සිංගප්පූරු කෑම රස විඳින්න ලංකාවේ තියෙන නියම තැනක් “Lau Pa Sat”

By

“Lau Pa Sat” කියන්නේ සිංගප්පූරු කෑම රස විඳින්න ලංකාවේ තියෙන නියම තැනක්. මේකේ නම හැදිලා තියෙන්නේ hawker centers (එළිමහන් සංකීර්ණයක කෑම කන්න පුළුවන් විදියට හදලා තියෙන අවන්හල්) කියන වචනයෙන්. කොළඹ One Galle Face සාප්පු සංකීර්ණයේ තියෙන Lau Pa Sat අවන්හල ඇතුලට යනකොටම staff එකේ අයගෙන් උණුසුම් පිළිගැනීමක් අපිට ලැබුණා. ලස්සනට හැඩගන්වලා තියෙන මේ අවන්හලට ගියාම සිංගප්පූරුවට ගියා වගේ හැඟීමක් දැනේවි ඔයාලටත් අනිවාර්යයෙන්ම.

Drinks

Lau Pa Sat අවන්හලේ menu එකේ තියෙන බීම වර්ග බොහොමයක් සිංගප්පූරුවට ම සුවිශේෂී වුණ ඒවා. ඒ වගේම අලුත් රසයන්ගෙන් අනූන වුණ බීම වර්ගත් මෙතන තියෙනවා.හැබැයි මේ ඔක්කොම non-alcoholic බීම වර්ග.

Bandung Rose Syrup (LKR 400)

මේ drink එකේ නම් පැණිරස ගතිය ගානට තිබුණා. ඒ වගේම තමයි එකේ thickness එකත් ගානට. Rose syrup වලින් රස ගැන්වුණු මේ drink එකේ කසකසා ඇට (poppy seeds) දාලා තිබුණා. මොකද, අපි දන්න විදියට නම් Bandung Rose Syrup එකට කසකසා ඇට සාමාන්‍යයෙන් දාන්නේ නෑ . කසකසා ඇට එකතු කරලා තිබුණත් මේ drink එකේ රසය උපරිමයෙන් තිබුණා..

Milo Dinosaur (LKR 400)

Milo Dinosaur කියන drink එක පිළිගන්වලා තිබුණ විදිය නම් කිසි අඩුවක් නෑ, ඒත් අපි බලාපොරොත්තු වුණ තරමට ඒකේ රසය තිබුණේ නෑ. හැබැයි මේ drink එකේ උඩින් දාලා තිබුණ Milo powder එකෙන් ඒකේ රසය වැඩි කළා.

Lychee Soda Cooler (LKR 400)

අපි try කරපු බීම වර්ග තුනෙන් සුවිශේෂීම එක තමයි Lychee Soda Cooler. ඒ වගේම අපිත් වැඩියෙන්ම කැමති වුණේ මේ drink එකට. මොකද මේකේ සැර ගතියයි නැවුම් ගතියයි දෙකම එකට මුසු වෙලා තිබුණ නිසා. ටිකක් සැර ගතියක් තිබුණට මේ drink එකේ තියෙන sweet lychee (මේක රඹුටන් වගේ පලතුරක්) flavour එක නිසා අමුතුම රසයක් ඒකට එකතු වෙලා තිබුණා.

Mains

Coffee Sauce Chicken Wings (LKR 750)

මේ dish එක අපි order කරපු වෙලාවේ ඉඳන් ඇඟිලි ගැන ගැන බලන් හිටියේ රස විඳින්න! Crispy, juicy ගතිය තියෙන chicken wings වලට thick coffee sauce දාලා ඒකට උඩින් sesame seeds දාලා තමයි මේ dish එක පිළිගැන්නුවේ. Sauce එකට එකතු කරලා තිබුණ coffee වල තියෙන තරමක් පැණි රස සහ තිත්ත ගතිය chicken wings වල soft ගතියත් එක්ක නියමෙට ගැළපුනා.

Jumbo Chicken Satay (LKR 700)

අපි ඊළඟට try කරපු dish එක නම් ශ්‍රී ලාංකික අපිට හුරුපුරුදු රස මුසු වුණු කෑමක් නෙමෙයි. හැබැයි අලුත් කෑම try කරන්න කැමති අපි නම් Jumbo Chicken Satay වලට කැමති වුණා. මේකේ chicken හොඳට මෙළෙක් ගතියට තිබුණා. ඒත් අපිට දැනුණේ නම් ඒකේ තෙල් ගතිය ටිකක් විතර වැඩියි කියලා. Chicken Satay dish එකත් එක්ක පිළිගන්වපු sauce එකේ peanut රසකුත් තිබුණා. ඒ sauce එක Chicken Satay එකත් එක්ක ගැලපෙනවා. Chicken Satay කෑවට පස්සේ පොඩ්ඩක් විතර දැවිල්ලක් දැනුණා. හැබැයි අපි නම් ඒකට කැමති වුණා.

Laksa (LKR 1000)

Laksa කියන්නේ පෙනුම, රසය, සුවඳ මේ ඔක්කොම එකතු වුණ dish එකක්. සිංගප්පූරු කෑම වල රස සංකේතවත් කරන dish එකක් විදියට Laksa හඳුන්වන්න පුළුවන්. අපි වැඩිපුරම ආස කරන කෑම වර්ගවල list එකේ උඩින් ම තියෙන කෑමක් තමයි Laksa. මේ noodle soup එක පොල් සහ seafood curry mix කරලා හදලා තිබුණේ. ඒකේ ටිකක් විතර සැර ගතියක් තිබුණා. Laksa dish එකේ තියෙන thick noodles ගෙන්නන්නේ සිංගප්පූරුවෙන් කියලා අපිට දැනගන්න ලැබුණා. Lau Pa Sat එකේ තියෙන Laksa dish එක එක්කෙනෙකුට තමයි serve කරන්නේ. ඒත් අපිට ඒ dish එක ඉවර කරන්නත් අමාරු තරමට ඒ portion එක ලොකුයි. Laksa dish එකේ ඉස්සෝ ගොඩක් එක්ක prawn-cakes හොඳට දාලා තිබුණා. ඒ වගේම ඒකට දාලා තිබුණ noodles හොඳ ගානට boil කරලා තිබුණා. අපි ඒ නිසා Laksa dish එක නම් අනිවාර්යයෙන්ම recommend කරනවා.

Nasi Goreng With Fried Chicken (LKR 750)

Nasi Goreng කියන්නේ ලංකාවේ ගොඩක් common කෑම වර්ගයක් නිසා අපි බලාපොරොත්තු වුණේ නෑ Lau Pa Sat තිබෙන Nasi Goreng dish එකේ ලොකු විශේෂත්වයක් තියෙයි කියලා. හැබැයි අපි මීට කලින් try කරලා තියෙන Nasi Goreng dishes වලට වඩා මේක ගොඩාක් හොඳයි. බත් වලට mix කරලා තිබුණ caramelise කරපු ළූණු වලින් මේ Nasi Goreng එකේ රසය වැඩි කළා. ඒ එක්කම serve කරලා තිබුණා crispy fried chicken සහ ‘මල් පපඩම්’ කියලා කියන traditional Singaporean Flower Fryums එක්ක අච්චාරු දාපු එළවලු (pickled vegetables). බඩ පිරෙන තරමට portion එක තිබ්බත් Lau Pa Sat එකේ Nasi Goreng එකේ ගාන නම් ටිකක් වැඩියි කියලා අපිට හිතුණා.

AyamPanggang With Rice (LKR 750)

AyamPanggang කියන dish එකේ විශේෂත්වය වෙන්නේ ඒක පැය 24ක් marinate කරලා හදන නිසා. ඒ කියන්නේ මස් උයන්න කලින් තෙල්, spices mixture එකක දාලා තියලා soften කරන process එක. තම්බපු බත් එක්ක serve කරපු AyamPanggang එකේ අපි බලාපොරොත්තු වුණ තරමටම දිව පිනා යන පුදුමාකාර රසයක් තිබුණා.

Desserts

Goreng Pisang with Vanilla Ice Cream (LKR 500)

Goreng Pisang කියලා හඳුන්වන්නේ Banana Fritters වල සිංගප්පූරු version එක. ඒ කියන්නේ batter එකක දාල deep fry කරපු කෙසෙල් තමයි මේ dish එකේ තියෙන්නේ. Chocolate sauce උඩින් දාලා, රන්වන් පාටට තිබුණ Goreng Pisang එකේ crunchy ගතියයි පැණිරස ගතියයි ගානට තිබුණා. Banana fritters ටිකක් උණුසුම් නිසා ඒ එක්කම vanilla ice cream serve කරලා තිබුණ එක නම් නියමයි.

Chendol with Vanilla Ice Cream (LKR 500)

Chendol කියන dessert එක සිංගප්පූරුවේ hawker-centers වල තමයි වැඩිපුරම දකින්න ලැබෙන්නේ. මේ dessert එකේ හුරුපුරුදු ඒත් ටිකක් අමුතුම රසයක් තිබුණා. Chendol ජෙලි එකක් වගේ dessert එකක්. ඒක පොල් කිරි දාපු bowl එකක රතුපාට kidney beans සහ vanilla ice cream scoop එකක් එක්ක තමයි serve කරලා තිබුණේ. ඔයත් අලුත් අලුත් කෑම වල රස බලන්න කැමති කෙනෙක් නම් මේ dessert එක අපි recommend කරනවා.

Strawberry Cheesecake (LKR 500)

මේ Strawberry Cheesecake එකේ price හැටියට නම් portion එක ටිකක් මදි කියල අපිට හිතුනා. හැබැයි එකේ රසය නම් උපරිමයෙන් තිබුණා. හරි පදමට bake කරපු මේ cheesecake එකේ biscuit layer එක නම් නියමයි. ඒ වගේම උඩින් දාල තිබුන strawberry jam layer එකේ තියෙන tangy flavour එක නිසා නිසා cake එකේ පැණිරස ගතිය balance වෙනවා.

Ambience

Lau Pa Sat අවන්හලේ ඇතුලේ වගේම එළියේ වාඩි වෙන්න හොඳට ඉඩකඩ තියෙනවා. සිංගප්පූරුවේ ඉතිහාසය විදහා පාන black and white පින්තූර වලින් ලස්සන කරලා තියෙන මේ අවන්හලේ staff එක හරිම මිත්‍රශීලීයි. ඒ වගේම ඔයාලට මොනවද ඕනේ කියලා බලලා serve කරන්න ඕන වෙලාවක staff එක ලෑස්තියි. Restaurant එකේ head chef එක්කත් අපිට කතා කරන්න අවස්ථාවක් ලැබුණා. පිලිපීන සම්භවයක් තියෙන ඇය specialise කරන්නේ Asian-fusion cuisine. Lau Pa Sat අවන්හලේ service එක හරිම ඉක්මන්. අපි එතනට ගියපු වෙලාවේ නම් එතන වැඩිය සෙනග හිටියේ නෑ. බොහෝවිට ඒ සතියේ දවසක රෑ නිසා වෙන්න පුළුවන්. හැබැයි අපිට දැනගන්න ලැබුණා lunch hours වලදී restaurant එකට ගොඩාක් සෙනග එනවා කියලා.

Lau Pa Sat restaurant එකෙන් අපි ලබාගත්ත රස අත්දැකීම ගැන අපි හොඳටම සෑහීමට පත්වුණා කියලනම් කියන්න පුළුවන්. Authentic සිංගප්පූරු ආහාර වේලක් රස විඳින්න කැමති ඕනෑම කෙනෙක්ට මේ restaurant එක අපි අනිවාර්යයෙන්ම recommend කරනවා.

සැරට කන්නනම් Arthur’s Pizzeria තමයි

By

Editorial

ඔන්න මම තීරණය කලා වැඩත් එක්ක හිරවෙලාම ඉන්න නිසා පොඩ්ඩක් එළියට යන්න. ඉතින් මම ගියේ Horton Place වල තිබෙන Arthur’s Pizzeria එකට. මට හිතුන ටිකක් relax වෙන්නත් එක්ක Arthur’s Pizzeria එකේ ගොඩක් popular classic thin crust pizza එක වගේම අනිත් කෑම බිම try කරලා බලන්න. ඇත්තටම කියන්න ඕන මම ගොඩක් පුදුම වුණා වගේම Arthur’s Pizzeria එකට අයෙත් යනවා කියලා දැනටම තීරණය කරලා ඉවරයි.

Appetizers

Garlic Roast Paan (LKR 300)

මේ සුදුළූණු පාන් එකනම් ඇත්තටම පොඩ්ඩක්වත් රස නැහැ. සුදුළූණු පාන් කිව්වට සුදුළූණු තිබ්බෙම නැති තරම්. ඒ වගේම පාන් ගොඩක් soggy වැඩීයි. පාන් එක soggy වෙලා තිබෙන්නේ butter ඔිවට වඩා වැඩි නිසා කියලා තමයි මටනම් තේරුණේ.

Mains

Chicken Nai Miris Pizza (LKR 1450)

Arthur’s Pizzeria එකේ Chicken Nai Miris Pizza එකනම් නියමම නියමයි. chicken, cheese සහ විශේෂයෙන්ම නයි මිරිස්, Pizza එකේ topping එකට එකතු කරලා තිබුණා. Pizza එකේ හැම slice එකක්ම මම ගොඩක් රසවින්දා. ඔයා කුළුබඩු රසට කැමති කෙනෙක්නම් ඒ වගේම නයි කොච්චි සැරට,රසට කැමති කෙනෙක් නම් මේ Chicken Nai Miris Pizza එක අනිවාර්යයෙන් රසවිදලා බලන්න අමතක කරන්න එපා.

