බිස්කට් වලින් හදන අතුරුපස වර්ග 5ක් මෙන්න..

බිස්කට් කියනනේ අපි පොඩි කාලේ ඉදන් කන්න පුරුදු වුණ කෑමක්. ලොකු කුඩා කවුරුත් බිස්කට් පෙරේතයොනේ. තේ බොන වෙලාවට තේ එකේ පොගවගන බිස්කට් කන්න ගොඩක් දෙනෙක් කැමතියි. ඉතින් ඔන්න අද අපි අරන් ආවා හැමෝම කන්න කැමති බිස්කට් වලින් ගෙදරදීම හදාගන්න පුළුවන් recipes කිහිපයක්. අපිට මේ හදාගන්න recipes ඕන වෙලාවක කන්න පුළුවන් . ඒ වගේම අතුරුපසක් විදිහටත් ගන්න පුළුවන්. මේ දවස්වල ගෙදර ඉන්න එකේ වෙනසකටත් එක්ක හදලාම බලන්නකො මේ බිස්කට් recipes ටික..

1. Mixed fruit biscuit pudding

අවශ්‍ය ද්‍රව්‍ය
මාරි බිස්කට් 16
ක්‍රීම් චීස් තේ හැඳි 3
ෆ්‍රෙශ් ක්‍රීම් කප් 1
මික්ස්ඩ් ෆෘට් ජෑම්
සීනි තේ හැඳි 2
දොඩම්, කෙසෙල්, ඇපල්, මිදි වගේ කැමති පළතුරු කීපයක් (කපාගත්)
ස්ට්‍රෝබෙරි ජෙලි පැකට් 1

ජෙලි පැකට් එක වතුර කෝප්ප 1/2කට මිශ්‍ර කර, එයට කපාගත් පළතුරු එකතු කර, ලිපේ තියාගෙන විනාඩි දෙක තුනක් පිසගෙන ලිපෙන් ඉවත් කරන්න.
මාරි බිස්කට් වල ජෑම් තවරා බිස්කට් දෙක බැගින් එකිනෙක අලවගෙන එක් බිස්කට් ජෝඩුවක් හතරට කපාගන්න.
ෆ්‍රෙශ් ක්‍රීම් වලට සීනි සහ ක්‍රීම් චීස් එක් කර බීට් කරගන්න. පිලිගැන්වීමට සුදුසු වීදුරු බඳුනක බිස්කට් ලේයර් එකක් දමා එයට උඩින් පළතුරු සහ ෆ්‍රෙශ් ක්‍රීම් ලේයර් එකක් විදියට දමාගන්න. නැවත ඒ ආකාරයට ලේයර් කරගන්න.
ශීතකරණයේ පැය තුන හතරක් තබා පිළිගන්වන්න.

2.Biscuit and cream fudge

අවශ්‍ය ද්‍රව්‍ය
චොප් කරගත් චොකලට් බිස්කට් 75g
සීනි මෙශරින් කප් 1
කැබලි කපාගත් බටර් 125g
මිල්ක්මේඩ් පොඩි ටින් එකක්
චොප් කරගත් චොකලට් 200g
ග්ලූකෝස් සිරප් මේස හැඳි 2

මිල්ක්මේඩ්, සීනි, බටර් සහ ග්ලූකෝස් සිරප් එකට මිශ්‍ර කර, බුබුළු නගින තෙක් ඩබල් බොයිල් ක්‍රමයට රත් කරමින් මිශ්‍ර කරගන්න.
ලිපෙන් ඉවත් කර හොඳින් චොප් කරගත් චොකලට් සහ බිස්කට් එක් කර චොකලට් දිය වෙනතුරු මිශ්‍ර කරගන්න.
සෙන්ටිමීටර් 18ක් දිග සහ පළල හතරැස් ට්‍රේ එකකට ඔයිල් පේපර් අතුරා ගෙන එයට මිශ්‍රණය දමාගන්න. නිවෙනකම් තබා ශීතකරණයේ රැයක් තියා කෑලි කපාගන්න.

3. Biscuit chocolate logs

අවශ්‍ය ද්‍රව්‍ය
මාරි හෝ එවැනි ප්ලේන් බිස්කට් වර්ගයකින් 6ක්
බටර් මේස හැඳි 1
අයිසින් සීනි මේස හැඳි 2
වැනිලා තේ හැඳි 1/2
කොකෝවා පව්ඩර් තේ හැඳි 1/2
ක්ෂණික කෝපි තේ හැන්දයි
වතුර කප් 1/2
කුඩු කරගත් කජු ටිකක්

කෝපි වලට වතුර එක් කර විනාඩි කීපයක් තියෙන්න හැර දියකරගන්න. බටර් ටික ඩබල් බොයිල් ක්‍රමයට දියකරගෙන, එයට සීනි එක් කර, හැන්දකින් ගසා මිශ්‍ර කරගන්න.
බටර් සහ සීනි මිශ්‍රණයට කොකෝවා පව්ඩර් සහ වැනිලා එක් කර මිශ්‍ර කරගන්න.
බිස්කට් එකක් ගෙන සාදාගත් කෝපි මිශ්‍රණයේ ඔබා ඉක්මණින්ම ඉවතට ගෙන සාදාගත් චොකලට් මිශ්‍රණය එයට උඩින් තවරාගන්න. නැවත පෙර පරිදිම බිස්කට් එකක් කෝපි වල ඔබා අරගෙන කලින් චොකලට් තවරාගත් බිස්කට් එක මත තියාගන්න.
මේ ආකාරයට බිස්කට් සියල්ල එක උඩ එක වන ලෙස තබා වටේටම සාදාගත් චොකලට් මිශ්‍රණය තවරන්න. කජු ඉස, ශීතකරණයේ පැය කීපයක් තබා ගන්න. හතරට කපා පිලිගන්වන්න.

4.Biscuit cake

අවශ්‍ය ද්‍රව්‍ය
මාරි බිස්කට් 200g
සීනි 50g
බිත්තර 3
බටර් 100g
මිල්ක් චොකලට් 150g
බේකින් පව්ඩර් 16g

බිස්කට් ටික ග්‍රයින්ඩර් එකට දමා කුඩු කරගන්න. බටර් ටික ඩබල් බොයිල් ක්‍රමයට දිය කරගෙන වෙනම බෝල් එකකට දමාගන්න. ඒකටම සීනි එකතු කරගෙන හොඳින් සීනි දියකරගන්න.
දියකරගත් සීනි සහ බටර් මිශ්‍රණයට බිත්තර එකතු කරගෙන බීට් කරගන්න. ඒකට බිස්කට් කුඩු සහ බේකින් පව්ඩර් ටික එකතු කරන් මිශ්‍ර කරගන්න.
චොකලට් කුඩා කැබලි වලට කපා එයටම එකතු කරගන්න. බටර් තවරා තෙල් කඩදාසි දමාගත් ට්‍රේ එකකට මිශ්‍රණය දමාගෙන සෙල්සියස් 180ට ප්‍රී හීට් කරගත් අවන් එකක විනාඩි 30ක් බේක් කරගන්න. හොඳින් නිවුණු පසු උඩින් අයිසින් සීනි ඉස සරසා පිළිගන්වන්න.

5. Biscuit milkshake

අවශ්‍ය ද්‍රව්‍ය
චොකලට් අයිස්ක්‍රීම් ස්කූප් 2
කිරි කප් 1
චොකලට් බිස්කට් 4ක්
සැරසීමට චොකලට් සෝස්

කිරි සහ අයිස්ක්‍රීම් එකට බ්ලෙන්ඩ් කරගන්න. එයටම කැබලි කඩාගත් බිස්කට් එකතු කර හොඳින් බ්ලෙන්ඩ් කරගන්න. චොකලට් සෝස් වීදුරුවකට දමා, එය විනාඩි කීපයක් ශීතකරණයේ තබා, සාදාගත් මිල්ක්ශේක් එක දමා පිළිගන්වන්න.

COVID-19 ට එරෙහි ශ්‍රී ලංකාවේ සටනට සහයෝගය දක්වන්න ව්‍යාපාර…

editor

කොරෝනා වෛරසයෙන් රටම ගිලගත්ත මේ මොහොතේ රටේ තියෙන නොයෙකුත් ආයතන වගේම සමාගම් හා ව්‍යාපාර අත්‍යවශ්‍ය සේවාවන් අවශ්‍ය වන පුද්ගලයන්ට සහයෝගය දක්වන්න ගන්නා උත්සහය ඇත්තටම සතුටට කාරණයක්. COVID-19 ට එරෙහි ශ්‍රී ලංකාවේ සටනට සහය දැක්වීම සඳහා බොහෝ සංවිධාන විවිධ මුල පිරීම් සිදු කළා. ඉතින් ඒ වගේ ලොකු උත්සාහයන්හි කැපී පෙනෙන ව්‍යාපාර කිහිපයක් පිළිබඳව ඔබව දැනුවත් කරන්න ගැස්ම අපි තීරණය කළා..

1. Citrus Waskaduwa

Citrus Leisure PLC විසින් රජයට අවශ්‍ය නිරෝධායන පහසුකමක් ලෙස භාවිතා කරන්න වස්කඩුවේ පිහිටලා තියෙන කාමර 150 කින් යුත් beach resort එක ලබාදීලා තියෙනවා.සෞඛ්‍ය අමාත්‍යාංශයේ අවශ්‍යතාවයේ විදිහට හෝටලය නිරෝධායනට සුදුසු ස්ථානයක් බවට පත් කරන්න පුළුවන් වුණේ ශ්‍රී ලංකාවේ සංචාරක කර්මාන්තය කඩා වැටීම නිසා හෝටලය හිස්ව තිබීම හේතුවෙන්.ඒ වගේ ධෛර්ය සම්පන්න ක්‍රියාවක් පිටුපස තිබුණ එකම අභිප්‍රාය වුණේ රට වැඩිදියුණු කිරීමට, සංවර්ධනය කිරීමට උපකාර කිරීම. නිවාඩු නිකේතනය තිබුණු ජාත්‍යන්තර ප්‍රමිතීන් ඒ විදිහටම පවත්වාගෙන යන්න නිරෝධායන මධ්‍යස්ථානයක් ලෙස භාවිතා කිරීමෙන් පස්සේ නිවාඩු නිකේතනය දැඩි ලෙස විෂබීජහරණය කරන්න තීරණය කරලා තියෙනවා .

2. John Keels Holdings

කොරොන වයිරසයේ අහිතකර බලපෑම් වලට මුහුණ දීමේදී කොළඹ කොටස් වෙළඳපොලේ behemoth John Keells Holdings PLC විශාල සහයෝගයක් ලබා දීලා තියෙනවා. ජාතික බෝවන රෝග පිළිබඳ ආයතනයේ අණුක වෛරස් විද්‍යාගාරය සඳහා අරමුදල් වශයෙන් උපකරණ රැසක් ලබා දීලා තිබෙනවා. නිශ්චිත කාල සීමාවක් තුළ පරීක්ෂාවට ලක් කළ හැකි රෝගීන්ගේ ප්‍රමාණය වැඩි කිරීම සඳහා මෙම ක්‍රියාව South Asia Gateway Terminals Pvt Ltd සහ Deutsche Bank සමඟ එක්ව තමයි සිදු කරලා තියෙන්නේ.

John Keels විසින් මෑතකදී කරපු සමාජ සේවය සමාගමේ අනුබද්ධිත ආයතනයක් වන Keells Supermarket විසින් Elephant House ආයතනය සමග එක්ව සහයෝගයෙන් සිදු කළා. මෙම හදිසි අවස්ථාව තුළ මිනිසුන් පීඩාවට පත් නොවන බවට වග බලා ගැනීම සඳහා පසුගිය සතියේ මෙම ව්‍යාපාර විසින් ශ්‍රී ලංකාව පුරා තෝරාගත් ප්‍රදේශවලට අත්‍යවශ්‍ය ඇසුරුම් 10,000 කට අධික ප්‍රමාණයක් ලබා දීලා තියෙනවා.

3. Hotel Dolphin

සුඛෝපභෝගී හෝටල් අතර, Hotel Dolphin නිරෝධායන මධ්‍යස්ථානයක් ලෙස යුද හමුදාපති ලුතිනන් ජෙනරාල් ෂවේන්ද්‍ර සිල්වා මහතාට ලබා දීලා තියෙනවා.කාමර 154 කින් යුත් තරු හතරේ හෝටලය හෙදියන්ට සහ ආපසු යාමට නොහැකි වූ අනෙකුත් කාර්ය මණ්ඩලයට නවාතැන් පහසුකම් සපයන ස්ථානයක් ලෙස පිරිනමනලා තියෙනවා. Hemas Holdings PLC යටතේ තියෙන Serendib Hotels PLC හි Hotel Dolphin හි හිමිකරු විසින් මෙම යෝජනාව COVID-19 ව්‍යාප්ත වීම වැළැක්වීමේ ජාතික මෙහෙයුම් මධ්‍යස්ථානයට (NOCPCO) ඉදිරිපත් කර තිබෙනවා.ඉතින් එයාලා ඔවුන්ගෙන් තවම ප්‍රතිචාරයක් බලාපොරොත්තුවෙන් සිටීනවා.

4. PickMe Food

PickMe Food රජය විසින් පනවා ඇති ඇඳිරි නීතිය යටතේ භාණ්ඩ බෙදාහැරීම සඳහා ලංකා සතෝසා සමඟ හවුල්කාරිත්වයක් ඇති කර ගෙන තියෙනවා. බෙදාහැරීමේ සේවාව කොළඹ, කෝට්ටේ, මලඹේ, රත්මලාන, කැලණිය, කදාන, ගම්පහ, මීගමුව , මහනුවර, කටුගස්තොට, පේරාදෙණිය, කුරුණෑගල, කළුතර, ගාල්ල සහ මාතර යන ස්ථාන ආවරණය කරනවා

PickMe Food ද Litro Gas Lanka Ltd සමඟ අත්වැල් බැඳගෙන ඇඳිරි නීතිය අතරතුර ඔවුන්ගේ LP gas බෙදා හැරීම සඳහා කටයුතු කරනු ලබනවා. PickMe Food app එක download කරගෙන මෙම ව්‍යාපාර හරහා ඔයාගේ අණවුම ලබා ගන්න ඔයාටත් පුළුවන්.

ඒ වගේම එයාළා සම්පත් බැංකුව එක්ක සම්බන්ධ වෙලා තියෙන නිසා ඔයාගේ දොරකඩටම මුදල් ලබාගන්නත් මේ app එක හරහා ඔයාට පුළුවන්.

5. Akbar brothers

කොරෝනා වෛරසය නැවැත්වීමට දරන උත්සාහයට ජාතියට උදව් කිරීමේ උත්සාහයක් විදිහට තේ සමාගමක් වන අක්බාර් බ්‍රදර්ස් විසින් මිලියන 100 ක මුදලක් සහන සේවා මගින් අවශ්‍යතා ඇති අයට ලබාදෙන්න පොරොන්දු වෙලා තියෙනවා. වෛද්‍ය උපකරණ සහ ආහාර සලාක බෑග් එහි සේවකයින් මගින් මිනිස්සුන්ට වගේම පන්සල් හා පල්ලි වැනි පූජනීය ස්ථාන වලටද ලබා දී කොරෝනා වෛරසයෙන් කාටවත් දුකක් විදින්න ඉඩ නොතබන්න වගබලාගෙන තියෙනවා.ඊට අමතරව තේ අපනයනකරු විසින් මිලියන 50 ක මුදලක් ශ්‍රී ලංකාවේ සිටින වෙනත් කාරුණික හදවත් වල බොහෝ පරිත්‍යාගවල ආධාරයෙන් 2020 අප්‍රේල් 6 වන විට රුපියල් මිලියන 380 ක්ව පවතින COVID-19 ජනාධිපති සෞඛ්‍ය හා සමාජ ආරක්ෂණ අරමුදලට පරිත්‍යාග කරලා තියෙනවා.තවද,හලාවත හි නව සෞඛ්‍ය මධ්‍යස්ථානයක් ඉදිකිරීමට අක්බාර් බ්‍රදර්ස් සිය දායකත්වය ලබා දීලා තියෙනවා වගේම එමඟින් ප්‍රදේශයේ වෙසෙන අයට වෛද්‍ය පහසුකම් ලබාගන්න පුළුවන් වෙලා තියෙනවා.

