතා මත ඔබේ ගිණුම පදනම් කරගෙන එතැන් සිට ඔබේ following ගොඩනගා ගත හැකිය. Instagram හී අනුග්‍රහකයන් දක්වන පළ කිරීම් හරහා මුදල් ඉපයීමට හැකි වනු ඇති අතර ඔබ වියදම් කරනවාට වඩා වැඩි මුදලක් උපයාගත හැකිය.

3) සමාජ මාධ්‍ය කළමනාකරණය

 

සමාජ මාධ්‍ය කළමනාකරුවෙකු ලෙස ඔබට සමාගමක හෝ වෙළඳ නාමයක සමාජ මාධ්‍යන් කළමනාකරණය කිරීම සහ නඩත්තු කිරීම සිදු කිරීමට හැකියාව ඇත. මෙය ඔබට ඔබේ කාලය සමඟ කළමනාකරණය කරගනිමින් සිදුකිරීමට හැකිය. මෙය ඔබට ඕනෑම තැනක සිට සිදුකිරීමට හැකිවීම අනෙක් විශේෂත්වයයි. Facebook, Instagram, Twitter වැනි සමාජ මාධ්‍ය ව්‍යාපාරවලට ඔවුන්ගේ නිෂ්පාදන හෝ සේවා ප්‍රවර්ධනය කිරීමට උදව් කිරීම ඔබේ මූලික වගකීම වන අතර ඔබ ඩිජිටල් ලෝකයේ අලෙවි ව්‍යාපාරයන් සඳහා දක්ෂතාවයන් දක්වන්නේනම් ඔබට මෙය නියම අවස්ථාවක්.

4) ගුරුවරයෙකු වීම.

 

ඔබ ගණිතය, විද්‍යාව හෝ වාණිජ්‍යය හෝ වෙනත් විෂයයන් පිළිබඳ ප්‍රවීණයෙක් නම්, ඔවුන්ගේ අධ්‍යයන කටයුතු වල නිරතවෙන සිසුන් සමඟ ඔබේ දැනුම බෙදා ගැනීමට ඔබට අවස්ථාව තිබේ. ඔබට ඉගැන්වීමට හැකි විෂය තෝරාගෙන ඔබට සාමාන්‍ය ආකාරයෙන්ද ඒ වගේම Online ඔස්සේ Zoom , Meets වැනි තාක්ෂණයන් ඔස්සේ ද ඔබට පන්ති පැවැත්විය හැකිය. උපකාරක පන්ති යනු ලංකාවේ ලාභදායී රැකියා ක්ෂේත්‍රවලින් එකක් වන අතර ඔබට අර්ධකාලීන ගුරුවරයෙක් ලෙස ක්ෂේත්‍රයට එකතුවිය හැක.

5)Data Entry Work

 

මෙය ලංකාව තුල ඉතාමත් අවතක්සේරු කරන ලද රැකියාවකි. මෙම රැකියාව තුල ඔබට කලයුතුවන්නේ යම් පද්ධතියකට තොරතුරු ඇතුලත් කිරීමයි.මෙම රැකියාවේ විශේෂත්වය තමයි ඔබට මේ සඳහා පළපුරුද්දක් අවශ්‍ය නොවීම. බොහෝ අවස්ථාවලදී වැඩ කරන වේලාවන් අතිශයින්ම නම්‍යශීලි විය හැකි අතර දත්ත ඇතුළත් කිරීමේ සේවකයෙකු ලෙස වැඩ කිරීමෙන් ඔබට හොඳ ආදායමක් ලබාගත හැකිය.

6) Freelancing

 

ඔබ යම් සේවා ක්ෂේත්‍රයක විශේෂඥ නම් හෝ ඔබ ඔබේ විනෝදාංශයෙන් මුදල් ඉපයීමට තරම් දක්ෂයෙක්නම් Freelancing කිරීමට ඔබට හැකියාව ඇත. මෙම ක්ෂේත්‍රයේ විශේෂත්වය නම් ඔබට කැමති ඔබ දක්ෂ දේ කිරීම තුලින් මුදල් ඉපයීමේ හැකියාවක් තිබීමයි. Freelancing යනු ඔබට මුදල් ඉපයීමට හොද අදායම් මාර්ගයක් Freelance writing සහ freelance graphic designing යනු මෙම ක්ෂේත්‍රයේ කොටස් දෙකක් පමණයි. නමුත් මෙහි අදායම් ඉපයීමේ මාර්ග බොහෝමයක් පවතිනවා.Freelancer.com, Fiverr, Upwork, Designhill, We Work Remotely, FlexJobs, Guru, Truelancer, PeoplePerHour සහ FreeUp වැනි වෙබ් අඩවි වලින් ඔබට Freelancing රැකියා අවස්ථාවන් උදාකරගන්නට පුළුවන්.

7) dropshipping ව්‍යාපාරයක් ආරම්භ කරන්න

 

මෙය ටිකක් සුළු අවදානමක් තියෙන ක්ෂේත්‍රයක් වුවත් මෙය මුදල් ඉපයීමට හොඳ විකල්පයක්. dropshipping යනු තොග අතේ තබා නොගෙන විකුණුම්කරු පාරිභෝගික ඇණවුම් භාර ගන්නා සිල්ලර ව්‍යාපාරයකි. ඔබට අන්තර්ජාලය හරහා ඔබට අවශ්‍ය ඕනෑම දෙයක් විකිණිය හැකිය. අහාර ද්‍රව්‍ය සහ අනෙකුත් අත්‍යවශ්‍ය භාණ්ඩවල සිට කලා හා අත්කම්, ඇඟලුම් සහ උපාංග වගේ බොහොමයක් ඔබට විකිණීමේ හැකියාව තියෙනවා. ඔබේ dropshipping ව්‍යාපාරයෙන් ඔබ උපයන මුදල් ප්‍රමාණය රඳා පවතින්නේ ඔබ ව්‍යාපාරයට සහ එහි අලෙවිකරණයට කොපමණ මුදලක් යොදවනවාද යන්න මතයි.