Bacon Annasi Pizza (LKR 1600)

Bacon Annasi Pizza කිව්වහම මේ මොකක්ද මේ කියලා ඔයාලා අනිවාර්යයෙන් හිතනවා ඇති. විශේෂයෙන්ම අන්නාසි කන්නේ නැති අයට මේ පිසා එකේ නම ඇහුන ගමන් කන්න හිතෙන්නේ නැති වෙන්න පුළුවන්. ඒත් විශ්වාස කරන්න මේ අන්නාසි Pizza එකනම් රසම රසයි. හොඳට cheese දාලා topping එකට bacon ගොඩක් දලා හදලා තිබෙන මේ අන්නාසි Pizza එක අන්නාසි වලට අකමැති කෙනෙක්ට කන්න හිතෙන විදිහට නියමටම හදලා තිබුණා.

Prawn Miris Pasta (LKR 880)

නමේ තිබෙන විදිහටම Arthur’s Pizzeria ඉස්සෝ සහ මිරිස් ඇතිවෙන්න දාලා තමයි මේ Pasta ගෙනත් දුන්නේ. මේ Pasta එක කුළුබඩු වලට ප්‍රිය කරන අයට තමයි ගොඩක්ම ගැළපෙන්නේ. cheese, olives, fresh herbs සහ විශේෂයෙන්ම මිරිස් topping එකට දාලා තමයි අපිට පිළිගන්වන්නේ.

Desserts

Chocolate Biscuit Pudding (LKR 320)

කට දන සැර කෑම කාලම මට පැණි රස දෙයක් කන්න ඕන වුණා. ඒ නිසා මම Arthur’s Pizzeria එකේ තිබෙන Chocolate Biscuit Pudding එක oder කළා. මේ Chocolate Biscuit Pudding එකනම් ඇත්තටම රසයි. chocolate sauce එක්ක serve කරපු මේ කුඩා Biscuit Pudding එක දිව්‍යලෝකේ ගියා වගේ හැගීමක් ගෙනවා. ඔයාලා Arthur’s Pizzeria එකට ගියහම මේ Chocolate Biscuit Pudding එක කන්න අමතක කරන්න එපා.

Ambience

Arthur’s Pizzeria එකේ ඇතුලත ආතර්ගේම පින්තූර වලින් සරසලා තමයි තිබුණේ. ඒ වගේ අභ්‍යන්තරය තරමක් ආලෝකයෙන් අඳුරු ස්භාවයක් ගන්නවා.එළිමහනේද ඉදගන්න පුළුවන් වෙන්න හදලා තමයි තිබෙන්නේ. හැබැයි කාර්ය මණ්ඩලය අපි බලාපොරොත්තු වුණාට වඩා අඩුවෙන් තමයි අගන්තුක සත්කාර කලේ. ඒ වගේම වගකීම් සම්බන්දයෙන් තැකීමක් කරන්නේ නැහැ කියලා තමයි මට තේරුණේ.

Fashion එකට heels දාගෙන ඇවිදින්නේ අපහසුවෙන්ද?

By

Editorial

Heels කියන්නේ කාන්තාවන් කැමතිම විලාසිතාවක්නේ. විවිධ විදිහේ Heels අපි office යන්න party එකකට යන්න wedding එකකට එහෙමත් නැත්තම් වෙනත් function එකකට යන්න ඒ ඒ තැනට ගැළපෙන විදිහට භාවිතා කරනවා. Heels භාවිතය මගින් කාන්තාවන්ට ලොකු confidence එකක් ඇතිවෙනවා. ඒ වගේම වැඩිය උස නැති අයට ලොකු උදව්වක් වෙනවා මේ Heels භාවිතය. හැබැයි ඉතින් කොච්චර ලස්සන විලාසිතාවක් වුණත් මේ Heels පැළදීම ලෙහෙසි පහසු දෙයක් නෙවෙයි.

හරි විදිහට Heels භාවිතා කරන්නේ නැත්තම් අපිට කාලයක් යනකොට කොන්දේ ආබාධ ඇතිවෙන්න ඉඩකඩ වැඩීයි. ඒ වගේම විවිධ අපහසුතාවයන්ට මුහුණ දෙන්න වෙනවා. මේ නිසාම ගැස්ම අපි Heels භාවිතා කරනකොට දැනගන්නම අවශ්‍ය tips කිහිපයක් ඔයාලා වෙනුවෙන්ම අරගන ආවා.

01.පහසු Heels භාවිතා කරන්න

ඔබ පළමු වරට Heels භාවිතා කරනවා නම් උසින් ගොඩක් වැඩි Heels භාවිතා කරන්න එපා. ඇවිදගන්න බැරිව ඔබට මේ විලාසිතාව එපා වෙන්න ඉඩකඩ වැඩීයි. මුලින්ම උසින් අඩු තමන්ට ඇවිදගන යන්න පහසු Heels මිලදී ගෙන භාවිතා කරන්න. මේ විදිහට ඔයාට පුළුවන් උසින් අඩු පාවහන් වලට මුලින් හැඩ ගැහිලා ටික ටික උසින් වැඩි පාවහන් වලට පුරුදු වෙන්න.

02.සෑම විටම විලුඹේ සිට ඇඟිල්ලි දක්වා ඇවිදින්න

විලුඹේ සිට ඇඟිලි දක්වා ඇවිදින ක්‍රමය තමයි සෑම විටම Heels භාවිතා කරලා ඇවිදින සාර්ථකම ක්‍රමය. අපි අඩිය තියනකොට මුලින්ම විලුඹ පොළවට තියලා තමයි ඇඟිලි පොළවට තියන්න ඕන. එහෙම ඇවිදනකොට ඔයාට සමබරතාවයක් ඇතිවෙනවා වගේම වැටෙන්න තියෙන ඉඩකඩ අවම වෙනවා.

03.පඩිපෙල මත ඇවිදින ආකාරය ඉගෙන ගන්න

Heels දාගන පඩිපෙල මත ඇවිදින ආකාරය ඉගෙන ගන්න ද ක්‍රමයක් තිබෙනවා. අපි පඩිපෙල දිගේ පියවර කිහිපයක් ඉහළට යනකොට වැඩි පීඩනයක් අපේ පාදයේ ඉදිරිපස කොටසට යොදන්න වෙනවා.

පඩිපෙළ දිගේ ඇවිදිනකොට , එක් එක් පියවර මත අපේ පාද තදින් තැබීම මගින් සමබරතාවය පවත්වා ගන්න පුළුවන්. ඔයා පඩිපෙළේ ඉහළට හෝ පහළට ගියත්, යන හැම වෙලේම සෙමින් ඇවිදින්න වගබලා ගන්න.

දිගු වේලාවක් Heels දාගන සැපපහසු ලෙස ඇවිදින්න පොඩි රහස් උපක්‍රමයක් තිිබෙනවා. ඔයාට කරන්න තිබෙන්නේ Heels දා‍ගෙන ඇවිදිනකොට කුඩා පියවරවල් තියන්න පුරුදුවෙන එක . Heels දාගන ඇවිදිනකොට ඉක්මනටම මහන්සි දැනෙන්න ගන්නවා. ඒ වගේම Heels දා‍ගෙන ඇවිදින එක ඇත්තටම භයානක දෙයක්. කොහෙම වුණත් මේ මහන්සි දැනෙන එක වගේම භයානක බව මග ඇරගන්න පුළුවන් කුඩා පියවරවල් තියලා ඔයා ඇවිදින්න පුරුදු වෙනවානම් .

04.අමතර සහාය භාවිතා කරන්න

Heels භාවිතා කරනවා නම් Insoles සහ අමතර padding එකක් තිබෙන Heels මිලදී ගැනීම ඔයාට ලොකු පහසුවක් වේවි . Gel insoles සහ අමතර padding ඔබට වෙළඳපලෙන් මිලදී ගන්න හැකියාව තිබෙන අතර මේ දේවල් භාවිතය මගින පාවහන් නිසා ඇතිවෙන කැපීම්, තුවාල අවම කරගන් හැකියාව තිබෙනවා.

05.ඔබ ඇවිදින ඉරියව්ව නිවැරදි කරගන්න

ඔයා නිවැරදි ඉරියව්ව භාවිතා කරලා ඇවිදලා බලන්න ඔයාටම වෙනසක් තේරෙයි. මුලින්ම විලුඹ පොළවට තද කරලා ඇවිදීම තමයි නිවැරදිම ඉරියව්ව .මේ විදිහට නිවැරදිව ඇවිදීම මගින් ඔයාගේ ශරීරයේ බර ඒකාකාරව බෙදා හරින අතර ඇවිදීමේදී ඔබට සමබරතාවයක් ලබාගන්න පුළුවන්. ඒ වගේම මේ විදිහට ඇවිදීම මගින් කොන්ද සහ හිස කෙලින් තබාගෙන ඇවිදින එක පහසු කරවනවා. ඒ වගේම Heels නිසා කොදුඇට පේළියට ඇතිවෙන හානිය නිවැරදි ඉරියව්වෙන් ඇවිදීම මගින් අවම කරනවා.

06.තමන්ට ගැළපෙන Heels භාවිතා කරන්න

හැම Heels fashion එකක්ම හැම කෙනෙක්ටම ගැළපෙන්නේ නැහැ. සමහර අය තමන්ට දාගන ඇවිදගන්නවත් බැරි තරම් උස Heels භාවිතා කරනවා .ආසාව තිබුණට තමන්ට පාලනයක් නැති පාවහන් පැලදීමෙන් වලකින්න. මොකද ඇත්තටම එක තමන්ගේ ශරීරයට හොඳ නැහැ. ඒ වගේම තමන් ඇවිදිනකොට අනතුරක් වෙන්න තිබෙන ඉඩකඩ ඉතාමත් වැඩීයි. ඔයා ඔයාගේ පාදවලට වගේම ශරීරයට ආදරෙයි නම් තමන්ට ගැළපෙන තමන්ට හසුරවන්න ලෙහෙසි පහසු Heels භාවිතා කරන්න.

ඔයත් අංක 13ට බය කෙනෙක්ද?

By

Editorial

අපි පොදුවේ එක එක දේවල් වලට බයයිනේ . කුමක් හෝ හේතුවක් නිසා මකුළුවන්ට, ලොකු උසකට, කැරපොත්තන්ට, කරුවලේ එළියට යන්න, බෙහෙත් විදිනවට වගේ විවිධ දේවල් වලට බයක් ඇතිකරගන තිබෙනවා .ඒත් ඇයි මේ මිනිස්සු අංක 13ට බය. අංක 13 කියන්නේ අනිත් අංක වගේම තවත් එක අංකයක්. අංක 13 සම්බන්ධයෙන් බය හිතෙන චිත්‍රපටි පවා නිර්මාණය වෙලා තිබෙනවා. සමහර ගොඩනැගිලිවල හිතාමතාම 13 වන මහල නිර්මාණය කරලා නැහැ. ඒ වගේම ගොඩක් අය 13 වන දිනයේ සුභ කටයුතු කිසිදෙයක් සිදු කරන්නේ නැහැ. මේ අංක 13ට ඇති බිය හඳුන්වන්නේ ට්‍රිස්කයිඩෙකෆෝබියා (triskaidekaphobia)වශයෙනි. කොහොම වුණත් හරියටම 13 අවාසනාවන්ත සංඛ්‍යාවක් බවට පත් වූයේ කවදාද යන්න පැහැදිලි කරලා නැහැ.

ඇත්තටම ඇයි පුද්ගලයින් අංක 13ට බය. මේ අනිසි බිය ඇතිවෙන්න එක හේතුවක් කියලා නැහැ. සමහරු එය බයිබලයට ආරෝපණය කර ඇති තිබෙනවා. ඒකට අනුව අන්තිම රාත්‍රී භෝජන සංග්‍රහයට පුද්ගලයන් 13 දෙනෙකු සහභාගී වූ අතර සමහරු අනුමාන කළේ මේසයේ සිටි 13 වන පුද්ගලයා යූදස් බවත් පසුව යේසුස්ව පාවා දුන් බවත්ය. කොහොම වුණත් මෙම සිද්ධාන්තය පිළිබඳව කිසිදු සඳහනක් නැහැ. ඒ වගේම මිත්‍යා කතා වලද 13 දෙනා අවාසනාවන්තයි කියලා ඔප්පු කරලා තිබෙනවා. විද්‍යාඥයින් හා ගණිතඥයින් පවසන්නේ අංක 13 හි භීතිකාව ඇති වන්නේ එය අතාර්කික සංඛ්‍යාවක් වීම සහ 12 පරිපූර්ණ සංඛ්‍යාව වීම නිසා බවයි. මිත්‍යාව හා ගණිතය යන දෙකෙහිම සාධක එකතුවෙලා තමයි මේ සංඛ්‍යාව සෑම රටකම අපකීර්තියට පත්වෙලා තිබෙන්නේ. නමුත් ඉතාලිය, ඊජිප්තුව සහ චීනය වැනි වෙනත් රටවල 13 වාසනාවන්ත සංඛ්‍යාවක් ලෙස සලකනවා.