6. Union Chemists and Healthguard

පවතින ඇඳිරි නීතිය තත්වයන් නිසා නිරෝධායනය සඳහා සෑම තැනකම වෙළඳසැල් වැසෙන නිසාම ඖශධ ලබාගන්න එකනම් හැමෝටම ලොකු ප්‍රශ්නයක් වෙලා තිබුණා.ඒ කොහොම වුණත් විශාල ජාලා 2 ක් තියෙන pharmacy යක සිටින කාරුණික පුද්ගලයින් සෑම උදෑසනකම අවදි වී රැකියාවට පැමිණ ඕනෑම වෛද්‍ය ප්‍රතිකාර සඳහා ඖෂධ අවශ්‍ය අයට ලබා දීම ගැන ඇත්තටම අපි ස්තුතිවන්ත වෙන්න ඕනේ. Union Chemists and Healthguard ශ්‍රී ලංකාවේ ඖෂධ සපයන්නන් අතර දැවැන්තයන් නිසාම , ඇඳිරි නීතිය පුරාම ඔවුන් විවෘතව සිටීම බොහෝ දෙනාට ආශීර්වාදයක් වෙනවා වගේම , විශේෂයෙන් කෙනෙකුට අවශ්‍ය විය හැකි පුළුල් පරාසයක ඖෂධ සහ වෙනත් සෞඛ්‍ය සේවා ඉතා පහසුවෙන් ලබාගන්න පුළුවන් වෙනවා.දුෂ්කර කාලයකදී එයාලගේ මේ එඩිතර උත්සාහය ප්‍රශංසා ලැබිය යුතුයි.

7. Trinco Blu by Cinnamon

ජෝන් කීල්ස් හෝල්ඩිංග්ස් විසින් එයාලගේ ත්‍රිකුණාමල නිකේතනයක් වනTrinco Blu by Cinnamon නිකේතනය නිරෝධායන මධ්‍යස්ථානයක් ලෙස භාවිතා කිරීමට රජයට ලබාදී තියෙන එක අවශ්‍යතාවය මත තාවකාලික පදනමින් වෛරසය පැතිරීම වැළැක්වීමට උපකාරීවෙලා තියෙනවා. සමාගමේ සභාපති ක්‍රිෂාන් බලේන්ද්‍ර මහතා මෙම ඉල්ලීම ඉදිරිපත් කරමින් ජනාධිපති ගෝඨභය රාජපක්ෂට ලිපියක් යවා ඇති අතර මේ වන විට ප්‍රතිචාරයක් බලාපොරොත්තුවෙන් සිටිනවා. ට්‍රින්කෝ බ්ලූ හි කළමනාකාරිත්වය යටතේ ඇති සියලුම හෝටල් කොළඹ සේවය කරන හෙදියන්, සූපවේදීන් සහ අනෙකුත් කාර්ය මණ්ඩලය සඳහා නවාතැන් පහසුකම් සපයනවා.

8.මනූසත් දෙරණ

මනූසත් දෙරණ කියන්නේ දෙරණ මාධ්‍ය ජාලයේ මානුෂීය සංවිධානයක්. එයාලා අවාසනාවන්ත තත්වයන්ගෙන් පීඩාවට පත් ජනතාවගේ දුක් වේදනා ලිහිල් කරන්න හැමතිස්සෙම පරාර්ථකාමීව ආත්ම විශ්වාසයක් ඇතුව කැපවනවා අපට ගොඩක් වෙලාවට දැකගන්න පුළුවන් වෙනවා.ආහාර, බෝතල් කළ ජලය සහ සනීපාරක්ෂක භාණ්ඩ වගේ ද්‍රව්‍යමය ආධාර විතරක්ම නෙමෙයි මුදල් ආධාරත් අනුග්‍රාහකයන්ගෙන් ලැබෙන පරිත්‍යාගත් අසරණ මිනිස්සුන්ට බෙදා දෙනවා.ගොඩක් ස්වේච්ඡා සේවකයින්ගේ සහාය ඇතිව, මනූසත් දෙරණ දිවයින පුරා කරදරකාරී අවස්ථාවල දී අවදානමට ලක්විය හැකි ප්‍රජාවන්ට ආධාර කිරීම සඳහා කටයුතු කරනවා.

9. Uber Eats

කොළඹ අවට සිල්ලර බඩු බෙදා හැරීම සඳහා සුපිරි වෙළඳසැල් සමඟ වැඩ කිරීමට සහ තෝරාගත් පෞද්ගලික ව්‍යාපාර වලින් භාණ්ඩ බෙදා හැරීමට රජය විසින් Uber Eats නියාමනය කරලා තියෙනවා. ඔබ සාමාන්‍යයෙන් ආහාර ගෙන්වා ගන්න ආකාරයට ඔයාගේ සිල්ලර බඩු තෝරා ගන්නත් මේ app එක හරහා ඔයාට පුළුවන්. මුදල් හෝ කාඩ්පතකින් ගෙවීමේ අවස්ථාව ද පරිශීලකයින්ට තියෙනවා.කොළඹ, ගම්පහා සහ කළුතර යන ප්‍රදේශවල බෙදා හැරීම සිදු කරනවා වගේම වෛරසය පැතිරීම මැඩපැවැත්වීම සඳහා පුරවැසියන්ට නිවෙස්වල සිටීමට සහ ඇඳිරි නීතිය පනවා ඇති නීතිවලට අවනත වීමට පුරවැසියන්ට උපකාර කිරීම සඳහා තමයි මේ ක්‍රමය ඇතිකරලා තියෙන්නේ.

10. Sri Lanka Apparel Exporters Association (SLAEA)

COVID-19 සමඟ සටන් කිරීමට සෞඛ්‍ය බලධාරීන්ට සහාය වීම සඳහා ශ්‍රී ලංකා ඇඟලුම් අපනයනකරුවන්ගේ සංගමය (SLAEA) මුහුණු ආවරණ මිලියන දෙකක් නිෂ්පාදනය කිරීම ආරම්භ කරලා තියෙනවා. මෙය SLAEA වෙතින් ලැබෙන පරිත්‍යාගයක් වන අතර කර්මාන්තශාලා 20 ක් පමණ නොමිලේ ව්‍යාපෘතියට සහයෝගය දැක්වීමට ඉදිරිපත් වෙලා තියෙනවා. හයිඩාරාමනි සමූහයේ අනුබද්ධ සමාගමක් වන හයි ෆැෂන් හෝල්ඩින්ග්ස් විසින් COVID-19 ටෙස්ට් swabs නිෂ්පාදනය ආරම්භ කරලා තියෙනවා වගේම දිනකට swab 3,000 ක් දක්වා නිෂ්පාදනය සිදු කරනවා. මෙය ශ්‍රී ලංකා වෛද්‍ය පර්යේෂණ ආයතනයේ (එම්ආර්අයි) සහ ජාතික බෝවන රෝග පිළිබඳ ආයතනයේ (අයිඩීඑච්) මුලිකත්වයෙන් සිදු කරනු ලබනවා.

11. Unilever

යුනිලීවර් ශ්‍රී ලංකාව විසින් පුද්ගලික ආරක්ෂණ කට්ටල 4000 ක් සහ මිලියන 4.5 ක් වටිනා උෂ්ණත්වමාන තොගයක් පරිත්‍යාග කරනු ලැබුවා.ඒ වගේම ඩයලොග් ඇක්සියාටා පුද්ගලික සමාගම COVID-19 රෝගීන්ට ප්‍රතිකාර කරන වෛද්‍යවරුන්, හෙදියන් සහ අනෙකුත් වෛද්‍ය කාර්ය මණ්ඩලයට ආරක්ෂාව සැපයීම අරමුණු කර ගනිමින් දුරස්ථ රෝගීන් අධීක්ෂණය සඳහා පහසුකම් සපයන මිලියන 2 ක් වටින විදුලි සංදේශ හා විදුලි සංදේශ උපකරණ සමාගම විසින් පරිත්‍යාග කරනු ලැබුවා.

12. 99X Technology

ශ්‍රී ලංකාවේ ස්ථාපනය කරලා තියෙන මෘදුකාංග නිෂ්පාදන ඉංජිනේරු සමාගමක් වන 99X ටෙක්නොලොජි සිය ‘‘COVID-19 Action Center’’ Online මාර්ගෝපදේශකයක් විදිහට ස්ථාපනය කරලා තියෙනවා. මෙම අර්බුදයට අනුගත වීමට උත්සාහ කරන සංවිධාන සඳහා එය විවෘත විශ්වකෝෂයකි. විවිධ මුලාශ්‍ර පාවිච්චි කරලා නිවසේ සිට වැඩ කිරීමේ ක්‍රියා පටිපාටි, හදිසි සැලසුම් සකස් කිරීම, රෝගී සේවකයින්ට සහාය වීම, පහසුකම් කළමනාකරණය සහ තවත් බොහෝ මාතෘකා රාශියක් මේ මගින් ආවරණ වෙන විදිහට තොරතුරු රාශියක් ඇතුලත් කරලා තියෙනවා. නොමිලේ භාවිතා කරන්න පුළුවන් COVID-19 ඉන්ෆොග්‍රැෆික්ස් සහ දේශීය කොරෝනා වෛරස් ට්‍රැකර් වෙත මෙන්ම WHO කොරෝනා වෛරස් පිටුවටද මෙය සබැඳි තියෙනවා.

13. STEMUp Educational Foundation

ලාභ නොලබන දේශීය සංවිධානයක් වන STEMUp අධ්‍යාපනික පදනම online ඉගෙනීම දිරිගැන්වීම සඳහා මුල පිරීම් දෙකක් දියත් කරනු ලැබුවා.පළමුවැන්න STEMUp ඇකඩමිය ලෙසත් එය ඉංග්‍රීසි හා සිංහල යන දෙඅංශයෙන්ම අන්තර්ගතයන් තියෙන නොමිලේ ලබාදෙන ප්‍රජා විද්‍යුත් ඉගෙනුම් අවකාශයක්. දෙවැන්න ළමයින්ට කේත කරන ආකාරය උගන්වන අතථ්‍ය මාලාවක්. Guru.lk කියන්නේ 2020 දී අ.පො.ස. උසස් පෙළට පෙනී සිටින අයට නොමිලේ online අධ්‍යාපනයක් ලබාදෙන ස්වේච්ඡා සංවිධානයක්.

14. Gamer.lk

ශ්‍රී ලංකා ඊ-ස්පෝර්ට්ස් සමාගමක් වන ගේමර්.එල්.කේ, ශ්‍රී ලංකා ටෙලිකොම් සමඟ සහයෝගයෙන් ‘play from home `’ වැඩසටහන දියත් කරනු ලැබුවා.මේ වැඩසටහන මඟින් Gamer.LK දේශීයව ජනප්‍රිය ක්‍රීඩා වල ධාරාවන් මෙහෙයවනවා දැකගන්න පුළුවන්.ටී.ආර්.සී.එස්.එල් යටතේ ඇති විදුලි සංදේශ ක්‍රියාකරුවන් මෙම දුෂ්කර කාලවලදී මිනිසුන්ට වඩාත් සම්බන්ධව සිටීමට හැකිවන පරිදි අමතර හා නොමිලේ දත්ත, ණය සහ කතා කාලය ලබා දෙයි.

15. Sri Lankan Airlines

2020 පෙබරවාරි 1 වන දින, වුහාන් වල කොරොන වයිරස් ව්‍යාප්තව තියෙද්දී එතකොට වුහාන් වල සිර වෙලා හිටිය ශ්‍රී ලාංකික සිසුන් නැවත ගෙන්වා ගන්න ශ්‍රී ලංකා ගුවන් සේවය යූඑල් 1423 ජනාධිපති ගෝඨභය රාජපක්ෂගේ උපදෙස් පරිදි වුහාන් වලට යැවුවා. කොළඹ සිට වුහාන් වෙනකන් ඉතා දිග ගමනකින් පස්සේ මෙ ගුවන් යානය මත්තල රාජපක්ෂ ජාත්‍යන්තර ගුවන්තොටුපළට ගොඩ බැස්සා. අවශ්‍ය ක්‍රියා පටිපාටි ක්‍රියාත්මක කරන්න සිසුන් සෞඛ්‍ය සේවා බලධාරීන්ගේ සහ වෙනත් අදාළ ආයතනවල භාරයට භාරදුන්නා.ඒ වගේම පාකිස්තානයේ අතරමංව සිටින ශ්‍රී ලාංකික සිසුන් 113 දෙනෙකු ආපසු ගෙන්වා ගන්නත් ශ්‍රී ලංකා ගුවන් සේවය කටයුතු කළා. රටවල් අගුලු දැමීම් නිසාම අවම වශයෙන් ශ්‍රී ලංකාවේ සිසුන් 215 දෙනෙක් ඉන්දියාවේ සහ පාකිස්තානයේ සිරවී සිටියා.එයාලා නැවත ආරක්ෂිතව ශ්‍රී ලංකාවට ගෙන එන්නත් ඔවුන් ආරක්ෂිතව කටයුතු කළා.

ජනාධිපති ගෝඨභය රාජපක්ෂගේ සෞඛ්‍ය ආරක්ෂණ හා සමාජ ආරක්ෂණ අරමුදලට විශාල මුදලක් පරිත්‍යාග කරපු සමාගම් සහ පුද්ගලයින් සිය ගණනක් සිටිනවා.ඉතින් එමඟින් ශ්‍රී ලංකාවේ වැළැක්වීමේ සහ නිරෝධායන මෙහෙයුම් ක්‍රියාත්මක කරන්නන්ට මූල්‍ය ආරක්ෂාව සපයනවා.

රටට ආශිර්වාදයක් බඳු වූ ත්‍රිවිධ හමුදාවට අපගේ උත්තමාචාරය..

editor

“ලෝකය යනු ,භයානක තැනක්. එයට හේතුව, නරක වැඩ කරන මිනිස්සුන් නිසා නෙවෙයි .හැම දෙයක් ම දැකලත් ,කිසිදු පිළියමක් නොකර බලා සිටින මිනිස්සුන් නිසයි .” -ඇල්බට් අයින්ස්ටයින්-

උදව් අවැසි මොහොතේ,තම රට ජාතිය උදෙසා පැකිලීමකින් තොරව තම දිවි පූජා කරපු සෑම රණශූරයෙකුටම ආචාර වේවා ….
250,000 ටත් වඩා වැඩි හමුදා නිලධාරීන් පිරිසක් යුද්ධ ,නාවික සහ ගුවන් යන ත්‍රිවිධ අංශයේම සිටීම ශ්‍රී ලාංකිකයන් ලෙස, අප ලැබූ මහත් භාග්‍යක්. පුරා අවුරුදු තිහක් තුළ තිබුණා වූ කුරිරු යුද්ධයෙන් ජයගෙන, නැවත රට ඉදිරියට ගෙන යාමට මෙම නිලධාරීන් ලබා දුන් සහයෝගය මිල කළ නොහැකියි. යුද්ධයෙන් පසු ව ඔවුන්ගේ කාර්ය භාරය නිමා වුණා නොවෙයි ,රටට උදව් අවැසි හැම මොහොතකම ,ත්‍රිවිධ හමුදාව ලෙස පෙරමුණ ගෙන ,රැකවල් දූතයන් මෙන් රට රැකගත් අවස්ථා අප්‍රමාණයි .මේ එයින් කිහිපයක් ;

*පාස්කු ත්‍රස්ත ප්‍රහාරය 2019*

2019 අප්‍රේල් මස විසි එක් වෙනිදා ,සිදු වූ පිපිරීම් මාලාවත් සමගම ශ්‍රී ලංකාව තුළ හදිසි තත්ත්වයක් ප්‍රකාශයට පත් කළා .මේ තත්ත්වය පාලනය කිරීමට රට නැවත වතාවක් යුද හමුදාවට භාර කෙරුණු අතර රට පුරා පුපුරණ ද්‍රව්‍ය සොයා මෙහෙයුම් ක්‍රියාත්මක කෙරුණා .අවුරුදු 30ක සිවිල් යුද්ධයෙන් පසු සිදු වුණා වූ මේ කුරිරු ත්‍රස්ත ප්‍රහාරය මැඬලීමට යුද හමුදාව ක්ෂණිකව ක්‍රියාත්මක වූ අතර මිනිසුන්ගේ ආරක්ෂාව සනාථ කරන්න රටපුරා හමුදා බැරැක්ක ,මාර්ග බාධක සහ මුර සංචාර වැනි ආරක්ෂක ක්‍රම භාවිතා කරා .