8)Drive for Uber and PickMe

 

Uber හෝ PickMe සඳහා රියදුරෙකු ලෙස ලියාපදිංචි වීමෙන් ඔබට හොඳ ද්විතීයික ආදායමක් ලබා ගන්නට පුළුවන්. ලියාපදිංචි වීමේ ක්‍රියාවලියද ඉතාමත්ම පහසුවන අතර Uber සහ PickMe ධාවනය සඳහා ඔබට අවශ්‍යවන්නේ ඔබගේ වාහනය , දුරකථනය පමණයි. ඔබ රැකියාවෙන් ඉවත් වූ සහ රැකියාව අහිමි වූ අයෙක්නම් මේ රැකියාව පුර්ණකාලීනව වුවද සිදුකරීමට හැකියාව ඇත.

9) කාමරයක් හෝ අමතර දේපලක් කුලියට දෙන්න

 

ඔබට අමතර කාමරයක් හෝ දේපලක් තිබේ නම්, එය කුලියට දී ඔබට අදායමක් උපයාගැනීමට පුළුවන්. ඔබට මේ සඳහා හොඳම දුරකථන App එකක් තමයි Airbnb කියන්නේ. ඔබගේ මෙම දේපල ජනප්‍රිය සංචාරක ප්‍රදේශයක පිහිටා තිබේනම් ඔබගේ අදායම දෙගුණ කරගැනීමට ඔබට පුළුවන්. ඊට අමතරව ඔබට කාමර හෝ දේපල කුලියට දීමට හා විකිණීමට Ikman.lk වැනි වෙබ් අඩවි යොදාගන්නට පුළුවන්.

10) Create NFTs

 

Non-Fungible Tokens කියන්නේ මේ අවස්ථාවේ ලොකු වටිනාකමක් තියෙන දෙයක්. NFTs යනු රූපයක්, වීඩියෝවක් හෝ ශ්‍රව්‍ය පටිගත කිරීමක් විය හැකි කලාත්මක සංයෝජනයක්. මෙය සිදුකිරීමට ප්‍රථම ඔබ මේ ගැන හොදින් අධ්‍යනය කලයුතු අතර හොඳ තාක්ෂණික හැකියාවක්ද ඒ වගේම මනා නිර්මාණශීලීත්වයක් ඔබ සතුව තිබිය යුතුය. මෙය ටිකක් අවදානම් සහගත ක්‍රියාවක් බව මතුපිටින් බැලූවිට පෙනුනත් ඇත්තටම හොඳ අධ්‍යනයකින් පසු සිදුකිරීමට හොඳම දෙයක් තමයි මේ NFTs කියන්නේ. ඔබට මේ හරහා මුදල් ඉපයීමද විනෝදජනක වෙයි. මන්ද, මෙය නිර්මාණශීලි අය වෙනුවෙන් නිර්මාණය වුන වේදිකාවක් නිසා.

මේ ආර්ථික අර්බුදය හමුවේ ඔබට ඇතිවීමට තියෙන ආර්ථික ගැටළු හමුවේ පවුලේ අවශ්‍යතාවයන් ඉටුකිරීමට ඔබ ඉතාමත් ලොකු අරගලයකට මුහුණදෙන බව අපි දන්නවා. අප ඉහත දක්වා ඇති අවස්ථාවන් ඔබට ප්‍රයෝජනවත් වේවි. මීට අමතරව අපට වෙනත් අදායම් මාර්ගයන් මඟ හැරී ඇත්නම් අපිවත් දැනුවත් කරන්න.

පහසුවෙන්ම හදාගන්න පුළුවන් ආහාර වට්ටෝරු 5ක්…

අද වන විට ඇතිවී තිබෙන තත්ත්වයත් එක්ක කෑමබීම සඳහා අත්‍යාවශ්‍ය ද්‍රව්‍ය මිලදී ගන්න එකත් ලේසි පහසු කාර්යයක් නෙවෙයි. මේ නිසා අපිට නිවසේදී පහසුවෙන් සාදාගන්න පුළුවන් ආහාර වර්ග මේ වෙලාවේ හැටියට හුගක් වටිනවා. ගෑස් සහ විදුලිය නැති හේතු දෙකෙන්ම බැටකන අපිට ඉක්මනින්ම පිසගන්න පුළුවන් ආහාර වර්ග ගැන ආන්ටි ඩී අපිව දැනුවත් කළා.

 

සැමන් තෙම්පරාදුව…

අවශ්‍ය ද්‍රව්‍ය

තෙල් මේස හැඳි 2ක්
සුදුළූණු බික් 3ක්
අමු මිරිස් කරල් 4ක්
කරපිංචා/රම්පේ
ලොකු ළූණු ගෙඩි 2ක් (සාමාන්‍ය)
කහ තේ හැඳි 1/3ක්
තක්කාලි ගෙඩි 2ක් (සාමාන්‍ය)
සැමන් 425 g ක්
ලුණු තේ හැඳි 1/2ක්
කෑලි මිරිස් මේස හැඳි 1 1/2ක්
ගම්මිරිස් තේ හැඳි 3/4ක්

 

සාදා ගන්නා ආකාරය

භාජනයක් ගෙන එයට තෙල් එක්කර ගන්න.
සුදුළූණු හා අමු මිරිස් එක්කර ගන්න.
එයට රම්පේ ,කරපිංචා එකතු කර තෙම්පරාදු කර ගන්න.
සිහින්ව කපා ගත් ලොකු ළූණු එකතු කර එයට කහ ස්වල්පයක් එකතු කරන්න.
දැන් මිශ්‍රණය කලවම් කරන්න.
මිශ්‍රණයට තක්කාලි හා සැමන් එකතු කරන්න.
එයට අවශ්‍ය ප්‍රමාණයට ලුණු ,කෑලි මිරිස් හා ගම්මිරිස් එක්කර ගන්න.
මිශ්‍රණය කලවම් කර හොඳින් පිසගන්න.