මෑතකදී කළ ඡන්ද විමසීම් හා අධ්‍යයනවලින් පෙනී යන්නේ ඇමරිකානුවන්ගෙන් 9-10% ක් පමණ අංක 13 ගැන මිථ්‍යා විශ්වාසයන් ඇතිකරගන සිටින බවයි. චීනයේ අංක 13 නරක යැයි සලකන්නේ නැහැ. ඒ වෙනුවට අංක 4 අවාසනාවන්ත ලෙස සැලකනු ලබනවා. අංක 4 ට ඇති බිය සඳහා යෙදුම ටෙට්‍රාෆෝබියා ලෙස හැඳින්වෙනවා.

අංක 13ට බය වීම සුළුපටු දෙයක් ලෙස පෙනුනත්, ට්‍රිස්කයිඩෙකෆෝබියාව යනු බටහිර සමාජයන්ට ආර්ථික වශයෙන් බලපාන ගැටලුවක් වෙලා තිබෙනවා. ඔවුන් ගේ මිථ්‍යා විශ්වාස නිසා සමහර අය ඕනෑම මසක 13 වන දින ව්‍යාපාර කටයුතු ප්‍රමාද කරන අතර සංඛ්‍යාලේඛනමය වශයෙන් මෙම මිථ්‍යා විශ්වාස නිසා ඕනෑම මසක 13 වන දින රැකියාවට නොයන අයද සිටින බව සදහන් වෙනවා.

ඕපාදූප කතාවෙන එක හොඳයි ද?

By

Editorial

ලොකු පොඩි අපි හැමෝටම නිතර දෙවේලේ ඇහිලා තියෙනවා “ඔයාට කියන්න හොඳ දෙයක් නැත්තම්, මුකුත්ම නොකියා ඉන්න “කියන කියමන. අපි රැකියාව කරන තැන කතාබහේදී, එදිනෙදා යාළුවොත් එක්ක කරන සාමාන්‍ය කතාබහකදී, එහෙමත් නැත්තම් පවුලේ කතාබහකදී ගොඩක් වෙලාවට කතා කරන්නේ වෙනත් පුද්ගලයෙක් ගැන කියන දේ අපිට පිලිගන්නම වෙන කාරණාවක්. 1993 අවුරුද්දේ කරලා තියෙන පරීක්ෂණ වලින් පිරිමින් කතාබහ කරන කාලයෙන් 55% ක් සහ කාන්තාවන් කතාබහ කරන කාලයෙන් 67% සමාජීය වශයෙන් අදාළ මාතෘකා ගැන ඕපාදූප කතාකරන්න වැය කරන බව හොයාගෙන තියෙනවා.ඇත්තටම මේ “ඕපාදූප” වලට සමාජයේ එක එක තරාතිරම් වල මිනිස්සු එක එක නිර්වචන දීලා තියෙනවා. සාමාන්‍ය මනුස්සයෙක් නම් කියන්නේ ඕපාදූප කියන්නේ හරිම පහත්,ද්වේශ සහගත දෙයක් කියලා.සමහර පර්යේෂකයන් කියලා තියෙන විදිහට නම් ඕපාදූප කියන්නේ “ඒ වේලාවට කතාකරන තැන නැති පුද්ගලයෙක් ගැන කතා කරන එක කියලා’,“එය අපට ස්වභාවයෙන්ම එන දෙයක්”,ඒ වගේම තොරතුරු හුවමාරුවට සහ ප්‍රජා ගොඩනැගීමට අනිවාර්ය දෙයක් කියලා Georgia Gwinnett College එකේ මහාචාර්යවරයෙක් කියලා තිබෙනවා.

ඇයි මිනිස්සු ඕපාදූප කතාකරන්නේ ?

සමහර පර්යේෂකයන් කියන විදිහට නම් ඕපාදූප අපේ මුතුන් මිත්තන්ගේ පැවැත්මට උදව්වක් වෙලා තියෙනවා. සමහර සමාජ විද්‍යාඥයින් කියන විදිහට නම් ඕපාදූප වලට හේතුව ගොඩක් වේලාවට අනිත් අය ගැන කතා කරන ඒවා වීම සහ ඒවාගෙන් තොරතුරු හුවමාරු වීම සිදුවීමයි. ඒ වගේම මේ ඕපාදූප වලට ලොකු සමාජයකට තොරතුරු පැතිරවීමේ හොඳ හැකියාවක් තියෙනවලු. මේ සමාජ හා පෞද්ගලික කාරණා ගැන සාකච්ඡා කරන්න අපට බැරි වුණා නම්, මේ විදිහේ සමාජයන් පවත්වා ගන්නත් අපට බැරි වෙන්න ඉඩ තිබුණා. පුළුල් විදිහට කිව්වොත් කාලයක් පුරාවටම ඕපාදූප මේ විදහට සමාජය පවත්වාගෙන යන්න විවිධ විදිහට උදවුවක් වෙලා තියෙනවා. එන්න එන්නම මේ සමාජය විශාල වෙන නිසා අපිටම අපි වටේ ඉන්න මිනිස්සුන්ගේ තොරතුරු දැනගන්න අමාරු වෙනවා. ඒ නිසා මේ ඕපාදූප සමාජයට සේවයක් කරනවා කියලත් කියන්න පුළුවන්. සමහර විද්වතුන් කියන විදිහට නම් ඕපාදූප සංස්කෘතිය ඉගෙන ගැනීමටත් උදවුවක් වෙලා තියෙනවා.සමාජීය වශයෙන් පිළිගන්න දේවල් සහ පිළිනොගන්නා දේවල් ගැන රටේ ජනතාවට ඉගෙන ගන්න මේ ඕපාදූප උදවු කරනවා.

මිනිසුන් ඕපාදූප කතා කරනකොට මනෝ විද්‍යාත්මකව මොකක්ද වෙන්නේ?

තමන් ගැන හෝ තමන්ට සමීප යහළුවන්,තමන්ගේ ආසම සුපිරි තරු ගැන ධනාත්මක සහ සෘණාත්මක ඕපාදූප අසද්දී කාන්තාවන් සහ පිරිමින්ගේ මොළයේ ක්‍රියාකාරිත්වය ගැන 2015 අවුරුද්දේ දී විද්‍යාඥයින් හරි අපුරු පරීක්ෂණයක් කරලා තියෙනවා.එහිදී සංකීර්ණ සමාජ හැසිරීම් වල සැරිසරන්න අපට තියෙන හැකියාවට වැඩියෙන්ම උදවු වන මොළයේ ඉදිරිපස කොටස (prefrontal cortex) වැඩි ක්‍රියාකාරිත්වයක් දැක්වූ බව ඔප්පු වුණා.අනිත් අය විසින් අපිව ධනාත්මකව දැකීමට ඇති අපගේ ආශාව නිසාම අපි අපිට ඇත්තටම හිතුන දේ පෙන්නුම් නොකර සමාජයට ඕන කරලා තියෙන දේ පෙන්නුම් කරන්න අපි උත්සහ ගන්න බව විද්‍යාඥයින් ප්‍රකාශ කරලා තියෙනවා. ඒ වගේම අපේ ආසම සුපිරි තරු ගැන සෘණාත්මක ඕපාදූප අසද්දී මොළයේ මැද පිහිටා තියෙන (caudate nucleus) කොටස වැඩි සක්‍රීය බවක් පෙන්නුම් කරලා තියෙනවා. මෙහිදී පරීක්ෂකයින් මොළයේ ක්‍රියාකාරිත්වය වගේම එක් එක් පුද්ගලයාගේ හිතට දැනුන දේ පිලිබදවත් විස්තර අසා තිබුණා.එහිදී පරීක්ෂකයින් හොයාගෙන තියෙන විදිහට තමන් ගැන සෘණාත්මක ඕපාදූප අසන විට තරහවක් සහ තමන් ගේ ප්‍රියතම සුපිරි තරුව හෝ වෙන අයෙකු ගැන ඕපාදූප අසන විට වැඩි විනෝදාස්වාදයක් ඔවුන්ට දැනීලා තියෙනවා.

ඉතින් මේ ඕපාදූප ඔබට හොඳ විය හැකිද?

ප්‍රවීණ විද්‍යාඥයින් කියන විදිහට නම් අපි මගඅරින්න ඕන ඕපාදූප ජාති කිහිපයක්ම තියෙනවා. සමාජයට කිසිම වැඩක් නැති, තනිකරම හානි දායක ඕපාදූප හරියට කෙනෙක්ගේ පෙනුම ගැන පහත් අදහස් වගේ ඕපාදූප අපි මග හරින්න ඕනේ.කිසිම කෙනෙක් ප්‍රතිලාභයක් නොලබන වගේම ඒකෙන් ඉගෙන ගන්න කිසිම දෙයක් ඔයාට නැති විදිහේ ඕපාදූප නම් ඒ වගේ ඕපාදූපත් අපි මග හරින්න ඕනේ. Matthew Feinberg නම් විද්‍යාඥයා ඔහුගේ කණ්ඩායමත් සමග කරපු පරීක්ෂණයකින් හොයාගෙන තියෙනවා පුද්ගලයෙක් තවත් පුද්ගලයෙකුගේ සමාජ විරෝධී හැසිරීමක් හෝ අයුක්තිය ගැන අසන විට ඔවුන්ගේ හෘද ස්පන්දන වේගය වැඩි වන බව. ඒ වගේම ඒ පුද්ගලයා ගැන ඕපාදූප කියන්නට ඔවුන්ට පුළුවන් වුණාම ඒකෙන් ඔවුන්ට ඇතිවෙන සැනසීමෙන් ඔවුන්ගේ හෘද ස්පන්දන වේගය අඩු වන බව. ඉතින් මේ ඕපාදූප ශරීරය සන්සුන් කරන්න ලොකු උදවුවක් වෙනවා. ඊට අමතරව ෆයින්බර්ග්ගේ මේ පර්යේෂණයෙන් පෙන්නලා දීලා තියෙනවා ඕපාදූප මගින් වැදගත් තොරතුරු ලෙහෙසියෙන් පතුරුවා හරින්න පුළුවන් කියලත්. පුද්ගලයෙක් ගැන ඕපාදූප කලින්ම අසා තියෙන කොට ‘ඔයාගේ කීර්තිය ඔයාට ඉස්සරහින් ගමන් කරනවා’ කියලා මිනිස්සු කියනවා ඔයාට ඇහිලා ඇති. ඉතින් ඒ වගේ ඕපාදූප ගොඩක් ප්‍රයෝජනවත්. ඒ වගේම මේ ඕපාදූප වලට පුළුවන්කම තියෙනවා ඔයාගේ තනිකම නැති කරන්න වගේම එක එක්කෙනා අතර බැදීම් ශක්තිමත් කරන්න සහ විනෝදාස්වාදය ලබා දෙන්න.

ඉතින්, දිගටම කතා කරන්න, හැබැයි ඔයාගේ සංවාදය අනිවාර්යයෙන්ම ඕපාදූප වලට හැරෙයි. එතකොට ඇත්තටම නිවැරදි චේතනාවක් තිබ්බොත් ඒකෙන් යහපතක් සිදුවෙන්න පුළුවන් බව මතක තියාගන්න.

Stretch marks නිසා ඔයත් කනස්සල්ලෙන්ද?

By

Editorial

Stretch marks කියන්නේ අපි ගොඩක් දෙනෙක්ගේ ශරීරයේ ඇතිවෙන සුලබ තත්වයක්. විශේෂයෙන්ම මේ තත්වය බලපාන්නේ කාන්තාවන්ට. අපේ සම මත වර්ධනය වෙන දිගු, පටු ඉරි, ඉරි හෝ රේඛා තමයි මේ Stretch marks කියලා හදුන්වන්නේ. කාන්තාවන්ට පමණක් වැඩි බලපෑමක් ඇති කළාට ඕනෑම කෙනෙක්ගේ මේ marks ඇතිවෙන්න පුළුවන්. උදරයේ, කලවා, ඉණ, පියයුරු, ඉහළ අත් සහ තට්ටම්වල ඇතුළු ශරීර කොටස් රාශියක මේ marks ඇතිවෙනවා. ගර්භණීභාවය, බර වැඩිවීම, බර අඩු වීම හෝ වැඩිවියට පැමිණීම වගේ දැඩි වර්ධනයක් හෝ සිදු වූ පසු සමට සාමාන්‍ය ස්වරූපය නැවත ලබා ගත නොහැකි වූ විට මෙම කැළැල් ඇතිවෙනවා. කාන්තාවන්ගෙන් සියයට 50 කට වඩා වැඩි ප්‍රමාණයකට ගර්භණී සමයේදී මේ Stretch marks හටගන්නවා.

රෝග ලක්ෂණ

01.Stretch marks මතු වෙන්න කලින් සම සිහින් සහ රෝස පැහැයක් ගන්නවා. ඒ වගේම අදාළ ස්ථානය කසන්න ගන්නවා.

02.ඔයාගේ සමේ වර්ණයට අනුව රතු, දම්, රෝස, රතු-දුඹුරු හෝ තද දුඹුරු විය හැකි රැලි සහිත, ඉහළට ඔසවා ඇති ලකුණු ලෙස Stretch marks මුලින් වර්ධනය වෙනවා. ඒ විදිහට ඇතිවුණ marks අවසානයේදී මැකී ගොස් සමතලා වන අතර කාලයත් සමඟ රිදී පැහැයට වෙනස් වෙනවා.

03.මේ Stretch marks ක්‍රමයෙන් සැලකිය යුතු ලෙස අඩුවෙලා යන්න හැකියාව තිබෙනවා. ඒ වුණාට එහෙම අඩුවෙන්නත් වසර ගණනාවක් ගතවෙන්න පුළුවන්.