*කෝවිඩ් 19 වසංගතය 2020*

ගෝලීය වශයෙන් සිදු වුණා වූ මෙම වසංගත තත්ත්වය මැඩලීමට සහ අනවශ්‍ය ලෙස සිවිල් ජනතාව මෙම වෛරසයට ගොදුරු වීම වළක්වා ගැනීමට ,ශ්‍රී ලංකා යුධ හමුදාව විසින් නිරෝධායන මධ්‍යස්ථාන ස්ථාපිත කර ඒවා ක්‍රියාත්මක කිරීම සදහා සියලූ වගකීම් භාර ගත්තා. පළමු අඩිතාලම ලෙස 2020 අප්‍රේල් මස තුන් වැනිදා රුධිරය සහ කේටය පරීක්ෂා කිරීමට නෙවිල් ප්‍රනාන්දු රෝහල සංවර්ධනය කිරීම සඳහා නාවික හමුදාව විසින් වැඩකටයුතු ආරම්භ කළා . ඒ වගේම හමුදා භටපිරිස් විසින් ඇඳිරිනීතිය පවත්වා ගැනීමට මාර්ග අධීක්ෂණය සිදුකළ අතර, තම රාජකාරි කටයුතුවලට අමතරව නිවෙස් අහිමි අයට ආහාර දීම ,නිවසින් බැහැර වීමට නොහැකිව ස්වයං නිරෝධනය සිදුවන පවුල් සඳහා වියළි ආහාර ලබා දීම සහ වීදි සතුන්ට ආහාර පාන ලබා දීම වැනි මානුෂික ක්‍රියාවන් ද සිදුකරණු ලැබුවා .

*ගංවතුර සහන*

ශ්‍රී ලංකා වාසීන් ලෙස අපි විවිධ ප්‍රමාණයේ ගංවතුර උවදුරු වලට මුහුණ පා තිබෙනවා.දරුණු ගංවතුර තත්වයන් වලදී යුද,නාවික සහ ගුවන් යන ත්‍රිවිධ හමුදාවන් විසින් පීඩාවට පත්වූවන්ව ටෝලර් යාත්‍රා සහ හෙළිකොප්ටර් මගින් බේරාගැනීමේ මෙහෙයුම් ක්‍රියාත්මක කරා .එමෙන්ම පාලම් නැවත සංවර්ධනය සහ මාර්ග යථා තත්ත්වයට පත් කිරීම තුළින් මහඟු කාර්යභාරයක් ඔවුන් සිදුකරණු ලැබුවා.

*නියගයට එරෙහි ව සටන් කිරීම*

ශ්‍රී ලංකාවේ විවිධ පළාත් දැඩි අව් රශ්මිය හේතුවෙන් ජලය ප්‍රමාණවත් නොවීම නිසා බොහෝ දුෂ්කරතාවයන්ට මුහුණ දෙනවා .ඒ අතරින් උතුරු සහ නැගෙනහිර පළාත් විශේෂ වේ .යුද්ධය නිසා සිදු වූ අඩු සංවර්ධනය මෙයට ප්‍රධාන හේතුවයි. යුධ හමුදාව විසින් පීඩාවට පත් ව සිටින පවුල් සඳහා වියළි ආහාර ලබා දීම ,පානීය ජල බෝතල් සහ එළවළු ලබාදීම සිදුකරන අතර 2018 වර්ෂයේ දී හමුදා භට පිරිස් විසින් තම මිනිස් බලය යොදවා වලවිල්කුලම් ජල ටැංකිය අලුත්වැඩියා කිරීම සිදුකළා . වර්තමානයේ දී වියළි පළාත් වලට අවශ්‍ය ජල ප්‍රමාණය සපයා ගැනීමට මෙමගින් හැකි වී තිබෙනවා .

*ජීවිත මුදවා ගැනීමේ සේවය*

ශ්‍රී ලංකා නාවික හමුදාව විසින් විවිධ සේවාවන් සපයනවා. ඒ අතරින් ගංගා, වැව් ආශ්‍රිතව ගිලෙන මිනිසුන්ව බේරා ගැනීමට වගේම සයුරේ පෙරළුණු නැව්, බෝට්ටුවලින් සෙනග මුදවා ගැනීමට ඔවුන් නිතරම කටයුතු කරනවා. නුමුත් 2017 වසරේ සිට නාවික හමුදාවට වෙනස්ම වූ විවිධ අභියෝග වලට මුහුණ දෙන්නට සිදු වුණා.මුහුදේ ගසාගෙන ගිය විවිධ සතුන්ව ගලවා ගැනීමට ඔවුන්ට සිදු වුණා. ඒ අතර අලින් පවා සිටියා .ජලය ආශ්‍රිතව සිදුවන ඕනෑම විපතකදී අවදානම් නොතකමින් මිනිස්සුන්ව මුදවා ගන්නත් ඔවුන්ට ඉක්මනින් ප්‍රතිකාර ලබා දෙන්නත් නාවික හමුදාව ක්‍රියා කළා. දිවයිනේ ජෛව විවිධත්වය රැක ගැනීමේ අරමුණින්, නාවික හමුදා කිමිදුම් භට පිරිස් ඇමිණුම් වලින් සිරවී සිටින විවිධ මත්ස්‍යයින් එයින් ගලවා ගෙන නැවත ආරක්ෂාකාරී ස්ථානවලට මුදා හැරීමට පියවර ගත්තා.

*යටත් වූ සටන්කාමීන්ව පුනරුත්ථාපනය කිරීම*

ජනාධිපතිතුමා ඇතුළු ත්‍රිවිධ හමුදාවේ සියලුම භට පිරිස් ත්‍රස්තවාදීන් කියන්නෙත් මනුෂ්‍යයන් බව තරයේම විශ්වාස කළා. යුද පරාජය හමුවේ ඔවුන්ගේ මානසිකත්වය දූෂ්‍ය වී ඇති බව ඔවුන් තේරුම් ගත්තා.දිවයිනෙන් ත්‍රස්තවාදය මුලිනුපුටා දැමීමෙන් පසු ඔවුන්ගේ ආයුධ බිම දමා සරණාගතයින්ව මෙන්ම සටන්කරුවන්ව පුනරුත්ථාපනය කිරීමට කටයුතු කළා. එහිදී ඔවුන්ට අවශ්‍ය සියළුම දෑ එනම් ආරක්ෂාව, ආහාර, ජලය, සෞඛ්‍යය සහ මානසික ගැටලු වලට විසදුම් මෙන්ම සාමාජීය වශයෙන් අවශ්‍ය උපකාර සියල්ලක් ම පාහේ ත්‍රිවිධ හමුදාව විසින් සැපයීමට කටයුතු කළා. මෙය ශ්‍රී ලාංකීය හමුදාව මානුෂිය හමුදාවක් කීමට කදිම නිදසුනක්.

*U.N මෙහෙයුම්*

ශ්‍රී ලංකාව ප්‍රථම වරට එක්සත් ජාතීන්ගේ සාම සාධක මෙහෙයුමට දායක වූයේ 1960 දීය. මේ වන විට ලංකාව එක්සත් ජාතීන්ගේ සාම සාධක මෙහෙයුම් පිළිබඳ විශේෂ කමිටුවේ සාමාජිකයෙකි. කමිටුවට වැඩිම දායකත්වයක් සපයන රටක් ලෙස ශ්‍රී ලංකාව හැදින් වේ. ත්‍රිවිධ හමුදාව ලෝකෙ කොහේ සේවය කලත් මනුෂ්‍යත්වයට ප්‍රථම ස්ථානය දෙමින් මානුෂීය හමුදාවක් ලෙස කටයුතු කිරීම අපේ රටටම අභිමානයකි. ඔවුන්ගේ සේවය මව් රටට පමණක් සීමා නොකර දැනට මධ්‍යම අප්‍රිකානු ජනරජයට, කොංගෝව, හයිටි, ලෙබනනය, ලයිබීරියාව දකුණු සුඩානය, ටිමෝර් සහ බටහිර සහරා යන රටවලටද තම සහය ලබා දීමට මෙහෙයුම් දියත් කර ඇත.

“ප්‍රෝ පැට්‍රියා” නම් “පලමුව රට” යන ආකල්පය ඇතිව කටයුතු කරන ත්‍රිවිධ හමුදාව, ඔවුන්ගේ ජීවිත පවා පරදුවට තබමින් මව් රට පිළිබඳව තම යුතුකම ඉටු කළා. සමහර අවස්ථාවල ඔවුන් අපි මෙන්ම මනුෂ්‍යයන් බව වටහා ගන්න අපි අපොහොසත් වී තිබෙනවා. මතක තබාගන්න ඔවුන්ටත් පවුලක් ඒ වගේම සිහින තිබෙන බව. ඔවුන් අපෙන් නැවත කිසිවක් බලාපොරොත්තු නොවුණත් ඔවුන්ට අපි සදා ණය ගැතියි. ඔවුන් වෙනුවෙන් අපිට අවම වශයෙන් කළ හැක්කේ ඔවුන් දුන් සහාය අගය කිරීම සහ අපේ රටට ආශිර්වාදයක් බඳු වූ ත්‍රිවිධ හමුදාව පිළිබඳව ආඩම්බර වීමයි.

ඇඳිරිනීතිය වෙලාවේ හදිසියේ ගැබ් ගත්තද…? මේ අමාලිගේ කතාවයි – 01

editor

නොගැළපෙන වෙලාවක කොයි තරම් සතුටු හිතෙන ආරංචියක් ලැබුණත්, ඒ සතුට එක්කම හිතට එන්නේ ලොකු බරක්. අමාලිටත් වුණේ එහෙම සිදුවීමක්. විවාහ වෙලා අවුරුදු දෙකකුත් මාස කීපයක්ම ගෙවිල ගියාට පස්සෙ අමාලි ගැබිණියක් බව දැනගත්තෙ ඊයෙ. ඒත් රටේ තත්ත්වය එතරම් හොඳ නැති බව නිතරම ප්‍රවෘත්ති ගැන අවධානයෙන් ඉන්න අමාලි දන්නවා. බලාපොරොත්තුවෙන් හිටපු ඒ ආරංචිය නිසා දැනෙන සතුටට එකතු වෙච්ච බර තවත් වැඩිවෙන්න හේතුවක් තිබුණා. ඒ අමාලිගේ ස්වාමියා වුණ සුමින්දගේ රැකියාව. මේ හැම දෙයක් ගැනම හිතේ බර දරාගෙන එන්න එක ලැබෙන්න ඉන්න දරුවටත් එතරම් හොඳ නැති බව දැනුණ නිසා අමාලි වෙන දෙයක් ගැන අවදානය යොමු කරන්න තීරණය කළා. කියවමින් හිටපු පොත පැත්තකින් තියලා තේ එකක් හදාගෙන ඉස්තෝප්පුවේ වාඩි වුණ අමාලි දැක්කෙ පවුල් සෞඛ්‍ය නිලධාරිණිය මුණගැහෙන්න ගිය සුමින්දගේ අම්මා, ගියාටත් වඩා ඉක්මනින් ආපහු එනවා. අමාලිගේ හිතට දැනුණ චකිතය නිසාම පපුවට අත තියාගත්තේ ඉබේටමයි.

“ඇයි අම්මෙ ගිය පයින්ම ආපහු..?” නැන්දම්මා ගෙදරට එනකල් ඉවසුමක් නොගෙන අමාලි කඩුල්ල ළඟටම ඇවිදගෙන ගියා. අමාලි දිහා බලපු නැන්දම්මා අමාලි ලඟට එන්න කලින්ම ගේ පිටිපස්ස පැත්තට ඇවිදගෙන ගියේ වේගයෙන්. පුදුම වෙච්ච අමාලිට සිද්දවෙන්නෙ මොකක්ද කියල අදහසක් තිබුනේ නැහැ. ටික වෙලාවක් හිටපු තැනම ගල්ගැහිලා වගේ ඉඳල ගේ පිටිපස්ස පැත්තට හෙමින් ඇවිදගෙන ගියේ මොකක්ද වුණේ කියල දැනගන්න උවමනාවටමයි. වතුර කරාමෙන් වේගයෙන් වතුර ගලනවා අමාලිට ඇහුනා. ඇය නැන්දම්මා එනකල් කුස්සියේ පුටුව උඩින් වාඩිවෙලා ඔහේ බලගෙන හිටිය.

“හිත කලබල කරගන්න එපා දුවේ, එහා ගමේ දඹදිව වන්දනාවේ ගිහින් ආව කෙනෙක් අසනීප වෙලා කියල මට හන්දියට යනකොටම ආරංචිය ලැබුණා. වැඩි දුරක් යන්න හම්බවුනේ නෑ, පොලිසියෙන් ඉන්නවා පාර වහගෙන. අපට කොහෙවත් යන්න එපා ආපහු ගෙවල් වලටම යන්න කිවුවා. මම කෝකටත් කියල ඇඳුම් ටිකත් එළියෙන් හෝදලා දාල නාගේනමයි ගෙට ආවේ”

නැන්දම්මා මුළු කතාවම කියාගෙන කුස්සියට ආවහමයි අමාලිට පියවි සිහිය ලැබුණේ.

“හරි වැඩේනේ අම්මෙ, දැන් කොහොමද Midwife මිස්ව හම්බවෙන්නේ. අපි එයාට මේ ගැන කියන්නම ඕනනේ” අමාලිට එකින් එක ප්‍රශ්න මතුවෙනවා.

“එහා පාරේ සකුන්තලා දුව මට මගදී මුණගැහුනා. එයාට දැන් මාස පහක්නෙ. මම දුව ගැන එය එක්ක කිවුවා. සකුන්තලා මට Midwife මිස්ගේ නම්බර් එක දුන්න. ඔයාට කියන්න කිවුවා, මිස්ට කෝල් එකක් දෙන්න කියල. දැන් සති කීපයක ඉඳන් ඒගොල්ලෝ උවමනා වෙලාවට කෝල් කරලා විස්තර කතා කරනවලු”

අමාලිගේ නැන්දම්මා බෑග් එකෙන් ගත්ත කොලයක් අමාලි අතට දෙනගමන්මයි මේ ටික කිවුවේ. කියන පරක්කුවට අමාලි Phone එකෙන් නම්බර් එක dial කළා.

“ඔය කිවුවට ඒගොල්ලෝ ආන්සර් කරනවද කවුද දන්නෙ අම්මේ, අනේ මන්ද මට හිතාගන්න බෑ මොකක්ද කරන්නෙ කියල” phone එක ring වෙන අතරෙත් අමාලි හිටියේ කලබලෙන්. ඒත් අමාලි හිතුවටත් වඩා ඉක්මනට අනික් පැත්තෙන් Phone එකට උත්තර දුන්නා. අමාලි තමන් කවුද කියලත්, තමන් ගැබිණියක් බව දැනගත්ත බවත් එක දිගටම කියාගෙන ගියේ හිතේ තිබුණ චකිතය නිසාමයි.

“කලබල වෙන්න එපා අමාලි, අපි ඉන්නේ මේ වෙලාවේ ඔයාලගේ උදවුවට තමයි. මේ තත්ත්වයත් එක්ක අපි හැමෝම පුළුවන් තරම් පරිස්සම් වෙන්න ඕනේ, විශේෂයෙන් ඔයාල වගේ අය, මම ඔයාට ක්ලිනික් එන්න දවසක් කියල ආපහු කෝල් කරන්නම්, එතකල් ඔයා මොනම හේතුවක් නිසාවත් එලියට යන්න එපා. ඒ වගේම, පවුලේ අය හැර වෙන කාවවත් මුණගැහෙන්නත් එපා, ගෙදරටම වෙලා ඉන්න, හිතේ කරදර තියාගන්න එපා, ඒක ඔයාගේ දරුවට හොඳ නැහැ, ඒ නිසා සැහැල්ලුවෙන් ඉන්න. සුමින්ද ගෙදර ආවද?”