 

කැරට් සම්බෝලය …

අවශ්‍ය ද්‍රව්‍ය …

කැරට් ග්රෑම් 250ක්

ලොකු ළූණු ගෙඩියක්

අමු මිරිස් කරල් 2ක්

උම්බලකඩ මේස හැඳි 1ක්

ගම්මිරිස් මේස හැඳි 1/2ක්

ලුණු මේස හැඳි 1/2ක්

දෙහි යුෂ

ගා ගත් පොල් කෝප්ප 1/4ක්

 

සාදා ගන්නා ආකාරය

කැරට් අලයක් ගෙන සිහින්ව ගා ගන්න.
භාජනයක් ගෙන එයට කැරට් ටික එක්කර ගන්න.
එයට සිහින්ව කපා ගත් ලොකු ළූණු එක්කර ගන්න.
අමු මිරිස් සිහින්ව කපා එක්කර එයට අවශ්‍ය පදමට උම්බලකඩ එකතු කරන්න.
එයට ගම්මිරිස් හා ලුණු පදමට එකතු කරන්න.
මිශ්‍රණයට දෙහි යුෂ එක්කර අවශ්‍ය ප්‍රමාණයට පොල් එකතු කරන්න.
දැන් මිශ්‍ර කරගන්න.

 

පොල් සම්බෝල …

අවශ්‍ය ද්‍රව්‍ය ..

සුදුළූණු බික් 1ක්

ගම්මිරිස් ඇට 4ක්

ලුණු මේස හැඳි 1ක්
කෑලි මිරිස් මේස හැඳි 4ක්

රතුළූණු ගෙඩි 10ක්

උම්බලකඩ මේස හැඳි 1ක්

ගා ගත් ශීතකළ පොල් පැකට් 1/2ක්

දෙහි යුෂ

 

සාදා ගන්නා ආකාරය …

කුඩා වංගෙඩියක් ගෙන එයට සුදුළූණු බික් 1ක් හා ගම්මිරිස් දමා කොටා ගන්න.
ඉන්පසු එයට ලුණු හා අවශ්‍ය ප්‍රමාණයට කෑලි මිරිස් එක්කර කොටන්න.
මිශ්‍රණයට රතුළූණු හා උම්බලකඩ දමා හොඳින් කොටා ගන්න.
දැන් එම මිශ්‍රණයට ගා ගත් ශීතකළ පොල් එකතු කර එයට දෙහි යුෂ එකතු කරන්න.
දැන් එම මිශ්‍රණය හොඳින් කොටා ගන්න.

 

බෝංචි තෙම්පරාදුව…

අවශ්‍ය ද්‍රව්‍ය ..

තෙල් මේස හැඳි 1ක්

සුදුළූණු බික් 5ක්

ලොකු ළූණු ගෙඩියක්

තැම්බූ බෝංචි ග්රෑම් 300ක්

ලුණු තේ හැඳි 1/2ක්

ගම්මිරිස් තේ හැඳි 1/2ක්

ඩාර්ක් සෝයා සෝස් මේස හැඳි 1ක්

තල ඇට තේ හැඳි 1ක්

 

සාදා ගන්නා ආකාරය…

භාජනයක් ගෙන එයට තෙල් එකතු කර ගන්න.
ඉන්පසු එයට සිහින්ව කපා ගත් සුදුළූණු හා ලොකු ළූණු එක්කර ගන්න.
දැන් එයට තැම්බූ බෝංචි එකතු කරන්න.
අවශ්‍ය ප්‍රමාණයට ලුණු හා ගම්මිරිස් එකතු කරන්න.
ඉන්පසු එයට පදමට ඩාර්ක් සෝයා සෝස් එක්කර තෙම්පරාදු කර ගන්න.
තෙම්පරාදු මිශ්‍රණයට තල ඇට එක්කර පිස ගන්න.

 

කංකුන් තෙම්පරාදුව …

අවශ්‍ය ද්‍රව්‍ය …

තෙල් මේස හැඳි 1ක්

සුදුළූණු බික් 6ක්

ලොකුළූණු ගෙඩියක්

කෑලි මිරිස් මේස හැඳි 1/2ක්

සෝයා සෝස් කෝප්ප 1/4ක්

කංකුන්

ලුණු මේස හැඳි 1/2ක්

කොන් ෆ්ලවර් මේස හැඳි 1/2ක් + වතුර මේස හැඳි 2ක්

සීනි මේස හැඳි 1/4ක්

 

සාදා ගන්නා ආකාරය …

භාජනයක් ගෙන එයට තෙල් එක්කර ගන්න.
තෙල් රත් වූ පසු එයට සිහින්ව කපා ගත් සුදුළූණු හා ලොකුළූණු එකතු කරන්න.
දැන් එයට අවශ්‍ය ප්‍රමාණයට කෑලි මිරිස් එක්කරන්න.
එයට පදමට සෝයා සෝස් එක්කරන්න.
දැන් එයට කංකුන් එකතු කර පිස ගන්න.
ඉන්පසු පදමට ලුණු එක්කරන්න.
පසුව කොන් ෆ්ලවර් මේස හැඳි 1/2ක් හා වතුර මේස හැඳි 2ක් එක්කර ගන්න.
එයට අවශ්‍ය ප්‍රමාණයට සීනි එකතු කර හොඳින් පිස ගන්න.