Stretch marks ඇතිවෙන්න පොදු හේතු

01. ගැබ් ගැනීම – ගර්භනී කාන්තාවන්ගෙන් සියයට 50 ත් 90 ත් අතර සංඛ්‍යාවකට දරු උපතේදී හෝ පසුව Stretch marks ඇතිවෙන්න ඉඩකඩ වැඩීයි.
02.වැඩිවියට පැමිණීම – වැඩිවියට පැමිණීමේ යෞවනයන් තුළ වේගවත් වර්ධනය සාමාන්‍ය දෙයක්. මේ තත්වය ද Stretch marks ඇතිවෙන්න බලපානවා.
03.වේගවත් බර වැඩිවීම – කෙටි කාලයක් තුළ විශාල ලෙස බර වඩීම නිසා Stretch marks ඇතිවෙනවා.
04.වෛද්‍යමය හේතූන් – සමහර වෛද්‍යමය හේතූන් නිසා මාෆාන් සින්ඩ්‍රෝමය ( Marfan syndrome) සහ කුෂින්ගේ සින්ඩ්‍රෝමය (Cushing’s syndrome) නිසා Stretch marks ඇතිවෙනවා. මාෆාන් සින්ඩ්‍රෝමය මගින් සමේ පටක වල ප්‍රත්‍යාස්ථතාව අඩුකරන අතර, කුෂින්ග්ස් සින්ඩ්‍රෝමය මඟින් ශරීරයේ අධික ලෙස හෝමෝන නිපදවනවා. මේ නිසා වේගවත් බර වැඩිවීමට සහ සමේ අස්ථාවරත්වයට හේතු ඇතිකරනවා.
05.කෝටිකොස්ටෙරොයිඩ් (Corticosteroid) භාවිතය – කෝටිකොස්ටෙරොයිඩ් කීම් (Corticosteroid creams) සහ දියර දිගු කාලයක් භාවිතා කිරීමෙන් සමේ කොලජන් මට්ටම අඩු වෙන්න පුළුවන්. කොලජන් සම ශක්තිමත් කරත් කුඩා ප්‍රමාණයකින් Stretch marks ඇතිවීමට බලපානවා.

අවදානම් සාධක

Stretch marks වර්ධනය කිරීමේ අවදානම් සාධක වශයෙන් ,

01.පවුලේ ඉතිහාසය
02.නිදන්ගත රෝග
03.ගර්භණී වීමට පෙර ශරීර ස්කන්ධ දර්ශකය (BMI)
04.ගර්භනී කාන්තාවන් තුළ දරුවාගේ උපත් බර යන හේතුන් පෙන්වා දෙන්න පුළුවන්.

රෝග විනිශ්චය

01.සම පරීක්ෂා කිරීම සහ පුද්ගලයෙකුගේ වෛද්‍ය ඉතිහාසය සමාලෝචනය කිරීම මත පදනම්ව Stretch marks පහසුවෙන් හඳුනාගන්න පුළුවන්.

02.රෝග විනිශ්චයේ දී වෛද්‍යවරයා සාමාන්‍යයෙන් රෝග ලක්ෂණ මෙන්ම දැනට භාවිතා කරන ඕනෑම ඖෂධයක් සම්බන්ධයෙන් ප්‍රශ්න ඇසීමක් සිදුකරනවා.

03.Stretch marks හානිකර නොවන අතර වෛද්‍ය ගැටලු ඇති කරන්නේ නැහැ. දුර්ලභ අවස්ථාවන්හි දී, ප්‍රතිකාර හෝ අධීක්ෂණය අවශ්‍ය වෙනවා.

ප්‍රතිකාර හා වැළක්වාගත හැකි ක්‍රම

01.Stretch marks සඳහා ප්‍රතිකාර කිරීම මිල අධික වෙන්න හැකියාව වැඩීයි.

02.ක්‍රීම්, ජෙල්, දියර සහ රූපලාවණ්‍ය සැත්කම් යන සියල්ලම Stretch marks සඳහා ප්‍රතිකාර ලෙස යෝජනා කර තිබුණත් එවැනි ප්‍රතිකාර සාර්ථක වුණා කියලා ප්‍රමාණවත් වෛද්‍ය සාක්ෂි හමුවෙලා නැහැ.

03.Stretch marks ගොඩක් වෙලාවට කාලයත් සමඟ මැකී යන අතර හඳුනාගත නොහැකි තත්වයට පත්වෙනවා. ගර්භණී සමයේදී Stretch marks ඇති කාන්තාවන්ගේ දරු ප්‍රසූතියෙන් මාස 6 සිට 12 දක්වා කාලය තුළ Stretch marks සැලකිය යුතු ලෙස අඩු වෙනවා.

04.Makeup මඟින් ශරීරයේ වඩාත් නිරාවරණය වන ස්ථානවල ඇති Stretch marks සැඟවීමට හැකියාව තිබෙනවා.

කලබලකාරී බවින් මිදිලා නිවීසැනසිල්ලේ කෑම කන්න ආසනම් යන්නම ඕන තැන A Minute by Tuk Tuk

By

Editorial

One Galle Face සාප්පු සංකීර්ණයේ පිහිටලා තියෙන A Minute by Tuk Tuk අවන්හලට අපි ගියේ එකේ තියෙන කෑම බීම try කරලා අලුත් රස අත්දැකීමක් ලබා ගන්න. ගාල්ලේ තියෙන A Minute by Tuk Tuk අවන්හලට වඩා වෙනස් ම විදියේ අත්දැකීමක් කොළඹ තියෙන අවන්හලෙන් ලබා ගන්න පුළුවන්. සංස්කෘතීන් දෙකක් හෝ කීපයක් එකට එකතු කරලා හදන කෑම බීම රස විඳින්න ඕනේ නම් ඕගොල්ලන්ට යන්න පුළුවන් හොඳම අවන්හල් වලින් එකක් තමයි මේක.

බීම වර්ග

The Health Nut (LKR 750)

තිබහ නිවන මේ රසම රස Health Nut mocktail එක වැඩිපුරම ගැළපෙන්නේ alcohol පාවිච්චි කරන්නේ නැති කෙනෙක්ට. මේ mocktail එක බිව්වට පස්සෙත් ඔයාලගේ දිවට තරමක් පැණි රස ගතියක් දැනේවි. නැවුම් බැවින් අනූන Health Nut mocktail එක සෞඛ්‍ය සම්පන්න බව ගැන හිතන, ඒ වගේම comfort food වලටත් කැමති කෙනෙක්ට හොඳටම ගැළපෙනවා.

Smirkin’ Gimlet (LKR 950)

Smirkin’ Gimlet කියන්නේ ජින් (gin) වල සැර ගතිය එකතු වුණ lychee (මේක රඹුටන් වගේ පලතුරක්) වලින් රස ගැන්වුණ drink එකක්. හරිම සරල විදියට පිළිගැන්වුණු මේ drink එකේ තියෙන දිව පිනා යන සැර රසයට ඔයාලත් අනිවාර්යයෙන් කැමති වේවි…

Jack to a King (LKR 950)

අපි ඊළඟට try කරපු drink එක අරක්කු වල රසය සමග mix වුණු drink එකක්. ශ්‍රී ලාංකික අපිට හුරුපුරුදු රස මුසු වුණු බීමක් try කරන්න කැමති කෙනෙක්ටම තමයි මේ drink එක හරියන්නේ. මේ drink එක පිළිගන්වන්නේ ලස්සනට මැදපු පොල්කටුවක වීම තමයි මේකේ විශේෂත්වය. තැඹිලි වතුර එක්ක අරක්කු මිශ්‍ර වුණු මේ drink එකෙන් අපිට ටිකක් හුරුපුරුදු වගේම වෙනස් ම විදියේ රස අත්දැකීමක් ලැබුණා. ඒ කොහොම වුණත් මේ drink එක විවිධාකාර රස වල මිශ්‍රණයක් වුණා නම් තවත් හොඳයි කියල අපිට හිතුණා.

Starters

Aunty Aida’s Mutton Soup (LKR 950)

ඔයාලා අසනීප වුණු වෙලාවක ගෙදර හදපු bone soup එකක් බීලා තියෙනව ද? ඒක බිව්වම දැනුණේ කොහොමද කියලා මතකද? මේ සුප් එක try කළාම අපට දැනුණෙත් ගෙදර හදපු සුප් එකක් බොනවා වගේ හැඟීමක්. රෝස්ට් පාන් එක්ක පිළිගන්වන මේ සුප් එක කුළුබඩු වල රසය යහමින් දැනෙන, හොඳට තම්බපු එළු මස් සහ පරිප්පු දාලා තමයි හදලා තියෙන්නේ.

Mains

Taka Taka (Crab) (LKR 1400)

අපි ඊළඟට try කළේ කකුළු කොත්තුවක් (crab koththu)! Oven එකේ bake කරලා හොඳට sesason කරපු මේ කකුළු කොත්තුව හැමෝම ප්‍රිය කරන කෑමක් නොවෙන්න පුළුවන් මොකද කකුළු මස් වල තෙල් ගතිය තරමක් වැඩි නිසා. ඒ වගේම මේ dish එකේ spicy ගතියත් ටිකක් වැඩියි.

It’s a Wrap (1200)

Vegetarian කෙනෙකුට කියාපු dish එකක් තමයි මේක. Pulled pork කියන ඇමරිකානු barbecue dish එක මූලික කරගෙන හදලා තියෙන මේ wrap එකේ pork වෙනුවට තියෙන්නේ කොස්! දේශීය කුළුබඩු දාල රසට හදපු කොස් ව්‍යාංජනයක් tortilla wrap එකක දාල guacamole කියන අලිගැටපේර වලින් හදපු dip එකත් එක්ක තමයි මේක serve කරන්නේ.

Dessert

Mangoficient (LKR 800)

Mangoficient කියන්නේ dessert එකක් වුණාට පැණි රස ගතියට වඩා savoury ගතිය තමයි වැඩිපුර දැනෙන්නේ. සාමාන්‍යයෙන් sorbet dessert හදන්නේ frozen fruit වලින්. හැබැයි තරමක් ඉදුණ අඹ grill කරලා හදපු මේ sorbet dessert එක නම් හරිම smooth.

Ambience

A Minute by Tuk Tuk අවන්හලේ ස්වභාවික පරිසරය පාදක කරගෙන ඇඳපු චිත්‍ර සහ විසිතුරු පැළ තියල සරසලා තිබුණට එක ඇතුලට ගියහම trendy feeling එකක් තමයි දැනෙන්නේ. One Galle Face සාප්පු සංකීර්ණයේ කලබලකාරී ගතියෙන් මිදිලා නිවීසැනසිල්ලේ ආහාර වේලක් රසවිඳින්න පුළුවන් ලස්සන තැනක් තමයි මේක.

ඔයාගේ සුරතලාවත් අරන් යන්න පුළුවන් කොළඹ තිබෙන Cafes මෙන්න

By

Editorial

අපි ගොඩක් දෙනෙක් සුරතල් සතුන්ට ප්‍රිය කරන අයනේ. ඉතින් අපි ගොඩක් වෙලාවට කැමති අපේ සුරතලාව අපි ලගින්ම තියාගන්න. හැබැයි ඉතින් ඒක අපිට හැමවේලේම කරන්න බැරි වැඩක්. අපි cafe එකකට වගේ යනවා නම් අපිට අපේ සුරතලාව එක්ක යන්න බැහැනේ . හැබැයි ඔන්න animal loversලාට සුබ ආරංචියක් තියෙනවා. ඒ තමයි Colombo වල අපිට අපේ සුරතලාව රැගෙන යන්න පුළුවන් cafes කිහිපයක් විවෘත වෙලා තියෙනවා. ඉතින් ගැස්ම අපි අද ඒ cafes වල විස්තර ඔන්න ඔයාලා වෙනුවෙන්ම අරන් ආවා.

1.Tayo Bear

ඔබ Tayo Bear ගැන නම් අහලා තියෙනවා ඇති . 2019 ඔක්තෝම්බර් මාසයේදී Gregory’s Road වල ආරම්භ කරපු මේ Tayo Bear සුරතලුන්ට සහ සුරතලුන්ගේ අයිතිකරුවන්ට නියම ස්ථානයක් වුණා. සුරතලුන්ට මුල්තැන දෙන මේ cafe එකේ සෞඛ්‍ය සම්පන්න විවිධ ආහාර menus දෙකක් තියෙනවා. එක menu එකක් අපිට අනිත් menu එක අපේ සුරතලා වෙනුවෙන් වෙන්කරලා තියෙනවා. ඔයාට මේ සම්බන්ධයෙන් උනන්දුවක් තියෙනවා නම් Instagram @tayobear page එකට ගිහින් වැඩි විස්තර බලන්න පුළුවන් .

Opening hours: 10.30AM – 9.30PM (Closed on Thursdays)

Contact: 0771 992 907

2.Peppermint Cafe

Colombo 07 තියෙන Peppermint Cafe එක පැය 24 ම විවෘතයි. අපේ cafe list එකේ pet-friendly cafe අතර මූලික ස්ථානයක් ගන්නවා මේ Peppermint Cafe එක . අපිට හොඳට කන්න පුළුවන් හොඳ menu එකක් මෙයාලගේ තියෙනවා වගේම අපේ සුරතලාට ගැළපෙන තොරාගත් ආහාර අඩංගු menu එකක් Peppermint Cafe විසින් සකස් කරලා තියෙනවා.