“අනේ නෑ මිස්, මට ඊට වඩා හිතට බය ඒකයි” අමාලිගේ කටහඬ බිඳුනා. සුමින්දගේ අම්මත් අමාලි දිහා බලෙන් හිටියේ කණස්සල්ලෙන්.

“සුමින්දලට මේ දේවල් ගැන අවශ්‍ය උපදෙස් ඔක්කොම ලැබිල ඇත්තෙ, එයා ගෙදර ආවමත් ගෙදරට ඇතුල් වෙන්න කලින් පිරිසිදු වෙලා එන්න කියන්න. ඔයා පුළුවන් තරම් පරිස්සම් වෙන්න, මම ඔයාට ක්ලිනික් දවසක් දෙන්නම්. අපි දැන් පුළුවන් තරම් අඩුවෙන් තමයි අම්මලාව ක්ලිනික් එකට ගෙන්නගන්නේ, ඔයා ආවහම අපි Blood සාම්පල එකක් චෙක් කරමු. ඒකෙන් ලේවල සීනි ප්‍රමාණය, රක්තහීනතාවය, රුධිර කාණ්ඩය, උපදංශය, HIV කියන ඔක්කොම ටෙස්ට් කරනවා. තව ටෙටනස් ටෝක්සයිඩ් පළවෙනි Dose එකත් එදාටම ගන්න පුළුවන්.”

එතකොට මිස් මට හදිසියක් වුණොත් මොකද කරන්නෙ”

හිත කරදර කරගන්න එපා. ඔයාට ගැටළුවක් තියෙන වෙලාවට මට කතා කරන්න. අපි පුළුවන් හැම වෙලාවකම අම්මලාගේ ප්‍රශ්න වලට උත්තර දෙනවා. ඔයාට යටිබඩේ වේදනාවක් නැත්නම්, රුධිර වහනයක් වගේ දෙයක් උනොත් පුළුවන් තරම් ඉක්මනට හොස්පිට්ල් එකට යන්න ඕන. මට ඒ ගැන කියන්න අමතක නොකර. එහෙම දෙයක් නැති නම් ඔයාට කිසි ප්‍රශ්නයක් නෑ, කලබල නොවී ඉන්න. අනිත් එක, ඔයා රට ගිහින් ආව කවුරුහරි මුණගැහුනද මේ දවස් වල, නැත්තන් ඔයා කොහෙහරි ගියාද වෙන පළාතකට..?” අමාලි තමන් ආව ගිය තැන ගැන ආපහු මතක් කරා.

“නැහැ මිස්, මම පහුගිය ටිකේම ගෙදරමයි හිටියේ, ඇඳිරි නීතිය අයින් කරාට පස්සෙවත් මම කඩේකටවත් ගියේ නැහැ”

“එහෙනම් ඔයාට කොහොමත් බයවෙන්න දෙයක් නෑ, අමාලි ඕනෑම වෙලාවක මට කතා කරන්න. මම ඔයාගේ ඊළඟ ක්ලිනික් දවස කියල කෝල් එකක් දෙන්නම්, ගෙදරම ඉන්න, හොඳට කෑම බිම කන්න. මේ දවස්වල සාමාන්‍යයෙන් කරන්න ඕන සෞඛ්‍ය පුරුදු ගැන අමාලි දැනුවත් නේද..?

අමාලිගේ හිතට තරමක අස්වැසිල්ලක් දැනෙන්න පටන් අරන්. “ඔව් මිස්, ඒ ගැන නම් නිතරම ටීවී එකෙනුත් කියනවනේ”

“හරි එහෙනම් අමාලි ඒ විදිහටම පරිස්සමට ඉන්න, උවමනා වෙන වෙලාවට කෝල් එකක් දෙන්න”

“හොඳයි මිස්” අමාලි phone එක තිවුවේ ලොකු සැනසිල්ලකින්. අමාලිගේ මුහුණෙනුත් පෙන්න තියෙන සැනසිල්ල නිසා නැන්දම්මත් හිතේ කරදරයෙන් මිදුන වගෙයි.

“ඕන වෙලාවක කෝල් කරන්න කිවුවා අම්මේ, මට ක්ලිනික් එන්න දවසක් දෙයි”

“එහෙනම් එච්චරයි, අපි පරිස්සමින් ඉඳිමුකො දුවේ”

“මම සුමින්දට කතා කරලා විස්තරේ කියන්නම් අම්මේ, එයා බයවෙලත් ඇති”

අමාලි තමන්ගේ සැමියාට මේ විස්තරය කියන්න හිතාගෙන Phone එක dial කළා.

– මතු සම්බන්ධයි –

ඔයාට ඉක්මනින් වැඩකරන්න ලේසි වෙන Keyboard Shortcuts…

editor

ගෙදරට වෙලා වැඩ කරන මේ කාලයේ අපි හිතුවා ඔයාලට office එකේ වැඩ ලේසී කරගන්න ඉගනගන්න දෙයක් කියලා දුන්නොත් හොඳයි කියලා . Hotkeys එහෙමත් නැත්තනම් Shortcuts යොදාගන ඉක්මනින් ඔයාගේ පරිගණකය හරහා වැඩ කරගන්නේ කොහොමද කියලා තමයි අද අපි විස්තර කරන්න තීරණය කළේ. ඉතින් Windows සහ Mac OS usersලට වෙන වෙනම use කරන්න පුළුවන් Shortcuts ටික ඔන්න අපි අරන් ආවා..

Windows usersලට අවශ්‍ය වෙන Shortcuts..

Win + I — Opens Windows settings.
Win + S — Opens Windows search bar.
Win + M — Minimizes all windows.
Win + Number — Opens the app pinned to your task bar. The number you choose corresponds to the app position.
Win + Left / Right arrow keys — Moves window of a currently open app left and right.
Win + Up / Down arrow key (double klick) — Maximizes or minimizes window of a currently open app.
Win + Comma — Quickly peek at your desktop.
Win + Prt Scn — Creates a screenshot and instantly saves it in the Screenshots folder.
Shift + Win + S — Selects any desired area of the screen and takes a screenshot of it.
Win + “+” / “-” keys — Zooms in and out with the magnifier tool (you can zoom in on any app, desktop, or folder).
Ctrl + A — Select all content.
Alt + Esc — Switches between apps in the order they were opened (faster version of Alt + Tab).
Alt + Spacebar — Opens the menu window for a currently open app.

Microsoft Word භාවිතා කරන අයට අවශ්‍ය වෙන Shortcuts..

Ctrl + N — Creates a new document.
Ctrl + O — Opens an existing document.
F1 — Opens the Help panel.
F7 — Opens Editor tool for spelling and grammar check.
Ctrl + Shift + Left / Right arrow keys — Selects a word to the left or to the right.
Shift + F7 — Selects the previous word, opens the thesaurus, and looks up its meaning.
Alt + Shift + R — Copies the header or footer used in the previous section of the document.
Ctrl + Shift + “<” or “>” — Makes font size smaller or bigger one preset size at a time.
Ctrl + Shift + C — Copies the character formatting of a selection.
Ctrl + Shift + V — Applies the character formatting onto selected text.
Ctrl + Shift + K — Turns small letters into capitals.
Ctrl + E / L / R — Centers a paragraph (Left-align and right-align respectively).
Ctrl + K — Inserts a hyperlink.
Ctrl + 1 / + 2 — Sets single-spacing / double-spacing respectively (text must be selected).
Ctrl + 5 — Sets 1.5 spacing between lines.
Ctrl + Shift + N — Applies Normal paragraph style.
Alt + Ctrl + 1 / + 2 / + 3 — Applies Heading 1 / Heading 2 / Heading 3 paragraph styles respectively

Browsers හරහා වැඩකරන අයට අවශ්‍ය වෙන Shortcuts..

Ctrl + Shift + T — Opens previously closed tab (can do it multiple times).
Ctrl + Tab — Switches between open tabs.
Ctrl + 1 to 8 — Switches to the tab with the corresponding number from left to right.
Ctrl + N — Opens a new browser window.
Ctrl + L — Focuses the address bar so you can begin typing.
Ctrl + 0 — Resets zoom.
Ctrl+ Enter — Adds www and .com to the name of the website typed in the search bar. For example, you can type Facebook in the search bar and press the combination. It will autofill to www.facebook.com
Ctrl + Left Click (on a mouse) — Opens a link in a new tab.
Ctrl + Shift + Delete — Opens the Clear Browsing Data option.
Alt + Home — Redirects to the home page.
Alt + Enter — Opens a typed search query in the search bar in a new active tab.
F5 — Reloads the page.
Shift + Left click — Opens a link in a new window

Mac usersලට අවශ්‍ය වෙන Shortcuts..

Command + Tab — Switches to the last used app among your open apps.
Command + Y — Uses Quick Look to preview the selected files.
Command + Left Bracket ([) — Goes to the previous folder.
Command + Right Bracket (]) — Goes to the next folder.
Control + Command + Q — Locks your screen.
Shift + Command + Q — Logs out of your macOS user account.
Shift + Command + I — Opens iCloud Drive.
Shift + Command + N — Creates a new folder.
Shift + Command + O — Opens the Documents folder.
Option + Command + L — Opens the Downloads folder.
Option + Shift + Command + Delete — Empties the Trash without confirmation dialog.

Documents භාවිතා කරන අයට Shortcuts..

Command + K — Inserts a hyperlink.
Command + T — Show or hide the Fonts window.
Command + Left Curly Bracket ({) — Applies left alignment.
Command + Right Curly Bracket (}) —Applies right alignment.
Control + Command + D — Shows or hides the definition of the selected word.
Control + A — Moves cursor to the beginning of the line or paragraph.
Control + E — Moves cursor to the end of a line or paragraph.
Command + F — Opens the search field.
Command + C — Copies the formatting style of the selected piece.
Command + V — Applies the copied style to the selected piece.
Shift + Command + Vertical bar (|) — Center aligns.
Shift + Command + Colon (:) — Opens the Spelling and Grammar window.
Shift + Command + “-” — Decreases the size of the selected item.
Shift + Command + “+” — Increases the size of the selected item.

මේ Shortcuts වලට හුරුවෙලා ඔයගේ වැඩ ලේසි කරගන්න දැන් ඔයාට පුළුවන්. වෙනදා වැඩක් කරන්න යන කාලයට වඩා අඩු කාලයක් වැය කරලා තමන්ගේ වැඩ ඉක්මනින් කරගන්න පුළුවන් වෙනකොට ඔයාටම තේරෙයි මේ Shortcuts ඉගනගත්ත එක ඔයාට කොපමණ වැදගත් වෙනවද කියලා.

සබන් යොදා අත් සේදීමෙන් කොරෝනා වෛරසය විනාශ වනවාද..

uthpala indrachapa

COVID-19 ලෝකය පුරා ව්‍යාප්ත වෙමින් තිබෙන බව ඔබ හොඳින්ම දැනුවත්. ලෝක බලවතුන් වුණ රටවලටත් මේ තත්වය පාලනය කරගැනීමට අපහසු මට්ටමට ඇවිත් තිබෙනවා වගේම ඔවුන්ගේත් ආර්ථික ස්ථාවරත්වය අභියෝගයකට ලක්ව තියෙන මොහොතක්. මේ වනවිටත් මේ වසංගත තත්වයෙන් වැළකීමට කළ හැකිව තිබෙන්නේ නිසි සෞඛ්‍ය උපදෙස් පිළිපැදීම පමණයි. Social distancing නැතිනම් සමාජ දුරස්තකරණය ඉන් එක පියවරක්. අනික් වැදගත්ම උපදෙස තමයි නිතර දෑත් සෝදන්න කියන එක. නිතර දෑත් සෝදන්න කියන්නෙ ඇයි..? වෛරසය අසාදනය වීමෙන් වැළකීමට අත් සේදීමෙන් හැකි වනවාද.? මේ වෙනකොට ඔබට එහෙම ගැටළුවක් ඇතිවී තිබෙනවාට සැක නැහැ. ඒ සැකය දුරුකිරීම වෙනුවෙනුයි මේ තොරතුරු අපි ඔබවෙත ගෙන ආවේ. ගෝලීය වසංගතයක් වුණ නව කොරෝනා වෛරසය, එහි ක්‍රියාකාරීත්වය සහ වර්තමාන තත්වය පිලිබඳ, ක්ෂේත්‍රයේ වෘත්තීයවේදියකු සමග කළ කතාබහක් මේ.

කොරෝනා වෛරසය කියන්නෙ මොකක්ද කියල සරළව පැහැදිලි කලොත්..?

කොරෝනා වෛරස කියන්නේ තනි වෛරසයක් නෙමෙයි. වෛරස කාණ්ඩයක්. Coronaviridae කියන මේ කාණ්ඩයේ අලුතින් හඳුනාගත් සාමාජිකයා තමයි මේ නව කොරෝනා වෛරසය නැතිනම් SARS CoV-2 කියන්නෙ. සාමාන්‍යෙන් වෛරසයක් හිතකර තත්ත්ව යටතේදී භාහිර පරිසරයේත් තියෙන්න පුළුවන්. නමුත් වෛරසයට ගුණනය වෙන්න සහ අනිකුත් ජීව ක්‍රියා සිදුකරන්න නම් ඒ වෛරසය ධාරක සෛලයකට/ශරීරයකට (host) ඇතුළු විය යුතුයි. එහෙම ධාරකයකුට ඇතුළු වුනාට පස්සේ වෛරසයට පුළුවන් ගුණනය වෙමින් අලුත් virusa හදන්නත් ඒ මගින් ධාරකයාට රෝග ඇති කරන්නත්. මේ coronaviridae පවුලේ වෛරස අතරින් මනුෂ්‍යාට රෝග ඇතිකරන වෛරස තියෙන්නේ හතක් (07) පමණයි. එයිනුත් බරපතල තත්වයෙන් හානිකර වෛරස තියෙන්නේ තුනයි. එකක් SARS (Severe Acute Respiratory Syndrome) කොරෝනා වෛරසය. අනික MERS (Middle East Respieatory Syndrome) කොරෝනා වෛරසය. දැන් මේ අලුතින් හමුවුන SARS Coronavirus- 2 කියන එක. අනික් කොරෝනා වෛරස් හතර අපට නිතර වැළඳෙන සාමාන්‍ය සෙම්ප්‍රතිශ්‍යා (common cold) තත්වය ඇතිකරනවා.

කොහොමද මේ වෛරසය ක්‍රියාත්මක වෙන්නේ..?

මේ coronaviridae කියන පවුලට අයිති වන virusa ගෝලාකාර හැඩයකින් යුක්තයි. ඒ ගෝලාකාර සෛලයේ මැද තනිදාම RNA අණුවක් තිබෙනවා. ඒ වගේම පෘෂ්ටයෙන් පිටතට නෙරාගිය Spike Protein අණු වෛරස් සෛලය පුරාම පවතිනවා. හරියටම කිවුවොත් ඉලෙක්ට්‍රෝන අන්වීක්ෂයකින් බැලුවහම ඔටුන්නක හැඩයට තමයි අපට පෙන්නේ. ඒ නිසාම තමයි crown කියන වචනය පදනම් කරගෙන මේකට Coronavirus කියන නම ලැබෙන්නෙත්. එතකොට මේ වෛරසය ධාරකයෙක් තුළට ඇතුල් වුණාට පස්සේ මේ පිටත පෘෂ්ටයේ තියන Spike ප්‍රෝටීන අණු, ධාරක සෛල වල තියෙන ප්‍රතිග්‍රාහක ප්‍රෝටීන සමග සම්බන්ධ වෙලා වෛරසය සෛලය තුළට ඇතුල් වෙනවා.(host cell entry). එහෙම තමයි වෛරස සෛල ධාරක දේහයේ සෛල වලට ඇතුළු වෙලා ගුණනය වීම සිදු වන්නේ. ඒ හා සම්බන්ධ තවත් ධාරක ක්‍රියාවලීන් වල ප්‍රථිපලයක් විදිහට තමයි ධාරකයා රෝගී බවට පත්වෙන්නෙ.