Fitness day එක ගැන ඔයත් දැනුවත් වෙන්න …

යහපත් ශරීර සෞඛ්‍යයක් පවත්වා ගැනීම අපි හැමෝටම ඉතාම වැදගත් දෙයක්. නිරෝගීව ශක්තිමත්ව වැඩි කාලයක් ජීවත් වෙන්න නම් අනිවාර්‍යෙන්ම හොඳ ශක්තිමත් වගේම සෞඛ්‍ය සම්පන්න ශරීරයක් පවත්වා ගත යුතු වනවා. ලෝකය පුරාම මේ සම්බන්ධයෙන් ලොකු අවධානයක් යොමුවෙලා තියෙන්නෙ අද ඊයෙ ඉඳන් නෙමෙයි. සියවසකටත් එපිට ඉඳන්ම මේ කරුණු සම්බන්ධයෙන් ලෝකයේ කතිකාවක් ඇතිවී තිබෙන බව හඳුනා ගැනීමට හැකියාව තිබෙනවා. ඒ නිසාම Fitness Day එකක් පවා නම්කොට තිබෙනවා. මැයි මාසෙ පළවෙනි සෙනසුරාදාවේ ඇමෙරිකානුවන් මේ සුවිශේෂී දිනය සමරනු ලබනවා. ජනප්‍රිය පුහුණුකරුවකු වන Kim Bielk විසින් මේ සුවිශේෂී දිනය හඳුන්වා දුන් බවයි අන්‍තර්ජාල තොරතුරු වලින් කියැවෙන්නේ.

 

 

Fitness Day – ඉතිහාසය මොකක්ද..?

මේ දිනය සහ සංකල්පයම යුරෝපය මූලික කරගෙන ඇතිවූවක් බව ඉතිහාස තොරතුරු වලින් කියැවෙනවා. විශේෂයෙන් විවිධ රටවලින් සංක්‍රමණය වූ පුද්ගලයින් යුරෝපීය සංස්කෘතියට විවිධ දේවල් එකතු කර තිබෙනවා. ස්වීඩන සහ ජර්මානු ජිම්නාස්ටික් ක්‍රීඩාවනුත් එවැන්නක්. මේ ක්‍රීඩාවත් සමගම 18 වැනි සියවසේ අග භාගයේ ඉඳන්ම මේ Fitness කියන සංකල්පය ජනප්‍රිය වෙමින් පැවතුන බව සඳහන්. නමුත් 20 වැනි සියවසේ මුල ඉඳන්ම ඇමෙරිකාව සහ යුරෝපීය රටවල මිනිසුන් මේ සංකල්ප ගැන වැඩි අවධානයක් යොමුකළ බව හඳුනා ගත හැකියි. වෙළඳපොළ නව්‍යකරණයට ලක්වීමත් එක්ක මිනිසුන්ගේ අහාර රටාවන් වෙනස් වීම සිදුවුණා. විශේෂයෙන් Junk foods වලට මිනිසුන් නැඹුරු වීම සිදුවුණා. සෞඛ්‍ය සම්පන්න කෑම වේලක් වෙනුවට ක්ෂණිකව ගත හැකි කෙටි කෑම වලට පුරුදු වීමත් එක්කම ශරීර සෞඛ්‍යයට තර්ජන එල්ල වීම ආරම්භ වුණා. ඒ ක්‍රියාවලියේ ප්‍රතිඵලයක් විදිහට මේ Fitness කියන සංකල්පය පිළිබඳ වැඩි අවධානයක් යොමු කිරීමට ලෝක ප්‍රජාවට සිදුවී තිබෙනවා.

 

මොනවද මේ Fitness activities කියන්නෙ..
ටිකක් ඉතිහාසයට ගියොත් අමෙරිකානුවන්ට රාජ්‍ය මට්ටමින්ම මේ Fitness පවත්වා ගැනීම සඳහා වන ක්‍රියාකාරකම් වෙනුවෙන් අනුග්‍රහය ලැබී තිබෙනවා. ශරීර සෞඛ්‍ය පවත්වා ගැනීමට නම් Fitness ක්‍රියාකාරකම් සිදුකිරීම 20 වැනි සියවසේ මුල් කාලයේ සිටම රාජ්‍ය මට්ටමින් පෙළඹවීමක් ඇතිකළ දෙයක්. Catherine Beecher කාන්තාවන් සඳහා Fitness කියන සංකල්පය වෙනුවෙන් වෙහෙසුනු ක්‍රියාකාරිනියක්. 1950 කාලය වනවිට රාජ්‍ය සහ පෞද්ගලික අංශය මගින් අමෙරිකාව යුරෝපය ඇතුළු දියුණු රටවල Fitness ප්‍රවර්ධනය කරන වැඩසටහන් ක්‍රියාත්මක වීම සිදුවුණා. වෛද්‍යවරුන්ගේ දායකත්වය සහිතව ව්‍යායාම ක්‍රම හඳුන්වා දීම, පෝෂණවේදීන් ආහාර ක්‍රම පිළිබඳව පර්‍යේෂණ සිදුකිරීම, ජනතාවට ඒ පිළිබඳව දැනුම ලබාදීම සඳහා විවිධ වැඩසටහන් සංවිධාන වීම ආදිය සිදුවූ බවට තොරතුරු තිබෙනවා. Illinois විශ්ව විද්‍යාලයේ ආචාර්‍ය Thomas K. Cureton මේ සම්බන්ධයෙන් පර්‍යේෂණ සිදුකරමින් ව්‍යායාම් ක්‍රම හඳුන්වා දීමේ පුරෝගාමියකු ලෙස සැළකෙනවා. අමෙරිකාවේ වගේම ලෝකය පුරාම Health and Fitness කියන සංකල්පය ප්‍රවර්ධනය කිරීමට The american ccollege of sports medicine ආයතනය කටයුතු කරමින් සිටිනවා.