Open 24 hours.

Contact: 0756 320 420

3.Plus Nine Four

Colombo වල තියෙන තවත් pet-friendly cafe එකක් තමයි Plus Nine Four. 2018 මැයි මාසයේදී Cafe Kumbuk හි සහෝදර cafe එකක් ලෙස විවෘත කරපු Plus Nine Four දේශීය අමුද්‍රව්‍ය යොදාගන හදන ගුණාත්මක ආහාර තමයි පිළිගන්වන්නේ. එළිමහනේ පිහිටා තිබෙන මේ Cafe එක අපේ සුරතලාට නම් ගොඩක් සුවපහසු තැනක් වුණා.

Open hours: 9AM – 5PM (Monday – Sunday)

Contact: 0112 554 225

4.Sugar Beach

රසනහර පිනායන ආහාර , පුදුමාකාර cocktails සහ විශිෂ්ට සේවාවක් සපයන beachside dining cafe එක විදිහට Sugar Beach හඳුන්වා දෙන්න පුළුවන් .ඇත්තටම මේ cafe එක සුරතල් සතුන් සදහා හිතකර තැනක්. ඉතින් ඔයා හොයන්නේ ඔයාගේ සුරතලා එක්ක beach එකේ ඇවිදලා enjoy කරන්න නම් මේක තමයි ඒකට ගැළපෙනම place එක.

Open hours: 10AM – 12AM (Monday – Friday), 9AM – 12AM (Saturday – Sunday)

Contact: 0117 035 135

5.Black Cat Cafe

මෙයාලනම් සුරතලාව ඇතුලට ගෙනියන්න දෙන්නේ නැහැ. එයාලව එළිමහනේ තියලා තමයි එන්න වෙන්නේ.නමුත් තවමත් මේ ස්ථානය pet-friendly cafe එකක් කියලා තමයි හඳුන්වන්නේ.
ඔවුන් තෝරාගත්ත menu එකකට මනාව සකස් කරගත්ත sandwiches සහ උණු උණු කෝපි කෝප්පයක් පිළිගන්වනවා. ඔයාගේ සුරතලා ළඟ පාතක ඉන්න ගමන් ඔයාට මේ ආහාර රස විදින්න හැකියාව තියෙනවා.

Open hours: 8AM – 10PM (Monday – Sunday)

Contact: 0112 675 111

6.Spinner Cafe

බොහෝ විට පාපැදි කරුවෙකුගේ පාරාදීසයක් ලෙස හැඳින්වෙන Spinner Cafe එක සුරතලුන්ට ගොඩක් හිතකාමී තැනක්. ඔවුන්ගේ එළිමහන් භෝජනාගාරය ඔයාට ඔයාගේ සුරතලා සමඟ සුන්දර ආහාර වේලක් භුක්ති විඳීමට නියමට ගැළපෙනවා.

Open hours: 6AM – 10PM (Monday – Sunday)

Contact: 0768 716 266

7.Cafe Sociale

පුළුල් පරාසයක ආහාරපාන සපයන Cafe Sociale කියන්නේ සුරතල් සතුන් සඳහා හිතකර Cafe එකක්.ඔයාට පුළුවන් Cafe Sociale ගිහින් ඔයාගේ සුරතලා එක්කම හොඳ ආහාර වේලක් රස විඳින්න.

Open hours: 8AM – 10PM (Monday – Sunday)

Contact: 0774 445 788

හැඳි ගෑරුප්පු පාවිච්චි කරන විදිහ ගැන හරියටම දන්නවාද?

By

Editorial

ලංකාවේ අපේ සාම්ප්‍රදායික කෑම රටාවට අනුව නම් අපි බත්, එළවළු වගේ කෑම වර්ග තමයි ගොඩක් වෙලාවට කෑමට ගන්නේ. බත් සහ එළවළු සහිත එහෙම කෑමක් කන්නෙ අපේ විදිහට අතින් වෙන්න පුළුවන්. ඊට වඩා වෙනස් විදිහකට කෑම ගන්න සිදුවන සමහර විශේෂ අවස්ථා අපට උදා වනවා. විශේෂ උත්සව අවස්ථාවක්, රෑ කෑමකට ලැබෙන ආරාධනයක් එහෙමත් නැත්නම් විශේෂ හමුවක් වගේ අවස්ථාවකට සහභාගී වෙන්න ලැබුනොත් ඒ අවස්ථාවේ කෑම ගන්නෙ කොහොමද කියල දැනගෙන ඉන්න එක ඉතාම වැදගත්. විශේෂ කෑමකට වගේ අවස්ථාවකට තවත් පිරිසක් එක්ක සම්බන්ධ වුන වෙලාවක ඔයා මේ කියන Table manners ගැන හරියට දැනගෙන හිටියේ නැතිනම් ඔයා අපහසුතාවයට පත් වෙන්න බැරි නැහැ.

සාමාන්‍යෙන් මේ විදිහේ කෑමකට ගිය වෙලාවකට ඔයාට ඒ මේසයේ සැකැස්ම දකින්න පුළුවන් වෙන්නේ මේ විදිහට. කෑම බටහිර පන්නයේ එකක් නම්, ඒ විදිහේ කෑමකට අවශ්‍ය කරන සැකැස්මක් ඔයාගේ මේසයේ හදල තියෙයි. සුප්එක එහෙම කෑම වේලක ආරම්භක පියවර. ඒ නිසා සුප් එක බොන්න ගැලපෙන විදිහේ භාජන සහ ප්‍රධාන කෑම වේලට පෙර ලැබෙන සුළු කෑම වර්ග (appetizer) ගන්න අවශ්‍ය වෙන dishes ඔයාගේ මේසයේ පිළිවෙලට තබා තියේවි. ඒ දේවල් එක්කම නැප්කින් එකත් පිළිවෙලට සකස් කරලා මේසය උඩ තබා තියෙනවා ඔබට පෙනේවි. කෑමට පුටුවේ වාඩි වුනහම ඔයා ඒ නැප්කින් එක ඔයාගේ උකුල උඩ එලාගැනීම අවශ්‍යයි. ඒ වගේම සාමාන්‍ය මතය තමයි කෑම මේසයේ අත් දෙක වැලමිටෙන් මේසයේ රඳවාගෙන ඉන්න ඕන කියන එක. නමුත් ඒක වැරදි මතයක්. කෑමට පෙර නැතිනම් කෑමෙන් පසු මේසයේ ඉන්න අය එක්ක සංවාදයක ඉන්නවා වගේ නම් ඒ ක්‍රමයේ වරදක් නැහැ. නමුත් කෑම ගන්න අතරතුර ඒක කරන්න යන්න එපා. එක අතක විතරක් හැන්ද හෝ ගෑරුප්පුව පාවිච්චි කරනවා නම් අනික් ඇත නිදහසේ උකුල මත තමාගැනීමයි වඩා සුදුසු ක්‍රමය. ඒ වගේමයි පිරිසක් එක්ක කෑමට වාඩි වුනානම්, අනික් අයට කෑම පිළිගන්වන තුරු ඉවසන්නත් අමතක කරන්න එපා.

සාමාන්‍යෙන් මේස සැකැස්මේදී ඔයාගේ වම් අත පැත්තේ ගෑරුප්පු වර්ග තියෙනවා. දකුණු පැත්තේ තියෙන්නේ හැඳි සහ පිහි. මේ අතර මස් සහ මාළු කෑමේදී පාවිච්චි වන විශේෂ පිහි වර්ග සහ ගෑරුප්පු වර්ග තියෙනවා. ඒ වගේම සුප් බොන හැන්දක් ඒ අතර තියෙයි. කෑම වේලට සුප් එක ඇතුළත් නම් ඒක ඔයාට මුලින්ම ලැබෙනවා. ඒකට සකස් වුනු රවුම් තරමක් බොකුටු හැන්ද දකුණු අතින් අරගෙන ඔයාගේ ඇඟ පැත්තේ ඉඳන් මේසයේ ඉස්සරහ පැත්තට යන විදිහට හැන්ද සුප් භාජනය ඇතුලෙන් තල්ලු කරන විදිහට තමයි සුප් එක බොන්න ඕනෙ. මේසයේ පිටත ඉඳන් ඔයාගේ පැත්තට හැන්ද ගෙනෙන එක පහසු නමුත් ඒක වැරදියි. ඔයා සුප් එක බීල ඉවර වුනා නම්, හැන්ද ඔරලෝසුවේ වෙලාව සවස 6 දැක්වෙන විදිහට භාජනයෙන් තියන එක තමා හරි විදිහ.

ඊළඟට ඔයාගේ ප්‍රධාන කෑම වේල ලැබෙනවා. ඒක බටහිර පන්නයේ කෑම එකක් නම් මාළු, මස් වර්ග සහ එළවළු වෙන වෙනම ඔයාගේ කෑම පිඟානට ලැබෙනවා. ඒ මස් සහ මාළු වර්ග කැබලි කරගන්න අවශ්‍ය පිහිය ඔයාගේ දකුණු පැත්තේ තියෙයි. ඒ පිහිය දකුණු අතටත් ගෑරුප්පුව වම් අතටත් ගැනීම අවශ්‍යයි. ඔයා කෑම කන අතර කැමති නම් පිහියත් ගෑරුප්පුවත් අත් දෙකේ දිගටම තියාගන්නත් පුළුවන්. නමුත් පහසු විදිහ නම්, මස් හෝ මාළු කැබලි කරගත්තට පස්සේ පිහිය ඔයාගේ පිඟානේ ඉස්සරහ පැත්තේ අයිනෙන් දිග හැඩයට තියන එක. පිහිය ආපහු අවශ්‍ය වුනහම අතට ගන්න පුළුවන්. මතක තියාගන්න ඔයා ගෑරුප්පුව වම් අතින් අල්ලන්න ඕනේ වගේම දබර ඇඟිල්ල ගෑරුප්පු මිටට සමාන්තරව තියෙන්නත්, අනික් ඇඟිලි යට පැත්තට තියෙන්නත් රඳවා ගන්න. ඒ වගේම පිහිය ගෑරුප්පුව දෙකම නිදහසේ අතේ රඳවාගෙන ඉන්න වෙලාවට පිඟානට සමාන්තරව තියාගන්න. ඉහළට ඔසවමින් එහා මෙහා කිරීම ගැලපෙන්නේ නැහැ.

ඔයා කෑම ගනිමින් ඉන්න අතරතුර මද වෙලාවකට නතර කළොත්, ඔයා පාවිච්චි කරමින් හිටපු හැන්ද, ගෑරුප්පුව හෝ පිහිය (මේවායින් දෙකක් විතරයි එක වරක පාවිච්චි වෙන්නේ) ඔරලෝසුවේ 3.40 වෙලාව දැක්වෙන කටු තියන හැඩයට පිඟාන උඩින් තියන්න. එතකොට ඔයාට සේවය සපයන අය දන්නවා ඔයා කෑම කාල ඉවර නැති බව. ඔයා සම්පුර්ණයෙන් කෑම කාල ඉවරනම්, ගෑරුප්පුව සහ පිහිය හෝ හැන්ද එකිනෙකට සමාන්තරව දික් අතට තියන්න. මේක ඇමරිකානු ක්‍රමයේදී සහ යුරෝපිය ක්‍රමයේදී තරමක් වෙනස්. මේ දෙක සමාන්තරව ඔරලෝසුවේ 4.20 දැක්වෙන විදිහට හෝ 3.15 දැක්වෙන විදිහට තියන එක ඒ ක්‍රම දෙකේදී සිදුවනවා. නමුත් වැදගත්ම දේ එක උඩ එක නොතියා එකිනෙකට සමාන්තරව තැබීම. එතකොට ඔයාට ආහාර පිළිගන්වන සේවක මහතා දන්නවා ඔයා කෑම අරගෙන ඉවර බව.

මෙන්න මේ පුංචි කරණා ටික හොඳින් මතකයේ තියා ගත්තොත් ඕනෑම තැනක තියෙන ඕනෑම වර්ගයේ භෝජන සංග්‍රහයකට යන්න ඔයාට චකිතයක් තියාගන්න අවශ්‍ය නැහැ. බොහෝ දෙනෙකුට මේ සරළ කාරණා ගැන නිසි දැනුමක් නැහැ. නමුත් ඒ දේවල් දැනගෙන සිටීම ඉතාම වැදගත්. විශේෂයෙන් තරු පන්තියේ හෝටලයක මංගල උත්සවයක් හෝ කුමන ආකාරයේ උත්සවයකට ගියත් චකිතයක් නැතුව යුරෝපීය ක්‍රමයට කෑම ගන්න ඔයාටත් පුළුවන් වේවි.

රොමෑන්ටික් විදිහට ඉතාලි කෑමක් රස විඳින්න 3Brothers Italian Bistro

By

Editorial

මේ අළුත් ඉතාලි restaurant එක දෙසැම්බර් මාසයේදී විවෘත කරපු ලස්සන වටපිටාවක් තියෙන, මේ වෙනකොට කා අතරත් ජනප්‍රිය වෙලා තියෙන තැනක්. ඇතුළත වගේම එළිමහනෙත් ආසන තියෙන මේ restaurant එක දවල්ට විතරක් නෙමෙයි රෑටත් ගැලපෙන තැනක්. දර වලින් පුළුස්සන උඳුනක් තියෙන මේ restaurant එකේ ගඩොල් වලින් සාදා ඇති බිත්තියටම, සවි කරලා තිබුණ vine බෝතල් තියෙන පොඩි bar එකකුත් තිබුණා. එළිමහන් ආසන තිබුණ තැන Fairy lights වලින් සරසා තිබීම නිසා අමුතු ලස්සනක් එක් කළා. vine වලට හෝ කෑම කන්න ඔයා හොයන්නෙත් හරිම සරල romantic තැනක් නම් මෙතන ඔයාට හරියනම තැන කියලා කියන්න පුළුවන්.

