අපේ කඩවසම් තලෙළු කොල්ලන්ට ලස්සනට අඳින්න tips මෙන්න….

By

ලංකාවේ ඉන්න අයගේ සමේ පාට ගැන නිරීක්ෂණය කරලා බැලුවාම මධ්‍යස්ථ වශයෙන් ඉන්නේ තලෙළු අයනේ. ඉතින් අපිට ලැබිලා තියන මේ හමේ පාට ලෝකේ අනිත් රටවල මිනිස්සු බොහොමයක් අගය කරනවා. විශේෂයෙන්ම මේ තලෙළු පාට අපේ කොල්ලන්ගේ කඩවසම් බව ඉස්මතු කරලා පෙන්වනවා. මේ ලැබිලා තියෙන හමේ පාටත් එක්ක ආවේණික වර්ණයන් සහිත ඇදුම් ඇදීමේ හැකියාව තිබෙනවා.ඒ් වගේම ඔයා කොච්චර කඩවසම් ද කියලා ලෝකයට පෙන්වන්න ඇදුම් තෝරාගන්නකොට මේ දේවල් අනුගමනය කරන්න අමතක කරන්න එපා.

Sorbet වර්ණ තමා ඔයාට ගැලපෙන හොදම වර්ණ.
ඔයාට ලැබිලා තියෙන මේ තලෙළු හමේ තිබෙන ස්භාවිකත්වය තවත් පෙන්වන්න sorbet වර්ණාවලියට අයත් වන lemon, yellow,powder blue, peach—you, my man යන වර්ණයන්ගෙන් යුතු ඇදුම් තෝරාගන්න.

අනිවාර්යයෙන් මේ දේ මතක තියාගන්න. තියුණු වර්ණ ඔබට ගැලපෙන්නේ නැහැ.ඒ නිසා තියුණු වර්ණ භාවිතය නවත්වන්න. තලෙළු හමේ තිබෙන දීප්තිය සුදු වැනි දීප්තිමත් වර්ණ වලින් අඩු කරනවා. ඔයාගේ පෙනුම අවුල් සහගත තත්වයකට පත්කරනවා. ඒ නිසා ඔයාට ඔයාගෙ පෙනුම වැඩි කරගන්න උවමනානම් ඉහතින් සදහන් කල වර්ණ ඇති ඇදුම් මිළදී ගන්න පුරැදු වෙන්න.

Quirky socks නිශ්පාදනය කරලා තියෙන්නෙ ඔයාලා වෙනුවෙන්මයි. මේ මගින් ඔයාගේ පාද ඔපවත් කරලා පෙන්වනවා. ඔයාගෙ ආසම පාවහන් සමග Quirky socks පැළදීම මගින් ආකර්ශණය යොමු කරවාගන්න කොල්ලනේ ඔන්න ඔයාලට හැකියාව තියනවා.

Classic style ඔබට වඩාත් ගැලපෙනවා. Sorbet වර්ණ සමග ඔබට Classic style එකට dress කරන්න. එතකොට ඔයාව ගොඩක් සරාගී විදිහට ලෝකයාට පෙන්වන්න පුළුවන්.

කෙල්ලො වගේම කොල්ලොත් කැමතී ACCESSORIES වලට. ගොඩක් පිරිමි අය කැමති විවිධ වර්ගයේ අත්ඔරලෝසු පළදින්න. ඔයා තලෙළු හමකින් යුතු කෙනෙක් නිසා රත්තරන් හෝ රිදී ආලේපිත අත්ඔරලෝසු භාවිතා කරන්න. ඔයා sporty watches භාවිතා කරන
කෙනෙක්නම් සුදු පාට පසුබිමක් ඇති මුහුණක් සහිත sporty watches භාවිතා කරන්න.

තලෙළු හමට අනිවාර්යයෙන් තමන්ගේ hair color එකත් වැදගත් වෙනවා. Golden brown සමග red highlights ඒ වගේම Flame red වැනි hair color මගින් ඔයාට පුළුවන් තමන්ට ලැබිලා තියෙන තලෙළු වර්ණය තවත් ඉස්මතු කරලා පෙන්වන්න.

ඉතින් මේ දෙවල් ටික අපේ කඩවසම් කොල්ලො ටික try කරලා බලන්නකෝ. ඔයාලට අනිවාර්යයෙන් පුළුවන් වේවි ලැබිලා තියෙන හමේ වර්ණයත් එක්ක ගොඩක් සරාගී විදියට කා අතරත් කැපී පෙනෙන කෙනෙක් බවට පත්වෙන්න.මොකද අපි ඉපදිලා තියෙන්නේ ලෝකෙ තියෙන අවිහිංසකම සහ ලස්සනම වර්ණයත් එක්ක.

කාලය හා මුදල් ඉතිරි කරගන්න ගෙදරදීම කරගන්න පුළුවන් Beauty Tips

By

Editorial

අපි හැම කෙනෙක්ටම අවශ්‍ය ලස්සනට ඉන්නනේ. හැමදාම salon වලට ගිහින් තමන්ගෙ ලස්සන වැඩිකරගන්න treatment කරන්න සල්ලි තියෙයි ද? නැහැනේ නේද? ඉතින් ගෙදර ඉන්න ගමන් තමන්ගෙ ලස්සන වැඩි කරගන්න එදිනදා කරන්න පුළුවන් tips ටිකක් තමයි ගැස්ම අද ඔයාලට කියලා දෙන්නේ. තමන්ගේ කාලය ඉතිරි කරගන අනවශ්‍ය වියදම් අඩුකරගන මේ දේවල් ඔයාට කරන්න පුළුවන්.

Green tea (ග්‍රීන් ටී)

ලංකාවේ tea හොයාගන්න එක ලේසිම දෙයක්. ඉතින් මේ Green tea වලින් පුළුවන් skin එක පැහැපත් කරගන්න. හමේ ඇතිවන අවපැහැ ගැන්වීම්, කලු පැල්ලම් (black mark) Green tea වලින් අවමකරගන පැහැපත් සමක් ඇතිකරගන්න ඔයාට පුළුවන්.

Vaseline ( වැස්ලින්)

ඇහිබැම කියන්නේ අපේ මුහුණට ලස්සන ගේන ප්‍රධාන අංගයක්නේ. ඉතින් ඇහිබැම ලස්සනට පිළිවෙලට තියාගන්න එක ඉතා වැදගත්. ඇහිබැම පිළිවෙලට තියාගන්න ඔයාට පුළුවන් Vaseline ටිකක් අරගන ඇහිබැමේ ගාන්න. එහෙම කරලා brow brush එකකින් ඇහිබැම brush කරන්න. මේ විදියට ඔයාට ඔයාගේ ඇහිබැමේ ලස්සන මතුකරලා පෙන්වන්න පුළුවන්.

Coconut oil ( පොල්තෙල්)

පොල්තෙල් කියන්නේ අපට අළුත් දෙයක් නෙවෙයිනේ. ඒ කාලෙ ඉදන්ම පොල්තෙල් ලස්සන වැඩිකරගන්න භාවිතා කරන දෙයක්. මේ වෙනකොට අපි පුරුදු වෙලා ඉන්නවා ‌හිසකෙස් curl කරන්න, iron කරන්න සහ color කරන්න. මේ දේවල් වලින් වෙන්නේ අපේ හොදට තියන හිසකෙස් damage වෙන එක. ඉතින් හිසකෙස් යතාතත්වෙට පත්කරගන්න පුරුද්දක් වශයෙන් නාන්න කලින් හිසට පොල්තෙල් ටිකක් දලා හොදට සම්බාහනය කරන්න. විනාඩි 3ක් එහෙන්මම තියෙන්න අරින්න. මොකද පොල්තෙල් වල තියන පෝෂණය හිස්කබලට උරාගන්න. මේ විදියට කළොත් නීරෝගිමත් දිදුළන කෙස් කළඹකට හිමිකම් කියන්න ඔයාට පුළුවන්.

ඔයාගෙ perfume එකේ සුවඳ ගොඩක් වෙලා ශරීරයේ තියාගන්න අවශ්‍යනම් ඔයා wash දාගත්ත ගමන් perfume එක apply කරන්න. ඇගේ තියන තෙතමනය, සුවඳ දිගු වේලාවක් තියගන්න උපකාරී වෙනවා.

ඇස් වටේ ඇතිවෙන් dark circle අයින් කරන්න freezer එකේ හැදි 2ක් විනාඩි 5ක් තියෙන්න අරින්න. ඉන්පසුව හැදි 2ක ඇස් වටේ තියන්න. මෙයින් ඇස්යට කලුවීම් අවම කරගන්න හැකියාව තියනවා.

ඔයා ඔයාගේ සුන්දරත්වය තව ටිකක් වැඩිකරගන්න හිතනවනම් මේ දේවල් ටිකක් අනුගමනය කරලා බලන්න.

Dumplings වලට ආස ඔයාලට යන්න හොඳම තැන් 25ක් මෙන්න

By

Editorial

බැලූ බැල්මට කොළඹ dumpling තියෙන restaurants ඇති කියලා හිතන්න බැරි වුණාට , කොළඹ සහ ඒ අවට විවිධ වර්ගයේ dumpling තියෙන restaurants ඕනෑ තරම් තියෙනවා කිවුවොත් ඔයා පුදුම වෙයි. ගොඩක්ම පුදුම හිතෙන කාරණාව වෙන්නේ dumpling දැන් ගොඩක් ජනප්‍රිය නිසාම චීන නොවන restaurants කිහිපයක පවා අපිට එක එක වර්ගයේ dumpling ලබාගන්න පුළුවන් වෙලා තියෙන එක.ඉතින් අද අපි කියන්න යන්නේ ඔයාගේ dumpling ආසාව ඉෂ්ට කරගන්න යන්න කොළඹ අවට තියෙන restaurants කිහිපයක් ගැනම විස්තර.

1. Long Feng, Cinnamon Lakeside

සෙනසුරාදා සහ ඉරිදා මේකට ගියොත් ඔයාටත් පුළුවන් Long Feng restaurant එකේ ප්‍රධාන අරක්කැමියා වන Meiqin Duan ගේ අතින්ම හැදුනු dim sum buffet එකේ රස බලන්න. වර්ග 30 කට අධික ප්‍රමාණයක් තියෙන මේ dim sum buffet එක රුපියල් 2750ක වගේ මුදලකට ඔයාට ලබාගන්න පුළුවන්.

Address – 117, Sir Chittampalam A. Gardiner Mawatha, Colombo 2

Contact – 0112 491 949

Opening Hours – 12PM -3PM

2. Che Che’s Dumplings

ඌරු මස්, හරක් මස්, කුකුල් මස්, හෝ බිම්මල් වගේම එළවලු දාලා තැම්බූ සහ පෑන් එකේ පිළිස්සු Jiaozi මෙහිදී ඔයාට ලබාගන්න පුළුවන්. ඉතින් ඔයාලට dumpling වල රස බලන්න, පොඩි නිවාඩුවකින් පස්සේ Che Che’s Dumplings පසුගිය අවුරුද්දේ ඉදන් ආපහු විවෘත කරලා තියෙනවා.

Address – 19C, Malwatta Mawatha, Colombo 5 (Takeaway)

Contact – 0773 508 492 or via Facebook (Delivery)

Opening Hours – 12 PM -10PM

3. Ming Han

රුපියල් 660 ක් වගේ මුදලකට ගන්න පුළුවන් මෙයාලගේ තම්බපු ඌරු මස් dumpling වල නම් තිබුණේ ඇත්තටම හරි අපුරු රසයක්. ඒ වගේම මෙයාලගේ pan-fried dumpling (Teppan dumpling) රුපියල් 960 ක මුදලකට ගන්න පුළුවන්.