එතකොට මේ අලුත් කොරෝනා වෛරසය අසාදනය වීම පටන්ගත්තෙ කොහොමද..?

මේ ගැන විවිධ මත පලවෙනවා. මේ කොරෝනා වෛරසය වවුලන්ගෙන් මීට පෙර සොයාගත් කොරෝනා වෛරසයන්ට බොහෝ සමානකම් තියෙන නිසා මේකත් වවුලන්ගෙන් බෝවුනා කියලත් අදහසක් තියෙනවා. ඒ වගේම කැබැල්ලෑවාගෙන් (pangolian) සොයාගත් වෛරසයන්ට සමානකම් තිබෙන බවත් ඉතා මෑතකදී සොයා ගත්තා. නමුත් කිසිවක් තවම නිශ්චිතව තහවුරු කරගෙන ඇති බවට සඳහනක් නැහැ. තවත් එක වෙනස්ම මතයක් තිබෙනවා චීනයට කඩාවැටුණු උල්කාෂ්මයක තිබුණ වෛරසය පිටතට නිරාවරණය වීමෙන් මිනිස්සුන්ට ආසාදනය වුණා කියන මතය. නමුත් ඒ මතයත් විද්‍යාත්මකව තහවුරු කරගෙන නැහැ.

කොරෝනා වෛරසය මැඩපැවැත්වීමත්, ආසාදිතයින්ට ප්‍රතිකාර කරන්න බෙහෙතක් සොයාගැනීමත් මේ වෙනකොට සිදුවෙන්නෙ කොහොමද..?

කොරෝනා වෛරසය නිසා මිනිසුන්ට ඇතිවන රෝගය තමයි COVID-19 කියල හඳුන්වන්නෙ. දැන් මේක ගෝලීය වසංගතයක් (Global pandemic) කියන තත්වයට ඇවිත් තියෙනවා. ඉතින් ලෝකයේ බොහෝ රටවල විවිධ ක්ෂේත්‍රවල විශේෂඥන් මේ ගැටළුවට පිළිතුරු හොයන්න වෙහෙසෙනවා. කොරෝනා වෛරසයට එරෙහිව ක්‍රියාකරන Vaccine එකක් නිපදවා මාස 12-18ත් අතර ජනතාවට ලබාදීමට බලාපොරොත්තු වන බව දැනට ලැබෙන තොරතුරු වලින් කියවෙනවා. වෛරසයේ ව්‍යුහයම උපයෝගී කරගෙන වෛරසයට එරෙහි vaccine එකක් නිපදවීම තමයි විශේෂඥන්ගේ අරමුණ වෙලා තියෙන්නේ. මේ වෙනකොට මේ වෛරසයට එරෙහි යම් යම් Vaccine වර්ග නිපදවල තියෙනවා වගේම සමහර ඒවා අත්හදා බැලීම් වලටත් යොමුකරල තියෙනවා. ඇමරිකාවේ නිපදවා තිබෙන mRNA1273 කියන එන්නත එකක්. ඒ වගේ තවත් පර්යේෂණ බොහොමයක් සිදුවෙමින් තියෙනවා. මිට පෙර වෛරස මගින් ඇතිවුන වසංගත තත්වයන් වලදීට වඩා ඉතාම වේගයෙන් මේ වෛරසයේ ව්‍යුහය සහ ලක්ෂණ අධ්‍යනය කිරීම, ක්‍රියාකාරිත්වය හඳුනා ගැනීම සහ එන්නත් නිපදවීම සිදුවුන බවත් කිව යුතුමයි.

දැනට නිපදවා ඇති එන්නත් වලින් රෝගය මැඩපැවැත්විය හැකි බව තහවුරු වෙලා තිබෙනවද..?

මේ එන්නත් නිර්මාණය කිරීමේදී ඔවුන් සැලකිළිමත් වෙලා තියෙන්නේ වෛරසයට එරෙහිව ක්‍රියාත්මක වීම. වෛරසය ආසාදනය වීමට පෙර ශරීරය තුළින් වෛරසයට එරෙහිව ක්‍රියාත්මක විය හැකි ප්‍රතිදේහ නිපදවීම තමයි මේ එන්නතෙන් සිදුවන්නෙ. මම මුලින් කිවුව වගේ වෛරසයේ ව්‍යුහය හඳුනාගෙන තියෙන ආකාරයට, ඒකෙ පිටතට නෙරාගිය Spike protein අණු තියෙනවා. මෙන්න මේ අණු වලට සමාන අනුකාරක ප්‍රෝටීනයක් නිපදවීම තමයි මේ එන්නත මගින් කරන්නෙ. මේ එන්නත ශරීරගත කරාට පස්සෙ මිනිස් සිරුරේ තියෙන ප්‍රතිශක්තිකරණ පද්ධතිය හඳුනා ගන්නවා මේ අලුතින් පැමිණි ප්‍රෝටීනය ආගන්තුක දේහයක් (Foreign body) විදිහට. එහෙම ආගන්තුක ද්‍රව්‍ය සෛල ඇතුලේ තියාගන්නේ නැහැ. එතකොට ධාරකයා මේ ආගන්තුක ප්‍රෝටීනයට එරෙහිව ප්‍රතිදේහ නිපදවා ගන්නවා. එතකොට වෛරසය ඇඟට ඇතුල් වෙද්දීම ඒකට එරෙහිව සටන් කරන ප්‍රතිදේහ ඇඟ ඇතුලෙම තියනවා. වෛරසයට ධාරකයා තුළ ක්‍රියාත්මක වෙන්න නොදී අභ්‍යන්තර ක්‍රියාවලියෙන්ම වෛරසය විනාශ කිරීම සිදුකෙරෙනවා. ඕක තමයි දැනට නිර්මාණය කරෙන vaccine එකේ තත්වය. ඊට අමතරව රෝගය දැනටමත් වැළඳී ඇති අයට remdesivir, hydroxychloroquine, favipiravir කියන ඖෂධ මගින් ප්‍රතිකාර කිරීම සාර්ථක බවට මත පලවෙලා තියෙනවා. ඒ නිසා ඇමරිකාව, ප්‍රංශය,ජපානය ඇතුළු රටවල් කිහිපයකම මේ ප්‍රතිවෛරස ඖෂධ සඳහා සායනික පරීක්ෂාවන් (clinical trial) කෙරෙමින් තිබෙනවා.

වෛරසය ආසාදනය වීමෙන් වැළකීමට නිතර “සබන් යොදා අත් සෝදන්න” කියල සෞඛ්‍ය උපදෙස් ලැබෙනවා. මේ උපදෙස් වල පදනම මොකක්ද..?

දැනට වෛරසය ආසාදනය වීම වැලැක්වීමට සාර්ථකම විසඳුමක් තමයි ඒක. ආසාදිතයකු මගින් වෛරසය තවත් කෙනෙකුගේ අත්වලට ඇවිත් අතින් කට, නාසය, මුහුණ ඇල්ලීමේදී ආසාදනය විය හැකියි. ඉතින් ඒ නිසා නිතර තත්පර 20කට වඩා සබන් යොදා අත් සෝදන්න කියන උපදෙස ලෝක සෞඛ්‍ය සංවිධානයෙන් ලබාදී තිබෙනවා. අර මම මුලින් කිවුව වගේම මේ වෛරසයේ RNA අණුව වටා මේද අණු සහ අනිකුත් ප්‍රෝටීන් අණු වලින් හැදුන ආවරණයක් (lipid membrane) තියෙනවා. ඒකෙන් පිටතට තමයි Spike protein අණු පිහිටන්නේ. සාමාන්‍ය සබන් හැදිලා තියෙන අණුවල තියෙනවා Hydrophilic heads සහ Hydrophobic tail එකක්. මේ hydrophobic tail එක ජලය එක්ක සම්බන්ධ වන්නේ නැහැ. නමුත් මේදය එක්ක ඉතාම හොඳින් සම්බන්ධ වනවා. ඔබ සබන් යොදා හොඳින් අතුල්ලා අත් සෝදද්දී, ඔබේ අතේ කොරෝනා වෛරස තිබුනොත්, සබන් වල තියෙන මේ hydrophobic tail එක වෛරසයේ පිටින්ම තියෙන මේද ආවරණය සමග සම්බන්ධ වනවා. ඒ සම්බන්ධ වීමෙන් වෛරසයේ පිටත ආවරණය විනාශ කරනවා. එතකොට වෛරසයට තවදුරටත් පවතින්න බැහැ. ඒ නිසයි වෛරසය විනාශ කිරීමට හොඳම විසඳුම එය බව කියවෙන්නේ.

කොරෝනා වෛරසය තවදුරටත් ව්‍යාප්ත වීම වැළකීම මේ වසංගතය පිටුදැකීමේ ක්‍රමවේදය බව දැන් ඔබ ඉතා හොඳින් දන්නා කරුණක්. එනිසා සෑම විටකම නිසි සෞඛ්‍ය උපදෙස් පිළිපදින්න. නිතර සබන් යොදා අත් සෝදන්න. නිවසේම රැඳී සිටින්න. වසංගත තත්වයෙන් මිදීමට පුරවැසියකු ලෙස රජයේ ක්‍රියාපිලිවෙලට ඔබේ දායකත්වය ලබාදෙන්න.

සම්පත් දායකයා – ජපානයේ Hokkaido විශ්ව විද්‍යාලයේ පශ්චාත් උපාධි අංශයේ වසංගත රෝග (Infectious diseases) පිළිබඳව ආචාර්ය උපාධිය හදාරමින් සිටින දේවින්ද මුතුසිංහ (Devinda S. Muthunghe – BSc – Kelaniya, MSc – Peradeniya, PhD Candidate – Laboratory of Animal Experimentation, Graduate School of Infectious Diseases, Hokkaido University, Japan)

සංවාදය සහ සටහන – එන්. වෙහෙරදුව

Covid වසංගත මධ්‍යයේ දෙමව්පියන්ගේ කාර්යභාරය..

uthpala indrachapa

නිරෝධායන කාලය නිසා පවුලේ හැමෝම ඉන්නෙ ගෙදර…ඉතිං,දෙමව්පියන් විදියට “අද මම උයන්නෙ මොනවද?”… “මගේ වැඩ ටිකයි දරුවන්ගේ දේවලුයි සමබරව කරගන්නෙ කොහොමද?”…වගේ ප්‍රශ්න ගැන හිතමින් කරදර වෙනවා ඇති..ගිය සති දෙකක කාලයක් තිස්සේ දෙමව්පියන් , තරුණයන්ට, දරුවන්ට ,ඒ කියන්නෙ අපි හැමෝටම නොහිතපු විදියේ ජීවිත රටාවේ වෙනස් වීමකට මුහුණ දෙන්න වුණා. හැබැයි අපි හැමෝටම වැඩියෙන් රැකියාවක් කරපු නොකරපු හැම දෙමව්පියෙක්ටම මේ දින වල විවේකයක් නොමැති පූර්ණකාලීන රැකියාවක් ලැබී තිබෙන බව නම් රහසක් නෙවෙයි….

මේ දවස් වල දෙමව්පියන් විදියට දරුවන් එක්ක කටයුතු කල යුතු ආකාරය ගැන ජිවිතය පිළිබඳව උපදේශිකාවක් වන යශෝධරා පතාංජලී සහ ඒෂියන්පෙරන්ට්හී අධ්‍යක්ෂිකා නාලීකා උන්ටැන්නේ යන මහත්මියන් ඔවුන්ගේ අදහස් අප සමග බෙදාගැනීමෙන් ගැස්ම අපට සහය වුණා. ඔවුන් සමහර දෙමව්පියන්ට එන්න පුළුවන් ප්‍රශ්න කිහිපයක් අරන් ඒකට විසදුම් ඉදිරිපත් කළා.

දවසේ කටයුතු වලට නිවැරදි කාල සටහනක් සාදන්න.

මේ දවස් වල එකම කාල සටහනකට හුරු වෙන්න දරුවන්ට ටිකක් අපහසුයි. මොකද පංති, පාසල්, ක්‍රිඩා පුහුණු වීම් මේ දවස් වල නෑ. ඒ කොහොම වුණාත් දරුවන්ව කාල සටහනකට හුරු කිරීම එයලාගෙ අනාගතයට වටිනවා. ඒ නිසා මේ දවස් වල දැඩි කාල සටහනක් නැතිව පහසු කාල සටහනක් සාදාන්න. පාඩම් කරන්න කියලා නිතරම බල නොකර ඊට පොඩි කාලයක් පමණක් වෙන්කරන්න. ඒ වගේම සුව නින්දක් ලබා ගැනීමට සහ නිවැරදි ආහාර රටාවකට දරුවන්ව හුරු කරන්න. ඒකාකාරී බවෙන් මිදෙන්න පවුලක් විදියට පොඩි පොඩි ක්‍රීඩා ටිකක් කරන්න අමතක කරන්න එපා.

විවෘතව කතාකරන්න.

දරුවන්ට මේ තියෙන වාතාවරණය තේරුම් ගන්න අපහසු , බැරෑරුම් කාලයක් කියලා අමතක කරන්න එපා. මේ දේවල් තේරුම් ගන්න දෙමව්පියන්ගෙ උපකාරය දරුවන්ට ගොඩක් වැදගත්. මිනිස් මොළේ ක්‍රියාකාරීත්වය අනුව, තවත් අයෙක් සමග අදහස් ,යෝජනා, චෝදනා බෙදාගැනීමෙන් අපේ මනසට සැහැල්ලුවක් වගේම අපි තනිවෙලා නෑ කියන හැගීමක් ඇතිවෙනවා. ඉතිං සමහර වෙලාවට දරුවන් නොදැනුවත්කම නිසා තේරුමක් නැති ප්‍රශ්ණ අහන්න පුලුවන්. ඔවුන්ට හොදින් සවන්දීලා, කාරුණිකව එය පැහැදිලි කර දෙන්න.

හැමෝගෙම සහය ලබා ගන්න

නිරෝධායන සමයේ නිදහස වැඩියි. වෙනදා කරන්න වෙලාවක් තිබ්බෙ නැති දේවල් කරන්න වෙලාව දැන් ඕනාවටත් වැඩියෙන් තියෙනවා. ඒ නිසා මේ කාලයේදි ,උයන පිහන දේවල්, ගෙවල් දොරවල් අස් කරන්න,ගෙවතු වගාව වගේම විවිධ උපකරණ භාවිතා කරන්න ඉගෙන ගන්න වගෙ දේවල් වලට දෙමව්පියන්ට වැඩි ඉඩකඩක් ලැබී තිබෙනවා. ඉතිං ඒ සදහා ඔබේ දරුවාගෙත් සහය ලබාගන්න. ඒ තුළින් පවුලේ බැදීම තවත් ශක්තිමත් වේවි.

තාක්ෂණයෙන් ප්‍රයෝජනයක් ගන්න කාලයයි !!!

වැඩිහිටියන් විදියට දැන් අපි මුහුණ පා තියෙන සමාජ දුරස්ථබව නිසා අපේ මානසික සෞඛ්‍ය හා එහි ස්ථාවරත්වයට බලපෑම් ඇති වෙන්න බොහෝ ඉඩකඩ තියෙනවා. මේක අපිට එකපාරටම නොපෙනුණත් ක්‍රමක්‍රමයෙන් කාලය යන්න යන්න එහි බලපෑමද වැඩි වෙනවා.

මේ සමාජ දුරස්ථබව අපිට වගේම අපේ දරුවන්ටත් බලපෑම් ඇති කරනවා කියන දේ නොදෙවෙනි කරුණක්. ඒකට හේතුව තමයි,එයාලගේ යාළුවෝ එක්ක කතා කරන්න, සෙල්ලම් කරන්න, පාසල් යන්න, මේ හැමදේම එයාලට මේ වෙද්දි මගඇරිලා තියෙනවා. මේ නිසා පාළුව, තනිකම, කනස්සල්ල වගේ මානසික ගැටළු වලට එයාලත් මුහුණ දෙනවා. මේ වෙලාවෙදි, අපි දෙමව්පියන් විදියට එයාලත් එක්ක වැඩි කාලයක් ගත කරන්නත්, එයාලගේ ප්‍රශ්න වලට විසදුම් දෙන්නත්, කුඩා හෝ සමාජ වපසරියක් එක්ක ගැටෙන්නත්; උදාහරණයක් ලෙස සමාජ මාධ්‍ය හරහා හෝ පණිවුඩ හුවමාරුව තුලින් එයාලගේ යාළුවෝ එක්ක සම්බන්ධ වෙන්න අවස්ථාවක් සලසාදීම වැදගත් .