Appetizers

Aranchini (LKR 480)

මෘදු සහ ටිකක් පිම්බුණු ස්වභාවයක් තිබුණු ප්‍රමාණවත් කැබලි 4 ලැබෙන මේ starter එක නැවුම් තක්කාලි හා බැසිල් සෝස් සමග මිශ්‍ර රසක් එකතු කළා. කොහොම වුණත් මේ dish එකට තව කුකුළු මස්, බිම්මල් හා seasoning සමග චීස් ටිකක් එකතු කළානම් හොඳයි කියලා අපිට හිතුණා.නමුත් sause එක නිසා රසේ අඩුපාඩුව මකාගන්න පොඩි උදවුවක් වුණා.

Minestrone (LKR 420)

ඇත්තටම Minestrone ලංකාවේ හරිම කලාතුරකින් හමුවෙන කෑමක් නිසා අපිට මේක රස බලන්න ඕනේ වුණා. රසවත් තක්කාලි සුප් එකක් වන මේක සීතල දවසකට නම් ගොඩක් සුදුසුයි. බත්,කැරට්, ගම්මිරිස්, සැල්දිරි සහ බෝංචි වැනි එළවළු වර්ග සමඟ මිශ්‍ර කරලා තිබුණ මේ සුප් එක ගොඩක් සෞඛ්‍ය සම්පන්න වගේම අපේ බඩ පිරෙන්න ඇතිවෙන්නම තිබුණා. හරිම නැවුම් රසයක් තිබුණ මේ සුප් එකේ තක්කාලි රසය ගොඩක් දැනුණා.

Mains

Homemade Roasted Pumpkin Ravioli with Gorgonzola Sauce (LKR 1300)

කැබලි 5 ක් වැනි ප්‍රමාණයෙන් පොඩි portion එකක් වුණත් හරිම මෘදු pasta සීනී දමා නැති pumpkin pie එකක රස මතක් කරලා දුන්නා. Gorgonzola Sauce පොඩි ප්‍රමාණයක් ලැබුණත් ඒක මේ රසවත් පිරවුමට හරිම අමුතු රසයක් එකතු කළා. ඒ වගේම හරිම රසයන් කිහිපයක එකතුවක් වුණ මේ Ravioli dish එකනම් කන්න කන්න ආස හිතුන බව කියන්නම ඕනේ. ඒ වුණාට බඩගිනි වේලාවකදී නම් මේ dish එක ඔයාට ගැලපෙන්නේ නැහැ.

Pizza

අපි pizza ඇණවුම් කළාම thin crust සහ ඉතාලි crust එකක් වන Neapolitan crust යන crust වර්ග දෙකක් අතරින් අපිට ඕනේ crust එක තෝරාගන්න අපිට අවස්ථාවක් ලැබුණා. ඉතින් අපි මේ crust දෙකම රස බලන්න ඕනේ කියලා තීරණය කළා.

NEOPOLITAN STYLE CRUST

Neapolitan (LKR 1150)/Margherita (LKR 1450)

ඉතාලියේ Naples වල සම්භවයක් තියෙන මේ pizza එකේ තිබුණේ මෘදු, පිළිස්සුණු crust එකක්. තිබුණ රසවත් පෙනුම නිසාම අපි half and half විදිහට මේ pizza එක Margherita සහ Neapolitan යන වර්ග දෙකෙන්ම ඇණවුම් කරන්න අපි තීරණය කළා. Neapolitan pizza එකට සිහින්ව කැපූ ළුෑනූ ,anchovy,juicy capers,නැවුම් oregano කැබලි එකතු කලේ හරි අපුරු රසයක්. තද රසයක් තිබුණ මේ pizza එකට ඇදෙන සුළු mozzarella cheese හොඳට ගැලපුනා. නැවුම් තක්කාලි,mozzarella සහ basil එකතු කරලා තිබුණ Margherita pizza එක නම් හරිම සරල pizza එකක්. නැවුම් මොසැරැල්ලා සෑහෙන ප්‍රමාණයට දමා තිබු නිසාම හොඳ ඇදෙන සුළු ස්වභාවයක් තිබුණා වාගේම බැසිල් සහ තක්කාලි මේ පීසා එකට නැවුම් බවක් සහ හොඳ එළියක් ලබාදීලා සෞඛ්‍ය සම්පන්න සහ සැහැල්ලු බවක් ඇතිකළා. හොඳට හැපෙන සුළු ක්‍රස්ට් එකකින් සහ ඇදෙන සුළු, මෘදුව තිබුණු මේ pizza එකනම් ඇත්තටම හරිම රසවත්.

THIN CRUST

Homemade Pork Sausage, Roasted Peppers, Mozzarella, Grana Padano (LKR1790)/Spicy Italian Chorizo (LKR 1890)

තරමක් හැපෙන සුළු ස්වභාවයේ crust එකක් වුණත් වැඩිය ලොකු crust එකක් තිබුනේ නැති මේ pizza එකෙත් හොඳ රසයක් තිබුණා. මේ ක්‍රස්ට් එක toppings වල බර හොඳින් රදවාගෙන වගේම cheese සහ sauce වලින් හොඳින් වසා තිබුණා. ඉතින් අපිට හිතුනා pork sausage සහ chorizo යන වර්ග දෙකෙන්ම Half and Half විදිහට මේ පීසා එකත් තෝරාගන්න. එයාලම හදාගෙන තිබුණ Pork Sausage සෑම කටකටම සෑහෙන ප්‍රමාණයක් තිබුණා වගේම හොඳ පදමට තිබුණා. grana padano මේ පීසා එකට දුන්නු තියුණු රසය වගේම බැදපු ගම්මිරිස් මෘදු සහ පැණි රසක් සමග හරි අපූරු රසයක් මේ පීසා එකට එකතු කළා. සැර ඉතාලියානු chorizo ලුණු රසයක් සහ පැණි රසක් එකතු කළා වගේම හොඳ තත්වයේ මස් කැබලි සෑහෙන ප්‍රමාණයක් මේ පීසා එකට එකතු කරලා තිබුණා. හොඳින් ඇතිරූ චීස් තට්ටුවකින් යුතු වු මේ chorizo අපේ දිව පිනා යන රසයකින් යුතු වුණා. ඔයා මස් සහිත pizza වලට කැමති කෙනෙක් නම් මේක හොඳ තේරීමක් වෙන්න පුළුවන්. එහෙම නැතිනම් ඔයාට අපි තෝරාගත් විදිහට ජාති දෙකකින් වුණත් තෝරාගන්න පුළුවන්.

Dessert

Tiramisu (LKR 660)

Tiramisu කියන්නේ ඉතාලි භාෂාවෙන් pick me up – මාව ගන්න කියන තේරුමට. පළවෙනි කටේදීම custardy mascarpone cream සහ espresso එක නැවුම් බවක් තිබුණා. මේක ගැන අපි කැමති හිතුන හේතුව වුණේ මේකේ තිබුණ creamy ගතිය සහ ඕනෑවට වැඩිය පැණි රසක් නොතිබුණු නිසයි. තිත්ත espresso රසයත් මේකට හොඳට ගැලපුණ බව නම් අපිට හොඳට තේරුණා.

Ambience

හොඳට ඉඩකඩ තියෙන සරල, නිදහස් තැනක්. උණුසුම් ආලෝකකරණය, සරල සුදු ලිනන් මේස රෙදි, නිරාවරණය වූ ගඩොල් බිත්ති සහ ලී ගෘහ භාණ්ඩ, මේ ස්ථානයට අලංකාරයක් වගේම හරිම ආකර්ශනීය බවක් එකතු කළා. අවන්හලේ කෙළවරේ එයාලගේ විශාල දැව ගිනි පීසා උදුනක් තිබෙන නිසාම ඔයාට ඔයාගේ පීසා එක ඔයාගේ ඇස් ඉදිරියේම හදන විදිහත් බලාගන්න පුළුවන්. ඒ වගේම මේ bistro එකේ එයාලගේ මස් සහ චීස් වර්ග පෙනෙන්නම වීදුරු ආවරණ වල දාලා තිබුණා. ඒ වගේම රාක්ක වල රටින් ගෙන්වන ලද ඉතාලි වියළි පැස්ටා, ඇට වර්ග, තෙල් සහ සෝස් වගේ දේවල් සාධාරණ මිලකට විකුණන්න තිබුණා.

Service

මේකේ සේවාව ඉතාමත් මිත්‍රශීලීයි. ඒ වගේම කාර්ය මණ්ඩලය ඔවුන්ගේ menu එක ගැන හොඳින් දැන සිටිය බවත් අපිට තේරුණා. ඒ වගේම ඔවුන් ඉතා ඉවසිලිවන්තව හා විශ්වාසයෙන් යුතුව තමන්ගේ රාජකාරිය ඉටු කළා. අපි ගිය වේලාවේදී එයාල ගොඩක් කාර්යබහුල වෙලා සිටියත් විනාඩි 20ක පමණ වෙලාවකින් පස්සේ ලස්සනට සරසපු සහ උණුසුම්ව අපේ කෑම වේල ලබාගන්න පුළුවන් වුණා.

Tip – ඔයා තෝරාගන්නේ මොන flavor එකක් වුණත් pizza මෙහි හොඳම තෝරාගැනීම කියන්න පුළුවන්. අපේ නම් හිතට ගොඩක්ම ඇල්ලුවේ Spicy Italian Chorizo

ශ්‍රී ලංකාවේ ළමා ගණිකා ජාවාරම ගැන ඔබ දන්නවාද?

By

Editorial

ලෝකය පුරා හැම වසරකම දරුවන් විශාල සංඛ්‍යාවක් මිනිස් ජාවාරම්කරුවන්ගේ ගොදුරු බවට පත්වෙනවා. දරුවන්ව බලහත්කාරයෙන් ගණිකා වෘත්තියේ යොදවනවා. ළමුන් ජාවාරම් කිරීම සහ ගණිකා වෘත්තියේ යෙදවීම ශ්‍රී ලංකාවේ නීතියෙන් තහනම් කර තිබුණත් අපේ රට කෞමාර කාමාතුරයන්ගේ (බාලවයස්කාර දරුවන් ලිංගික අපයොජනයට ලක් කරන්නන් හෙවත් pedophiles) ‘පාරාදීසයක්’ ලෙස මිනිස් ජාවාරම්කරුවන් අතර ප්‍රසිද්ධියක් උසුලනවා.

ළමා අයිතිවාසිකම් පිළිබඳ ප්‍රඥප්තියේ (CRC) ළමයින් මුදලට විකිණීම, ළමා ගණිකා වෘත්තිය සහ ළමයින් පිළිබඳ අසභ්‍ය අශීලාචාර ප්‍රකාශන සඳහා වන විකල්ප සම්මුතියේ (Optional Protocol) දෙවන වගන්තියට අනුව ළමා ගණිකා වෘත්තිය යනු ලිංගික සන්තර්පණයන් සඳහා මුදල් හෝ වෙනත් ආකාරයක

ගෙවීමක් වෙනුවෙන් ළමයෙකු යොදවා ගැනීම යි. මෙම අර්ථ දැක්වීමට අනුව මුදල් සම්බන්ධ හෝ මුදල් සම්බන්ධ නොවන ප්‍රතිලාභ ලබා ගැනීම (තෑගී, ආහාර, ඇඳුම්…) සඳහා ළමයෙකු ලිංගික සේවනයේ යෙදවීම ළමා ගණිකා වෘත්තිය ලෙස හඳුන්වනවා.

ළමා කාමුක දර්ශන පිළිබඳ වීඩියෝ පිටපත් මිලියන 250 කට වැඩි ප්‍රමාණයක් ලොව පුරා සංසරණය වන බව අධ්‍යනයකින් ගණන් බලා තිබෙන අතර ඒවායින් වැඩි ප්‍රමාණයක් රූගත කර ඇත්තේ පිලිපීනය, තායිලන්තය සහ ශ්‍රී ලංකාව යන රටවල බව අනාවරණය වෙලා තියෙනවා.

1992 වර්ෂයේ දී, ස්වීඩනයේ ස්ටොක්හෝම් නගරයේ නිවසක දී සිදු කළ වැටලීමකින්, කාමාතුරයන් පිරිසක් කුඩා දරුවන්ගේ ලිංගික අවයව විස්තර කරන ලිපි තොගයක් අත්අඩංගුවට ගැනුණා. එහිදී ළමුන් යොදවා රූගත කළ පැය 300ක කාමුක වීඩියෝ දර්ශන ද සොයා ගත්තා. බොහොමයක් රූගත කර තිබුනේ ලංකාවේදීයි. “Boy Love in Negombo and Hikkaduwa – the Child Sex Paradise” විදියට තමයි ඒවා නම් කරලා තිබ්බේ.