Address – 14, Deanston Place, Colombo 3

Contact – 0112 576 533

Opening Hours – 11.30AM – 3PM, 5.30PM – 10.30PM

4. Momos by Ruvi

Momos by Ruvi තමයි කොළඹ ඩම්ප්ලිං වල පුරෝගාමියා. නිර්මාංශ, කුකුල් මස්, හරක් මස් හෝ ඉස්සන් පිරවුම් ඇති හලාල් dumpling දැරිය හැකි මිලකට ඔයාට මෙහිදී ලබාගන්න පුළුවන්. ඒ වගේම dumpling platters වගේම dumpling සුප් ද Momos by Ruvi ලාගෙන් ලබාගන්න ඔයාට පුළුවන්.

Address – 664, Galle Road, Colombo 3

Contact – 0774 388 786

Opening Hours – 11AM – 9.30PM (Tuesday to Sunday) Closed on Monday

5. Shang Palace, Shangri-La Hotel

ඔයා හොයන්නෙත් ලස්සන තැනක ඉදන් තරු 5 හේ Dim sums රස විදින්න නම් Shang Palace එක තමයි ඔයාට කියාපුම තැන. steamed, boiled, සහ fried dumpling මෙහිදී ඔයාට ලබාගන්න පුළුවන්.

Address – 1, Galle Face, Colombo 2

Contact – 0117 888 288

Opening Hours – 12PM – 3PM, 6.30PM – 11PM

6. Zen

ජපන් අවන්හලක් වන සෙන්, එහි ඇති නිදහස් වටපිටාව නිසාම ආදරවන්තයින් සදහා කියාපු ස්ථානයක් කියන්න පුළුවන්.අඹරපු කුකුල් මස් පිරවූ පෑන්-ෆ්‍රයිඩ් ගයෝසා, පොන්සු සෝස් සමඟ මෙහිදී ඔයාට රසවිදින්න පුළුවන්.

Address – Zylan Luxury Villa, Rosmead Place, Colombo 7

Contact – 0112 686 880

Opening Hours – 11.30AM – 11.30PM

7. Wan Ge Di Ya

කුකුළු මස් හා ඉස්සන් syumai (LKR 600), එළවළු dumplings (LKR 600), Har gow ඉස්සන් dumpling (LKR 850), හෝ chive සහ ඌරු මස් pot stickers (LKR 800) මේ හැම ජාතියේම dumpling ඔයාට Wan Ge Di Ya හිදී ලබාගන්න පුළුවන්.

Address – Odel Promenade, 5, Alexandra Place, Colombo 7

Contact – 0115 948 604

Opening Hours – 11AM -12AM

8. Sushi Kaiජපන් restaurant එකක් වන Sushi Kai එකට ගියොත් නම් කුකුළු මස් (LKR 950) සහ එළවළු (LKR 620), gyoza octopus ball dumpling (1150) වගේ එක එක වර්ග වල dumplings ඔයාට රස බලන්න පුළුවන්.

Address – 143A, Jawatte Road, Colombo 5

Contact – 0112 081 918

Opening Hours – 11AM – 10.30PM

9. Laksa Noodle Bar

ආසියානු street food සහ noodles වලට ප්‍රසිද්ධ තැනක් වෙන නිසාම මෙයාලගේ menu එකේ තියෙන wok-fried prawn dumplings නම් ඔයාලට අනිවාර්යයෙන්ම කන්න කන්න ආස හිතෙයි.

Address – 179 Thimbirigasyaya Rd, Colombo 00500

Contact – 0112 559 799

Opening Hours – 12PM – 3PM, 6.30PM – 9.30PM (Tuesday to Thursday), 12PM – 3PM, 6.30PM – 10PM (Friday), 6PM – 10PM (Saturday), Closed on Sunday and Monday

10. Ramen Misoya

ඔව් ඔව් මෙයාලා ප්‍රසිද්ධ මෙයාලගේ miso පාදක කරගත්ත ramen වලට තමයි.ඒ වුණාට ඔයා කවදාහරි දවසක try කරලා තියෙනවද මෙයාලගේ dumpling? ඌරු මස් (LKR 990), කුකුළු මස් (LKR 990), සහ ඉස්සන් gyoza (LKR 1140) යන වර්ග වල dumplings මෙයාලගෙන් ලබාගන්න පුළුවන්.

Address – Race Course, Phillip Gunawardena Mawatha, Colombo 7

Contact – 0772 206 652
Opening Hours – 11.30AM – 3PM, 6PM – 10.30PM (Tuesday to Sunday) 11.30AM – 3PM, 6PM – 10PM (Saturday), Closed on Monday

Address – 179, Thimbirigasyaya Road, Colombo 5

Contact – 0112 559 799
Opening Hours – 12PM -3PM, 6PM – 9.30PM (Tuesday to Thursday), 12PM – 3PM, 6PM – 10PM (Friday), 6PM – 10PM (Saturday), Closed on Sunday and Monday

11. Yue Chuan, The Kingsbury Hotel

celery සමග ගෙදර තැම්බූ ඌරු මස්, චීන ගෝවා සමග කුකුල් මස්, විවිධ වර්ග වල එළවළු dumpling, වගේ සම්ප්‍රදායික චීන කෑම වර්ග ගොඩක් රුපියල් 800 කට ඔයාට Yue Chuan restaurant එකෙන් ලබාගන්න පුළුවන්.

Address – 4, Janadipathi Mawatha, Colombo 1

Contact – 0112 421 221

Opening Hours – 11AM – 3PM, 6.30PM – 11.30PM

12. Mama’s Kitchen, Food Studio

කෑලි 6 ක් සහ කෑලි 12 ක් යන ප්‍රමාණ වලින් ඔයාට මේ රසවත් කුකුල් මස්, හරක් මස් සහ ඉස්සන්dumpling ලබාගන්න පුළුවන්. colombo city center එකේ තියෙන Mama’s Kitchen එක හොඳම dumpling තියෙන තැනක් කියන නිසාම ඔයටත් පුළුවන් මෙතනට ගිහිං බලන්න.

Address – 137, Sir James Peiris Mawatha, Colombo 2

Contact – 076 801 1456

Opening Hours – 11AM – 11PM

13.Shanghai Terrace

කුකුල් මස් සහ එළවලු,ඌරු මස් සහ එළවලු, සහ බිත්තර සහ එළවලු වගේ රසම රස හැම dampling වර්ගයක්ම රුපියල් 908 ක වගේ මුදලකට ඔයාට මෙතනට ගියොත් ලබාගන්න පුළුවන්.

Address – 811, Kotte Road, Sri Jayawardenepura Kotte

Contact – 0112 878 878

Opening Hours – 11AM – 3PM, 6PM – 11PM

14. Steam Boat

මෙයාලගේ ශාඛා ගොඩක් ලංකාව පුරාම තියෙන නිසා ශ්‍රී ලාංකිකයන් විදිහට අපිට නම් මේ restaurant එක අලුත් තැනක් නෙමෙයි.හැබැයි එයාලගේ කිඩ්ස් මෙනු එකේ තමයි dumplings නම් තියෙන්නේ.ඉතින් මෙතන ගොඩක්ම ගැලපෙන්නේ dumplings වලට ආස කරන්න පොඩ්ඩොන්ටයි.

Address – 14, Narahenpita Road, Sri Jayawardenepura Kotte

Contact – 0112 806 806

Opening Hours – 11AM – 3PM, 6PM – 11PM

15. Chef Tyro Fushion Restaurant

තනිකරම චීන අවන්හලක් නොවුනත් Chef Tyro Restaurant එකෙන් රුපියල් 600 වගේ මුදලකට රස සැමන් dumplings වල රස බලන්න ඔයාටත් පුළුවන්.

Address – 203, Sir James Peiris Mawatha, Colombo 2

Contact – 0770 125 805

Opening Hours – 11AM – 10PM

16. Asylum Restaurant and Lounge Bar

dumpling ලබාගන්න පුළුවන් තවත් තැනක් තමයි Asylum Restaurant එක. ඌරු මස් dumplings සහ ඉස්සන් dumplings soy chilli dipping sauce එක්ක රුපියල් 1600 වගේ මුදලකට ඔයාලට මේ Restaurant එකෙන් ලබාගන්න පුළුවන්.

Address – 3, Arcade, Independence Square, Bauddhaloka Mawatha, Colombo 7

Contact – 0773 601 377

Opening Hours – 8AM – 11.30PM

17. Jade Dragon

Jade Dragon’s Chef’s Specials category එකේ තියෙන ඌරු මස් (LKR 900), කුකුල් මස් (LKR 800) සහ මුහුදු ආහාර (LKR 1100) ඔයාලගේ dumpling ආසාව සංසිදවගන්න කාල බලන්නම ඕන dumpling වර්ග කිහිපයක්.

Address – 26, Marine Drive, Colombo 3

Contact – 0715 169 169

Opening Hours – 11AM – 11PM

18. Chinese Delight

ගානේ හැටියට වටපිටාව ගැලපෙන්නේ නැති වුණත් රුපියල් 638 ක වගේ මුදලකට තැම්බූ චිකන් සහ ඌරු මස් ඩම්ප්ලිං මේ restaurant එකෙන් ඔයාට ලබාගන්න පුළුවන්.

Address – 41A, Ridgeway Place, Colombo 4

Contact – 0112 580 587

Opening Hours – 10.30AM – 3PM, 5PM – 10.30PM

19. Thai Heritage Food Truck

Crispy chicken dumplings වල රස බලන්න ඔයත් කැමතිද? ඇහෙද්දීත් කටට කෙල උනනවා නේද? රුපියල් 660 ක වගේ මුදලකට Thai Heritage Food Truck එකෙන් ඔයාට මේ රසම රස dumplings ලබාගන්න පුළුවන්.

Address – 381, Havelock Road, Colombo 6

Contact – 0777 003 688

Opening Hours – 12PM – 3PM, 6PM – 11PM (Tuesday to Sunday) Closed on Monday

20. Tsukiji Uoichi

තුනී කරගත් පිටි මෝලියකට අඹරපු ඌරු මස් සහ එළවලු කිහිපයක මිශ්‍රණයක් පුරවා ගත් Tsukiji Uoichi එකේ yaki gyoza කැබලි 5ක් රුපියල් 780 ක මිලකට සහ කැබලි 10 ක ප්‍රමාණයක් රුපියල් 1484 ක මිලකට ඔයාට ලබාගන්න පුළුවන්.

Address – Arcade, Independence Square, Bauddhaloka Mawatha, Colombo 7

Contact – 0112 670 707

Opening Hours – 12PM – 11PM

21. Kinjou

චීන restaurant අතරින් විශේෂ වූ Kinjou හි ඔයාට කන්න කන්න ආස හිතෙන gyoza රුපියල් 1068 කට සහ syumai රුපියල් 828 කට ලබාගන්න පුළුවන්.

Address – 33, Amarasekara Mawatha, Colombo 5

Contact – 0112 591 728

Opening Hours – 11AM – 2PM, 6PM – 10.30PM

22. Crystal Jade

One Galle Face mall එකේ ශාඛාවක් ලඟකදී ආරම්භ කරපු මේ restaurant එකෙත් රුපියල් 960 ක මුදලකට මිලදී ගත්ත තම්බපු කළු සහ සුදු ඉස්සන් dumplings වලට අපි නම් ගොඩක් ආස වුණා.ඉතින් ඔයාලත් කාලා බලන්න.