 

ලෝකයේ වර්ථමාන තත්ත්වය සලකා බැලුවොත් තරුණ ප්‍රජාව මේ පිළිබඳව දැඩි අවධානයක පසුවනවා. විශේෂයෙන් ශාරීරික ක්‍රියාකාරකම් වලට නැඹුරු වන ප්‍රවණතාව වැඩි වෙමින් පවතිනවා. සමාජ ජාලා මාධ්‍ය ලෝකය පුරා ව්‍යාප්ත වීමත් සමගම Fitness and health කියන සංකල්පත් ලෝකය පුරා වැඩි අවධානයක් දිනාගැනීමට සමත්වූ බව පර්‍යේෂකයින් පෙන්වා දෙනවා. කෙසේ නමුත් තමන්ගේ ශරීරය සෞඛ්‍ය සම්පන්නව පවත්වා ගැනීම නිරෝගීව වැඩි කාලයක් ජීවත් වෙන්න වගේම හැඩැති සිරුරක් සමග අභිමානයෙන් ජීවත් වෙන්නත් හේතුවක් වනවා.

 

විශේෂයෙන් ළමා කාලයේදී අපේ සිරුරේ සියළු ක්‍රියාකාරීත්වයන් හොඳින් සිදු වූවත් වයසින් මුහුකුරා යාමත් සමග ඒ තත්ත්වයේ වෙනස්කම් ඇති වනවා. ඒ නිසා ව්‍යායාම සහ ශාරීරික යෝග්‍යතාව පවත්ව ගැනීම අතිශය වැදගත්. ඒ වගේම තමන් ගන්නා කෑම බීම සම්බන්ධයෙන් දැඩි අවධානයකින් සිටීමත් අත්‍යවශ්‍ය වනවා. අහිතකර කෑම, පිටි සීනි තෙල් අධික ආහාර වලින් වැළකී නිවැරදි ව්‍යායාම් ක්‍රම අනුගමනය කරමින් ජීවත් වීම මගින් ලෙඩරෝග නැති හැඩැති සිරුරක් පවත්වා ගැනීමට ඔබට හැකියාව ලැබේවි. ශරීර සුවතාව, ව්‍යායාම්, ආදිය පිළිබඳව වැඩිපුර කතාබහ කරන මෙවැනි දිනකදී ඒ පිළිබඳව වැඩි අවදානයක් යොමු කිරීම වැදගත් වනවා. වැඩි කලක් නිරෝගීව සුවෙන් ජීවත් වෙන්න ඔබත් කැමති නම්, මේ දැන්ම ඔබේ සිරුරේ Fitness ගැන අවදානය යොමු කරන්න කියන පණිවිඩයත් අපි ඔබට ලබා දෙනවා.

Full’r වෙතින් දැන් ඔයාට වෙනස්ම Burger අත්දැකීමක්…

BURGER BUN-ANZA

‘Own your mess’

Burger කියන්නේ ලංකාවේ ගොඩක් අය ආස කරන food loversලා ලේසියෙන් මග නොහරිනම කෑමක්. Burger එකක් කන්න ලංකාව වටේම විවිධ තැන් තියෙනවා. ඒත් නියම look එකකට නියම taste එකකට burger ගන්න තැනක් නම් හැමතැනම නැහැ. ඉතින්, burger කන්නම හිතාගෙන Uber eats app එකේ පහලට යද්දී තමයි Full’r මට හමුවුනේ. හොඳ නැවුම් පෙනුමකින්, එක එක ජාතියේ burger ජාති ගොඩකින් පිරිණු menu එකක් මට බලාගන්නට පුළුවන් වුණා.

ඉතින් oder එක දාල rider එනකන් ඉවසිල්ලක් නැතුව මම බලාගෙන හිටියෙ මේ ප්‍රණීත burger collection එක රසවිදින්න. ඔව් ඒක හිතුව වගේම හොඳට ඇසුරුම් කරපු Full’r Burger collection එක මගේ අතටම ලැබුණා.ඒ ඇසුරුම් වල තිබුණු burger එකේ නැවුම් බවද මට විඳගන්නට පුළුවන් වුණා.

Dish එකත් එක්ක එන Sides

 

 

Sides

Onion Rings (LKR 300)

කරස් කරස් ගාලා කන්න පුළුවන් ටිකක් ලොකු batter එකක ගිල්ලවපු Onion rings තමයි මෙයාලගෙන් ඔයාට ගන්න පුළුවන්. ඒක ඉතාමත් රසවත් වගේම ඝනකමින් වැඩි නිසා batter එකේ රසද හොඳට දැනෙනවා. Spicy mayonnaise එක්ක Onion rings එකතු වීමනම් පංකාදු පහයි.

 

 

Crispy Chicken Strips (LKR 375)

හොඳට බැදුණු රන්වන් පාටට චිකන් තීරු mustard sauce වල පොඟවල කනකොට දැනෙන රසය, ඔයා විඳගන්නම ඕන අත්දැකීමක්.

 

 

French fries (LKR 300)

Burger එකකට french fries එනවා කියලා අපි කොහොමත් දන්නවනේ. මේ french fries එකනම් ටිකක් මහතයි, පිටතින් ඝනකමයි. හැබැයි කරස් ගාලා හැපුනට ඇතුලතින් මෘදුයි.

අපි දැන් main menu එකට යමු.

 

 

Mains

Hometown Hero (LKR 890)

Hometown Hero කියන්නේ Fullr’s signature ශ්‍රී ලංකන් beef burger එකක්. ශ්‍රී ලංකික කුළුබඩු එක්ක මුසු වුණ beef patty එකකින් සමන්විත වෙන මේ burger එකේ, මෙයාලා කියන විදියට භාවිතා කරලා තියෙන මේ සියලුම කුළුබඩු හා සෝස් වර්ග පවා ගෙදරදීම සකස්කරගත් ඒවා. කැරමල් කළ ළූණු, hollandaise emulsion, cheddar, තක්කාලි වලින් පිරණු මේ burger එක ඔයා try කරලම බලන්න.