ශ්‍රී ලංකාවේ බාලවයස්කාර දරුවන් ගණිකා වෘත්තීයට යොදවා ගැනීම වැඩිපුරම සිදුවන්නේ කෞමාර කාමය මූලික අරමුණ කරගෙන දිවයිනට පැමිණෙන විදේශීය සංචාරකයන් නිසයි. මෙවැනි කාමාතුරයන් බොහෝ අවස්ථාවල තෝරාගන්නේ මේ සම්බන්ධයෙන් හරිහමන් නීති පනවා නැති රටවල්. එසේ සංචාරය කරන රටවල් වලින් අතරමැදියෙකු සොයාගෙන ඒ හරහා ඔවුන් තම අස්වාභාවික ලිංගික ආශාවන් ඉටුකර ගන්නවා. කොහොම වුණත් දේශීය සංචාරකයන් නිසා කුඩා දරුවන් ගණිකා වෘත්තියේ ගොදුරු බවට පත්වන අවස්ථා බහුල වෙලා තියෙනවා. සමහර ඇස්තමේන්තු වලට අනුව ශ්‍රී ලංකාවේ ළමා ලිංගික ශ්‍රමිකයන් 40,000 ක් සිටින අතර ඔවුන්ගෙන් 5,000 – 30,000 ක් පමණ සංඛ්‍යාවක් කෞමාර කාමය සොයා පැමිණෙන විදේශීය සංචාරකයන් මගින් අපයෝජනයට ලක්වී තිබෙනවා.

දුප්පත්කම, නිසි අධ්‍යාපනයක් නොලැබීම, දෙමව්පියන් විසින් නොසලකා හරිනු ලැබීම, විසිරුණු පවුලක ජීවත් වීම සහ නිවසේදී කායික, මානසික, ලිංගික අපයෝජනයන්ට ලක්වීම යන කරුණු බාලවයස්කාර දරුවන් ගණිකා වෘත්තිය වෙත ඇද දමන හේතු සාධකවී තිබෙනවා. මෙම වෙළඳාමේ ලාභදායී ස්වභාවය නිසා බොහෝ දරුවන්, දෙමව්පියන්ගේ අනුමැතිය හෝ බලපෑම ඇතිව, ගණිකා වෘත්තියේ යෙදෙනවා. ශ්‍රී ලංකාව තුළ පිරිමි සහ ගැහැණු දරුවන් යන දෙකොටසම ගණිකා වෘත්තියේ ගොදුරු බවට පත්වෙලා තිබෙනවා. කොහොම වුණත්, සංචාරකයන් වෙනුවෙන් ගණිකා වෘත්තියේ යොදවනු ලබන බාලවයස්කාර දරුවන්ගෙන් බහුතරයක් සංවිධානාත්මක කල්ලි වලින් මේ සඳහා යොමු කරන ලද පිරිමි දරුවන් වෙනවා. ‘Beach boys’ යනුවෙන් හැඳින්වෙන මේ දරුවන් කාමාතුරයන්ගේ පහසු ගොදුරක් බවට පත්වෙන්නේ ඔවුන් ස්වභාවයෙන්ම මිත්‍රශීලී නිසා මෙන්ම, දරිද්‍රතාවයෙන් පිඩාවට පත්වී මුදල් අවශ්‍යතාවයන් වලින් පෙළෙන නිසයි.

සංචාරකයන්ගේ ලිංගික ආශෘවන් සඳහා ළමුන් ගණිකා වෘත්තියේ යෙදවීම අප රටේ සදාචාරාත්මක අඛණ්ඩතාව බිඳ වැටීමට හේතුවක් වෙලා තියෙනවා. මෙහි ගොදුරු බවට පත්වන අහිංසක දරුවන්ගේ කඳුළු කතාව ලෝකයාට දැනගන්නට ලැබෙන්නේ ඉතාම කලාතුරකින්. මේ දරුවන්ට විඳින්නට සිදුවන අමිහිරි අත්දැකීම් නිසා ඇතිවන චිත්තවේගී, මානසික සහ ශාරීරික බලපෑම ඔවුන් තනිවම විඳ දරා ගත යුතුයි. ලිංගාශ්‍රිත රෝග වලටද ඔවුන් ගොදුරු වන අතර සමාජය තුල කොන්කිරීමකට ද ලක්වෙනවා. නිසි අධ්‍යාපනයක් ලබා ගැනීමට අවස්ථා නොමැති ප්‍රදේශ වල ජීවත් වන මිනිසුන්ට, ලිංගික සූරාකෑමට ලක්වන දරුවන්ට විඳින්නට වන දිගු කාලීන මානසික පීඩාව සහ සෞඛ්‍යමය අවදානම පිළිබඳව හරිහැටි දැනුමක් නැහැ.

කනගාටුදායක කරුණ නම් බොහෝ දරුවන් ගණිකා වෘත්තියට ඇද දමන්නේ ඔවුන්ගේ පවුලේ සාමාජිකයෙක් හෝ ඔවුන් හොඳින් දැන හඳුනන, විශ්වාස කරන කෙනෙකු විසින් වීමයි. ලංකාවේ සංචාරක කර්මාන්තය ආශ්‍රිතව සිදුවන ළමා ගණිකා වෘත්තීය සහ ලිංගික සූරාකෑම පිළිබඳ ව පූර්ණ ලේඛනගත කිරීමක් සිදුකිරීම දුෂ්කර කාර්යයක් වන්නේ එහි අතිශය රහසිගත භාවය නිසයි. දරුවන් ලිංගික ගොදුරු බවට පත්වීමේ අවදානම නැති කර ගන්නේ කොහොමද යන්න සහ දැනටමත් ලිංගික සූරාකෑමට ලක්වුණු ළමුන්ට උපකාර කළ හැකි ආකාරය පිළිබඳව දරුවන් තුළ ඇති අවබෝධය පිළිබඳව මැන බැලීම සඳහා අවුරුදු 13-17 අතර වයසේ පසුවන පාසල් ළමුන් 145 දෙනෙකු යොදගෙන නියමු අධ්‍යනයක් සිදු කර තිබෙනවා .ළමුන් ලිංගික සූරාකෑමට ලක්වීමට වැඩි අවධානමක් ඇති වෙරළබඩ පාසල් 4ක ළමුන් මේ සඳහා තෝරා ගෙන තිබුණා. මේ පාසල් දරුවන් අතරින් 10%ක් කියා සිටියේ ඔවුන් ලිංගික ක්‍රියාකාරකම් වල යෙදී ඇති බවයි. ඊට අමතරව 8%ක ළමුන් සංඛ්‍යාවක් සමවයසේ පසුවන වෙනත් ළමුන් සමග ද, තවත් 5%ක් වැඩිහිටියන් සමග ද, 6%ක් මුදල් සඳහා වැඩිහිටියන් සමග ද ලිංගික ක්‍රියාකාරකම් වල යෙදී ඇති බව අනාවරණය වුණා. (8% ළමයින් පිරිසක් මෙම ප්‍රශ්නයට පිළිතුරු දීමෙන් වැළකී සිටියා)

මේ සම්බන්ධයෙන් ගෙන ඇති පියවර මොනවාද?

ඕනෑම රාජ්‍ය නිලධාරියෙකු පවසන ආකාරයට ශ්‍රී ලංකාවේ කාන්තාවන් සහ දරුවන්ගේ ආරක්ෂාව වෙනුවෙන් පරිපූර්ණ යාන්ත්‍රණයක් ක්‍රියාත්මක කර තිබෙනවා. ජාති ක ළමා ආරක්ෂණ අධිකාරිය (NCPA), ළමා ආරක්ෂාව පිළිබඳ ජනාධිපති කාර්ය සාධක බලකාය සහ කාන්තා හා ළමා කාර්යාංශය මෙයට ඇතුළත්. මේ සෑම ආයතනයක්ම පිහිටුවා ඇත්තේ ළමුන්ට හිතකාමී සහ සුරක්ෂිත පරිසරයක් ගොඩනැගීම හා පවත්වාගෙන යාම සහ ස්ත්‍රීභාවය නිසා කාන්තාවන්ට විඳින්නට වන පීඩාවන් මඟහරවා ගැනීම සඳහා වැඩසටහන් ක්‍රියාත්මක කිරීම සහ වෙනත් අරමුණු මතයි.

මීට අමතරව ශ්‍රී ලංකාවේ ළමා අපයෝජන හා ළමුන් නොසලකා හැරීම කළමනාකරණය සඳහා වූ ජාතික මාර්ගෝපදේශයක් ද ස්ථාපිත කර තිබෙනවා. මෙය විවිධ අපයෝජනයන්ට ගොදුරු වූ සහ නීති පද්ධතියට ඇතුළු වන දරුවන් රැකබලා ගන්නේ කෙසේද යන්න පිළිබඳ මාර්ගෝපදේශයකි. මෙම ආයතන වෙනත් ඕනෑම රාජ්‍යය සංවිධානයක් තරම් ම කාර්යක්ෂම විය යුතුයි. මෙම මාතෘකාව පිළිබඳ ගවේෂණය කරන අතරතුර දී කාන්තා හා ළමා හිංසනයන් පිළිබඳව ක්ෂණිකව ක්‍රියාත්මක වීම සඳහා වන විශේෂ දුරකතන අංකය ඇමතු නමුත් එය පොලිස් ස්ථානයකට අයත් දුරකථන අංකයක් මිස කාන්තා හා ළමා හිංසනයන් පිළිබඳ ව දැනුම් දීමට වෙන් කර ඇති විශේෂ අංකයක් නොවන බව හඳුනාගන්න ලැබී තිබෙනවා.

අපේ දරුවන්ට ආරක්ෂාව තහවුරු කළ යුතුයි. එහෙත් මේ සම්බන්ධයෙන් පූර්ණ වශයෙන් සකස් කර නැති නීති සහ ප්‍රතිපත්ති රාමු මගින් ඔවුන් අපයෝජනයන්ට ලක් නොවන බවට පූර්ණ සහතිකයක් ලබා දෙන්නේ නැහැ.

තවත් ජීවිතයක් ජීවත් කරවන අවයව පරිත්‍යාගය

By

Editorial

කෙනෙක් ජීවත්ව ඉන්නකොට හෝ මරණයෙන් පසුව වුණත් තවත් කෙනෙක්ගේ ජීවිතයක් බේරාගන්න හිතලා තමන්ගේ අවයව පරිත්‍යාග කරන්න ගන්න තීරණය ලේසි පහසු තීරණයක් නම් නෙමෙයි. සංඛ්‍යාලේඛන දත්ත වලට අනුව නම් අවයව පරිත්‍යාග කරන්නෙක්ට පුළුවන් තමන්ගේ අවයව වලින් තව ජීවිත 9 ක් බේරාගන්න. පටක පරිත්‍යාග කරන කෙනෙක්ටනම් ඊටත් වඩා වැඩි ජීවිත ප්‍රමාණයක් බේරගන්න පුළුවන්. ඉතින් අපි අද ඔයාලට කියන්නේ ශ්‍රී ලංකාවේ අවයව පරිත්‍යාග කරන එක ගැන නිවරැදි මාර්ගෝපදේශයක්.

මොකද්ද මේ අවයව පරිත්‍යාගයක් කියන්නේ ?

අවයව පරිත්‍යාගයක් කියන්නේ කිසිම මුදලක් අය කරන්නේ නැතුව තමන්ගේ අවයවයක් හෝ අවයව කොටස් කිහිපයක් තවත් කෙනෙකුගේ ශරීරයට බද්ධ කරන්න ලබාදෙන හරිම පරාර්ථකාමී ක්‍රියාවක්. අතීතයේදී නම් නීතිමය, සමාජීය, සංස්කෘතික හා ආචාරධාර්මික විදිහටත් මේ ගැන බැලුවට වර්තමානයේ නම් පණ ගැටගහගන්න උත්සහ කරන මිලියන ගණනක මිනිස්සුන්ගේ ජීවිත බේරගන්න මෙය අත්‍යවශ්‍ය ක්‍රියාවක් වෙලා තියෙනවා.කොහොමවුණත් මේ පිළිබඳ හුඟක් ගැටළු තියෙන නිසා ගොඩක් රටවල් වල මේ ක්‍රියාව සම්මතිකව, සදාචාරාත්මකව සහ වඩාත් ඵලදායීව පවත්වාගෙන යාමට නීතිමය විධි විධාන ක්‍රියාත්මක කරලා තියෙනවා.

සාමාන්‍යයෙන්, මේ අවයව පරිත්‍යාග කිරීමේ ක්‍රියාවලියේදී හදවත, බඩවැල්, වකුගඩු, අක්මාව, පෙනහළු සහ අග්න්‍යාශය (උදා.the islets of Langerhans) පරිත්‍යාග කිරීම සහ බද්ධ කිරීම සිද්ධ කරනවා. ඒ විතරක්ම නෙමෙයි ජීවත් වෙලා ඉන්න පරිත්‍යාගශීලීන්ට පුළුවන් අග්න්‍යාශය, පෙනහළු, අක්මාව, බඩවැල් හෝ වකුගඩු වලින් කොටසක් වුණත් පරිත්‍යාග කරන්න.

ලෝක සෞඛ්‍ය සංවිධානය (WHO) පවසන්නේ, ලෝකය පුරාම බද්ධ කරපු අවයව වලින් බහුතරයක්ම ජීවත්ව සිටින පරිත්‍යාගශීලීන්ගේ අවයව බවටයි.