Address – 6th Floor, One Galle Face Mall, 1A, Centre Road, Colombo 2

Contact on – 0112 044 490

Open time – 11AM – 10PM

23. EDO Japanese Restaurant

හලාල් වගේම BYOB (ඔයාට කැමති bottle එකක් අරගෙන යන්න පුළුවන්) EDO ජපන් Restaurant එකේ ගෙදර හදා ගත්ත වගේ සැමන් gyoza dumplings ඔයාට ලබාගන්න පුළුවන්. කැබලි 6ක් රුපියල් 960 ක වගේ මුදලකට ලබාගන්න පුළුවන් මේ gyoza dumplings ඇත්තටම රසවත්.

Address – 2nd Floor, Colombo City Centre, Sir James Peiris Mawatha, Colombo 2

Contact – 0112 302 502

Opening Hours – 10AM – 10PM

24. Kobe, Waters Edge

kobe restaurant එක නම් Date එකකට කියාපු තැනක්.කුකුල් මස් සහ ඌරු මස් gyoza රුපියල් 1500 ක් වගේ ටිකක් මිල අධික වුණත් අපේ හිත් ඇදගන්න පුළුවන් විදිහේ පෙනුමකින් සහ රසයක් තිබුණා.

Address – 316, Ethul Kotte Road, Battaramulla

Contact – 0112 863 863

Opening Hours – 11AM – 11PM

25. Robata Grill and Lounge, Movenpick Hotel

Robata කියන්නේ දැරිය හැකි මුදලකට හොඳ ආහාර පාන ලබාගන්න පුළුවන් lounge එකක්. ඉතින් එයාලගේ dumplings අපි robata lounge එක ගැන තියලා තිබ්බ විශ්වාසය රකින්න සමත් වුණා කියලා කිවුවොත් නිවැරදි. එයාලගේ crystal ඉස්සන් dumplings කැබලි 4ක් රුපියල් 360 ක මුදලකට ඔයාටත් රස බලන්න පුළුවන්.

Address – 2nd Floor, Srimath Anagarika Dharmapala Mawatha, Colombo 3

Contact on – 0117 504 470

Open time – 12PM – 3PM, 7PM – 10.30PM

ඉතින් මේ තියෙන්නේ ඔයාලගේ dumplings ආසාව සංසිදවගන්න පුළුවන් තැන් 25ක් ගැන විස්තරේ. ඔයාලටත් පුළුවන් මේ තැන් වලට ගිහින් රසම රස dumplings වල රස බලලා අපිට පස්සේ ස්තුති කරන්න.

ඒ වගේම අපි මොකක් හරි dumpling restaurant එකක් මග හැරලාද ? එහෙනම් comments වල අපිව ඒ ගැන දැනුවත් කරන්නත් අමතක කරන්න එපා.

සිංගප්පූරු කෑම රස විඳින්න ලංකාවේ තියෙන නියම තැනක් “Lau Pa Sat”

By

Editorial

“Lau Pa Sat” කියන්නේ සිංගප්පූරු කෑම රස විඳින්න ලංකාවේ තියෙන නියම තැනක්. මේකේ නම හැදිලා තියෙන්නේ hawker centers (එළිමහන් සංකීර්ණයක කෑම කන්න පුළුවන් විදියට හදලා තියෙන අවන්හල්) කියන වචනයෙන්. කොළඹ One Galle Face සාප්පු සංකීර්ණයේ තියෙන Lau Pa Sat අවන්හල ඇතුලට යනකොටම staff එකේ අයගෙන් උණුසුම් පිළිගැනීමක් අපිට ලැබුණා. ලස්සනට හැඩගන්වලා තියෙන මේ අවන්හලට ගියාම සිංගප්පූරුවට ගියා වගේ හැඟීමක් දැනේවි ඔයාලටත් අනිවාර්යයෙන්ම.

Drinks

Lau Pa Sat අවන්හලේ menu එකේ තියෙන බීම වර්ග බොහොමයක් සිංගප්පූරුවට ම සුවිශේෂී වුණ ඒවා. ඒ වගේම අලුත් රසයන්ගෙන් අනූන වුණ බීම වර්ගත් මෙතන තියෙනවා.හැබැයි මේ ඔක්කොම non-alcoholic බීම වර්ග.

Bandung Rose Syrup (LKR 400)

මේ drink එකේ නම් පැණිරස ගතිය ගානට තිබුණා. ඒ වගේම තමයි එකේ thickness එකත් ගානට. Rose syrup වලින් රස ගැන්වුණු මේ drink එකේ කසකසා ඇට (poppy seeds) දාලා තිබුණා. මොකද, අපි දන්න විදියට නම් Bandung Rose Syrup එකට කසකසා ඇට සාමාන්‍යයෙන් දාන්නේ නෑ . කසකසා ඇට එකතු කරලා තිබුණත් මේ drink එකේ රසය උපරිමයෙන් තිබුණා..

Milo Dinosaur (LKR 400)

Milo Dinosaur කියන drink එක පිළිගන්වලා තිබුණ විදිය නම් කිසි අඩුවක් නෑ, ඒත් අපි බලාපොරොත්තු වුණ තරමට ඒකේ රසය තිබුණේ නෑ. හැබැයි මේ drink එකේ උඩින් දාලා තිබුණ Milo powder එකෙන් ඒකේ රසය වැඩි කළා.

Lychee Soda Cooler (LKR 400)

අපි try කරපු බීම වර්ග තුනෙන් සුවිශේෂීම එක තමයි Lychee Soda Cooler. ඒ වගේම අපිත් වැඩියෙන්ම කැමති වුණේ මේ drink එකට. මොකද මේකේ සැර ගතියයි නැවුම් ගතියයි දෙකම එකට මුසු වෙලා තිබුණ නිසා. ටිකක් සැර ගතියක් තිබුණට මේ drink එකේ තියෙන sweet lychee (මේක රඹුටන් වගේ පලතුරක්) flavour එක නිසා අමුතුම රසයක් ඒකට එකතු වෙලා තිබුණා.

Mains

Coffee Sauce Chicken Wings (LKR 750)

මේ dish එක අපි order කරපු වෙලාවේ ඉඳන් ඇඟිලි ගැන ගැන බලන් හිටියේ රස විඳින්න! Crispy, juicy ගතිය තියෙන chicken wings වලට thick coffee sauce දාලා ඒකට උඩින් sesame seeds දාලා තමයි මේ dish එක පිළිගැන්නුවේ. Sauce එකට එකතු කරලා තිබුණ coffee වල තියෙන තරමක් පැණි රස සහ තිත්ත ගතිය chicken wings වල soft ගතියත් එක්ක නියමෙට ගැළපුනා.

Jumbo Chicken Satay (LKR 700)

අපි ඊළඟට try කරපු dish එක නම් ශ්‍රී ලාංකික අපිට හුරුපුරුදු රස මුසු වුණු කෑමක් නෙමෙයි. හැබැයි අලුත් කෑම try කරන්න කැමති අපි නම් Jumbo Chicken Satay වලට කැමති වුණා. මේකේ chicken හොඳට මෙළෙක් ගතියට තිබුණා. ඒත් අපිට දැනුණේ නම් ඒකේ තෙල් ගතිය ටිකක් විතර වැඩියි කියලා. Chicken Satay dish එකත් එක්ක පිළිගන්වපු sauce එකේ peanut රසකුත් තිබුණා. ඒ sauce එක Chicken Satay එකත් එක්ක ගැලපෙනවා. Chicken Satay කෑවට පස්සේ පොඩ්ඩක් විතර දැවිල්ලක් දැනුණා. හැබැයි අපි නම් ඒකට කැමති වුණා.

Laksa (LKR 1000)

Laksa කියන්නේ පෙනුම, රසය, සුවඳ මේ ඔක්කොම එකතු වුණ dish එකක්. සිංගප්පූරු කෑම වල රස සංකේතවත් කරන dish එකක් විදියට Laksa හඳුන්වන්න පුළුවන්. අපි වැඩිපුරම ආස කරන කෑම වර්ගවල list එකේ උඩින් ම තියෙන කෑමක් තමයි Laksa. මේ noodle soup එක පොල් සහ seafood curry mix කරලා හදලා තිබුණේ. ඒකේ ටිකක් විතර සැර ගතියක් තිබුණා. Laksa dish එකේ තියෙන thick noodles ගෙන්නන්නේ සිංගප්පූරුවෙන් කියලා අපිට දැනගන්න ලැබුණා. Lau Pa Sat එකේ තියෙන Laksa dish එක එක්කෙනෙකුට තමයි serve කරන්නේ. ඒත් අපිට ඒ dish එක ඉවර කරන්නත් අමාරු තරමට ඒ portion එක ලොකුයි. Laksa dish එකේ ඉස්සෝ ගොඩක් එක්ක prawn-cakes හොඳට දාලා තිබුණා. ඒ වගේම ඒකට දාලා තිබුණ noodles හොඳ ගානට boil කරලා තිබුණා. අපි ඒ නිසා Laksa dish එක නම් අනිවාර්යයෙන්ම recommend කරනවා.

Nasi Goreng With Fried Chicken (LKR 750)

Nasi Goreng කියන්නේ ලංකාවේ ගොඩක් common කෑම වර්ගයක් නිසා අපි බලාපොරොත්තු වුණේ නෑ Lau Pa Sat තිබෙන Nasi Goreng dish එකේ ලොකු විශේෂත්වයක් තියෙයි කියලා. හැබැයි අපි මීට කලින් try කරලා තියෙන Nasi Goreng dishes වලට වඩා මේක ගොඩාක් හොඳයි. බත් වලට mix කරලා තිබුණ caramelise කරපු ළූණු වලින් මේ Nasi Goreng එකේ රසය වැඩි කළා. ඒ එක්කම serve කරලා තිබුණා crispy fried chicken සහ ‘මල් පපඩම්’ කියලා කියන traditional Singaporean Flower Fryums එක්ක අච්චාරු දාපු එළවලු (pickled vegetables). බඩ පිරෙන තරමට portion එක තිබ්බත් Lau Pa Sat එකේ Nasi Goreng එකේ ගාන නම් ටිකක් වැඩියි කියලා අපිට හිතුණා.

AyamPanggang With Rice (LKR 750)

AyamPanggang කියන dish එකේ විශේෂත්වය වෙන්නේ ඒක පැය 24ක් marinate කරලා හදන නිසා. ඒ කියන්නේ මස් උයන්න කලින් තෙල්, spices mixture එකක දාලා තියලා soften කරන process එක. තම්බපු බත් එක්ක serve කරපු AyamPanggang එකේ අපි බලාපොරොත්තු වුණ තරමටම දිව පිනා යන පුදුමාකාර රසයක් තිබුණා.

Desserts

Goreng Pisang with Vanilla Ice Cream (LKR 500)

Goreng Pisang කියලා හඳුන්වන්නේ Banana Fritters වල සිංගප්පූරු version එක. ඒ කියන්නේ batter එකක දාල deep fry කරපු කෙසෙල් තමයි මේ dish එකේ තියෙන්නේ. Chocolate sauce උඩින් දාලා, රන්වන් පාටට තිබුණ Goreng Pisang එකේ crunchy ගතියයි පැණිරස ගතියයි ගානට තිබුණා. Banana fritters ටිකක් උණුසුම් නිසා ඒ එක්කම vanilla ice cream serve කරලා තිබුණ එක නම් නියමයි.