දරුවන්ට නිවැරදිව කරුණු පහදා දෙන්න

දරුවන් කොහොමත් කුතුහලයක් ගෙනෙන දේවල් හොයන්න උනන්දු පිරිසක් .”ඇයි අපිට යාළුවෝ හම්බෙන්න බැරි? ” ,”කෑම කන්න එළියට යන්න බැරි?”,”උපන්දින සමරන්න බැරි?”, මේවා එයාලට දැන් තියෙන ප්‍රශ්න. මේ වගෙ වෙලාවකදි,දෙමව්පියන් විදියට එයාලගේ මනස නිරවුල් තියාගන්න උදව් කරමු.

මුලින්ම එයාලට රටෙහි දැන් තියෙන තත්ත්වය ගැන පැහැදිලි කරන්න. ඒ වගේම ,මිත්‍යා දේවල් කියනවා වෙනුවට නිවැරදිදේම පහදා දෙන්න. උදහරණයක් විදියට ,” කොත්තමල්ලි බිව්වාම වෛරසය හැදෙන් නෑ” වගේ දේවල් නොකියා.. “කොත්තමල්ලි බොන එක අපේ ප්‍රතිශක්තිකරණ පද්ධතියට හොදයි”. කියන්න. ඒ වගේම එයාලට අවබෝධ කරලා දෙන්න,මීට කලිනුත් මේ වගේ වසංගත ලෝකයට ආව බව සහ ( පෝලියො, ඉන්ෆ්ලුවෙන්සා, සාර්ස් ) ඒවාට බෙහෙත් හොයාගෙන අසනීප අය සුවවුනු බව කියලා දෙන්න.

කොහොමද නැවත සාමාන්‍ය තත්ත්වයට පත් වෙන්නේ?

ඇදිරි නීතිය ඉවත් කරපු ගමන්ම සමාජයත් එක්ක නැවත ගැටෙන එක අලුත් දෙයක් වෙන්න පුළුවන්. වතාවරණයකින් වතාවරණයකට මාරු වෙන එක පොඩි දරුවන්ට අපිට වඩා බලපෑම් ඇති කරනවා. මේ නිසා එයාලව දැන් ඉදන්ම ඒ දේට හුරුකරන්න. දැන් මේ තියන තත්ත්වය තවකාලික බව හැගෙන වචන කතා කරන්න .

රිදී රේඛාව ?

අවසාන වශයෙන් අපි හිතෙන විදියට හැමදෙයක්ම සිද්ධ වෙන් නෑ වගේම, සිදුවන මොනදේටත් හොදින් මුහුණ දෙන්න පුරුදු වීම තුළින් ජිවිතය සතුටින් ගත කරන්න පුළුවන් කියලා අපිට දරුවන්ට කියා දෙන්න පුලුවන්.

තිරය පිටුපස සිට අපේ ජීවිත වැඩි දියුණු කරන වීරයන්…

uthpala indrachapa

“සෑම කතාවකටම පැති දෙකක් තිබේ” කියන කියමන අපි ජිවිතේ හැමදාම ප්‍රායෝගිකව අත්විඳින දෙයක්. අපි දකින අහන සිදුවීම් හැම එකකම අපි නොදන්න වගේම අපට නොපෙනෙන පැත්තකුත් තිබෙනවා. මේ හැම එකකම එක කතාවක් පොදුවේ සමාජයට නිරාවරණය වන නමුත් අනික් කතාව හැම විටම වගේ සැඟවී තියෙනවා. සමහර විට වඩා අපහසු සහ ඛේදනියම කතාව එය විය හැකියි. මේ මොහොත අපට ඉතාම අසීරු මොහොතක්. රටක් විදිහට අපි ගෙවන්නේ ඉතාම දුෂ්කර කාලයක්. රටවැසියන්ට “නිවෙසට වී සිටින්න” කියල නිරන්තර උපදෙස් ලැබෙනවා. නමුත් නිවෙසට වී සිටින රටවැසියන්ට අවශ්‍ය ද්‍රව්‍ය නිවෙසටම ලබාදීමේ වැඩපිළිවෙලක් අවශ්‍ය වී තිබුනා. Cargills සුපිරි වෙළඳසැල් සමුහය මේ භාරදූර වගකීමට උරදෙන්න තීරණය කළා. නිවසේ සිටින ඔබ ඔබේ භාණ්ඩ ඇනවුම Cargills ආයතනය වෙත යොමු කිරීමෙන් පසුව පැය කිහිපයක් තුළ ඔබේ නිවසට ඒ භාණ්ඩ ලැබෙනු ඇතැයි ඔබ අපේක්ෂා කරනවා. නමුත්, මේ ක්‍රියාවලිය වෙනුවෙන් වෙහෙසෙන ආයතනයේ කාර්ය මණ්ඩලය සහ ඒ හා සම්බන්ධ වන ගොවීන් ඇතුළු අනික් පාර්ශව මේ මොහොතේ ලබන අත්දැකීම ගැන ඔබ සිතා බැලුවාද..? ඔබ නිවසේ රැඳෙමින් ආරක්ෂිතව සිටින අතරත්, පාසල්, කාර්යාල බොහොමයක් වසා දමා ඇති අතරත් මේ පිරිස ඔබේ පහසුව වෙනුවෙන් කරන කැපවීම ගැන ඔබ සිතා බැලුවාද..? කාගීල්ස් කණ්ඩායමේ සාමාජිකයින් කිහිප දෙනෙක් සමග අපි ඔවුන්ගේ මේ අසීරු අත්දැකීම් ගැන කතාබහ කළා.

Cargills Food city ආයතනයේ වසර 14ක සේවා පළපුරුද්දක් සහිත, දැනට රාජගිරිය ශාඛාවේ මෙහෙයුම් නිළධාරියකු වශයෙන් සේවය කරන විනෝද්, අපට කිවුවේ මේ විදිහේ කතාවක්.
“මට පුංචි දරුවන් දෙදෙනෙක් ඉන්නවා. මගේ පොඩි දුවට වයස අවුරුදු දෙකක්. එයාට මගේ රැකියාවේ වැඩ දවස් ගැනවත් නිවාඩු දවස් ගැනවත් අදහසක් නැහැ, නමුත් වැඩිමල් පුතාට ඒ ගැන තේරෙනවා. හෙට මගේ නිවාඩු දවසක් නම්, මම ගෙදරින් එලියට එද්දී පුතාට දෙන උත්තරය මොකක්ද..? රටේ තියෙන මේ අමාරු තත්ත්වය ගැන තේරුම් ගන්න එයා තාම පුංචි වැඩියි”

උදෑසන 7.30ට පමණ වැඩ අරඹන විනෝද් ඇතුළු මේ සේවක පිරිස තමන්ගේ දෛනික රාජකාරි නිමා කරන්නේ රාත්‍රී 10.45ට පමණ බවයි ඔවුන් අප සමග පැවසුවේ. කොරෝනා වසංගත තත්ත්වය මෙරටට පැමිණීමට පෙර ඔවුන්ගේ දෛනික රාජකාරි වුනේ භාණ්ඩ තොග පවත්වා ගැනීම, රාක්කවල ඇසිරිම, මුදල් අයකරගැනීමේ කටයුතු සහ අදාල භාණ්ඩ පාරිභෝකිකයින්ගේ වාහන වලට පැටවීම වගේ කටයුතු ප්‍රමාණයක්. නමුත් මේ වෙද්දී වැඩකරන සේවක පිරිස 50% පමණ වන අතරේම ඒ පිරිස වෙත වඩා වැඩි වැඩ ප්‍රමාණයකුත් පැවරී තිබෙනවා. පාරිභෝගිකයින්ගෙන් ඇනවුම් ලබාගැනීම, ඒවා වෙන් වෙන්ව ලබාගෙන අදාළ භාණ්ඩ ලැයිස්තුව සකස් කිරීම, ඇසුරුම් කිරීම සහ ඒවා නිවෙස් වෙත ගෙනගොස් බාරදීමත් ඔවුන්ගේ රාජකාරි අතරට එකතු වනවා. භාණ්ඩ ඇනවුම් දහස් ගණනක් දිනකට ඔවුන්ගේ ශාඛාවට පමණක් ලැබෙන බවත් ඔවුන් අපි සමග පැවසුවා.

“දවසකට අපේ ශාඛාවට විතරක් දාහකට වඩා වැඩි Oders ප්‍රමාණයක් ලැබෙනවා. නමුත් ඒ ඔක්කොම අපට ඒ අදාළ දවස ඇතුළතම බෙදාහරින්න අපහසුයි. අපි Oder එකක්වත් ප්‍රතික්ෂේප කරන්නේ නැහැ. සමහර Customer කෙනෙකුගෙ List එක ට්‍රොලි දෙකක් පිරෙන්න තරම් තියෙනවා. ඒ වගේ Oders වලට අපේ සේවක පිරිසට වැඩි වෙලාවක් ගතකරන්න වෙනවා, ඒ නිසා ලැබෙන සියළුම Oders පැය කිහිපයකින් ලබාදෙන්න අපහසුයි”

විනෝද් ඇතුළු මේ සේවක පිරිස පාරිභෝගිකයින් ලෙස ඔබේ ඉවසීම බලාපොරොත්තු වෙනවා. ඔවුන් පවසන විදිහටත්, ඔබ ඉතා හොඳින් දන්නා විදිහටත් ඔබ අප, පසුකරමින් ඉන්නේ ඉතාම අසීරු මොහොතක්. ඒ නිසා ඔබ මේ මොහොතේ තත්ත්වය වටහාගැනීමට තරම් ඉවසීමක් සහිත වීම වැදගත්. සමහර පාරිභෝකයින් ඒ අයගේ ඇණවුම ලබාදුන් පසු වෙනත් ආයතනයකිනුත් ඇණවුම් කරන බවත් ඒ පාර්සලය කාගීල්ස් ආයතනයට පෙර ලැබී තිබුනොත් අදාළ පාර්සලය නැවත හරවා එවන බවත් විනෝද් කියනවා. “භාණ්ඩ අත්‍යවශ්‍ය තවත් කෙනෙකුට ඒ පාර්සලය යවන්න තියෙන වෙලාව අපට මේ වගේ දේවල් නිසා නැතිවෙනවා, ඒකෙන් තවත් Costumer කෙනෙක් අපහසුවට පත්වෙනවා” යැයි විනෝද් පවසනවා. කාගීල්ස් ආයතනයේ සේවක පිරිස මුහුණදෙන සෞඛ්‍ය අවදානම ඊළඟ වැදගත්ම කාරණය වනවා. දවසට පැය 14ක් 15ක් පමණ භාහිර පරිසරය සමග ගණුදෙනු කරන මේ පිරිස ඉන් පස්සෙ ඔවුන්ගේ පවුලේ සාමාජිකයින් වෙත යනවා. මේක මේ පිරිස වගේම පවුලේ සාමාජිකයිනුත් ගන්නා සෞඛ්‍ය අවදානමක්. නමුත් මේ අසීරු මොහොතේත් තමන්ගේ පාරිභෝගිකයින් තමාගේ ප්‍රථම සහ ප්‍රධානම වගකීම විදිහට සලකමින් ඔවුන් ඒ අවදානමත් නොතකා ඔබේ සේවය වෙනුවෙන් කැපවනවා.

පාරිභෝගිකයින් වෙත කාර්යක්ෂම සේවාවක් මගින් භාණ්ඩ ඇනවුම් නිවසටම ලබාදීමේ ක්‍රියාවලියේදී, අනෙක් වැදගත්ම කාරණය වන්නේ නැවුම් සහ ගුණාත්මක නිෂ්පාදන ලබාගැනීමේ ක්‍රියාවලිය. දිවයින පුරා විසිරී සිටින 5000කට අධික එළවළු, පළතුරු සහ කිරි ගොවීන් සමග මනා සම්බන්ධතාවක් පවත්වා ගනිමින් ඔවුන්ගේ නිෂ්පාදන මිළදී ගැනීමත්, නිසි පරිදි ඇසුරුම් කිරීමත්, ප්‍රවාහනය කිරීමත් ඔවුන් මුහුණදෙන අනික් දැවැන්ත අභියෝගය වනවා. මේ නිෂ්පාදන සිදුකරන ගොවීන් පවා තමන්ගේ කටයුතු කරගන්නේ දුෂ්කරතා රැසක් සමගින්. විශේෂයන්ම අවම කෘෂි උපකරණ, පොහොර සහ මානව සම්පත් ප්‍රමාණයක් භාවිතා කරමින් වැඩි වෙහෙසක් දරමින් ඔවුන් ඒ නිෂ්පාදන සිදුකරනවා. ඒ නිෂ්පාදන මිළදී ගත් පසු වඩා ආරක්ෂිතව, නැවුම් බවට සහ ගුණාත්මක බවට හානි නොවන අයුරින් කාගීල්ස් සුපිරි වෙළඳසැල් ශාඛාවන් වෙත බෙදාහැරීමත් මේ සේවක මණ්ඩලය මුහුණදෙන තවත් දුෂ්කර අභියෝගයක්. ඒ සම්බන්ධීකරණය සහ ප්‍රවාහනය මෙවැනි ඇඳිරි නිතිය පනවා ඇති මොහොතක වඩාත් දුෂ්කර වනවා.

මේ සියළු දුෂ්කරතා අත්විඳින අතරෙත් ගොවීන් තමන් වග කළ නැවුම් එළවළු, පළතුරු සහ නිෂ්පාදනය කළ කිරි සහ සත්ව නිෂ්පාදන, කාගීල්ස් ආයතනය මගින් පිහිටුවා ඇති එකතු කිරීමේ මධ්‍යස්ථාන වෙත ගෙන එනවා. ඔවුන් වෙනස් වේලාවන් වල ඒ මධ්‍යස්ථාන වෙත පැමිණීමෙන් වැඩි පිරිසක් සමග සම්බන්ධ වීම අවම කරගැනීමට තරම් ප්‍රවේසම් සහගත බවත් අපට දැනගන්න ලැබුනා. මේ එකතු කිරීමේ මධ්‍යස්ථාන වලින් ලබාගන්නා නැවුම් නිෂ්පාදන දිවයින පුරා පිහිටි කාගීල්ස් සුපිරි වෙළඳසැල් ශාඛා 410ක් පුරා නිසි අයුරින් බෙදාහැරීමේ වගකීම දරන්නේත් කාගීල්ස් සේවක මණ්ඩලයේ සාමාජිකයින් විසින්මයි. ඔවුන් මේ ක්‍රියාන්විතයෙන් ඉවත් වුණා නම්, ඔබ අප මෙන්ම නිවසටවී ආරක්ෂිතව කල්ගෙවීමට තීරණය කළා නම්, ඔබත් අපත් අත්විඳින්නට තිබූ අපහසුව කෙතරම් විය හැකිදැයි ඉවසීමෙන් යුතුව සිතා බැලිය යුත්තක්.

සෞඛ්‍ය අංශ සහ ආරක්ෂක අංශ මේ කොරෝනා වසංගතය පිටුදැකීමේ මෙහෙයුමේ ඉදිරියෙන්ම සිටිමින් ඔබ අප වෙනුවෙන් දැවැන්ත කැපකිරීමක් සහිතව සේවය කරනවා. ඔවුන්ට අපේ ආචාරය හිමිවිය යුතුමයි. ඒ වගේම ඔබට අවශ්‍ය ආහාර ද්‍රව්‍ය ඔබ වෙතටම ලබාදෙමින් ඔබේ පෝෂණය සහ පහසුව වෙනුවෙන් කැපවීමෙන් සේවය කරන මේ සුපිරි වෙළඳසැල් සේවක මණ්ඩලයටත් අප ස්තුතිවන්ත විය යුතුයි. මේ අසීරුම මොහොතේ යම් ප්‍රමාදයන් සිදුවිය හැකියි. බලාපොරොත්තු වූ තරම් ඉක්මනින් ඔබේ ඇණවුම නොලැබුනා විය හැකියි. සමහර භාණ්ඩ ඔවුන් සතුව නොතිබුනා විය හැකියි. ඒ ගැන සමාජ ජාලා මාධ්‍ය හරහා මැසිවිලි නැගීම හෝ ආයතන වෙත චෝදනා කිරීමට තරම් හදිසි නොවී මේ ක්‍රියාන්විතයේ අසීරු තත්ත්වය ගැනත් මොහොතක් සිතා බලන්නැයි අපි ඔබට යෝජනා කරනවා.