 

 

Captain Cool (LKR 850)

මේ තමයි Hometown එකේ chicken version එක. Beef කන්නෙ නැති ඔයාට පසුතැවෙන්න දෙයක් නැහැ. ඔයාට පුළුවන් ඒ වෙනුවට මේ Captain Cool burger එක try කරන්න. Pepper cream emulsion සහ in-house spicy mayonnaise එක නිසා chicken patty එක සැරට කන්න හොඳ මිරිස් රසක් එකතුවෙලා තියෙනවා. Burger එකට මුසුවෙලා තියෙන කුළුබඩු රසය විදගන්න මේ burger එක අනිවාර්යයෙන් try කරලා බලන්න අමතක කරන්න එපා.

 

 

Beef Me Up Scotty (LKR 1,150)

Beef patties දෙකක් එක්ක එන මේ beef burger එක beef වලට ආස කෙනෙක්නම් try කරල බලන්නම ඕන burger එකක්.
කැරමල් කළ ළූණු, තක්කාලි, cheddar සහ ගෘහස්ථ කුළුබඩු සහිත මයෝනිස් එකතු කරපු greens coated එක Beef Me Up Scotty එකට නැවුම් රසයක් එකතු කරනවා. ඉතින් මේ වගේ විශේෂ burger එකක රසවිඳින්න හොඳම තැන තමයි Full’r කියන්නනේ.

 

 

Major General (LKR 950)

Spicy mayo සමඟින් sriracha sauce(ශ්රිරාචා) මුසුවුන chiken burger එකක රසවිදින්න Major General තමයි හොඳම dish එක. මේ burger එක try කරනකොට bun එකේ තියෙන සොෆ්ට් බව, chicken එකට මුසුවුණු sriracha වල රසයද එකට එකතුවෙලා දැනෙන රසටනම් මම ගොඩක් ආස කළා. මම දන්නවා ඔයත් මේකට අනිවාර්යයෙන් කැමති වෙනවා කියලා. ඒ නිසා Full’r එකේ මේ burger එක අනිවාර්යයෙන් try කරන්න.

 

 

Red Rooster (LKR 850)

Red sumo sauce එකත් එක්ක එකට මුසුවුන chiken patty එකේ රසය spicy mayo එකත් එක්ක mix වෙලා එනකොටනම් පංකාදු පහයි. ලූණු,සලාද කොළ ඒ වගේම soft bun එක නිසා burger එකේ රසය තවත් වැඩිවෙනවා. අනිත් burgers වලට වඩා ටිකක් ගණන් අඩුවට ඔයාට red rooster burger එක try කරන්න පුළුවන්.

 

 

That’s What Cheese Said (LKR 900)

මම නම් හිතන්නේ චීස් වලට කැමති අය කොහේ ගියත් ඉන්නවා. මං ඇතුළුව බහුතරයකට cheese කියන්නෙ ආගමක්. Grilled cottage cheese එක්ක mix වුණ සලාද කොළ,herbs ඒ වගේම sour cream සහ tomato salsa එක්ක එන මේ burger එක vegetarian ඔයාට ගැළපෙනම තේරීමක්. Tomato salsa සමග cottage cheese එකේ රසය මාව වෙනමම තැනක අරගෙන ගියා කිව්වොත් හරියටම හරි . ඉතින් meat වලට ආස ඔයත් මේ burger එක මඟහරින්නම් එපා. Meat burgurs වගේම මේ burgur එකෙත් රසයේ අඩුවක් නැහැ. කොළඹ ජිවත් වෙන ඔයා , burger spot ගැන හොඳ update එකකින් තමයි ඉන්නේ. Full’r කියන්නේ ඒ අතර තියෙන හොඳම spot එකක්.

සැමන් තෙම්පරාදුව …

අවශ්‍ය ද්‍රව්‍ය 

තෙල් මේස හැඳි 2ක්
සුදුළූණු බික් 3ක්
අමු මිරිස් කරල් 4ක්
කරපිංචා/රම්පේ
ලොකු ළූණු ගෙඩි 2ක් (සාමාන්‍ය)
කහ තේ හැඳි 1/3ක්
තක්කාලි ගෙඩි 2ක් (සාමාන්‍ය)
සැමන් 425 g ක්
ලුණු තේ හැඳි 1/2ක්
කෑලි මිරිස් මේස හැඳි 1 1/2ක්
ගම්මිරිස් තේ හැඳි 3/4ක්

සාදා ගන්නා ආකාරය 

භාජනයක් ගෙන එයට තෙල් එක්කර ගන්න.
සුදුළූණු හා අමු මිරිස් එක්කර ගන්න.
එයට රම්පේ ,කරපිංචා එකතු කර තෙම්පරාදු කර ගන්න.
සිහින්ව කපා ගත් ලොකු ළූණු එකතු කර එයට කහ ස්වල්පයක් එකතු කරන්න.
දැන් මිශ්‍රණය කලවම් කරන්න.
මිශ්‍රණයට තක්කාලි හා සැමන් එකතු කරන්න.
එයට අවශ්‍ය ප්‍රමාණයට ලුණු ,කෑලි මිරිස් හා ගම්මිරිස් එක්කර ගන්න.
මිශ්‍රණය කලවම් කර හොඳින් පිසගන්න.

මේ අලුත් අවුරුද්දේ කොළඹ ඉන්න ඔබට කැවිලි ගන්න පුළුවන් තැන් මෙන්න…

ලඟ ලඟම අවුරුදු එනවා. අවුරුදු කිව්ව ගමන් කන බොන අපි හැමෝටම මතක්වෙන්නේ අවුරුදු කැවිලි පෙවිලි. ඉතින්, කොළඹ අවට ඉන්න ඔයාට මේ කැවිලි උයා පිහාගන්න එකනම් ටිකක් අපහසු කාර්යයක්. ඒක නිසා ගැස්ම අපි හිතුවා කොළඹ අවට ඉන්න ඔයාට ගෙදරට රසට කැවිලි ගන්න හොඳම තැන් ලැයිස්තුවක් අරන් එන්න.