Chendol with Vanilla Ice Cream (LKR 500)

Chendol කියන dessert එක සිංගප්පූරුවේ hawker-centers වල තමයි වැඩිපුරම දකින්න ලැබෙන්නේ. මේ dessert එකේ හුරුපුරුදු ඒත් ටිකක් අමුතුම රසයක් තිබුණා. Chendol ජෙලි එකක් වගේ dessert එකක්. ඒක පොල් කිරි දාපු bowl එකක රතුපාට kidney beans සහ vanilla ice cream scoop එකක් එක්ක තමයි serve කරලා තිබුණේ. ඔයත් අලුත් අලුත් කෑම වල රස බලන්න කැමති කෙනෙක් නම් මේ dessert එක අපි recommend කරනවා.

Strawberry Cheesecake (LKR 500)

මේ Strawberry Cheesecake එකේ price හැටියට නම් portion එක ටිකක් මදි කියල අපිට හිතුනා. හැබැයි එකේ රසය නම් උපරිමයෙන් තිබුණා. හරි පදමට bake කරපු මේ cheesecake එකේ biscuit layer එක නම් නියමයි. ඒ වගේම උඩින් දාල තිබුන strawberry jam layer එකේ තියෙන tangy flavour එක නිසා නිසා cake එකේ පැණිරස ගතිය balance වෙනවා.

Ambience

Lau Pa Sat අවන්හලේ ඇතුලේ වගේම එළියේ වාඩි වෙන්න හොඳට ඉඩකඩ තියෙනවා. සිංගප්පූරුවේ ඉතිහාසය විදහා පාන black and white පින්තූර වලින් ලස්සන කරලා තියෙන මේ අවන්හලේ staff එක හරිම මිත්‍රශීලීයි. ඒ වගේම ඔයාලට මොනවද ඕනේ කියලා බලලා serve කරන්න ඕන වෙලාවක staff එක ලෑස්තියි. Restaurant එකේ head chef එක්කත් අපිට කතා කරන්න අවස්ථාවක් ලැබුණා. පිලිපීන සම්භවයක් තියෙන ඇය specialise කරන්නේ Asian-fusion cuisine. Lau Pa Sat අවන්හලේ service එක හරිම ඉක්මන්. අපි එතනට ගියපු වෙලාවේ නම් එතන වැඩිය සෙනග හිටියේ නෑ. බොහෝවිට ඒ සතියේ දවසක රෑ නිසා වෙන්න පුළුවන්. හැබැයි අපිට දැනගන්න ලැබුණා lunch hours වලදී restaurant එකට ගොඩාක් සෙනග එනවා කියලා.

Lau Pa Sat restaurant එකෙන් අපි ලබාගත්ත රස අත්දැකීම ගැන අපි හොඳටම සෑහීමට පත්වුණා කියලනම් කියන්න පුළුවන්. Authentic සිංගප්පූරු ආහාර වේලක් රස විඳින්න කැමති ඕනෑම කෙනෙක්ට මේ restaurant එක අපි අනිවාර්යයෙන්ම recommend කරනවා.

සැරට කන්නනම් Arthur’s Pizzeria තමයි

By

Editorial

ඔන්න මම තීරණය කලා වැඩත් එක්ක හිරවෙලාම ඉන්න නිසා පොඩ්ඩක් එළියට යන්න. ඉතින් මම ගියේ Horton Place වල තිබෙන Arthur’s Pizzeria එකට. මට හිතුන ටිකක් relax වෙන්නත් එක්ක Arthur’s Pizzeria එකේ ගොඩක් popular classic thin crust pizza එක වගේම අනිත් කෑම බිම try කරලා බලන්න. ඇත්තටම කියන්න ඕන මම ගොඩක් පුදුම වුණා වගේම Arthur’s Pizzeria එකට අයෙත් යනවා කියලා දැනටම තීරණය කරලා ඉවරයි.

Appetizers

Garlic Roast Paan (LKR 300)

මේ සුදුළූණු පාන් එකනම් ඇත්තටම පොඩ්ඩක්වත් රස නැහැ. සුදුළූණු පාන් කිව්වට සුදුළූණු තිබ්බෙම නැති තරම්. ඒ වගේම පාන් ගොඩක් soggy වැඩීයි. පාන් එක soggy වෙලා තිබෙන්නේ butter ඔිවට වඩා වැඩි නිසා කියලා තමයි මටනම් තේරුණේ.

Mains

Chicken Nai Miris Pizza (LKR 1450)

Arthur’s Pizzeria එකේ Chicken Nai Miris Pizza එකනම් නියමම නියමයි. chicken, cheese සහ විශේෂයෙන්ම නයි මිරිස්, Pizza එකේ topping එකට එකතු කරලා තිබුණා. Pizza එකේ හැම slice එකක්ම මම ගොඩක් රසවින්දා. ඔයා කුළුබඩු රසට කැමති කෙනෙක්නම් ඒ වගේම නයි කොච්චි සැරට,රසට කැමති කෙනෙක් නම් මේ Chicken Nai Miris Pizza එක අනිවාර්යයෙන් රසවිදලා බලන්න අමතක කරන්න එපා.

Bacon Annasi Pizza (LKR 1600)

Bacon Annasi Pizza කිව්වහම මේ මොකක්ද මේ කියලා ඔයාලා අනිවාර්යයෙන් හිතනවා ඇති. විශේෂයෙන්ම අන්නාසි කන්නේ නැති අයට මේ පිසා එකේ නම ඇහුන ගමන් කන්න හිතෙන්නේ නැති වෙන්න පුළුවන්. ඒත් විශ්වාස කරන්න මේ අන්නාසි Pizza එකනම් රසම රසයි. හොඳට cheese දාලා topping එකට bacon ගොඩක් දලා හදලා තිබෙන මේ අන්නාසි Pizza එක අන්නාසි වලට අකමැති කෙනෙක්ට කන්න හිතෙන විදිහට නියමටම හදලා තිබුණා.

Prawn Miris Pasta (LKR 880)

නමේ තිබෙන විදිහටම Arthur’s Pizzeria ඉස්සෝ සහ මිරිස් ඇතිවෙන්න දාලා තමයි මේ Pasta ගෙනත් දුන්නේ. මේ Pasta එක කුළුබඩු වලට ප්‍රිය කරන අයට තමයි ගොඩක්ම ගැළපෙන්නේ. cheese, olives, fresh herbs සහ විශේෂයෙන්ම මිරිස් topping එකට දාලා තමයි අපිට පිළිගන්වන්නේ.

Desserts

Chocolate Biscuit Pudding (LKR 320)

කට දන සැර කෑම කාලම මට පැණි රස දෙයක් කන්න ඕන වුණා. ඒ නිසා මම Arthur’s Pizzeria එකේ තිබෙන Chocolate Biscuit Pudding එක oder කළා. මේ Chocolate Biscuit Pudding එකනම් ඇත්තටම රසයි. chocolate sauce එක්ක serve කරපු මේ කුඩා Biscuit Pudding එක දිව්‍යලෝකේ ගියා වගේ හැගීමක් ගෙනවා. ඔයාලා Arthur’s Pizzeria එකට ගියහම මේ Chocolate Biscuit Pudding එක කන්න අමතක කරන්න එපා.

Ambience

Arthur’s Pizzeria එකේ ඇතුලත ආතර්ගේම පින්තූර වලින් සරසලා තමයි තිබුණේ. ඒ වගේ අභ්‍යන්තරය තරමක් ආලෝකයෙන් අඳුරු ස්භාවයක් ගන්නවා.එළිමහනේද ඉදගන්න පුළුවන් වෙන්න හදලා තමයි තිබෙන්නේ. හැබැයි කාර්ය මණ්ඩලය අපි බලාපොරොත්තු වුණාට වඩා අඩුවෙන් තමයි අගන්තුක සත්කාර කලේ. ඒ වගේම වගකීම් සම්බන්දයෙන් තැකීමක් කරන්නේ නැහැ කියලා තමයි මට තේරුණේ.

Fashion එකට heels දාගෙන ඇවිදින්නේ අපහසුවෙන්ද?

By

Editorial

Heels කියන්නේ කාන්තාවන් කැමතිම විලාසිතාවක්නේ. විවිධ විදිහේ Heels අපි office යන්න party එකකට යන්න wedding එකකට එහෙමත් නැත්තම් වෙනත් function එකකට යන්න ඒ ඒ තැනට ගැළපෙන විදිහට භාවිතා කරනවා. Heels භාවිතය මගින් කාන්තාවන්ට ලොකු confidence එකක් ඇතිවෙනවා. ඒ වගේම වැඩිය උස නැති අයට ලොකු උදව්වක් වෙනවා මේ Heels භාවිතය. හැබැයි ඉතින් කොච්චර ලස්සන විලාසිතාවක් වුණත් මේ Heels පැළදීම ලෙහෙසි පහසු දෙයක් නෙවෙයි.

හරි විදිහට Heels භාවිතා කරන්නේ නැත්තම් අපිට කාලයක් යනකොට කොන්දේ ආබාධ ඇතිවෙන්න ඉඩකඩ වැඩීයි. ඒ වගේම විවිධ අපහසුතාවයන්ට මුහුණ දෙන්න වෙනවා. මේ නිසාම ගැස්ම අපි Heels භාවිතා කරනකොට දැනගන්නම අවශ්‍ය tips කිහිපයක් ඔයාලා වෙනුවෙන්ම අරගන ආවා.

01.පහසු Heels භාවිතා කරන්න

ඔබ පළමු වරට Heels භාවිතා කරනවා නම් උසින් ගොඩක් වැඩි Heels භාවිතා කරන්න එපා. ඇවිදගන්න බැරිව ඔබට මේ විලාසිතාව එපා වෙන්න ඉඩකඩ වැඩීයි. මුලින්ම උසින් අඩු තමන්ට ඇවිදගන යන්න පහසු Heels මිලදී ගෙන භාවිතා කරන්න. මේ විදිහට ඔයාට පුළුවන් උසින් අඩු පාවහන් වලට මුලින් හැඩ ගැහිලා ටික ටික උසින් වැඩි පාවහන් වලට පුරුදු වෙන්න.

02.සෑම විටම විලුඹේ සිට ඇඟිල්ලි දක්වා ඇවිදින්න

විලුඹේ සිට ඇඟිලි දක්වා ඇවිදින ක්‍රමය තමයි සෑම විටම Heels භාවිතා කරලා ඇවිදින සාර්ථකම ක්‍රමය. අපි අඩිය තියනකොට මුලින්ම විලුඹ පොළවට තියලා තමයි ඇඟිලි පොළවට තියන්න ඕන. එහෙම ඇවිදනකොට ඔයාට සමබරතාවයක් ඇතිවෙනවා වගේම වැටෙන්න තියෙන ඉඩකඩ අවම වෙනවා.

03.පඩිපෙල මත ඇවිදින ආකාරය ඉගෙන ගන්න

Heels දාගන පඩිපෙල මත ඇවිදින ආකාරය ඉගෙන ගන්න ද ක්‍රමයක් තිබෙනවා. අපි පඩිපෙල දිගේ පියවර කිහිපයක් ඉහළට යනකොට වැඩි පීඩනයක් අපේ පාදයේ ඉදිරිපස කොටසට යොදන්න වෙනවා.

පඩිපෙළ දිගේ ඇවිදිනකොට , එක් එක් පියවර මත අපේ පාද තදින් තැබීම මගින් සමබරතාවය පවත්වා ගන්න පුළුවන්. ඔයා පඩිපෙළේ ඉහළට හෝ පහළට ගියත්, යන හැම වෙලේම සෙමින් ඇවිදින්න වගබලා ගන්න.