ඉවසීමෙන් කටයුතු කරන්න. ධනාත්මක සිතිවිලි පතුරවන්න. ඔබේ ඇණවුම රැගෙන ඔබවෙත එන සේවක මහතාට සිනහවකින් සංග්‍රහ කරන්න. ඔවුන්ගේ කැපවීම අගය කරන්න. ඔවුන් තමන් පිළිබඳව සහ තම පවුල පිළිබඳව ඇති සෞඛ්‍ය අවදානමද නොසලකා හරිමින් මේ කරමින් සිටින සේවය ගැන නිසි ඇගයීමක් ලබාදීමට තරම් නිහතමානි වන්න. එය ඔවුන් තව තවත් දිරිමත් කරනු ඇති. මේ අසීරු සටන එක්ව ජයගැනීමට ඔබට හැකි සුළු ප්‍රමාණයකින් හෝ දායක වන්න.

මහත හංගලා photo වලට pose කරන්න ඉගෙන ගමු..

uthpala indrachapa

ලෝකයේ කාන්තාවන්ගෙන් සියයට 90% ක්ම තමන්ගේ සිරුරේ හැඩය ගැන තෘප්තිමත් වෙන්නේ නැහැ. සමහරු කියනවා මහත වැඩීයි කියලා නැත්තම් තවත් සමහර අය කියනවා කෙට්ටු වැඩීයි කියලා. කොහොම වුණත් පොඩි වෙලාවකට හරි මහත අය කෙට්ටුවට පේන්න ඡායාරූපයකට පෙනී ඉන්න ඕන ඉරියව් කිහිපයක් ගැන කියලා දුනනොත් ඔයාලට ලොකු උදව්වක් වෙයි කියලා ගැස්ම අපි හිතුවා.

අත්වල මහත අඩු කරලා පෙන්වන්න..

ඡායාරූපයකට පෙනී ඉන්නකොට අත්දෙක එල්ලාගන හිටියොත් වෙන්නේ අත් දෙකේ බාහු වල මහත වැඩිවෙලා පෙන්න ගන්නවා. ඒ නිසා අත්දෙක එල්ලගන ඉන්න එපා . ඉනට අත තබාගන ඡායාරූපයට පෙනී සිටියොත් ඔයාට පුළුවන් අත්වල මහත අඩුකරලා පෙන්වන්න.

ඉණ ප්‍රදේශයේ මහත අඩු කරලා පෙන්වන්න..

මහත සිරුරකට හිමිකම් කියන අයගේ වැඩියෙන්ම මහත ඉණ. හිටගන ඉන්නකොට ඉණ ගොඩක් මහතට පේනවනම් කරන්න තියෙන්නේ කකුල් ළං කරලා සීරුවෙන් ඉන්නේ නැතිව කකුල් දෙක අඟල් 6 -10 ක් විතර ඈතින් තියලා හිටගන්න එක. එතකොට ඔයාට ඉණේ මහත පෙනෙන එක අඩු කරලා පෙන්වන්න පුළුවන්.

ද්විත්ව නිකට නැතිකර පෙන්වන්න..

මහත අයගේ නිකට ප්‍රදේශයේ යටින් ද්විත්ව නිකටක් එල්ලී පෙනීම සාමාන්‍ය දෙයක්. මෙය අඩු කරගන්න නම් කරන්න තියෙන්නේ මුහුණ පහලට හරවන්නේ නැතිව බෙල්ල ටිකක් උස්සලා ඉදිරිය බලන එක විතරයි. නිකට යටින් තිබෙන එල්ලා වැටෙන ස්භාවය ඒ ආකාරයෙන් අඩු කරලා පෙන්වන්න පුළුවන්.

සිරුර හැඩ කර පෙන්වන්න..

ඔබ මහත කෙනෙක්නම් ඡායාරූපයට පෙනී ඉන්නකොට කිසිම හැඩක් සිරුරේ පෙන්නේ නැතිව ඇති. ඔයාට කරන්න තියෙන්නේ සිරුර ටිකක් පැත්තට හරවලා ඉණට අතක් තියලා පොඩි හැඩයකට ඉන්න එක. එතකොට ඔයාට පුළුවන් සිරුරේ මහත ස්භාවය අඩු කරලා පෙන්වන්න.

සිරුරේ ටයර් ස්වභාවය නැති කර පෙන්වන්න..

මහත අයගේ සිරුරේ මහත වැඩි නිසාම මස් පිඩු එල්ලා වැටිලා ටයර් වගේ පේන්න ගන්නවා. එහෙම පේන එක නැති කරගන්න නම් පසුපසට බරවෙන්නේ නැතිව ඉදිරියට බරවෙලා හිටගන්න මතක තියාගන්න.

උදරය අඩුකර පෙන්වන්න..

මහත කෙනෙක් වාඩි වුණහම තමයි එ අයගේ උදරය ඉතා විශාලව එල්ලෙමින් පවතින බව පෙන්න ගන්නේ. ඒ නිසා ඉඳ ගන්නා විට හරි කෙළින් ඉදගන්නේ නැතිව පැත්තට බරවෙලා ඉඳ ගන්න.

උරහිස්වල පළල අඩුකර පෙන්වන්න..

සාමාන්‍යයෙන් ඉඳගන ඉන්න වෙලාවටත් හිටගන ඉන්න වෙලාවටත් සිරුරේ මහත වැඩි වෙලා පෙන්න වැඩියෙන්ම හේතුවෙන්නේ උරහිස. උරහිස්වල පළල වැඩියෙන් පෙණුනහම තමයි ඇඟත් මහතට පෙනෙන්නේ. නමුත් ඉඳගන්න වෙලාවටත් හිටගන ඉන්න වෙලාවටත් සෘජුවම ඉන්නේ නැතිව උරහිස ටිකක් විතර පැත්තට නැඹුරු කරලා හිටියොත් මහත අඩු කරලා පෙන්වන්න පුළුවන්.

සිරුර සැහැල්ලු කර පෙන්වන්න..

ඔයා හිටගන ඉන්න වෙලාවට හරි කෙලින් සෘජුව හිටගන ඉද්දි සිරුරේ සැහැල්ලු බව අඩුවෙලා තමයි පෙනෙන්නේ. ඒ නිසා හිටගන ඉද්දි පාදයක් ඉදිරියට තියලා පැත්තට නැඹුරු වෙලා ඉන්න එක තමයි මහත නැතිකරගන්න හරියනම විදිහ. ඒ වගේම පාද කෙලින් තියාගන්නේ නැතිව හරස් කරලා තියාගත්තහමත් මහත සිරුර කෙට්ටු කරලා පෙන්වන්න පුළුවන්.

source :-brightside.me

මේ සැරේ වෙනස් විදියට අපි අවුරුදු සමරමු…

uthpala indrachapa

“සුභ අලුත් අවුරුද්දක් වේවා” මෙය ශ්‍රී ලාංකික අපේ හදවත් වලට සමීපතම වු වැකියක්… සිංහල සහ හින්දු අලුත් අවුරුද්ද, වාචික හුරුවට කියනවනම් “අවුරුදු ” කියලා කියන්නෙ අපේ කමේ සුන්දර අනන්‍යතාව ලොකයටම පෙන්නන්න පුලුවන් කාලයකටයි. අලුත් වසරක් පටන් ගත්තට පස්සේ අවුරුදු නිවාඩුව එනකන් පොඩ්ඩො විතරක් නෙමෙයි ලොක්කොත් ඇගිලි ගැන ගැන ඉන්නේ නොවිමසිල්ලෙන්.. හේතුව තමයි මෙ කාලයේදි අපිට පවුලක් විදියට සතුටින් කාලය ගත කරන්න පුලුවන්,ඒ වගේම මේ කාලයේදි අපේ ජිවිත වලට අලුත් බලාපොරොත්තුත් ඇති වෙනවා….

හැබැයි අවාසනාවකට වගේ covid-19 වසංගත නිසා මෙ අවුරුද්ද වෙනදා වගේ සමරන්න අපිට බෑ.. සිංහල සහ හින්දු අලුත් අවුරුද්ද ශ්‍රී ලාංකික අපෙ සංස්කෘතිය පෙන්වන ප්‍රධානම අංගයක්, ඒ නිසා පාරම්පරික උරුම වෙච්ච අවුරුදු සිරිත් මේ සැරෙත් සජිවීව තියාගන්න එක අපිට අවශ්‍යයි. මේ අවුරුද්ද අපේ ජිවිත වලට අලෝකයක් හා ධනාත්මක ආකල්පයක් ගෙනේවි..වෙනදා වගේ අපිට ගමේ ගිහින් ආච්චීයි, සීයයි බලන්න බෑ, නෑගම් යන්නත් බෑ, ඒ වගෙම අවුරුදු උත්සව තියන්නත් බැරි වෙනවා.හැබැයි අපිට පුලුවන් මේ අවුරුද්දෙ සෑබෑ අර්ථය තේරුම් අරන් අපි ගැන වගේම අපේ ආදරණීයන්ගේ සතුට ගැන සිතා වැඩ කරන්න. අපි කොහොමද මේ අවුරුද්දෙ එහෙම කරන්නෙ කියලා ඔයාට හිතෙන්න පුලුවන්…ඉතිං අපි ඔයාට පෙන්නලා දෙන්න යන්නෙ ගෙදර ඉදන් අවුරුදු සමරන්න පුලුවන් විධි ටිකක් ගැන…

ඔබව සහ ඔබේ ජීවිතය වැඩි දියුණු කරගන්න

* ඔබ ඔබේම සිතුවිලි සොදිසිකර බලා ඔබ කවුද කියා නිවැරදිවම දැනගන්න.*

අවුරුදු කාලයෙදි අපි කවුරුත් දන්න විදියට අපේ ජිවිත වලට අලුත් බලාපොරොත්තු ඇති වෙලා අපේ ජිවිතරටාවෙ සැබෑ වෙනසක් ඇති වෙනවා. ඉතිං මේ අවුරුද්දෙ ඔයාට පුලුවන් ඔයාගෙ සිතුවිලි සොදිසිකර බලලා ඔයා ඇත්තටම කවුද කියලා දැනගන්න. අපි හැමොගෙම එක එක අඩුපාඩුකම් තියෙනවා. අපේ සමහර අඩුපාඩුකම් තේරුම්ගන්න අපිට ගොඩ කාලයක් යනවා. ඉතිං ඔයාට පුලුවන් හැම දවසකම ඔයාවම අධ්‍යනය කරන්න.. ඔයාගේ දුර්වලතා,දක්ශතා,ඔබ කැමැති සහ අකමැති දෑ, ඔබෙ ගතිපැවතුම් හදුනාගනිමින් දියුණු කල යුතු ගුණාංග වල අඩුපාඩුකම් හදාගන්න ඔයාට පුලුවන්… ඒ වගේම ඔයා ඔයාගේ ජීවිතේ කෙටි කාලයකින් ලගාකර ගන්න බලා සිටින ඉලක්ක සහ දිගු කාලයකින් ලගා කරගන්න අපේක්ෂා කරන ඉලක්ක සටහන් කරගෙන ඒ දෙවල් ලබාගන්න ඔයා කරන්න ඕන දෙවල් පියවරෙන් පියවර ලියාගෙන ඔයාට නිතරම ඇස ගැටෙන මානයක එය තබාගන්න.

ඔයාට ගෙදරටම වෙලා ඉදලා අනාගතය ගැන තියෙන උද්යෝගය අඩුවෙලා ඇති… හැබැයි හිතන්න, මේ නරක කාලය ඉක්මනින්ම ගෙවිලා යයි.ඔයා ඔයාගේ ජීවිතයෙ සැලසුම් යොදන්න ආයේ පටන් ගන්න..ඔයා කොච්චර දෙවල් ජය අරගෙන තියෙනවද කියලා කල්පනා කරලා බැලුවොත් ඔයාගේ ආශාවන් නැවත ජීවත් කරන්න උනන්දුවක් ඔයාට ඇතිවෙයි.

ඔබේ අධ්‍යාත්මිකත්වයත් සමග සම්බන්ධවන්න.

වෙනදා, අපි අවුරුදු කාලයේදී ගොඩක් කර්යබහුල වෙනවා.නෑගම් යන්න,තෑගි ගන්න,අලුත් ඇදුම් ගන්න,බඩුමුට්ටු ගන්න,ගේදොර ලස්සනට සරසන්න වගේ දේවල් වලට අපි ගොඩක් කාලය වැය කලා.එත් මේ සැරේ සැමරීම් හැමදෙයක්ම නවත්තලා තියෙන නිසා ආගමික කටයුතු වලට නැඹුරු වෙන්න වැඩි කාලයක් අපිට තියෙනවා .ඉතින් මේ අවුරුද්දේ වැඩි කාලයක් අරගෙන ආගමික කටයුතු සිද්ද කරන්නත් අධ්‍යාත්මික සිතුවිලි වර්ධනය කරගනිමින් අපේ සිතුවිලි තවත් යහපත් කර ගන්නත් මේක අවස්ථාවක් කරගමු.

අපේ ජීවිතය සාර්ථක කරගමු

“අලුත් අවුරුදු ” කියන්නේ ,සෞභාග්‍යයේ හා සර්ථකත්වයේ මූර්තියයි.විශේෂයෙන්ම ඍණාත්මක ආකල්ප ඇති වී තියෙන මේ අවධියක ධානාත්මක ආකල්ප ඇති කර ගෙන අපේ මානසික සෞඛ්‍ය හොදින් තියා ගන්න ඕනේ. ඒකට විශේෂයෙන්ම ඍණාත්මක ආකල්ප ඇති කරන අනවශ්‍යය පුද්ගලයින් අපි අපේ ජීවිතයෙන් ඈත් කරමු. ඒ වගේම,අපේ වෘත්තීමය ජීවිතයේ අපි සුදුසු තැන ඉන්නවාද නැද්ද කියලා විපරම් කර බලමු. මනසට පීඩා ඇති කරන දේවල් වලින් ඈත් වෙලා,අපි වැඩියෙන් උනන්දුවක් දක්වන දේවල් වල නියැලෙනවා නම් සාර්ථක හා ප්‍රීතිමත් ජීවිතයක් ගත කරන්න අපිට පුලුවන් .

පවුලේ එකමුතුකම් ගොඩනගා ගැනීම

1) බැදීම් ශක්තිමත් කර ගමු.
මේ වෙද්දි ,අපිට ඇදිරි නීතිය දලා තියෙන නිසා පවුලක් විදියට එකට ඉන්න කාලය ගොඩක් තියෙනවා.පවුලේ එක් එක්කෙනා මුහුණ දෙන ගැටළු වලට පවුලක් ලෙස විසදුම් සහ අදහස් ඉදිරිපත් කරන්නත් සහ ඒ අදහස් වලට ගරු කරමින් පවුලේ එකමුතුකම් සහ බැදීම් ශක්තිමත් කර ගන්නත් මේ කාලය අපි අවස්ථාවක් කර ගමු.

2) පවුල එක්ක අවුරුදු ක්‍රීඩා
මේ සැරේ අපිට අවුරුදු උත්සව නෑ. අපේ පවුලේ අය එක්කර ගෙන නිවස තුලම අලුත් අවුරුදු ක්‍රීඩා කරමු.ගේ ඇතුලටම වෙලා අවුරුදු සමය නිහතමානීව විද ගමු.
ගෙදර ඉදන් කොහොමද අවුරුදු ක්‍රිඩා කරන්නේ?
මෙන්න අපෙන් ඔයාලට challenge 4 ක්:

1) කොට්ට පොර
2) හැන්දා මත දෙහි ගෙඩිය තබා යෑම.
3)ඇස් බැන්දුම්.
4) අසරණ සතුන්ට ආහාර දීම.