 

Aunty D

 

Aunty D කියන්නේ පුර්ණ කාලීන මවක්. ගෙදර රහට ඉතාමත් ප්‍රණීත ආහාර ඇය විසින් සපයන අතර මිළ ගණන් තුනක් යටතේ කැවිලි පෙට්ටි පරිභෝගිකයන්ට ලබාගන්න හැකියාව තිබෙනවා. කොකිස්, කොණ්ඩ කැවුම්, මුං කැවුම්, නාරං කැවුම්, අතිරස, ආස්මි, පොල් ටොෆි, රුලන්, උඳු වළලු, කළු දොදොල් සහ වැනිලා කේක් එකකුත් අන්තර්ගත වෙන්වා.
ඒ එක් එක් පෙට්ටිය සඳහා කැවිලි සහ ප්‍රමාණය වෙනස් වන අතර ඒවායේ මිල රුපියල් 4,500, රුපියල් 6,900 සහ රුපියල් 10,500 පමණ වෙනවා.

Contact number – 0775 484 402 (pre-order before April 9th)

Delivery/Pickup available – Until April 12th

Instagram – @auntydlk

 

Kavili Street

 

Kavili Street එකෙන් ඔයාට රුපියල් 1000කට කැවිලි හැම්පර් එකක් මිලදී ගන්නට පුලුවන්. මේ හැම්පර් එකේ කරපිංචා කොකිස් 6 ක්, උඳු වළලු 3 ක්, මුං කැවුම් 3 ක්, අතිරස 3 ක්, කිරි අලුවා 3 ක්, නාරං කැවුම් 3 ක් සහ බටර් කේක් ග්‍රෑම් 200 ක් අඩංගු වෙනවා.

Contact number – 076 188 0572

Facebook – @kavilistreet

 

The Dara Lipa

විශ්වසනීයත්වයෙන් ගමේ රහට කැවිලි ගන්නවානම් The Dara Lipa කියන්නෙ හොඳම තැනක්. තැන මහනුවර වුනාට ඔවුන් දිවයින පුරා බෙදාහැරීම් කටයුතු කරනවා. ඔබට ඔවුන්ගේ අවුරුදු කැවිලි මුට්ටිය (Avurudu festive pot) රුපියල් 12,000 කට මිලදී ගැනීමට හෝ ඔබට Custom box එකක් වුනත් තෝරා ගන්නට පුළුවන්. ආස්මි (LKR 100), දොදොල් (LKR 50), අතිරස (LKR 70), මුං කැවුම් (LKR 70), කොන්ඩ කැවුම් (LKR 70) උඳු වළලු (LKR 70) සහ කොකිස් (LKR 20) මිලදී ගැනීමට පුළුවන්.

Contact number – 077 791 3266

Instagram – @the_dara_lipa
Facebook – @TheDaraLipa

 

Five Star Bakers

Five Star Bakers අලෙවිසැල් කිහිපයක්ම තියෙනවා. ඔයාට කැවිලි pieces වශයෙන් මෙහිදී මිලදී ගන්නට පුළුවන්. ඔවුන් මුං කැවුම් (LKR 50), කොන්ඩ කැවුම් (LKR 55), අතිරස (LKR 45) සහ Kokis (LKR 20) වැනි මුදලකට අලෙවි කරනවා.

Contact number – 0112 733 967

 

Caravan Fresh

මේ අවුරුද්දට ඔවුන්ගේ විශේෂ අවුරුදු පිගාන කිරිබත් කෑලි 2ක්, කොකිස් 1ක්, කොණ්ඩ කැවුම් 1ක්, කෝලිකුට්ටු කෙසෙල් ගෙඩියක් සහ බටර් කේක් කෑල්ලක් එක්ක රුපියල් 420ක් වගේ මුදලකට මිලදීගන්න පුළුවන් .

Contact number – 071 972 1484

Website – www.caravanfresh.lk

 

Upali’s by Nawaloka Colombo

උපාලි කියන්නේ නියම ශ්‍රී ලංකේය රසය විඳින්නට තියෙන හොදම තැනක්.මේ අවුරුදු සමයේ ඔවුන් කැවුම් (LKR 70) සහ කොකිස් (LKR 40) විකුණනු ලබනවා.

Contact number – 0112 695 812

Website – www.Upalis.com

Facebook – @upalisbynawaloka

 

Kaha Bath Gedara

කහ බත් ගෙදර රසවත් අවුරුදු කැවිලි රාශියක් සමඟින් ඔබට තෝරා ගත හැකි හැම්පර් 3ක් තියෙනවා. පළමු හැම්පර් එකේ සිංහල අච්චාරු ග්‍රෑම් 200 ක්, KBG රට ඉඳි කේක් ග්‍රෑම් 500 ක්, KBG අත්සන සහිත කළු දොදොල් ග්‍රෑම් 200 ක් සහ තංගල්ල ක්‍රමයේ මාළු ඇඹුල්තියල් ග්‍රෑම් 500 ක් අඩංගු වෙනවා, ඒ සියල්ල ඔයාට රුපියල් 7,900 කට මිලදීගන්නට පුළුවන්.
දෙවැනි හැම්පර් එකේ කිතුල් පැණි කොණ්ඩ කැවුම් 5ක්, සහල් පිටි කොකිස් 10ක්, මුං කැවුම් 5ක්, ආස්මි 3ක්, සිංහල අච්චාරු ග්‍රෑම් 200ක්, KBG අත්සන සහිත කළු දොදොල් ග්‍රෑම් 200ක්, KBG කජු කිරි ටොෆි 5ක් සහ මීගමුවේ කජු අළුවා යන මේ ඔක්කොම රුපියල් 8,900 ක් වගේ මුදලකට ඔබට ලබාගන්න පුළුවන්.