දිගු වේලාවක් Heels දාගන සැපපහසු ලෙස ඇවිදින්න පොඩි රහස් උපක්‍රමයක් තිිබෙනවා. ඔයාට කරන්න තිබෙන්නේ Heels දා‍ගෙන ඇවිදිනකොට කුඩා පියවරවල් තියන්න පුරුදුවෙන එක . Heels දාගන ඇවිදිනකොට ඉක්මනටම මහන්සි දැනෙන්න ගන්නවා. ඒ වගේම Heels දා‍ගෙන ඇවිදින එක ඇත්තටම භයානක දෙයක්. කොහෙම වුණත් මේ මහන්සි දැනෙන එක වගේම භයානක බව මග ඇරගන්න පුළුවන් කුඩා පියවරවල් තියලා ඔයා ඇවිදින්න පුරුදු වෙනවානම් .

04.අමතර සහාය භාවිතා කරන්න

Heels භාවිතා කරනවා නම් Insoles සහ අමතර padding එකක් තිබෙන Heels මිලදී ගැනීම ඔයාට ලොකු පහසුවක් වේවි . Gel insoles සහ අමතර padding ඔබට වෙළඳපලෙන් මිලදී ගන්න හැකියාව තිබෙන අතර මේ දේවල් භාවිතය මගින පාවහන් නිසා ඇතිවෙන කැපීම්, තුවාල අවම කරගන් හැකියාව තිබෙනවා.

05.ඔබ ඇවිදින ඉරියව්ව නිවැරදි කරගන්න

ඔයා නිවැරදි ඉරියව්ව භාවිතා කරලා ඇවිදලා බලන්න ඔයාටම වෙනසක් තේරෙයි. මුලින්ම විලුඹ පොළවට තද කරලා ඇවිදීම තමයි නිවැරදිම ඉරියව්ව .මේ විදිහට නිවැරදිව ඇවිදීම මගින් ඔයාගේ ශරීරයේ බර ඒකාකාරව බෙදා හරින අතර ඇවිදීමේදී ඔබට සමබරතාවයක් ලබාගන්න පුළුවන්. ඒ වගේම මේ විදිහට ඇවිදීම මගින් කොන්ද සහ හිස කෙලින් තබාගෙන ඇවිදින එක පහසු කරවනවා. ඒ වගේම Heels නිසා කොදුඇට පේළියට ඇතිවෙන හානිය නිවැරදි ඉරියව්වෙන් ඇවිදීම මගින් අවම කරනවා.

06.තමන්ට ගැළපෙන Heels භාවිතා කරන්න

හැම Heels fashion එකක්ම හැම කෙනෙක්ටම ගැළපෙන්නේ නැහැ. සමහර අය තමන්ට දාගන ඇවිදගන්නවත් බැරි තරම් උස Heels භාවිතා කරනවා .ආසාව තිබුණට තමන්ට පාලනයක් නැති පාවහන් පැලදීමෙන් වලකින්න. මොකද ඇත්තටම එක තමන්ගේ ශරීරයට හොඳ නැහැ. ඒ වගේම තමන් ඇවිදිනකොට අනතුරක් වෙන්න තිබෙන ඉඩකඩ ඉතාමත් වැඩීයි. ඔයා ඔයාගේ පාදවලට වගේම ශරීරයට ආදරෙයි නම් තමන්ට ගැළපෙන තමන්ට හසුරවන්න ලෙහෙසි පහසු Heels භාවිතා කරන්න.

ඔයත් අංක 13ට බය කෙනෙක්ද?

By

Editorial

අපි පොදුවේ එක එක දේවල් වලට බයයිනේ . කුමක් හෝ හේතුවක් නිසා මකුළුවන්ට, ලොකු උසකට, කැරපොත්තන්ට, කරුවලේ එළියට යන්න, බෙහෙත් විදිනවට වගේ විවිධ දේවල් වලට බයක් ඇතිකරගන තිබෙනවා .ඒත් ඇයි මේ මිනිස්සු අංක 13ට බය. අංක 13 කියන්නේ අනිත් අංක වගේම තවත් එක අංකයක්. අංක 13 සම්බන්ධයෙන් බය හිතෙන චිත්‍රපටි පවා නිර්මාණය වෙලා තිබෙනවා. සමහර ගොඩනැගිලිවල හිතාමතාම 13 වන මහල නිර්මාණය කරලා නැහැ. ඒ වගේම ගොඩක් අය 13 වන දිනයේ සුභ කටයුතු කිසිදෙයක් සිදු කරන්නේ නැහැ. මේ අංක 13ට ඇති බිය හඳුන්වන්නේ ට්‍රිස්කයිඩෙකෆෝබියා (triskaidekaphobia)වශයෙනි. කොහොම වුණත් හරියටම 13 අවාසනාවන්ත සංඛ්‍යාවක් බවට පත් වූයේ කවදාද යන්න පැහැදිලි කරලා නැහැ.

ඇත්තටම ඇයි පුද්ගලයින් අංක 13ට බය. මේ අනිසි බිය ඇතිවෙන්න එක හේතුවක් කියලා නැහැ. සමහරු එය බයිබලයට ආරෝපණය කර ඇති තිබෙනවා. ඒකට අනුව අන්තිම රාත්‍රී භෝජන සංග්‍රහයට පුද්ගලයන් 13 දෙනෙකු සහභාගී වූ අතර සමහරු අනුමාන කළේ මේසයේ සිටි 13 වන පුද්ගලයා යූදස් බවත් පසුව යේසුස්ව පාවා දුන් බවත්ය. කොහොම වුණත් මෙම සිද්ධාන්තය පිළිබඳව කිසිදු සඳහනක් නැහැ. ඒ වගේම මිත්‍යා කතා වලද 13 දෙනා අවාසනාවන්තයි කියලා ඔප්පු කරලා තිබෙනවා. විද්‍යාඥයින් හා ගණිතඥයින් පවසන්නේ අංක 13 හි භීතිකාව ඇති වන්නේ එය අතාර්කික සංඛ්‍යාවක් වීම සහ 12 පරිපූර්ණ සංඛ්‍යාව වීම නිසා බවයි. මිත්‍යාව හා ගණිතය යන දෙකෙහිම සාධක එකතුවෙලා තමයි මේ සංඛ්‍යාව සෑම රටකම අපකීර්තියට පත්වෙලා තිබෙන්නේ. නමුත් ඉතාලිය, ඊජිප්තුව සහ චීනය වැනි වෙනත් රටවල 13 වාසනාවන්ත සංඛ්‍යාවක් ලෙස සලකනවා.

මෑතකදී කළ ඡන්ද විමසීම් හා අධ්‍යයනවලින් පෙනී යන්නේ ඇමරිකානුවන්ගෙන් 9-10% ක් පමණ අංක 13 ගැන මිථ්‍යා විශ්වාසයන් ඇතිකරගන සිටින බවයි. චීනයේ අංක 13 නරක යැයි සලකන්නේ නැහැ. ඒ වෙනුවට අංක 4 අවාසනාවන්ත ලෙස සැලකනු ලබනවා. අංක 4 ට ඇති බිය සඳහා යෙදුම ටෙට්‍රාෆෝබියා ලෙස හැඳින්වෙනවා.

අංක 13ට බය වීම සුළුපටු දෙයක් ලෙස පෙනුනත්, ට්‍රිස්කයිඩෙකෆෝබියාව යනු බටහිර සමාජයන්ට ආර්ථික වශයෙන් බලපාන ගැටලුවක් වෙලා තිබෙනවා. ඔවුන් ගේ මිථ්‍යා විශ්වාස නිසා සමහර අය ඕනෑම මසක 13 වන දින ව්‍යාපාර කටයුතු ප්‍රමාද කරන අතර සංඛ්‍යාලේඛනමය වශයෙන් මෙම මිථ්‍යා විශ්වාස නිසා ඕනෑම මසක 13 වන දින රැකියාවට නොයන අයද සිටින බව සදහන් වෙනවා.

ඕපාදූප කතාවෙන එක හොඳයි ද?

By

Editorial

ලොකු පොඩි අපි හැමෝටම නිතර දෙවේලේ ඇහිලා තියෙනවා “ඔයාට කියන්න හොඳ දෙයක් නැත්තම්, මුකුත්ම නොකියා ඉන්න “කියන කියමන. අපි රැකියාව කරන තැන කතාබහේදී, එදිනෙදා යාළුවොත් එක්ක කරන සාමාන්‍ය කතාබහකදී, එහෙමත් නැත්තම් පවුලේ කතාබහකදී ගොඩක් වෙලාවට කතා කරන්නේ වෙනත් පුද්ගලයෙක් ගැන කියන දේ අපිට පිලිගන්නම වෙන කාරණාවක්. 1993 අවුරුද්දේ කරලා තියෙන පරීක්ෂණ වලින් පිරිමින් කතාබහ කරන කාලයෙන් 55% ක් සහ කාන්තාවන් කතාබහ කරන කාලයෙන් 67% සමාජීය වශයෙන් අදාළ මාතෘකා ගැන ඕපාදූප කතාකරන්න වැය කරන බව හොයාගෙන තියෙනවා.ඇත්තටම මේ “ඕපාදූප” වලට සමාජයේ එක එක තරාතිරම් වල මිනිස්සු එක එක නිර්වචන දීලා තියෙනවා. සාමාන්‍ය මනුස්සයෙක් නම් කියන්නේ ඕපාදූප කියන්නේ හරිම පහත්,ද්වේශ සහගත දෙයක් කියලා.සමහර පර්යේෂකයන් කියලා තියෙන විදිහට නම් ඕපාදූප කියන්නේ “ඒ වේලාවට කතාකරන තැන නැති පුද්ගලයෙක් ගැන කතා කරන එක කියලා’,“එය අපට ස්වභාවයෙන්ම එන දෙයක්”,ඒ වගේම තොරතුරු හුවමාරුවට සහ ප්‍රජා ගොඩනැගීමට අනිවාර්ය දෙයක් කියලා Georgia Gwinnett College එකේ මහාචාර්යවරයෙක් කියලා තිබෙනවා.

ඇයි මිනිස්සු ඕපාදූප කතාකරන්නේ ?

සමහර පර්යේෂකයන් කියන විදිහට නම් ඕපාදූප අපේ මුතුන් මිත්තන්ගේ පැවැත්මට උදව්වක් වෙලා තියෙනවා. සමහර සමාජ විද්‍යාඥයින් කියන විදිහට නම් ඕපාදූප වලට හේතුව ගොඩක් වේලාවට අනිත් අය ගැන කතා කරන ඒවා වීම සහ ඒවාගෙන් තොරතුරු හුවමාරු වීම සිදුවීමයි. ඒ වගේම මේ ඕපාදූප වලට ලොකු සමාජයකට තොරතුරු පැතිරවීමේ හොඳ හැකියාවක් තියෙනවලු. මේ සමාජ හා පෞද්ගලික කාරණා ගැන සාකච්ඡා කරන්න අපට බැරි වුණා නම්, මේ විදිහේ සමාජයන් පවත්වා ගන්නත් අපට බැරි වෙන්න ඉඩ තිබුණා. පුළුල් විදිහට කිව්වොත් කාලයක් පුරාවටම ඕපාදූප මේ විදහට සමාජය පවත්වාගෙන යන්න විවිධ විදිහට උදවුවක් වෙලා තියෙනවා. එන්න එන්නම මේ සමාජය විශාල වෙන නිසා අපිටම අපි වටේ ඉන්න මිනිස්සුන්ගේ තොරතුරු දැනගන්න අමාරු වෙනවා. ඒ නිසා මේ ඕපාදූප සමාජයට සේවයක් කරනවා කියලත් කියන්න පුළුවන්. සමහර විද්වතුන් කියන විදිහට නම් ඕපාදූප සංස්කෘතිය ඉගෙන ගැනීමටත් උදවුවක් වෙලා තියෙනවා.සමාජීය වශයෙන් පිළිගන්න දේවල් සහ පිළිනොගන්නා දේවල් ගැන රටේ ජනතාවට ඉගෙන ගන්න මේ ඕපාදූප උදවු කරනවා.