මේ challenge කරද්දී අපිවත් (@ගැස්ම )tag කරන්න අමතක කරන්න එපා.

3) අවුරුදු කැවිලි හදමු.
“අවුරුදු කැවිලි” කියන්නේ,පරම්පරාවෙන් පරම්පරාවට අපිට දායද වුන රසවත් වගේම ප්‍රානීත රසකැවිලියි.
හුගක් පවුල් වල අච්චිගෙන් අම්මාට,අම්මාගෙන් දුවට ඒ ඒ රසකැවිලි හදන ක්‍රම පවුලකින් පවුලකට ගලා එනවා.

4) අවශ්‍යතා වලින් පෙලෙන පවුල් වලට උදවු කරමු .
” සිංහල අලුත් අවුරුදු ” කියන්නේ,ධනාත්මක සිතුවිලි ,යහපත් ආකල්ප හා සබැඳි අපූරු සමයක්.අප රටේ දැන් ගෙවී යන කාලෙත් එක්ක අවශ්‍යතාවලින් පෙලෙන ගමේ පවුල් වලට අපිට හැකි පරිදි වියළි ද්‍රව්‍ය,හොද තත්වයේ ඇදුම් සහ සනීපාරක්ෂක ද්‍රව්‍ය ,දන්තාලේප,සබන් ආදීය ලබා දෙමු.

5) පැළයක් සිටවමු
ස්භාවධර්මයම පරිසරය සුවපත් කරන අතර ,මේ අවුරුදු කාලයේ පැළයක් සිටුවා අපිට වගේම අපි අවට සිටින අයටද නැවුම් වාතය ලබා ගන්න හා වසවිස නැති පළතුරු ,එළවළු ආහරයට ගන්නට අවස්ථාවක් උදා කර ගමු.

මේ ගෙවී යන කාලය තුල කොරොනා වෛරසය නිසා යම්කිසි ඍණාත්මක බලපෑමක් ඇති වුනද, අවුරුදු සමයේ ඇති ආලෝකය හා ප්‍රීතිය අපේ හිත්වල පවත්වා ගන්න හැම මොහොතකම අපි සිතට ගමු. නැවත හමුවෙන අරමුණින් දැනට සමුගන්නම්….ඔබට, “සුභම සුභ අලුත් අවුරුද්දක් වේවා “.

සිංහල හා දෙමළ අලුත් අවුරුද්දේ කොටස් 4 ක් තිබෙන බව ඔබ දැන සිටියාද?

uthpala indrachapa

කොහාගේ කෑගැසීම, ගහකොළ මල් අලුතින්ම පිපෙන සහ නිවර්තන තාපයේ උච්චතම අවස්ථාව සිංහල හා දෙමළ අලුත් අවුරුදු ලෙස හඳුන්වනවා. මීන රාශියෙන් මේෂ රාෂියට ගමන් කරන සූර්යයා සැමරීම ලෙස ජනප්‍රිය වූ නව වසර ජ්‍යොතිෂයේ ගැඹුරට මුල් බැසගන තිබෙනවා. කාලය හා එහි අර්ථ නිරූපණයන් සමඟ සාම්ප්‍රදායිකව කොටස් හතරකට බෙදුණු උත්සවය සමකාලීන අයට තරමක් වෙනසක් ගෙන දෙනවා. නමුත් අතීතයේ සිංහල දෙමළ අවුරුද්ද සමරලා තිබෙන්නේ කොටස් හතරකට.

පරණ අවුරුද්ද

සිංහල “පැරණි” යන හේතුව නිසා මෙම උත්සවය දින දෙකක් පුරා සමරනවා. පළමු දිනය, බොහෝ විට අප්‍රේල් 13 වන දින, පැරණි වසර සමරනු ලබන අතර, ඉදිරි සමෘද්ධිමත් නව වසරක් සඳහා සූදානම් වෙනවා. අළුත් අවුරුද්ද උදාව පිළිගැනීමේ චාරිත්‍ර මේ දිනවල ආරම්භ වන්නේ පැරණි වසර සඳහා ස්නානය කිරීමෙන් සහ එදිනම රාත්‍රියේ සඳ බැලීමෙන් පසුවයි.

නොනගතය

නව ජෝර්ජියානු දින දර්ශනයේ දෙසැම්බර් 31 වනදා වසර අවසානය තීරණය කරන අතර අලුත් අවුරුද්ද ජනවාරි 1 වන දිනට යෙදී තිබෙනවා. නමුත් සාම්ප්‍රදායික සිංහල හා දෙමළ අලුත් අවුරුද්ද ආරම්භ වන්නේ ජ්‍යෝතිෂ ගණනය කිරීම් අනුව තීරණය වන සුබ වේලාවක ය. පැරණි වර්ෂයේ අවසානය හා නව වසර ආරම්භය සිදුවන්නේ පැය කිහිපයක් දුරින් . සූර්යයා ජ්‍යොතිෂ සීමාවන් ඉක්මවා යන කාලය ලෙසද මෙය නිරීක්ෂණය කෙරෙනවා.

මෙම හරස් මාර්ගයේ මධ්‍ය ලක්ෂ්‍යය “උදාසීන කාල පරිච්ඡේදයක්” ලෙස හැඳින්වෙනවා. වාචිකව “නොනගතේ” ලෙස හැඳින්වෙනවා. එය සියලු භෞතිකවාදී සීමාවන් පිරිසිදු කිරීමේ කාල පරිච්ඡේදයයි.

මෙම කාලය තුළ ආගමික පිළිවෙත් සිදුකරනු කරනු ලැබෙනවා. මෙම කාල පරිච්ඡේදය තුළ ශුභදායක වේලාවන් නොමැති බව විශ්වාස කරන හේතුව නිසා ආහාර පිසීම සහ පිරිසිදු කිරීම වැනි වෙනත් කාර්යයන් කිසිවක් සිදුකරන්නේ නැහැ.

අලුත් අවුරුද්ද

අලුත් අවුරුද්ද උදාව නැවතත් සුබ කාලය ලැබීම සැමරීමේ මොහොතයි. අලුත් අවුරුද්ද උදාවත් සමග සාම්ප්‍රදායික චාරිත්‍ර දවස පුරා එකින් එක සිදු වේ. නැවුම් කිරි බඳුනක් සාදා උත්සවශ්‍රීයෙන් ආහාර ගැනීම, මිතුරන් හා පවුලේ අය හමුවීම සහ ධනාත්මක සිතුවිලි වලින් තමන්වම පරිවර්තනය කර ගැනීම අලුත් අවුරුද්දේ දී සිදුවෙයි. එය අලුත් අවුරුද්දේ සැබැ අරුතයි.

අලුත් අවුරුද්ද සම්බන්ධයෙන් විවිධ කතා හා විශ්වාසයන් පැවත එනවා. එවැනි එක් කතාවක් තමයි රාජකීය ඇඳුමින් සරසා ඇති අලුත් අවරුදු කුමාරයා පැමිණීම වසර සඳහා පවරා ඇති වර්ණයට සමපාත වීමයි. ඔහුගේ පැමිණීම යනු අලුත් අවුරුද්ද දැන් මෙහි පැමිණ ඇති බවයි.

තෙල් අවුරුද්ද

හිසතෙල් ගෑම ඈත අතීතය දක්වා දිවෙන චාරිත්‍රයක්. ඉතිහාසඥයින්ට අනුව, බොහෝ චාරිත්‍ර වාරිත්‍ර පසුගිය වසරේ මෙම අංගය වටා භ්‍රමණය වී තිබෙනවා. ඉන් එකක් නම් බුද්ධ ප්‍රතිමා ඔටුන්න මත තෙල් ආලේප කිරීමයි.

තෙල් අවුරුද්ද සෞඛ්‍යය හා සමෘද්ධිය සංකේතවත් කරනවා.

සාම්ප්‍රදායික නව වසර අස්වනු නෙළීමේ සමයට සමගාමීව බොහෝ චාරිත්‍ර වාරිත්‍ර හා උත්සව බිහි කළේය. කෙසේ වෙතත්, ක්‍රි.පූ 3 වන සියවසේ බුද්ධාගමේ පැමිණීම උත්සවයේ චාරිත්‍ර හා උත්සව විවිධාකාරයෙන් නැවත අර්ථකථනය කළේය. හින්දු ධර්මය බුද්ධාගම සමග පැත්තෙන් පැවතුන අතර එහි මූලධර්ම බුද්ධාගමේ දර්ශනවාදයන්ට සමාන්තරව දිව ගියේය. ඒ දෙවියන්ගේ අර්ථ නිරූපණය, විමුක්තිය ළඟා කර ගත හැකි ක්‍රම සහ නිර්වාණ සංකල්පය වැනි ඇතැම් සත්‍යයන් හැර. එසේ වුවද, දෙමළ ප්‍රජාව ද මිථ්‍යා කථා හා වර්ණවත් සම්ප්‍රදායන්හි සුන්දරත්වය අලුත් අවුරුද්ද මගින් සමරයි. ඒ නිසා සිංහල හා දෙමළ අලුත් අවුරුද්ද අපේ ආදිවාසී අතීතය, ජ්‍යෝතිෂය මත රඳා පැවතීම, මිථ්‍යා විශ්වාස මෙන්ම හින්දු හා බෞද්ධ විශ්වාසයේ සැමරුමක් ලෙස සැලකේ.

සමාජ මාධ්‍ය ඔබටත් හොරෙන්ම ඔබේ මානසික සෞඛ්‍යයට බලපෑම් ඇති කරනවාද ?

Editorial

මොහොතක් සිතන්න.., පසුගිය සති දෙකක කාලය තුළ ඔබ කොපමණ වාර ගණනක් සමාජ මාධ්‍ය තුළ සැරිසැරුවාද?..අප සිටින්නේ covid-19 වෛරසය ව්‍යාප්ත වීම හා සම්ප්‍රේෂණය වළක්වා ගැනීමට ඇදිරි නීතීය පනවා ඇති අවධියකයි. අප සියලු දෙනාටම නිවෙස් තුළම රැඳී සිටිමට සිදුවී තිබෙනවා. මේ කාලය තුළ ඇතිවන පාළුව හා කාන්සිය මගහරවා ගැනීමටත් ජීවිතයට නව ප්‍රබෝධයක් සහ ආශ්වාදයක් ලබා ගැනීමටත් සමාජ මාධ්‍ය වැඩි වශයෙන් පරිහරණයට අපි හුරුවී සිටිනවා. විවිධ පුද්ගලයන්ගේ අදහස් , තොරතුරු පරිශීලනය කිරීමට හා තමන්ගේ අදහස් බෙදාගැනීමටද මෙමගින් අවස්ථාව උදාවෙනවා. මේ දිනවල පුද්ගලයන් විසින් තමන් නිවසේ සිට සිදුකළ දේවල් එනම්.. සාදනු ලැබු විවිධ රසකැවිලි වර්ග, ව්‍යායාම් ක්‍රම,යෝගා ක්‍රියාකාරකම් , කියවනු ලැබු පොත්පත්, ඔවුන් විසින් ලියනු ලැබු කවි හො අදහස් වැනි දෑ අන්අය අතරේ සමාජ මාධ්‍ය හරහා බෙදාගැනීමට නැඹුරු වී තිබෙනවා. මේ අතර තවත් පිරිසක් තමන් කරන දේ අත්හදා බලන ලෙස පවසමින් අන් අයව උනන්දු කරවනවා.

සමාජ මාධ්‍යයේ අදුරු පැතිකඩ

සමාජ මාධ්‍යයන් බැලූ බැල්මට යහපත් බව පෙනුනත් අප මතක තබා ගත යුතු කරුණක් වන්නේ, ඒ තුලින් අපේ සිතුවිලි වලට ඍණාත්මක බලපෑමක් එල්ල කිරීමට හැකියාවක් ඇති බව. සිතන්න!….කෙනෙකු ඔහුගේ හෝ ඇයගේ සමාජ මාධ්‍ය ගිණුම හරහා තමා කරනු ලබන ව්‍යායාම් ක්‍රියාකාරකම් පටිගත කිරීමක් ලෙස හෝ සජීවී ලෙස සමාජ මාධ්‍ය හරහා වරින් වර බේදාගන්නේ නම් එවැනි අවස්ථාවකදී ඔබට ඔබ පිළිබඳවම ප්‍රශ්නාර්ථයක් ඇති විය හැකී, එනම්” ඇයි මට මෙයා වගේම කරන්න බැරි? ” ….
මෙවැනි අවස්ථා මගින් පිළිබිඹු වන්නේ යම්කිසි කෙනෙක් සමාජ මාධ්‍ය හරහා කරනු ලබන දේවල් දැකීමෙන් එවා කිරීමට අභිප්‍රායක් ඇති වනවාසේම අප නොදැනුවත්වම අප පිළිබඳව අවතක්සේරුවක් ඇති කර ගැනීමට එයම හේතුවක් විය හැකි බවයි. තමන් ගැන නැවත නැවත මෙලෙස සිතීමට ඉඩ හැරිමෙන් මානසික ව්‍යාකූලතා වලට පත්වීමට පවා ඉඩ තිබෙනවා. මානසික ආතතිය ,විෂාදය වැනි මානසික ගැටළු ඇති පුද්ගලයින්ට එම බලපෑම වැඩියී.

මෙවැනි සිතුවිලි සමග පොරබදිමින් ඔබත් පීඩා විදිනවා නම්, මේ ගැන සිතන්න …..
පුද්ගලයින් සමාජ මාධ්‍ය හරහා බේදාගන්නේ, ඔවුන් තෘප්තිමත් වූ දේවල් සහ ඔවුන්ගේ හැකියාවන් . එය සෑම කෙනෙකුටම පොදු තත්ත්වයක් නොවේ. ඊට හේතුව,අපි එකිනෙකාට වෙනස් .අපි එකිනෙකාට විවිධ කුසලාතා පිහිටා තිබෙනවා .එක් පුද්ගලයෙක් එක් කාර්යකට දක්ෂ විය හැකි නුමුත් තව පුද්ගලයෙක් එම කර්යයට දක්ෂ නැතිවෙන්න පුළුවන්. නුමුත් ඔහු වෙනම කර්යයකට දක්ෂ විය හැකියි.

ඔබ ඔබෙන්ම අහන්න.”ඔබේ මිතුරන් සහ නැදෑයින් විසින් සිදු කරන්න අකැමැති දෙයක් සිදු කරන්න කියා ඔබ පවසාවිද? ” , අනිවාර්යයෙන්ම එහි පිළිතුර “නැත” යන්නයි.
අපි සමාජ මාධ්‍ය තුල දකින සෑම දෙයක්ම කරන්න උත්සාහ නොකළ යුතුයි .විශේෂයෙන්ම එය ඔබේ ක්‍රමයට ගැලපෙන්නේ නැති නම් එය නොකර සිටීම වඩා හොඳයි. කරන දේත් ඒ ආකාරයෙන්ම සිදු කරන්න ඔබට නොහැකි නම් කනස්සලු නොවී ඔබට පුලුවන් ලෙස එය සිදු කරන්න. එය එසේ කරත් සාර්ථක නොවුනේ නම් එය අමතක කරන්න .විරාමයක් ගන්න, සුව නින්දක් ලබා ගන්න, විවේකයක් ගන්න, සමාජ මාධ්‍යයන් තුල දකින පුද්ගලයින් සමග අපේ ජීවිත සංසන්දනය කිරීමට යැමෙන් අප අපවම අවතක්සේරු කර ගන්නවට වඩා තමන්ගේ ජීවිතයට ලැබී තිබෙන ආශිර්වාද මතක් කර ගන්න. ඔබ සතුටු වන දේවල්, ඔබට සම්පුර්ණයැයි හැගෙන දේවල් ,ඔබගේ ආත්ම විශ්වාසය වැඩි වන දේවල් පමණක් කරන්න නිතරම සිතට ගන්න.

1...333435...41 Page 34 of 41