සාමාන්‍යයෙන්, රෝග තත්ත්වයන් නැති ඕනෑම වයසක පුද්ගලයෙක්ට තමන්ගේ අවයව පරිත්‍යාග කරන්න සුදුසුකම් තියෙනවා. ඒ කියන්නේ පිළිකා,එච්.අයි.වී අසාධන,අවයව වලට සම්බන්ධ ආසාදන,රක්තහීනතාවය වාගේ රෝග අසාදනය වෙලා නැත්තම් මේ අවයව පරිත්‍යාගය සිදු කරන්න පුළුවන්.

ලංකාවේ තත්ත්වය

සංවර්ධනය වෙමින් පවතින අනිත් රටවල් වල වගේම ශ්‍රී ලංකාවේ ගොඩක් අවයව පරිත්‍යාගයන් සිදු කරන්නේ ජීවත්ව සිටින පරිත්‍යාගශිලීන් විසින්. 2017 අවුරුද්දේදී ශ්‍රී ලංකාවේ වකුගඩු බද්ධ කිරීම් 400 ක් සිදු කරලා තියෙනවා වගේම බද්ධ කිරීමක් බලාපොරොත්තුවෙන් සිටියදී වකුගඩු අකර්මණ්‍ය වෙලා රෝගීන් 2000 කට වැඩි ගණනක් මියගිහින් තියෙනවා. 2018 අවුරුද්දේ ගණනය කිරීම් වලට අනුව නම් ශ්‍රී ලංකාවේ මුළු ජනගහනයකට ඉන්ද්‍රියයන් බද්ධ කිරීමේ ආසන්න අනුපාතය 1: 52, 477 ක් පමණ වෙනවා. ඒ වාගේ ශ්‍රී ලංකාවේ වැඩි ජීවිත ප්‍රමාණයක් බේරා ගැනීමට නම් වැඩි අවයව ප්‍රමාණයක් පරිත්‍යාග කිරීමේ දැඩි අවශ්‍යතාවය මේ වාගේ සංඛ්‍යාලේඛන වලින් නිරූපණය කිරීම නම් හරිම වැදගත් කාරණයක්. ඉතින් අවයව සැපයුම සහ ඉල්ලුම අතර තියෙන මේ පරතරය නිසාම බද්ධ කිරීම් වලට දීර්ඝ කාලයක් බලා සිටින්න සිදු වෙන ලැයිස්තුවකුත් ලැබිලා තියෙනවා. ශ්‍රී ලංකාවේ ඉන්ද්‍රියයන් බද්ධ කරන එක කාර්යක්ෂමව හසුරවන්න හරිහමන් සම්බන්ධීකරණ මණ්ඩලයක් නැතිකම අවයව වලට තියෙන ඉල්ලුම සපුරන්න සහ රටේ ජාතික බද්ධ කිරීමේ වැඩසටහනක් ක්‍රියාත්මක කරන්න තියෙන ලොකු බාධාවක් වෙලා තියෙනවා. මේ වෙනකොට ජාතික රෝහල් වල වකුගඩු බද්ධ කිරීමේ මධ්‍යස්ථාන අටක් සවි කරලා තියෙනවා වගේම හැම අවුරුද්දකම බද්ධ කිරීම් 400 කට ආසන්න ප්‍රමාණයක් සිද්ධ කරනවා. අක්මාව බද්ධ කිරීම් වලට වැඩසටහන් දෙකක් නම් මේ වෙද්දී කොළඹ ජාතික රෝහලේ සහ කොළඹ උතුරු ශික්ෂණ රෝහලේ සිද්ධ කරමින් පවතිනවා. පරිත්‍යාග කිරීම් වලින් වැඩි ප්‍රමාණයක් ජීවත්වෙලා ඉන්න පරිත්‍යාගශිලීන් සිද්ධ කරනවා වගේම මරණයෙන් පස්සේ ගන්න අවයව වලින් 95% ක් විතර මොළය මියගිය පරිත්‍යාගශිලීන්ගේ.

ශ්‍රී ලංකාවේ මේ සදහා කළ යුතු දේවල්

1987 මානව පටක බද්ධ කිරීමේ පනතේ විදිහට නම් වයස අවුරුදු විසි එකකට වැඩි ඕනෑම පුද්ගලයෙකුට මේ පරිත්‍යාගය එයාලගේ මරණයෙන් පස්සේ සිද්ධ කරන්න කියලා ලිඛිතව කැමැත්ත පළ කරන්න පුළුවන්. මේකට එයාලගේ ශරීරය හෝ ශරීරයේ යම් කොටසක් හෝ පටක හෝ ඇතුළත් වෙන්න පුළුවන්. හැබැයි අනිවාර්යයෙන්ම දැනගන්න ඕන දෙයක් තමයි එහෙම කැමැත්ත ලබාදුන්නායින් පස්සේ එක අවලංගු කරගන්න නම් බැහැ. මියගිය පුද්ගලයා අවයව පරිත්‍යාග කරන්න කලින් අවසර ලබා දීලා නැත්නම්, වයස අවුරුදු 21කට වඩා වැඩි ඥාතියෙකුට ඔහු/ඇය පරිත්‍යාගයට විරුද්ධ නැති බව කොන්දේසි වලට අනුව කියලා නීත්‍යානුකුලව කැමැත්ත ලබා දෙන්න පුළුවන්. මිනීමැරුමකදී මියගිය පුද්ගලයන්ගේ හුගක් අවස්ථාවලදී තුවාල වෙන ප්‍රදේශ වන හිසට සහ පපුවට බලපෑම් සිද්ධ වෙලා තිබුණත් ඔහුගේ අක්මාව, වකුගඩු, බඩවැල් සහ අග්න්‍යාශය පරිත්‍යාග කරන්න හැකියාවක් තියෙනවා. ඒ වගේම මරණය අස්වාභාවික මරණයක් නම් ඒ කියන්නේ තුවාල සිදුවෙලා හෝ විෂ ශරීරගත වෙලා මරණය සිදු වෙලා තියෙනවනම් ශ්‍රී ලංකාවේ අපරාධ නීති සංග්‍රහයට අනුව මරණ පරීක්ෂණයකින් පස්සේ සිරුර නිදහස් කිරීම සිදු කරනවා. මියගිය තැනැත්තා කැමැත්ත ලබා දීලා තියෙනවා නම් හෝ ඥාතියෙකු අවසර ලබාදීලා තියෙනවනම් පශ්චාත් මරණ පරීක්ෂණය අවසන් වුණාම වගකිවයුතු වෛද්‍යවරයා අවයව පරිත්‍යාග කිරීමේ හැකියාව පරීක්ෂා කරලා බලනවා. මේකේ තියෙන ප්‍රධාන අහියෝගය තමයි පරිත්‍යාගශීලීන්ගෙන් අවයව ලබා ගැනීමේ ක්‍රියාවලිය ඉක්මණින් සිදු කරන්න පරිත්‍යාගශීලීන් ගැන පිළිගත් දත්ත ගබඩාවක් හෝ ආධාර කාඩ්පත් පද්ධතියක් නොමැති වීම. මේක ලංකාවේ සෞඛ්‍ය හා දේශීය වෛද්‍ය සේවා අමාත්‍යාංශයේ බරපතල අවධානයට ලක්විය යුතු කාරණාවක් කියන්න පුළුවන්. ඒ වගේම ජනමාධ්‍යවලටත් අවයව පරිත්‍යාග කිරීමේ වැදගත්කම ගැන මහජනතාව දැනුවත් කිරීමේ ලොකු කාර්යභාරයක් තියෙනවා.

අවයව සහ පටක පරිත්‍යාගය

මරණයෙන් පස්සේ ඇස් සහ පටක පරිත්‍යාග කිරීම ශ්‍රී ලංකාවේ අක්ෂි පරිත්‍යාග කිරීමේ සංගමය විසින් සිදු කරනවා. ඒ වගේම ශ්‍රී ලංකා අක්ෂි පරිත්‍යාග සංගමයෙන් සපයා තියෙන මාර්ගෝපදේශය අනුවනම් මේ ඇස් සහ පටක පිළිවෙලින් පැය 4 ක් සහ පැය 12 ක් ඇතුළත පරිත්‍යාග කරන්නත් ඕනේ.

1. ඇස් දන් දීම සිදු කිරීමට වයස් මට්ටමක් නැති අතර පටක දන් දීමට නම් වයස 70 වඩා අඩු විය යුතුයි.

2.ශරීරයේ තුවාල තියෙන අය හෝ බෝවන රෝගයක් හේතුවෙන් මියගිය අයට ඇස් හෝ පටක පරිත්‍යාග කරන්න හැකියාවක් නැහැ.

3.පශ්චාත් මරණ පරීක්ෂණයක් පැවැත්වුවහොත් මරණ පරීක්ෂකගේ අවසරය සහ මරණ සහතිකයක් නිකුත් කළ යුතුයි.

4.මරණය සිදු වූ දිනය සඳහන් කල යුතුයි.

5. ඇස් සහ පටක පරිත්‍යාග කරන්න පුළුවන් මියගිය තැනැත්තාගේ පූර්ව අනුමැතියෙන් හෝ පරිත්‍යාගශීලියාගේ මරණයෙන් පස්සේ ඥාතියෙක්ගේ අනුමැතියකින් පමණයි.

6.ඉන්ද්‍රීය ලබාගැනීමේ ප්‍රමුඛතාවය ලැබෙන්නේ ශ්‍රී ලාංකාවේ රෝගීන්ටයි.

ශ්‍රී ලංකා අක්ෂිදාන සමිතිය ඒ වගේ පරිත්‍යාග පිළිගන්න පැය 24 පුරාම කටයුතු කරනවා වගේම පුහුණුවලත් කාර්මික ශිල්පීන් පණිවිඩය ලැබුණු පසු එම ස්ථානවලට පැමිණ අවශ්‍ය කටයුතු සිදු කරනවා.

අක්ෂි හා පටක පරිත්‍යාග කරන්නන්ට htb.mobitel.lk හි ලියාපදිංචි වෙන්න පුළුවන්. ඒ වගේම වැඩි විස්තර www.eyedonation.lk ඔවුන්ගේ වෙබ් අඩවියෙන් ලබාගන්න පුළුවන්. ඔයා වකුගඩු පරිත්‍යාග කිරීමට කැමති නම් වැඩි විස්තර මෙතැනින් ලබා ගන්න www.ktsf.lk.

බිඳ දැමිය යුතු මිත්‍යාවන්

අවයව පරිත්‍යාග කිරීම සදහා හොඳ සෞඛ්‍යය තත්වයකින් ඉන්න ඕන කියන කාරණය වැරදියි.

පොදු වැරදි වැටහීමක් තමයි අවයවයක් පරිත්‍යාග කරන්න පරිත්‍යාගශීලීන් සම්පුර්ණ හොඳ සෞඛ්‍යයකින් ඉන්න ඕනේ බව. පරිත්‍යාගශීලියෙකු විදිහට සුදුසුකම් ලබන්න නම් ඔයා පරිත්‍යාග කරන අවයවය සෞඛ්‍ය සම්පන්නව තියෙන තාක් කල් අනෙක් රෝගී තත්ත්ව එච්චර ප්‍රශ්නයක් නොවන බව මතක තබා ගන්න.

අවයව පරිත්‍යාග කිරීම ඉතා මිළ අධිකයි යනුවෙන් සිතීමත් වැරදියි.
ශ්‍රී ලංකාවේ අවයව පරිත්‍යාග කරන්න පුළුවන් වෙන්නේ ස්වේච්ඡා පදනම මත පමණයි. ශ්‍රී ලංකාවේ නීතියට අනුව අවයව විකිණීම හෝ මිලදී ගැනීම සිදු කරන්නත් බැහැ.

ජීවත්ව සිටියදී අවයව පරිත්‍යාග කිරීම ඔබව තෘප්තිමත් කරයි
සාර්ථක බද්ධ කිරීමකින් පස්සේ ගොඩක් ජීවත්ව සිටින පරිත්‍යාගශීලීන්ට තමන් ජීවිතයක් බේරා ගත්තා යැයි සිතා ඇත්තටම සතුටු වෙන්න පුළුවන්.

සියළුම ප්‍රධාන ආගම් අවයව පරිත්‍යාග කිරීම පිලිබඳ විරුද්ධත්වයක් නොදක්වයි
ක්‍රිස්තියානි ධර්මය, ඉස්ලාම්, බුද්ධාගම සහ හින්දු ආගම් වැනි බොහෝ ආගම් අවයව පරිත්‍යාග කිරීමට දිරිමත් කරන අතර එය පුද්ගලයාට තීරණය කිරීමට ඉඩ ලබාදීම සිදු කරනවා. ඔයා අවයව පරිත්‍යාග කිරීමට ආගමික පුජකවරයෙකුගෙන් උපදෙස් ලබාගැනීමට සිටිනවා නම් මේ කරුණ ඔයාට වැදගත් වේවි.

නිසි සම්බන්ධීකරණ ක්‍රියාවලියක් ක්‍රියාත්මක කරලා, අවයව පරිත්‍යාගයෙන් තව කෙනෙකුගේ ජීවිතයක් බේරා ගන්නා එකේ තියෙන වටිනාකම ගැන අපේ රටේ මිනිස්සුව තව තවත් දැනුවත් කලොත් නම් අවයව ඉල්ලුමට අනුව සපයාගන්න බැරිවෙන එකක් නැතිවෙයි.

තවත් අයෙක්ට ජීවය දෙන්න ඔයත් කැමතිනම් අදම අවයව පරිත්‍යාග කරන්නෙක් විදිහට ලියාපදිංචි වෙන්න.