මිනිසුන් ඕපාදූප කතා කරනකොට මනෝ විද්‍යාත්මකව මොකක්ද වෙන්නේ?

තමන් ගැන හෝ තමන්ට සමීප යහළුවන්,තමන්ගේ ආසම සුපිරි තරු ගැන ධනාත්මක සහ සෘණාත්මක ඕපාදූප අසද්දී කාන්තාවන් සහ පිරිමින්ගේ මොළයේ ක්‍රියාකාරිත්වය ගැන 2015 අවුරුද්දේ දී විද්‍යාඥයින් හරි අපුරු පරීක්ෂණයක් කරලා තියෙනවා.එහිදී සංකීර්ණ සමාජ හැසිරීම් වල සැරිසරන්න අපට තියෙන හැකියාවට වැඩියෙන්ම උදවු වන මොළයේ ඉදිරිපස කොටස (prefrontal cortex) වැඩි ක්‍රියාකාරිත්වයක් දැක්වූ බව ඔප්පු වුණා.අනිත් අය විසින් අපිව ධනාත්මකව දැකීමට ඇති අපගේ ආශාව නිසාම අපි අපිට ඇත්තටම හිතුන දේ පෙන්නුම් නොකර සමාජයට ඕන කරලා තියෙන දේ පෙන්නුම් කරන්න අපි උත්සහ ගන්න බව විද්‍යාඥයින් ප්‍රකාශ කරලා තියෙනවා. ඒ වගේම අපේ ආසම සුපිරි තරු ගැන සෘණාත්මක ඕපාදූප අසද්දී මොළයේ මැද පිහිටා තියෙන (caudate nucleus) කොටස වැඩි සක්‍රීය බවක් පෙන්නුම් කරලා තියෙනවා. මෙහිදී පරීක්ෂකයින් මොළයේ ක්‍රියාකාරිත්වය වගේම එක් එක් පුද්ගලයාගේ හිතට දැනුන දේ පිලිබදවත් විස්තර අසා තිබුණා.එහිදී පරීක්ෂකයින් හොයාගෙන තියෙන විදිහට තමන් ගැන සෘණාත්මක ඕපාදූප අසන විට තරහවක් සහ තමන් ගේ ප්‍රියතම සුපිරි තරුව හෝ වෙන අයෙකු ගැන ඕපාදූප අසන විට වැඩි විනෝදාස්වාදයක් ඔවුන්ට දැනීලා තියෙනවා.

ඉතින් මේ ඕපාදූප ඔබට හොඳ විය හැකිද?

ප්‍රවීණ විද්‍යාඥයින් කියන විදිහට නම් අපි මගඅරින්න ඕන ඕපාදූප ජාති කිහිපයක්ම තියෙනවා. සමාජයට කිසිම වැඩක් නැති, තනිකරම හානි දායක ඕපාදූප හරියට කෙනෙක්ගේ පෙනුම ගැන පහත් අදහස් වගේ ඕපාදූප අපි මග හරින්න ඕනේ.කිසිම කෙනෙක් ප්‍රතිලාභයක් නොලබන වගේම ඒකෙන් ඉගෙන ගන්න කිසිම දෙයක් ඔයාට නැති විදිහේ ඕපාදූප නම් ඒ වගේ ඕපාදූපත් අපි මග හරින්න ඕනේ. Matthew Feinberg නම් විද්‍යාඥයා ඔහුගේ කණ්ඩායමත් සමග කරපු පරීක්ෂණයකින් හොයාගෙන තියෙනවා පුද්ගලයෙක් තවත් පුද්ගලයෙකුගේ සමාජ විරෝධී හැසිරීමක් හෝ අයුක්තිය ගැන අසන විට ඔවුන්ගේ හෘද ස්පන්දන වේගය වැඩි වන බව. ඒ වගේම ඒ පුද්ගලයා ගැන ඕපාදූප කියන්නට ඔවුන්ට පුළුවන් වුණාම ඒකෙන් ඔවුන්ට ඇතිවෙන සැනසීමෙන් ඔවුන්ගේ හෘද ස්පන්දන වේගය අඩු වන බව. ඉතින් මේ ඕපාදූප ශරීරය සන්සුන් කරන්න ලොකු උදවුවක් වෙනවා. ඊට අමතරව ෆයින්බර්ග්ගේ මේ පර්යේෂණයෙන් පෙන්නලා දීලා තියෙනවා ඕපාදූප මගින් වැදගත් තොරතුරු ලෙහෙසියෙන් පතුරුවා හරින්න පුළුවන් කියලත්. පුද්ගලයෙක් ගැන ඕපාදූප කලින්ම අසා තියෙන කොට ‘ඔයාගේ කීර්තිය ඔයාට ඉස්සරහින් ගමන් කරනවා’ කියලා මිනිස්සු කියනවා ඔයාට ඇහිලා ඇති. ඉතින් ඒ වගේ ඕපාදූප ගොඩක් ප්‍රයෝජනවත්. ඒ වගේම මේ ඕපාදූප වලට පුළුවන්කම තියෙනවා ඔයාගේ තනිකම නැති කරන්න වගේම එක එක්කෙනා අතර බැදීම් ශක්තිමත් කරන්න සහ විනෝදාස්වාදය ලබා දෙන්න.

ඉතින්, දිගටම කතා කරන්න, හැබැයි ඔයාගේ සංවාදය අනිවාර්යයෙන්ම ඕපාදූප වලට හැරෙයි. එතකොට ඇත්තටම නිවැරදි චේතනාවක් තිබ්බොත් ඒකෙන් යහපතක් සිදුවෙන්න පුළුවන් බව මතක තියාගන්න.

Stretch marks නිසා ඔයත් කනස්සල්ලෙන්ද?

By

Editorial

Stretch marks කියන්නේ අපි ගොඩක් දෙනෙක්ගේ ශරීරයේ ඇතිවෙන සුලබ තත්වයක්. විශේෂයෙන්ම මේ තත්වය බලපාන්නේ කාන්තාවන්ට. අපේ සම මත වර්ධනය වෙන දිගු, පටු ඉරි, ඉරි හෝ රේඛා තමයි මේ Stretch marks කියලා හදුන්වන්නේ. කාන්තාවන්ට පමණක් වැඩි බලපෑමක් ඇති කළාට ඕනෑම කෙනෙක්ගේ මේ marks ඇතිවෙන්න පුළුවන්. උදරයේ, කලවා, ඉණ, පියයුරු, ඉහළ අත් සහ තට්ටම්වල ඇතුළු ශරීර කොටස් රාශියක මේ marks ඇතිවෙනවා. ගර්භණීභාවය, බර වැඩිවීම, බර අඩු වීම හෝ වැඩිවියට පැමිණීම වගේ දැඩි වර්ධනයක් හෝ සිදු වූ පසු සමට සාමාන්‍ය ස්වරූපය නැවත ලබා ගත නොහැකි වූ විට මෙම කැළැල් ඇතිවෙනවා. කාන්තාවන්ගෙන් සියයට 50 කට වඩා වැඩි ප්‍රමාණයකට ගර්භණී සමයේදී මේ Stretch marks හටගන්නවා.

රෝග ලක්ෂණ

01.Stretch marks මතු වෙන්න කලින් සම සිහින් සහ රෝස පැහැයක් ගන්නවා. ඒ වගේම අදාළ ස්ථානය කසන්න ගන්නවා.

02.ඔයාගේ සමේ වර්ණයට අනුව රතු, දම්, රෝස, රතු-දුඹුරු හෝ තද දුඹුරු විය හැකි රැලි සහිත, ඉහළට ඔසවා ඇති ලකුණු ලෙස Stretch marks මුලින් වර්ධනය වෙනවා. ඒ විදිහට ඇතිවුණ marks අවසානයේදී මැකී ගොස් සමතලා වන අතර කාලයත් සමඟ රිදී පැහැයට වෙනස් වෙනවා.

03.මේ Stretch marks ක්‍රමයෙන් සැලකිය යුතු ලෙස අඩුවෙලා යන්න හැකියාව තිබෙනවා. ඒ වුණාට එහෙම අඩුවෙන්නත් වසර ගණනාවක් ගතවෙන්න පුළුවන්.

Stretch marks ඇතිවෙන්න පොදු හේතු

01. ගැබ් ගැනීම – ගර්භනී කාන්තාවන්ගෙන් සියයට 50 ත් 90 ත් අතර සංඛ්‍යාවකට දරු උපතේදී හෝ පසුව Stretch marks ඇතිවෙන්න ඉඩකඩ වැඩීයි.
02.වැඩිවියට පැමිණීම – වැඩිවියට පැමිණීමේ යෞවනයන් තුළ වේගවත් වර්ධනය සාමාන්‍ය දෙයක්. මේ තත්වය ද Stretch marks ඇතිවෙන්න බලපානවා.
03.වේගවත් බර වැඩිවීම – කෙටි කාලයක් තුළ විශාල ලෙස බර වඩීම නිසා Stretch marks ඇතිවෙනවා.
04.වෛද්‍යමය හේතූන් – සමහර වෛද්‍යමය හේතූන් නිසා මාෆාන් සින්ඩ්‍රෝමය ( Marfan syndrome) සහ කුෂින්ගේ සින්ඩ්‍රෝමය (Cushing’s syndrome) නිසා Stretch marks ඇතිවෙනවා. මාෆාන් සින්ඩ්‍රෝමය මගින් සමේ පටක වල ප්‍රත්‍යාස්ථතාව අඩුකරන අතර, කුෂින්ග්ස් සින්ඩ්‍රෝමය මඟින් ශරීරයේ අධික ලෙස හෝමෝන නිපදවනවා. මේ නිසා වේගවත් බර වැඩිවීමට සහ සමේ අස්ථාවරත්වයට හේතු ඇතිකරනවා.
05.කෝටිකොස්ටෙරොයිඩ් (Corticosteroid) භාවිතය – කෝටිකොස්ටෙරොයිඩ් කීම් (Corticosteroid creams) සහ දියර දිගු කාලයක් භාවිතා කිරීමෙන් සමේ කොලජන් මට්ටම අඩු වෙන්න පුළුවන්. කොලජන් සම ශක්තිමත් කරත් කුඩා ප්‍රමාණයකින් Stretch marks ඇතිවීමට බලපානවා.

අවදානම් සාධක

Stretch marks වර්ධනය කිරීමේ අවදානම් සාධක වශයෙන් ,

01.පවුලේ ඉතිහාසය
02.නිදන්ගත රෝග
03.ගර්භණී වීමට පෙර ශරීර ස්කන්ධ දර්ශකය (BMI)
04.ගර්භනී කාන්තාවන් තුළ දරුවාගේ උපත් බර යන හේතුන් පෙන්වා දෙන්න පුළුවන්.

රෝග විනිශ්චය

01.සම පරීක්ෂා කිරීම සහ පුද්ගලයෙකුගේ වෛද්‍ය ඉතිහාසය සමාලෝචනය කිරීම මත පදනම්ව Stretch marks පහසුවෙන් හඳුනාගන්න පුළුවන්.