අන්තිමට රුපියල් 10,500ට ලොකුම හැම්පර් එක. කිතුල් පැණි කොණ්ඩ කැවුම් 10ක්, හාල් පිටි කොකිස් 10ක්, මුං කැවුම් 10ක්, ආස්මි 3ක්, අතිරස 5ක්, මීගමුව කජු අලුවා 5ක්, හාල්මැස්සෝ බැදුම 100g, සිංහල අච්චාරු 200g, KBG කිරි ටොෆි, ඔයාට හැම්පර් එකත් එක්ක ලබාගන්න පුළුවන්. ඔබේ කැමැත්ත අනුව ඔබට සුදුසු හැම්පර් එක ඔවුන්ව සම්බන්ද කරගැනීමෙන් ලබාගන්න හැකියාව තිබෙනවා.

Contact number – 0777 862 672

Facebook – @kahabathgedara

 

Green Cabin

අවුරුදු කෑම වර්ග විශාල ප්‍රමාණයක් ඔයාට මෙහිදී මිලදිගන්නට පුළුවන්. ඔයාට අවුරුදු basket එකක් ගන්න පුළුවන් රුපියල් 3000 කට. ඒ කූඩයේ කැවුම් 6 ක්, කොකිස් 6 ක්, මුං කැවුම් 6 ක්, තල කැරලි 6 ක්, විශේෂ පළතුරු කේක් රාත්තල් 1 ක්, කළු දොදොල් ග්රෑම් 250 ක්, පොල් ටොෆි 6 ක් සහ ආස්මි 3කින් අඩංගු වෙනවා. ඒ වගේම ඔයාට කැවිලි වෙන වෙනම මිලදී ගන්න අවශ්‍යනම් කැවුම් රුපියල් 80ට, කොකිස් රුපියල් 60ට, මුං කැවුම් රුපියල් 80ට, ආස්මි රුපියල් 170ට, කළු දොදොල් ග්‍රෑම් 500ක් රුපියල් 1000ට, පොල් ටොෆි කෑලි 5ක් රුපියල් 550කට, සිංහල අච්චාරු රුපියල් 480කට මිලදීගන්නට පුළුවන්. ඔයා අලුත් අවුරුදු මේසෙට විශේෂ අවුරුදු කේක් එකක් මිලදීගැනීමට බලපොරොත්තු වෙනවානම් විශේෂ පලතුරු කේක් එක LKR 1,200 කට, රාත්තල් දෙකේ බුලත් කොලේ හැඩැති කේක් එක රුපියල් 1,200 කට සහ රාත්තල් 2කේ අලුත් අවුරුදු කේක් එක රුපියල් 1,900 කට ලබා මිලදී ගන්න පුළුවන්. ඔබට පෙර ඇනවුම් කිරීමට අවශ්‍යනම් හෝ වැඩි විස්තර දැන ගැනීමට අවශ්‍යනම් පහත වෙබ් අඩවියට පිවිසෙන්න.

Contact number – 077 378 6140 / 077 342 3863

Website – www.greencabin.lk

Facebook – @greencabin.lk

 

Fab

දිවයින පුරා ව්‍යාප්ත ශාඛා ජාලයකින් සමන්විත fab ඔබට ඉතා වටිනා හැම්පර් එකක් 3700ක් වැනි මුදලකට පිරිනමනු ලබනවා. කොණ්ඩ කැවුම් 4ක්, මුං කැවුම් 4ක්, අතිරස 4ක්, කොකිස් 4ක්, කිරි ටොෆි 4ක්, තලගුලි 4ක්, සීනි අලුවා 4ක්, රුලං අලුවා 4ක්, පොල් ටොපි 4ක්, ආස්මි 1ක්, මේ වටිනා හැම්පර් එකේ අඩංගු වෙනවා.

Contact number – 074 085 2734

Facebook – @Fabfood.lk

Website – www.thefab.lk

 

Sen Saal

Sen Saal මේ පාර අවුරුද්දට ඔබ වෙනුවෙන් පෙර ඇනවුම් භාරගනු ලබනවා. මුං කැවුම් 5ක පැකට්ටුවක් රුපියල් 225 යි, කැවුම් 5ක පැකට්ටුවක් රුපියල් 225 යි, කොකිස් 10ක පැකට්ටුවක් රුපියල් 300 යි, නාරං කැවුම් 5ක පැකට්ටුවක් රුපියල් 275 යි, අතිරස 5ක පැකට්ටුවක් රුපියල් 225 යි, අලුවා 5ක් රුපියල් 275ක්, වැලිතලප 5ක පැකට්ටුවක් රුපියල් 275ක්, දොදොල් ග්‍රෑම් 100ක් රුපියල් 120ක්, කිරිඅලුවා 5ක පැකට්ටුවක් රුපියල් 375ක්, කිරි ටොෆි 10ක පැකට්ටුවක් රුපියල් 220ක් සහ පොල් ටොෆි පැකට්ටුවක් රුපියල් 220යි. එය පොල් ටොෆි 8කින් සමන්විතයි. ඔබේ ඇනවුම් දිවයිනපුරා බෙදාහරිනු ලැබේ.

Contact number – 074 048 7777

Facebook – @SenSaal

මේ අවුරුද්ද අපි හැමෝටම කරදර වලින් පිරුණු අවුරුද්දක් නමුත් සිංහල අවුරුද්ද අපි පුළු පුළුවන් විදියට සමරන්න තමයි හදන්නේ .ඉතින් මේ ඉදිරිපත් කරපු ලැයිස්තුව ඔබට ප්‍රයෝජවත් වෙයි කියලා අපි හිතනවා. මීට අමතරව අපිට වෙනත් හොඳ ස්ථානයක් මඟ හැරී ඇත්නම් හෝ යෝජනාවන් තියෙනවානම් අනිවාර්යයෙන් දන්වන්න.