02.රෝග විනිශ්චයේ දී වෛද්‍යවරයා සාමාන්‍යයෙන් රෝග ලක්ෂණ මෙන්ම දැනට භාවිතා කරන ඕනෑම ඖෂධයක් සම්බන්ධයෙන් ප්‍රශ්න ඇසීමක් සිදුකරනවා.

03.Stretch marks හානිකර නොවන අතර වෛද්‍ය ගැටලු ඇති කරන්නේ නැහැ. දුර්ලභ අවස්ථාවන්හි දී, ප්‍රතිකාර හෝ අධීක්ෂණය අවශ්‍ය වෙනවා.

ප්‍රතිකාර හා වැළක්වාගත හැකි ක්‍රම

01.Stretch marks සඳහා ප්‍රතිකාර කිරීම මිල අධික වෙන්න හැකියාව වැඩීයි.

02.ක්‍රීම්, ජෙල්, දියර සහ රූපලාවණ්‍ය සැත්කම් යන සියල්ලම Stretch marks සඳහා ප්‍රතිකාර ලෙස යෝජනා කර තිබුණත් එවැනි ප්‍රතිකාර සාර්ථක වුණා කියලා ප්‍රමාණවත් වෛද්‍ය සාක්ෂි හමුවෙලා නැහැ.

03.Stretch marks ගොඩක් වෙලාවට කාලයත් සමඟ මැකී යන අතර හඳුනාගත නොහැකි තත්වයට පත්වෙනවා. ගර්භණී සමයේදී Stretch marks ඇති කාන්තාවන්ගේ දරු ප්‍රසූතියෙන් මාස 6 සිට 12 දක්වා කාලය තුළ Stretch marks සැලකිය යුතු ලෙස අඩු වෙනවා.

04.Makeup මඟින් ශරීරයේ වඩාත් නිරාවරණය වන ස්ථානවල ඇති Stretch marks සැඟවීමට හැකියාව තිබෙනවා.

කලබලකාරී බවින් මිදිලා නිවීසැනසිල්ලේ කෑම කන්න ආසනම් යන්නම ඕන තැන A Minute by Tuk Tuk

By

Editorial

One Galle Face සාප්පු සංකීර්ණයේ පිහිටලා තියෙන A Minute by Tuk Tuk අවන්හලට අපි ගියේ එකේ තියෙන කෑම බීම try කරලා අලුත් රස අත්දැකීමක් ලබා ගන්න. ගාල්ලේ තියෙන A Minute by Tuk Tuk අවන්හලට වඩා වෙනස් ම විදියේ අත්දැකීමක් කොළඹ තියෙන අවන්හලෙන් ලබා ගන්න පුළුවන්. සංස්කෘතීන් දෙකක් හෝ කීපයක් එකට එකතු කරලා හදන කෑම බීම රස විඳින්න ඕනේ නම් ඕගොල්ලන්ට යන්න පුළුවන් හොඳම අවන්හල් වලින් එකක් තමයි මේක.

බීම වර්ග

The Health Nut (LKR 750)

තිබහ නිවන මේ රසම රස Health Nut mocktail එක වැඩිපුරම ගැළපෙන්නේ alcohol පාවිච්චි කරන්නේ නැති කෙනෙක්ට. මේ mocktail එක බිව්වට පස්සෙත් ඔයාලගේ දිවට තරමක් පැණි රස ගතියක් දැනේවි. නැවුම් බැවින් අනූන Health Nut mocktail එක සෞඛ්‍ය සම්පන්න බව ගැන හිතන, ඒ වගේම comfort food වලටත් කැමති කෙනෙක්ට හොඳටම ගැළපෙනවා.

Smirkin’ Gimlet (LKR 950)

Smirkin’ Gimlet කියන්නේ ජින් (gin) වල සැර ගතිය එකතු වුණ lychee (මේක රඹුටන් වගේ පලතුරක්) වලින් රස ගැන්වුණ drink එකක්. හරිම සරල විදියට පිළිගැන්වුණු මේ drink එකේ තියෙන දිව පිනා යන සැර රසයට ඔයාලත් අනිවාර්යයෙන් කැමති වේවි…

Jack to a King (LKR 950)

අපි ඊළඟට try කරපු drink එක අරක්කු වල රසය සමග mix වුණු drink එකක්. ශ්‍රී ලාංකික අපිට හුරුපුරුදු රස මුසු වුණු බීමක් try කරන්න කැමති කෙනෙක්ටම තමයි මේ drink එක හරියන්නේ. මේ drink එක පිළිගන්වන්නේ ලස්සනට මැදපු පොල්කටුවක වීම තමයි මේකේ විශේෂත්වය. තැඹිලි වතුර එක්ක අරක්කු මිශ්‍ර වුණු මේ drink එකෙන් අපිට ටිකක් හුරුපුරුදු වගේම වෙනස් ම විදියේ රස අත්දැකීමක් ලැබුණා. ඒ කොහොම වුණත් මේ drink එක විවිධාකාර රස වල මිශ්‍රණයක් වුණා නම් තවත් හොඳයි කියල අපිට හිතුණා.

Starters

Aunty Aida’s Mutton Soup (LKR 950)

ඔයාලා අසනීප වුණු වෙලාවක ගෙදර හදපු bone soup එකක් බීලා තියෙනව ද? ඒක බිව්වම දැනුණේ කොහොමද කියලා මතකද? මේ සුප් එක try කළාම අපට දැනුණෙත් ගෙදර හදපු සුප් එකක් බොනවා වගේ හැඟීමක්. රෝස්ට් පාන් එක්ක පිළිගන්වන මේ සුප් එක කුළුබඩු වල රසය යහමින් දැනෙන, හොඳට තම්බපු එළු මස් සහ පරිප්පු දාලා තමයි හදලා තියෙන්නේ.

Mains

Taka Taka (Crab) (LKR 1400)

අපි ඊළඟට try කළේ කකුළු කොත්තුවක් (crab koththu)! Oven එකේ bake කරලා හොඳට sesason කරපු මේ කකුළු කොත්තුව හැමෝම ප්‍රිය කරන කෑමක් නොවෙන්න පුළුවන් මොකද කකුළු මස් වල තෙල් ගතිය තරමක් වැඩි නිසා. ඒ වගේම මේ dish එකේ spicy ගතියත් ටිකක් වැඩියි.

It’s a Wrap (1200)

Vegetarian කෙනෙකුට කියාපු dish එකක් තමයි මේක. Pulled pork කියන ඇමරිකානු barbecue dish එක මූලික කරගෙන හදලා තියෙන මේ wrap එකේ pork වෙනුවට තියෙන්නේ කොස්! දේශීය කුළුබඩු දාල රසට හදපු කොස් ව්‍යාංජනයක් tortilla wrap එකක දාල guacamole කියන අලිගැටපේර වලින් හදපු dip එකත් එක්ක තමයි මේක serve කරන්නේ.

Dessert

Mangoficient (LKR 800)

Mangoficient කියන්නේ dessert එකක් වුණාට පැණි රස ගතියට වඩා savoury ගතිය තමයි වැඩිපුර දැනෙන්නේ. සාමාන්‍යයෙන් sorbet dessert හදන්නේ frozen fruit වලින්. හැබැයි තරමක් ඉදුණ අඹ grill කරලා හදපු මේ sorbet dessert එක නම් හරිම smooth.

Ambience

A Minute by Tuk Tuk අවන්හලේ ස්වභාවික පරිසරය පාදක කරගෙන ඇඳපු චිත්‍ර සහ විසිතුරු පැළ තියල සරසලා තිබුණට එක ඇතුලට ගියහම trendy feeling එකක් තමයි දැනෙන්නේ. One Galle Face සාප්පු සංකීර්ණයේ කලබලකාරී ගතියෙන් මිදිලා නිවීසැනසිල්ලේ ආහාර වේලක් රසවිඳින්න පුළුවන් ලස්සන තැනක් තමයි මේක.

ඔයාගේ සුරතලාවත් අරන් යන්න පුළුවන් කොළඹ තිබෙන Cafes මෙන්න

By

Editorial

අපි ගොඩක් දෙනෙක් සුරතල් සතුන්ට ප්‍රිය කරන අයනේ. ඉතින් අපි ගොඩක් වෙලාවට කැමති අපේ සුරතලාව අපි ලගින්ම තියාගන්න. හැබැයි ඉතින් ඒක අපිට හැමවේලේම කරන්න බැරි වැඩක්. අපි cafe එකකට වගේ යනවා නම් අපිට අපේ සුරතලාව එක්ක යන්න බැහැනේ . හැබැයි ඔන්න animal loversලාට සුබ ආරංචියක් තියෙනවා. ඒ තමයි Colombo වල අපිට අපේ සුරතලාව රැගෙන යන්න පුළුවන් cafes කිහිපයක් විවෘත වෙලා තියෙනවා. ඉතින් ගැස්ම අපි අද ඒ cafes වල විස්තර ඔන්න ඔයාලා වෙනුවෙන්ම අරන් ආවා.

1.Tayo Bear

ඔබ Tayo Bear ගැන නම් අහලා තියෙනවා ඇති . 2019 ඔක්තෝම්බර් මාසයේදී Gregory’s Road වල ආරම්භ කරපු මේ Tayo Bear සුරතලුන්ට සහ සුරතලුන්ගේ අයිතිකරුවන්ට නියම ස්ථානයක් වුණා. සුරතලුන්ට මුල්තැන දෙන මේ cafe එකේ සෞඛ්‍ය සම්පන්න විවිධ ආහාර menus දෙකක් තියෙනවා. එක menu එකක් අපිට අනිත් menu එක අපේ සුරතලා වෙනුවෙන් වෙන්කරලා තියෙනවා. ඔයාට මේ සම්බන්ධයෙන් උනන්දුවක් තියෙනවා නම් Instagram @tayobear page එකට ගිහින් වැඩි විස්තර බලන්න පුළුවන් .

Opening hours: 10.30AM – 9.30PM (Closed on Thursdays)

Contact: 0771 992 907

2.Peppermint Cafe

Colombo 07 තියෙන Peppermint Cafe එක පැය 24 ම විවෘතයි. අපේ cafe list එකේ pet-friendly cafe අතර මූලික ස්ථානයක් ගන්නවා මේ Peppermint Cafe එක . අපිට හොඳට කන්න පුළුවන් හොඳ menu එකක් මෙයාලගේ තියෙනවා වගේම අපේ සුරතලාට ගැළපෙන තොරාගත් ආහාර අඩංගු menu එකක් Peppermint Cafe විසින් සකස් කරලා තියෙනවා.

Open 24 hours.

Contact: 0756 320 420

3.Plus Nine Four

Colombo වල තියෙන තවත් pet-friendly cafe එකක් තමයි Plus Nine Four. 2018 මැයි මාසයේදී Cafe Kumbuk හි සහෝදර cafe එකක් ලෙස විවෘත කරපු Plus Nine Four දේශීය අමුද්‍රව්‍ය යොදාගන හදන ගුණාත්මක ආහාර තමයි පිළිගන්වන්නේ. එළිමහනේ පිහිටා තිබෙන මේ Cafe එක අපේ සුරතලාට නම් ගොඩක් සුවපහසු තැනක් වුණා.

Open hours: 9AM – 5PM (Monday – Sunday)

Contact: 0112 554 225

4.Sugar Beach

රසනහර පිනායන ආහාර , පුදුමාකාර cocktails සහ විශිෂ්ට සේවාවක් සපයන beachside dining cafe එක විදිහට Sugar Beach හඳුන්වා දෙන්න පුළුවන් .ඇත්තටම මේ cafe එක සුරතල් සතුන් සදහා හිතකර තැනක්. ඉතින් ඔයා හොයන්නේ ඔයාගේ සුරතලා එක්ක beach එකේ ඇවිදලා enjoy කරන්න නම් මේක තමයි ඒකට ගැළපෙනම place එක.

Open hours: 10AM – 12AM (Monday – Friday), 9AM – 12AM (Saturday – Sunday)

Contact: 0117 035 135

5.Black Cat Cafe

මෙයාලනම් සුරතලාව ඇතුලට ගෙනියන්න දෙන්නේ නැහැ. එයාලව එළිමහනේ තියලා තමයි එන්න වෙන්නේ.නමුත් තවමත් මේ ස්ථානය pet-friendly cafe එකක් කියලා තමයි හඳුන්වන්නේ.
ඔවුන් තෝරාගත්ත menu එකකට මනාව සකස් කරගත්ත sandwiches සහ උණු උණු කෝපි කෝප්පයක් පිළිගන්වනවා. ඔයාගේ සුරතලා ළඟ පාතක ඉන්න ගමන් ඔයාට මේ ආහාර රස විදින්න හැකියාව තියෙනවා.

Open hours: 8AM – 10PM (Monday – Sunday)

Contact: 0112 675 111

6.Spinner Cafe

බොහෝ විට පාපැදි කරුවෙකුගේ පාරාදීසයක් ලෙස හැඳින්වෙන Spinner Cafe එක සුරතලුන්ට ගොඩක් හිතකාමී තැනක්. ඔවුන්ගේ එළිමහන් භෝජනාගාරය ඔයාට ඔයාගේ සුරතලා සමඟ සුන්දර ආහාර වේලක් භුක්ති විඳීමට නියමට ගැළපෙනවා.

Open hours: 6AM – 10PM (Monday – Sunday)

Contact: 0768 716 266

7.Cafe Sociale

පුළුල් පරාසයක ආහාරපාන සපයන Cafe Sociale කියන්නේ සුරතල් සතුන් සඳහා හිතකර Cafe එකක්.ඔයාට පුළුවන් Cafe Sociale ගිහින් ඔයාගේ සුරතලා එක්කම හොඳ ආහාර වේලක් රස විඳින්න.

Open hours: 8AM – 10PM (Monday – Sunday)

Contact: 0774 445 788

හැඳි ගෑරුප්පු පාවිච්චි කරන විදිහ ගැන හරියටම දන්නවාද?

By

Editorial

ලංකාවේ අපේ සාම්ප්‍රදායික කෑම රටාවට අනුව නම් අපි බත්, එළවළු වගේ කෑම වර්ග තමයි ගොඩක් වෙලාවට කෑමට ගන්නේ. බත් සහ එළවළු සහිත එහෙම කෑමක් කන්නෙ අපේ විදිහට අතින් වෙන්න පුළුවන්. ඊට වඩා වෙනස් විදිහකට කෑම ගන්න සිදුවන සමහර විශේෂ අවස්ථා අපට උදා වනවා. විශේෂ උත්සව අවස්ථාවක්, රෑ කෑමකට ලැබෙන ආරාධනයක් එහෙමත් නැත්නම් විශේෂ හමුවක් වගේ අවස්ථාවකට සහභාගී වෙන්න ලැබුනොත් ඒ අවස්ථාවේ කෑම ගන්නෙ කොහොමද කියල දැනගෙන ඉන්න එක ඉතාම වැදගත්. විශේෂ කෑමකට වගේ අවස්ථාවකට තවත් පිරිසක් එක්ක සම්බන්ධ වුන වෙලාවක ඔයා මේ කියන Table manners ගැන හරියට දැනගෙන හිටියේ නැතිනම් ඔයා අපහසුතාවයට පත් වෙන්න බැරි නැහැ.

සාමාන්‍යෙන් මේ විදිහේ කෑමකට ගිය වෙලාවකට ඔයාට ඒ මේසයේ සැකැස්ම දකින්න පුළුවන් වෙන්නේ මේ විදිහට. කෑම බටහිර පන්නයේ එකක් නම්, ඒ විදිහේ කෑමකට අවශ්‍ය කරන සැකැස්මක් ඔයාගේ මේසයේ හදල තියෙයි. සුප්එක එහෙම කෑම වේලක ආරම්භක පියවර. ඒ නිසා සුප් එක බොන්න ගැලපෙන විදිහේ භාජන සහ ප්‍රධාන කෑම වේලට පෙර ලැබෙන සුළු කෑම වර්ග (appetizer) ගන්න අවශ්‍ය වෙන dishes ඔයාගේ මේසයේ පිළිවෙලට තබා තියේවි. ඒ දේවල් එක්කම නැප්කින් එකත් පිළිවෙලට සකස් කරලා මේසය උඩ තබා තියෙනවා ඔබට පෙනේවි. කෑමට පුටුවේ වාඩි වුනහම ඔයා ඒ නැප්කින් එක ඔයාගේ උකුල උඩ එලාගැනීම අවශ්‍යයි. ඒ වගේම සාමාන්‍ය මතය තමයි කෑම මේසයේ අත් දෙක වැලමිටෙන් මේසයේ රඳවාගෙන ඉන්න ඕන කියන එක. නමුත් ඒක වැරදි මතයක්. කෑමට පෙර නැතිනම් කෑමෙන් පසු මේසයේ ඉන්න අය එක්ක සංවාදයක ඉන්නවා වගේ නම් ඒ ක්‍රමයේ වරදක් නැහැ. නමුත් කෑම ගන්න අතරතුර ඒක කරන්න යන්න එපා. එක අතක විතරක් හැන්ද හෝ ගෑරුප්පුව පාවිච්චි කරනවා නම් අනික් ඇත නිදහසේ උකුල මත තමාගැනීමයි වඩා සුදුසු ක්‍රමය. ඒ වගේමයි පිරිසක් එක්ක කෑමට වාඩි වුනානම්, අනික් අයට කෑම පිළිගන්වන තුරු ඉවසන්නත් අමතක කරන්න එපා.

සාමාන්‍යෙන් මේස සැකැස්මේදී ඔයාගේ වම් අත පැත්තේ ගෑරුප්පු වර්ග තියෙනවා. දකුණු පැත්තේ තියෙන්නේ හැඳි සහ පිහි. මේ අතර මස් සහ මාළු කෑමේදී පාවිච්චි වන විශේෂ පිහි වර්ග සහ ගෑරුප්පු වර්ග තියෙනවා. ඒ වගේම සුප් බොන හැන්දක් ඒ අතර තියෙයි. කෑම වේලට සුප් එක ඇතුළත් නම් ඒක ඔයාට මුලින්ම ලැබෙනවා. ඒකට සකස් වුනු රවුම් තරමක් බොකුටු හැන්ද දකුණු අතින් අරගෙන ඔයාගේ ඇඟ පැත්තේ ඉඳන් මේසයේ ඉස්සරහ පැත්තට යන විදිහට හැන්ද සුප් භාජනය ඇතුලෙන් තල්ලු කරන විදිහට තමයි සුප් එක බොන්න ඕනෙ. මේසයේ පිටත ඉඳන් ඔයාගේ පැත්තට හැන්ද ගෙනෙන එක පහසු නමුත් ඒක වැරදියි. ඔයා සුප් එක බීල ඉවර වුනා නම්, හැන්ද ඔරලෝසුවේ වෙලාව සවස 6 දැක්වෙන විදිහට භාජනයෙන් තියන එක තමා හරි විදිහ.

ඊළඟට ඔයාගේ ප්‍රධාන කෑම වේල ලැබෙනවා. ඒක බටහිර පන්නයේ කෑම එකක් නම් මාළු, මස් වර්ග සහ එළවළු වෙන වෙනම ඔයාගේ කෑම පිඟානට ලැබෙනවා. ඒ මස් සහ මාළු වර්ග කැබලි කරගන්න අවශ්‍ය පිහිය ඔයාගේ දකුණු පැත්තේ තියෙයි. ඒ පිහිය දකුණු අතටත් ගෑරුප්පුව වම් අතටත් ගැනීම අවශ්‍යයි. ඔයා කෑම කන අතර කැමති නම් පිහියත් ගෑරුප්පුවත් අත් දෙකේ දිගටම තියාගන්නත් පුළුවන්. නමුත් පහසු විදිහ නම්, මස් හෝ මාළු කැබලි කරගත්තට පස්සේ පිහිය ඔයාගේ පිඟානේ ඉස්සරහ පැත්තේ අයිනෙන් දිග හැඩයට තියන එක. පිහිය ආපහු අවශ්‍ය වුනහම අතට ගන්න පුළුවන්. මතක තියාගන්න ඔයා ගෑරුප්පුව වම් අතින් අල්ලන්න ඕනේ වගේම දබර ඇඟිල්ල ගෑරුප්පු මිටට සමාන්තරව තියෙන්නත්, අනික් ඇඟිලි යට පැත්තට තියෙන්නත් රඳවා ගන්න. ඒ වගේම පිහිය ගෑරුප්පුව දෙකම නිදහසේ අතේ රඳවාගෙන ඉන්න වෙලාවට පිඟානට සමාන්තරව තියාගන්න. ඉහළට ඔසවමින් එහා මෙහා කිරීම ගැලපෙන්නේ නැහැ.

ඔයා කෑම ගනිමින් ඉන්න අතරතුර මද වෙලාවකට නතර කළොත්, ඔයා පාවිච්චි කරමින් හිටපු හැන්ද, ගෑරුප්පුව හෝ පිහිය (මේවායින් දෙකක් විතරයි එක වරක පාවිච්චි වෙන්නේ) ඔරලෝසුවේ 3.40 වෙලාව දැක්වෙන කටු තියන හැඩයට පිඟාන උඩින් තියන්න. එතකොට ඔයාට සේවය සපයන අය දන්නවා ඔයා කෑම කාල ඉවර නැති බව. ඔයා සම්පුර්ණයෙන් කෑම කාල ඉවරනම්, ගෑරුප්පුව සහ පිහිය හෝ හැන්ද එකිනෙකට සමාන්තරව දික් අතට තියන්න. මේක ඇමරිකානු ක්‍රමයේදී සහ යුරෝපිය ක්‍රමයේදී තරමක් වෙනස්. මේ දෙක සමාන්තරව ඔරලෝසුවේ 4.20 දැක්වෙන විදිහට හෝ 3.15 දැක්වෙන විදිහට තියන එක ඒ ක්‍රම දෙකේදී සිදුවනවා. නමුත් වැදගත්ම දේ එක උඩ එක නොතියා එකිනෙකට සමාන්තරව තැබීම. එතකොට ඔයාට ආහාර පිළිගන්වන සේවක මහතා දන්නවා ඔයා කෑම අරගෙන ඉවර බව.

මෙන්න මේ පුංචි කරණා ටික හොඳින් මතකයේ තියා ගත්තොත් ඕනෑම තැනක තියෙන ඕනෑම වර්ගයේ භෝජන සංග්‍රහයකට යන්න ඔයාට චකිතයක් තියාගන්න අවශ්‍ය නැහැ. බොහෝ දෙනෙකුට මේ සරළ කාරණා ගැන නිසි දැනුමක් නැහැ. නමුත් ඒ දේවල් දැනගෙන සිටීම ඉතාම වැදගත්. විශේෂයෙන් තරු පන්තියේ හෝටලයක මංගල උත්සවයක් හෝ කුමන ආකාරයේ උත්සවයකට ගියත් චකිතයක් නැතුව යුරෝපීය ක්‍රමයට කෑම ගන්න ඔයාටත් පුළුවන් වේවි.